ᐱᓕᐱᔭᓇ 4
4
ᑈᓪ ᑲ ᐃᑕᑦ ᐊᓂᔭᔪᐛ ᑲ ᑕᑈᑎᒥᔨᒋ ᒐ ᐊᑲ ᒋ ᒥᑯᔅᑲᑕᔨᑎᒥᔨᒋ
Philippians 4.1-9 (Proper-23 Year A)
1ᐊᑯ ᒪᒃ ᓂᐧᑲᓂᓯᑐᒄ, ᒋᔨᐛᐤ ᓇᔅᒡ ᑲ ᓴᒋᐃᑎᑯᒡ, ᒧᔅ ᑲ ᒺᔅᑕᑎᑎᑯᒡ᙮ ᓄᐅᒡ ᒋᒥᔽᔨᑎᒥᐃᓇᐛᐤ ᑭᔭ ᒋ ᒪᒥᒋᐃᓇᐛᐤ ᒐᒋ ᑎᐸᒋᒥᑎᑯᒡ᙮ ᐊᐅᒄ ᐅ ᑲ ᐃᓯ ᐊᔨᒧᑎᒪᑎᑯᒡ ᐊ ᓂᑐᐛᔨᒥᑎᑯᒡ ᒐᒋ ᐊᔨᒋᑲᐳᐅᔭᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮ 2ᓂ ᐱᑯᓴᔨᒪᐅᒡ ᐊᓐᒡ ᐃᔎᐅᒡ ᔪᐅᑎᔭ ᑭᔭ ᓯᓐᑎᑭ ᒐᒋ ᓂᓇᐃᑐᐛᒡ ᐅᑎᐸᔨᒋᒐᐛ ᐊᑲ ᒪᒥᒋᐱᔨᑐᒡ᙮
3ᓂᐎᒐᐛᑭᓐ ᒧᔅ ᑯᐃᔅᒄ ᑲᒋ ᐃᑎᔨᓐ ᐊ ᐎᒋ ᐊᑐᔅᒐᒥᑕᓐ ᒋ ᐱᑯᓴᔨᒥᑎᓐ ᒐᒋ ᐎᒋᐃᑥᐤ ᐅᒡ ᐃᔎᐅᒡ ᒐᒋ ᐳᓂᒡ ᐊ ᒥᒋᐱᔨᑐᒡ᙮ ᐛᔅ ᑕᐱᔅᑯᓐ ᒋ ᒥᔅᑎ ᐊᑐᔅᒐᐅᒡ ᐊ ᐎᒋᐃᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᑭᔭ ᑯᓚᒪᓐᑦ ᑭᔭ ᐊᓐᒡ ᑯᑎᑭᒡ ᑲ ᐎᒋ ᐊᑐᔅᒐᒥᒡ, ᐅᑦ ᐃᓯᓂᐧᑲᓱᐅᓄᐛᐛ ᑲ ᒥᓯᓇᑕᔨᒋ ᒋᓴᒪᓂᑐᐛ ᐅᐱᒪᑎᓯᐅ ᒥᓯᓇᐃᑭᓂᔨᒡ ᒐᒋ ᐊᔭᒡ ᑲᒋᒡ ᐱᒪᑎᓯᐅᓂᔪᐤ ᓂᒋ ᐎᒋᐃᑯᐅᒡ᙮
Philippians 4.4-7 (Advent-3 Year C)
4ᒧᔅ ᒥᔽᔨᑎᒧᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮
ᒥᓐ ᒪᒃ ᒋᑦ ᐃᑎᓇᐛᐤ, “ᒥᔽᔨᑎᒧᒄ !”
5ᐃᓯ ᐱᒪᑎᓯᒄ ᒥᓯᐛ ᐊᐛᓐᒋ ᒐᒋ ᒋᔅᒐᔨᒥᑕᑯᒡ ᐊᔅᐱᔅ ᒥᔪᑥᐛᒄ᙮ ᓴᔅ ᐸᓱᓇᑯᓂᔪᐤ ᒐ ᐃᔅᐱᔅ ᑎᑯᓯᐧᒃ ᐅᑎᐸᔨᒋᒐᐤ᙮ 6ᐊᑲᐎᔾ ᒐᒂᓐ ᒋᑭ ᐅᒋ ᒥᑯᔅᑲᑕᔨᑎᒥᐃᑯᐅᓇᐛᐤ᙮ ᐃᔭᐱᒡ ᒥᓯᐛ ᑕᓐ ᒐ ᐊᑎ ᐃᔅᐱᔪᐛᒂ ᐊᔭᒥᐊᒄ, ᐊ ᐛᐎᑎᒧᐛᒄ ᒋᓴᒪᓂᑐᐤ ᒐᒂᔪᐤ ᐊ ᐃᓯ ᓂᑐᐛᔨᑎᒧᐛᒄ᙮ ᑭᔭ ᒋᐸ ᓂᓇᔅᑯᒪᐛᐤ᙮ 7ᐊᑯ ᒪᒃ ᒋᓴᒪᓂᑐᐤ ᒐ ᒥᔨᑕᒄ ᒋᔭᒪᔨᑎᒧᐅᓂᔪᐤ ᒐ ᐊᑲ ᒋ ᐊᔨᒪᔨᑎᒥᔅᑲᑯᐛᒄ ᒐᒂᔪᐤ ᒋᒥᑐᓇᔨᒋᑭᓄᐛᐛᒡ ᒪᒃ ᒋᑕᐃᐛᐛᒡ ᐊᓂᔭᔪᐤ ᐊ ᑕᑈᔭᔨᒪᒄ ᙭ ᒋᓴᔅ᙮ ᐊᐅᒄ ᐅ ᒋᔭᒪᔨᑎᒧᐅᓐ ᑲ ᐊᔨᒧᑕᒡ ᓇᒪ ᓇᔅᒡ ᒋ ᓂᔅᑐᑕᑭᓄᐤ ᑕᓐ ᐊᔅᐱᔅ ᒥᔽᔨᑕᒂᒡ᙮
8ᓂᐧᑲᓂᓯᑐᒄ, ᐊᔅᒄ ᐊᑲ ᒋᔅᑕᔭᓐ ᐊ ᒥᓯᓇᐊᒪᑎᑯᒡ, ᐸᐃᒄ ᒥᓐ ᒐᒂᓐ ᒋᑭ ᐎᑎᒪᑎᓇᐛᐤ, ᓱᒃ ᒧᓯᓇᐤ ᒪᒥᑐᓇᔨᑎᒧᒄ ᐊᓂᔭᔪᐛ ᒐᒂᔪᐛ ᑲ ᒥᔽᓯᔨᒋ, ᐊᓂᔭᔪᐛ ᑲ ᒪᒥᒋᐃᐛᒋ, ᒧᔭᒻ ᒐᒂᓐ ᐊ ᑯᐃᔅᑯᓇᒂᒡ, ᒐᒂᓐ ᐊ ᒋᔅᑕᔨᑕᒂᒡ, ᑭᔭ ᑯᐃᔅᒄ ᐃᑐᐅᓐ, ᐸᔭᒋ ᐱᒪᑎᓯᐅᓐ, ᒐᒂᓐ ᐊ ᓇᐊᔨᑎᒥᐃᐛᒡ ᑭᔭ ᒐᒂᓐ ᐊ ᒥᔪ ᐛᐎᑕᑭᓄᐅᒡ᙮ 9ᒋᐸ ᑐᑕᓇᐛᐤ ᐊᓐ ᑲ ᐃᓯ ᒋᔅᑯᑎᒪᑎᑯᒡ ᑭᔭ ᐊᓐ ᑲ ᐃᓯ ᐛᐱᒥᔭᒄ ᐊ ᐃᑕᑎᓯᔭᓐ᙮ ᐊᑯ ᒪᒃ ᒋᓴᒪᓂᑐᐤ ᐊᓐ ᑲ ᒥᔨᑕᒄ ᒋᔭᒪᔨᑎᒧᐅᓂᔪᐤ ᒋᑭ ᐎᒐᐅᑯᐛᓇᐛᐤ᙮
ᑈᓪ ᑲ ᓂᓇᔅᑯᒧᑦ ᑕᓐ ᑲ ᐃᓯ ᐎᒋᐊᑭᓄᐅᑦ
10ᓇᔅᒡ ᑕᑈ ᓂ ᒥᔽᔨᑎᒥᐃᒄ ᐅᑎᐸᔨᒋᒐᐤ ᒥᓐ ᐊ ᒥᔨᑕᒄ ᒐᒋ ᐛᐎᒋᐃᔭᒄ᙮ ᓴᔅ ᐛᔅᑭᒡ ᑲ ᐎ ᐛᐎᒋᐃᔭᒄ᙮ ᒥᒄ ᒪᒃ ᐊᑯ ᐃᔭᒄ ᒥᓐ ᓇᐃᐱᔨᒡ ᒐᒋ ᓄᑯᑕᔭᒄ ᐊ ᒪᒥᑐᓇᔨᒥᔭᒄ, ᓇᒪᔭᐤ ᑭᑈ ᐎ ᐊ ᐃᑕᔨᒥᑎᑯᒡ ᐊᑲ ᐅᒋ ᐊᐱᑕᔨᒥᔭᒄ ᐛᔅ ᓇᒪᐎᔾ ᐅᒋ ᒥᔪᐱᔪᐤ ᒐᒋ ᐛᐎᒋᐃᐛᔭᒄ᙮ 11ᓇᒪᔭᐤ ᑭᑈ ᐎ ᐊ ᓄᑕᐱᔭᓐ ᒐᒂᓐ ᐛᒋ ᐃᔅᒋᔄᔭᓐ ᐅ᙮ ᐛᔅ ᓴᔅ ᓂᒋ ᒋᔅᒐᔨᑕᓐ ᐃᔭᐱᒡ ᒐᒋ ᓇᐊᔨᑎᒪᓐ ᐊᑎ ᐊᑲ ᓇᔅᒡ ᐊᔭᔭᓐ ᒐᒂᓐ᙮ 12ᓂ ᒋᔅᒐᔨᑕᓐ ᐛᔅ ᑕᓐ ᐊ ᐃᑕᔨᑕᒂᒡ ᐊ ᓄᑕᐱᔨᓇᓄᐅᒡ ᒐᒂᓐ, ᑭᔭ ᒪᒃ ᑕᓐ ᐊ ᐃᑕᔨᑕᒂᒡ ᐊ ᐛᔪᒋᑕᑭᓄᐅᒡ ᒐᒂᓐ᙮ ᒥᒄ ᑕᓐ ᐊ ᐃᔅᐱᔪᐛᓇ ᓂ ᒋᔅᒐᔨᑕᓐ ᐃᔭᐱᒡ ᒐᒋ ᓇᐊᔨᑎᒪᓐ᙮ ᓇᒪ ᒐᒂᓐ ᐊᓐ ᓂᑦ ᐃᑕᔨᑕᓐ ᐊ ᓯᐛᔨᔭᓐ ᑭᔭ ᒪᒃ ᐊ ᒋᔅᐳᔭᓐ, ᐊ ᒋᔅᑎᒪᑎᓯᔭᓐ ᑭᔭ ᒪᒃ ᐊ ᐛᔪᒋᑕᔭᓐ ᒐᒂᓐ᙮ 13ᑕᓐ ᒥᒄ ᒐ ᐃᔅᐱᔪᐛᓇ ᒥᓯᐛ ᓂᑭ ᒋ ᓴᐳᔅᑲᓐ ᐛᔅ ᙭ ᓂ ᒥᔨᒄ ᓱᐧᑲᑎᓯᐅᓂᔪᐤ᙮
14ᑕᑈ ᔅᒋ ᒥᔪᑐᑐᓇᐛᐤ ᑲ ᐛᐎᒋᐃᔭᒄ ᑕᓐ ᑲ ᐃᓯ ᐊᔨᒥᐅᔭᓐ᙮ 15ᒋᔨᐛᐤ ᐱᓕᐸᐃᒡ ᑲ ᐅᒋᔭᒄ, ᒋ ᒋᔅᒐᔨᑕᓇᐛᐤ ᐊ ᑎᓯᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋᔨᐛᐤ ᒥᒄ ᐊᒋ ᐛᐎᒋᐃᔭᒄ ᓱᓇᔭᐤ ᐃᔅᐱ ᑲ ᓂᑭᑎᒪᓐ ᒪᓯᑐᓂᔭ᙮ ᒋᔨᐛᐤ ᒥᒄ ᔅᒋ ᐎᒋᐃᓇᐛᐤ ᐅᔅᑭᒡ ᑲ ᐛᐎᑎᒪᓐ ᒥᔽᒋᒧᐅᓐ᙮ 16ᓇᒪ ᒥᒄ ᐸᐃᒂᐤ ᒋ ᐅᒋ ᐸᒋ ᐃᑎᓴᐊᒧᓇᐛᐤ ᓱᓇᔭᐤ ᑲᒋ ᓄᑕᐱᔭᓐ ᒪᒂᒡ ᐊᓐᑕ ᑕᓴᓗᓇᐃᑲᒡ ᑲᒋ ᑕᔭᓐ᙮ 17ᓇᒪᔭᐤ ᐊ ᓂᑐᐛᔨᑎᒪᓐ ᒋᓱᓇᔭᓂᒧᐛᐤ ᐊᔪᐛᒃ ᓂᑐᐛᔨᑕᓐ ᒐᒋ ᐛᔪᑎᒡ ᒐ ᐃᓯ ᓱᐛᔨᒥᑯᐅᔭᒄ᙮ 18ᐊᑯᑕ ᐅ ᐛᑎᒪᑎᑯᒡ ᓴᔅ ᒥᓯᐛ ᐊᒋ ᒥᔅᑭᒪᓐ ᐊᓐ ᑲ ᐃᓯ ᐸᒋ ᐛᐎᒋᐃᐛᔭᒄ᙮ ᓴᔅ ᐊᑐᐎᔅ ᓂᑦ ᐃᔅᐱᔅ ᐊᔭᓐ ᑕᓐ ᑲ ᐃᓯ ᓄᑕᐱᔭᓐ᙮ ᐊᑯ ᒪᒃ ᒥᓯᐛ ᐊ ᐊᔭᔭᓐ ᑕᓐ ᑲ ᐃᓯ ᓄᑕᐱᔭᓐ ᐃᐸᑉᕋᑕᐃᑕᔅ ᐊᒋ ᐸᑐᐅᑦ ᐊᓂᔭᔪᐤ ᒋᒥᑯᓴᐅᓄᐛᐛ ᐅ ᑲ ᐃᓯ ᒥᔭᒄ ᓇᔅᒡ ᐊ ᒥᔽᓯᒡ ᐱᔅᑎᓂᒐᐅᓐ ᐃᓯ ᑭᓄᐛᐸᑎᒻ ᒋᓴᒪᓂᑐᐤ ᑭᔭ ᓇᔅᒡ ᓇᐊᔨᑎᒥᐃᑯᐤ᙮ 19ᐊᑯ ᒪᒃ ᒋᓴᒪᓂᑐᐤ ᒋᑭ ᐅᑎᓇᒪᑯᐛᐤ ᒥᓯᐛ ᒐᒂᔪᐤ ᐊ ᐃᓯ ᓄᑕᐱᔪᐛᒄ᙮ ᒥᓯᐛ ᒋᑭ ᒥᔨᑯᐛᐤ ᐊ ᐃᓯ ᓄᑕᐱᔪᐛᒄ ᑕᓐ ᐊ ᐃᓯ ᓇᔅᒡ ᐛᔪᐅᒡ ᒥᔪᑐᑎᒪᒐᑦ ᙭ ᒋᓴᓴ ᐅᒡ᙮
20ᑲᒋᒡ ᒋᑭ ᒪᒥᒋᒪᑭᓄᐤ ᒋᓴᒪᓂᑐᐤ ᒍᑕᐎᓄᐤ᙮ ᐊᒥᓐ᙮
ᒪᔅᑕᔾ ᑲ ᐃᑎᓯᓇᐊᒧᐛᑦ ᑈᓪ ᐊᓂᔭᔪᐛ ᒋᓴᓴ ᐅᑦ ᐃᔨᒥᔪᐛ ᐱᓕᐸᐃᒡ ᑲ ᑕᔨᒋ
21ᐛᒋᔭᒪᐧᑯᒡ ᒥᓯᐛ ᐊᓐᒡ ᑲ ᑕᑈᔭᔨᒪᒡ ᙭ ᒋᓴᓴ᙮ ᒋᐧᑲᓂᓯᓄᐅᒡ ᐅᑕ ᑲ ᐃᑕᒡ ᑭᔭ ᐎᔨᐛᐤ᙮ 22ᒥᓯᐛ ᐊᓐᒡ ᑲ ᑕᑈᑕᒡ ᒋᑎᒥᔅᑲᑯᐛᐅᒡ, ᑭᔭ ᐊᓐᒡ ᑲ ᐊᑐᔅᒐᒡ ᒋᓴᐅᒋᒪᐛ ᓯᓴᕋ ᐊ ᑕᔨᒋ᙮
23ᓇᑐᑎᒧᐛᐤ ᒪᒃ ᐅᑎᐸᔨᒋᒐᐤ ᒋᓴᔅ ᙭ ᒥᓯᐛ ᒐᒋ ᐃᓯ ᒋᓴᐛᑐᑕᑕᒄ᙮
Currently Selected:
ᐱᓕᐱᔭᓇ 4: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᐱᓕᐱᔭᓇ 4
4
ᑈᓪ ᑲ ᐃᑕᑦ ᐊᓂᔭᔪᐛ ᑲ ᑕᑈᑎᒥᔨᒋ ᒐ ᐊᑲ ᒋ ᒥᑯᔅᑲᑕᔨᑎᒥᔨᒋ
Philippians 4.1-9 (Proper-23 Year A)
1ᐊᑯ ᒪᒃ ᓂᐧᑲᓂᓯᑐᒄ, ᒋᔨᐛᐤ ᓇᔅᒡ ᑲ ᓴᒋᐃᑎᑯᒡ, ᒧᔅ ᑲ ᒺᔅᑕᑎᑎᑯᒡ᙮ ᓄᐅᒡ ᒋᒥᔽᔨᑎᒥᐃᓇᐛᐤ ᑭᔭ ᒋ ᒪᒥᒋᐃᓇᐛᐤ ᒐᒋ ᑎᐸᒋᒥᑎᑯᒡ᙮ ᐊᐅᒄ ᐅ ᑲ ᐃᓯ ᐊᔨᒧᑎᒪᑎᑯᒡ ᐊ ᓂᑐᐛᔨᒥᑎᑯᒡ ᒐᒋ ᐊᔨᒋᑲᐳᐅᔭᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮ 2ᓂ ᐱᑯᓴᔨᒪᐅᒡ ᐊᓐᒡ ᐃᔎᐅᒡ ᔪᐅᑎᔭ ᑭᔭ ᓯᓐᑎᑭ ᒐᒋ ᓂᓇᐃᑐᐛᒡ ᐅᑎᐸᔨᒋᒐᐛ ᐊᑲ ᒪᒥᒋᐱᔨᑐᒡ᙮
3ᓂᐎᒐᐛᑭᓐ ᒧᔅ ᑯᐃᔅᒄ ᑲᒋ ᐃᑎᔨᓐ ᐊ ᐎᒋ ᐊᑐᔅᒐᒥᑕᓐ ᒋ ᐱᑯᓴᔨᒥᑎᓐ ᒐᒋ ᐎᒋᐃᑥᐤ ᐅᒡ ᐃᔎᐅᒡ ᒐᒋ ᐳᓂᒡ ᐊ ᒥᒋᐱᔨᑐᒡ᙮ ᐛᔅ ᑕᐱᔅᑯᓐ ᒋ ᒥᔅᑎ ᐊᑐᔅᒐᐅᒡ ᐊ ᐎᒋᐃᒡ ᐊ ᐛᐎᑎᒧᒡ ᒥᔽᒋᒧᐅᓂᔪᐤ᙮ ᑭᔭ ᑯᓚᒪᓐᑦ ᑭᔭ ᐊᓐᒡ ᑯᑎᑭᒡ ᑲ ᐎᒋ ᐊᑐᔅᒐᒥᒡ, ᐅᑦ ᐃᓯᓂᐧᑲᓱᐅᓄᐛᐛ ᑲ ᒥᓯᓇᑕᔨᒋ ᒋᓴᒪᓂᑐᐛ ᐅᐱᒪᑎᓯᐅ ᒥᓯᓇᐃᑭᓂᔨᒡ ᒐᒋ ᐊᔭᒡ ᑲᒋᒡ ᐱᒪᑎᓯᐅᓂᔪᐤ ᓂᒋ ᐎᒋᐃᑯᐅᒡ᙮
Philippians 4.4-7 (Advent-3 Year C)
4ᒧᔅ ᒥᔽᔨᑎᒧᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ᙮
ᒥᓐ ᒪᒃ ᒋᑦ ᐃᑎᓇᐛᐤ, “ᒥᔽᔨᑎᒧᒄ !”
5ᐃᓯ ᐱᒪᑎᓯᒄ ᒥᓯᐛ ᐊᐛᓐᒋ ᒐᒋ ᒋᔅᒐᔨᒥᑕᑯᒡ ᐊᔅᐱᔅ ᒥᔪᑥᐛᒄ᙮ ᓴᔅ ᐸᓱᓇᑯᓂᔪᐤ ᒐ ᐃᔅᐱᔅ ᑎᑯᓯᐧᒃ ᐅᑎᐸᔨᒋᒐᐤ᙮ 6ᐊᑲᐎᔾ ᒐᒂᓐ ᒋᑭ ᐅᒋ ᒥᑯᔅᑲᑕᔨᑎᒥᐃᑯᐅᓇᐛᐤ᙮ ᐃᔭᐱᒡ ᒥᓯᐛ ᑕᓐ ᒐ ᐊᑎ ᐃᔅᐱᔪᐛᒂ ᐊᔭᒥᐊᒄ, ᐊ ᐛᐎᑎᒧᐛᒄ ᒋᓴᒪᓂᑐᐤ ᒐᒂᔪᐤ ᐊ ᐃᓯ ᓂᑐᐛᔨᑎᒧᐛᒄ᙮ ᑭᔭ ᒋᐸ ᓂᓇᔅᑯᒪᐛᐤ᙮ 7ᐊᑯ ᒪᒃ ᒋᓴᒪᓂᑐᐤ ᒐ ᒥᔨᑕᒄ ᒋᔭᒪᔨᑎᒧᐅᓂᔪᐤ ᒐ ᐊᑲ ᒋ ᐊᔨᒪᔨᑎᒥᔅᑲᑯᐛᒄ ᒐᒂᔪᐤ ᒋᒥᑐᓇᔨᒋᑭᓄᐛᐛᒡ ᒪᒃ ᒋᑕᐃᐛᐛᒡ ᐊᓂᔭᔪᐤ ᐊ ᑕᑈᔭᔨᒪᒄ ᙭ ᒋᓴᔅ᙮ ᐊᐅᒄ ᐅ ᒋᔭᒪᔨᑎᒧᐅᓐ ᑲ ᐊᔨᒧᑕᒡ ᓇᒪ ᓇᔅᒡ ᒋ ᓂᔅᑐᑕᑭᓄᐤ ᑕᓐ ᐊᔅᐱᔅ ᒥᔽᔨᑕᒂᒡ᙮
8ᓂᐧᑲᓂᓯᑐᒄ, ᐊᔅᒄ ᐊᑲ ᒋᔅᑕᔭᓐ ᐊ ᒥᓯᓇᐊᒪᑎᑯᒡ, ᐸᐃᒄ ᒥᓐ ᒐᒂᓐ ᒋᑭ ᐎᑎᒪᑎᓇᐛᐤ, ᓱᒃ ᒧᓯᓇᐤ ᒪᒥᑐᓇᔨᑎᒧᒄ ᐊᓂᔭᔪᐛ ᒐᒂᔪᐛ ᑲ ᒥᔽᓯᔨᒋ, ᐊᓂᔭᔪᐛ ᑲ ᒪᒥᒋᐃᐛᒋ, ᒧᔭᒻ ᒐᒂᓐ ᐊ ᑯᐃᔅᑯᓇᒂᒡ, ᒐᒂᓐ ᐊ ᒋᔅᑕᔨᑕᒂᒡ, ᑭᔭ ᑯᐃᔅᒄ ᐃᑐᐅᓐ, ᐸᔭᒋ ᐱᒪᑎᓯᐅᓐ, ᒐᒂᓐ ᐊ ᓇᐊᔨᑎᒥᐃᐛᒡ ᑭᔭ ᒐᒂᓐ ᐊ ᒥᔪ ᐛᐎᑕᑭᓄᐅᒡ᙮ 9ᒋᐸ ᑐᑕᓇᐛᐤ ᐊᓐ ᑲ ᐃᓯ ᒋᔅᑯᑎᒪᑎᑯᒡ ᑭᔭ ᐊᓐ ᑲ ᐃᓯ ᐛᐱᒥᔭᒄ ᐊ ᐃᑕᑎᓯᔭᓐ᙮ ᐊᑯ ᒪᒃ ᒋᓴᒪᓂᑐᐤ ᐊᓐ ᑲ ᒥᔨᑕᒄ ᒋᔭᒪᔨᑎᒧᐅᓂᔪᐤ ᒋᑭ ᐎᒐᐅᑯᐛᓇᐛᐤ᙮
ᑈᓪ ᑲ ᓂᓇᔅᑯᒧᑦ ᑕᓐ ᑲ ᐃᓯ ᐎᒋᐊᑭᓄᐅᑦ
10ᓇᔅᒡ ᑕᑈ ᓂ ᒥᔽᔨᑎᒥᐃᒄ ᐅᑎᐸᔨᒋᒐᐤ ᒥᓐ ᐊ ᒥᔨᑕᒄ ᒐᒋ ᐛᐎᒋᐃᔭᒄ᙮ ᓴᔅ ᐛᔅᑭᒡ ᑲ ᐎ ᐛᐎᒋᐃᔭᒄ᙮ ᒥᒄ ᒪᒃ ᐊᑯ ᐃᔭᒄ ᒥᓐ ᓇᐃᐱᔨᒡ ᒐᒋ ᓄᑯᑕᔭᒄ ᐊ ᒪᒥᑐᓇᔨᒥᔭᒄ, ᓇᒪᔭᐤ ᑭᑈ ᐎ ᐊ ᐃᑕᔨᒥᑎᑯᒡ ᐊᑲ ᐅᒋ ᐊᐱᑕᔨᒥᔭᒄ ᐛᔅ ᓇᒪᐎᔾ ᐅᒋ ᒥᔪᐱᔪᐤ ᒐᒋ ᐛᐎᒋᐃᐛᔭᒄ᙮ 11ᓇᒪᔭᐤ ᑭᑈ ᐎ ᐊ ᓄᑕᐱᔭᓐ ᒐᒂᓐ ᐛᒋ ᐃᔅᒋᔄᔭᓐ ᐅ᙮ ᐛᔅ ᓴᔅ ᓂᒋ ᒋᔅᒐᔨᑕᓐ ᐃᔭᐱᒡ ᒐᒋ ᓇᐊᔨᑎᒪᓐ ᐊᑎ ᐊᑲ ᓇᔅᒡ ᐊᔭᔭᓐ ᒐᒂᓐ᙮ 12ᓂ ᒋᔅᒐᔨᑕᓐ ᐛᔅ ᑕᓐ ᐊ ᐃᑕᔨᑕᒂᒡ ᐊ ᓄᑕᐱᔨᓇᓄᐅᒡ ᒐᒂᓐ, ᑭᔭ ᒪᒃ ᑕᓐ ᐊ ᐃᑕᔨᑕᒂᒡ ᐊ ᐛᔪᒋᑕᑭᓄᐅᒡ ᒐᒂᓐ᙮ ᒥᒄ ᑕᓐ ᐊ ᐃᔅᐱᔪᐛᓇ ᓂ ᒋᔅᒐᔨᑕᓐ ᐃᔭᐱᒡ ᒐᒋ ᓇᐊᔨᑎᒪᓐ᙮ ᓇᒪ ᒐᒂᓐ ᐊᓐ ᓂᑦ ᐃᑕᔨᑕᓐ ᐊ ᓯᐛᔨᔭᓐ ᑭᔭ ᒪᒃ ᐊ ᒋᔅᐳᔭᓐ, ᐊ ᒋᔅᑎᒪᑎᓯᔭᓐ ᑭᔭ ᒪᒃ ᐊ ᐛᔪᒋᑕᔭᓐ ᒐᒂᓐ᙮ 13ᑕᓐ ᒥᒄ ᒐ ᐃᔅᐱᔪᐛᓇ ᒥᓯᐛ ᓂᑭ ᒋ ᓴᐳᔅᑲᓐ ᐛᔅ ᙭ ᓂ ᒥᔨᒄ ᓱᐧᑲᑎᓯᐅᓂᔪᐤ᙮
14ᑕᑈ ᔅᒋ ᒥᔪᑐᑐᓇᐛᐤ ᑲ ᐛᐎᒋᐃᔭᒄ ᑕᓐ ᑲ ᐃᓯ ᐊᔨᒥᐅᔭᓐ᙮ 15ᒋᔨᐛᐤ ᐱᓕᐸᐃᒡ ᑲ ᐅᒋᔭᒄ, ᒋ ᒋᔅᒐᔨᑕᓇᐛᐤ ᐊ ᑎᓯᒡ ᒪᒧᐤ ᑲ ᐊᔭᒥᐊᐛᑎᓯᒡ ᒋᔨᐛᐤ ᒥᒄ ᐊᒋ ᐛᐎᒋᐃᔭᒄ ᓱᓇᔭᐤ ᐃᔅᐱ ᑲ ᓂᑭᑎᒪᓐ ᒪᓯᑐᓂᔭ᙮ ᒋᔨᐛᐤ ᒥᒄ ᔅᒋ ᐎᒋᐃᓇᐛᐤ ᐅᔅᑭᒡ ᑲ ᐛᐎᑎᒪᓐ ᒥᔽᒋᒧᐅᓐ᙮ 16ᓇᒪ ᒥᒄ ᐸᐃᒂᐤ ᒋ ᐅᒋ ᐸᒋ ᐃᑎᓴᐊᒧᓇᐛᐤ ᓱᓇᔭᐤ ᑲᒋ ᓄᑕᐱᔭᓐ ᒪᒂᒡ ᐊᓐᑕ ᑕᓴᓗᓇᐃᑲᒡ ᑲᒋ ᑕᔭᓐ᙮ 17ᓇᒪᔭᐤ ᐊ ᓂᑐᐛᔨᑎᒪᓐ ᒋᓱᓇᔭᓂᒧᐛᐤ ᐊᔪᐛᒃ ᓂᑐᐛᔨᑕᓐ ᒐᒋ ᐛᔪᑎᒡ ᒐ ᐃᓯ ᓱᐛᔨᒥᑯᐅᔭᒄ᙮ 18ᐊᑯᑕ ᐅ ᐛᑎᒪᑎᑯᒡ ᓴᔅ ᒥᓯᐛ ᐊᒋ ᒥᔅᑭᒪᓐ ᐊᓐ ᑲ ᐃᓯ ᐸᒋ ᐛᐎᒋᐃᐛᔭᒄ᙮ ᓴᔅ ᐊᑐᐎᔅ ᓂᑦ ᐃᔅᐱᔅ ᐊᔭᓐ ᑕᓐ ᑲ ᐃᓯ ᓄᑕᐱᔭᓐ᙮ ᐊᑯ ᒪᒃ ᒥᓯᐛ ᐊ ᐊᔭᔭᓐ ᑕᓐ ᑲ ᐃᓯ ᓄᑕᐱᔭᓐ ᐃᐸᑉᕋᑕᐃᑕᔅ ᐊᒋ ᐸᑐᐅᑦ ᐊᓂᔭᔪᐤ ᒋᒥᑯᓴᐅᓄᐛᐛ ᐅ ᑲ ᐃᓯ ᒥᔭᒄ ᓇᔅᒡ ᐊ ᒥᔽᓯᒡ ᐱᔅᑎᓂᒐᐅᓐ ᐃᓯ ᑭᓄᐛᐸᑎᒻ ᒋᓴᒪᓂᑐᐤ ᑭᔭ ᓇᔅᒡ ᓇᐊᔨᑎᒥᐃᑯᐤ᙮ 19ᐊᑯ ᒪᒃ ᒋᓴᒪᓂᑐᐤ ᒋᑭ ᐅᑎᓇᒪᑯᐛᐤ ᒥᓯᐛ ᒐᒂᔪᐤ ᐊ ᐃᓯ ᓄᑕᐱᔪᐛᒄ᙮ ᒥᓯᐛ ᒋᑭ ᒥᔨᑯᐛᐤ ᐊ ᐃᓯ ᓄᑕᐱᔪᐛᒄ ᑕᓐ ᐊ ᐃᓯ ᓇᔅᒡ ᐛᔪᐅᒡ ᒥᔪᑐᑎᒪᒐᑦ ᙭ ᒋᓴᓴ ᐅᒡ᙮
20ᑲᒋᒡ ᒋᑭ ᒪᒥᒋᒪᑭᓄᐤ ᒋᓴᒪᓂᑐᐤ ᒍᑕᐎᓄᐤ᙮ ᐊᒥᓐ᙮
ᒪᔅᑕᔾ ᑲ ᐃᑎᓯᓇᐊᒧᐛᑦ ᑈᓪ ᐊᓂᔭᔪᐛ ᒋᓴᓴ ᐅᑦ ᐃᔨᒥᔪᐛ ᐱᓕᐸᐃᒡ ᑲ ᑕᔨᒋ
21ᐛᒋᔭᒪᐧᑯᒡ ᒥᓯᐛ ᐊᓐᒡ ᑲ ᑕᑈᔭᔨᒪᒡ ᙭ ᒋᓴᓴ᙮ ᒋᐧᑲᓂᓯᓄᐅᒡ ᐅᑕ ᑲ ᐃᑕᒡ ᑭᔭ ᐎᔨᐛᐤ᙮ 22ᒥᓯᐛ ᐊᓐᒡ ᑲ ᑕᑈᑕᒡ ᒋᑎᒥᔅᑲᑯᐛᐅᒡ, ᑭᔭ ᐊᓐᒡ ᑲ ᐊᑐᔅᒐᒡ ᒋᓴᐅᒋᒪᐛ ᓯᓴᕋ ᐊ ᑕᔨᒋ᙮
23ᓇᑐᑎᒧᐛᐤ ᒪᒃ ᐅᑎᐸᔨᒋᒐᐤ ᒋᓴᔅ ᙭ ᒥᓯᐛ ᒐᒋ ᐃᓯ ᒋᓴᐛᑐᑕᑕᒄ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada