ᑎᐱᑦ ᐅᓂᑭᒧᐅᓇ 18
18
1ᒋᑭ ᓴᒋᐃᑎᓐ, ᐅ ᑎᐸᔨᒋᒐᓱᐤ, ᓂ ᒥᔅᑯᐅᓯᐅᓐ᙮
2ᑎᐸᔨᒋᒐᓱᐤ ᓂᒋᔅᑕᐱᔅᑯᒻ, ᑭᔭ ᓂᓂᑐᐱᔪᐅᒋᐛᐱᒻ, ᑭᔭ ᓂᐱᒪᒋᐃᐛᒻ;
ᓂᒋᓴᒪᓂᑐᒻ, ᓂ ᒥᔅᑯᐅᓯᐅᓐ ᐊᓐ ᑲ ᒪᒥᓯᑐᑐᐅᒃ;
ᓂᑦ ᐊᒂᓇᐅᓱᐛᑭᓐ, ᑭᔭ ᓂᐱᒪᒋᐃᑯᓯᐤ ᐊᔅᑭᓐ, ᑭᔭ ᓂ ᒋᒋ ᐊᓱᐛᐳᐅᓐ᙮
3ᓂᑭ ᑕᑈᑕᐤ ᑎᐸᔨᒋᒐᓱᐤ ᑲ ᑕᑈᐅᒐᔨᑕᑯᓯᑦ ᒐᒋ ᒪᒥᒋᒪᑭᓄᐅᑦ:
ᐊᑯ ᒪᒃ ᒐ ᐱᒪᒋᐃᑯᐅᔭᓐ ᐊᓐᒡ ᑲ ᐛᐧᑲᓯᒡ ᐅᒡ᙮
4ᐊ ᐃᓯ ᐊᔨᒥᐃᐛᒡ ᓂᐳᐅᓂᒡ ᓂᒋ ᐛᔅᑲᔅᑲᑯᓐ,
ᑭᔭ ᑲ ᒥᒐᑎᒡ ᐊᑲ ᒥᔽᔨᑕᑯᓯᒡ ᐃᔪᒡ ᓂᒋ ᓴᒋᐃᑯᒡ᙮
5ᐊ ᐃᓯ ᑯᒂᑕᒐᔨᑕᒂᒋ ᒋᐱ ᐊᔅᒋᒡ ᓂᒋ ᐛᔅᑲᔅᑲᑯᓐ:
ᓂᐳᐅᓂ ᓇᒂᓇ ᓂᒋ ᐅᑎᑎᑯᓐ᙮
6ᓂᑦ ᐊᔨᒥᓯᐅᓂᒡ ᓂᒋ ᑕᑈᑕᐤ ᑎᐸᔨᒋᒐᓱᐤ,
ᑭᔭ ᓂᒋ ᒧᔎᑕᐤ ᓂᒋᓴᒪᓂᑐᒻ:
ᓂᒋ ᐸᑕᒄ ᒪᒃ ᐅᐸᔭᒋ-ᐊᔭᒥᐊᐅᒋᐛᐱᒡ ᐅᒡ,
ᑭᔭ ᒋ ᐅᑎᑎᑯᐤ ᓂᒪᐅᓂᔪᐤ, ᐎᑐᑲᒡ ᐅᑦ᙮
7ᐊᑯ ᐊᔅᒋᔾ ᒂᔅᑯᐱᔨᒡ ᑭᔭ ᓂᔭᓇᒥᐱᔨᒡ;
ᑲ ᐅᒋ ᒥᔅᑯᐛᒋ ᐱᔅᑯᑎᓇᐛ ᒋ ᐊᔭᒋᐱᔪᐛ ᑭᔭ ᒋ ᑯᔅᑯᐱᔪᐛ,
ᐊᒋ ᐊᐧᑯᔪᐛᓯᑦ᙮
8ᐅᑕᔨᑯᒥᒡ ᒋ ᐅᑕᐸᑕᔪᐤ,
ᑭᔭ ᐃᔅᑯᑕᔪᐤ ᐅᑐᓂᒡ ᐅᒋ ᒋ ᓂᓱᐅᓇᒋᐃᐛᒪᑭᓂᔪᐤ:
ᑲᒋᑕᐛ ᒋ ᐃᔎᓯᑲᑕᐛ ᐊᓂᔭᔪᐤ ᐅᒡ᙮
9ᒋ ᑕᐸᑎᓂᒻ ᒋᓯᒂ ᒪᒃ, ᑭᔭ ᒋ ᐸᒋ ᔭᓯᐤ:
ᒋ ᐅᓂᑎᐱᔅᑲᐃᔪᐤ ᒪᒃ ᓯᐸ ᐅᓯᑎᒡ᙮
10ᒋ ᑕᑎᐳᐤ ᒪᒃ ᒐᕋᐱᒡ, ᑭᔭ ᒋ ᐱᒥᔭᐤ:
ᓂᐦᐃ, ᒋ ᐱᒥᔭᐤ ᐊᐅᑎᑎᒂᓂᔨᒡ ᔪᑎᓂᔪᐤ᙮
11ᒋ ᐅᒋᒧᑦ ᐅᑎᑕᐅᓂᑎᒻ ᐊᓐᑕ ᐊ ᐅᓂᑎᐱᔅᑲᔨᒡ,
ᒋ ᐅᒥᒋᐛᐱᒧᐤ ᐅᓂᑎᐱᔅᑲᐎ ᓂᐱᔭ, ᑭᔭ ᐊᔅᐱᑭᔅᑯᓂᔨᒡ ᒋᓯᑯᒡ᙮
12ᐊ ᐛᓴᔭᔨᒡ ᑲ ᓂᑲᓂᐸᔨᔅᑕᑯᑦ ᐅᒋᔅᐸᑲᔅᑯᓂᒡ ᒋᓯᑯᒡ ᒋ ᐎᒪᐱᔪᐛ,
ᓴᓴᑲᓯᓂᔭ ᑭᔭ ᐃᔅᑯᑕᐤ ᑲᔅᑕᐛ᙮
13ᑎᐸᔨᒋᒐᓱᐤ ᑭᔭ ᒋ ᐅᓂᒥᔅᒋᒐᐤ ᒋᓯᑯᒡ,
ᒪᐅᒡ ᒋᔅᑎᓯᑦ ᒋ ᐸᑕᑯᓱᐤ;
ᓴᓴᑲᓯᓂᔭ ᑭᔭ ᐃᔅᑯᑕᐤ ᑲᔅᑕᐛ᙮
14ᓂᐦᐃ, ᒋ ᐃᑎᓴᐛᐤ ᐅᑦ ᐊᑭᔎ, ᑭᔭ ᒋ ᐛᓴᔄᑎᓴᐛᐤ:
ᒋ ᐱᒧᑕᒂᒐᐤ ᐊ ᐛᔅᑕᐱᔨᔨᒡ, ᑭᔭ ᒋ ᓴᐧᑯᒋᐊᐤ᙮
15ᐊᑯ ᐃᑕᒥᐸᑯᒡ ᑲ ᓄᒂᒡ,
ᑭᔭ ᐊᓐᑕ ᐊᓱᐧᑲᔅᑕᒡ ᐊᔅᒋᔾ ᑲ ᓄᒂᒡ ᐊ ᒋᑐᑎᒥᓐ, ᐅ ᑎᐸᔨᒋᒐᓱᐤ,
ᐊ ᒋᔅᑎᒡ ᒋᔭᔭᐅᓐ ᒋᑕᔨᑯᒥᒡ᙮
16ᐃᔅᐱᒥᒡ ᒋ ᐅᒋ ᐸᒋᑎᓴᐅᐛᐤ,
ᓂᔾ ᓂᒋ ᐅᑎᓂᒄ ᒪᒃ,
ᒥᒐᑦ ᓂᐱᔭ ᓂᒋ ᐅᒋ ᐎᐎᐱᑎᒄ᙮
17ᓂᒋ ᐱᒪᒋᐃᒄ ᑲ ᐛᐧᑲᓯᑦ ᐅᒋ ᑲ ᒥᔅᑯᐅᓯᑦ,
ᐊᓐᒡ ᑭᔭ ᑲ ᐛᐧᑲᓯᒡ ᐅᒡ:
ᐛᔅ ᐅᓴᒻ ᒋ ᒥᔅᑯᐅᓯᐅᒡ ᓂᔾ ᒐᒋ ᒋ ᓴᐧᑯᒋᐊᒂᐤ᙮
18ᓂᒋ ᐅᑎᒥᐃᑯᒡ ᓂ ᑯᒂᑕᒋᓱᐎ ᒋᓯᑲᒥᒡ,
ᒪᒃ ᑎᐸᔨᒋᒐᓱᐤ ᓂᒋ ᓯᑐᓂᒄ᙮
19ᓂᑭ ᐸᒋ ᐃᑐᑕᐃᒃ ᑭᔭ ᐊᓐᑕ ᐊ ᒥᓴᔨᒡ:
ᓂᒋ ᐱᒪᒋᐃᒄ, ᐊᒋ ᒥᔽᔨᒥᑦ᙮
20ᑎᐸᔨᒋᒐᓱᐤ ᓂᒋ ᑎᐸᐊᒪᒃ ᐊ ᐃᓯ ᑯᐃᔅᑯᑕᑎᓯᔭᓐ;
ᐊ ᐃᓯ ᐸᔭᒋᒋᒐᔭᓐ ᓂᒋ ᑕᐱ ᒥᔨᒃ᙮
21ᐛᔅ ᓂᒋ ᑭᓄᐛᔨᑎᒺᓐ ᐅᑦ ᐃᓯᑥᐅᓇ ᑎᐸᔨᒋᒐᓱᐤ,
ᓇᒪ ᑭᔭ ᓂ ᐅᒋ ᐸᒋ ᓂᑭᑕᐤ ᓂᒋᓴᒪᓂᑐᒻ᙮
22ᐛᔅ ᒥᓯᐛ ᐅᑎᐸᔅᑯᓂᒐᐅᓇ ᓂᒋ ᐅᑎᔅᑲᐎᔅᑲᑯᐛᓐ,
ᓇᒪ ᑭᔭ ᓂᒋ ᐃᑲᑕᔅᑎᒪᓱᐛᓐ ᐅᑦ ᐃᑎᓱᐛᐅᓇ᙮
23ᓂᒋ ᑯᐃᔅᑯᑕᑎᓯᔅᑐᐛᐤ ᑭᔭ,
ᐊᓯᒡ ᑭᔭ ᓂᒋ ᓇᑲᓂᑎᓱᓐ ᓂᒥᒐᑎᓯᐅᓂᒡ ᐅᒡ᙮
24ᐊᐅᒄ ᐅᒋ ᑎᐸᔨᒋᒐᓱᐤ ᓂᒋ ᑎᐸᐊᒪᒃ ᐊ ᐃᓯ ᑯᐃᔅᑯᑕᑎᓯᔭᓐ,
ᐊ ᐃᓯ ᐛᐸᑕᐧᒃ ᐊ ᐸᔭᒋᔅᑕᒐᔭᓐ᙮
25ᑲ ᓱᐛᔨᒋᒐᒡ ᒋᑭ ᓱᐛᔨᒪᐅᒡ;
ᑲ ᑯᐃᔅᑭᑎᑦ ᐃᔪᐤ ᒋᑭ ᑯᐃᔅᑯᑕᑎᓯᔅᑐᐛᐤ᙮
26ᑲ ᐸᔭᒋᓯᒡ ᒋᑭ ᐸᔭᒋᓯᔅᑐᐛᐅᒡ;
ᑭᔭ ᑲ ᐊᒂᑎᓯᒡ ᒋᑭ ᐊᒂᑎᓯᔅᑐᐛᐅᒡ᙮
27ᐛᔅ ᒋᑭ ᐱᒪᒋᐊᐅᒡ ᑲ ᐊᔨᒥᑯᒡ ᒐᒂᔪᐤ ᐃᔪᒡ;
ᒪᒃ ᒋᑭ ᓂᒋᐛᐱᓇᓐ ᐃᔅᐱᑕᐃᒥᑎᓱᐅᓐ᙮
28ᐛᔅ ᒋᑭ ᓯᔅᑲᐊᓐ ᓂᐛᔅᑕᓂᐱᒪᑭᓐ:
ᑎᐸᔨᒋᒐᓱᐤ ᓂᒋᓴᒪᓂᑐᒻ ᒋᑭ ᐛᔅᑕᓂᒻ ᓂ ᐅᓂᑎᐱᔅᒋᓯᐅᓂᔪᐤ᙮
29ᐛᔅ ᒋᔾ ᐅᒋ ᓂᒋ ᓴᐳᔅᑯᐛᐅᒡ ᓂᑐᐱᔪᐅ-ᐃᔪᒡ;
ᓂᒋᓴᒪᓂᑐᒻ ᐅᒋ ᒪᒃ ᓂᒋ ᐸᔅᒋᒂᔅᑯᑎᓐ ᒪᓂᑭᓂᒡ᙮
30ᒋᓴᒪᓂᑐᐤ ᒪᒃ, ᐸᔭᐧᑭᓂᔪᐤ ᐅᑦ ᐃᓯᑥᐅᓐ;
ᑎᐸᔨᒋᒐᓱᐤ ᐅᑦ ᐃᔨᒧᐅᓐ ᑯᒂᒋᑕᑭᓄᐎᔪᐤ:
ᐎᔾ ᐊᐅᒄ ᐅᑦ ᐊᒂᓇᐅᓱᐛᑭᓄᐛᐤ ᒥᓯᐛ ᐊᓂᔭ ᑲ ᒪᒥᓯᑐᑕᑯᑦ᙮
31ᐛᔅ ᐊᐛᓐ ᒋᓴᒪᓂᑐᐤ ᒥᒄ ᐎᔾ ᑎᐸᔨᒋᒐᓱᐤ ?
ᐊᐛᓐ ᒪᒃ ᒐᔅᑕᐱᔅᑯᐎᑦ ᒥᒄ ᒋ ᒋᓴᒪᓂᑐᒥᓄᐤ ?
32ᒋᓴᒪᓂᑐᐤ ᐊᐅᑯᓐ ᑲ ᐱᒂᑕᐅᑦ ᒥᔅᑯᐅᓯᐅᓂᔪᐤ,
ᑭᔭ ᑲ ᐸᔭᒋᑕᑦ ᓂ ᒪᔅᑭᓇᔪᐤ᙮
33ᐃᓯᓇᑯᑕᐤ ᓂᓯᑕ ᒧᔭᒻ ᐊᑎᒂ ᐅᓯᑎᔨᐛ,
ᑭᔭ ᓂ ᑕᑕᔨᒄ ᐊᓐᑕ ᐊ ᐃᔅᐸᓇᔨᒡ᙮
34ᒋᔅᒋᓄᐊᒪᑎᒻ ᓂᑎᒋᔭ ᒐ ᐃᓯ ᓂᑐᐱᔨᒥᑭᓂᔨᒋ,
ᐃᓴᑯᐅ-ᐊᒐᐱᔾ ᒪᒃ ᓂ ᓇᑥᐱᑕᐤ᙮
35ᔅᒋ ᒥᔨᓐ ᑭᔭ ᐱᒪᒋᐃᐛᐤ ᐊᒂᓇᐅᓱᐛᑭᓐ:
ᒋᒥᔪᐅᓐ ᓂᒋ ᓯᑐᓂᑯᓐ,
ᑭᔭ ᒋ ᒋᔭᒪᐎᓯᐅᓐ ᓂᒋ ᒋᔅᑎᓯᐃᑯᓐ᙮
36ᔅᒋ ᒧᓴᔅᑕᓐ ᓂᑕᑕᑯᔅᒐᐅᓇ,
ᒐ ᐊᑲ ᒋᐃᓯᓂᔭᓐ᙮
37ᓂᒋ ᓄᓱᔅᑯᐛᐅᒡ ᑲ ᐛᐧᑲᓯᒡ,
ᓂᒋ ᐊᑎᒥᐱᔅᑐᐛᐅᒡ ᒪᒃ ᓇᒪ ᑭᔭ ᓂ ᐅᒋ ᒋᐛᑲᐳᐅᓐ ᐸᑎᒪ ᐃᔅᐱ ᒥᓯᐛ ᑲᒋ ᓂᓱᐅᓇᒋᐊᒂᐤ᙮
38ᓂᒋ ᒥᔄᑭᓂᑲᑕᐅᒡ ᐛᒋ ᐊᑲ ᑭᔅᒋᑕᒡ ᒐᒋ ᐱᓯᑯᒡ:
ᓯᐸ ᓂᓯᑎᒡ ᒋ ᐸᒋᓯᓄᐅᒡ᙮
39ᐛᔅ ᔅᒋ ᐱᒂᑕᐎᓐ ᒥᔅᑯᐅᓯᐅᓐ ᐅᒋ ᒐᒋ ᓂᑐᐱᔨᔭᓐ:
ᔅᒋ ᓴᐧᑯᒋᑎᒧᐅᓐ ᐊᓐᒡ ᑲ ᐱᓯᑯᔅᑐᐅᒡ᙮
40ᐊᓯᒡ ᑭᔭ ᔅᒋ ᒥᔨᓐ ᐅᑯᔪᐛᐛ ᑲ ᐛᐧᑲᓯᒡ;
ᒐᒋ ᓂᓱᐅᓇᒋᐊᒂᐤ ᐊᓐᒡ ᑲ ᐛᐧᑲᓯᒡ᙮
41ᒋ ᑕᑈᐅᒡ, ᒪᒃ ᓇᒪᐎᔾ ᒋ ᑕᔪᐛ ᒐ ᐱᒪᒋᐃᑯᒡ,
ᐊᑎ ᑭᔭ ᑎᐸᔨᒋᒐᓱᐛ, ᒪᒃ ᓇᒪ ᒋ ᐅᒋ ᓂᔅᑯᒥᑯᐅᒡ᙮
42ᐊᑯ ᑲ ᐱᐱᓯᐅᒂᐤ ᒧᔭᒻ ᒥᒋᒥᔅᑯᓱᐤ ᐊ ᐛᐸᔅᑎᒡ:
ᓂᒋ ᐎᔪᐎᐛᐱᓇᐅᒡ ᒧᔭᒻ ᒥᒋ ᒐᒂᓐ ᐱᒧᑕᔅᑭᓇᒡ᙮
43ᔅᒋ ᐱᒪᒋᐃᓐ ᐊᒋ ᐃᔨᐛᒧᑐᑐᐎᒡ ᐃᔪᒡ;
ᑭᔭ ᔅᒋ ᑎᐸᔨᑎᒥᐃᓐ ᐊᑲ ᐊᔭᒥᐊᒡ:
ᐃᔪᒡ ᐊᑲ ᑲ ᒋᔅᒐᔨᒥᒡ ᓂᑭ ᐊᑐᔅᑲᑯᒡ᙮
44ᐃᔅᐱ ᐸᑐᑥᐛ, ᓂᑭ ᓂᓇᐃᑕᑯᒡ,
ᒪᓐᑕᐅᒡ ᓂᑭ ᑕᑈᑎᑯᒡ᙮
45ᒪᓐᑕᐅᒡ ᒋᑭ ᐛᐱᐱᔪᐅᒡ,
ᑭᔭ ᒋᑭ ᓴᒋᓯᐅᒡ ᐅᒋᒧᑦ ᐃᑕᐅᓄᐛᒡ ᐅᒡ᙮
46ᑎᐸᔨᒋᒐᓱᐤ ᐱᒪᑎᓯᐤ;
ᒋᑭ ᐎ ᒪᒥᒋᒪᑭᓄᐤ ᓂᒋᔅᑕᐱᔅᑯᒻ;
ᐊᑯᔅ ᒪᒃ ᒋᑭ ᐃᔅᐸᔨᑕᑯᐊᑭᓄᐤ ᒋᓴᒪᓂᑐᐤ ᓂᐱᒪᒋᐃᐛᒻ᙮
47ᐎᔾ ᒋᓴᒪᓂᑐᐤ ᓂᒋ ᒋᐛᑎᐸᐊᒪᒄ,
ᑭᔭ ᐊᓐ ᑲ ᓴᐧᑯᒋᑎᒧᐅᑦ ᐃᔪᐛ᙮
48ᓂ ᐱᒪᒋᐃᒄ ᑲ ᐛᐧᑲᓯᔨᒋ ᐅᒡ:
ᓂᐦᐃ, ᒋᑦ ᐃᔅᐸᐃᑕᑯᐎᓐ ᒐᒋ ᐊᔪᐛᒋᔅᑯᐛᒂᐤ ᐊᓐᒡ ᑲ ᐱᓯᑯᔅᑐᐅᒡ;
ᔅᒋ ᐱᒪᒋᐃᓐ ᑲ ᐊᒂᑎᓯᑦ ᐃᔪᐤ ᐅᒡ᙮
49ᐊᐅᒄ ᐅᒋ ᒋᑭ ᓂᓇᔅᑯᒥᑎᓐ, ᐅ ᑎᐸᔨᒋᒐᓱᐤ, ᐊᓐᑕ ᐊ ᐃᑕᒡ ᐊᑲ ᐊᔭᒥᐊᒡ,
ᑭᔭ ᐊ ᓂᑭᒧᔭᓐ ᓂᑭ ᒪᒥᒋᑕᓐ ᒋᑦ ᐃᓯᓂᐧᑲᓱᐅᓐ᙮
50ᒋᒋ ᐎᒂᒋᐃᐛᐅᓂᔪᐤ ᒥᔭᐤ ᐅᒋᓴᐅᒋᒪᒪ,
ᑭᔭ ᓱᐛᔨᒋᒐᐅᓂᔪᐤ ᐛᐸᑎᔭᐤ ᐅᑦ ᐊᐱᒋᐊᑭᓂᔪᐛ,
ᑎᐱᑕ, ᑭᔭ ᐅᑦ ᐊᐛᓯᒥᓯᔪᐛ ᑲᒋᒡ᙮
Currently Selected:
ᑎᐱᑦ ᐅᓂᑭᒧᐅᓇ 18: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᑎᐱᑦ ᐅᓂᑭᒧᐅᓇ 18
18
1ᒋᑭ ᓴᒋᐃᑎᓐ, ᐅ ᑎᐸᔨᒋᒐᓱᐤ, ᓂ ᒥᔅᑯᐅᓯᐅᓐ᙮
2ᑎᐸᔨᒋᒐᓱᐤ ᓂᒋᔅᑕᐱᔅᑯᒻ, ᑭᔭ ᓂᓂᑐᐱᔪᐅᒋᐛᐱᒻ, ᑭᔭ ᓂᐱᒪᒋᐃᐛᒻ;
ᓂᒋᓴᒪᓂᑐᒻ, ᓂ ᒥᔅᑯᐅᓯᐅᓐ ᐊᓐ ᑲ ᒪᒥᓯᑐᑐᐅᒃ;
ᓂᑦ ᐊᒂᓇᐅᓱᐛᑭᓐ, ᑭᔭ ᓂᐱᒪᒋᐃᑯᓯᐤ ᐊᔅᑭᓐ, ᑭᔭ ᓂ ᒋᒋ ᐊᓱᐛᐳᐅᓐ᙮
3ᓂᑭ ᑕᑈᑕᐤ ᑎᐸᔨᒋᒐᓱᐤ ᑲ ᑕᑈᐅᒐᔨᑕᑯᓯᑦ ᒐᒋ ᒪᒥᒋᒪᑭᓄᐅᑦ:
ᐊᑯ ᒪᒃ ᒐ ᐱᒪᒋᐃᑯᐅᔭᓐ ᐊᓐᒡ ᑲ ᐛᐧᑲᓯᒡ ᐅᒡ᙮
4ᐊ ᐃᓯ ᐊᔨᒥᐃᐛᒡ ᓂᐳᐅᓂᒡ ᓂᒋ ᐛᔅᑲᔅᑲᑯᓐ,
ᑭᔭ ᑲ ᒥᒐᑎᒡ ᐊᑲ ᒥᔽᔨᑕᑯᓯᒡ ᐃᔪᒡ ᓂᒋ ᓴᒋᐃᑯᒡ᙮
5ᐊ ᐃᓯ ᑯᒂᑕᒐᔨᑕᒂᒋ ᒋᐱ ᐊᔅᒋᒡ ᓂᒋ ᐛᔅᑲᔅᑲᑯᓐ:
ᓂᐳᐅᓂ ᓇᒂᓇ ᓂᒋ ᐅᑎᑎᑯᓐ᙮
6ᓂᑦ ᐊᔨᒥᓯᐅᓂᒡ ᓂᒋ ᑕᑈᑕᐤ ᑎᐸᔨᒋᒐᓱᐤ,
ᑭᔭ ᓂᒋ ᒧᔎᑕᐤ ᓂᒋᓴᒪᓂᑐᒻ:
ᓂᒋ ᐸᑕᒄ ᒪᒃ ᐅᐸᔭᒋ-ᐊᔭᒥᐊᐅᒋᐛᐱᒡ ᐅᒡ,
ᑭᔭ ᒋ ᐅᑎᑎᑯᐤ ᓂᒪᐅᓂᔪᐤ, ᐎᑐᑲᒡ ᐅᑦ᙮
7ᐊᑯ ᐊᔅᒋᔾ ᒂᔅᑯᐱᔨᒡ ᑭᔭ ᓂᔭᓇᒥᐱᔨᒡ;
ᑲ ᐅᒋ ᒥᔅᑯᐛᒋ ᐱᔅᑯᑎᓇᐛ ᒋ ᐊᔭᒋᐱᔪᐛ ᑭᔭ ᒋ ᑯᔅᑯᐱᔪᐛ,
ᐊᒋ ᐊᐧᑯᔪᐛᓯᑦ᙮
8ᐅᑕᔨᑯᒥᒡ ᒋ ᐅᑕᐸᑕᔪᐤ,
ᑭᔭ ᐃᔅᑯᑕᔪᐤ ᐅᑐᓂᒡ ᐅᒋ ᒋ ᓂᓱᐅᓇᒋᐃᐛᒪᑭᓂᔪᐤ:
ᑲᒋᑕᐛ ᒋ ᐃᔎᓯᑲᑕᐛ ᐊᓂᔭᔪᐤ ᐅᒡ᙮
9ᒋ ᑕᐸᑎᓂᒻ ᒋᓯᒂ ᒪᒃ, ᑭᔭ ᒋ ᐸᒋ ᔭᓯᐤ:
ᒋ ᐅᓂᑎᐱᔅᑲᐃᔪᐤ ᒪᒃ ᓯᐸ ᐅᓯᑎᒡ᙮
10ᒋ ᑕᑎᐳᐤ ᒪᒃ ᒐᕋᐱᒡ, ᑭᔭ ᒋ ᐱᒥᔭᐤ:
ᓂᐦᐃ, ᒋ ᐱᒥᔭᐤ ᐊᐅᑎᑎᒂᓂᔨᒡ ᔪᑎᓂᔪᐤ᙮
11ᒋ ᐅᒋᒧᑦ ᐅᑎᑕᐅᓂᑎᒻ ᐊᓐᑕ ᐊ ᐅᓂᑎᐱᔅᑲᔨᒡ,
ᒋ ᐅᒥᒋᐛᐱᒧᐤ ᐅᓂᑎᐱᔅᑲᐎ ᓂᐱᔭ, ᑭᔭ ᐊᔅᐱᑭᔅᑯᓂᔨᒡ ᒋᓯᑯᒡ᙮
12ᐊ ᐛᓴᔭᔨᒡ ᑲ ᓂᑲᓂᐸᔨᔅᑕᑯᑦ ᐅᒋᔅᐸᑲᔅᑯᓂᒡ ᒋᓯᑯᒡ ᒋ ᐎᒪᐱᔪᐛ,
ᓴᓴᑲᓯᓂᔭ ᑭᔭ ᐃᔅᑯᑕᐤ ᑲᔅᑕᐛ᙮
13ᑎᐸᔨᒋᒐᓱᐤ ᑭᔭ ᒋ ᐅᓂᒥᔅᒋᒐᐤ ᒋᓯᑯᒡ,
ᒪᐅᒡ ᒋᔅᑎᓯᑦ ᒋ ᐸᑕᑯᓱᐤ;
ᓴᓴᑲᓯᓂᔭ ᑭᔭ ᐃᔅᑯᑕᐤ ᑲᔅᑕᐛ᙮
14ᓂᐦᐃ, ᒋ ᐃᑎᓴᐛᐤ ᐅᑦ ᐊᑭᔎ, ᑭᔭ ᒋ ᐛᓴᔄᑎᓴᐛᐤ:
ᒋ ᐱᒧᑕᒂᒐᐤ ᐊ ᐛᔅᑕᐱᔨᔨᒡ, ᑭᔭ ᒋ ᓴᐧᑯᒋᐊᐤ᙮
15ᐊᑯ ᐃᑕᒥᐸᑯᒡ ᑲ ᓄᒂᒡ,
ᑭᔭ ᐊᓐᑕ ᐊᓱᐧᑲᔅᑕᒡ ᐊᔅᒋᔾ ᑲ ᓄᒂᒡ ᐊ ᒋᑐᑎᒥᓐ, ᐅ ᑎᐸᔨᒋᒐᓱᐤ,
ᐊ ᒋᔅᑎᒡ ᒋᔭᔭᐅᓐ ᒋᑕᔨᑯᒥᒡ᙮
16ᐃᔅᐱᒥᒡ ᒋ ᐅᒋ ᐸᒋᑎᓴᐅᐛᐤ,
ᓂᔾ ᓂᒋ ᐅᑎᓂᒄ ᒪᒃ,
ᒥᒐᑦ ᓂᐱᔭ ᓂᒋ ᐅᒋ ᐎᐎᐱᑎᒄ᙮
17ᓂᒋ ᐱᒪᒋᐃᒄ ᑲ ᐛᐧᑲᓯᑦ ᐅᒋ ᑲ ᒥᔅᑯᐅᓯᑦ,
ᐊᓐᒡ ᑭᔭ ᑲ ᐛᐧᑲᓯᒡ ᐅᒡ:
ᐛᔅ ᐅᓴᒻ ᒋ ᒥᔅᑯᐅᓯᐅᒡ ᓂᔾ ᒐᒋ ᒋ ᓴᐧᑯᒋᐊᒂᐤ᙮
18ᓂᒋ ᐅᑎᒥᐃᑯᒡ ᓂ ᑯᒂᑕᒋᓱᐎ ᒋᓯᑲᒥᒡ,
ᒪᒃ ᑎᐸᔨᒋᒐᓱᐤ ᓂᒋ ᓯᑐᓂᒄ᙮
19ᓂᑭ ᐸᒋ ᐃᑐᑕᐃᒃ ᑭᔭ ᐊᓐᑕ ᐊ ᒥᓴᔨᒡ:
ᓂᒋ ᐱᒪᒋᐃᒄ, ᐊᒋ ᒥᔽᔨᒥᑦ᙮
20ᑎᐸᔨᒋᒐᓱᐤ ᓂᒋ ᑎᐸᐊᒪᒃ ᐊ ᐃᓯ ᑯᐃᔅᑯᑕᑎᓯᔭᓐ;
ᐊ ᐃᓯ ᐸᔭᒋᒋᒐᔭᓐ ᓂᒋ ᑕᐱ ᒥᔨᒃ᙮
21ᐛᔅ ᓂᒋ ᑭᓄᐛᔨᑎᒺᓐ ᐅᑦ ᐃᓯᑥᐅᓇ ᑎᐸᔨᒋᒐᓱᐤ,
ᓇᒪ ᑭᔭ ᓂ ᐅᒋ ᐸᒋ ᓂᑭᑕᐤ ᓂᒋᓴᒪᓂᑐᒻ᙮
22ᐛᔅ ᒥᓯᐛ ᐅᑎᐸᔅᑯᓂᒐᐅᓇ ᓂᒋ ᐅᑎᔅᑲᐎᔅᑲᑯᐛᓐ,
ᓇᒪ ᑭᔭ ᓂᒋ ᐃᑲᑕᔅᑎᒪᓱᐛᓐ ᐅᑦ ᐃᑎᓱᐛᐅᓇ᙮
23ᓂᒋ ᑯᐃᔅᑯᑕᑎᓯᔅᑐᐛᐤ ᑭᔭ,
ᐊᓯᒡ ᑭᔭ ᓂᒋ ᓇᑲᓂᑎᓱᓐ ᓂᒥᒐᑎᓯᐅᓂᒡ ᐅᒡ᙮
24ᐊᐅᒄ ᐅᒋ ᑎᐸᔨᒋᒐᓱᐤ ᓂᒋ ᑎᐸᐊᒪᒃ ᐊ ᐃᓯ ᑯᐃᔅᑯᑕᑎᓯᔭᓐ,
ᐊ ᐃᓯ ᐛᐸᑕᐧᒃ ᐊ ᐸᔭᒋᔅᑕᒐᔭᓐ᙮
25ᑲ ᓱᐛᔨᒋᒐᒡ ᒋᑭ ᓱᐛᔨᒪᐅᒡ;
ᑲ ᑯᐃᔅᑭᑎᑦ ᐃᔪᐤ ᒋᑭ ᑯᐃᔅᑯᑕᑎᓯᔅᑐᐛᐤ᙮
26ᑲ ᐸᔭᒋᓯᒡ ᒋᑭ ᐸᔭᒋᓯᔅᑐᐛᐅᒡ;
ᑭᔭ ᑲ ᐊᒂᑎᓯᒡ ᒋᑭ ᐊᒂᑎᓯᔅᑐᐛᐅᒡ᙮
27ᐛᔅ ᒋᑭ ᐱᒪᒋᐊᐅᒡ ᑲ ᐊᔨᒥᑯᒡ ᒐᒂᔪᐤ ᐃᔪᒡ;
ᒪᒃ ᒋᑭ ᓂᒋᐛᐱᓇᓐ ᐃᔅᐱᑕᐃᒥᑎᓱᐅᓐ᙮
28ᐛᔅ ᒋᑭ ᓯᔅᑲᐊᓐ ᓂᐛᔅᑕᓂᐱᒪᑭᓐ:
ᑎᐸᔨᒋᒐᓱᐤ ᓂᒋᓴᒪᓂᑐᒻ ᒋᑭ ᐛᔅᑕᓂᒻ ᓂ ᐅᓂᑎᐱᔅᒋᓯᐅᓂᔪᐤ᙮
29ᐛᔅ ᒋᔾ ᐅᒋ ᓂᒋ ᓴᐳᔅᑯᐛᐅᒡ ᓂᑐᐱᔪᐅ-ᐃᔪᒡ;
ᓂᒋᓴᒪᓂᑐᒻ ᐅᒋ ᒪᒃ ᓂᒋ ᐸᔅᒋᒂᔅᑯᑎᓐ ᒪᓂᑭᓂᒡ᙮
30ᒋᓴᒪᓂᑐᐤ ᒪᒃ, ᐸᔭᐧᑭᓂᔪᐤ ᐅᑦ ᐃᓯᑥᐅᓐ;
ᑎᐸᔨᒋᒐᓱᐤ ᐅᑦ ᐃᔨᒧᐅᓐ ᑯᒂᒋᑕᑭᓄᐎᔪᐤ:
ᐎᔾ ᐊᐅᒄ ᐅᑦ ᐊᒂᓇᐅᓱᐛᑭᓄᐛᐤ ᒥᓯᐛ ᐊᓂᔭ ᑲ ᒪᒥᓯᑐᑕᑯᑦ᙮
31ᐛᔅ ᐊᐛᓐ ᒋᓴᒪᓂᑐᐤ ᒥᒄ ᐎᔾ ᑎᐸᔨᒋᒐᓱᐤ ?
ᐊᐛᓐ ᒪᒃ ᒐᔅᑕᐱᔅᑯᐎᑦ ᒥᒄ ᒋ ᒋᓴᒪᓂᑐᒥᓄᐤ ?
32ᒋᓴᒪᓂᑐᐤ ᐊᐅᑯᓐ ᑲ ᐱᒂᑕᐅᑦ ᒥᔅᑯᐅᓯᐅᓂᔪᐤ,
ᑭᔭ ᑲ ᐸᔭᒋᑕᑦ ᓂ ᒪᔅᑭᓇᔪᐤ᙮
33ᐃᓯᓇᑯᑕᐤ ᓂᓯᑕ ᒧᔭᒻ ᐊᑎᒂ ᐅᓯᑎᔨᐛ,
ᑭᔭ ᓂ ᑕᑕᔨᒄ ᐊᓐᑕ ᐊ ᐃᔅᐸᓇᔨᒡ᙮
34ᒋᔅᒋᓄᐊᒪᑎᒻ ᓂᑎᒋᔭ ᒐ ᐃᓯ ᓂᑐᐱᔨᒥᑭᓂᔨᒋ,
ᐃᓴᑯᐅ-ᐊᒐᐱᔾ ᒪᒃ ᓂ ᓇᑥᐱᑕᐤ᙮
35ᔅᒋ ᒥᔨᓐ ᑭᔭ ᐱᒪᒋᐃᐛᐤ ᐊᒂᓇᐅᓱᐛᑭᓐ:
ᒋᒥᔪᐅᓐ ᓂᒋ ᓯᑐᓂᑯᓐ,
ᑭᔭ ᒋ ᒋᔭᒪᐎᓯᐅᓐ ᓂᒋ ᒋᔅᑎᓯᐃᑯᓐ᙮
36ᔅᒋ ᒧᓴᔅᑕᓐ ᓂᑕᑕᑯᔅᒐᐅᓇ,
ᒐ ᐊᑲ ᒋᐃᓯᓂᔭᓐ᙮
37ᓂᒋ ᓄᓱᔅᑯᐛᐅᒡ ᑲ ᐛᐧᑲᓯᒡ,
ᓂᒋ ᐊᑎᒥᐱᔅᑐᐛᐅᒡ ᒪᒃ ᓇᒪ ᑭᔭ ᓂ ᐅᒋ ᒋᐛᑲᐳᐅᓐ ᐸᑎᒪ ᐃᔅᐱ ᒥᓯᐛ ᑲᒋ ᓂᓱᐅᓇᒋᐊᒂᐤ᙮
38ᓂᒋ ᒥᔄᑭᓂᑲᑕᐅᒡ ᐛᒋ ᐊᑲ ᑭᔅᒋᑕᒡ ᒐᒋ ᐱᓯᑯᒡ:
ᓯᐸ ᓂᓯᑎᒡ ᒋ ᐸᒋᓯᓄᐅᒡ᙮
39ᐛᔅ ᔅᒋ ᐱᒂᑕᐎᓐ ᒥᔅᑯᐅᓯᐅᓐ ᐅᒋ ᒐᒋ ᓂᑐᐱᔨᔭᓐ:
ᔅᒋ ᓴᐧᑯᒋᑎᒧᐅᓐ ᐊᓐᒡ ᑲ ᐱᓯᑯᔅᑐᐅᒡ᙮
40ᐊᓯᒡ ᑭᔭ ᔅᒋ ᒥᔨᓐ ᐅᑯᔪᐛᐛ ᑲ ᐛᐧᑲᓯᒡ;
ᒐᒋ ᓂᓱᐅᓇᒋᐊᒂᐤ ᐊᓐᒡ ᑲ ᐛᐧᑲᓯᒡ᙮
41ᒋ ᑕᑈᐅᒡ, ᒪᒃ ᓇᒪᐎᔾ ᒋ ᑕᔪᐛ ᒐ ᐱᒪᒋᐃᑯᒡ,
ᐊᑎ ᑭᔭ ᑎᐸᔨᒋᒐᓱᐛ, ᒪᒃ ᓇᒪ ᒋ ᐅᒋ ᓂᔅᑯᒥᑯᐅᒡ᙮
42ᐊᑯ ᑲ ᐱᐱᓯᐅᒂᐤ ᒧᔭᒻ ᒥᒋᒥᔅᑯᓱᐤ ᐊ ᐛᐸᔅᑎᒡ:
ᓂᒋ ᐎᔪᐎᐛᐱᓇᐅᒡ ᒧᔭᒻ ᒥᒋ ᒐᒂᓐ ᐱᒧᑕᔅᑭᓇᒡ᙮
43ᔅᒋ ᐱᒪᒋᐃᓐ ᐊᒋ ᐃᔨᐛᒧᑐᑐᐎᒡ ᐃᔪᒡ;
ᑭᔭ ᔅᒋ ᑎᐸᔨᑎᒥᐃᓐ ᐊᑲ ᐊᔭᒥᐊᒡ:
ᐃᔪᒡ ᐊᑲ ᑲ ᒋᔅᒐᔨᒥᒡ ᓂᑭ ᐊᑐᔅᑲᑯᒡ᙮
44ᐃᔅᐱ ᐸᑐᑥᐛ, ᓂᑭ ᓂᓇᐃᑕᑯᒡ,
ᒪᓐᑕᐅᒡ ᓂᑭ ᑕᑈᑎᑯᒡ᙮
45ᒪᓐᑕᐅᒡ ᒋᑭ ᐛᐱᐱᔪᐅᒡ,
ᑭᔭ ᒋᑭ ᓴᒋᓯᐅᒡ ᐅᒋᒧᑦ ᐃᑕᐅᓄᐛᒡ ᐅᒡ᙮
46ᑎᐸᔨᒋᒐᓱᐤ ᐱᒪᑎᓯᐤ;
ᒋᑭ ᐎ ᒪᒥᒋᒪᑭᓄᐤ ᓂᒋᔅᑕᐱᔅᑯᒻ;
ᐊᑯᔅ ᒪᒃ ᒋᑭ ᐃᔅᐸᔨᑕᑯᐊᑭᓄᐤ ᒋᓴᒪᓂᑐᐤ ᓂᐱᒪᒋᐃᐛᒻ᙮
47ᐎᔾ ᒋᓴᒪᓂᑐᐤ ᓂᒋ ᒋᐛᑎᐸᐊᒪᒄ,
ᑭᔭ ᐊᓐ ᑲ ᓴᐧᑯᒋᑎᒧᐅᑦ ᐃᔪᐛ᙮
48ᓂ ᐱᒪᒋᐃᒄ ᑲ ᐛᐧᑲᓯᔨᒋ ᐅᒡ:
ᓂᐦᐃ, ᒋᑦ ᐃᔅᐸᐃᑕᑯᐎᓐ ᒐᒋ ᐊᔪᐛᒋᔅᑯᐛᒂᐤ ᐊᓐᒡ ᑲ ᐱᓯᑯᔅᑐᐅᒡ;
ᔅᒋ ᐱᒪᒋᐃᓐ ᑲ ᐊᒂᑎᓯᑦ ᐃᔪᐤ ᐅᒡ᙮
49ᐊᐅᒄ ᐅᒋ ᒋᑭ ᓂᓇᔅᑯᒥᑎᓐ, ᐅ ᑎᐸᔨᒋᒐᓱᐤ, ᐊᓐᑕ ᐊ ᐃᑕᒡ ᐊᑲ ᐊᔭᒥᐊᒡ,
ᑭᔭ ᐊ ᓂᑭᒧᔭᓐ ᓂᑭ ᒪᒥᒋᑕᓐ ᒋᑦ ᐃᓯᓂᐧᑲᓱᐅᓐ᙮
50ᒋᒋ ᐎᒂᒋᐃᐛᐅᓂᔪᐤ ᒥᔭᐤ ᐅᒋᓴᐅᒋᒪᒪ,
ᑭᔭ ᓱᐛᔨᒋᒐᐅᓂᔪᐤ ᐛᐸᑎᔭᐤ ᐅᑦ ᐊᐱᒋᐊᑭᓂᔪᐛ,
ᑎᐱᑕ, ᑭᔭ ᐅᑦ ᐊᐛᓯᒥᓯᔪᐛ ᑲᒋᒡ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada