ᒪᑎᔪᐤ 16
16
ᐃᔪᒡ ᑲ ᓂᑐᐛᔨᑕᒡ ᒐᒋ ᐛᐸᑎᔭᑭᓄᐎᒡ ᒪᒥᔅᑲᒡ ᒐᒂᔪᐤ
ᒪᕐᒃ 8.11-13; ᓗᒃ 12.54-56
1ᐱᔅᒐ ᒪᒃ ᐸᕆᓯᔨᒡ ᑭᔭ ᓴᑎᔪᓯᔨᒡ ᒋ ᐸᒋ ᓂᑐᐛᐱᒪᐅᒡ ᐊᓂᔭ ᒋᓴᓴ ᐊ ᐎ ᑯᒂᒋᐊᒡ᙮ ᒋ ᐃᑕᐅᒡ ᒪᒃ ᒐᒋ ᐛᐸᑎᔨᑯᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ ᒋᒋᒋᓯᑯᒡ ᐊ ᐅᒋᒥᑭᓂᔨᒡ᙮ 2ᒥᒄ ᒪᒃ ᒋᓴᔅ ᒋ ᐃᑕᐤ, “ᐃᔅᐱ ᐎᔭᐸᑎᒪᑯ ᐊ ᐊᑎ ᐅᑕᑯᓯᒡ ᒋᑦ ᐃᔅᒋᔄᓇᐛᐤ, ‘ᒋᑭ ᒥᔪ ᒋᓯᑲᐤ, ᐛᔅ ᒥᐧᑯᐅᑕᑯᓯᐤ᙮’ 3ᐊᑯ ᐎᐱᒡ ᐊ ᒐᒋᓴᐸᔭᒡ ᒋᑦ ᐃᔅᒋᔄᓇᐛᐤ, ‘ᒋᑭ ᒋᒧᓐ, ᐛᔅ ᒥᒂᐱᓐ ᑭᔭ ᐸᒋ ᑭᔅᑯᐅᓐ᙮’ ᒋ ᒋᔅᒐᔨᑕᓇᐛᐤ ᐊ ᑭᓄᐛᐸᑎᒪᒄ ᒋᓯᒄ ᑕᓐ ᒐ ᐃᔅᐱᔨᒡ᙮ ᒥᒄ ᒪᒃ ᓇᒪ ᔅᒋ ᓂᔅᑐᓇᓇᐛᐤ ᑕᓐ ᐊ ᐃᔅᐱᔨᒡ ᐊᓄᒡ᙮ 4ᐊᓄᒡ ᐃᔪᒡ ᓇᔅᒡ ᑕᑈ ᒥᒐᑎᓯᐅᒡ ᑭᔭ ᓇᔅᒡ ᐱᓯᒂᑎᓯᐅᒡ᙮ ᒥᒄ ᐊ ᐎ ᐛᐸᑕᒡ ᒪᒥᔅᑲᒡ ᐛᐸᑎᔨᐛᐅᓇ, ᓇᒪ ᒪᒃ ᒋᑭ ᒋ ᐛᐸᑎᔭᑭᓄᐎᒡ᙮ ᒥᒄ ᐊᓂᔭ ᒪᒥᔅᑲᒡ ᒐᒂᔪᐤ ᑲ ᐃᔅᐱᔨᑦ ᒍᓇ ᐊᔪᐅᒄ ᒥᒄ ᐊᓂᔭ ᒐ ᐛᐸᑎᔭᑭᓄᐎᒡ᙮” ᐊᑯ ᒋᓴᔅ ᒂ ᓂᑭᑕᑦ ᒂ ᐊᑎ ᔅᑐᑕᑦ᙮
ᐸᕆᓯᔨᒡ ᑭᔭ ᓴᑎᔪᓯᔨᒡ ᐊ ᐃᑕᔨᑕᑯᓯᒡ
ᒪᕐᒃ 8.14-21
5ᐃᔅᐱ ᒪᒃ ᐊᓐᒡ ᒋᔅᒋᓄᐊᒧᐛᑭᓐᒡ ᒪᓯᑲᒡ ᓇᑕ ᒂᔅᑕᒐᑲᒻ ᐊᓂᔭ ᓴᑲᐃᑭᓂᔪᐤ, ᒋ ᐅᓂᒋᔅᒋᓱᐅᒡ ᒐᒋ ᐊᔭᐛᒡ ᐸᒂᓯᑭᓇ᙮ 6ᐊᑯ ᒋᓴᔅ ᒂ ᐃᑕᑦ, “ᐃᔭᒂ, ᐃᔭᒂᒥᔅᑐᒪᐧᑯᐤ ᐅᐱᓯᑭᓄᐛᐛ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᓴᑎᔪᓯᔨᒡ᙮”
7ᒋ ᐊᔨᒧᑎᒧᒡ ᐊᓂᔭ ᑲ ᐃᑎᑯᒡ ᒋᓴᓴ ᐊ ᐃᔅᒋᔄᒡ, “ᐊᑲ ᐅᒋ ᐸᓱᒪᐧᑯ ᐸᒂᓯᑭᓇ ᐊᔪᐅᒄ ᐅᔭ ᐛᒋ ᐃᔅᒋᔄᑦ᙮”
8ᒥᒄ ᒪᒃ ᒋᓴᔅ ᒋ ᒋᔅᒐᔨᒪᐤ ᑕᓐ ᐊ ᐃᔅᒋᔄᔨᒋ, ᐊᑯ ᒂ ᐃᑕᑦ, “ᑕᑈ ᐊᐱᓴᓱᐤ ᒋᑕᑈᑎᒧᐅᓄᐛᐤ᙮ ᒐᒂᓐ ᐛᒋ ᐃᔭᔨᒧᑎᒪᒄ ᐊᓐ ᐊᑲ ᐊᔭᐛᒄ ᐸᒂᓯᑭᓐ ? 9ᓇᒪᐎᔾ ᐊ ᒋ ᓂᔅᑐᑕᓇᐛᐤ ᐊᔅᒄ ? ᓇᒪᐎᔾ ᐊ ᒋ ᒋᔅᒋᓯᓇᐛᐤ ᐱᑕᑕᒡ ᒐᓯᐱᔪᐤ ᓇᐸᐅᒡ ᑲ ᐊᓯᒥᒂᐤ ᐱᑕᑕᒡ ᐸᒂᓯᑭᓇ ᐅᒡ ? ᑕᓐ ᑕᑐᐤ ᒪᒃ ᐅᑎᐱᐅᑕ ᑲ ᓴᑭᔅᒋᓂᑕᔭᒄ ᑕᓐ ᑲ ᐃᔅᐱᔅ ᐃᔅᑯᐱᔨᒡ ᐊᓐ ᒥᒋᒻ ? 10ᐊᑯ ᑭᔭ ᐊᓐ ᓇᐛᐤ ᒐᓯᐱᔪᐤ ᓇᐸᐅᒡ ᑲ ᐊᓯᒥᒂᐤ ᓂᔄᐅᑕᒡ ᐸᒂᓯᑭᓇ ᐅᒡ᙮ ᑕᓐ ᑕᑐᐤ ᒪᒃ ᐅᑎᐱᐅᑕ ᑲ ᓴᑭᔅᒋᓂᑕᔭᒄ ᐊ ᐃᔅᑯᐱᔨᒡ ᒥᒋᒻ ? 11ᑕᓐᑕ ᐛᒡ ᐊᑲ ᒋ ᓂᔅᑐᑎᒪᒄ ᐊᑲ ᐸᒂᓯᑭᓐ ᐅᒋ ᐊᔨᒧᒥᒃ ᐃᔅᐱ ᑲ ᐃᑎᑎᑯᒡ ᐃᔭᒂᒥᔅᑐᐛᐧᑯᒡ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᓴᑎᔪᓯᔨᒡ ?”
12ᐊᑯ ᒂ ᐅᒋ ᓂᔅᑐᑕᒡ ᐊᓐᒡ ᒋᔅᒋᓄᐊᒧᐛᑭᓐᒡ ᐊ ᐊᑲ ᐅᐱᔨᒋ ᐃᔭᔨᒧᑎᒥᔨᒋ, ᐊᓂᔭ ᐃᔭᒄ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᐊᓂᔭ ᐸᕆᓯᐊ ᑭᔭ ᓴᑎᔪᓯᐊ ᐊᔪᐅᒄ ᐊᓂᔭ ᑲ ᐃᔭᒂᒥᒪᑭᓄᐎᒡ᙮
ᐱᑕᕐ ᑲ ᓂᔅᑐᓄᐛᑦ ᒋᓴᓴ ᐊ ᐊᔭᐎᔨᒋ ᙭ᑕ
ᒪᕐᒃ 8.27-30; ᓗᒃ 9.18-21
Matthew 16.13-20 (Proper-16 Year A)
13ᒋᓴᔅ ᒋ ᐃᑐᑕᐤ ᐊᓐᑕ ᐛᔅᑲ ᐊᓂᔭ ᐊᔅᒋᔪᐤ ᓯᓴᕆᔭ ᐱᓕᐸᐃ ᑲ ᐃᓯᓂᐧᑲᑕᔨᒡ ᐊᑯ ᒂ ᑯᒂᒋᒪᑦ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᐊᐛᔪᐛ ᐃᔪᐤ ᐅᑯᓯᓴᓇ ᐊ ᐃᓯ ᐊᔭᐛᔨᒪᒡ ᐃᔪᒡ ?”
14ᐊᑯ ᐊᑎᑯᑦ, “ᐱᔅᒐ ᐊᐛᓐᒋ ᒠᓐ ᐅᓯᑲᐃᑕᒐᐤ ᐃᑕᔨᒪᐅᒡ, ᐊᑯ ᑯᑎᑭᒡ ᐃᓚᐃᒐ ᐃᑕᔨᒪᐅᒡ, ᐊᑯ ᑯᑎᑭᒡ ᒐᕆᒪᔭ ᐊᐅᑯᓐ ᐊ ᐃᑕᔨᒪᒡ, ᑯᑎᑭᒡ ᒥᓐ ᐃᑕᔨᒪᐅᒡ ᐊᐎᒐ ᑯᑎᒃ ᐅᒋᔅᒋᐛᐃᒐᓱᐤ᙮”
15ᐊᑯ ᒋᓴᔅ ᒥᓐ ᒂ ᑯᒂᒋᒪᑦ, “ᒋᔨᐛᐤ ᒪᒃ, ᐊᐛᓐ ᓂᔾ ᐊ ᐃᑕᔨᒥᔭᒄ ?”
16ᐊᑯ ᓴᐃᒥᓐ ᐱᑕᕐ ᐊᑕᑦ, “ᐊᐅᑯᐤ ᒋᔾ ᙭, ᒋᓴᒪᓂᑐᐤ ᑲ ᐱᒪᑎᓯᑦ ᐅᑯᓴ᙮”
17ᐊᑯ ᒋᓴᔅ ᐊᑕᑦ ᐊᓂᔭ ᐱᑕᕋ, “ᒋ ᓱᐛᔨᑕᑯᓯᓐ ᓴᐃᒥᓐ, ᒠᓐ ᐅᑯᓴ, ᐛᔅ ᐅ ᑲ ᐃᓯ ᒋᔅᒐᔨᒥᔨᓐ, ᓇᒪ ᐃᔪᐤ ᒋ ᐅᒋ ᐎᑎᒪᒄ, ᓄᑕᐎᔾ ᒋᒋᒋᓯᑯᒡ ᐊ ᑕᑦ ᐊᑯᑕ ᑲ ᐅᒋ ᒥᔨᑯᔨᓐ ᐅ ᒐᒋ ᐃᓯ ᒋᔅᒐᔨᒥᔨᓐ᙮ 18ᒋ ᐎᑎᒪᑎᓐ ᐱᑕᕐ, ᐊᐅᑯᐤ ᒋᔾ ᐊ ᐸᐸᒋᐱᔅᑲᒡ᙮ ᐊᑯᑕ ᒪᒃ ᐅᑕ ᐊ ᐸᐸᒋᐱᔅᑲᒡ ᒐ ᐎᔨᑲᐳᐅᑕᔭᓐ ᓂᑦ ᐊᔭᒥᐊᐅᒋᐛᑉ, ᓇᒪ ᒪᒃ ᐛᐛᒡ ᐊᐃᑎᔅ ᑲ ᐃᓯᓂᐧᑲᑕᔨᒋ ᒋᐱᔾ ᐊᔅᒋᔭ, ᐊᐅᑯᐤ ᓂᐳᐅᓐ, ᒋᑭ ᐅᒋ ᓴᐧᑯᒋᑕᒥᑭᓐ ᐅᑕ ᓂᑦ ᐊᔭᒥᐊᐅᒋᐛᐱᒡ᙮ 19ᒋᑭ ᒥᔨᑎᓐ ᒪᒃ ᒋᒋᒋᓯᒄ ᐅᒋᒪᐅᓂᒡ ᐊᐸᐃᑭᓇ᙮ ᒐᒂᓐ ᒪᒃ ᒐ ᒪᑯᐸᑎᒧᐅᓇ ᐅᑕ ᐊᔅᒋᒡ ᒋᑭ ᒪᑯᐱᑕᑭᓄᐤ ᐊᓐᑕ ᒋᒋᒋᓯᑯᒡ, ᑭᔭ ᒐᒂᓐ ᒐ ᐊᐱᐧᑯᓂᒧᐅᓇ ᐅᑕ ᐊᔅᒋᒡ ᒋᑭ ᐊᐱᐧᑯᓇᑭᓄᐤ ᐊᓐᑕ ᒋᒋᒋᓯᑯᒡ᙮” ᐊᐅᑯᔪᐤ ᑲ ᐃᑕᑦ ᒋᓴᔅ ᐊᓂᔭ ᐱᑕᕋ᙮
20ᐊᑯ ᒂ ᐃᑎᓱᒪᑦ ᐅᒋᔅᒋᓄᐊᒧᐛᑭᓇ ᒐ ᐊᑲ ᐎᑎᒧᐛᔨᒋ ᑯᑎᑲ ᐊᐛᔪᐛ ᐎᔾ ᐊ ᐊᐎᑦ ᙭᙮
ᒋᓴᔅ ᑲ ᐊᔨᒧᑕᐧᒃ ᒐ ᐎᓯᒐᔨᑕᐧᒃ ᑭᔭ ᒐ ᓂᐸᐊᑭᓄᐅᑦ
ᒪᕐᒃ 8.31-9.1; ᓗᒃ 9.22-27
Matthew 16.21-28 (Proper-17 Year A)
21ᐃᔅᐱ ᒪᒃ ᐅᔭ ᑲ ᐃᓯ ᐃᔨᒪᐊᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ᒋᒋᐱᔨᑦ ᐊ ᐎᑎᒧᐛᑦ ᐊ ᐱᔭᑭᔅᒋᑕᑯᓯᑦ ᐊ ᐃᑕᑦ, “ᓂᑭ ᐃᑐᑕᓐ ᐊᓐᑕ ᒋᕈᓯᓕᒥᒡ, ᐊᑯᑕ ᒪᒃ ᐊᓐᑕ ᒐ ᒥᔅᑎ ᐛᐎᓯᒐᔨᑎᒥᐃᒡ ᐊᓐᒡ ᑲ ᓂᑲᓂᔅᑯᐛᒡ ᐊᓂᔭᔪᐛ ᐃᔪᐛ, ᑭᔭ ᐊᓐᒡ ᓂᑲᓂᐊᔭᒥᐊᐅᒋᒪᐅᒡ, ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ᙮ ᑭᔭ ᒐ ᓂᐸᐃᑯᔭᓐ, ᓂᔅᑐ ᒋᓯᑲᐛ ᒪᒃ ᒥᓐ ᓂᑭ ᐱᒪᑎᓯᓐ᙮”
22ᐊᑯ ᐱᑕᕐ ᑎᐸᓐ ᐊᑐᑕᐊᑦ ᐊᓂᔭ ᒋᓴᓴ, ᒂ ᒋᑕᐊᒧᐛᑦ ᐊᓂᔭ ᑲ ᐃᔅᒋᔄᔨᒋ ᐊ ᐃᑕᑦ, “ᐅᑎᐸᔨᒋᒐᐤ, ᓇᒪ ᒋᑭ ᐅᒋ ᐱᔅᑎᓂᒻ ᒋᓴᒪᓂᑐᐤ ᐅᔭ ᒐᒋ ᐃᔅᐱᔨᒡ᙮ ᓇᒪ ᓂᑕ ᐅ ᒋᑭ ᒋ ᐃᑐᑕᑯᐅᓐ᙮”
23ᐊᑯ ᒋᓴᔅ ᑲ ᒂᔅᒋᑲᐳᔅᑐᐛᑦ ᐊᓂᔭ ᐱᑕᕋ, ᑭᔭ ᐊᑕᑦ, “ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᑕᓐ ᐊ ᐃᑕᔨᑎᒥᐃᑯᔨᓐ ᐊᓂᔭ ᒐᒂᔪᐛ ᑕᐸ ᒋᓴᒪᓂᑐᐤ ᐊ ᑕᑦ ᐅᒋᐱᔪᐛ ᓇᐸᐤ ᐊ ᑕᑦ ᐅᒋᐱᔪᐛ᙮ ᒪᒋ ᐃᒐᑕ ᓇᑕ ᒥᒋᒥᓂᑐᐤ᙮”
24ᐊᑯ ᒋᓴᔅ ᐊᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐊᐛᓐ ᐛ ᓇᓴᐅᒂ ᐊᑯᔅ ᒋᑭ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᒋᑭ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᑭ ᐸᒋ ᐎᒐᐅᒄ᙮ 25ᐊᐛᓐ ᑲ ᐎ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ ᒋᑭ ᐅᓂᑕᐤ᙮ ᐊᓐ ᒪᒃ ᐊᐛᓐ ᑲ ᐎ ᐱᔅᑎᓇᐧᒃ ᒥᓯᐛ ᒐᒂᔪᐤ ᑕᓐ ᑲ ᐎ ᐃᑐᑕᐧᒃ ᐛᐛᒡ ᑭᔭ ᐅᐱᒪᑎᓯᐅᓐ ᐊ ᐎ ᐸᒋ ᓇᓴᐅᑦ ᐊᐅᒄ ᐊᓐ ᒐ ᒥᔭᑭᓄᐅᑦ ᐱᒪᑎᓯᐅᓂᔪᐤ᙮ 26ᐊᑯ ᒪᒃ ᐊᓐ ᐊᐛᓐ ᑲ ᐎ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ, ᐳᓂᐱᒪᑎᓯᒐ ᒪᒃ ᑕᓐᑕ ᒐᒋ ᐅᒋ ᐎᒋᐃᑯᑦ ᐊᑎ ᒋ ᐎᐧᑯᒋᑎᒪᓱᒐ ᒥᓯᐛ ᒐᒂᔪᐤ ᐅᑕ ᐊᔅᒋᒡ, ᐎᔾ ᑕᓐ ᑲ ᐃᓯ ᓂᑐᐛᔨᑕᐧᒃ ᒐᒋ ᐃᓯ ᐊᔭᑦ ? ᓇᒪ ᒋᑭ ᐅᒋ ᒥᔭᑭᓄᐤ ᐎᔾ ᐱᒪᑎᓯᐅᓂᔪᐤ᙮ ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐱᔅᑎᓇᒄ ᑲᐤ ᒐᒋ ᒥᔭᑭᓄᐅᑦ ᐅᐱᒪᑎᓯᐅᓐ ? 27ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮ 28ᒋ ᐎᑎᒪᑎᓇᐛᐤ, ᑕᑈ ᐊ ᑕᒡ ᐅᑕ ᐊᐛᓐᒋ ᐊᔅᒄ ᒐ ᐱᒪᑎᓯᒡ ᐃᔅᐱ ᐅᑎᒋᐱᔨᒐ ᒐ ᑎᑯᓯᓂᔨᒋ ᐃᔪᐤ ᐅᑯᓯᓴᓇ ᒐ ᐸᒋ ᒋᓴᐅᒋᒪᐎᔨᒋ᙮”
Currently Selected:
ᒪᑎᔪᐤ 16: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᒪᑎᔪᐤ 16
16
ᐃᔪᒡ ᑲ ᓂᑐᐛᔨᑕᒡ ᒐᒋ ᐛᐸᑎᔭᑭᓄᐎᒡ ᒪᒥᔅᑲᒡ ᒐᒂᔪᐤ
ᒪᕐᒃ 8.11-13; ᓗᒃ 12.54-56
1ᐱᔅᒐ ᒪᒃ ᐸᕆᓯᔨᒡ ᑭᔭ ᓴᑎᔪᓯᔨᒡ ᒋ ᐸᒋ ᓂᑐᐛᐱᒪᐅᒡ ᐊᓂᔭ ᒋᓴᓴ ᐊ ᐎ ᑯᒂᒋᐊᒡ᙮ ᒋ ᐃᑕᐅᒡ ᒪᒃ ᒐᒋ ᐛᐸᑎᔨᑯᒡ ᒪᒥᔅᑲᒡ ᐛᐸᑎᔨᐛᐅᓂᔪᐤ ᒋᒋᒋᓯᑯᒡ ᐊ ᐅᒋᒥᑭᓂᔨᒡ᙮ 2ᒥᒄ ᒪᒃ ᒋᓴᔅ ᒋ ᐃᑕᐤ, “ᐃᔅᐱ ᐎᔭᐸᑎᒪᑯ ᐊ ᐊᑎ ᐅᑕᑯᓯᒡ ᒋᑦ ᐃᔅᒋᔄᓇᐛᐤ, ‘ᒋᑭ ᒥᔪ ᒋᓯᑲᐤ, ᐛᔅ ᒥᐧᑯᐅᑕᑯᓯᐤ᙮’ 3ᐊᑯ ᐎᐱᒡ ᐊ ᒐᒋᓴᐸᔭᒡ ᒋᑦ ᐃᔅᒋᔄᓇᐛᐤ, ‘ᒋᑭ ᒋᒧᓐ, ᐛᔅ ᒥᒂᐱᓐ ᑭᔭ ᐸᒋ ᑭᔅᑯᐅᓐ᙮’ ᒋ ᒋᔅᒐᔨᑕᓇᐛᐤ ᐊ ᑭᓄᐛᐸᑎᒪᒄ ᒋᓯᒄ ᑕᓐ ᒐ ᐃᔅᐱᔨᒡ᙮ ᒥᒄ ᒪᒃ ᓇᒪ ᔅᒋ ᓂᔅᑐᓇᓇᐛᐤ ᑕᓐ ᐊ ᐃᔅᐱᔨᒡ ᐊᓄᒡ᙮ 4ᐊᓄᒡ ᐃᔪᒡ ᓇᔅᒡ ᑕᑈ ᒥᒐᑎᓯᐅᒡ ᑭᔭ ᓇᔅᒡ ᐱᓯᒂᑎᓯᐅᒡ᙮ ᒥᒄ ᐊ ᐎ ᐛᐸᑕᒡ ᒪᒥᔅᑲᒡ ᐛᐸᑎᔨᐛᐅᓇ, ᓇᒪ ᒪᒃ ᒋᑭ ᒋ ᐛᐸᑎᔭᑭᓄᐎᒡ᙮ ᒥᒄ ᐊᓂᔭ ᒪᒥᔅᑲᒡ ᒐᒂᔪᐤ ᑲ ᐃᔅᐱᔨᑦ ᒍᓇ ᐊᔪᐅᒄ ᒥᒄ ᐊᓂᔭ ᒐ ᐛᐸᑎᔭᑭᓄᐎᒡ᙮” ᐊᑯ ᒋᓴᔅ ᒂ ᓂᑭᑕᑦ ᒂ ᐊᑎ ᔅᑐᑕᑦ᙮
ᐸᕆᓯᔨᒡ ᑭᔭ ᓴᑎᔪᓯᔨᒡ ᐊ ᐃᑕᔨᑕᑯᓯᒡ
ᒪᕐᒃ 8.14-21
5ᐃᔅᐱ ᒪᒃ ᐊᓐᒡ ᒋᔅᒋᓄᐊᒧᐛᑭᓐᒡ ᒪᓯᑲᒡ ᓇᑕ ᒂᔅᑕᒐᑲᒻ ᐊᓂᔭ ᓴᑲᐃᑭᓂᔪᐤ, ᒋ ᐅᓂᒋᔅᒋᓱᐅᒡ ᒐᒋ ᐊᔭᐛᒡ ᐸᒂᓯᑭᓇ᙮ 6ᐊᑯ ᒋᓴᔅ ᒂ ᐃᑕᑦ, “ᐃᔭᒂ, ᐃᔭᒂᒥᔅᑐᒪᐧᑯᐤ ᐅᐱᓯᑭᓄᐛᐛ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᓴᑎᔪᓯᔨᒡ᙮”
7ᒋ ᐊᔨᒧᑎᒧᒡ ᐊᓂᔭ ᑲ ᐃᑎᑯᒡ ᒋᓴᓴ ᐊ ᐃᔅᒋᔄᒡ, “ᐊᑲ ᐅᒋ ᐸᓱᒪᐧᑯ ᐸᒂᓯᑭᓇ ᐊᔪᐅᒄ ᐅᔭ ᐛᒋ ᐃᔅᒋᔄᑦ᙮”
8ᒥᒄ ᒪᒃ ᒋᓴᔅ ᒋ ᒋᔅᒐᔨᒪᐤ ᑕᓐ ᐊ ᐃᔅᒋᔄᔨᒋ, ᐊᑯ ᒂ ᐃᑕᑦ, “ᑕᑈ ᐊᐱᓴᓱᐤ ᒋᑕᑈᑎᒧᐅᓄᐛᐤ᙮ ᒐᒂᓐ ᐛᒋ ᐃᔭᔨᒧᑎᒪᒄ ᐊᓐ ᐊᑲ ᐊᔭᐛᒄ ᐸᒂᓯᑭᓐ ? 9ᓇᒪᐎᔾ ᐊ ᒋ ᓂᔅᑐᑕᓇᐛᐤ ᐊᔅᒄ ? ᓇᒪᐎᔾ ᐊ ᒋ ᒋᔅᒋᓯᓇᐛᐤ ᐱᑕᑕᒡ ᒐᓯᐱᔪᐤ ᓇᐸᐅᒡ ᑲ ᐊᓯᒥᒂᐤ ᐱᑕᑕᒡ ᐸᒂᓯᑭᓇ ᐅᒡ ? ᑕᓐ ᑕᑐᐤ ᒪᒃ ᐅᑎᐱᐅᑕ ᑲ ᓴᑭᔅᒋᓂᑕᔭᒄ ᑕᓐ ᑲ ᐃᔅᐱᔅ ᐃᔅᑯᐱᔨᒡ ᐊᓐ ᒥᒋᒻ ? 10ᐊᑯ ᑭᔭ ᐊᓐ ᓇᐛᐤ ᒐᓯᐱᔪᐤ ᓇᐸᐅᒡ ᑲ ᐊᓯᒥᒂᐤ ᓂᔄᐅᑕᒡ ᐸᒂᓯᑭᓇ ᐅᒡ᙮ ᑕᓐ ᑕᑐᐤ ᒪᒃ ᐅᑎᐱᐅᑕ ᑲ ᓴᑭᔅᒋᓂᑕᔭᒄ ᐊ ᐃᔅᑯᐱᔨᒡ ᒥᒋᒻ ? 11ᑕᓐᑕ ᐛᒡ ᐊᑲ ᒋ ᓂᔅᑐᑎᒪᒄ ᐊᑲ ᐸᒂᓯᑭᓐ ᐅᒋ ᐊᔨᒧᒥᒃ ᐃᔅᐱ ᑲ ᐃᑎᑎᑯᒡ ᐃᔭᒂᒥᔅᑐᐛᐧᑯᒡ ᐊᓐᒡ ᐸᕆᓯᔨᒡ ᑭᔭ ᐊᓐᒡ ᓴᑎᔪᓯᔨᒡ ?”
12ᐊᑯ ᒂ ᐅᒋ ᓂᔅᑐᑕᒡ ᐊᓐᒡ ᒋᔅᒋᓄᐊᒧᐛᑭᓐᒡ ᐊ ᐊᑲ ᐅᐱᔨᒋ ᐃᔭᔨᒧᑎᒥᔨᒋ, ᐊᓂᔭ ᐃᔭᒄ ᑕᓐ ᐊ ᐃᓯ ᒋᔅᑯᑎᒪᒐᔨᒋ ᐊᓂᔭ ᐸᕆᓯᐊ ᑭᔭ ᓴᑎᔪᓯᐊ ᐊᔪᐅᒄ ᐊᓂᔭ ᑲ ᐃᔭᒂᒥᒪᑭᓄᐎᒡ᙮
ᐱᑕᕐ ᑲ ᓂᔅᑐᓄᐛᑦ ᒋᓴᓴ ᐊ ᐊᔭᐎᔨᒋ ᙭ᑕ
ᒪᕐᒃ 8.27-30; ᓗᒃ 9.18-21
Matthew 16.13-20 (Proper-16 Year A)
13ᒋᓴᔅ ᒋ ᐃᑐᑕᐤ ᐊᓐᑕ ᐛᔅᑲ ᐊᓂᔭ ᐊᔅᒋᔪᐤ ᓯᓴᕆᔭ ᐱᓕᐸᐃ ᑲ ᐃᓯᓂᐧᑲᑕᔨᒡ ᐊᑯ ᒂ ᑯᒂᒋᒪᑦ ᐅᒋᔅᒋᓄᐊᒧᐛᑭᓇ ᐊ ᐃᑕᑦ, “ᐊᐛᔪᐛ ᐃᔪᐤ ᐅᑯᓯᓴᓇ ᐊ ᐃᓯ ᐊᔭᐛᔨᒪᒡ ᐃᔪᒡ ?”
14ᐊᑯ ᐊᑎᑯᑦ, “ᐱᔅᒐ ᐊᐛᓐᒋ ᒠᓐ ᐅᓯᑲᐃᑕᒐᐤ ᐃᑕᔨᒪᐅᒡ, ᐊᑯ ᑯᑎᑭᒡ ᐃᓚᐃᒐ ᐃᑕᔨᒪᐅᒡ, ᐊᑯ ᑯᑎᑭᒡ ᒐᕆᒪᔭ ᐊᐅᑯᓐ ᐊ ᐃᑕᔨᒪᒡ, ᑯᑎᑭᒡ ᒥᓐ ᐃᑕᔨᒪᐅᒡ ᐊᐎᒐ ᑯᑎᒃ ᐅᒋᔅᒋᐛᐃᒐᓱᐤ᙮”
15ᐊᑯ ᒋᓴᔅ ᒥᓐ ᒂ ᑯᒂᒋᒪᑦ, “ᒋᔨᐛᐤ ᒪᒃ, ᐊᐛᓐ ᓂᔾ ᐊ ᐃᑕᔨᒥᔭᒄ ?”
16ᐊᑯ ᓴᐃᒥᓐ ᐱᑕᕐ ᐊᑕᑦ, “ᐊᐅᑯᐤ ᒋᔾ ᙭, ᒋᓴᒪᓂᑐᐤ ᑲ ᐱᒪᑎᓯᑦ ᐅᑯᓴ᙮”
17ᐊᑯ ᒋᓴᔅ ᐊᑕᑦ ᐊᓂᔭ ᐱᑕᕋ, “ᒋ ᓱᐛᔨᑕᑯᓯᓐ ᓴᐃᒥᓐ, ᒠᓐ ᐅᑯᓴ, ᐛᔅ ᐅ ᑲ ᐃᓯ ᒋᔅᒐᔨᒥᔨᓐ, ᓇᒪ ᐃᔪᐤ ᒋ ᐅᒋ ᐎᑎᒪᒄ, ᓄᑕᐎᔾ ᒋᒋᒋᓯᑯᒡ ᐊ ᑕᑦ ᐊᑯᑕ ᑲ ᐅᒋ ᒥᔨᑯᔨᓐ ᐅ ᒐᒋ ᐃᓯ ᒋᔅᒐᔨᒥᔨᓐ᙮ 18ᒋ ᐎᑎᒪᑎᓐ ᐱᑕᕐ, ᐊᐅᑯᐤ ᒋᔾ ᐊ ᐸᐸᒋᐱᔅᑲᒡ᙮ ᐊᑯᑕ ᒪᒃ ᐅᑕ ᐊ ᐸᐸᒋᐱᔅᑲᒡ ᒐ ᐎᔨᑲᐳᐅᑕᔭᓐ ᓂᑦ ᐊᔭᒥᐊᐅᒋᐛᑉ, ᓇᒪ ᒪᒃ ᐛᐛᒡ ᐊᐃᑎᔅ ᑲ ᐃᓯᓂᐧᑲᑕᔨᒋ ᒋᐱᔾ ᐊᔅᒋᔭ, ᐊᐅᑯᐤ ᓂᐳᐅᓐ, ᒋᑭ ᐅᒋ ᓴᐧᑯᒋᑕᒥᑭᓐ ᐅᑕ ᓂᑦ ᐊᔭᒥᐊᐅᒋᐛᐱᒡ᙮ 19ᒋᑭ ᒥᔨᑎᓐ ᒪᒃ ᒋᒋᒋᓯᒄ ᐅᒋᒪᐅᓂᒡ ᐊᐸᐃᑭᓇ᙮ ᒐᒂᓐ ᒪᒃ ᒐ ᒪᑯᐸᑎᒧᐅᓇ ᐅᑕ ᐊᔅᒋᒡ ᒋᑭ ᒪᑯᐱᑕᑭᓄᐤ ᐊᓐᑕ ᒋᒋᒋᓯᑯᒡ, ᑭᔭ ᒐᒂᓐ ᒐ ᐊᐱᐧᑯᓂᒧᐅᓇ ᐅᑕ ᐊᔅᒋᒡ ᒋᑭ ᐊᐱᐧᑯᓇᑭᓄᐤ ᐊᓐᑕ ᒋᒋᒋᓯᑯᒡ᙮” ᐊᐅᑯᔪᐤ ᑲ ᐃᑕᑦ ᒋᓴᔅ ᐊᓂᔭ ᐱᑕᕋ᙮
20ᐊᑯ ᒂ ᐃᑎᓱᒪᑦ ᐅᒋᔅᒋᓄᐊᒧᐛᑭᓇ ᒐ ᐊᑲ ᐎᑎᒧᐛᔨᒋ ᑯᑎᑲ ᐊᐛᔪᐛ ᐎᔾ ᐊ ᐊᐎᑦ ᙭᙮
ᒋᓴᔅ ᑲ ᐊᔨᒧᑕᐧᒃ ᒐ ᐎᓯᒐᔨᑕᐧᒃ ᑭᔭ ᒐ ᓂᐸᐊᑭᓄᐅᑦ
ᒪᕐᒃ 8.31-9.1; ᓗᒃ 9.22-27
Matthew 16.21-28 (Proper-17 Year A)
21ᐃᔅᐱ ᒪᒃ ᐅᔭ ᑲ ᐃᓯ ᐃᔨᒪᐊᑦ ᒋᓴᔅ ᐊᓂᔭ ᐅᒋᔅᒋᓄᐊᒧᐛᑭᓇ ᐊᑯ ᒂ ᒋᒋᐱᔨᑦ ᐊ ᐎᑎᒧᐛᑦ ᐊ ᐱᔭᑭᔅᒋᑕᑯᓯᑦ ᐊ ᐃᑕᑦ, “ᓂᑭ ᐃᑐᑕᓐ ᐊᓐᑕ ᒋᕈᓯᓕᒥᒡ, ᐊᑯᑕ ᒪᒃ ᐊᓐᑕ ᒐ ᒥᔅᑎ ᐛᐎᓯᒐᔨᑎᒥᐃᒡ ᐊᓐᒡ ᑲ ᓂᑲᓂᔅᑯᐛᒡ ᐊᓂᔭᔪᐛ ᐃᔪᐛ, ᑭᔭ ᐊᓐᒡ ᓂᑲᓂᐊᔭᒥᐊᐅᒋᒪᐅᒡ, ᑭᔭ ᐊᓐᒡ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ᙮ ᑭᔭ ᒐ ᓂᐸᐃᑯᔭᓐ, ᓂᔅᑐ ᒋᓯᑲᐛ ᒪᒃ ᒥᓐ ᓂᑭ ᐱᒪᑎᓯᓐ᙮”
22ᐊᑯ ᐱᑕᕐ ᑎᐸᓐ ᐊᑐᑕᐊᑦ ᐊᓂᔭ ᒋᓴᓴ, ᒂ ᒋᑕᐊᒧᐛᑦ ᐊᓂᔭ ᑲ ᐃᔅᒋᔄᔨᒋ ᐊ ᐃᑕᑦ, “ᐅᑎᐸᔨᒋᒐᐤ, ᓇᒪ ᒋᑭ ᐅᒋ ᐱᔅᑎᓂᒻ ᒋᓴᒪᓂᑐᐤ ᐅᔭ ᒐᒋ ᐃᔅᐱᔨᒡ᙮ ᓇᒪ ᓂᑕ ᐅ ᒋᑭ ᒋ ᐃᑐᑕᑯᐅᓐ᙮”
23ᐊᑯ ᒋᓴᔅ ᑲ ᒂᔅᒋᑲᐳᔅᑐᐛᑦ ᐊᓂᔭ ᐱᑕᕋ, ᑭᔭ ᐊᑕᑦ, “ᒥᒋᒥᓂᑐᐤ, ᒪᒋ ᐃᒐᑕ ᓇᑕ᙮ ᑕᓐ ᐊ ᐃᑕᔨᑎᒥᐃᑯᔨᓐ ᐊᓂᔭ ᒐᒂᔪᐛ ᑕᐸ ᒋᓴᒪᓂᑐᐤ ᐊ ᑕᑦ ᐅᒋᐱᔪᐛ ᓇᐸᐤ ᐊ ᑕᑦ ᐅᒋᐱᔪᐛ᙮ ᒪᒋ ᐃᒐᑕ ᓇᑕ ᒥᒋᒥᓂᑐᐤ᙮”
24ᐊᑯ ᒋᓴᔅ ᐊᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᐊᐛᓐ ᐛ ᓇᓴᐅᒂ ᐊᑯᔅ ᒋᑭ ᐱᔅᑎᓂᒻ ᐊᓂᔭ ᐎᔾ ᑕᓐ ᐛ ᐃᓯ ᓂᓇᐊᔨᑎᒥᐃᓱᑦ, ᒋᑭ ᐅᑎᓇᐤ ᐅᒋᐱᔭᑎᑯᒪ ᑭᔭ ᓂᑭ ᐸᒋ ᐎᒐᐅᒄ᙮ 25ᐊᐛᓐ ᑲ ᐎ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ ᒋᑭ ᐅᓂᑕᐤ᙮ ᐊᓐ ᒪᒃ ᐊᐛᓐ ᑲ ᐎ ᐱᔅᑎᓇᐧᒃ ᒥᓯᐛ ᒐᒂᔪᐤ ᑕᓐ ᑲ ᐎ ᐃᑐᑕᐧᒃ ᐛᐛᒡ ᑭᔭ ᐅᐱᒪᑎᓯᐅᓐ ᐊ ᐎ ᐸᒋ ᓇᓴᐅᑦ ᐊᐅᒄ ᐊᓐ ᒐ ᒥᔭᑭᓄᐅᑦ ᐱᒪᑎᓯᐅᓂᔪᐤ᙮ 26ᐊᑯ ᒪᒃ ᐊᓐ ᐊᐛᓐ ᑲ ᐎ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ, ᐳᓂᐱᒪᑎᓯᒐ ᒪᒃ ᑕᓐᑕ ᒐᒋ ᐅᒋ ᐎᒋᐃᑯᑦ ᐊᑎ ᒋ ᐎᐧᑯᒋᑎᒪᓱᒐ ᒥᓯᐛ ᒐᒂᔪᐤ ᐅᑕ ᐊᔅᒋᒡ, ᐎᔾ ᑕᓐ ᑲ ᐃᓯ ᓂᑐᐛᔨᑕᐧᒃ ᒐᒋ ᐃᓯ ᐊᔭᑦ ? ᓇᒪ ᒋᑭ ᐅᒋ ᒥᔭᑭᓄᐤ ᐎᔾ ᐱᒪᑎᓯᐅᓂᔪᐤ᙮ ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐱᔅᑎᓇᒄ ᑲᐤ ᒐᒋ ᒥᔭᑭᓄᐅᑦ ᐅᐱᒪᑎᓯᐅᓐ ? 27ᐛᔅ ᐃᔪᐤ ᐅᑯᓯᓴᓇ ᒋᑭ ᑎᑯᓯᓂᔪᐛ ᐅᑕᐎᒪᐛ ᐅᒋᔅᑕᔨᑕᑯᓱᐅᓂᔨᒡ ᑭᔭ ᐊᓐᒋᓇ ᐊ ᐸᒋ ᐎᒐᐅᑯᔨᒋ, ᑭᔭ ᒐ ᑎᐸᐊᒧᐛᑦ ᒥᓯᐛ ᐊᐛᔪᐛ ᑕᓐ ᑲ ᐃᓯ ᐃᑐᑎᒥᔨᒋ᙮ 28ᒋ ᐎᑎᒪᑎᓇᐛᐤ, ᑕᑈ ᐊ ᑕᒡ ᐅᑕ ᐊᐛᓐᒋ ᐊᔅᒄ ᒐ ᐱᒪᑎᓯᒡ ᐃᔅᐱ ᐅᑎᒋᐱᔨᒐ ᒐ ᑎᑯᓯᓂᔨᒋ ᐃᔪᐤ ᐅᑯᓯᓴᓇ ᒐ ᐸᒋ ᒋᓴᐅᒋᒪᐎᔨᒋ᙮”
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada