ᒪᑎᔪᐤ 21
21
ᒋᓴᔅ ᑲ ᐱᒐᑦ ᒋᕈᓯᓕᒥᒡ
ᒪᕐᒃ 11.1-11; ᓗᒃ 19.28-40; ᒠᓐ 12.12-19
1ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᐊᓐᑕ ᒋᕈᓯᓕᒥᒡ ᒋ ᐎ ᐃᑐᑕᐅᒡ᙮ ᐃᔅᐱ ᐊ ᐊᑎ ᐸᓱᐛᐸᑕᒡ ᒋ ᐅᑎᑎᒧᒡ ᐊᓂᔭ ᐅᑕᓇᔪᐤ ᐸᑦᐸᐃᒡ ᑲ ᐃᓯᓂᐧᑲᑕᔨᒡ᙮ ᐊᓐᑕ ᐱᔅᑯᑎᓇᐤ ᐊᓕᐱᔅ ᑲ ᐃᓯᓂᐧᑲᑕᒡ ᐊᑯᑕ ᐊ ᑎᒂᒡ ᐅ ᐅᑕᓇᐤ᙮ ᐊᑯᑕ ᒪᒃ ᐅᑕ ᒋᓴᔅ ᑲ ᓂᑲᓂᑎᓴᐛᑦ ᓂᓱ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, 2“ᐃᑐᑕᒄ ᐊᓐᑕ ᐊᓐ ᐅᑕᓇᐤ, ᐃᔅᐱ ᒪᒃ ᐅᑎᑎᒪᒂ ᒋᑭ ᐛᐱᒪᐛᐤ ᐅᐧᑲᓐ ᒧᔭᒻ ᐊ ᐊᐱᓯᓯᑦ ᑲᐸᐃᑭᔎᐤ ᑲ ᐃᓯᓇᑯᓯᑦ, ᐅᐧᑲᓂᓴ ᐊ ᐎᒋᑲᐳᔅᑕᑯᑦ᙮ ᐊᐱᐧᑯᓇᑯᒡ ᑭᔭ ᑕᐱᔅᑯᓐ ᒐ ᐸᓱᐛᑯᒡ ᐊᓐᒡ ᐊᐛᓯᓯᒡ᙮ 3ᐊᑯ ᑯᒂᒋᒥᑕᒂ ᐊᐛᓐ ᒐᒂᔪᐤ ᐛᒋ ᐊᐱᐧᑯᓇᑯᒡ ᐊᓐᒡ, ᒐ ᐃᑕᒄ, ‘ᐅᑎᐸᔨᒋᒐᐤ ᓂᑐᐛᔨᒪᐤ᙮’ ᑎᐛᒡ ᒪᒃ ᒋᑭ ᐱᔅᑎᓂᑯᐛᐤ ᒐᒋ ᐅᑎᓇᑯᒡ᙮”
4ᐛᔅ ᐊᓐ ᐸᐃᒄ ᐅᒋᔅᒋᐛᐃᒐᓱᐤ ᑲ ᐃᔅᒋᔄᑯᐱᓇ ᐅᔭ ᒐ ᐃᔅᐱᔨᒡ, ᒋ ᑕᑈᑯᐱᓇ ᐅᔭ ᑲ ᐃᔅᒋᔄᑦ,
5ᐎᑎᒧᐛᐧᑯᒡ ᐊᓐᒡ ᐃᔪᒡ ᐊᓐᑕ ᓴᐃᔭᓂᒡ ᑲ ᐅᒋᒡ,
ᑭᓄᐛᐱᒪᒄ ᒪ ᒋᒋᓴᐅᒋᒪᒧᐛᐤ,
ᒋ ᐸᒋ ᓂᑐᐛᐱᒥᑯᐛᐤ ᐊ ᑎᐱᑕᔨᒥᓱᑦ,
ᐅᐧᑲᓇ ᒧᔭᒻ ᑲ ᐊᐱᓯᓯᔨᒋ ᑲᐸᐃᑭᔎᐛ ᑲ ᐃᓯᓇᑯᓯᔨᒋ ᐊ ᑕᑎᐱᑦ᙮
ᐊᔪᐅᒄ ᐅᔭ ᑲ ᐃᔅᒋᔄᑯᐱᓇ ᐊᓂᔭ ᐸᐃᒄ ᐅᒋᔅᒋᐛᐃᒐᓱᐤ᙮
6ᐊᑯ ᒪᒃ ᐊᓐᒡ ᓂᓱ ᒋᔅᒋᓄᐊᒧᐛᑭᓐᒡ ᒂ ᐃᑐᑕᒡ ᐊᓐᑕ ᐅᑕᓇᒡ, ᒂ ᑐᑕᒡ ᐊᓂᔭ ᑲ ᐃᑎᓱᒥᑯᒡ ᒋᓴᓴ᙮ 7ᒋ ᐸᓱᐛᐅᒡ ᐊᓂᔭ ᐅᐧᑲᓇ ᑭᔭ ᐊᓂᔭᔪᐛ ᐅᐧᑲᓂᓯᔪᐛ, ᒂ ᐊᑯᓄᐛᐊᒺᒡ ᐅᑦ ᐊᑯᐳᐛᐛ ᐊᓐᑕ ᐅᔅᐱᔅᑯᓂᔨᒡ, ᐊᑯᑕ ᒪᒃ ᑲ ᑕᑎᐱᑦ ᒋᓴᔅ᙮ 8ᒥᒐᑦ ᒪᒃ ᐊᓐᒡ ᐃᔪᒡ ᒋ ᓴᑥᑭᔅᑕᐅᒡ ᐅᑦ ᐊᑯᐳᐛᐛ ᐊᓐᑕ ᒐ ᐱᒧᑕᐃᑯᔨᒋ ᐊᓂᔭ ᐊᐛᓯᓴ ᑭᔭ ᑯᑎᑭᒡ ᓂᐱᓯᔭᑎᒂ ᒋ ᓇᑥᓂᒧᒡ ᒂ ᐱᒪᔅᑯᔅᑕᒡ ᐊᓐᑕ ᒪᔅᑭᓇᒡ ᐊᑯᑕ ᒪᒃ ᒂ ᐊᑎ ᐱᒧᑕᔨᒋ ᐊᓂᔭ ᐊᐛᓯᓴ᙮ 9ᐊᓐᒡ ᒪᒃ ᐃᔪᒡ ᐊᓐᑕ ᓂᑲᓄᒡ ᑲ ᐱᒧᑕᒡ ᐊᓂᔭ ᒋᓴᓴ ᐊ ᑕᔨᒋ ᑭᔭ ᐊᓐᒡ ᐊᓐᑕ ᐅᑕᒡ ᑲ ᐱᒧᑕᐛᒡ ᒋ ᒋᒋ ᒪᒥᒋᒪᐅᒡ ᒋᓴᒪᓂᑐᐛ ᐊ ᒋᔄᐛᒡ ᐊ ᐃᔅᒋᔄᒡ,
“ᒋᔅᑕᔨᑕᑯᐊᒄ ᐊᓐ ᑲ ᐅᑯᓯᑐᑕᑯᑦ ᑎᐱᑕ,
ᓱᐛᔨᑕᑯᓱᐤ ᐅ ᑲ ᐸᒋ ᐃᑎᓴᐅᑯᑦ ᐅᑎᐸᔨᒋᒐᐛ᙮
ᒪᒥᒋᒪᑕᐤ ᒋᓴᒪᓂᑐᐤ ᐎᔾ ᓇᔅᒡ ᐊ ᒋᔅᑕᔨᑕᑯᓯᑦ᙮”
10ᐃᔅᐱ ᒪᒃ ᒋᓴᔅ ᑕᑯᓯᐧᒃ ᐊᓐᑕ ᒋᕈᓯᓕᒥᒡ ᒥᓯᐛ ᐊᓐᒡ ᐃᔪᒡ ᐊᓐᑕ ᐅᑕᓇᒡ ᑲ ᑕᒡ ᒋ ᑯᔅᑯᐱᔪᒡ ᐊ ᐃᔅᒋᔄᒡ, “ᐊᐛᓐ ᐅ ᑲ ᑎᑯᓯᐧᒃ ?”
11ᐊᑯ ᒂ ᐃᑎᑯᒡ ᐊᓂᔭ ᐃᔪᐛ ᑲ ᐎᒐᐛᔨᒋ ᒋᓴᓴ, “ᒋᓴᔅ ᐊᓐ᙮ ᐊᐅᑯᓐ ᐅ ᐅᒋᔅᒋᐛᐃᒐᓱᐤ ᐊᓐᑕ ᓇᓴᕆᑎᒡ, ᑲᓕᓕ ᐊᔅᒋᒡ, ᑲ ᐅᒋᑦ᙮”
ᒋᓴᔅ ᑲ ᐎᐎᑎᓴᐛᑦ ᐊᓂᔭᔪᐛ ᑲ ᐊᑕᐛᔨᒋ ᐊᐛᓯᓴ ᒋᓴᐊᔭᒥᐊᐅᒋᐛᐱᒡ
ᒪᕐᒃ 11.15-19; ᓗᒃ 19.45-48; ᒠᓐ 2.13-22
12ᐊᑯ ᒋᓴᔅ ᒂ ᐱᒐᑦ ᒋᓴᐊᔭᒥᐊᐅᒋᐛᐱᔪᐤ᙮ ᒋ ᐛᐱᒪᐤ ᒪᒃ ᐊᓂᔭ ᑲ ᐊᑕᐛᔨᒋ ᑭᔭ ᐊᓂᔭ ᑲ ᐅᑎᓇᓱᔨᒋ ᐊᓐᑕ ᐱᑎᑭᒥᒡ, ᐊᑯ ᒂ ᐎᐎᑎᓴᐛᑦ᙮ ᒋ ᒂᑎᐱᐛᐱᓂᒺᐤ ᒪᒃ ᐅᒥᒋᓱᐛᑭᓇᑎᑯᔪᐤ ᐊᓂᔭ ᑲ ᒥᔅᑯᑐᓇᔨᒋ ᓱᓇᔭᐱᔎ ᑭᔭ ᐅᑕᑎᐳᐛᑭᓂᔪᐛ ᒋ ᒂᑎᐱᐛᐱᓂᒺᐤ ᐊᓂᔭ ᑲ ᐊᑕᐛᔨᒋ ᐱᔭᓯᓴ᙮ 13ᐊᑯ ᒋᓴᔅ ᒂ ᐃᑕᑦ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ‘ᐊᔭᒥᐊᐅᒋᐛᑉ ᒋᑭ ᐃᓯᓂᐧᑲᑕᐤ ᓂᒡ᙮’ ᒥᒄ ᒪᒃ ᒋᔨᐛᐤ ᑲᒋᒧᑎᒡ ᐎᒋᐛᐤ ᐊᐅᑯᓐ ᐊ ᑕᐱᒋᑕᔭᒄ ᐅ ᒋᓴᐊᔭᒥᐊᐅᒋᐛᑉ᙮” ᐊᐅᑯᓐ ᒪᒃ ᐅᔭ ᑲ ᐃᓯ ᐎᑎᒧᐛᑦ ᒋᓴᔅ ᐊᓂᔭ ᑲ ᐊᑕᐛᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮
14ᒋ ᐸᒋ ᓂᑐᐛᐱᒥᑯᐤ ᒪᒃ ᐊᓂᔭ ᐊᑲ ᐛᐸᑎᒥᔨᒋ ᑭᔭ ᐊᓂᔭ ᑲ ᒪᔅᒋᓂᑕᐅᒋᔨᒋ ᐊᐛᔪᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒪᒂᒡ ᐊ ᑕᑦ, ᒋ ᒥᓏᒋᐊᐤ ᒪᒃ᙮ 15ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ᒋᔄᐃᑯᐅᒡ ᐊᓂᔭ ᒋᓴᓴ ᐊ ᐛᐱᒪᒡ ᒥᓯᐛ ᐊᓂᔭ ᒪᒥᔅᑲᒡ ᒐᒂᔪᐤ ᐊ ᐃᑐᑎᒥᔨᒋ᙮ ᑭᔭ ᒋ ᐛᐧᑲᒥᑯᐅᒡ ᐊᓂᔭ ᐊᐛᓴ ᐊ ᐃᓯ ᑕᑈᔨᒋ ᐊᓐᑕ ᐱᑎᑭᒥᒡ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ, “ᒪᒥᒋᒪᑕᐤ ᒋᓴᔅ ᑎᐱᑦ ᐅᑯᓴ,” ᐊ ᐃᔅᒋᔄᔨᒋ᙮ 16ᐊᑯ ᒂ ᐃᑕᒡ ᐊᓂᔭ ᒋᓴᓴ, “ᒋ ᐸᑐᐛᐅᒡ ᐊ ᑕᓐ ᐊ ᐃᔅᒋᔄᒡ ?”
ᒋᓴᔅ ᒂ ᐃᑕᑦ, “ᓂ ᐸᑐᐛᐅᒡ, ᓇᒪᐎᔾ ᐊ ᓂᑕ ᒋ ᐅᒋ ᐃᔨᒥᑕᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᓐᑕ ᑲ ᐃᑎᔅᑕᒡ,
ᒋᓴᒪᓂᑐᐤ ᒋ ᐃᑐᑐᐛᐤ ᐊᐛᓴ ᑭᔭ ᐅᔅᒋᐛᓴ ᒐᒋ ᒥᔪ ᒪᒥᒋᒥᑯᑦ” ?
17ᐊᑯ ᒋᓴᔅ ᒂ ᓂᑭᑕᑦ, ᒂ ᔅᑐᑕᑦ ᐊᓐᑕ ᐊᓂᔭ ᐅᑕᓇᔪᐤ ᐊᑯ ᐊᓐᑕ ᐸᑕᓂᒡ ᐅᑕᓇᒡ ᒂ ᐃᑐᑕᑦ, ᐊᑯᑕ ᐊᓐᑕ ᑲ ᑕᑦ ᐸᐃᒄ ᑎᐱᔅᑲᐛ᙮
ᐛᐱᒥᓇᑎᒄ ᑲ ᓂᐱᑦ
ᒪᕐᒃ 11.12-14,20-24
18ᐎᐱᒡ ᒪᒃ ᒋᔭᒋᓴᐸᔭᔨᒡ ᒋᓴᔅ ᒥᓐ ᑲᐤ ᒋ ᒋᐛᐤ ᐊᓐᑕ ᒋᕈᓯᓕᒥᒡ, ᒋ ᓯᐛᔪᐤ ᒪᒃ᙮ 19ᐊᑯ ᒂ ᐛᐱᒪᑦ ᒥᓯᓱᒥᓇᑎᒂ ᐊᓐᑕ ᐅᐱᒪᔅᑭᓇᒡ, ᒂ ᓂᑐᐛᐱᒪᑦ, ᓇᒪ ᒪᒃ ᒐᒂᔪᐤ ᐅᒋ ᒥᔅᑭᒻ ᒐᒋ ᒥᒋᑦ ᐊᓐᑕ ᒥᔅᑎᑯᒡ ᒥᒄ ᓂᐱᔭ ᒋ ᓂᑕᐅᒋᓂᔪᐛ ᐊᓐᑕ᙮ ᐊᑯ ᒂ ᐃᑕᑦ ᐊᓂᔭ ᒥᔅᑎᒂ, “ᓇᒪ ᓂᑕ ᒥᓐ ᒋᑭ ᐅᒋ ᓂᑕᐅᒍᐅᒡ ᐛᐱᒥᓂᒡ ᐊᓐᑕ ᐊ ᑕᔨᓐ᙮” ᑎᐛᒡ ᒪᒃ ᒋ ᓂᐱᔪᐛ ᐊᓂᔭ ᒥᓯᓱᒥᓇᑎᒂ᙮
20ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ᐛᐸᑎᒧᒡ ᐅᔭ ᑲ ᐃᔅᐱᔨᒡ, ᒋ ᒥᔅᑲᑕᔨᑎᒧᒡ ᒪᒃ ᐊ ᐃᔅᒋᔄᒡ, “ᑕᓐᑕ ᓇᔅᒡ ᐎᐱᒡ ᐛᒋ ᓂᐱᑦ ᐊᓐ ᒥᓯᓱᒥᓇᑎᒄ ?”
21ᐊᑯ ᒋᓴᔅ ᐊᑕᑦ, “ᒋ ᐎᑎᒪᑎᓇᐛᐤ, ᐊᑲ ᓇᔅᒡ ᒐ ᐅᒋ ᐊᓏᑎᒧᐛᒂ ᑭᔭ ᓇᔅᒡ ᒐ ᑕᑈᑎᒧᐛᒂ, ᒋᑭ ᒋ ᐃᑐᑐᐛᐛᐤ ᑭᔭ ᒋᔨᐛᐤ ᑕᓐ ᑲ ᐃᑐᑐᐅᒃ ᐅ ᒥᓯᓱᒥᓇᑎᒄ᙮ ᓇᒪᐎᔾ ᒥᒄ ᐊᓐ ᒐᒂᓐ ᒐᒋ ᐃᑐᑎᒪᒄ ᑭᔭ ᒋᑭ ᒋ ᐃᑎᓱᐛᑕᓐ ᐱᔅᑯᑎᓇᐤ, ‘ᐃᓯ ᐛᐱᓂᓱᐤ ᐊᓐᑕ ᐎᓂᐸᑯᒡ᙮’ ᒋᑭ ᐱᓯᒋᐃᑯᓐ ᒪᒃ᙮ 22ᒥᒄ ᑕᓐ ᒐ ᐃᓯ ᓂᑐᑎᒪᔭᒄ ᐊ ᐊᔭᒥᐊᔭᒄ, ᑕᑈᑎᒧᒄ ᓴᔅ ᐊ ᐊᔭᔭᒄ ᑭᔭ ᒐ ᒥᔨᑯᐅᔭᒄ ᐊᓐ ᑲ ᐃᓯ ᓂᑐᑎᒪᔭᒄ᙮”
ᒋᓴᔅ ᑲ ᑯᒂᒋᒪᑭᓄᐅᑦ ᐊᐛᔪᐛ ᑲ ᒥᔨᑯᑦ ᒐᒋ ᐃᑐᑕᐧᒃ ᐊᓂᔭᔪᐛ ᒐᒂᔪᐛ ᑲ ᐃᑐᑕᐧᒃ
ᒪᕐᒃ 11.27-33; ᓗᒃ 20.1-8
Matthew 21.23-32 (Proper-21 Year A)
23ᐃᔅᐱ ᒪᒃ ᒋᓴᔅ ᑲ ᐱᒐᑦ ᐊᓂᔭ ᒍᐤ ᒋᓴᐊᔭᒥᐊᐅᒋᐛᐱᔪᐤ, ᒪᒂᒡ ᒪᒃ ᐊ ᒋᔅᑯᑎᒪᒐᑦ, ᒋ ᐸᒋ ᓇᑎᑯᐤ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᑭᔭ ᒋ ᐃᑎᑯᐤ, “ᐊᐛᓐ ᑲ ᒥᔨᔅᒃ ᒐᒋ ᐃᑐᑎᒥᓐ ᐅ ? ᐊᐛᓐ ᑲ ᐃᑎᓱᒥᔅᒃ ᐅᔭ ᒐᒋ ᐃᑐᑎᒧᑦ ?”
24ᐊᑯ ᒋᓴᔅ ᐊᑕᑦ, “ᒋᑭ ᑯᒂᒋᒥᑎᓇᐛᐤ ᒐᒂᓐ, ᒋ ᐸᒋ ᐎᑎᒧᐎᔭᒂ ᒪᒃ, ᐊᑯ ᑭᔭ ᒐ ᐎᑎᒪᑎᑯᒡ ᑕᓐᑕ ᐛᒋᐱᔨᒡ ᐅ ᑎᐸᔨᒋᒐᐅᓐ ᑲ ᐊᔭᔭᓐ ᒐᒋ ᐃᑐᑎᒪᓐ ᐅᔭ ᒐᒂᔪᐛ᙮ 25ᐸᒋ ᐎᑎᒧᐅᒄ, ᐊᐛᔪᐛ ᑲ ᐃᑎᓱᒥᑯᑦ ᒠᓐ ᒐᒋ ᓯᑲᐃᑐᐛᑦ ᐊᐛᔪᐛ ? ᒋᓴᒪᓂᑐᐛ ᐊ ᑭᔭ ᒪᒃ ᐃᔪᐛ ?”
ᒋ ᐃᔨᒥᑐᐅᒡ ᒪᒃ ᐊᓐᑕ ᐎᔨᐛᐤ ᐊ ᐃᔅᒋᔄᒡ, “ᐃᔅᒋᔄᔭᒂ, ‘ᒋᓴᒪᓂᑐᐛ ᒋ ᐃᑎᑯᐤ,’ ᒋᑭ ᐃᑎᑯᓄᐤ, ‘ᒐᒂᓐ ᒪᒃ ᐛᒋ ᐊᑲ ᐅᒋ ᑕᑈᑐᐛᒄ ?’ 26ᒪᒃ ᐃᔅᒋᔄᔭᒂ ‘ᐃᔪᐛ ᒋ ᐃᑎᑯᐤ,’ ᒋᑭ ᐎ ᐃᔭᒂᒥᔅᑐᐛᓄᐅᒡ ᑕᓐ ᒐ ᐃᑐᑕᑕᐧᑯᒡ ᐊᓐᒡ ᐃᔪᒡ᙮ ᐛᔅ ᒥᓯᐛ ᑕᑈᑎᒧᒡ ᒠᓇ ᐊᒋ ᐅᒋᔅᒋᐛᐃᒐᓱᔨᒋ᙮” 27ᐊᑯ ᒪᒃ ᐊᑕᒡ ᒋᓴᓴ, “ᓇᒪ ᓂ ᒋᔅᒐᔨᒪᓇᓐ ᐊᐛᔪᐛ ᑲ ᐃᑎᓱᒥᑯᑦ ᒠᓐ ᒐᒋ ᓯᑲᐃᑐᐛᑦ ᐊᐛᔪᐛ᙮” ᒋᓴᔅ ᒂ ᐃᑕᑦ, “ᓂᔾ ᑭᔭ ᓇᒪ ᒋᑭ ᐅᒋ ᐎᑎᒪᑎᓇᐛᐤ ᐊᐛᓐ ᑲ ᐸᒋ ᐃᑎᓱᒥᑦ ᐅ ᒐᒋ ᐃᑐᑎᒪᓐ᙮”
ᓇᐸᐤ ᐊ ᓂᓯᔨᒋ ᐅᑯᓴ ᑲ ᑎᐸᒋᒪᑭᓄᐅᑦ
28“ᒋᑭ ᑎᐸᒋᒧᔅᑕᑎᓇᐛᐤ ᒐ ᒪᒥᑐᓇᔨᑎᒪᒄ ᒪᒃ᙮ ᒋ ᑕᐤ ᐸᐃᒂᐤ ᓇᐸᐤ ᑲ ᓂᓯᔨᒋ ᐅᑯᓴ᙮ ᐊᑯ ᒂ ᓂᑐᐛᐱᒪᑦ ᐊᓂᔭ ᐛᔅᑕᓯᒪᐎᔨᒋ ᐊᑯ ᒂ ᐃᑕᑦ, ‘ᓂᑯᓴ, ᐃᑐᑕᒪ ᑭᔭ ᐊᓄᒡ ᓂᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ ᑭᔭ ᒐ ᐊᑐᔅᒐᔨᓐ᙮’ ”
29“ᐊᑯ ᒂ ᐃᑎᑯᑦ ᐊᓂᔭ ᐅᑯᓴ, ‘ᓇᒪ ᓂᑭ ᐃᑐᑕᓐ᙮’ ᐸᑎᒪ ᒪᒃ ᒋ ᒂᔅᒐᔨᑎᒻ ᑭᔭ ᒋ ᐃᑐᑕᐤ ᒐᒋ ᐊᑐᔅᒐᑦ᙮”
30“ᐊᑯ ᐅᑕᐎᒪᐤ ᒂ ᓂᑐᐛᐱᒪᑦ ᐊᓂᔭ ᑯᑎᑲ ᐅᑯᓴ, ᒥᓐ ᐊᐅᑯᓐ ᐊᑕᑦ ᒐᒋ ᐊᑐᔅᒐᔨᒋ ᐊᓐᑕ ᓂᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮ ᐊᑯ ᐊᑎᑯᑦ ᐊᓂᔭ ᐅᑯᓴ, ‘ᓂᐦᐃ, ᓂᑭ ᐃᑐᑕᓐ᙮’ ᓇᒪ ᒪᒃ ᐅᒋ ᐃᑐᑕᔪᐛ᙮”
31“ᑕᓐ ᒪᒃ ᐊᓐᒡ ᐊ ᓂᓯᒡ ᓇᐸᓯᒡ ᑲ ᓂᓇᐃᑐᐛᑦ ᐅᑕᐎᐛᐛ ?” ᐊᑯ ᒋᓴᔅ ᐊᑎᑯᑦ ᐊᓂᔭ ᑲ ᑯᒂᒋᒪᑦ, “ᐊᓐ ᐅᔅᑕᓯᒪᐤ᙮”
ᐊᑯ ᒋᓴᔅ ᐊᑕᑦ, “ᒋ ᐎᑎᒪᑎᓇᐛᐤ, ᐊᓐᒡ ᓂᑎᒥᒄ ᑲ ᐃᑎᒡ ᒋᓴᐅᒋᒪᐛ ᐊ ᐊᐱᒋᐃᑯᒡ ᒐᒋ ᒪᒧᓴᒋᓂᒺᒡ ᐅᓱᓇᔭᓂᒥᔪᐤ ᑭᔭ ᐊᓐᒡ ᐱᓯᒂᑎᓯᔎᐅᒡ ᐊᐅᑯᓐᒡ ᐊᓐᒡ ᓂᔅᑎᒻ ᒐ ᐱᒐᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐊᔅᒄ ᐊᑲ ᒋᔨᐛᐤ ᐱᒐᔭᒄ᙮ 32ᐛᔅ ᒠᓐ ᑲ ᓯᑲᐃᑕᒐᑦ ᔅᒋ ᐸᒋ ᓂᑐᐛᐱᒥᑯᐛᐤ ᐊᒋ ᐎ ᐛᐸᑎᔨᑕᒄ ᑯᐃᔅᑯᑕᑎᓯᐅᓂᔪᐤ, ᓇᒪ ᒪᒃ ᒋ ᐅᒋ ᑕᑈᑐᐛᐛᐤ᙮ ᒥᒄ ᒪᒃ ᐊᓐᒡ ᒋᓴᐅᒋᒪᐛ ᑲ ᐊᐱᒋᐃᑯᒡ ᐊ ᒪᒧᓴᒋᓂᒺᒡ ᐅᓱᓇᔭᓂᒥᔪᐤ ᑭᔭ ᐊᓐᒡ ᐱᓯᒂᑎᓯᔎᐅᒡ ᒋ ᑕᑈᑐᐛᐅᒡ ᑕᓐ ᑲ ᐃᓯ ᐊᔨᒧᑎᒪᑯᒡ ᑯᐃᔅᑯᑕᑎᓯᐅᓂᔪᐤ᙮ ᐊᑎ ᐃᔅᐱᔅ ᐛᐱᒪᑯᒡ ᐊ ᑕᑈᑕᒡ ᐅᒡ, ᓇᒪ ᐃᔭᐱᒡ ᒋ ᐅᒋ ᒂᔅᑲᑎᓯᓇᐛᐤ ᓇᒪ ᐃᔭᐱᒡ ᒋ ᐅᒋ ᑕᑈᑕᓇᐛᐤ᙮”
ᑲ ᓂᑕᐅᒋᑕᒡ ᑲ ᑎᐸᒋᒪᑭᓄᐎᒡ
ᒪᕐᒃ 12.1-12; ᓗᒃ 20.9-19
Matthew 21.33-46 (Proper-22 Year A)
33ᐊᑯ ᒋᓴᔅ ᐊᑕᑦ, “ᓂᑐᑎᒧᒄ ᒥᓐ ᐅ ᑯᑎᒡ ᒋᔅᑯᑎᒪᒐᐤ ᑎᐸᒋᒧᐅᓐ᙮ ᒋ ᑕᐤ ᐸᐃᒂᐤ ᐅᒋᒪᐤ ᐊ ᓂᑕᐅᒋᑕᑦ ᒥᓂᓴ ᒐᒋ ᐅᒋ ᐅᓯᑕᑦ ᓱᒥᓇᐳᔪᐤ᙮ ᒋ ᒋᐸᐊᒻ ᒪᒃ ᒥᓯᐛ ᐛᔅᑲ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ᙮ ᑭᔭ ᒋ ᒧᓇᐊᒻ ᑕᓐᑕ ᒐ ᐱᒋᔅᒋᔅᑲᑭᓄᔨᒋ ᐊᓂᔭ ᒥᓂᓴ᙮ ᒋ ᐅᓯᑕᐤ ᑭᔭ ᐊᓱᐛᐳᐅᒋᐛᐱᔪᐤ ᐊᓐᑕ ᒐ ᐅᒋ ᓂᓇᑭᑐᐛᔨᑕᑭᓄᔨᒋ ᐊᓂᔭ ᐅᓂᑕᐅᒋᑕᑭᓇ᙮ ᐃᔅᐱ ᒪᒃ ᑲᒋ ᐃᑎᑦ ᒋ ᓇᓂᑐᐛᐱᒪᐤ ᐊᐛᔪᐛ ᒐᒋ ᓂᓇᑭᑐᐛᔨᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒂ ᔅᑐᑕᑦ, ᐛᔪᐤ ᐊ ᑎᑯᓂᔨᒡ ᐊᔅᒋᔪᐤ ᒋ ᐃᑐᑕᐤ᙮ 34ᐃᔅᐱ ᒪᒃ ᐛᑎᒋᐱᔨᒡ ᒐ ᒪᒧᓴᒋᓂᑭᓄᔨᒋ ᐊᓂᔭ ᒥᓂᓴ ᐊᓐᑕ ᒥᔅᑎᑯᒡ ᑲ ᓂᑕᐅᒋᒋ ᒋ ᐃᑎᓴᐛᐤ ᐅᑦ ᐊᐱᒋᐊᑭᓇ ᒐᒋ ᓂᑐᐛᐱᒪᔨᒋ ᐊᓂᔭ ᑲ ᓂᓇᑭᑐᐛᔨᑎᒥᔨᒋ ᐊᓂᔭ ᐅᑦ ᐊᔅᒋᔾ ᒐᒋ ᒥᔨᑯᑦ ᐎᔾ ᑕᓐ ᒋᐸ ᐃᓯ ᐊᔭᐤ᙮
35ᐊᑯ ᐊᓐᒡ ᑲ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓂᔪᐤ ᒋ ᒪᓯᐧᑯᐛᐅᒡ ᐸᐃᒄ ᐊᓂᔭ ᐊᐱᒋᐊᑭᓇ ᑲ ᐸᑎᓴᐛᑭᓄᔨᒋ ᐊᑯ ᑯᑎᑲ ᒂ ᓂᐸᐊᒡ ᐊᑯ ᒥᓐ ᐊᓂᔭ ᑯᑎᑲ ᒋ ᓂᐸᐊᐅᒡ ᐊᒋ ᐸᐱᒧᓯᓇᑕᐛᒡ᙮ 36ᐊᑯ ᒪᒃ ᐊᓐ ᐅᒋᒪᐤ ᒥᓐ ᒋ ᐃᑎᓴᐛᐤ ᑯᑎᑲ ᐊᐱᒋᐊᑭᓇ, ᐊᑐᐎᔅ ᐊ ᒥᒐᑎᔨᒋ᙮ ᒥᒄ ᒪᒃ ᐊᓐᒡ ᑲ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓂᔪᐤ ᐃᔭᐱᒡ ᐊᐅᑯᓐ ᑲ ᐃᑐᑐᐛᒡ ᐊᓂᔭ ᐊᐱᒋᐊᑭᓇ᙮ 37ᐊᑯ ᒐᒃ ᐊᓂᔭ ᐅᑯᓴ ᒂ ᐃᑎᓴᐛᑦ ᐊᓐ ᐅᒋᒪᐤ ᐊ ᐃᔅᒋᔄᑦ, ‘ᒋᑭ ᒋᔅᑕᔨᒪᐅᒡ ᐅᔭ ᓂᑯᓴ᙮’
38ᒥᒄ ᒪᒃ ᐊᓐᒡ ᑲ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓂᔪᐤ ᐃᔅᐱ ᐎᔭᐱᒪᒡ ᐊᓂᔭ ᐅᒋᒪᒧᐛᐛᐤ ᐅᑯᓯᔪᐛ ᒋ ᐃᑎᑐᐅᒡ, ‘ᐊᐅᑯᓂ ᐅᔭ ᐊᓐ ᒋᐅᒋᒪᒥᓄᐤ ᑎᐱᔨᐛ ᐅᑯᓴ᙮ ᐎᔾ ᒋᑭ ᐊᓱᐤ ᒥᔭᑭᓄᐤ ᐅᔭ ᓂᑕᐅᒋᑕᑭᓐ ᐊᔅᒋᔪᐤ᙮ ᓇᐸᐊᑕᐤ᙮ ᐊᑯ ᒪᒃ ᒋᔭᓄᐤ ᒐ ᑎᐱᔨᐛᐅᓯᐛᐧᒄ ᐅᔭ ᐅᑦ ᐊᔅᒋᔾ᙮’ 39ᐊᑯ ᒂ ᒪᑯᓇᒡ, ᒂ ᐎᐎᑎᓯᓇᒡ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐅᒋ ᐊᑯ ᓇᐸᐊᒡ᙮”
40ᐊᑯ ᒋᓴᔅ ᐊᑕᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭ ᐸᕆᓯᐊ ᑲ ᑎᐸᒋᒧᔅᑐᐛᑦ, “ᑕᓐ ᒪᒃ ᐊ ᐃᑕᔨᒪᒄ ᒐ ᐃᑐᑐᐛᑦ ᐊᓐ ᐅᒋᒪᐤ ᐊᓂᔭ ᑲ ᓂᓇᑭᑐᐛᔨᑎᒥᔨᒋ ᐅᓂᑕᐅᒋᑕᑭᓇ ᐃᔅᐱ ᑎᑯᓯᒐ ?”
41ᐊᑯ ᐊ ᑎᑯᑦ ᐊᓂᔭ ᑲ ᑎᐸᒋᒧᔅᑐᐛᑦ ᐃᔪᐛ, “ᑎᑯᓯᒐ ᐊᓐ ᐅᒋᒪᐤ ᒋᑭ ᓂᐸᐊᐤ ᐊᓂᔭᔪᐛ ᒥᒋ ᐊᐱᒋᐊᑭᓇ ᐊᑯ ᒐ ᒥᔭᑦ ᑯᑎᑲ ᐊᐛᔪᐛ ᒐᒋ ᓂᓇᑭᑐᐛᔨᑎᒥᔨᒋ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ, ᐊᐅᒄ ᒪᒃ ᐅᔭ ᒐ ᒥᔨᑯᑦ ᐎᔾ ᑕᓐ ᐊ ᐃᓯ ᑎᐱᔨᐛᐅᓯᑦ ᐃᔅᐱ ᒋ ᐃᓯ ᓂᑕᐅᒋᓂᒂᐛ ᐊᓂᔭ ᐅᓂᑕᐅᒋᑕᑭᓇ᙮”
42ᐊᑯ ᒋᓴᔅ ᐊᑕᑦ, “ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᑲ ᐃᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᒋ ᐊᑐᐛᔨᒪᐅᒡ ᑲ ᒥᒋᐛᐱᒐᒡ ᐊᓂᔭ ᐊᓯᓂᔭ ᒋᒋᐛ ᐊ ᐊᐱᑎᓯᔨᒋ ᐊ ᒋᒐᔭᔨᒡ᙮
ᐊᔪᐅᒄ ᐅᔭ ᐅᑎᐸᔨᒋᒐᐤ ᐅᑦ ᐃᑐᐅᓇ, ᐊᔪᐛᒡ ᒥᔅᑲᓯᓇᑯᓂᔪᐛ ᐊ ᑭᓄᐛᐸᑕᑭᓄᔨᒋ ?”
43ᐊᑯ ᒋᓴᔅ ᒂ ᐊᑎ ᐃᑕᑦ, “ᐅ ᒪᒃ ᒋ ᐎ ᐃᓯ ᐎᑎᒪᑎᓇᐛᐤ, ᒋᓴᒪᓂᑐᐤ ᐅᒋᓴᐅᒋᒪᐅᓐ ᒋᑭ ᒥᔅᑭᒥᑯᓇᐛᐤ, ᐊᑯ ᒐ ᐊᓱᒥᔭᑭᓄᐎᒡ ᐊᓐᒡ ᑕᑈ ᒐ ᓄᑯᑕᐛᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐅᐱᒪᑎᓯᐅᓄᐛᒡ᙮ 44ᐛᔅ ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ‘ᓇᔅᒡ ᒋᑭ ᐱᑯᓯᓐ ᐊᐛᓐ ᐊ ᐸᒋᓯᒥᑯᑦ ᐊᓂᔭ ᐊᓯᓂᔭ, ᑭᔭ ᓇᔅᒡ ᒋᑭ ᐱᑯᔅᑲᑯᐤ ᒪᒋᑯᔅᑲᑯᒐ ᐊᓂᔭ ᐊᓯᓂᔭ᙮’ ”
45ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐸᕆᓯᔨᒡ ᒋ ᐸᑐᐛᐅᒡ ᒋᓴᓴ ᐊ ᐎᑎᒥᔨᒋ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ, ᒋ ᒋᔅᒐᔨᑎᒧᒡ ᒪᒃ ᐎᔨᐛᐤ ᐊ ᐊᔨᒧᒥᑯᒡ᙮ 46ᒋ ᐎ ᒪᑯᓇᐅᒡ ᒪᒃ ᐊᓂᔭ ᒋᓴᓴ, ᒥᒄ ᒋ ᑯᔅᑕᐅᒡ ᐊᓂᔭ ᐃᔪᐛ ᑕᓐ ᒐ ᐃᑎᔨᒋ ᐛᔅ ᐊᓐᒡ ᐃᔪᒡ ᓇᔅᒡ ᒋ ᒐᔅᑎᓇᑕᔨᑎᒧᒡ ᒋᓴᓴ ᐊ ᒋᔅᒋᐛᐃᒐᓯᐅᔨᒋ᙮
Currently Selected:
ᒪᑎᔪᐤ 21: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᒪᑎᔪᐤ 21
21
ᒋᓴᔅ ᑲ ᐱᒐᑦ ᒋᕈᓯᓕᒥᒡ
ᒪᕐᒃ 11.1-11; ᓗᒃ 19.28-40; ᒠᓐ 12.12-19
1ᒋᓴᔅ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ ᐊᓐᑕ ᒋᕈᓯᓕᒥᒡ ᒋ ᐎ ᐃᑐᑕᐅᒡ᙮ ᐃᔅᐱ ᐊ ᐊᑎ ᐸᓱᐛᐸᑕᒡ ᒋ ᐅᑎᑎᒧᒡ ᐊᓂᔭ ᐅᑕᓇᔪᐤ ᐸᑦᐸᐃᒡ ᑲ ᐃᓯᓂᐧᑲᑕᔨᒡ᙮ ᐊᓐᑕ ᐱᔅᑯᑎᓇᐤ ᐊᓕᐱᔅ ᑲ ᐃᓯᓂᐧᑲᑕᒡ ᐊᑯᑕ ᐊ ᑎᒂᒡ ᐅ ᐅᑕᓇᐤ᙮ ᐊᑯᑕ ᒪᒃ ᐅᑕ ᒋᓴᔅ ᑲ ᓂᑲᓂᑎᓴᐛᑦ ᓂᓱ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, 2“ᐃᑐᑕᒄ ᐊᓐᑕ ᐊᓐ ᐅᑕᓇᐤ, ᐃᔅᐱ ᒪᒃ ᐅᑎᑎᒪᒂ ᒋᑭ ᐛᐱᒪᐛᐤ ᐅᐧᑲᓐ ᒧᔭᒻ ᐊ ᐊᐱᓯᓯᑦ ᑲᐸᐃᑭᔎᐤ ᑲ ᐃᓯᓇᑯᓯᑦ, ᐅᐧᑲᓂᓴ ᐊ ᐎᒋᑲᐳᔅᑕᑯᑦ᙮ ᐊᐱᐧᑯᓇᑯᒡ ᑭᔭ ᑕᐱᔅᑯᓐ ᒐ ᐸᓱᐛᑯᒡ ᐊᓐᒡ ᐊᐛᓯᓯᒡ᙮ 3ᐊᑯ ᑯᒂᒋᒥᑕᒂ ᐊᐛᓐ ᒐᒂᔪᐤ ᐛᒋ ᐊᐱᐧᑯᓇᑯᒡ ᐊᓐᒡ, ᒐ ᐃᑕᒄ, ‘ᐅᑎᐸᔨᒋᒐᐤ ᓂᑐᐛᔨᒪᐤ᙮’ ᑎᐛᒡ ᒪᒃ ᒋᑭ ᐱᔅᑎᓂᑯᐛᐤ ᒐᒋ ᐅᑎᓇᑯᒡ᙮”
4ᐛᔅ ᐊᓐ ᐸᐃᒄ ᐅᒋᔅᒋᐛᐃᒐᓱᐤ ᑲ ᐃᔅᒋᔄᑯᐱᓇ ᐅᔭ ᒐ ᐃᔅᐱᔨᒡ, ᒋ ᑕᑈᑯᐱᓇ ᐅᔭ ᑲ ᐃᔅᒋᔄᑦ,
5ᐎᑎᒧᐛᐧᑯᒡ ᐊᓐᒡ ᐃᔪᒡ ᐊᓐᑕ ᓴᐃᔭᓂᒡ ᑲ ᐅᒋᒡ,
ᑭᓄᐛᐱᒪᒄ ᒪ ᒋᒋᓴᐅᒋᒪᒧᐛᐤ,
ᒋ ᐸᒋ ᓂᑐᐛᐱᒥᑯᐛᐤ ᐊ ᑎᐱᑕᔨᒥᓱᑦ,
ᐅᐧᑲᓇ ᒧᔭᒻ ᑲ ᐊᐱᓯᓯᔨᒋ ᑲᐸᐃᑭᔎᐛ ᑲ ᐃᓯᓇᑯᓯᔨᒋ ᐊ ᑕᑎᐱᑦ᙮
ᐊᔪᐅᒄ ᐅᔭ ᑲ ᐃᔅᒋᔄᑯᐱᓇ ᐊᓂᔭ ᐸᐃᒄ ᐅᒋᔅᒋᐛᐃᒐᓱᐤ᙮
6ᐊᑯ ᒪᒃ ᐊᓐᒡ ᓂᓱ ᒋᔅᒋᓄᐊᒧᐛᑭᓐᒡ ᒂ ᐃᑐᑕᒡ ᐊᓐᑕ ᐅᑕᓇᒡ, ᒂ ᑐᑕᒡ ᐊᓂᔭ ᑲ ᐃᑎᓱᒥᑯᒡ ᒋᓴᓴ᙮ 7ᒋ ᐸᓱᐛᐅᒡ ᐊᓂᔭ ᐅᐧᑲᓇ ᑭᔭ ᐊᓂᔭᔪᐛ ᐅᐧᑲᓂᓯᔪᐛ, ᒂ ᐊᑯᓄᐛᐊᒺᒡ ᐅᑦ ᐊᑯᐳᐛᐛ ᐊᓐᑕ ᐅᔅᐱᔅᑯᓂᔨᒡ, ᐊᑯᑕ ᒪᒃ ᑲ ᑕᑎᐱᑦ ᒋᓴᔅ᙮ 8ᒥᒐᑦ ᒪᒃ ᐊᓐᒡ ᐃᔪᒡ ᒋ ᓴᑥᑭᔅᑕᐅᒡ ᐅᑦ ᐊᑯᐳᐛᐛ ᐊᓐᑕ ᒐ ᐱᒧᑕᐃᑯᔨᒋ ᐊᓂᔭ ᐊᐛᓯᓴ ᑭᔭ ᑯᑎᑭᒡ ᓂᐱᓯᔭᑎᒂ ᒋ ᓇᑥᓂᒧᒡ ᒂ ᐱᒪᔅᑯᔅᑕᒡ ᐊᓐᑕ ᒪᔅᑭᓇᒡ ᐊᑯᑕ ᒪᒃ ᒂ ᐊᑎ ᐱᒧᑕᔨᒋ ᐊᓂᔭ ᐊᐛᓯᓴ᙮ 9ᐊᓐᒡ ᒪᒃ ᐃᔪᒡ ᐊᓐᑕ ᓂᑲᓄᒡ ᑲ ᐱᒧᑕᒡ ᐊᓂᔭ ᒋᓴᓴ ᐊ ᑕᔨᒋ ᑭᔭ ᐊᓐᒡ ᐊᓐᑕ ᐅᑕᒡ ᑲ ᐱᒧᑕᐛᒡ ᒋ ᒋᒋ ᒪᒥᒋᒪᐅᒡ ᒋᓴᒪᓂᑐᐛ ᐊ ᒋᔄᐛᒡ ᐊ ᐃᔅᒋᔄᒡ,
“ᒋᔅᑕᔨᑕᑯᐊᒄ ᐊᓐ ᑲ ᐅᑯᓯᑐᑕᑯᑦ ᑎᐱᑕ,
ᓱᐛᔨᑕᑯᓱᐤ ᐅ ᑲ ᐸᒋ ᐃᑎᓴᐅᑯᑦ ᐅᑎᐸᔨᒋᒐᐛ᙮
ᒪᒥᒋᒪᑕᐤ ᒋᓴᒪᓂᑐᐤ ᐎᔾ ᓇᔅᒡ ᐊ ᒋᔅᑕᔨᑕᑯᓯᑦ᙮”
10ᐃᔅᐱ ᒪᒃ ᒋᓴᔅ ᑕᑯᓯᐧᒃ ᐊᓐᑕ ᒋᕈᓯᓕᒥᒡ ᒥᓯᐛ ᐊᓐᒡ ᐃᔪᒡ ᐊᓐᑕ ᐅᑕᓇᒡ ᑲ ᑕᒡ ᒋ ᑯᔅᑯᐱᔪᒡ ᐊ ᐃᔅᒋᔄᒡ, “ᐊᐛᓐ ᐅ ᑲ ᑎᑯᓯᐧᒃ ?”
11ᐊᑯ ᒂ ᐃᑎᑯᒡ ᐊᓂᔭ ᐃᔪᐛ ᑲ ᐎᒐᐛᔨᒋ ᒋᓴᓴ, “ᒋᓴᔅ ᐊᓐ᙮ ᐊᐅᑯᓐ ᐅ ᐅᒋᔅᒋᐛᐃᒐᓱᐤ ᐊᓐᑕ ᓇᓴᕆᑎᒡ, ᑲᓕᓕ ᐊᔅᒋᒡ, ᑲ ᐅᒋᑦ᙮”
ᒋᓴᔅ ᑲ ᐎᐎᑎᓴᐛᑦ ᐊᓂᔭᔪᐛ ᑲ ᐊᑕᐛᔨᒋ ᐊᐛᓯᓴ ᒋᓴᐊᔭᒥᐊᐅᒋᐛᐱᒡ
ᒪᕐᒃ 11.15-19; ᓗᒃ 19.45-48; ᒠᓐ 2.13-22
12ᐊᑯ ᒋᓴᔅ ᒂ ᐱᒐᑦ ᒋᓴᐊᔭᒥᐊᐅᒋᐛᐱᔪᐤ᙮ ᒋ ᐛᐱᒪᐤ ᒪᒃ ᐊᓂᔭ ᑲ ᐊᑕᐛᔨᒋ ᑭᔭ ᐊᓂᔭ ᑲ ᐅᑎᓇᓱᔨᒋ ᐊᓐᑕ ᐱᑎᑭᒥᒡ, ᐊᑯ ᒂ ᐎᐎᑎᓴᐛᑦ᙮ ᒋ ᒂᑎᐱᐛᐱᓂᒺᐤ ᒪᒃ ᐅᒥᒋᓱᐛᑭᓇᑎᑯᔪᐤ ᐊᓂᔭ ᑲ ᒥᔅᑯᑐᓇᔨᒋ ᓱᓇᔭᐱᔎ ᑭᔭ ᐅᑕᑎᐳᐛᑭᓂᔪᐛ ᒋ ᒂᑎᐱᐛᐱᓂᒺᐤ ᐊᓂᔭ ᑲ ᐊᑕᐛᔨᒋ ᐱᔭᓯᓴ᙮ 13ᐊᑯ ᒋᓴᔅ ᒂ ᐃᑕᑦ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ‘ᐊᔭᒥᐊᐅᒋᐛᑉ ᒋᑭ ᐃᓯᓂᐧᑲᑕᐤ ᓂᒡ᙮’ ᒥᒄ ᒪᒃ ᒋᔨᐛᐤ ᑲᒋᒧᑎᒡ ᐎᒋᐛᐤ ᐊᐅᑯᓐ ᐊ ᑕᐱᒋᑕᔭᒄ ᐅ ᒋᓴᐊᔭᒥᐊᐅᒋᐛᑉ᙮” ᐊᐅᑯᓐ ᒪᒃ ᐅᔭ ᑲ ᐃᓯ ᐎᑎᒧᐛᑦ ᒋᓴᔅ ᐊᓂᔭ ᑲ ᐊᑕᐛᔨᒋ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮
14ᒋ ᐸᒋ ᓂᑐᐛᐱᒥᑯᐤ ᒪᒃ ᐊᓂᔭ ᐊᑲ ᐛᐸᑎᒥᔨᒋ ᑭᔭ ᐊᓂᔭ ᑲ ᒪᔅᒋᓂᑕᐅᒋᔨᒋ ᐊᐛᔪᐛ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒪᒂᒡ ᐊ ᑕᑦ, ᒋ ᒥᓏᒋᐊᐤ ᒪᒃ᙮ 15ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ ᒋ ᒋᔄᐃᑯᐅᒡ ᐊᓂᔭ ᒋᓴᓴ ᐊ ᐛᐱᒪᒡ ᒥᓯᐛ ᐊᓂᔭ ᒪᒥᔅᑲᒡ ᒐᒂᔪᐤ ᐊ ᐃᑐᑎᒥᔨᒋ᙮ ᑭᔭ ᒋ ᐛᐧᑲᒥᑯᐅᒡ ᐊᓂᔭ ᐊᐛᓴ ᐊ ᐃᓯ ᑕᑈᔨᒋ ᐊᓐᑕ ᐱᑎᑭᒥᒡ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ, “ᒪᒥᒋᒪᑕᐤ ᒋᓴᔅ ᑎᐱᑦ ᐅᑯᓴ,” ᐊ ᐃᔅᒋᔄᔨᒋ᙮ 16ᐊᑯ ᒂ ᐃᑕᒡ ᐊᓂᔭ ᒋᓴᓴ, “ᒋ ᐸᑐᐛᐅᒡ ᐊ ᑕᓐ ᐊ ᐃᔅᒋᔄᒡ ?”
ᒋᓴᔅ ᒂ ᐃᑕᑦ, “ᓂ ᐸᑐᐛᐅᒡ, ᓇᒪᐎᔾ ᐊ ᓂᑕ ᒋ ᐅᒋ ᐃᔨᒥᑕᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᓐᑕ ᑲ ᐃᑎᔅᑕᒡ,
ᒋᓴᒪᓂᑐᐤ ᒋ ᐃᑐᑐᐛᐤ ᐊᐛᓴ ᑭᔭ ᐅᔅᒋᐛᓴ ᒐᒋ ᒥᔪ ᒪᒥᒋᒥᑯᑦ” ?
17ᐊᑯ ᒋᓴᔅ ᒂ ᓂᑭᑕᑦ, ᒂ ᔅᑐᑕᑦ ᐊᓐᑕ ᐊᓂᔭ ᐅᑕᓇᔪᐤ ᐊᑯ ᐊᓐᑕ ᐸᑕᓂᒡ ᐅᑕᓇᒡ ᒂ ᐃᑐᑕᑦ, ᐊᑯᑕ ᐊᓐᑕ ᑲ ᑕᑦ ᐸᐃᒄ ᑎᐱᔅᑲᐛ᙮
ᐛᐱᒥᓇᑎᒄ ᑲ ᓂᐱᑦ
ᒪᕐᒃ 11.12-14,20-24
18ᐎᐱᒡ ᒪᒃ ᒋᔭᒋᓴᐸᔭᔨᒡ ᒋᓴᔅ ᒥᓐ ᑲᐤ ᒋ ᒋᐛᐤ ᐊᓐᑕ ᒋᕈᓯᓕᒥᒡ, ᒋ ᓯᐛᔪᐤ ᒪᒃ᙮ 19ᐊᑯ ᒂ ᐛᐱᒪᑦ ᒥᓯᓱᒥᓇᑎᒂ ᐊᓐᑕ ᐅᐱᒪᔅᑭᓇᒡ, ᒂ ᓂᑐᐛᐱᒪᑦ, ᓇᒪ ᒪᒃ ᒐᒂᔪᐤ ᐅᒋ ᒥᔅᑭᒻ ᒐᒋ ᒥᒋᑦ ᐊᓐᑕ ᒥᔅᑎᑯᒡ ᒥᒄ ᓂᐱᔭ ᒋ ᓂᑕᐅᒋᓂᔪᐛ ᐊᓐᑕ᙮ ᐊᑯ ᒂ ᐃᑕᑦ ᐊᓂᔭ ᒥᔅᑎᒂ, “ᓇᒪ ᓂᑕ ᒥᓐ ᒋᑭ ᐅᒋ ᓂᑕᐅᒍᐅᒡ ᐛᐱᒥᓂᒡ ᐊᓐᑕ ᐊ ᑕᔨᓐ᙮” ᑎᐛᒡ ᒪᒃ ᒋ ᓂᐱᔪᐛ ᐊᓂᔭ ᒥᓯᓱᒥᓇᑎᒂ᙮
20ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᒋ ᐛᐸᑎᒧᒡ ᐅᔭ ᑲ ᐃᔅᐱᔨᒡ, ᒋ ᒥᔅᑲᑕᔨᑎᒧᒡ ᒪᒃ ᐊ ᐃᔅᒋᔄᒡ, “ᑕᓐᑕ ᓇᔅᒡ ᐎᐱᒡ ᐛᒋ ᓂᐱᑦ ᐊᓐ ᒥᓯᓱᒥᓇᑎᒄ ?”
21ᐊᑯ ᒋᓴᔅ ᐊᑕᑦ, “ᒋ ᐎᑎᒪᑎᓇᐛᐤ, ᐊᑲ ᓇᔅᒡ ᒐ ᐅᒋ ᐊᓏᑎᒧᐛᒂ ᑭᔭ ᓇᔅᒡ ᒐ ᑕᑈᑎᒧᐛᒂ, ᒋᑭ ᒋ ᐃᑐᑐᐛᐛᐤ ᑭᔭ ᒋᔨᐛᐤ ᑕᓐ ᑲ ᐃᑐᑐᐅᒃ ᐅ ᒥᓯᓱᒥᓇᑎᒄ᙮ ᓇᒪᐎᔾ ᒥᒄ ᐊᓐ ᒐᒂᓐ ᒐᒋ ᐃᑐᑎᒪᒄ ᑭᔭ ᒋᑭ ᒋ ᐃᑎᓱᐛᑕᓐ ᐱᔅᑯᑎᓇᐤ, ‘ᐃᓯ ᐛᐱᓂᓱᐤ ᐊᓐᑕ ᐎᓂᐸᑯᒡ᙮’ ᒋᑭ ᐱᓯᒋᐃᑯᓐ ᒪᒃ᙮ 22ᒥᒄ ᑕᓐ ᒐ ᐃᓯ ᓂᑐᑎᒪᔭᒄ ᐊ ᐊᔭᒥᐊᔭᒄ, ᑕᑈᑎᒧᒄ ᓴᔅ ᐊ ᐊᔭᔭᒄ ᑭᔭ ᒐ ᒥᔨᑯᐅᔭᒄ ᐊᓐ ᑲ ᐃᓯ ᓂᑐᑎᒪᔭᒄ᙮”
ᒋᓴᔅ ᑲ ᑯᒂᒋᒪᑭᓄᐅᑦ ᐊᐛᔪᐛ ᑲ ᒥᔨᑯᑦ ᒐᒋ ᐃᑐᑕᐧᒃ ᐊᓂᔭᔪᐛ ᒐᒂᔪᐛ ᑲ ᐃᑐᑕᐧᒃ
ᒪᕐᒃ 11.27-33; ᓗᒃ 20.1-8
Matthew 21.23-32 (Proper-21 Year A)
23ᐃᔅᐱ ᒪᒃ ᒋᓴᔅ ᑲ ᐱᒐᑦ ᐊᓂᔭ ᒍᐤ ᒋᓴᐊᔭᒥᐊᐅᒋᐛᐱᔪᐤ, ᒪᒂᒡ ᒪᒃ ᐊ ᒋᔅᑯᑎᒪᒐᑦ, ᒋ ᐸᒋ ᓇᑎᑯᐤ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᑭᔭ ᒋ ᐃᑎᑯᐤ, “ᐊᐛᓐ ᑲ ᒥᔨᔅᒃ ᒐᒋ ᐃᑐᑎᒥᓐ ᐅ ? ᐊᐛᓐ ᑲ ᐃᑎᓱᒥᔅᒃ ᐅᔭ ᒐᒋ ᐃᑐᑎᒧᑦ ?”
24ᐊᑯ ᒋᓴᔅ ᐊᑕᑦ, “ᒋᑭ ᑯᒂᒋᒥᑎᓇᐛᐤ ᒐᒂᓐ, ᒋ ᐸᒋ ᐎᑎᒧᐎᔭᒂ ᒪᒃ, ᐊᑯ ᑭᔭ ᒐ ᐎᑎᒪᑎᑯᒡ ᑕᓐᑕ ᐛᒋᐱᔨᒡ ᐅ ᑎᐸᔨᒋᒐᐅᓐ ᑲ ᐊᔭᔭᓐ ᒐᒋ ᐃᑐᑎᒪᓐ ᐅᔭ ᒐᒂᔪᐛ᙮ 25ᐸᒋ ᐎᑎᒧᐅᒄ, ᐊᐛᔪᐛ ᑲ ᐃᑎᓱᒥᑯᑦ ᒠᓐ ᒐᒋ ᓯᑲᐃᑐᐛᑦ ᐊᐛᔪᐛ ? ᒋᓴᒪᓂᑐᐛ ᐊ ᑭᔭ ᒪᒃ ᐃᔪᐛ ?”
ᒋ ᐃᔨᒥᑐᐅᒡ ᒪᒃ ᐊᓐᑕ ᐎᔨᐛᐤ ᐊ ᐃᔅᒋᔄᒡ, “ᐃᔅᒋᔄᔭᒂ, ‘ᒋᓴᒪᓂᑐᐛ ᒋ ᐃᑎᑯᐤ,’ ᒋᑭ ᐃᑎᑯᓄᐤ, ‘ᒐᒂᓐ ᒪᒃ ᐛᒋ ᐊᑲ ᐅᒋ ᑕᑈᑐᐛᒄ ?’ 26ᒪᒃ ᐃᔅᒋᔄᔭᒂ ‘ᐃᔪᐛ ᒋ ᐃᑎᑯᐤ,’ ᒋᑭ ᐎ ᐃᔭᒂᒥᔅᑐᐛᓄᐅᒡ ᑕᓐ ᒐ ᐃᑐᑕᑕᐧᑯᒡ ᐊᓐᒡ ᐃᔪᒡ᙮ ᐛᔅ ᒥᓯᐛ ᑕᑈᑎᒧᒡ ᒠᓇ ᐊᒋ ᐅᒋᔅᒋᐛᐃᒐᓱᔨᒋ᙮” 27ᐊᑯ ᒪᒃ ᐊᑕᒡ ᒋᓴᓴ, “ᓇᒪ ᓂ ᒋᔅᒐᔨᒪᓇᓐ ᐊᐛᔪᐛ ᑲ ᐃᑎᓱᒥᑯᑦ ᒠᓐ ᒐᒋ ᓯᑲᐃᑐᐛᑦ ᐊᐛᔪᐛ᙮” ᒋᓴᔅ ᒂ ᐃᑕᑦ, “ᓂᔾ ᑭᔭ ᓇᒪ ᒋᑭ ᐅᒋ ᐎᑎᒪᑎᓇᐛᐤ ᐊᐛᓐ ᑲ ᐸᒋ ᐃᑎᓱᒥᑦ ᐅ ᒐᒋ ᐃᑐᑎᒪᓐ᙮”
ᓇᐸᐤ ᐊ ᓂᓯᔨᒋ ᐅᑯᓴ ᑲ ᑎᐸᒋᒪᑭᓄᐅᑦ
28“ᒋᑭ ᑎᐸᒋᒧᔅᑕᑎᓇᐛᐤ ᒐ ᒪᒥᑐᓇᔨᑎᒪᒄ ᒪᒃ᙮ ᒋ ᑕᐤ ᐸᐃᒂᐤ ᓇᐸᐤ ᑲ ᓂᓯᔨᒋ ᐅᑯᓴ᙮ ᐊᑯ ᒂ ᓂᑐᐛᐱᒪᑦ ᐊᓂᔭ ᐛᔅᑕᓯᒪᐎᔨᒋ ᐊᑯ ᒂ ᐃᑕᑦ, ‘ᓂᑯᓴ, ᐃᑐᑕᒪ ᑭᔭ ᐊᓄᒡ ᓂᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ ᑭᔭ ᒐ ᐊᑐᔅᒐᔨᓐ᙮’ ”
29“ᐊᑯ ᒂ ᐃᑎᑯᑦ ᐊᓂᔭ ᐅᑯᓴ, ‘ᓇᒪ ᓂᑭ ᐃᑐᑕᓐ᙮’ ᐸᑎᒪ ᒪᒃ ᒋ ᒂᔅᒐᔨᑎᒻ ᑭᔭ ᒋ ᐃᑐᑕᐤ ᒐᒋ ᐊᑐᔅᒐᑦ᙮”
30“ᐊᑯ ᐅᑕᐎᒪᐤ ᒂ ᓂᑐᐛᐱᒪᑦ ᐊᓂᔭ ᑯᑎᑲ ᐅᑯᓴ, ᒥᓐ ᐊᐅᑯᓐ ᐊᑕᑦ ᒐᒋ ᐊᑐᔅᒐᔨᒋ ᐊᓐᑕ ᓂᓱᒥᓇᑎᒄ ᓂᑕᐅᒋᑕᑭᓐ ᐊᔅᒋᒡ᙮ ᐊᑯ ᐊᑎᑯᑦ ᐊᓂᔭ ᐅᑯᓴ, ‘ᓂᐦᐃ, ᓂᑭ ᐃᑐᑕᓐ᙮’ ᓇᒪ ᒪᒃ ᐅᒋ ᐃᑐᑕᔪᐛ᙮”
31“ᑕᓐ ᒪᒃ ᐊᓐᒡ ᐊ ᓂᓯᒡ ᓇᐸᓯᒡ ᑲ ᓂᓇᐃᑐᐛᑦ ᐅᑕᐎᐛᐛ ?” ᐊᑯ ᒋᓴᔅ ᐊᑎᑯᑦ ᐊᓂᔭ ᑲ ᑯᒂᒋᒪᑦ, “ᐊᓐ ᐅᔅᑕᓯᒪᐤ᙮”
ᐊᑯ ᒋᓴᔅ ᐊᑕᑦ, “ᒋ ᐎᑎᒪᑎᓇᐛᐤ, ᐊᓐᒡ ᓂᑎᒥᒄ ᑲ ᐃᑎᒡ ᒋᓴᐅᒋᒪᐛ ᐊ ᐊᐱᒋᐃᑯᒡ ᒐᒋ ᒪᒧᓴᒋᓂᒺᒡ ᐅᓱᓇᔭᓂᒥᔪᐤ ᑭᔭ ᐊᓐᒡ ᐱᓯᒂᑎᓯᔎᐅᒡ ᐊᐅᑯᓐᒡ ᐊᓐᒡ ᓂᔅᑎᒻ ᒐ ᐱᒐᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔨᒡ ᐊᔅᒄ ᐊᑲ ᒋᔨᐛᐤ ᐱᒐᔭᒄ᙮ 32ᐛᔅ ᒠᓐ ᑲ ᓯᑲᐃᑕᒐᑦ ᔅᒋ ᐸᒋ ᓂᑐᐛᐱᒥᑯᐛᐤ ᐊᒋ ᐎ ᐛᐸᑎᔨᑕᒄ ᑯᐃᔅᑯᑕᑎᓯᐅᓂᔪᐤ, ᓇᒪ ᒪᒃ ᒋ ᐅᒋ ᑕᑈᑐᐛᐛᐤ᙮ ᒥᒄ ᒪᒃ ᐊᓐᒡ ᒋᓴᐅᒋᒪᐛ ᑲ ᐊᐱᒋᐃᑯᒡ ᐊ ᒪᒧᓴᒋᓂᒺᒡ ᐅᓱᓇᔭᓂᒥᔪᐤ ᑭᔭ ᐊᓐᒡ ᐱᓯᒂᑎᓯᔎᐅᒡ ᒋ ᑕᑈᑐᐛᐅᒡ ᑕᓐ ᑲ ᐃᓯ ᐊᔨᒧᑎᒪᑯᒡ ᑯᐃᔅᑯᑕᑎᓯᐅᓂᔪᐤ᙮ ᐊᑎ ᐃᔅᐱᔅ ᐛᐱᒪᑯᒡ ᐊ ᑕᑈᑕᒡ ᐅᒡ, ᓇᒪ ᐃᔭᐱᒡ ᒋ ᐅᒋ ᒂᔅᑲᑎᓯᓇᐛᐤ ᓇᒪ ᐃᔭᐱᒡ ᒋ ᐅᒋ ᑕᑈᑕᓇᐛᐤ᙮”
ᑲ ᓂᑕᐅᒋᑕᒡ ᑲ ᑎᐸᒋᒪᑭᓄᐎᒡ
ᒪᕐᒃ 12.1-12; ᓗᒃ 20.9-19
Matthew 21.33-46 (Proper-22 Year A)
33ᐊᑯ ᒋᓴᔅ ᐊᑕᑦ, “ᓂᑐᑎᒧᒄ ᒥᓐ ᐅ ᑯᑎᒡ ᒋᔅᑯᑎᒪᒐᐤ ᑎᐸᒋᒧᐅᓐ᙮ ᒋ ᑕᐤ ᐸᐃᒂᐤ ᐅᒋᒪᐤ ᐊ ᓂᑕᐅᒋᑕᑦ ᒥᓂᓴ ᒐᒋ ᐅᒋ ᐅᓯᑕᑦ ᓱᒥᓇᐳᔪᐤ᙮ ᒋ ᒋᐸᐊᒻ ᒪᒃ ᒥᓯᐛ ᐛᔅᑲ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ᙮ ᑭᔭ ᒋ ᒧᓇᐊᒻ ᑕᓐᑕ ᒐ ᐱᒋᔅᒋᔅᑲᑭᓄᔨᒋ ᐊᓂᔭ ᒥᓂᓴ᙮ ᒋ ᐅᓯᑕᐤ ᑭᔭ ᐊᓱᐛᐳᐅᒋᐛᐱᔪᐤ ᐊᓐᑕ ᒐ ᐅᒋ ᓂᓇᑭᑐᐛᔨᑕᑭᓄᔨᒋ ᐊᓂᔭ ᐅᓂᑕᐅᒋᑕᑭᓇ᙮ ᐃᔅᐱ ᒪᒃ ᑲᒋ ᐃᑎᑦ ᒋ ᓇᓂᑐᐛᐱᒪᐤ ᐊᐛᔪᐛ ᒐᒋ ᓂᓇᑭᑐᐛᔨᑎᒥᔨᒋ ᐅᔭ ᐅᑦ ᐊᔅᒋᔾ ᐊᑯ ᒂ ᔅᑐᑕᑦ, ᐛᔪᐤ ᐊ ᑎᑯᓂᔨᒡ ᐊᔅᒋᔪᐤ ᒋ ᐃᑐᑕᐤ᙮ 34ᐃᔅᐱ ᒪᒃ ᐛᑎᒋᐱᔨᒡ ᒐ ᒪᒧᓴᒋᓂᑭᓄᔨᒋ ᐊᓂᔭ ᒥᓂᓴ ᐊᓐᑕ ᒥᔅᑎᑯᒡ ᑲ ᓂᑕᐅᒋᒋ ᒋ ᐃᑎᓴᐛᐤ ᐅᑦ ᐊᐱᒋᐊᑭᓇ ᒐᒋ ᓂᑐᐛᐱᒪᔨᒋ ᐊᓂᔭ ᑲ ᓂᓇᑭᑐᐛᔨᑎᒥᔨᒋ ᐊᓂᔭ ᐅᑦ ᐊᔅᒋᔾ ᒐᒋ ᒥᔨᑯᑦ ᐎᔾ ᑕᓐ ᒋᐸ ᐃᓯ ᐊᔭᐤ᙮
35ᐊᑯ ᐊᓐᒡ ᑲ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓂᔪᐤ ᒋ ᒪᓯᐧᑯᐛᐅᒡ ᐸᐃᒄ ᐊᓂᔭ ᐊᐱᒋᐊᑭᓇ ᑲ ᐸᑎᓴᐛᑭᓄᔨᒋ ᐊᑯ ᑯᑎᑲ ᒂ ᓂᐸᐊᒡ ᐊᑯ ᒥᓐ ᐊᓂᔭ ᑯᑎᑲ ᒋ ᓂᐸᐊᐅᒡ ᐊᒋ ᐸᐱᒧᓯᓇᑕᐛᒡ᙮ 36ᐊᑯ ᒪᒃ ᐊᓐ ᐅᒋᒪᐤ ᒥᓐ ᒋ ᐃᑎᓴᐛᐤ ᑯᑎᑲ ᐊᐱᒋᐊᑭᓇ, ᐊᑐᐎᔅ ᐊ ᒥᒐᑎᔨᒋ᙮ ᒥᒄ ᒪᒃ ᐊᓐᒡ ᑲ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓂᔪᐤ ᐃᔭᐱᒡ ᐊᐅᑯᓐ ᑲ ᐃᑐᑐᐛᒡ ᐊᓂᔭ ᐊᐱᒋᐊᑭᓇ᙮ 37ᐊᑯ ᒐᒃ ᐊᓂᔭ ᐅᑯᓴ ᒂ ᐃᑎᓴᐛᑦ ᐊᓐ ᐅᒋᒪᐤ ᐊ ᐃᔅᒋᔄᑦ, ‘ᒋᑭ ᒋᔅᑕᔨᒪᐅᒡ ᐅᔭ ᓂᑯᓴ᙮’
38ᒥᒄ ᒪᒃ ᐊᓐᒡ ᑲ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓂᔪᐤ ᐃᔅᐱ ᐎᔭᐱᒪᒡ ᐊᓂᔭ ᐅᒋᒪᒧᐛᐛᐤ ᐅᑯᓯᔪᐛ ᒋ ᐃᑎᑐᐅᒡ, ‘ᐊᐅᑯᓂ ᐅᔭ ᐊᓐ ᒋᐅᒋᒪᒥᓄᐤ ᑎᐱᔨᐛ ᐅᑯᓴ᙮ ᐎᔾ ᒋᑭ ᐊᓱᐤ ᒥᔭᑭᓄᐤ ᐅᔭ ᓂᑕᐅᒋᑕᑭᓐ ᐊᔅᒋᔪᐤ᙮ ᓇᐸᐊᑕᐤ᙮ ᐊᑯ ᒪᒃ ᒋᔭᓄᐤ ᒐ ᑎᐱᔨᐛᐅᓯᐛᐧᒄ ᐅᔭ ᐅᑦ ᐊᔅᒋᔾ᙮’ 39ᐊᑯ ᒂ ᒪᑯᓇᒡ, ᒂ ᐎᐎᑎᓯᓇᒡ ᐊᓐᑕ ᓂᑕᐅᒋᑕᑭᓐ ᐊᔅᒋᒡ ᐅᒋ ᐊᑯ ᓇᐸᐊᒡ᙮”
40ᐊᑯ ᒋᓴᔅ ᐊᑕᑦ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭ ᐸᕆᓯᐊ ᑲ ᑎᐸᒋᒧᔅᑐᐛᑦ, “ᑕᓐ ᒪᒃ ᐊ ᐃᑕᔨᒪᒄ ᒐ ᐃᑐᑐᐛᑦ ᐊᓐ ᐅᒋᒪᐤ ᐊᓂᔭ ᑲ ᓂᓇᑭᑐᐛᔨᑎᒥᔨᒋ ᐅᓂᑕᐅᒋᑕᑭᓇ ᐃᔅᐱ ᑎᑯᓯᒐ ?”
41ᐊᑯ ᐊ ᑎᑯᑦ ᐊᓂᔭ ᑲ ᑎᐸᒋᒧᔅᑐᐛᑦ ᐃᔪᐛ, “ᑎᑯᓯᒐ ᐊᓐ ᐅᒋᒪᐤ ᒋᑭ ᓂᐸᐊᐤ ᐊᓂᔭᔪᐛ ᒥᒋ ᐊᐱᒋᐊᑭᓇ ᐊᑯ ᒐ ᒥᔭᑦ ᑯᑎᑲ ᐊᐛᔪᐛ ᒐᒋ ᓂᓇᑭᑐᐛᔨᑎᒥᔨᒋ ᐊᓂᔭ ᐅᓂᑕᐅᒋᑕᑭᓐ ᐊᔅᒋᔾ, ᐊᐅᒄ ᒪᒃ ᐅᔭ ᒐ ᒥᔨᑯᑦ ᐎᔾ ᑕᓐ ᐊ ᐃᓯ ᑎᐱᔨᐛᐅᓯᑦ ᐃᔅᐱ ᒋ ᐃᓯ ᓂᑕᐅᒋᓂᒂᐛ ᐊᓂᔭ ᐅᓂᑕᐅᒋᑕᑭᓇ᙮”
42ᐊᑯ ᒋᓴᔅ ᐊᑕᑦ, “ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᑲ ᐃᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᒋ ᐊᑐᐛᔨᒪᐅᒡ ᑲ ᒥᒋᐛᐱᒐᒡ ᐊᓂᔭ ᐊᓯᓂᔭ ᒋᒋᐛ ᐊ ᐊᐱᑎᓯᔨᒋ ᐊ ᒋᒐᔭᔨᒡ᙮
ᐊᔪᐅᒄ ᐅᔭ ᐅᑎᐸᔨᒋᒐᐤ ᐅᑦ ᐃᑐᐅᓇ, ᐊᔪᐛᒡ ᒥᔅᑲᓯᓇᑯᓂᔪᐛ ᐊ ᑭᓄᐛᐸᑕᑭᓄᔨᒋ ?”
43ᐊᑯ ᒋᓴᔅ ᒂ ᐊᑎ ᐃᑕᑦ, “ᐅ ᒪᒃ ᒋ ᐎ ᐃᓯ ᐎᑎᒪᑎᓇᐛᐤ, ᒋᓴᒪᓂᑐᐤ ᐅᒋᓴᐅᒋᒪᐅᓐ ᒋᑭ ᒥᔅᑭᒥᑯᓇᐛᐤ, ᐊᑯ ᒐ ᐊᓱᒥᔭᑭᓄᐎᒡ ᐊᓐᒡ ᑕᑈ ᒐ ᓄᑯᑕᐛᒡ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐅᐱᒪᑎᓯᐅᓄᐛᒡ᙮ 44ᐛᔅ ᐃᑎᔅᑕᐤ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ‘ᓇᔅᒡ ᒋᑭ ᐱᑯᓯᓐ ᐊᐛᓐ ᐊ ᐸᒋᓯᒥᑯᑦ ᐊᓂᔭ ᐊᓯᓂᔭ, ᑭᔭ ᓇᔅᒡ ᒋᑭ ᐱᑯᔅᑲᑯᐤ ᒪᒋᑯᔅᑲᑯᒐ ᐊᓂᔭ ᐊᓯᓂᔭ᙮’ ”
45ᐊᓐᒡ ᒪᒃ ᑲ ᓂᑲᓂᐱᒡ ᐊᔭᒥᐊᐅᒋᒪᐅᒡ ᑭᔭ ᐊᓐᒡ ᐸᕆᓯᔨᒡ ᒋ ᐸᑐᐛᐅᒡ ᒋᓴᓴ ᐊ ᐎᑎᒥᔨᒋ ᐅᔭ ᒋᔅᑯᑎᒪᒐᐤ ᑎᐸᒋᒧᐅᓂᔪᐤ, ᒋ ᒋᔅᒐᔨᑎᒧᒡ ᒪᒃ ᐎᔨᐛᐤ ᐊ ᐊᔨᒧᒥᑯᒡ᙮ 46ᒋ ᐎ ᒪᑯᓇᐅᒡ ᒪᒃ ᐊᓂᔭ ᒋᓴᓴ, ᒥᒄ ᒋ ᑯᔅᑕᐅᒡ ᐊᓂᔭ ᐃᔪᐛ ᑕᓐ ᒐ ᐃᑎᔨᒋ ᐛᔅ ᐊᓐᒡ ᐃᔪᒡ ᓇᔅᒡ ᒋ ᒐᔅᑎᓇᑕᔨᑎᒧᒡ ᒋᓴᓴ ᐊ ᒋᔅᒋᐛᐃᒐᓯᐅᔨᒋ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada