ᑲᓚᓯᔭᓇ 4
4
1ᒥᓐ ᒋᑭ ᐎᑎᒪᑎᓇᐛᐤ ᑕᓐ ᐊᓐ ᐛ ᐃᔅᒋᔄᔭᓐ᙮ ᒪᒥᑐᓇᔨᒪᐧᒄ ᒪ ᓇᐸᔅ ᒐ ᐊᓂᔅᒐ ᐊᓱ ᒥᔭᑭᓄᐅᑦ ᐅᑕᐎᔭ ᐅᑦ ᐊᐱᒋᑕᐅᓂᔪᐛ, ᐊᔅᒄ ᐊ ᐊᐛᓯᐅᑦ ᐊᐱᒋᐊᑭᓐ ᐃᓯ ᑭᓄᐛᐱᒪᑭᓄᐤ᙮ ᓇᒪ ᐊᔅᒄ ᐎᔾ ᒋᑭ ᒋ ᐛᑕᔨᑎᒻ ᑕᓐ ᒐ ᐃᑎᑦ, ᐊᑎ ᓴᔅ ᒥᓯᐛ ᒐᒂᔪᐤ ᐊ ᑎᐱᔨᐛᐅᓯᑦ ᐊ ᐃᓯᓇᑯᓯᑦ᙮ 2ᐊᔅᒄ ᐊ ᐊᐛᓯᐅᑦ ᑕᔪᐛ ᐊᓂᔭᔪᐛ ᓇᑕᐅᒋᓂᑯᑦ᙮ ᐊᐅᑯᓂ ᐊᓂᔭᔪᐛ ᑲᓄᐛᔨᒥᑯᑦ ᑭᔭ ᓂᔭᓇᑭᑐᐛᔨᑎᒪᑯᑦ ᐊᓂᔭᔪᐛ ᒐᒂᔪᐛ ᒐ ᐊᔭᑦ ᐸᑐᔅ ᐅᑎᒋᐱᔨᒐ ᐊᓐᑕ ᒐ ᐃᔅᒋᔄᔨᒋ ᐅᑕᐎᔭ ᐊᑯ ᑎᐸᓐ ᒐᒋ ᐎᔭᔨᑎᒪᓱᑦ᙮ 3ᐊᐅᑯᓐ ᒪᒃ ᒧᔭᒻ ᒋᔭᓄᐤ, ᐊᔅᒄ ᐊᑲ ᐅᒋ ᒋᔅᒐᔨᑎᒪᐧᒄ ᑕᑈᐅᓐ ᒧᔭᒻ ᐊᐛᓯᒡ ᔅᒋ ᐃᑕᔨᑕᑯᓯᓇᓄᐤ᙮ ᐎᓱᐛᐅᓇ ᑭᔭ ᐃᑐᐅᓇ ᐅᑕ ᐊᔅᒋᒡ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᔭᐧᒄ ᔅᒋ ᒪᒋᒂᐱᐧᑲᑎᑯᓇᓄᐤ᙮
Galatians 4.4-7 (Christmas-1 Year B)
4ᐃᔅᐱ ᒪᒃ ᑕᑈ ᐛᑎᒋᐱᔨᒡ ᐊᓐᑕ ᑲ ᐃᑕᔨᑎᒥᑯᐱᓇ ᒋᓴᒪᓂᑐᐤ ᒐᒋ ᐸᒋ ᐃᑎᓴᐛᑦ ᐅᑯᓴ, ᒋ ᐸᒋ ᐃᑎᓴᐛᐤ ᐅᑕ ᐊᔅᒋᒡ᙮ ᐃᔎᐛ ᐊ ᑕᔨᒋ ᒋ ᐅᒋ ᐱᒪᑎᓯᐤ᙮ ᒍᐤ ᒋ ᐃᑎᔅᑲᓇᓱᐤ ᑭᔭ ᒂ ᓂᑐᐛᔨᑕᑯᓯᑦ ᒐᒋ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮ 5ᒋ ᐸᒋ ᐃᑎᓴᐛᑭᓄᐤ ᐅᑕ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᒍᐤ ᐊᔭᒥᐊᐅ ᐎᓱᐛᐅᓂᔪᐤ ᑲ ᒪᒋᒂᐱᐧᑲᑎᑯᔨᒋ ᐊᓐᑕ ᒥᓯᐛ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯ ᑭᓄᐛᐱᒪᑭᓄᔨᒋ᙮ 6ᐊ ᐅᑦ ᐊᐛᓯᒥᑐᑕᑕᐧᒄ ᒪᒃ ᒋᓴᒪᓂᑐᐤ, ᒋ ᐸᒋ ᐃᑎᓴᐛᐤ ᐅᑯᓴ ᐅᑦ ᐊᒐᐧᑯᔪᐛ ᒋᑕᐃᓇᒡ᙮ ᐊᓐ ᒪᒃ ᐊᒐᐧᒄ ᐊᐅᒄ ᐊ ᐃᑐᑕᑕᐧᒄ, “ᓄᑕ, ᓄᑕᐎᔾ,” ᒐᒋ ᐃᓯ ᑕᑈᑕᐧᒄ ᒋᓴᒪᓂᑐᐤ᙮ 7ᓇᒪ ᒪᒃ ᐊᑯ ᐊᐱᒋᐊᑭᓐ ᒋ ᐊᑎ ᐃᓯ ᑭᓄᐛᐱᒥᑯᐅᓐ᙮ ᐃᔭᐱᒡ ᒋᓴᒪᓂᑐᐤ ᐅᑦ ᐊᐛᓯᒪ ᒋ ᐊᑎ ᐃᓯ ᑭᓄᐛᐱᒥᑯᐅᓐ᙮ ᐊᑯ ᒪᒃ ᒋᓴᒪᓂᑐᐤ ᐅᑦ ᐊᐛᓯᒪ ᐊ ᐃᓯ ᑭᓄᐛᐱᒥᑯᔨᓐ ᑭᑈ ᒐ ᒥᔨᔅᒃ ᑕᓐ ᐊᓂᔭᔪᐛ ᑲ ᐃᔅᒋᔄᑦ ᒐ ᐊᓱᐤ ᒥᔭᑦ ᐅᑦ ᐊᐛᓯᒪ᙮
ᑈᓪ ᑲ ᒥᑯᔅᑲᑕᔨᑎᒥᐃᑯᑦ ᐊᓂᔭᔪᐛ ᑲ ᑕᑈᑎᒥᔨᒋ ᑲᓚᓯᔭᒡ ᑲ ᐅᒋᔨᒋ
8ᐊᓐᑕ ᐸᒋ ᐅᑕᒡ ᐊᔅᒄ ᐊᑲ ᐅᒋ ᒋᔅᒐᔨᒪᒄ ᒋᓴᒪᓂᑐᐤ ᔅᒋ ᒪᒋᒂᐱᐧᑲᑎᑯᐛᐅᒡ ᐊᓐᒡ ᒥᓂᑐᐅᒡ ᑲ ᐃᑕᔨᒪᑯᒡ ᐊᑲ ᒪᒃ ᒋᒋᐛ ᒥᓂᑐᐅᒡ ᐃᑕᔨᑕᑯᓯᒡ᙮ 9ᐊᑯ ᒪᒃ ᒐᔅᒐᔨᒪᒄ ᐊᑯ ᒋᓴᒪᓂᑐᐤ᙮ ᑎᔭᐧᑯᓐ ᐃᔭᐱᒡ ᒋᐸ ᒥᔽᐤ ᐃᔅᒋᔄᔭᒄ ᐎᔾ ᐊᐅᒄ ᒋᓴᒪᓂᑐᐤ ᐊ ᒋᔅᒐᔨᒥᑕᒄ᙮ ᑕᓐᑕ ᐛᒋ ᐃᑎᔭᒄ ᒥᓐ ᒐᒋ ᓇᑕᑯᒡ ᐊᓐᒡ ᐊᒐᐧᑯᒡ ᐊᑲ ᓴᐱᓯᒡ ᑭᔭ ᐊᑲ ᐅᔭᔅ ᐃᑕᐱᑎᓯᒡ, ᒥᓐ ᒐᒋ ᒪᒋᒂᐱᐧᑲᑎᑕᑯᒡ᙮ 10ᑎᑯᓇ ᐊᓂᔭ ᐊ ᒋᓯᑲᒋ ᑭᔭ ᐊ ᐃᔅᐱᑕᔭᒋ ᑭᔭ ᐊ ᐱᐳᒋ ᓇᔅᒡ ᒋᒋᐛ ᐊ ᐃᑕᔨᑎᒥᐃᑯᔭᒄ᙮ ᑕᐅᒡ ᑭᔭ ᐱᓯᒧᒡ ᒋᒋᐛ ᐊ ᐃᑕᔨᒪᑯᒡ᙮ 11ᒋ ᒥᑯᔅᑲᑕᔨᑎᒥᐃᓇᐛᐤ ᐊ ᒪᒥᑐᓇᔨᒥᑎᑯᒡ᙮ ᒐᔅᑲ ᑲᑭᔭ ᐊᓐ ᑲ ᐃᔅᐱᔅ ᒋ ᒥᔅᑎ ᐊᑐᔅᒐᔭᓐ ᐊ ᐎ ᐎᒋᐃᑎᑯᒡ᙮
12ᓂᐧᑲᓂᓯᑐᒄ, ᒋ ᓂᑐᑎᒪᑎᓇᐛᐤ ᑭᔭ ᒋᔨᐛᐤ ᒐᒋ ᐃᓯ ᐱᒪᑎᓯᔭᒄ ᒧᔭᒻ ᐊ ᐃᓯ ᐛᐱᒥᔭᒄ ᓂᔾ ᐊ ᐃᓯ ᐱᒪᑎᓯᔭᓐ᙮ ᐊᑎ ᒍᐤ ᐊ ᐃᑎᔅᑲᓇᓯᔭᓐ ᒧᔭᒻ ᐊᑲ ᒍᐤ ᐃᑎᔅᑲᓇᓯᔭᓐ ᓂᒋ ᐃᑎᓐ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ᙮ ᑕᐸ ᓂ ᐎ ᐃᑕᔨᑕᑯᓯᓐ ᐎᓱᐛᐅᓐ ᐎ, ᒐᒋ ᐱᒪᒋᐃᑯᔭᓐ ᑭᑈ ᒐᒋ ᐃᓯ ᑭᓄᐛᐸᑎᒪᓐ᙮ ᓇᒪᐎᔾ ᒐᒂᓐ ᒋ ᐅᒋ ᐃᓯ ᐅᓂᑐᑐᐅᓇᐛᐤ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ᙮ 13ᒐᔅᑎᓇᔅ ᒋ ᒋᔅᒋᓯᓇᐛᒐ ᑲ ᐊᐧᑯᓯᔭᓐ ᓂᔅᑎᒻ ᑲ ᓂᑐᐛᐱᒥᑎᑯᒡ ᒐᒋ ᐛᐎᑎᒪᑎᑯᒡ ᒥᔽᒋᒧᐅᓐ᙮ 14ᓇᒪ ᒪᒃ ᒋ ᐅᒋ ᐊᑐᐛᔨᒥᓇᐛᐤ ᒐᒋ ᐛᐎᒋᐃᔭᒄ ᐊᑎ ᐊᒋ ᐊᔨᒪᓯᓇᒂᒡ ᒐᒋ ᐛᐎᒋᐃᔭᒄ ᑲ ᐃᔅᐱᔅ ᐛᓴ ᒋ ᐊᐧᑯᓯᔭᓐ᙮ ᐃᔭᐱᒡ ᓇᔅᒡ ᑕᑈ ᔅᒋ ᒥᔪ ᑭᓄᐛᔨᒥᓇᐛᐤ, ᒧᔭᒻ ᑕᑈ ᐊᓐᒋᓐ ᒋᒋᒋᓯᑯᒡ ᐊᒋ ᐅᒋ ᒧᐱᔅᑕᑕᒄ ᒪᒃ ᐎᔾ ᒋᓴᔅ ᙭ ᐊᒋ ᒧᐱᔅᑕᑕᒄ ᐊᐅᑯᓐ ᑲ ᐃᓯ ᒥᔪᐧᑯᔭᒄ᙮ 15ᐊᓐ ᒪᒃ ᒪᒂᒡ ᓇᔅᒡ ᑕᑈ ᔅᒋ ᒥᔽᔨᑕᓇᐛᐤ᙮ ᑕᓐ ᒪᒃ ᐊ ᐃᑎᔭᒄ ᐊᑯ᙮ ᓂ ᒐᔅᑎᓇᐅᓐ ᒋᐸ ᒥᔨᓇᐛᐤ ᒋᔅᒋᓯᑯᐛᐛ ᒋ ᐃᓯᓇᑯᓂᑯᐱᓇ ᒐᒋ ᑯᐃᑯᓂᒪᒄ ᑲ ᐃᔅᐱᔅ ᓱᒃ ᒋ ᐎ ᐛᐎᒋᐃᔭᒄ᙮ 16ᒋ ᐛᐧᑲᓯᓇᐛᐤ ᐊ ᐊᑯ ᑕᑈᐅᓐ ᐊ ᐎᑎᒪᑎᑯᒡ ?
17ᓇᔅᒡ ᑕᑈ ᒋ ᐎ ᓇᐊᔨᑎᒥᐃᑯᐛᐅᒡ ᐊᓐᒡ ᐃᔭᒡ ᑲ ᐃᓯ ᒋᔅᑯᑎᒪᒐᒡ᙮ ᒥᒄ ᒪᒃ ᑎᑯᓂᔪᐤ ᑕᓐ ᐊ ᐃᓯ ᐊᑲ ᒧᔭᒻ ᐃᑕᔨᑕᑯᓂᔨᒡ ᑕᓐ ᐛ ᐃᑎᒡ᙮ ᒋ ᐎ ᐃᑐᑕᑯᐛᐅᒡ ᒐ ᐊᑲ ᒋ ᐊᐱᑕᔨᒥᔭᒄ ᓂᔾ, ᐎᔨᐛᐤ ᐃᔭᐱᒡ ᒐᒋ ᓂᑐᑐᐛᑯᒡ᙮ 18ᑕᑈ ᑭᑈ ᒥᔽᔪᐤ ᓱᒃ ᐊ ᑯᒋᑕᑦ ᐊᐛᓐ ᒐᒋ ᐎᒋᐊᑦ ᐊᐛᔪᐛ, ᑕᑈ ᒪᒧᔭᒻ ᐛ ᐃᓯ ᐎᒋᐊᒂ᙮ ᒥᔽᐤ ᑕᓐ ᐊ ᐃᓯ ᒧᔅ ᒥᔪ ᐎᒋᐊᒄ ᐊᐛᓐ ᐊᑎ ᐊᑲ ᑕᔭᓐ ᐊᓐᑕ ᐊ ᑕᔭᒄ᙮ 19ᒋᔨᐛᐤ ᓂᑦ ᐊᐛᓯᒥᒡ ᑲ ᐃᑕᔨᒥᑎᑯᒡ, ᒧᔭᒻ ᐃᔎᐤ ᐊ ᐃᔅᐱᔅ ᐊᐧᑯᓯᑦ ᐊ ᐎ ᐛᐱᒪᐅᓱᑦ ᐊᐅᑯᓐ ᒥᓐ ᐊ ᐃᑎᒪᒋᐅᔭᓐ ᐊ ᒪᒥᑐᓇᔨᒥᑎᑯᒡ, ᐊᐅᑯᓐ ᒐ ᐃᑎᒪᒋᐅᔭᓐ ᐸᑐᔅ ᓂᔅᐱᑐᐛᒂ ᒋᓴᔅ ᐊ ᐃᑕᔨᑕᑯᓯᑦ᙮ 20ᑕᑈ ᓂᐸ ᒥᔽᔨᑕᓐ ᓂᑐᐛᐱᒥᑎᑯᒡ ᐃᔭᒡ ᒐᒋ ᐃᑎᑕᑯᓯᔭᓐ ᐊ ᐃᔨᒥᐃᑎᑯᒡ᙮ ᐛᔅ ᓂ ᒥᑯᔅᑲᑕᔨᑕᓐ ᐊ ᒪᒥᑐᓇᔨᒥᑎᑯᒡ᙮
ᐦᐊᐃᑲᕐ ᑭᔭ ᓴᕋ
21ᐅ ᒪᒃ ᐸᒋ ᐎᑎᒧᐅᒄ ᒋᔨᐛᐤ ᒍᐤ ᐊᔭᒥᐊᐅ ᐎᓱᐛᐅᓇ ᑲ ᐃᑕᔨᑎᒪᒄ ᒐᒋ ᑎᐸᔨᒥᑯᔭᒄ, ᓇᒪᐎᔾ ᐊ ᒋ ᒐᔅᑎᓇᐅᓇᐛᐤ ᑕᓐ ᐊ ᐃᔅᒋᔄᒥᑲᒋ ᐊᓂᔭᔪᐛ ᐎᓱᐛᐅᓇ ? 22ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ ᐊᑉᕋᐊᒻ ᐊᒋ ᓂᓯᔨᒋ ᐅᑯᓴ᙮ ᒋ ᓂᓯᔪᐛ ᐃᔎᐛ ᐊᒋ ᐅᑦ ᐊᐛᓯᒥᐧᑯᐛᑦ᙮ ᑯᐸᓇᔎᐛ ᐊᓂᔭᔪᐛ ᐸᐃᒄ, ᐦᐊᐃᑲᕐ ᒋ ᐃᓯᓂᐧᑲᓱᔪᐛ᙮ ᐊᑯ ᐊᓂᔭᔪᐛ ᑯᑎᑲ ᐊᐅᑯᓂ ᐎᐛ, ᓴᕋ ᒋ ᐃᓯᓂᐧᑲᓱᔪᐛ᙮ 23ᐃᔅᐱ ᑲ ᐱᒪᑎᓯᔨᒋ ᐅᑦ ᐊᐛᓯᒪ ᐊᓐ ᑯᐸᓇᔎᐤ ᐦᐊᐃᑲᕐ, ᓇᒪ ᒐᒂᓐ ᐅᒋ ᐃᑕᔨᑕᑭᓄᐅᔪᐤ᙮ ᐊᑯ ᐃᔅᐱᔅ ᓴᕋ ᐅᑯᓴ ᐸᒪᑎᓯᔨᒋ ᓇᔅᒡ ᑕᑈ ᒋᒋᐛ ᒋ ᐃᑕᔨᑕᑭᓄᐅᔪᐤ ᐛᔅ ᒋ ᐃᑎᑯᐤ ᒋᓴᒪᓂᑐᐛ ᑕᑈ ᒐ ᐅᑦ ᐊᐛᓯᒥᑦ ᐊᑎ ᐊᒋ ᒋᓴᐃᔎᐅᑦ ᑭᔭ ᐊᑲ ᐅᒋ ᓂᑕᐅᓴᑦ᙮
24ᒪᐅ ᒪᒃ ᒐᔅᑯᑎᒪᑯᔭᐧᒄ ᐊᓐ ᑎᐸᒋᒧᐅᓐ ᒐᒋ ᐃᓯ ᓂᔅᑐᑎᒪᐧᒄ᙮ ᐅᒡ ᓂᓱ ᐃᔎᐅᒡ ᐊᐅᑯᓐᒡ ᒧᔭᒻ ᐊᓂᔭᔪᐛ ᓂᔅᑯᒧᐅᓇ ᐊ ᓂᓯᒋ ᒋᓴᒪᓂᑐᐤ ᑲ ᐸᒋ ᐱᔅᑎᓇᐧᒃ᙮ ᐅ ᑯᐸᓇᔎᐤ ᐦᐊᐃᑲᕐ ᐊᐱᒋᐊᑭᓐ ᐊᐛᓴ ᒋ ᐱᒪᑎᓯᔪᐛ ᐊ ᑕᑦ ᐅᒡ᙮ ᐊᐅᑯᐤ ᒪᒃ ᒧᔭᒻ ᐊᓐ ᓂᔅᑯᒧᐅᓐ ᒋᓴᒪᓂᑐᐤ ᑲ ᐅᓯᑕᑦ ᐊᓐᑕ ᓴᐃᓇᐃ ᑲ ᐃᓯᓂᐧᑲᑕᒡ ᐱᔅᑯᑎᓇᒡ ᐊᐅᒄ ᐊ ᐃᓯᓇᑯᓯᑦ ᐅ ᐃᔎᐤ᙮ ᐊᓐᑕ ᐊᕋᐱᔭ ᐊ ᐃᓯᓂᐧᑲᑕᒡ ᐊᔅᒋᔾ ᐊᑯᑕ ᐊ ᑎᒂᒡ ᐊᓐ ᐱᔅᑯᑎᓇᐤ᙮ 25ᒧᔭᒻ ᐅ ᐅᑕᓇᐤ ᐅᑕ ᐊᔅᒋᒡ ᐊᓄᒡ ᑲ ᑎᒂᒡ ᒋᕈᓯᓕᒻ ᐊ ᐃᓯᓂᐧᑲᑕᒡ ᐊᐅᒄ ᐦᐊᐃᑲᕐ᙮ ᐊᓂᔭᔪᐛ ᒍᐤ ᐊᔭᒥᐊᐅ ᐎᓱᐛᐅᓇ ᒪᒋᒂᐱᐧᑲᑎᑯᐅᒡ ᐊᓐᒡ ᐊᓐᑕ ᒋᕈᓯᓕᒥᒡ ᐊ ᑕᒡ᙮ 26ᐊᓐ ᒋᕈᓯᓕᒻ ᒋᒋᒋᓯᑯᒡ ᐊ ᑎᒂᒡ ᐊᐅᒄ ᒋᑲᐎᓄᐤ᙮ 27ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ,
ᒥᔽᔨᑕ, ᒋᔾ ᐊᑲ ᓂᑕ ᐅᒋ ᐊᔭᐅᑦ ᐊᐛᔅ᙮ ᒋᔾ ᐊᑲ ᓂᑕ ᐅᒋ ᐛᐱᒪᐅᓱᔨᓐ, ᑕᑈ ᐊ ᐃᔅᐱᔅ ᒥᔽᔨᑎᒥᓐ᙮
ᓇᒪ ᒋ ᐅᒋ ᐊᔭᐛᐅᒡ ᐊᐛᓯᒡ, ᐊᓄᒡ ᒪᒃ ᒋᔾ ᐃᐛᒃ ᒋᑭ ᒥᒐᑐᐅᒡ ᒋᑦ ᐊᐛᓯᒥᒡ ᐃᔅᐱᔅ ᐊᓐ ᐃᔎᐤ ᓴᔅ ᐛᔅᑭᒡ ᑲ ᐅᓇᐸᒥᑦ᙮
28ᑭᔭ ᒋᔨᐛᐤ ᒪᒃ ᓂᐧᑲᓂᓯᑐᒄ, ᒋᓴᒪᓂᑐᐤ ᒋ ᐅᑦ ᐊᐛᓯᒥᑐᑕᑯᐛᐤ ᐛᔅ ᐊᐅᑯᓐ ᑲ ᐃᑎᑕᒄ ᒋᓴᒪᓂᑐᐤ ᒐ ᐃᓯᓇᑯᓱᐛᒄ᙮ ᒧᔭᒻ ᓴᕋ ᐅᑯᓴ ᐊᐃᓯᒃ ᑲ ᐃᓯᓂᐧᑲᓱᔨᒋ ᒋᑦ ᐃᓯᓇᑯᓯᓇᐛᐤ, ᐊᓂᔭᔪᐛ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᐱᒪᑎᓯᔨᒋ᙮ 29ᐊᓐ ᐅᑯᓯᓯᒪᐤ ᑯᐸᓇᔎᐛ ᑲ ᐅᑲᐎᑦ ᒋ ᓂᓇᐧᑲᒋᐊᐤ ᐊᓂᔭᔪᐛ ᐎᐧᑲᓂᓴ, ᐊᓂᔭᔪᐛ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᑲ ᐅᒋ ᐎᑕᑭᓄᐎᒡ ᒐ ᐱᒪᑎᓯᔨᒋ᙮ ᐊᐅᑯᓐ ᒪᒃ ᒧᔭᒻ ᐊ ᐃᔅᐱᔨᒡ ᐊᔅᒄ ᐊᓄᒡ ᑲ ᒋᓯᑲᒡ᙮ 30ᒥᒄ ᒪᒃ ᒪᐅ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᐎᐛᐱᓇᐧᒄ ᐊᓐ ᑯᐸᓇᔎᐤ ᑭᔭ ᐊᓂᔭᔪᐛ ᐅᑯᓴ᙮ ᐛᔅ ᐊᓂᔭ ᐅᑯᓴ ᐅ ᑯᐸᓇᔎᐤ ᑭᔭ ᐊᓂᔭᔪᐛ ᐊᑉᕋᐊᒻ ᐎᐛ ᐅᑯᓯᔪᐛ ᑕᐸ ᓂᑕ ᑕᐱᔅᑯᓐ ᒋᑭ ᐅᒋ ᑎᐸᔨᑎᒧᒡ ᑕᓐ ᒋᐸ ᐃᓯ ᐊᓱᑎᒪᑯᐅᒡ ᐅᑕᐎᐛᐛ᙮
31ᐊᑯ ᒪᒃ ᓂᐧᑲᓂᓯᑐᒄ, ᓇᒪ ᐊᓐ ᑯᐸᓇᔎᐤ ᒋ ᐅᑦ ᐊᐛᓯᒥᑕᑯᓄᐤ᙮ ᐊᓐ ᐃᔎᐤ ᐊᑲ ᑯᐸᓇᔎᐅᑦ ᐊᐅᑯᓐ ᐛᑕᐛᓯᒥᑐᑕᑕᒄ᙮
Currently Selected:
ᑲᓚᓯᔭᓇ 4: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᑲᓚᓯᔭᓇ 4
4
1ᒥᓐ ᒋᑭ ᐎᑎᒪᑎᓇᐛᐤ ᑕᓐ ᐊᓐ ᐛ ᐃᔅᒋᔄᔭᓐ᙮ ᒪᒥᑐᓇᔨᒪᐧᒄ ᒪ ᓇᐸᔅ ᒐ ᐊᓂᔅᒐ ᐊᓱ ᒥᔭᑭᓄᐅᑦ ᐅᑕᐎᔭ ᐅᑦ ᐊᐱᒋᑕᐅᓂᔪᐛ, ᐊᔅᒄ ᐊ ᐊᐛᓯᐅᑦ ᐊᐱᒋᐊᑭᓐ ᐃᓯ ᑭᓄᐛᐱᒪᑭᓄᐤ᙮ ᓇᒪ ᐊᔅᒄ ᐎᔾ ᒋᑭ ᒋ ᐛᑕᔨᑎᒻ ᑕᓐ ᒐ ᐃᑎᑦ, ᐊᑎ ᓴᔅ ᒥᓯᐛ ᒐᒂᔪᐤ ᐊ ᑎᐱᔨᐛᐅᓯᑦ ᐊ ᐃᓯᓇᑯᓯᑦ᙮ 2ᐊᔅᒄ ᐊ ᐊᐛᓯᐅᑦ ᑕᔪᐛ ᐊᓂᔭᔪᐛ ᓇᑕᐅᒋᓂᑯᑦ᙮ ᐊᐅᑯᓂ ᐊᓂᔭᔪᐛ ᑲᓄᐛᔨᒥᑯᑦ ᑭᔭ ᓂᔭᓇᑭᑐᐛᔨᑎᒪᑯᑦ ᐊᓂᔭᔪᐛ ᒐᒂᔪᐛ ᒐ ᐊᔭᑦ ᐸᑐᔅ ᐅᑎᒋᐱᔨᒐ ᐊᓐᑕ ᒐ ᐃᔅᒋᔄᔨᒋ ᐅᑕᐎᔭ ᐊᑯ ᑎᐸᓐ ᒐᒋ ᐎᔭᔨᑎᒪᓱᑦ᙮ 3ᐊᐅᑯᓐ ᒪᒃ ᒧᔭᒻ ᒋᔭᓄᐤ, ᐊᔅᒄ ᐊᑲ ᐅᒋ ᒋᔅᒐᔨᑎᒪᐧᒄ ᑕᑈᐅᓐ ᒧᔭᒻ ᐊᐛᓯᒡ ᔅᒋ ᐃᑕᔨᑕᑯᓯᓇᓄᐤ᙮ ᐎᓱᐛᐅᓇ ᑭᔭ ᐃᑐᐅᓇ ᐅᑕ ᐊᔅᒋᒡ ᓇᔅᒡ ᒋᒋᐛ ᑲ ᐃᑕᔨᑎᒥᐃᑯᔭᐧᒄ ᔅᒋ ᒪᒋᒂᐱᐧᑲᑎᑯᓇᓄᐤ᙮
Galatians 4.4-7 (Christmas-1 Year B)
4ᐃᔅᐱ ᒪᒃ ᑕᑈ ᐛᑎᒋᐱᔨᒡ ᐊᓐᑕ ᑲ ᐃᑕᔨᑎᒥᑯᐱᓇ ᒋᓴᒪᓂᑐᐤ ᒐᒋ ᐸᒋ ᐃᑎᓴᐛᑦ ᐅᑯᓴ, ᒋ ᐸᒋ ᐃᑎᓴᐛᐤ ᐅᑕ ᐊᔅᒋᒡ᙮ ᐃᔎᐛ ᐊ ᑕᔨᒋ ᒋ ᐅᒋ ᐱᒪᑎᓯᐤ᙮ ᒍᐤ ᒋ ᐃᑎᔅᑲᓇᓱᐤ ᑭᔭ ᒂ ᓂᑐᐛᔨᑕᑯᓯᑦ ᒐᒋ ᓂᓇᐃᑕᐧᒃ ᒍᐤ ᐊᔭᒥᐊᐅ ᐎᓱᐛᐅᓇ᙮ 5ᒋ ᐸᒋ ᐃᑎᓴᐛᑭᓄᐤ ᐅᑕ ᒐᒋ ᐱᒪᒋᐊᑦ ᐊᓂᔭᔪᐛ ᐊᐛᔪᐛ ᒍᐤ ᐊᔭᒥᐊᐅ ᐎᓱᐛᐅᓂᔪᐤ ᑲ ᒪᒋᒂᐱᐧᑲᑎᑯᔨᒋ ᐊᓐᑕ ᒥᓯᐛ ᒋᓴᒪᓂᑐᐤ ᐅᑦ ᐊᐛᓯᒪ ᒐᒋ ᐃᓯ ᑭᓄᐛᐱᒪᑭᓄᔨᒋ᙮ 6ᐊ ᐅᑦ ᐊᐛᓯᒥᑐᑕᑕᐧᒄ ᒪᒃ ᒋᓴᒪᓂᑐᐤ, ᒋ ᐸᒋ ᐃᑎᓴᐛᐤ ᐅᑯᓴ ᐅᑦ ᐊᒐᐧᑯᔪᐛ ᒋᑕᐃᓇᒡ᙮ ᐊᓐ ᒪᒃ ᐊᒐᐧᒄ ᐊᐅᒄ ᐊ ᐃᑐᑕᑕᐧᒄ, “ᓄᑕ, ᓄᑕᐎᔾ,” ᒐᒋ ᐃᓯ ᑕᑈᑕᐧᒄ ᒋᓴᒪᓂᑐᐤ᙮ 7ᓇᒪ ᒪᒃ ᐊᑯ ᐊᐱᒋᐊᑭᓐ ᒋ ᐊᑎ ᐃᓯ ᑭᓄᐛᐱᒥᑯᐅᓐ᙮ ᐃᔭᐱᒡ ᒋᓴᒪᓂᑐᐤ ᐅᑦ ᐊᐛᓯᒪ ᒋ ᐊᑎ ᐃᓯ ᑭᓄᐛᐱᒥᑯᐅᓐ᙮ ᐊᑯ ᒪᒃ ᒋᓴᒪᓂᑐᐤ ᐅᑦ ᐊᐛᓯᒪ ᐊ ᐃᓯ ᑭᓄᐛᐱᒥᑯᔨᓐ ᑭᑈ ᒐ ᒥᔨᔅᒃ ᑕᓐ ᐊᓂᔭᔪᐛ ᑲ ᐃᔅᒋᔄᑦ ᒐ ᐊᓱᐤ ᒥᔭᑦ ᐅᑦ ᐊᐛᓯᒪ᙮
ᑈᓪ ᑲ ᒥᑯᔅᑲᑕᔨᑎᒥᐃᑯᑦ ᐊᓂᔭᔪᐛ ᑲ ᑕᑈᑎᒥᔨᒋ ᑲᓚᓯᔭᒡ ᑲ ᐅᒋᔨᒋ
8ᐊᓐᑕ ᐸᒋ ᐅᑕᒡ ᐊᔅᒄ ᐊᑲ ᐅᒋ ᒋᔅᒐᔨᒪᒄ ᒋᓴᒪᓂᑐᐤ ᔅᒋ ᒪᒋᒂᐱᐧᑲᑎᑯᐛᐅᒡ ᐊᓐᒡ ᒥᓂᑐᐅᒡ ᑲ ᐃᑕᔨᒪᑯᒡ ᐊᑲ ᒪᒃ ᒋᒋᐛ ᒥᓂᑐᐅᒡ ᐃᑕᔨᑕᑯᓯᒡ᙮ 9ᐊᑯ ᒪᒃ ᒐᔅᒐᔨᒪᒄ ᐊᑯ ᒋᓴᒪᓂᑐᐤ᙮ ᑎᔭᐧᑯᓐ ᐃᔭᐱᒡ ᒋᐸ ᒥᔽᐤ ᐃᔅᒋᔄᔭᒄ ᐎᔾ ᐊᐅᒄ ᒋᓴᒪᓂᑐᐤ ᐊ ᒋᔅᒐᔨᒥᑕᒄ᙮ ᑕᓐᑕ ᐛᒋ ᐃᑎᔭᒄ ᒥᓐ ᒐᒋ ᓇᑕᑯᒡ ᐊᓐᒡ ᐊᒐᐧᑯᒡ ᐊᑲ ᓴᐱᓯᒡ ᑭᔭ ᐊᑲ ᐅᔭᔅ ᐃᑕᐱᑎᓯᒡ, ᒥᓐ ᒐᒋ ᒪᒋᒂᐱᐧᑲᑎᑕᑯᒡ᙮ 10ᑎᑯᓇ ᐊᓂᔭ ᐊ ᒋᓯᑲᒋ ᑭᔭ ᐊ ᐃᔅᐱᑕᔭᒋ ᑭᔭ ᐊ ᐱᐳᒋ ᓇᔅᒡ ᒋᒋᐛ ᐊ ᐃᑕᔨᑎᒥᐃᑯᔭᒄ᙮ ᑕᐅᒡ ᑭᔭ ᐱᓯᒧᒡ ᒋᒋᐛ ᐊ ᐃᑕᔨᒪᑯᒡ᙮ 11ᒋ ᒥᑯᔅᑲᑕᔨᑎᒥᐃᓇᐛᐤ ᐊ ᒪᒥᑐᓇᔨᒥᑎᑯᒡ᙮ ᒐᔅᑲ ᑲᑭᔭ ᐊᓐ ᑲ ᐃᔅᐱᔅ ᒋ ᒥᔅᑎ ᐊᑐᔅᒐᔭᓐ ᐊ ᐎ ᐎᒋᐃᑎᑯᒡ᙮
12ᓂᐧᑲᓂᓯᑐᒄ, ᒋ ᓂᑐᑎᒪᑎᓇᐛᐤ ᑭᔭ ᒋᔨᐛᐤ ᒐᒋ ᐃᓯ ᐱᒪᑎᓯᔭᒄ ᒧᔭᒻ ᐊ ᐃᓯ ᐛᐱᒥᔭᒄ ᓂᔾ ᐊ ᐃᓯ ᐱᒪᑎᓯᔭᓐ᙮ ᐊᑎ ᒍᐤ ᐊ ᐃᑎᔅᑲᓇᓯᔭᓐ ᒧᔭᒻ ᐊᑲ ᒍᐤ ᐃᑎᔅᑲᓇᓯᔭᓐ ᓂᒋ ᐃᑎᓐ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ᙮ ᑕᐸ ᓂ ᐎ ᐃᑕᔨᑕᑯᓯᓐ ᐎᓱᐛᐅᓐ ᐎ, ᒐᒋ ᐱᒪᒋᐃᑯᔭᓐ ᑭᑈ ᒐᒋ ᐃᓯ ᑭᓄᐛᐸᑎᒪᓐ᙮ ᓇᒪᐎᔾ ᒐᒂᓐ ᒋ ᐅᒋ ᐃᓯ ᐅᓂᑐᑐᐅᓇᐛᐤ ᒪᒂᒡ ᐊᓐᑕ ᐊ ᑕᔭᒄ ᑲ ᑕᔭᓐ᙮ 13ᒐᔅᑎᓇᔅ ᒋ ᒋᔅᒋᓯᓇᐛᒐ ᑲ ᐊᐧᑯᓯᔭᓐ ᓂᔅᑎᒻ ᑲ ᓂᑐᐛᐱᒥᑎᑯᒡ ᒐᒋ ᐛᐎᑎᒪᑎᑯᒡ ᒥᔽᒋᒧᐅᓐ᙮ 14ᓇᒪ ᒪᒃ ᒋ ᐅᒋ ᐊᑐᐛᔨᒥᓇᐛᐤ ᒐᒋ ᐛᐎᒋᐃᔭᒄ ᐊᑎ ᐊᒋ ᐊᔨᒪᓯᓇᒂᒡ ᒐᒋ ᐛᐎᒋᐃᔭᒄ ᑲ ᐃᔅᐱᔅ ᐛᓴ ᒋ ᐊᐧᑯᓯᔭᓐ᙮ ᐃᔭᐱᒡ ᓇᔅᒡ ᑕᑈ ᔅᒋ ᒥᔪ ᑭᓄᐛᔨᒥᓇᐛᐤ, ᒧᔭᒻ ᑕᑈ ᐊᓐᒋᓐ ᒋᒋᒋᓯᑯᒡ ᐊᒋ ᐅᒋ ᒧᐱᔅᑕᑕᒄ ᒪᒃ ᐎᔾ ᒋᓴᔅ ᙭ ᐊᒋ ᒧᐱᔅᑕᑕᒄ ᐊᐅᑯᓐ ᑲ ᐃᓯ ᒥᔪᐧᑯᔭᒄ᙮ 15ᐊᓐ ᒪᒃ ᒪᒂᒡ ᓇᔅᒡ ᑕᑈ ᔅᒋ ᒥᔽᔨᑕᓇᐛᐤ᙮ ᑕᓐ ᒪᒃ ᐊ ᐃᑎᔭᒄ ᐊᑯ᙮ ᓂ ᒐᔅᑎᓇᐅᓐ ᒋᐸ ᒥᔨᓇᐛᐤ ᒋᔅᒋᓯᑯᐛᐛ ᒋ ᐃᓯᓇᑯᓂᑯᐱᓇ ᒐᒋ ᑯᐃᑯᓂᒪᒄ ᑲ ᐃᔅᐱᔅ ᓱᒃ ᒋ ᐎ ᐛᐎᒋᐃᔭᒄ᙮ 16ᒋ ᐛᐧᑲᓯᓇᐛᐤ ᐊ ᐊᑯ ᑕᑈᐅᓐ ᐊ ᐎᑎᒪᑎᑯᒡ ?
17ᓇᔅᒡ ᑕᑈ ᒋ ᐎ ᓇᐊᔨᑎᒥᐃᑯᐛᐅᒡ ᐊᓐᒡ ᐃᔭᒡ ᑲ ᐃᓯ ᒋᔅᑯᑎᒪᒐᒡ᙮ ᒥᒄ ᒪᒃ ᑎᑯᓂᔪᐤ ᑕᓐ ᐊ ᐃᓯ ᐊᑲ ᒧᔭᒻ ᐃᑕᔨᑕᑯᓂᔨᒡ ᑕᓐ ᐛ ᐃᑎᒡ᙮ ᒋ ᐎ ᐃᑐᑕᑯᐛᐅᒡ ᒐ ᐊᑲ ᒋ ᐊᐱᑕᔨᒥᔭᒄ ᓂᔾ, ᐎᔨᐛᐤ ᐃᔭᐱᒡ ᒐᒋ ᓂᑐᑐᐛᑯᒡ᙮ 18ᑕᑈ ᑭᑈ ᒥᔽᔪᐤ ᓱᒃ ᐊ ᑯᒋᑕᑦ ᐊᐛᓐ ᒐᒋ ᐎᒋᐊᑦ ᐊᐛᔪᐛ, ᑕᑈ ᒪᒧᔭᒻ ᐛ ᐃᓯ ᐎᒋᐊᒂ᙮ ᒥᔽᐤ ᑕᓐ ᐊ ᐃᓯ ᒧᔅ ᒥᔪ ᐎᒋᐊᒄ ᐊᐛᓐ ᐊᑎ ᐊᑲ ᑕᔭᓐ ᐊᓐᑕ ᐊ ᑕᔭᒄ᙮ 19ᒋᔨᐛᐤ ᓂᑦ ᐊᐛᓯᒥᒡ ᑲ ᐃᑕᔨᒥᑎᑯᒡ, ᒧᔭᒻ ᐃᔎᐤ ᐊ ᐃᔅᐱᔅ ᐊᐧᑯᓯᑦ ᐊ ᐎ ᐛᐱᒪᐅᓱᑦ ᐊᐅᑯᓐ ᒥᓐ ᐊ ᐃᑎᒪᒋᐅᔭᓐ ᐊ ᒪᒥᑐᓇᔨᒥᑎᑯᒡ, ᐊᐅᑯᓐ ᒐ ᐃᑎᒪᒋᐅᔭᓐ ᐸᑐᔅ ᓂᔅᐱᑐᐛᒂ ᒋᓴᔅ ᐊ ᐃᑕᔨᑕᑯᓯᑦ᙮ 20ᑕᑈ ᓂᐸ ᒥᔽᔨᑕᓐ ᓂᑐᐛᐱᒥᑎᑯᒡ ᐃᔭᒡ ᒐᒋ ᐃᑎᑕᑯᓯᔭᓐ ᐊ ᐃᔨᒥᐃᑎᑯᒡ᙮ ᐛᔅ ᓂ ᒥᑯᔅᑲᑕᔨᑕᓐ ᐊ ᒪᒥᑐᓇᔨᒥᑎᑯᒡ᙮
ᐦᐊᐃᑲᕐ ᑭᔭ ᓴᕋ
21ᐅ ᒪᒃ ᐸᒋ ᐎᑎᒧᐅᒄ ᒋᔨᐛᐤ ᒍᐤ ᐊᔭᒥᐊᐅ ᐎᓱᐛᐅᓇ ᑲ ᐃᑕᔨᑎᒪᒄ ᒐᒋ ᑎᐸᔨᒥᑯᔭᒄ, ᓇᒪᐎᔾ ᐊ ᒋ ᒐᔅᑎᓇᐅᓇᐛᐤ ᑕᓐ ᐊ ᐃᔅᒋᔄᒥᑲᒋ ᐊᓂᔭᔪᐛ ᐎᓱᐛᐅᓇ ? 22ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ ᐊᑉᕋᐊᒻ ᐊᒋ ᓂᓯᔨᒋ ᐅᑯᓴ᙮ ᒋ ᓂᓯᔪᐛ ᐃᔎᐛ ᐊᒋ ᐅᑦ ᐊᐛᓯᒥᐧᑯᐛᑦ᙮ ᑯᐸᓇᔎᐛ ᐊᓂᔭᔪᐛ ᐸᐃᒄ, ᐦᐊᐃᑲᕐ ᒋ ᐃᓯᓂᐧᑲᓱᔪᐛ᙮ ᐊᑯ ᐊᓂᔭᔪᐛ ᑯᑎᑲ ᐊᐅᑯᓂ ᐎᐛ, ᓴᕋ ᒋ ᐃᓯᓂᐧᑲᓱᔪᐛ᙮ 23ᐃᔅᐱ ᑲ ᐱᒪᑎᓯᔨᒋ ᐅᑦ ᐊᐛᓯᒪ ᐊᓐ ᑯᐸᓇᔎᐤ ᐦᐊᐃᑲᕐ, ᓇᒪ ᒐᒂᓐ ᐅᒋ ᐃᑕᔨᑕᑭᓄᐅᔪᐤ᙮ ᐊᑯ ᐃᔅᐱᔅ ᓴᕋ ᐅᑯᓴ ᐸᒪᑎᓯᔨᒋ ᓇᔅᒡ ᑕᑈ ᒋᒋᐛ ᒋ ᐃᑕᔨᑕᑭᓄᐅᔪᐤ ᐛᔅ ᒋ ᐃᑎᑯᐤ ᒋᓴᒪᓂᑐᐛ ᑕᑈ ᒐ ᐅᑦ ᐊᐛᓯᒥᑦ ᐊᑎ ᐊᒋ ᒋᓴᐃᔎᐅᑦ ᑭᔭ ᐊᑲ ᐅᒋ ᓂᑕᐅᓴᑦ᙮
24ᒪᐅ ᒪᒃ ᒐᔅᑯᑎᒪᑯᔭᐧᒄ ᐊᓐ ᑎᐸᒋᒧᐅᓐ ᒐᒋ ᐃᓯ ᓂᔅᑐᑎᒪᐧᒄ᙮ ᐅᒡ ᓂᓱ ᐃᔎᐅᒡ ᐊᐅᑯᓐᒡ ᒧᔭᒻ ᐊᓂᔭᔪᐛ ᓂᔅᑯᒧᐅᓇ ᐊ ᓂᓯᒋ ᒋᓴᒪᓂᑐᐤ ᑲ ᐸᒋ ᐱᔅᑎᓇᐧᒃ᙮ ᐅ ᑯᐸᓇᔎᐤ ᐦᐊᐃᑲᕐ ᐊᐱᒋᐊᑭᓐ ᐊᐛᓴ ᒋ ᐱᒪᑎᓯᔪᐛ ᐊ ᑕᑦ ᐅᒡ᙮ ᐊᐅᑯᐤ ᒪᒃ ᒧᔭᒻ ᐊᓐ ᓂᔅᑯᒧᐅᓐ ᒋᓴᒪᓂᑐᐤ ᑲ ᐅᓯᑕᑦ ᐊᓐᑕ ᓴᐃᓇᐃ ᑲ ᐃᓯᓂᐧᑲᑕᒡ ᐱᔅᑯᑎᓇᒡ ᐊᐅᒄ ᐊ ᐃᓯᓇᑯᓯᑦ ᐅ ᐃᔎᐤ᙮ ᐊᓐᑕ ᐊᕋᐱᔭ ᐊ ᐃᓯᓂᐧᑲᑕᒡ ᐊᔅᒋᔾ ᐊᑯᑕ ᐊ ᑎᒂᒡ ᐊᓐ ᐱᔅᑯᑎᓇᐤ᙮ 25ᒧᔭᒻ ᐅ ᐅᑕᓇᐤ ᐅᑕ ᐊᔅᒋᒡ ᐊᓄᒡ ᑲ ᑎᒂᒡ ᒋᕈᓯᓕᒻ ᐊ ᐃᓯᓂᐧᑲᑕᒡ ᐊᐅᒄ ᐦᐊᐃᑲᕐ᙮ ᐊᓂᔭᔪᐛ ᒍᐤ ᐊᔭᒥᐊᐅ ᐎᓱᐛᐅᓇ ᒪᒋᒂᐱᐧᑲᑎᑯᐅᒡ ᐊᓐᒡ ᐊᓐᑕ ᒋᕈᓯᓕᒥᒡ ᐊ ᑕᒡ᙮ 26ᐊᓐ ᒋᕈᓯᓕᒻ ᒋᒋᒋᓯᑯᒡ ᐊ ᑎᒂᒡ ᐊᐅᒄ ᒋᑲᐎᓄᐤ᙮ 27ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ,
ᒥᔽᔨᑕ, ᒋᔾ ᐊᑲ ᓂᑕ ᐅᒋ ᐊᔭᐅᑦ ᐊᐛᔅ᙮ ᒋᔾ ᐊᑲ ᓂᑕ ᐅᒋ ᐛᐱᒪᐅᓱᔨᓐ, ᑕᑈ ᐊ ᐃᔅᐱᔅ ᒥᔽᔨᑎᒥᓐ᙮
ᓇᒪ ᒋ ᐅᒋ ᐊᔭᐛᐅᒡ ᐊᐛᓯᒡ, ᐊᓄᒡ ᒪᒃ ᒋᔾ ᐃᐛᒃ ᒋᑭ ᒥᒐᑐᐅᒡ ᒋᑦ ᐊᐛᓯᒥᒡ ᐃᔅᐱᔅ ᐊᓐ ᐃᔎᐤ ᓴᔅ ᐛᔅᑭᒡ ᑲ ᐅᓇᐸᒥᑦ᙮
28ᑭᔭ ᒋᔨᐛᐤ ᒪᒃ ᓂᐧᑲᓂᓯᑐᒄ, ᒋᓴᒪᓂᑐᐤ ᒋ ᐅᑦ ᐊᐛᓯᒥᑐᑕᑯᐛᐤ ᐛᔅ ᐊᐅᑯᓐ ᑲ ᐃᑎᑕᒄ ᒋᓴᒪᓂᑐᐤ ᒐ ᐃᓯᓇᑯᓱᐛᒄ᙮ ᒧᔭᒻ ᓴᕋ ᐅᑯᓴ ᐊᐃᓯᒃ ᑲ ᐃᓯᓂᐧᑲᓱᔨᒋ ᒋᑦ ᐃᓯᓇᑯᓯᓇᐛᐤ, ᐊᓂᔭᔪᐛ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᐱᒪᑎᓯᔨᒋ᙮ 29ᐊᓐ ᐅᑯᓯᓯᒪᐤ ᑯᐸᓇᔎᐛ ᑲ ᐅᑲᐎᑦ ᒋ ᓂᓇᐧᑲᒋᐊᐤ ᐊᓂᔭᔪᐛ ᐎᐧᑲᓂᓴ, ᐊᓂᔭᔪᐛ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᑲ ᐅᒋ ᐎᑕᑭᓄᐎᒡ ᒐ ᐱᒪᑎᓯᔨᒋ᙮ ᐊᐅᑯᓐ ᒪᒃ ᒧᔭᒻ ᐊ ᐃᔅᐱᔨᒡ ᐊᔅᒄ ᐊᓄᒡ ᑲ ᒋᓯᑲᒡ᙮ 30ᒥᒄ ᒪᒃ ᒪᐅ ᐊᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ,
ᐎᐛᐱᓇᐧᒄ ᐊᓐ ᑯᐸᓇᔎᐤ ᑭᔭ ᐊᓂᔭᔪᐛ ᐅᑯᓴ᙮ ᐛᔅ ᐊᓂᔭ ᐅᑯᓴ ᐅ ᑯᐸᓇᔎᐤ ᑭᔭ ᐊᓂᔭᔪᐛ ᐊᑉᕋᐊᒻ ᐎᐛ ᐅᑯᓯᔪᐛ ᑕᐸ ᓂᑕ ᑕᐱᔅᑯᓐ ᒋᑭ ᐅᒋ ᑎᐸᔨᑎᒧᒡ ᑕᓐ ᒋᐸ ᐃᓯ ᐊᓱᑎᒪᑯᐅᒡ ᐅᑕᐎᐛᐛ᙮
31ᐊᑯ ᒪᒃ ᓂᐧᑲᓂᓯᑐᒄ, ᓇᒪ ᐊᓐ ᑯᐸᓇᔎᐤ ᒋ ᐅᑦ ᐊᐛᓯᒥᑕᑯᓄᐤ᙮ ᐊᓐ ᐃᔎᐤ ᐊᑲ ᑯᐸᓇᔎᐅᑦ ᐊᐅᑯᓐ ᐛᑕᐛᓯᒥᑐᑕᑕᒄ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada