ᑲᓚᓯᔭᓇ 1
1
ᑈᓪ ᐛᒋᔭᒪᐤ ᐊᓂᔭᔪᐛ ᑲ ᒥᓯᓇᐊᒧᐛᑦ
1ᓂᔾ ᑈᓪ ᑲ ᒥᓯᓇᐊᒪᑎᑯᒡ᙮ ᐎᔾ ᒋᓴᔅ ᙭ ᐛᒋᒡ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᐃᑕᐱᒋᐃᑦ᙮ ᑭᔭ ᒋᓴᒪᓂᑐᐤ ᒍᑕᐎᓄᐤ ᓂᒋ ᐅᑎᓂᒄ, ᐊᓐ ᑲ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ᙮ ᓇᒪᐎᔾ ᐎ ᓇᐸᐤ ᑲ ᐅᑎᓂᑦ ᑭᔭ ᓇᒪᐎᔾ ᓇᐸᐤ ᑲ ᒥᔨᑦ ᐅᔭ ᒐᒋ ᐃᑕᐱᑎᓱᐅᒡ᙮
2ᒋᔨᐛᐤ ᐎᐧᑲᓂᓯᒪᐅᒡ ᑲᓚᓯᔭ ᑲ ᐃᓯᓂᐧᑲᑕᒡ ᐊᔅᒋᔾ ᐊ ᑕᔭᒄ ᒋ ᐛᒋᔭᒥᑎᓇᓐ᙮ ᓂᔾ ᑭᔭ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐅᑕ ᐊ ᑕᒡ ᒋ ᐛᒋᔭᒥᑎᓇᓐ᙮
3ᓂ ᐱᑯᓴᔨᒪᐤ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᒐᒋ ᒋᓴᐛᑐᑕᑕᑯᒡ ᑭᔭ ᒐᒋ ᒥᔨᑕᑯᒡ ᒋᔭᒪᔨᑎᒧᐅᓂᔪᐤ᙮ 4ᒋᓴᔅ ᓇᔅᒡ ᒋ ᐱᔅᑕᔨᒥᓱᐤ ᒐᒋ ᓂᐸᐊᑭᓄᐅᑦ ᒐᒋ ᐎᐧᑯᒋᐃᑕᐧᒄ ᑕᓐ ᐊ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ ᐊᓄᒡ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮ ᐊᔪᐅᒄ ᐅᔭ ᑲ ᐃᓯ ᓂᑐᐛᔨᑎᒥᔨᒋ ᒍᑕᐎᓄᐛ ᒋᓴᒪᓂᑐᐛ ᒐᒋ ᐃᑎᑦ᙮ 5ᐃᑕᔨᑕᑯᓱᐤ ᒪᒃ ᒋᓴᒪᓂᑐᐤ ᑲᒋᒡ ᒐᒋ ᒪᒥᒋᒪᑭᓄᐅᑦ᙮ ᐊᒥᓐ᙮
ᐸᐃᑯᓐ ᒥᒄ ᒥᔽᒋᒧᐅᓐ
6ᑕᑈ ᒋᒥᔅᑲᑕᔨᒥᑎᓇᐛᐤ ᑲ ᐃᔅᐱᔅ ᐎᐱᒡ ᒋ ᐊᑎ ᓂᑭᑕᒄ ᒋᓴᒪᓂᑐᐤ ᐊᓐ ᑲ ᑕᑈᑎᑕᒄ ᙭ ᐅᒋᓴᐛᑎᓯᐅᓂᔨᒡ ᐅᒡ᙮ ᑯᑎᒡ ᑎᐸᒋᒧᐅ ᒥᔽᒋᒧᐅᓐ ᐊ ᐃᓯᓂᐧᑲᑕᑭᓄᐅᒡ ᒋ ᓂᑐᑕᓇᐛᐤ ᐊᑯ᙮ 7ᑕᐸ ᑎᑯᓐ ᑯᑎᒡ ᒥᔽᒋᒧᐅᓐ᙮ ᒥᒄ ᒪᒃ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᒥᑯᔅᑲᑕᔨᑎᒥᐃᑕᑯᒡ, ᐊ ᐎ ᒂᔅᒋᓇᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ᙮ 8ᐊᑯᔅ ᒋᓴᒪᓂᑐᐤ ᒋᑭ ᐛᐛᓯᐃᑯᐤ ᐊᓐ ᐊᐛᓐ ᐃᔭᒡ ᒐ ᐃᓯ ᒋᔅᑯᑎᒪᒐᒂ ᐊᓂᔭ ᒥᔽᒋᒧᐅᓂᔪᐤ ᑲ ᐛᐎᑎᒪᑕᒡ᙮ ᐛᐛᒡ ᓂᔭᓐ ᑭᔭ ᒪᒃ ᐊᓐᒋᓐ ᒋᒋᒋᓯᑯᒡ ᐊ ᐅᑐᑕᑦ ᐃᔭᒡ ᐃᓯ ᐛᐎᑎᒪᑕᒐ ᒥᔽᒋᒧᐅᓐ ᐊᑯᔅ ᓂᑭ ᐛᐛᓯᐃᑯᐅᓇᓐ᙮ 9ᓴᔅ ᔅᒋ ᐎᑎᒪᑎᓇᐛᐤ ᐅ ᒐ ᐃᑎᑎᑯᒡ, ᒥᒄ ᒪᒃ ᒥᓐ ᒋᑭ ᐎᑎᒪᑎᓇᐛᐤ᙮ ᒧᔭᒻ ᑭᒐᔅᒋᒥᑕᒂ ᐊᐛᓐ ᑯᑎᒋᔪᐤ ᒥᔽᒋᒧᐅᓂᔪᐤ ᐃᔭᒡ ᐊ ᐃᑎᑕᑯᓂᔨᒡ ᑕᓐ ᐊ ᐃᑎᑕᑯᓂᔨᒡ ᐊᓂᔭ ᓴᔅ ᑲ ᑕᑈᑎᒪᒄ ᐊᑯᔅ ᒋᑭ ᐛᐛᓯᐊᑭᓄᐤ᙮
10ᒥᒄ ᐎ ᐃᑐᑐᐛᐤ ᐊᐛᔪᐛ ᒐᒋ ᒪᒥᔽᒋᒥᑯᑦ ᒋᑦ ᐃᑕᔨᒥᓇᐛᐤ ᐊ ? ᓇᒪ, ᒋᓴᒪᓂᑐᐤ ᐊᐅᒄ ᐛ ᒋᔅᒐᔨᑎᒧᒡ ᑕᓐ ᐊ ᐃᓯ ᒥᔽᒋᒥᑦ᙮ ᒥᒄ ᐎ ᓇᐊᔨᑎᒥᐊᐤ ᐊᐛᔪᐛ ᒋᑦ ᐃᑕᔨᒥᓇᐛᐤ ᐊ ? ᐛᔅ ᒥᒄ ᐃᔪᒡ ᐎ ᓇᐊᔨᑎᒥᐃᒂᐤ ᓇᒪ ᓂᐸ ᐅᒋ ᐊᑐᔅᑯᐛᐤ ᙭᙮
ᑈᓪ ᑲ ᐅᑎᓇᑭᓄᐅᑦ ᒐᒋ ᐊᑐᔅᑯᐛᑦ ᒋᓴᓴ
11ᓂᐧᑲᓂᓯᑐᒄ, ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐅ ᒥᔽᒋᒧᐅᓐ ᑲ ᐛᐎᑎᒪᓐ ᓇᒪ ᐎ ᓇᐸᐤ ᐊ ᑕᑦ ᐅᒋᒥᑭᓐ᙮ 12ᓇᒪ ᐎ ᓇᐸᐤ ᐊ ᑕᑦ ᓂ ᐅᒋ ᐅᑎᓇᓐ᙮ ᓇᒪ ᑭᔭ ᓇᐸᐤ ᓂ ᐅᒋ ᒋᔅᑯᑎᒪᒄ᙮ ᐎᔾ ᒋᓴᔅ ᙭ ᐛᒋᒡ ᓂᒋ ᒋᔅᒐᔨᑎᒥᐃᒄ ᐅᔭ ᒥᔽᒋᒧᐅᓂᔪᐤ᙮
13ᒐᔅᑎᓇᔅ ᔅᒋ ᐸᑕᓇᐛᒐ ᑕᓐ ᑲ ᐃᑕᑎᓯᔭᓐ ᐅᑕᒡ ᐊᔅᒄ ᒍᐤ ᐃᔪᒡ ᐊ ᐃᓯ ᐊᔭᒥᐊᒡ ᐊᒋ ᐃᓯ ᓇᓴᐊᒪᓐ᙮ ᐊᔪᐛᒃ ᓂᒋ ᓂᓇᐧᑲᑕᔨᒧᐃᒪᐛ ᒋᓴᒪᓂᑐᐤ ᐅᑦ ᐃᔨᒪ ᒋᓴᓴ ᑲ ᑕᑈᔭᔨᒪᔨᒋ᙮ ᒥᒄ ᐊ ᐎ ᐃᑐᐅᒡ ᓂᒋ ᐃᑐᐛᓐ ᐊ ᐎ ᓂᓱᐅᓇᒋᐃᒥᒋ᙮ 14ᐅᔅᑕ ᓂᔾ ᒥᒄ ᓂᒋ ᐃᑎᓐ ᒐᒋ ᒥᔪᑐᑎᒪᓐ ᑕᓐ ᑲ ᐃᑎᓱᒥᑯᔭᒡ ᒍᐤ ᐃᔪᒡ ᐅᑦ ᐊᔭᒥᐊᐅᓄᐛᐤ ᐃᔅᐱ ᒥᒐᑦ ᓂᒡ ᒍᐤ ᐃᔪᒡ ᐊ ᐎᒋ ᐃᔅᐱᑕᑎᓯᒥᒂᐤ᙮ ᒥᒄ ᐊᔅᐱᔅ ᒋ ᐃᑐᑎᒪᓐ ᓂᒋ ᐎ ᓂᓇᐃᑎᒺᓐ ᐅᒋᔅᑯᑎᒪᒐᐅᓄᐛᐤ ᐊᓂᔭᐧᑲ ᒋᑦ ᐊᓂᔅᑯᑕᐸᓄᐎᒡ᙮ 15ᐃᔭᐱᒡ ᒪᒃ ᓂᒋ ᐅᑎᓄᑯᑕᑯᐱᓐ ᒋᓴᒪᓂᑐᐤ ᐊᔅᒄ ᐊᑲ ᐅᒋ ᐱᒪᑎᓯᐅᒡ᙮ ᓇᔅᒡ ᑕᑈ ᓂᒋ ᒋᓴᐛᑐᑕᒄ ᑲ ᐅᑎᓂᑦ ᒐᒋ ᐊᑐᔅᑯᐅᒄ᙮ ᐃᔅᐱ ᒪᒃ ᐛᑎᒋᐱᔨᒡ ᐊᓐᑕ ᑲ ᐃᑕᔨᑕᐧᒃ ᒐ ᒋᔅᒐᔨᒥᒋ ᐅᑯᓴ 16ᐊᑯᑕ ᑲ ᐃᑐᑐᐅᑦ ᒐᒋ ᒋᔅᒐᔨᒥᒡ, ᐊᓐᑕ ᒐᒋ ᐅᒋ ᐊᑎ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ᙮ ᒪᒂᒡ ᒪᒃ ᐊᓐ ᑲ ᐃᔅᐱᔨᒡ ᓇᒪ ᐊᐛᓐ ᓂ ᐅᒋ ᑯᒂᒋᒪᐤ ᑕᓐ ᒐ ᐃᑐᐅᒡ᙮ 17ᓇᒪ ᑭᔭ ᓂ ᐅᒋ ᐃᑐᑕᓐ ᒋᕈᓯᓕᒥᒡ ᒐᒋ ᓂᑐᐛᐱᒥᒂᐤ ᐊᓐᒡ ᑯᑎᑭᒡ ᐊᑈᔅᑕᓇᒡ, ᐊᓐᒡ ᓴᔅ ᑲ ᐎᔭᔨᒥᑯᒡ ᒋᓴᓴ᙮ ᐃᔭᐱᒡ ᑎᐛᒡ ᐊᕋᐱᔭ ᑲ ᐃᓯᓂᐧᑲᑕᒡ ᐊᔅᒋᔾ ᓂᒋ ᐃᑐᑕᓐ᙮ ᒐᒃ ᐸᑎᒪ ᑕᒪᔅᑲᔅ ᑲ ᐃᓯᓂᐧᑲᑕᒡ ᐅᑕᓇᐤ ᑲᐤ ᑲ ᐃᑐᑕᔭᓐ᙮
18ᓂᔅᑐ ᐱᐳᓇ ᒥᓐ ᐸᑎᒪ ᐊᑯ ᒋᕈᓯᓕᒥᒡ ᑲ ᐃᑐᑕᔭᓐ ᒐᒋ ᓂᒋᐃᒃ ᐱᑕᕐ, ᐊᑐᐎᔅ ᒐᒋ ᐊᑎ ᒋᔅᒐᔨᒥᒃ᙮ ᓂᓱ ᒥᓇᔅᑕᑭᓇ ᒪᒃ ᓂᒋ ᐎᒋᒪᐤ᙮ 19ᓇᒪ ᒥᒄ ᓂ ᐅᒋ ᐛᐱᒪᔪᐛ ᐊᓂᔭᔪᐛ ᑯᑎᑲ ᐅᑦ ᐊᑈᔅᑕᓂᒪ ᒋᓴᔅ᙮ ᒥᒄ ᒋᒥᔅ ᒋᑎᐸᔨᒋᒐᓯᒥᓄᐤ ᐎᐧᑲᓂᓴ ᐊᐅᑯᓐ ᐊᓐ ᑲ ᐛᐱᒥᒃ᙮ 20ᒋᓴᒪᓂᑐᐤ ᒋᔅᒐᔨᑎᒻ ᐊ ᑕᑈᐅᒡ ᐅᔭ ᑲ ᐃᑎᓯᓇᐃᒐᐅᒡ᙮ ᓇᒪ ᓂ ᑭᑭᒋᔭᓐ᙮
21ᐊᑯ ᒪᒃ ᒥᓐ ᐊᓐᑕ ᓯᕆᔭ ᑭᔭ ᓯᓕᓯᔭ ᑲ ᐃᓯᓂᐧᑲᑕᒋ ᐊᔅᒋᔭ ᓂᒋ ᐃᑐᑕᓐ᙮ 22ᐊᓐ ᒪᒂᒡ ᐊᔅᒄ ᓇᒪ ᓂᑕ ᓂ ᐅᒋ ᐛᐱᒥᑯᒡ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ᙮ 23ᒥᒄ ᑕᓐ ᑲ ᐃᓯ ᐊᔨᒧᒥᔨᒋ ᑯᑎᑲ ᐊᐛᔪᐛ ᐊᐅᑯᓐ ᒥᒄ ᑲ ᐃᓯ ᒋᔅᒐᔨᒥᒡ᙮ ᒋ ᐃᔅᒋᔄᔪᐛ ᒪᒃ, “ᐊᓐ ᑲᒋ ᓂᓇᐧᑲᒋᐃᑕᐧᒄ ᐊᐅᒄ ᐱᐸ ᐛᐎᑕᐧᒃ ᐊᓂᔭ ᐊ ᐃᓯ ᑕᑈᑕᑭᓄᐎᒡ ᐊᓂᔭ ᑲᒋ ᐎ ᓂᓱᐅᓇᒋᑕᑦ᙮” 24ᐊᑯ ᒪᒃ ᑲ ᓂᓇᔅᑯᒪᒡ ᒋᓴᒪᓂᑐᐛ ᑕᓐ ᑲ ᐃᑐᑎᒧᔨᒋ ᓂᐱᒪᑎᓯᐅᓂᒡ᙮
Currently Selected:
ᑲᓚᓯᔭᓇ 1: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᑲᓚᓯᔭᓇ 1
1
ᑈᓪ ᐛᒋᔭᒪᐤ ᐊᓂᔭᔪᐛ ᑲ ᒥᓯᓇᐊᒧᐛᑦ
1ᓂᔾ ᑈᓪ ᑲ ᒥᓯᓇᐊᒪᑎᑯᒡ᙮ ᐎᔾ ᒋᓴᔅ ᙭ ᐛᒋᒡ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᐃᑕᐱᒋᐃᑦ᙮ ᑭᔭ ᒋᓴᒪᓂᑐᐤ ᒍᑕᐎᓄᐤ ᓂᒋ ᐅᑎᓂᒄ, ᐊᓐ ᑲ ᐅᓂᔅᑲᓇᑦ ᒋᓴᓴ ᓂᐳᐅᓂᒡ ᐅᒋ᙮ ᓇᒪᐎᔾ ᐎ ᓇᐸᐤ ᑲ ᐅᑎᓂᑦ ᑭᔭ ᓇᒪᐎᔾ ᓇᐸᐤ ᑲ ᒥᔨᑦ ᐅᔭ ᒐᒋ ᐃᑕᐱᑎᓱᐅᒡ᙮
2ᒋᔨᐛᐤ ᐎᐧᑲᓂᓯᒪᐅᒡ ᑲᓚᓯᔭ ᑲ ᐃᓯᓂᐧᑲᑕᒡ ᐊᔅᒋᔾ ᐊ ᑕᔭᒄ ᒋ ᐛᒋᔭᒥᑎᓇᓐ᙮ ᓂᔾ ᑭᔭ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᐅᑕ ᐊ ᑕᒡ ᒋ ᐛᒋᔭᒥᑎᓇᓐ᙮
3ᓂ ᐱᑯᓴᔨᒪᐤ ᒋᓴᒪᓂᑐᐤ ᒍᑕᐎᓄᐤ ᑭᔭ ᒋᓴᔅ ᙭ ᒋᑎᐸᔨᒋᒐᓯᒥᓄᐤ ᒐᒋ ᒋᓴᐛᑐᑕᑕᑯᒡ ᑭᔭ ᒐᒋ ᒥᔨᑕᑯᒡ ᒋᔭᒪᔨᑎᒧᐅᓂᔪᐤ᙮ 4ᒋᓴᔅ ᓇᔅᒡ ᒋ ᐱᔅᑕᔨᒥᓱᐤ ᒐᒋ ᓂᐸᐊᑭᓄᐅᑦ ᒐᒋ ᐎᐧᑯᒋᐃᑕᐧᒄ ᑕᓐ ᐊ ᐃᓯ ᑎᐸᔨᒥᑯᐛᐧᒄ ᒥᒐᑎᓯᐅᓂᔪᐤ ᐊᓄᒡ ᑕᓐ ᐊ ᐃᓯ ᑎᑯᓂᔨᒡ ᐅᑕ ᐊᔅᒋᒡ᙮ ᐊᔪᐅᒄ ᐅᔭ ᑲ ᐃᓯ ᓂᑐᐛᔨᑎᒥᔨᒋ ᒍᑕᐎᓄᐛ ᒋᓴᒪᓂᑐᐛ ᒐᒋ ᐃᑎᑦ᙮ 5ᐃᑕᔨᑕᑯᓱᐤ ᒪᒃ ᒋᓴᒪᓂᑐᐤ ᑲᒋᒡ ᒐᒋ ᒪᒥᒋᒪᑭᓄᐅᑦ᙮ ᐊᒥᓐ᙮
ᐸᐃᑯᓐ ᒥᒄ ᒥᔽᒋᒧᐅᓐ
6ᑕᑈ ᒋᒥᔅᑲᑕᔨᒥᑎᓇᐛᐤ ᑲ ᐃᔅᐱᔅ ᐎᐱᒡ ᒋ ᐊᑎ ᓂᑭᑕᒄ ᒋᓴᒪᓂᑐᐤ ᐊᓐ ᑲ ᑕᑈᑎᑕᒄ ᙭ ᐅᒋᓴᐛᑎᓯᐅᓂᔨᒡ ᐅᒡ᙮ ᑯᑎᒡ ᑎᐸᒋᒧᐅ ᒥᔽᒋᒧᐅᓐ ᐊ ᐃᓯᓂᐧᑲᑕᑭᓄᐅᒡ ᒋ ᓂᑐᑕᓇᐛᐤ ᐊᑯ᙮ 7ᑕᐸ ᑎᑯᓐ ᑯᑎᒡ ᒥᔽᒋᒧᐅᓐ᙮ ᒥᒄ ᒪᒃ ᑕᐅᒡ ᐊᐛᓐᒋ ᐊᓐᑕ ᐊ ᑕᔭᒄ ᐊ ᒥᑯᔅᑲᑕᔨᑎᒥᐃᑕᑯᒡ, ᐊ ᐎ ᒂᔅᒋᓇᒡ ᐊᓂᔭ ᒥᔽᒋᒧᐅᓂᔪᐤ ᐊᓐᑕ ᐃᔭᔨᒧᒪᑭᓄᔨᒋ ᙭ᑕ᙮ 8ᐊᑯᔅ ᒋᓴᒪᓂᑐᐤ ᒋᑭ ᐛᐛᓯᐃᑯᐤ ᐊᓐ ᐊᐛᓐ ᐃᔭᒡ ᒐ ᐃᓯ ᒋᔅᑯᑎᒪᒐᒂ ᐊᓂᔭ ᒥᔽᒋᒧᐅᓂᔪᐤ ᑲ ᐛᐎᑎᒪᑕᒡ᙮ ᐛᐛᒡ ᓂᔭᓐ ᑭᔭ ᒪᒃ ᐊᓐᒋᓐ ᒋᒋᒋᓯᑯᒡ ᐊ ᐅᑐᑕᑦ ᐃᔭᒡ ᐃᓯ ᐛᐎᑎᒪᑕᒐ ᒥᔽᒋᒧᐅᓐ ᐊᑯᔅ ᓂᑭ ᐛᐛᓯᐃᑯᐅᓇᓐ᙮ 9ᓴᔅ ᔅᒋ ᐎᑎᒪᑎᓇᐛᐤ ᐅ ᒐ ᐃᑎᑎᑯᒡ, ᒥᒄ ᒪᒃ ᒥᓐ ᒋᑭ ᐎᑎᒪᑎᓇᐛᐤ᙮ ᒧᔭᒻ ᑭᒐᔅᒋᒥᑕᒂ ᐊᐛᓐ ᑯᑎᒋᔪᐤ ᒥᔽᒋᒧᐅᓂᔪᐤ ᐃᔭᒡ ᐊ ᐃᑎᑕᑯᓂᔨᒡ ᑕᓐ ᐊ ᐃᑎᑕᑯᓂᔨᒡ ᐊᓂᔭ ᓴᔅ ᑲ ᑕᑈᑎᒪᒄ ᐊᑯᔅ ᒋᑭ ᐛᐛᓯᐊᑭᓄᐤ᙮
10ᒥᒄ ᐎ ᐃᑐᑐᐛᐤ ᐊᐛᔪᐛ ᒐᒋ ᒪᒥᔽᒋᒥᑯᑦ ᒋᑦ ᐃᑕᔨᒥᓇᐛᐤ ᐊ ? ᓇᒪ, ᒋᓴᒪᓂᑐᐤ ᐊᐅᒄ ᐛ ᒋᔅᒐᔨᑎᒧᒡ ᑕᓐ ᐊ ᐃᓯ ᒥᔽᒋᒥᑦ᙮ ᒥᒄ ᐎ ᓇᐊᔨᑎᒥᐊᐤ ᐊᐛᔪᐛ ᒋᑦ ᐃᑕᔨᒥᓇᐛᐤ ᐊ ? ᐛᔅ ᒥᒄ ᐃᔪᒡ ᐎ ᓇᐊᔨᑎᒥᐃᒂᐤ ᓇᒪ ᓂᐸ ᐅᒋ ᐊᑐᔅᑯᐛᐤ ᙭᙮
ᑈᓪ ᑲ ᐅᑎᓇᑭᓄᐅᑦ ᒐᒋ ᐊᑐᔅᑯᐛᑦ ᒋᓴᓴ
11ᓂᐧᑲᓂᓯᑐᒄ, ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒐᔨᑎᒪᒄ ᐅ ᒥᔽᒋᒧᐅᓐ ᑲ ᐛᐎᑎᒪᓐ ᓇᒪ ᐎ ᓇᐸᐤ ᐊ ᑕᑦ ᐅᒋᒥᑭᓐ᙮ 12ᓇᒪ ᐎ ᓇᐸᐤ ᐊ ᑕᑦ ᓂ ᐅᒋ ᐅᑎᓇᓐ᙮ ᓇᒪ ᑭᔭ ᓇᐸᐤ ᓂ ᐅᒋ ᒋᔅᑯᑎᒪᒄ᙮ ᐎᔾ ᒋᓴᔅ ᙭ ᐛᒋᒡ ᓂᒋ ᒋᔅᒐᔨᑎᒥᐃᒄ ᐅᔭ ᒥᔽᒋᒧᐅᓂᔪᐤ᙮
13ᒐᔅᑎᓇᔅ ᔅᒋ ᐸᑕᓇᐛᒐ ᑕᓐ ᑲ ᐃᑕᑎᓯᔭᓐ ᐅᑕᒡ ᐊᔅᒄ ᒍᐤ ᐃᔪᒡ ᐊ ᐃᓯ ᐊᔭᒥᐊᒡ ᐊᒋ ᐃᓯ ᓇᓴᐊᒪᓐ᙮ ᐊᔪᐛᒃ ᓂᒋ ᓂᓇᐧᑲᑕᔨᒧᐃᒪᐛ ᒋᓴᒪᓂᑐᐤ ᐅᑦ ᐃᔨᒪ ᒋᓴᓴ ᑲ ᑕᑈᔭᔨᒪᔨᒋ᙮ ᒥᒄ ᐊ ᐎ ᐃᑐᐅᒡ ᓂᒋ ᐃᑐᐛᓐ ᐊ ᐎ ᓂᓱᐅᓇᒋᐃᒥᒋ᙮ 14ᐅᔅᑕ ᓂᔾ ᒥᒄ ᓂᒋ ᐃᑎᓐ ᒐᒋ ᒥᔪᑐᑎᒪᓐ ᑕᓐ ᑲ ᐃᑎᓱᒥᑯᔭᒡ ᒍᐤ ᐃᔪᒡ ᐅᑦ ᐊᔭᒥᐊᐅᓄᐛᐤ ᐃᔅᐱ ᒥᒐᑦ ᓂᒡ ᒍᐤ ᐃᔪᒡ ᐊ ᐎᒋ ᐃᔅᐱᑕᑎᓯᒥᒂᐤ᙮ ᒥᒄ ᐊᔅᐱᔅ ᒋ ᐃᑐᑎᒪᓐ ᓂᒋ ᐎ ᓂᓇᐃᑎᒺᓐ ᐅᒋᔅᑯᑎᒪᒐᐅᓄᐛᐤ ᐊᓂᔭᐧᑲ ᒋᑦ ᐊᓂᔅᑯᑕᐸᓄᐎᒡ᙮ 15ᐃᔭᐱᒡ ᒪᒃ ᓂᒋ ᐅᑎᓄᑯᑕᑯᐱᓐ ᒋᓴᒪᓂᑐᐤ ᐊᔅᒄ ᐊᑲ ᐅᒋ ᐱᒪᑎᓯᐅᒡ᙮ ᓇᔅᒡ ᑕᑈ ᓂᒋ ᒋᓴᐛᑐᑕᒄ ᑲ ᐅᑎᓂᑦ ᒐᒋ ᐊᑐᔅᑯᐅᒄ᙮ ᐃᔅᐱ ᒪᒃ ᐛᑎᒋᐱᔨᒡ ᐊᓐᑕ ᑲ ᐃᑕᔨᑕᐧᒃ ᒐ ᒋᔅᒐᔨᒥᒋ ᐅᑯᓴ 16ᐊᑯᑕ ᑲ ᐃᑐᑐᐅᑦ ᒐᒋ ᒋᔅᒐᔨᒥᒡ, ᐊᓐᑕ ᒐᒋ ᐅᒋ ᐊᑎ ᐛᐎᑎᒪᒥᒋ ᒥᔽᒋᒧᐅᓂᔪᐤ ᐊᓂᔭ ᐊᑲ ᒍᐤ ᐃᑎᔅᑲᓇᓯᔨᒋ ᐃᔪᐛ᙮ ᒪᒂᒡ ᒪᒃ ᐊᓐ ᑲ ᐃᔅᐱᔨᒡ ᓇᒪ ᐊᐛᓐ ᓂ ᐅᒋ ᑯᒂᒋᒪᐤ ᑕᓐ ᒐ ᐃᑐᐅᒡ᙮ 17ᓇᒪ ᑭᔭ ᓂ ᐅᒋ ᐃᑐᑕᓐ ᒋᕈᓯᓕᒥᒡ ᒐᒋ ᓂᑐᐛᐱᒥᒂᐤ ᐊᓐᒡ ᑯᑎᑭᒡ ᐊᑈᔅᑕᓇᒡ, ᐊᓐᒡ ᓴᔅ ᑲ ᐎᔭᔨᒥᑯᒡ ᒋᓴᓴ᙮ ᐃᔭᐱᒡ ᑎᐛᒡ ᐊᕋᐱᔭ ᑲ ᐃᓯᓂᐧᑲᑕᒡ ᐊᔅᒋᔾ ᓂᒋ ᐃᑐᑕᓐ᙮ ᒐᒃ ᐸᑎᒪ ᑕᒪᔅᑲᔅ ᑲ ᐃᓯᓂᐧᑲᑕᒡ ᐅᑕᓇᐤ ᑲᐤ ᑲ ᐃᑐᑕᔭᓐ᙮
18ᓂᔅᑐ ᐱᐳᓇ ᒥᓐ ᐸᑎᒪ ᐊᑯ ᒋᕈᓯᓕᒥᒡ ᑲ ᐃᑐᑕᔭᓐ ᒐᒋ ᓂᒋᐃᒃ ᐱᑕᕐ, ᐊᑐᐎᔅ ᒐᒋ ᐊᑎ ᒋᔅᒐᔨᒥᒃ᙮ ᓂᓱ ᒥᓇᔅᑕᑭᓇ ᒪᒃ ᓂᒋ ᐎᒋᒪᐤ᙮ 19ᓇᒪ ᒥᒄ ᓂ ᐅᒋ ᐛᐱᒪᔪᐛ ᐊᓂᔭᔪᐛ ᑯᑎᑲ ᐅᑦ ᐊᑈᔅᑕᓂᒪ ᒋᓴᔅ᙮ ᒥᒄ ᒋᒥᔅ ᒋᑎᐸᔨᒋᒐᓯᒥᓄᐤ ᐎᐧᑲᓂᓴ ᐊᐅᑯᓐ ᐊᓐ ᑲ ᐛᐱᒥᒃ᙮ 20ᒋᓴᒪᓂᑐᐤ ᒋᔅᒐᔨᑎᒻ ᐊ ᑕᑈᐅᒡ ᐅᔭ ᑲ ᐃᑎᓯᓇᐃᒐᐅᒡ᙮ ᓇᒪ ᓂ ᑭᑭᒋᔭᓐ᙮
21ᐊᑯ ᒪᒃ ᒥᓐ ᐊᓐᑕ ᓯᕆᔭ ᑭᔭ ᓯᓕᓯᔭ ᑲ ᐃᓯᓂᐧᑲᑕᒋ ᐊᔅᒋᔭ ᓂᒋ ᐃᑐᑕᓐ᙮ 22ᐊᓐ ᒪᒂᒡ ᐊᔅᒄ ᓇᒪ ᓂᑕ ᓂ ᐅᒋ ᐛᐱᒥᑯᒡ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᒡ᙮ 23ᒥᒄ ᑕᓐ ᑲ ᐃᓯ ᐊᔨᒧᒥᔨᒋ ᑯᑎᑲ ᐊᐛᔪᐛ ᐊᐅᑯᓐ ᒥᒄ ᑲ ᐃᓯ ᒋᔅᒐᔨᒥᒡ᙮ ᒋ ᐃᔅᒋᔄᔪᐛ ᒪᒃ, “ᐊᓐ ᑲᒋ ᓂᓇᐧᑲᒋᐃᑕᐧᒄ ᐊᐅᒄ ᐱᐸ ᐛᐎᑕᐧᒃ ᐊᓂᔭ ᐊ ᐃᓯ ᑕᑈᑕᑭᓄᐎᒡ ᐊᓂᔭ ᑲᒋ ᐎ ᓂᓱᐅᓇᒋᑕᑦ᙮” 24ᐊᑯ ᒪᒃ ᑲ ᓂᓇᔅᑯᒪᒡ ᒋᓴᒪᓂᑐᐛ ᑕᓐ ᑲ ᐃᑐᑎᒧᔨᒋ ᓂᐱᒪᑎᓯᐅᓂᒡ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada