ᑎᐱᑦ ᐅᓂᑭᒧᐅᓇ 140

140

1ᐎᒂᒋᐃ ᐅ ᑕᐸᔨᒋᒐᔨᓐ, ᒥᒋ ᐃᔪᐤ ᐅᒡ:

ᒥᑕᒂᓂᒧᐎ ᑲ ᐊᒂᑎᓯᑦ ᐃᔪᐤ ᐅᒡ;

2ᑲ ᒪᒥᑐᓇᔨᑎᒥᐃᑯᒡ ᒪᔭᔨᒐᐅᓂᔪᐤ ᐅᑕᐃᐛᒡ:

ᒧᓯᓇᐤ ᒪᐅᒋᐃᑐᐅᒡ ᒐᒋ ᓂᑐᐱᔨᒡ᙮

3ᒋ ᒋᓂᑕᐅᒡ ᐅᑕᔨᔨᐛᐛ ᒧᔭᒻ ᒥᓯᒋᓇᐱᒂ;

ᐅᑐᓄᐛᒡ ᑭᓄᐛᔨᑎᒧᒡ ᐅᐱᒋᐳᔨᐛᐅᓂᔪᐤ ᒋᓇᐱᒂ᙮

4ᑭᓄᐛᔨᒥ, ᐅ ᑎᐸᔨᒋᒐᓱᐤ, ᐅᑎᒋᐛᒡ ᐅᒥᒋᑥᐅᒡ ᐅᒡ;

ᒥᑕᒂᓂᒧᐎ ᑲ ᐊᒂᑎᓯᑦ ᐃᔪᐤ;

ᑲ ᐃᑕᔨᑕᒡ ᒐᒋ ᒂᑎᐱᐛᐸᐊᒡ ᓂ ᑕᐧᑯᔅᒐᐅᓇ᙮

5ᑲ ᒋᔅᑕᔨᒧᒡ ᓂᒋ ᑕᐱᒂᑎᑯᒡ, ᑭᔭ ᓴᔅᑎᒂᔭᐱᔭ ᒋ ᐃᑕᐊᐅᒡ;

ᒋ ᑕᔅᑲᑕᓇᐅᒡ ᐊᐃᐱᔭ ᐱᒧᑕᔅᑭᓇᒡ;

ᒋ ᐊᔅᑕᐅᒡ ᐊᔅᒋᐧᑯᒪᓇ ᐊ ᐎ ᑕᐧᑯᒧᐃᒡ᙮

6ᓂᒋ ᐃᑕᐤ ᑎᐸᔨᒋᒐᓱᐤ, “ᒋᔾ ᓂᒋᓴᒪᓂᑐᒻ᙮”

ᓂᑐᑕ ᓂᓂᑐᑎᒪᒐᐅᓇ, ᐅ ᑎᐸᔨᒋᒐᓱᐤ᙮

7ᐅ ᒋᓴᒪᓂᑐᐤ ᑎᐸᔨᒋᒐᓱᐤ, ᑲ ᐅᒋ ᒥᔅᑯᐛᒡ ᓂᐱᒪᒋᐃᑯᓯᐅᓐ,

ᔅᒋ ᐊᒂᓇᐊᓐ ᓂᔅᑎᒂᓐ ᐊ ᒪᓯᒐᐤ ᒋᓯᑲᒡ᙮

8ᐊᑲᐎᔾ ᒥᔨᒡ, ᐅ ᑎᐸᔨᒋᒐᓱᐤ, ᑲ ᐃᓯ ᐱᑯᓴᔨᒧᒡ ᐅᒥᒋᑥᐅᒡ;

ᐊᑲᐎᔾ ᐎᒋᑕᐤ ᐅᒥᒋᐃᑕᔨᑎᒧᐅᓄᐛᐤ;

ᒐ ᐊᑲ ᒋ ᐃᔅᐸᔨᑕᑯᐃᑎᓱᒡ᙮

9ᐅᔅᑕᒂᓄᐛᐛ ᒪᒃ ᐊᓐᒡ ᑲ ᐛᔅᑲᔅᑯᐅᒡ,

ᐊᑯᔅ ᒪᔭᔨᒐᐅᓂᔪᐤ ᐅᑐᓄᐛᒡ ᑲ ᐅᒋᐱᔨᒡ ᒋᑭ ᐊᒂᓇᐅᑯᐅᒡ᙮

10ᐊᑯᔅ ᐃᔅᑯᑕᐤ ᑭᔅᑕᔪᐤ ᒋᑭ ᐸᑎᑯᔅᑲᑯᐅᒡ:

ᐊᑯᔅ ᒋᑭ ᒥᑐᔅᑕᐱᔪᐅᒡ;

ᐊᔭᐅᓇᒂᑎᑲᓂᔨᒡ, ᐊᑲ ᒥᓐ ᒐᒋ ᐱᓯᑯᒡ᙮

11ᐊᑯᔅ ᐊᑲ ᐊᐛᓐ ᑲ ᒥᒋᐃᔨᒥᑦ ᒋᑭ ᐊᔨᑎᓯᐤ ᐊᔅᒋᒡ:

ᑲ ᒪᔭᑎᓂᔨᒡ ᒋᑭ ᓇᓂᑐᐛᐱᒥᑯᐤ ᑲ ᐊᒂᑎᓯᑦ ᐃᔪᐤ ᒐᒋ ᓂᓱᐅᓇᒋᐃᑯᑦ᙮

12ᓂ ᒋᔅᒐᔨᑕᓐ ᑎᐸᔨᒋᒐᓱᐤ ᒐᒋ ᓇᑎᒧᐛᑦ ᑲ ᒪᒂᐃᑎᒥᔨᒋ,

ᑭᔭ ᒐᒋ ᐛᐸᑕᐧᒃ ᑯᐃᔅᒄ ᒐᒋ ᑐᑐᐛᑭᓄᔨᒋ ᑲ ᒋᔅᑎᒪᑎᓯᔨᒋ᙮

13ᒐᔅᑎᓇᔅ ᐅᑯᐃᔅᑯᑕᑎᓯᐅᒡ ᒋᑭ ᓂᓇᔅᑯᒧᐅᒡ ᒋᑦ ᐃᓯᓂᐧᑲᓱᐅᓂᔪᐤ:

ᑲ ᑯᐃᔅᑯᑎᒡ ᒋᑭ ᐎᒋᐅᒡ ᐊᓐᑕ ᒐ ᐛᐱᒪᔅᒡ᙮

Currently Selected:

ᑎᐱᑦ ᐅᓂᑭᒧᐅᓇ 140: ᓇᔅᑲᐱ

Highlight

Copy

Want to have your highlights saved across all your devices? Sign up or sign in

ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ

Naskapi Development Corporation

Kawawachikamach, Québec G0G 2Z0 Canada

Canadian Bible Society

10 Carnforth Road, Toronto Ontario M4A 2S4 Canada

Learn More About ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ