ᑎᐱᑦ ᐅᓂᑭᒧᐅᓇ 27
27
Psalm 27:1, 4-9 (Epiphany-3 Year A)
Psalm 27 (Lent-2 Year C)
1ᑎᐸᔨᒋᒐᓱᐤ ᐊᐅᒄ ᓂᐛᔅᑕᐅᓐ ᑭᔭ ᓂᐱᒪᒋᐃᑯᓯᐅᓐ;
ᐊᐛᓐ ᒐ ᑯᔅᐸᓇᔨᒥᒃ ?
ᑎᐸᔨᒋᒐᓱᐤ ᑲ ᐅᒋ ᒥᔅᑯᐛᒡ ᓂᐱᒪᑎᓯᐅᓐ;
ᐊᐛᓐ ᒪᒃ ᒐ ᑯᔅᑎᒃ ?
2ᐃᔅᐱ ᐅᒥᒋᑥᐅᒡ, ᑲ ᐛᐧᑲᓯᒡ ᑭᔭ ᑲ ᓂᑐᐱᔨᒡ ᐅᑦ, ᐱᔭᒋ ᓇᓯᒡ ᒐᒋ ᒋᑕᒡ ᓂᔭᓯᔪᐤ,
ᒋ ᐱᓱᓯᓄᐅᒡ ᑭᔭ ᒋ ᐸᒋᓯᓄᐅᒡ᙮
3ᐊᑎ ᐅᓂᑐᐱᔪᐅ-ᐃᔪᒡ ᐊ ᒥᒐᑎᒡ ᑲ ᐸᒋ ᓂᑐᐱᔨᒡ,
ᓇᒪᐎᔾ ᓂᑭ ᓴᑯᑕᓐ:
ᐊᑎ ᓂᑐᐱᔪᐅᓐ ᐱᓯᑯᔅᑕᑯᔭᓇ,
ᐅᔭ ᓂᑭ ᒐᔅᑎᓇᑕᔨᑕᓐ᙮
4ᐸᐃᒄ ᒐᒂᔪᐤ ᓂᑭ ᐱᑯᓴᔨᒪᐤ ᑎᐸᔨᒋᒐᓱᐤ, ᐊᐅᒄ ᒐ ᓇᓂᑐᐛᔨᑎᒪᓐ;
ᒐᒋ ᐎᒍᐅᒡ ᑎᐸᔨᒋᒐᓱᐤ ᐎᒋᒡ ᒐ ᐃᔅᐱᔅ ᐱᒪᑎᓯᔭᓐ,
ᒐᒋ ᑭᓄᐛᐸᑎᒧᒡ ᐅᒥᔪᓇᑯᓯᐅᓐ ᑎᐸᔨᒋᒐᓱᐤ,
ᑭᔭ ᒐᒋ ᐊᔭᒥᐊᔭᓐ ᐅᒋᓴᐊᔭᒥᐊᐅᒋᐛᐱᒡ᙮
5ᐛᔅ ᒪᒂᒡ ᐊ ᐊᔨᒥ ᒋᓯᑲᔨᒡ ᓂᑭ ᑲᔨᒄ ᐎᒋᒡ:
ᐊᓐᑕ ᐊᑲᓱᓇᑯᓂᔨᒡ ᐅᑦ ᐊᔭᒥᐊᐅᒋᐛᐱᒥᒡ ᓂᑭ ᑲᔨᒄ;
ᓂᑭ ᑕᑕᔨᒄ ᒪᒃ ᑕᐧᑯᒡ ᒋᔅᑕᐱᔅᑯᒡ᙮
6ᐊᑯ ᓂᔅᑎᒂᓐ ᐸᔅᒡ ᒋᑭ ᐅᐱᓇᑭᓄᐤ ᐃᔅᐱᔅ ᑲ ᐛᐧᑲᓯᒡ ᑲ ᐛᔅᑲᔅᑯᐅᒡ:
ᐊᐅᒄ ᐅᒋ ᓂᑭ ᐱᔅᑎᓂᒐᓐ ᐊᔭᒥᐊᐅᐱᒍᐎᔭᓂᒋᐛᐱᒡ ᒥᔽᔨᑎᒧᐅ ᐱᔅᑎᓂᒐᐅᓐ;
ᓂᑭ ᓂᑭᒧᓐ, ᓂᐦᐃ ᐊ ᓂᑭᒧᔭᓐ ᓂᑭ ᒪᒥᒋᒪᐤ ᑎᐸᔨᒋᒐᓱᐤ᙮
7ᓂᑐᑕ, ᐅ ᑎᐸᔨᒋᒐᓱᐤ, ᐱᔭᑕᑯᓯᔭᓂ:
ᒋᔅᑎᒪᒐᔨᒥ ᑭᔭ, ᓂᔅᑯᒥ ᑭᔭ᙮
8ᐃᔅᐱ ᑲ ᐃᔅᒋᔄᔨᓐ, “ᓇᓂᑐᐛᐸᑎᒧᒄ ᓂᑕᔅᑎᒥᐧᒄ,”
ᓂᑕᐃ ᔅᒋ ᐃᑎᑯᓐ, “ᒋᑕᔅᑎᒥᐧᒄ, ᑎᐸᔨᒋᒐᓱᐤ, ᓂᑭ ᓇᓂᑐᐛᐸᑕᓐ᙮”
9ᐊᑲᐎᔾ ᑲᓱᔅᑐᐎ;
ᐊᑲᐎᔾ ᐛᐱᓐ ᒋᑦ ᐊᑐᔅᒐᔭᑭᓐ ᒋ ᒋᐛᓱᐅᓂᒡ:
ᔅᒋ ᐎᒋᐃᔨᓐ:
ᐊᑲᐎᔾ ᓂᑭᓯ, ᐊᑲ ᑭᔭ ᐛᐱᓂ,
ᐅ ᓂᐱᒪᒋᐃᑯᓯᐤ ᒋᓴᒪᓂᑐᒻ᙮
10ᐃᔅᐱ ᓄᑕᐎᔾ ᑭᔭ ᓂᑲᐎᔾ ᐛᐱᓂᑥᐛ, ᐊᑯ ᑎᐸᔨᒋᒐᓱᐤ ᒐ ᐅᑎᓂᑦ᙮
ᐃᔅᐱ ᓄᑕᐎᔾ ᑭᔭ ᓂᑲᐎᔾ ᓂᑭᓯᑥᐛ, ᑲ ᑎᐸᔨᒋᒐᑦ ᓂᑭ ᐅᑎᓂᒄ᙮
11ᒋᔅᒋᓄᐊᒧᐎ ᒋᑦ ᐃᓯᑥᐅᓐ, ᐅ ᑎᐸᔨᒋᒐᓱᐤ,
ᒋᔅᒋᓄᑕᐃ ᒪᒃ ᑯᐃᔅᒄ ᒪᔅᑭᓇᒡ, ᑲ ᐛᐧᑲᓯᒡ ᐅᒋ᙮
12ᐊᑲᐎᔾ ᐱᔅᑎᓂ ᒐᒋ ᐃᑐᑐᐎᒡ ᐊ ᐃᑕᔨᑕᒡ ᑲ ᐛᐧᑲᓯᒡ:
ᐛᔅ ᐅᑭᑭᒋᔭᐛᑕᒋᒧᐅᒡ ᓂ ᐱᓯᑯᔅᑕᑯᒡ,
ᐊᓐᒡ ᑭᔭ ᑲ ᔭᔭᑐᑕᒡ ᐊᐧᑲᑎᓯᐅᓂᔪᐤ᙮
13ᓂᑭ ᒋ ᓄᑕᓯᓐ ᐃᔅᐱᔅ ᐊᑲ ᐅᒋ ᑕᑈᑎᒧᐛᐸᓇ,
ᒐᒋ ᐛᐸᑎᒧᒡ ᐅᒥᔽᑎᓯᐅᓐ ᑎᐸᔨᒋᒐᓱᐤ ᐅᑦ ᐊᔅᒋᐛᒡ ᑲ ᐱᒪᑎᓯᒡ᙮
14ᐊᓯᓄᐛᐃᐧᒄ ᑎᐸᔨᒋᒐᓱᐤ;
ᓱᒋᑕᐊᒄ, ᒋᑭ ᐊᔨᒋᑕᐤ ᒪᒃ ᒋᑕᐃᔪᐛᐛ᙮
ᐊᓯᓄᐛᐃᐧᒄ ᑎᐸᔨᒋᒐᓱᐤ, ᓂᑦ ᐃᔅᒋᔄᓐ᙮
Currently Selected:
ᑎᐱᑦ ᐅᓂᑭᒧᐅᓇ 27: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
