ᑎᐱᑦ ᐅᓂᑭᒧᐅᓇ 108
108
1ᐅ ᒋᓴᒪᓂᑐᐤ, ᐅᔭᔅᑕᐤ ᓂᑕᐃ;
ᓂᑭ ᓂᑭᒧᓐ ᑭᔭ ᓂᑭ ᒪᒥᒋᒧᐛᓐ, ᓂᒋᔅᑕᔨᑕᑯᓱᐅᓐ ᐅᑎ ᐅᒡ᙮
2ᐅᓂ, ᓂᑭᒧᒋᑭᓐ ᑭᔭ ᓯᑭᓇᔭᐱᔾ ᒋᔍᐛᐱᒋᑭᓐ:
ᓂᔾ ᒋᒋᐛ ᐎᐱᒡ ᓂ ᐅᓂᓐ᙮
3ᒋᑭ ᒪᒥᒋᒥᑎᓐ, ᐅ ᑎᐸᔨᒋᒐᓱᐤ, ᐊᓐᑕ ᐊ ᐃᑕᒡ ᐃᔪᒡ;
ᑭᔭ ᐊ ᓂᑭᒧᔭᓐ ᒋᑭ ᒪᒥᒋᒥᑎᓐ ᐊᓐᑕ ᐊ ᐃᑕᒡ ᓇᓇᐧᑯᐤ ᐊ ᐃᑎᔅᑲᓇᓯᒡ ᐃᔪᒡ᙮
4ᐛᔅ ᒋᓱᐛᔨᒋᒐᐅᓐ ᐊᔪᐛᒃ ᒥᔅᑎ ᐃᑕᔨᑕᑯᓐ ᐃᔅᐱᔅ ᒋᓯᒂ;
ᑭᔭ ᒋᑕᑈᐅᓐ ᑭᔅᑯᐅᓂᒡ ᐃᔅᐱᔪᐤ᙮
5ᐃᔅᐸᔨᑕᑯᓯ, ᐅ ᒋᓴᒪᓂᑐᐤ, ᐃᔅᐱᔅ ᒋᓯᒂ;
ᑭᔭ ᒋᒋᔅᑕᔨᑕᑯᓱᐅᓐ ᐃᔅᐱᔅ ᒥᓯᐛ ᐊᔅᒋᔾ᙮
6ᒋᓴᒋᐊᑭᓐ ᒐᒋ ᐱᒪᒋᐊᑭᓄᐅᑦ;
ᐱᒪᒋᐃ ᒋᒥᔪᐅᓂᒡ ᐅᒋ ᓂᔅᑯᒥ ᒪᒃ᙮
7ᒋᓴᒪᓂᑐᐤ ᒋ ᐃᔨᒧᐤ ᐅᐸᔭᒋᓯᐅᓂᒡ;
“ᓂᑭ ᒥᔽᔨᑕᓐ, ᓂᑭ ᐸᐸᔅᒋᑎᓇᓐ ᓴᑭᒻ, ᓂᑭ ᑎᐸᓂᓇᓐ ᑭᔭ ᓱᑯᑦ ᐊ ᐱᓯᑎᓇᒡ᙮
8ᑭᓕᐊᑦ ᓂ ᑎᐸᔨᑕᓐ, ᒥᓇᓴ ᓂ ᑎᐸᔨᑕᓐ;
ᐃᑉᕋᐃᒻ ᑭᔭ ᑲ ᐅᒋ ᒥᔅᑯᐛᒡ ᓂᔅᑎᒂᓐ;
ᒍᑕ ᐊᐅᒄ ᓂᐎᓱᐛᐅᐃᔨᒻ;
9ᒧᐊᑉ ᓂᒋᔅᑕᐸᐅᐎᔭᑭᓐ;
ᐃᑕᒥᒡ ᓂᑭ ᐃᓯ ᐛᐱᓇᓐ ᓂᒥᔅᒋᓐ;
ᓂᑭ ᒪᒪᑕᑯᒧᓐ ᐱᓕᔅᑎᐊ ᐅᒡ᙮”
10ᐊᐛᓐ ᒐ ᐸᓱᐅᑦ ᒥᔅᑯᐎᐤ ᐃᑕᐅᓂᒡ ?
ᐊᐛᓐ ᒐ ᐃᑐᑕᐃᑦ ᐃᑕᒥᒡ ?
11ᓇᒪ ᐊ ᒋᔾ, ᐅ ᒋᓴᒪᓂᑐᐤ, ᑲ ᐛᐱᓂᔭᒡ ?
ᒋᔾ ᒪᒃ ᐅ ᒋᓴᒪᓂᑐᐤ, ᓇᒪ ᐊ ᒋᑭ ᐎᒐᐛᐅᒡ ᓂᒪᓯᒐᓯᒥᓇᓐᒡ᙮
12ᐎᒋᐃᓇᓐ ᐊᔨᒥᓯᐅᓂᒡ ᐅᒡ:
ᐛᔅ ᓇᒪ ᒐᒂᓐ ᐃᑕᔨᑕᑯᓂᔪᐤ ᐅᐎᒋᐃᐛᐅᓐ ᐃᔪᐤ᙮
13ᒋᓴᒪᓂᑐᐤ ᐅᒋ ᒋᑭ ᓱᒋᑕᐊᐅ-ᑐᑕᓇᓄᐤ:
ᐛᔅ ᐎᔾ ᐊᐅᑯᓐ ᒐ ᑕᑯᔅᑲᑕᑦ ᐊᓂᔭ ᑲ ᒪᓯᐧᑲᑎᐃᑕᐧᑯᐤ᙮
Currently Selected:
ᑎᐱᑦ ᐅᓂᑭᒧᐅᓇ 108: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
