ᒪᑎᔪᐤ 14
14
ᒠᓐ ᐅᓯᑲᐃᑕᒐᐤ ᑲ ᓂᐸᐊᑭᓄᐅᑦ
ᒪᕐᒃ 6.14-29; ᓗᒃ 9.7-9
1ᐊᓐ ᒪᒃ ᒪᒂᒡ ᐊᓐ ᒋᓴᐅᒋᒪᐤ ᐊᕈᑦ ᒋ ᐸᑎᒻ ᑕᓐ ᐊ ᐃᑕᒋᒪᑭᓄᔨᒋ ᒋᓴᓴ, 2ᐊᑯ ᒂ ᐃᑕᑦ ᐊᓂᔭ ᐅᑦ ᐊᐱᒋᐊᑭᓇ, “ᒂᔄᓐ ᑕᑈ ᐊᐅᑯᓐ ᐊᓐ ᐊᓂᔭ ᒠᓐ ᐅᓯᑲᐃᑕᒐᐤ᙮ ᒋ ᐅᓂᔅᑲᒐ ᓂᐳᐅᓂᒡ ᐅᒡ᙮ ᐊᔪᐅᒄ ᐊᓂᔭ ᐛᒋ ᐊᔭᑦ ᒥᔅᑯᐅᓯᐅᓂᔪᐤ ᒐᒋ ᐃᑐᑕᐧᒃ ᒪᒥᔅᑲᒡ ᐃᑐᐅᓇ᙮”
3ᐛᔅ ᐎᔾ ᐊᕈᑦ ᒋ ᐃᑎᓱᐛᑯᐱᓇ ᒐᒋ ᒪᑯᓇᑭᓄᔨᒋ ᐊᓂᔭ ᒠᓇ, ᑭᔭ ᒐᒋ ᒪᑯᐱᑕᑭᓄᔨᒋ, ᑭᔭ ᒐᒋ ᒋᐸᐛᑭᓄᔨᒋ᙮ ᐊᔪᐅᒄ ᐛᒋ ᐃᑐᑐᐛᑦ ᐅᔭ ᐊᓂᔭ ᐎᐧᑲᓂᓴ ᐱᓕᐸ ᐎᐎᔪᐛ ᐊᕈᑎᔭᔅ ᑲ ᐃᓯᓂᐧᑲᓱᔨᒋ ᐊᒋ ᐃᑎᑯᑦ ᐅᔭ ᒐᒋ ᐃᑎᓱᐛᑦ᙮ 4ᐛᔅ ᐊᕈᑦ ᒋ ᐎᒋᒪᐤ ᐊᕈᑎᔭᓴ ᐊᓂᔭ ᐎᐧᑲᓂᓴ ᐱᓕᐸ ᐎᐎᔪᐛ, ᐊᑯ ᒠᓐ ᐅᓯᑲᐃᑕᒐᐤ ᒧᔅ ᑲ ᐃᑕᑦ ᐊᕈᑕ, “ᒋ ᐱᑯᓇᓐ ᐎᓱᐛᐅᓐ ᐊ ᐎᐎᔨᓐ ᒋᐧᑲᓂᔅ ᐎᐛ᙮” 5ᐊᑯ ᐊᕈᑦ ᑲ ᐎ ᓂᐸᐊᑦ ᐊᓂᔭ ᒠᓇ, ᒥᒄ ᒪᒃ ᒋ ᑯᔅᑕᐤ ᐊᓂᔭ ᒍᐤ ᐃᔪᐛ, ᐛᔅ ᒋ ᑕᑈᑎᒧᒡ ᐊ ᐅᒋᔅᒋᐛᐃᒐᓱᔨᒋ ᒠᓇ᙮
6ᐃᔅᐱ ᒪᒃ ᒋᓴᐅᒋᒪᐤ ᐊᕈᑦ ᐛᒋᓯᑯᒥᑦ ᒋ ᒥᑯᓴᐤ ᐊᑯ ᐊᓂᔭ ᐊᕈᑎᔭᓴ ᐅᑕᓂᓯᔪᐛ ᒋ ᓂᒥᔪᐛ ᐊᓐᑕ ᐅᑎᔅᑯᐤ ᐊ ᒥᒐᑎᓇᓄᐎᒡ᙮ ᐊᕈᑦ ᒪᒃ ᓇᔅᒡ ᒋ ᓇᐊᔨᑎᒥᐃᑯᐤ ᐊᓂᔭ ᐃᔎᓴ ᑲ ᐃᑎᔨᒋ᙮ 7ᐊᑯ ᒂ ᐃᑕᑦ ᒐᔅᑎᓇᔅ ᒐ ᒥᔭᑦ ᒐᒂᔪᐤ ᒥᒄ ᑕᓐ ᒐ ᐃᓯ ᓂᑐᐛᔨᑎᒥᒂᓂ᙮
8ᐊᑯ ᐊᓐ ᐃᔎᔅ ᒂ ᓂᑐᐛᐱᒪᑦ ᐊᓂᔭ ᐅᑲᐎᔭ, ᐊᑯ ᒂ ᐃᑎᑯᑦ ᒐᒋ ᐃᔅᒋᔄᑦ, ᒐᒋ ᒋᒥᒂᐛᑭᓄᔨᒋ ᒠᓐ ᐅᓯᑲᐃᑕᒐᐛ ᐊᑯ ᐊᓂᔭ ᐅᔅᑎᒂᓂᔪᐤ ᐎᔭᑭᓂᒡ ᒐᒋ ᐊᔅᑕᑭᓄᐎᒡ ᒐᒋ ᐸᑕᑭᓄᐎᒡ ᒪᒃ ᐊᓐᑕ ᐊ ᑕᑦ᙮
9ᓇᔅᒡ ᒋ ᒥᒐᔨᑎᒻ ᒋᓴᐅᒋᒪᐤ ᐊᕈᑦ ᐃᔅᐱ ᑲ ᐸᑕᐧᒃ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᐊᓂᔭ ᐃᔎᓴ, ᒥᒄ ᒪᒃ ᐃᔭᐱᒡ ᒋ ᒥᔭᐤ ᐊᓂᔭ ᑲ ᐃᓯ ᓂᑐᐛᔨᑎᒥᔨᒋ ᐛᔅ ᒥᓯᐛ ᐊᓂᔭ ᐎᒐᐛᑭᓇ ᒋ ᐸᑕᑯᐤ ᐊᒋ ᐃᑕᑦ ᐊᓂᔭ ᐃᔎᓴ ᒐᔅᑎᓇᔅ ᒐ ᒥᔭᑦ ᑕᓐ ᒐ ᐃᓯ ᓂᑐᐛᔨᑎᒥᒂᓂ᙮ 10ᐊᑯ ᒪᒃ ᒂ ᐃᑎᓱᐛᑦ ᒐᒋ ᒋᒥᒂᐛᑭᓄᔨᒋ ᒠᓇ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐊ ᑕᔨᒋ᙮ 11ᐊᑯ ᒂ ᐸᑕᑭᓄᐎᒡ ᐊᓂᔭ ᐅᔅᑎᒂᓂᔪᐤ ᐎᔭᑭᓂᒡ ᐊᒋ ᐊᔅᑕᑭᓄᐎᒡ, ᒂ ᒥᔭᑭᓄᐅᑦ ᐊᓐ ᐃᔎᔅ, ᒂ ᐃᑐᑐᐛᑦ ᐊᓂᔭ ᐅᑲᐎᔭ ᐊᓂᔭ ᒥᔅᑎᒂᓂᔪᐤ᙮ 12ᐊᑯ ᒠᓐ ᐅᒋᔅᒋᓄᐊᒧᐛᑭᓇ ᒂ ᑎᑯᓯᓂᔨᒋ, ᒂ ᐅᑎᓂᒺᒡ ᐊᓂᔭ ᐎᔭᔪᐤ, ᒂ ᓇᐃᐧᑭᒺᒡ, ᐊᑯ ᒂ ᐎᑎᒧᐛᒡ ᒋᓴᓴ᙮
ᑲ ᐊᓯᒪᑦ ᒋᓴᔅ ᐱᑕᑕᒡ ᒐᓯᐱᔪᐤ ᐊᐛᔪᐛ
ᒪᕐᒃ 6.30-44; ᓗᒃ 9.10-17; ᒠᓐ 6.1-14
Matthew 14.13-21 (Proper-13 Year A)
13ᐃᔅᐱ ᒪᒃ ᒋᓴᔅ ᑲ ᐸᑕᐧᒃ ᐊᓂᔭ ᒠᓇ ᐊᒋ ᓂᐸᐊᑭᓄᔨᒋ ᒋ ᐳᓱᐤ ᐅᐤᑎᔪᐤ ᐊ ᐸᐃᑯᓯᑦ ᐊᑯ ᐊᓐᑕ ᑲ ᐃᔅᒋᒪᑦ ᐊᑲ ᓇᔅᒡ ᐃᑕᓄᐎᒡ᙮ ᐊᓐᒡ ᒪᒃ ᐃᔪᒡ ᐃᔅᐱ ᒐᔅᒐᔨᑕᒡ ᑕᓐᑕ ᐊ ᑕᔨᒋ ᒋ ᔅᑐᑕᐅᒡ ᐊᓐᑕ ᐅᑕᓇᒡ ᐅᒡ ᐊᑯ ᒂ ᓂᑐᐛᐱᒪᒡ᙮ 14ᐃᔅᐱ ᒪᒃ ᑲᐸᑦ ᒋᓴᔅ, ᐎᔭᐱᒪᑦ ᒪᒃ ᐊᓂᔭ ᒥᒐᑦ ᐃᔪᐛ, ᒋ ᒋᔅᑎᒪᒐᔨᒪᐤ, ᑭᔭ ᒋ ᒥᓏᒋᐊᐤ ᐊᓂᔭ ᑲ ᐸᓱᐛᑭᓄᔨᒋ ᑲ ᐊᐧᑯᓯᔨᒋ᙮
15ᐊᓂᔭ ᒪᒃ ᐊ ᐊᑎ ᐅᑕᑯᓯᔨᒡ ᐅᒋᔅᒋᓄᐊᒧᐛᑭᓇ ᒋ ᐸᒋ ᓂᑐᐛᐱᒥᑯᐤ, ᐊᑯ ᒂ ᐃᑎᑯᑦ, “ᓴᔅ ᒋᒋᐛ ᐅᑕᑯᓯᐤ ᑭᔭ ᓇᒪ ᑎᑯᓐ ᐅᑕᓇᐤ ᐅᑕ ᐊᓐ ᐊ ᑕᔭᐧᒄ᙮ ᐃᑎᓴᐅᒡ ᒪ ᐊᓐᑕ ᐅᑕᓇᒡ ᐊᓐᒡ ᐃᔪᒡ ᒐ ᓇᓂᑐᐛᔨᑕᒡ ᒐᒂᔪᐤ ᒐ ᒥᒋᒡ᙮”
16ᐊᑯ ᒋᓴᔅ ᐊᑕᑦ, “ᐊᑯᑕ ᐅᑕ ᒐ ᑕᒡ, ᒋᔨᐛᐤ ᒥᔭᐧᑯᒡ ᒐᒂᔪᐤ ᒐ ᒥᒋᒡ᙮”
17ᐅᒋᔅᒋᓄᐊᒧᐛᑭᓇ ᒪᒃ ᒋ ᐃᑎᑯᐤ ᒋᓴᔅ, “ᒥᒄ ᐱᑕᑕᒡ ᐸᒂᓯᑭᓐᒡ ᑭᔭ ᓂᓱ ᓂᒪᓯᒡ ᐊᐅᑯᓐ ᐊ ᐃᔅᐱᔅ ᑎᒂᒡ ᒐᒂᓐ ᐊ ᒥᒋᓇᓄᐅᒡ᙮”
18ᐊᑯ ᒋᓴᔅ ᐊᑕᑦ, “ᐸᑕᒄ ᐊᓐ ᒥᒋᒻ᙮” 19ᐊᑯ ᒋᓴᔅ ᐊᑕᑦ ᐊᓂᔭ ᐃᔪᐛ ᒐᒋ ᐊᐱᔨᒋ ᐊᓐᑕ ᒥᔅᑯᓯᒡ᙮ ᐊᑯ ᐛᑎᓇᑦ ᐊᓂᔭ ᐱᑕᑕᒡ ᐸᒂᓯᑭᓇ ᑭᔭ ᐊᓂᔭ ᓂᓱ ᓂᒪᓴ, ᐃᔅᐱᒥᒡ ᒂ ᐃᓯ ᑎᔅᑎᓴᐱᑦ ᐊ ᓂᓇᔅᑯᒪᑦ ᒋᓴᒪᓂᑐᐛ᙮ ᒋ ᐱᐸᒂᐱᑕᐤ ᒥᓯᐛ ᐊᓂᔭᔪᐛ ᐸᒂᓯᑭᓇ, ᐊᑯ ᒂ ᒥᔭᑦ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓂᒧᐛᔨᒋ ᐊᓂᔭ ᐃᔪᐛ᙮ 20ᒥᓯᐛ ᒪᒃ ᐊᐛᓐ ᒋ ᒥᒋᓱᐤ ᑭᔭ ᒋ ᑕᐱᔅᑯᔪᐤ᙮ ᐊᑯ ᐊᓂᔭ ᐅᒋᔅᒋᓄᐊᒧᐛᑭᓇ ᒂ ᒪᒧᓴᒋᓂᒥᔨᒋ ᐊᓂᔭ ᐃᔅᑯᔅᑐᐛᓂᔪᐤ᙮ ᓂᓱᓴᑉ ᒪᒃ ᐅᑎᐱᐅᑕ ᒋ ᓴᑭᔅᒋᓂᑕᐅᒡ᙮ 21ᒥᒄ ᒪᒃ ᓇᐸᐅᒡ ᐊ ᐊᒋᒪᑭᓄᐎᒡ ᐱᑕᑕᒡ ᒐᓯᐱᔪᐤ ᒋ ᐃᑕᑎᓱᐅᒡ ᐊ ᐊᑲ ᐊᔅᑎᒋᒪᑭᓄᐎᒡ ᐃᔎᐅᒡ ᑭᔭ ᐊᐛᓯᒡ᙮
ᒋᓴᔅ ᑲ ᐱᒧᑕᑦ ᓂᐱᒡ
ᒪᕐᒃ 6.45-52; ᒠᓐ 6.15-21
Matthew 14.22-33 (Proper-14 Year A)
22ᐊᑯ ᒋᓴᔅ ᒂ ᐃᑎᓱᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ ᒐᒋ ᐳᓯᔨᒋ ᐊᓂᔭ ᐅᐤᑎᔪᐤ, ᓴᔅ ᒐᒋ ᓂᑲᓐ ᐃᔅᒋᒪᔨᒋ ᐊᓐᑕ ᒂᔅᑕᒐᑲᒻ ᐊᓂᔭ ᓴᑲᐃᑭᓂᔪᐤ, ᒪᒂᒡ ᐎᔾ ᑲ ᒋᐛᑎᓴᐛᑦ ᐊᓂᔭ ᐃᔪᐛ᙮ 23ᐃᔅᐱ ᒪᒃ ᑲ ᒋᐛᑎᓴᐛᑦ ᐊᓂᔭ ᐃᔪᐛ, ᐊᑯ ᒂ ᓴᑭᒋᐛᑦ ᐊ ᐸᐃᑯᓯᑦ ᐊᓐᑕ ᐱᔅᑯᑎᓇᔪᐤ ᒐᒋ ᐊᔭᒥᐊᑦ᙮ ᐃᔅᐱ ᒪᒃ ᐛᑕᑯᓯᔨᒡ ᐊᔅᒄ ᐊᓐᑕ ᒋ ᐸᐃᑯᓱᐤ ᒋᓴᔅ᙮ 24ᐊᓂᔭ ᒪᒃ ᑲ ᐃᔅᐱᔅ ᑕᑦ ᐊᓐᑕ ᓴᔅ ᑕᐅᒡ ᒋ ᑎᑯᓂᔪᐤ ᐊᓂᔭ ᐅᐤᑎᔪᐤ ᐊᓐᑕ ᑲ ᐳᓯᔨᒋ ᐊᓂᔭ ᐅᒋᔅᒋᓄᐊᒧᐛᑭᓇ, ᓇᔅᒡ ᐊ ᐊᐃᑕᐅᑯᒡ ᐊ ᐃᔨᒪᐊᒡ᙮
25ᒐᑲᑦ ᒪᒃ ᒋ ᐸᑕᐱᓂᔪᐤ, ᓴᓯᑲᓐ ᓂᔅᑐ ᑭᔭ ᐊᓱᑕᒡ ᐊ ᐃᔅᐱᔨᒡ ᐊᑯ ᒋᓴᔅ ᒂ ᓂᑐᐛᐱᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ, ᓂᐱᒡ ᐊ ᐱᒧᑕᑦ᙮ 26ᐃᔅᐱ ᒪᒃ ᒋᔅᒋᓄᐊᒧᐛᑭᓐᒡ ᐎᔭᐱᒪᒡ ᐊ ᐱᒧᑕᔨᒋ ᓂᐱᒡ ᒋᒋᐛ ᒋ ᑯᔅᑕᒍᐅᒡ, ᐊᔅᐱᔅ ᑯᔅᑕᒋᒡ ᒪᒃ ᒋ ᐊᓯᒂᐅᒡ ᐊᒪᒡ ᐊ ᐃᔅᒋᔄᒡ, “ᒋᐱᔾ ᐊᓐ !”
27ᒥᒄ ᒪᒃ ᑎᐛᒡ ᒋᓴᔅ ᒋ ᐃᔨᒪᐊᐤ ᐊ ᐃᑕᑦ, “ᒋᔭᒪᔨᑎᒧᒄ, ᐊᐅᒄ ᐛᔅ ᐊᓐ ᓂᔾ, ᐊᑲᐎᔾ ᑯᔅᑕᒋᒄ᙮”
28ᐊᑯ ᐱᑕᕐ ᐊᑕᑦ, “ᐅᑎᐸᔨᒋᒐᐤ, ᑕᑈ ᐊ ᐊᐎᓇ ᒋᔾ, ᐸᒋ ᐃᓯ ᒐᒋ ᓂᑐᐛᐱᒥᑕᓐ ᓂᐱᒡ ᐊ ᐱᒧᑕᔭᓐ᙮”
29ᐊᑯ ᒋᓴᔅ ᐊᑕᑦ, “ᐊᔅᑎᒻ᙮” ᐊᑯ ᐱᑕᕐ ᑲ ᑭᐸᑦ ᓇᑐᐛᐱᒪᑦ ᐊᓂᔭ ᒋᓴᓴ ᓂᐱᒡ ᐊ ᐱᒧᑕᑦ᙮ 30ᐃᔅᐱ ᐱᑕᕐ ᐎᔭᐸᑕᐧᒃ ᑕᓐ ᐊᔅᐱᔅ ᒥᔅᑎᔪᑎᓂᔨᒡ ᒋ ᑯᔅᑕᒍᐤ, ᐊᑯ ᒂ ᐊᑎ ᑯᓴᐸᑦ᙮ ᒋ ᑕᑈᐤ ᒪᒃ ᐊ ᐃᔅᒋᔄᑦ, “ᐅᑎᐸᔨᒋᒐᐤ, ᐸᒋ ᐎᒋᐃ !”
31ᑎᐛᒡ ᒪᒃ ᒋᓴᔅ ᒋ ᓱᐎᓂᔅᒐᔪᐤ, ᒂ ᒪᑯᓇᑦ ᐊᑯ ᐊᑕᑦ, “ᒐᒂᓐ ᐛᒋ ᐳᓂᔨᓐ ᐊ ᑕᑈᑎᒥᓐ ᒐᒋ ᑐᑕᑕᓐ ᒐᒋ ᐱᒧᑕᔨᓐ ᓂᐱᒡ ?”
32ᐃᔅᐱ ᒪᒃ ᑕᐱᔅᑯᓐ ᑲ ᐳᓯᒡ ᐊᓂᔭ ᐅᐤᑎᔪᐤ, ᐊᑯ ᓇᔅᒡ ᑲ ᐊᑎ ᐃᔽᔅᑎᓂᔨᒡ᙮ 33ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᐊᓐᑕ ᐅᐤᑎᒡ ᑲ ᑕᒡ ᒋ ᐊᔭᒥᐊᔅᑐᐛᐅᒡ ᒋᓴᓴ ᐊ ᐃᑕᒡ, “ᑕᑈ ᒋᔾ ᒋᓴᒪᓂᑐᐤ ᐅᑯᓴ᙮”
ᑲᓇᓴᕆᑎᒡ ᑲ ᒥᓏᒋᐊᑦ ᐊᐛᔪᐛ ᒋᓴᔅ
ᒪᕐᒃ 6.53-56
34ᒋ ᐊᓱᐊᒧᒡ ᒪᒃ ᐊᓂᔭ ᓴᑲᐃᑭᓂᔪᐤ ᐊᑯ ᐊᓐᑕ ᑲᓇᓴᕋᑦ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᑲ ᒥᓯᑲᒡ᙮ 35ᒋ ᓂᔅᑐᐅᓇᑯᐤ ᒪᒃ ᒋᓴᔅ ᐊᓂᔭ ᐃᔪᐛ ᐊᓐᑕ ᑲ ᑕᔨᒋ᙮ ᐊᑯ ᒂ ᐃᔅᒋᔄᒡ ᒥᓯᐛ ᐊᓂᔭ ᑲ ᐊᐧᑯᓯᔨᒋ ᐊᓐᑕ ᐊᓂᔭ ᐛᔅᑲ ᐊᔅᒋᔪᐤ ᑲ ᑕᔨᒋ ᒐᒋ ᐸᓱᐛᑭᓄᔨᒋ ᐊᓐᑕ ᒋᓴᓴ ᐊ ᑕᔨᒋ᙮ 36ᐊᑯ ᐊᓐᒡ ᑲ ᐊᐧᑯᓯᒡ ᑲ ᓂᑐᑎᒧᐛᒡ ᒋᓴᓴ ᒐᒋ ᓇᐃᒥᑯᒡ ᒥᒄ ᒐᒋ ᑕᒋᓂᒺᒡ ᐊ ᐅᓂᔎᑭᓂᔨᒡ ᐅᑦ ᐊᑯᐱᔪᐤ᙮ ᒥᓯᐛ ᒪᒃ ᐊᐛᔪᐛ ᑲ ᑕᒋᓂᒥᔨᒋ ᐅᑦ ᐊᑯᑉ ᒋ ᒥᓏᑎᓯᔪᐛ᙮
Currently Selected:
ᒪᑎᔪᐤ 14: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᒪᑎᔪᐤ 14
14
ᒠᓐ ᐅᓯᑲᐃᑕᒐᐤ ᑲ ᓂᐸᐊᑭᓄᐅᑦ
ᒪᕐᒃ 6.14-29; ᓗᒃ 9.7-9
1ᐊᓐ ᒪᒃ ᒪᒂᒡ ᐊᓐ ᒋᓴᐅᒋᒪᐤ ᐊᕈᑦ ᒋ ᐸᑎᒻ ᑕᓐ ᐊ ᐃᑕᒋᒪᑭᓄᔨᒋ ᒋᓴᓴ, 2ᐊᑯ ᒂ ᐃᑕᑦ ᐊᓂᔭ ᐅᑦ ᐊᐱᒋᐊᑭᓇ, “ᒂᔄᓐ ᑕᑈ ᐊᐅᑯᓐ ᐊᓐ ᐊᓂᔭ ᒠᓐ ᐅᓯᑲᐃᑕᒐᐤ᙮ ᒋ ᐅᓂᔅᑲᒐ ᓂᐳᐅᓂᒡ ᐅᒡ᙮ ᐊᔪᐅᒄ ᐊᓂᔭ ᐛᒋ ᐊᔭᑦ ᒥᔅᑯᐅᓯᐅᓂᔪᐤ ᒐᒋ ᐃᑐᑕᐧᒃ ᒪᒥᔅᑲᒡ ᐃᑐᐅᓇ᙮”
3ᐛᔅ ᐎᔾ ᐊᕈᑦ ᒋ ᐃᑎᓱᐛᑯᐱᓇ ᒐᒋ ᒪᑯᓇᑭᓄᔨᒋ ᐊᓂᔭ ᒠᓇ, ᑭᔭ ᒐᒋ ᒪᑯᐱᑕᑭᓄᔨᒋ, ᑭᔭ ᒐᒋ ᒋᐸᐛᑭᓄᔨᒋ᙮ ᐊᔪᐅᒄ ᐛᒋ ᐃᑐᑐᐛᑦ ᐅᔭ ᐊᓂᔭ ᐎᐧᑲᓂᓴ ᐱᓕᐸ ᐎᐎᔪᐛ ᐊᕈᑎᔭᔅ ᑲ ᐃᓯᓂᐧᑲᓱᔨᒋ ᐊᒋ ᐃᑎᑯᑦ ᐅᔭ ᒐᒋ ᐃᑎᓱᐛᑦ᙮ 4ᐛᔅ ᐊᕈᑦ ᒋ ᐎᒋᒪᐤ ᐊᕈᑎᔭᓴ ᐊᓂᔭ ᐎᐧᑲᓂᓴ ᐱᓕᐸ ᐎᐎᔪᐛ, ᐊᑯ ᒠᓐ ᐅᓯᑲᐃᑕᒐᐤ ᒧᔅ ᑲ ᐃᑕᑦ ᐊᕈᑕ, “ᒋ ᐱᑯᓇᓐ ᐎᓱᐛᐅᓐ ᐊ ᐎᐎᔨᓐ ᒋᐧᑲᓂᔅ ᐎᐛ᙮” 5ᐊᑯ ᐊᕈᑦ ᑲ ᐎ ᓂᐸᐊᑦ ᐊᓂᔭ ᒠᓇ, ᒥᒄ ᒪᒃ ᒋ ᑯᔅᑕᐤ ᐊᓂᔭ ᒍᐤ ᐃᔪᐛ, ᐛᔅ ᒋ ᑕᑈᑎᒧᒡ ᐊ ᐅᒋᔅᒋᐛᐃᒐᓱᔨᒋ ᒠᓇ᙮
6ᐃᔅᐱ ᒪᒃ ᒋᓴᐅᒋᒪᐤ ᐊᕈᑦ ᐛᒋᓯᑯᒥᑦ ᒋ ᒥᑯᓴᐤ ᐊᑯ ᐊᓂᔭ ᐊᕈᑎᔭᓴ ᐅᑕᓂᓯᔪᐛ ᒋ ᓂᒥᔪᐛ ᐊᓐᑕ ᐅᑎᔅᑯᐤ ᐊ ᒥᒐᑎᓇᓄᐎᒡ᙮ ᐊᕈᑦ ᒪᒃ ᓇᔅᒡ ᒋ ᓇᐊᔨᑎᒥᐃᑯᐤ ᐊᓂᔭ ᐃᔎᓴ ᑲ ᐃᑎᔨᒋ᙮ 7ᐊᑯ ᒂ ᐃᑕᑦ ᒐᔅᑎᓇᔅ ᒐ ᒥᔭᑦ ᒐᒂᔪᐤ ᒥᒄ ᑕᓐ ᒐ ᐃᓯ ᓂᑐᐛᔨᑎᒥᒂᓂ᙮
8ᐊᑯ ᐊᓐ ᐃᔎᔅ ᒂ ᓂᑐᐛᐱᒪᑦ ᐊᓂᔭ ᐅᑲᐎᔭ, ᐊᑯ ᒂ ᐃᑎᑯᑦ ᒐᒋ ᐃᔅᒋᔄᑦ, ᒐᒋ ᒋᒥᒂᐛᑭᓄᔨᒋ ᒠᓐ ᐅᓯᑲᐃᑕᒐᐛ ᐊᑯ ᐊᓂᔭ ᐅᔅᑎᒂᓂᔪᐤ ᐎᔭᑭᓂᒡ ᒐᒋ ᐊᔅᑕᑭᓄᐎᒡ ᒐᒋ ᐸᑕᑭᓄᐎᒡ ᒪᒃ ᐊᓐᑕ ᐊ ᑕᑦ᙮
9ᓇᔅᒡ ᒋ ᒥᒐᔨᑎᒻ ᒋᓴᐅᒋᒪᐤ ᐊᕈᑦ ᐃᔅᐱ ᑲ ᐸᑕᐧᒃ ᑕᓐ ᐊ ᐃᓯ ᓂᑐᐛᔨᑎᒥᔨᒋ ᐊᓂᔭ ᐃᔎᓴ, ᒥᒄ ᒪᒃ ᐃᔭᐱᒡ ᒋ ᒥᔭᐤ ᐊᓂᔭ ᑲ ᐃᓯ ᓂᑐᐛᔨᑎᒥᔨᒋ ᐛᔅ ᒥᓯᐛ ᐊᓂᔭ ᐎᒐᐛᑭᓇ ᒋ ᐸᑕᑯᐤ ᐊᒋ ᐃᑕᑦ ᐊᓂᔭ ᐃᔎᓴ ᒐᔅᑎᓇᔅ ᒐ ᒥᔭᑦ ᑕᓐ ᒐ ᐃᓯ ᓂᑐᐛᔨᑎᒥᒂᓂ᙮ 10ᐊᑯ ᒪᒃ ᒂ ᐃᑎᓱᐛᑦ ᒐᒋ ᒋᒥᒂᐛᑭᓄᔨᒋ ᒠᓇ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐊ ᑕᔨᒋ᙮ 11ᐊᑯ ᒂ ᐸᑕᑭᓄᐎᒡ ᐊᓂᔭ ᐅᔅᑎᒂᓂᔪᐤ ᐎᔭᑭᓂᒡ ᐊᒋ ᐊᔅᑕᑭᓄᐎᒡ, ᒂ ᒥᔭᑭᓄᐅᑦ ᐊᓐ ᐃᔎᔅ, ᒂ ᐃᑐᑐᐛᑦ ᐊᓂᔭ ᐅᑲᐎᔭ ᐊᓂᔭ ᒥᔅᑎᒂᓂᔪᐤ᙮ 12ᐊᑯ ᒠᓐ ᐅᒋᔅᒋᓄᐊᒧᐛᑭᓇ ᒂ ᑎᑯᓯᓂᔨᒋ, ᒂ ᐅᑎᓂᒺᒡ ᐊᓂᔭ ᐎᔭᔪᐤ, ᒂ ᓇᐃᐧᑭᒺᒡ, ᐊᑯ ᒂ ᐎᑎᒧᐛᒡ ᒋᓴᓴ᙮
ᑲ ᐊᓯᒪᑦ ᒋᓴᔅ ᐱᑕᑕᒡ ᒐᓯᐱᔪᐤ ᐊᐛᔪᐛ
ᒪᕐᒃ 6.30-44; ᓗᒃ 9.10-17; ᒠᓐ 6.1-14
Matthew 14.13-21 (Proper-13 Year A)
13ᐃᔅᐱ ᒪᒃ ᒋᓴᔅ ᑲ ᐸᑕᐧᒃ ᐊᓂᔭ ᒠᓇ ᐊᒋ ᓂᐸᐊᑭᓄᔨᒋ ᒋ ᐳᓱᐤ ᐅᐤᑎᔪᐤ ᐊ ᐸᐃᑯᓯᑦ ᐊᑯ ᐊᓐᑕ ᑲ ᐃᔅᒋᒪᑦ ᐊᑲ ᓇᔅᒡ ᐃᑕᓄᐎᒡ᙮ ᐊᓐᒡ ᒪᒃ ᐃᔪᒡ ᐃᔅᐱ ᒐᔅᒐᔨᑕᒡ ᑕᓐᑕ ᐊ ᑕᔨᒋ ᒋ ᔅᑐᑕᐅᒡ ᐊᓐᑕ ᐅᑕᓇᒡ ᐅᒡ ᐊᑯ ᒂ ᓂᑐᐛᐱᒪᒡ᙮ 14ᐃᔅᐱ ᒪᒃ ᑲᐸᑦ ᒋᓴᔅ, ᐎᔭᐱᒪᑦ ᒪᒃ ᐊᓂᔭ ᒥᒐᑦ ᐃᔪᐛ, ᒋ ᒋᔅᑎᒪᒐᔨᒪᐤ, ᑭᔭ ᒋ ᒥᓏᒋᐊᐤ ᐊᓂᔭ ᑲ ᐸᓱᐛᑭᓄᔨᒋ ᑲ ᐊᐧᑯᓯᔨᒋ᙮
15ᐊᓂᔭ ᒪᒃ ᐊ ᐊᑎ ᐅᑕᑯᓯᔨᒡ ᐅᒋᔅᒋᓄᐊᒧᐛᑭᓇ ᒋ ᐸᒋ ᓂᑐᐛᐱᒥᑯᐤ, ᐊᑯ ᒂ ᐃᑎᑯᑦ, “ᓴᔅ ᒋᒋᐛ ᐅᑕᑯᓯᐤ ᑭᔭ ᓇᒪ ᑎᑯᓐ ᐅᑕᓇᐤ ᐅᑕ ᐊᓐ ᐊ ᑕᔭᐧᒄ᙮ ᐃᑎᓴᐅᒡ ᒪ ᐊᓐᑕ ᐅᑕᓇᒡ ᐊᓐᒡ ᐃᔪᒡ ᒐ ᓇᓂᑐᐛᔨᑕᒡ ᒐᒂᔪᐤ ᒐ ᒥᒋᒡ᙮”
16ᐊᑯ ᒋᓴᔅ ᐊᑕᑦ, “ᐊᑯᑕ ᐅᑕ ᒐ ᑕᒡ, ᒋᔨᐛᐤ ᒥᔭᐧᑯᒡ ᒐᒂᔪᐤ ᒐ ᒥᒋᒡ᙮”
17ᐅᒋᔅᒋᓄᐊᒧᐛᑭᓇ ᒪᒃ ᒋ ᐃᑎᑯᐤ ᒋᓴᔅ, “ᒥᒄ ᐱᑕᑕᒡ ᐸᒂᓯᑭᓐᒡ ᑭᔭ ᓂᓱ ᓂᒪᓯᒡ ᐊᐅᑯᓐ ᐊ ᐃᔅᐱᔅ ᑎᒂᒡ ᒐᒂᓐ ᐊ ᒥᒋᓇᓄᐅᒡ᙮”
18ᐊᑯ ᒋᓴᔅ ᐊᑕᑦ, “ᐸᑕᒄ ᐊᓐ ᒥᒋᒻ᙮” 19ᐊᑯ ᒋᓴᔅ ᐊᑕᑦ ᐊᓂᔭ ᐃᔪᐛ ᒐᒋ ᐊᐱᔨᒋ ᐊᓐᑕ ᒥᔅᑯᓯᒡ᙮ ᐊᑯ ᐛᑎᓇᑦ ᐊᓂᔭ ᐱᑕᑕᒡ ᐸᒂᓯᑭᓇ ᑭᔭ ᐊᓂᔭ ᓂᓱ ᓂᒪᓴ, ᐃᔅᐱᒥᒡ ᒂ ᐃᓯ ᑎᔅᑎᓴᐱᑦ ᐊ ᓂᓇᔅᑯᒪᑦ ᒋᓴᒪᓂᑐᐛ᙮ ᒋ ᐱᐸᒂᐱᑕᐤ ᒥᓯᐛ ᐊᓂᔭᔪᐛ ᐸᒂᓯᑭᓇ, ᐊᑯ ᒂ ᒥᔭᑦ ᐅᒋᔅᒋᓄᐊᒧᐛᑭᓇ ᒐᒋ ᒪᑎᓂᒧᐛᔨᒋ ᐊᓂᔭ ᐃᔪᐛ᙮ 20ᒥᓯᐛ ᒪᒃ ᐊᐛᓐ ᒋ ᒥᒋᓱᐤ ᑭᔭ ᒋ ᑕᐱᔅᑯᔪᐤ᙮ ᐊᑯ ᐊᓂᔭ ᐅᒋᔅᒋᓄᐊᒧᐛᑭᓇ ᒂ ᒪᒧᓴᒋᓂᒥᔨᒋ ᐊᓂᔭ ᐃᔅᑯᔅᑐᐛᓂᔪᐤ᙮ ᓂᓱᓴᑉ ᒪᒃ ᐅᑎᐱᐅᑕ ᒋ ᓴᑭᔅᒋᓂᑕᐅᒡ᙮ 21ᒥᒄ ᒪᒃ ᓇᐸᐅᒡ ᐊ ᐊᒋᒪᑭᓄᐎᒡ ᐱᑕᑕᒡ ᒐᓯᐱᔪᐤ ᒋ ᐃᑕᑎᓱᐅᒡ ᐊ ᐊᑲ ᐊᔅᑎᒋᒪᑭᓄᐎᒡ ᐃᔎᐅᒡ ᑭᔭ ᐊᐛᓯᒡ᙮
ᒋᓴᔅ ᑲ ᐱᒧᑕᑦ ᓂᐱᒡ
ᒪᕐᒃ 6.45-52; ᒠᓐ 6.15-21
Matthew 14.22-33 (Proper-14 Year A)
22ᐊᑯ ᒋᓴᔅ ᒂ ᐃᑎᓱᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ ᒐᒋ ᐳᓯᔨᒋ ᐊᓂᔭ ᐅᐤᑎᔪᐤ, ᓴᔅ ᒐᒋ ᓂᑲᓐ ᐃᔅᒋᒪᔨᒋ ᐊᓐᑕ ᒂᔅᑕᒐᑲᒻ ᐊᓂᔭ ᓴᑲᐃᑭᓂᔪᐤ, ᒪᒂᒡ ᐎᔾ ᑲ ᒋᐛᑎᓴᐛᑦ ᐊᓂᔭ ᐃᔪᐛ᙮ 23ᐃᔅᐱ ᒪᒃ ᑲ ᒋᐛᑎᓴᐛᑦ ᐊᓂᔭ ᐃᔪᐛ, ᐊᑯ ᒂ ᓴᑭᒋᐛᑦ ᐊ ᐸᐃᑯᓯᑦ ᐊᓐᑕ ᐱᔅᑯᑎᓇᔪᐤ ᒐᒋ ᐊᔭᒥᐊᑦ᙮ ᐃᔅᐱ ᒪᒃ ᐛᑕᑯᓯᔨᒡ ᐊᔅᒄ ᐊᓐᑕ ᒋ ᐸᐃᑯᓱᐤ ᒋᓴᔅ᙮ 24ᐊᓂᔭ ᒪᒃ ᑲ ᐃᔅᐱᔅ ᑕᑦ ᐊᓐᑕ ᓴᔅ ᑕᐅᒡ ᒋ ᑎᑯᓂᔪᐤ ᐊᓂᔭ ᐅᐤᑎᔪᐤ ᐊᓐᑕ ᑲ ᐳᓯᔨᒋ ᐊᓂᔭ ᐅᒋᔅᒋᓄᐊᒧᐛᑭᓇ, ᓇᔅᒡ ᐊ ᐊᐃᑕᐅᑯᒡ ᐊ ᐃᔨᒪᐊᒡ᙮
25ᒐᑲᑦ ᒪᒃ ᒋ ᐸᑕᐱᓂᔪᐤ, ᓴᓯᑲᓐ ᓂᔅᑐ ᑭᔭ ᐊᓱᑕᒡ ᐊ ᐃᔅᐱᔨᒡ ᐊᑯ ᒋᓴᔅ ᒂ ᓂᑐᐛᐱᒪᑦ ᐊᓂᔭ ᐅᒋᔅᒋᓄᐊᒧᐛᑭᓇ, ᓂᐱᒡ ᐊ ᐱᒧᑕᑦ᙮ 26ᐃᔅᐱ ᒪᒃ ᒋᔅᒋᓄᐊᒧᐛᑭᓐᒡ ᐎᔭᐱᒪᒡ ᐊ ᐱᒧᑕᔨᒋ ᓂᐱᒡ ᒋᒋᐛ ᒋ ᑯᔅᑕᒍᐅᒡ, ᐊᔅᐱᔅ ᑯᔅᑕᒋᒡ ᒪᒃ ᒋ ᐊᓯᒂᐅᒡ ᐊᒪᒡ ᐊ ᐃᔅᒋᔄᒡ, “ᒋᐱᔾ ᐊᓐ !”
27ᒥᒄ ᒪᒃ ᑎᐛᒡ ᒋᓴᔅ ᒋ ᐃᔨᒪᐊᐤ ᐊ ᐃᑕᑦ, “ᒋᔭᒪᔨᑎᒧᒄ, ᐊᐅᒄ ᐛᔅ ᐊᓐ ᓂᔾ, ᐊᑲᐎᔾ ᑯᔅᑕᒋᒄ᙮”
28ᐊᑯ ᐱᑕᕐ ᐊᑕᑦ, “ᐅᑎᐸᔨᒋᒐᐤ, ᑕᑈ ᐊ ᐊᐎᓇ ᒋᔾ, ᐸᒋ ᐃᓯ ᒐᒋ ᓂᑐᐛᐱᒥᑕᓐ ᓂᐱᒡ ᐊ ᐱᒧᑕᔭᓐ᙮”
29ᐊᑯ ᒋᓴᔅ ᐊᑕᑦ, “ᐊᔅᑎᒻ᙮” ᐊᑯ ᐱᑕᕐ ᑲ ᑭᐸᑦ ᓇᑐᐛᐱᒪᑦ ᐊᓂᔭ ᒋᓴᓴ ᓂᐱᒡ ᐊ ᐱᒧᑕᑦ᙮ 30ᐃᔅᐱ ᐱᑕᕐ ᐎᔭᐸᑕᐧᒃ ᑕᓐ ᐊᔅᐱᔅ ᒥᔅᑎᔪᑎᓂᔨᒡ ᒋ ᑯᔅᑕᒍᐤ, ᐊᑯ ᒂ ᐊᑎ ᑯᓴᐸᑦ᙮ ᒋ ᑕᑈᐤ ᒪᒃ ᐊ ᐃᔅᒋᔄᑦ, “ᐅᑎᐸᔨᒋᒐᐤ, ᐸᒋ ᐎᒋᐃ !”
31ᑎᐛᒡ ᒪᒃ ᒋᓴᔅ ᒋ ᓱᐎᓂᔅᒐᔪᐤ, ᒂ ᒪᑯᓇᑦ ᐊᑯ ᐊᑕᑦ, “ᒐᒂᓐ ᐛᒋ ᐳᓂᔨᓐ ᐊ ᑕᑈᑎᒥᓐ ᒐᒋ ᑐᑕᑕᓐ ᒐᒋ ᐱᒧᑕᔨᓐ ᓂᐱᒡ ?”
32ᐃᔅᐱ ᒪᒃ ᑕᐱᔅᑯᓐ ᑲ ᐳᓯᒡ ᐊᓂᔭ ᐅᐤᑎᔪᐤ, ᐊᑯ ᓇᔅᒡ ᑲ ᐊᑎ ᐃᔽᔅᑎᓂᔨᒡ᙮ 33ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᐊᓐᑕ ᐅᐤᑎᒡ ᑲ ᑕᒡ ᒋ ᐊᔭᒥᐊᔅᑐᐛᐅᒡ ᒋᓴᓴ ᐊ ᐃᑕᒡ, “ᑕᑈ ᒋᔾ ᒋᓴᒪᓂᑐᐤ ᐅᑯᓴ᙮”
ᑲᓇᓴᕆᑎᒡ ᑲ ᒥᓏᒋᐊᑦ ᐊᐛᔪᐛ ᒋᓴᔅ
ᒪᕐᒃ 6.53-56
34ᒋ ᐊᓱᐊᒧᒡ ᒪᒃ ᐊᓂᔭ ᓴᑲᐃᑭᓂᔪᐤ ᐊᑯ ᐊᓐᑕ ᑲᓇᓴᕋᑦ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᑲ ᒥᓯᑲᒡ᙮ 35ᒋ ᓂᔅᑐᐅᓇᑯᐤ ᒪᒃ ᒋᓴᔅ ᐊᓂᔭ ᐃᔪᐛ ᐊᓐᑕ ᑲ ᑕᔨᒋ᙮ ᐊᑯ ᒂ ᐃᔅᒋᔄᒡ ᒥᓯᐛ ᐊᓂᔭ ᑲ ᐊᐧᑯᓯᔨᒋ ᐊᓐᑕ ᐊᓂᔭ ᐛᔅᑲ ᐊᔅᒋᔪᐤ ᑲ ᑕᔨᒋ ᒐᒋ ᐸᓱᐛᑭᓄᔨᒋ ᐊᓐᑕ ᒋᓴᓴ ᐊ ᑕᔨᒋ᙮ 36ᐊᑯ ᐊᓐᒡ ᑲ ᐊᐧᑯᓯᒡ ᑲ ᓂᑐᑎᒧᐛᒡ ᒋᓴᓴ ᒐᒋ ᓇᐃᒥᑯᒡ ᒥᒄ ᒐᒋ ᑕᒋᓂᒺᒡ ᐊ ᐅᓂᔎᑭᓂᔨᒡ ᐅᑦ ᐊᑯᐱᔪᐤ᙮ ᒥᓯᐛ ᒪᒃ ᐊᐛᔪᐛ ᑲ ᑕᒋᓂᒥᔨᒋ ᐅᑦ ᐊᑯᑉ ᒋ ᒥᓏᑎᓯᔪᐛ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada