ᑎᐱᑦ ᐅᓂᑭᒧᐅᓇ 111

111

Psalm 111 (Epiphany-4 Year B; Proper-23 Year C)

1ᒪᒥᒋᒥᐧᒄ ᑎᐸᔨᒋᒐᓱᐤ !

ᓂᑭ ᒪᒥᒋᒪᐤ ᑎᐸᔨᒋᒐᓱᐤ ᒥᓯᐛ ᓂᑕᐃᒡ,

ᐊᓐᑕ ᐊ ᒪᒧᐎᒡ ᑲ ᑯᐃᔅᑯᑎᒡ ᑭᔭ ᐊᓐᑕ ᐊ ᒪᐅᒋᐃᑐᓇᓄᐅᒡ᙮

2ᐅᑦ ᐊᑐᔅᒐᐅᓇ ᑎᐸᔨᒋᒐᓱᐤ ᒋᒋ ᐃᑕᔨᑕᑯᓂᔨᐛ,

ᐊ ᓇᓂᑐᐛᔨᑎᒥᔨᒋ ᒥᓯᐛ ᑲ ᒥᔽᔨᑎᒥᔨᒋ᙮

3ᐅᑦ ᐊᑐᔅᒐᐅᓐ ᒋᒋ ᐃᑕᔨᑕᑯᓂᔪᐤ ᑭᔭ ᒋᔅᑕᔨᑕᑯᓂᔪᐤ:

ᐅᑯᐃᔅᑯᑕᑎᓯᐅᓐ ᑭᔭ ᑲᒋᒡ ᒋᑭ ᑎᑯᓂᔪᐤ᙮

4ᒋ ᐃᓯᓇᑯᑕᐤ ᐅᒪᒥᔅᑲᒡ-ᐃᑐᐅᓇ ᒐᒋ ᒋᔅᒋᑕᑭᓄᐎᒋ:

ᑎᐸᔨᒋᒐᓱᐤ ᒋᓴᐛᑎᓯᐤ ᑭᔭ ᓴᑭᔅᒋᓇᔅᑲᑯᐤ ᒋᔅᑎᒪᒐᔨᒋᒐᐅᓂᔪᐤ᙮

5ᒋ ᐊᓴᒪᐤ ᐊᓂᔭᔪᐛ ᑲ ᓇᓂᒋᔅᑕᑯᑦ:

ᑲᒋᒡ ᒋᑭ ᒋᔅᒋᓯᐤ ᐅᓂᔅᑯᒥᑐᐅᓐ᙮

6ᒋ ᐛᐸᑎᔭᐤ ᐅᑦ ᐃᔨᒪ ᐊᔅᐱᔅ ᓱᐧᑲᑎᓯᒪᑭᓂᔨᒋ ᐅᑦ ᐊᑐᔅᒐᐅᓇ,

ᒐᒋ ᒥᔭᑦ ᐅᑎᐱᔨᐛᐅᓯᐅᓂᔪᐤ ᐊᑲ ᐊᔭᒥᐊᔨᒋ᙮

7ᐅᑦ ᐊᑐᔅᒐᐅᓇ ᐅᑎᒋᒡ ᑕᑈᐅᓄᐎᔨᐛ ᑭᔭ ᑎᐸᔅᑯᓂᒐᐅᓄᔨᐛ:

ᒥᓯᐛ ᐅᑦ ᐃᑎᓱᐛᐅᓇ ᒐᔅᑎᓇᑕᔭᔨᑕᑯᓂᔨᐛ᙮

8ᐊᔨᑎᔅᑕᔪᐛ ᑲᒋᒡ ᑭᔭ ᑲᒋᒡ,

ᑭᔭ ᑐᑕᑭᓄᐎᔨᐛ ᑕᑈᐅᓂᒡ ᑭᔭ ᑯᐃᔅᑯᑐᐅᓂᒡ᙮

9ᐱᒪᒋᐃᐛᐅᓂᔪᐤ ᒋ ᐃᑎᓴᐊᒧᐛᐤ ᐅᑦ ᐃᔨᒪ:

ᐃᑎᓱᐛᐤ ᐅᓂᔅᑯᒥᑐᐅᓐ ᑲᒋᒡ ᒐᒋ ᑎᒂᓂᔨᒡ:

ᐸᔭᐧᑭᓂᔪᐤ ᑭᔭ ᒋᔅᑕᔨᑕᑯᓂᔪᐤ ᐅᑦ ᐃᓯᓂᐧᑲᓱᐅᓐ᙮

10ᐅᓇᓂᒋᔅᑕᑯᓯᐅᓐ ᑎᐸᔨᒋᒐᓱᐤ ᐊᑯᑕ ᐛᒋ ᒋᒋᐱᔨᒡ ᑭᒐᑕᐛᔨᑎᒧᐅᓐ:

ᒥᔪ ᓂᔅᑐᑎᒧᐅᓂᔪᐤ ᐊᔭᐅᒡ ᒥᓯᐛ ᐊᓐᒡ ᑲ ᐃᑐᑎᒺᒡ ᐅᑦ ᐃᑎᓱᐛᐅᓂᔨᐛ:

ᐅᒪᒥᒋᒥᑯᓯᐅᓐ ᑲᒋᒡ ᑎᑯᓂᔪᐤ᙮

Currently Selected:

ᑎᐱᑦ ᐅᓂᑭᒧᐅᓇ 111: ᓇᔅᑲᐱ

Highlight

Copy

Want to have your highlights saved across all your devices? Sign up or sign in

ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ

Naskapi Development Corporation

Kawawachikamach, Québec G0G 2Z0 Canada

Canadian Bible Society

10 Carnforth Road, Toronto Ontario M4A 2S4 Canada

Learn More About ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ