ᐊᒃᓱᑕᔅ 21
21
1ᑎᐸᔨᒋᒐᓱᐤ ᒂ ᒥᔭᑦ ᒧᓱᓴ ᐅᔭ ᐎᓱᐛᐅᓇ ᒐᒋ ᓇᓴᒥᔨᒋ ᐃᔅᕋᐃᓪ ᐃᔪᐛ᙮
ᐃᑉᕈᐤ ᐊᐱᒋᐊᑭᓐᒡ
2ᐃᔭᐛᒐ ᐊᐛᓐ ᐃᑉᕈᐤ ᐊᐱᒋᐊᑭᓇ, ᒋᑭ ᐎ ᐊᑐᔅᑲᑯᐤ ᐃᔅᐱᔅ ᐊᓱᑕᒡ ᑕᑐᐤ ᐱᐳᓇ, ᒥᒄ ᓂᔄᐅᑕᒡ ᐱᐳᓂᔪᐤ ᒋᑭ ᐎ ᐱᔅᑎᓇᐤ ᐊᑲ ᒋᓯᐧᑲᑯᑦ᙮ 3ᐊᑯ ᐸᐃᑯᓯᒐ ᓇᐸᐤ ᑲ ᐊᔭᐛᑭᓄᐅᑦ, ᐊ ᐸᐃᑯᓯᑦ ᒋᑭ ᐎ ᐱᔅᑎᓇᑭᓄᐤ᙮ ᒥᒄ ᑲ ᓂᐳᐅᒂ ᒪᒂᒡ ᑲ ᐃᔭᐛᑭᓄᐅᑦ, ᐎᔾ ᑭᔭ ᐎᐛ ᒋᑭ ᐎ ᐱᔅᑎᓇᑭᓄᐎᒡ᙮ 4ᐊᑯ ᒋᔾ ᒥᔨᑕ ᐃᔎᐛ ᒐ ᐎᐅᑦ, ᑭᔭ ᐅᑦ ᐊᐛᓯᒥᑕᐛ, ᒥᒄ ᐊᓐ ᓇᐸᐤ ᒋᑭ ᐎ ᒥᔭᑭᓄᐤ ᒐᒋ ᒋᔅᑐᑕᑦ; ᐎᐛ ᑭᔭ ᐅᑦ ᐊᐛᓯᒧᐛᐛ ᑎᐸᔨᒪᔪᐛ ᐊᓂᔭ ᐅᒋᒪᒪ᙮
5ᒥᒄ ᐊᑲ ᐎ ᓂᑭᑕᒐ ᐎᐛ ᑭᔭ ᐅᑦ ᐊᐛᓯᒪ, ᒋᑭ ᐎ ᐃᔅᒋᔄᐤ, “ᓂᓴᒋᐊᐤ ᓄᒋᒪᒻ, ᓂᐅ, ᑭᔭ ᓂᑦ ᐊᐛᓯᒥᒡ᙮ ᓇᒪ ᓂ ᐎ ᐱᔅᑎᓂᑯᓯᓐ᙮” 6ᒋᑭ ᐎ ᓂᐳᐤ ᐊᓐᑕ ᔅᑐᐧᑭᓇ ᐊ ᑕᔨᒋ ᑭᔭ ᒪᒃ ᐅᐱᒪ ᔅᑐᐧᑭᓂᒡ ᐊᓐᑕ ᐊᔭᒥᐊᐅᐱᒍᐎᔭᓂᒋᐛᐱᒡ ᒪᒂᒡ ᐅᒋᒪᒪ ᐊᐳᑭᓇᒥᔨᒋ ᐊᓂᔭ ᐸᐃᒄ ᐎᑐᑭᔾ᙮ ᐊᑯ ᒐ ᑎᐸᔨᒥᑯᑦ ᐅᒋᒪᒪ ᒐ ᐃᔅᐱᔅ ᐱᒪᑎᓯᑦ᙮
7ᓇᐸᐤ ᐊᑕᐛᒐᑦ ᐅᑕᓂᓴ ᒧᔭᒻ ᐊᐱᒋᐊᑭᓇ, ᓇᒪ ᒋᑭ ᒋ ᐱᔅᑎᓇᑭᓄᐤ ᐃᔎᐤ ᒧᔭᒻ ᐊ ᐃᓯ ᐱᔅᑎᓇᑭᓄᐎᒋ ᓇᐸᐤ ᐊᐱᒋᐊᑭᓇ᙮ 8ᐊᑯ ᐊᑲ ᓇᐊᔨᑎᒪᐊᒐ ᐅᒋᒪᒪ ᐊᓂᔭ ᑲ ᐃᔭᐅᑯᑦ ᒐᒋ ᐎᒋᒥᑯᑦ᙮ ᐊᑯ ᑲᐤ ᒐ ᑕᒪᑦ ᐅᑕᐎᒪᐛ, ᓇᒪ ᒋᑭ ᒋ ᑕᒪᐤ ᒪᓐᑕᐛ ᐊᓂᔭ ᐃᔎᓴ; ᐛᔅ ᐅᔭ ᐃᔨᑎᑦ ᐅᒋᒪᐤ ᒋᐸ ᐱᑯᓂᒻ ᓂᔅᑯᒧᐅᓂᔪᐤ ᑲ ᑐᑕᒡ ᐎᔾ ᑭᔭ ᐅᑕᐎᒪᐛ᙮ 9ᐅᑎᓇᒐ ᐊᓂᔭ ᐃᔎᓴ ᒐᒋ ᓂᐳᐅᐎᒋ ᐅᑯᓴ, ᒧᔭᒻ ᑎᐱᔨᐛ ᐅᑕᓂᓴ ᒋᑭ ᐎ ᐃᓯ ᐅᑎᓇᐤ᙮ 10ᐊᑯ ᐊᓐ ᓇᐸᐤ ᓂᐳᐅᒐ ᑯᑎᑲ ᐃᔎᐛ, ᐊᔅᒄ ᐃᔭᐱᒡ ᒋᑭ ᐎ ᐱᑲᔅᒐᐊᐤ ᐊᓂᔭ ᐃᔎᐛ ᑲ ᐃᔭᐛᑦ ᑭᔭ ᐊᔅᒃ ᒧᔭᒻ ᐎᐛ ᒋᑭ ᐎ ᐃᑐᑐᐛᐤ ᐊᓂᔭ ᐅᔅᑭᒡ ᑲ ᓂᐳᐅᑦ᙮ 11ᐊᑯ ᐊᑲ ᑐᑕᒐ ᐅᔭ ᒐᒂᔪᐛ, ᒋᑭ ᐎ ᐱᔅᑎᓇᐤ ᐃᔎᐛ ᐊᑲ ᒋᓯᐧᑯᐛᑭᓄᐅᑦ᙮
ᐊᐛᓐ ᐊ ᐅᓯᑯᔨᐛᑦ
12ᐊᐛᓐ ᐅᑕᒪᐛᒐ ᑯᑎᒂ ᓇᐸᐛ ᑭᔭ ᓂᐸᐊᒐ, ᑭᔭ ᐎᔾ ᒋᑭ ᐎ ᓂᐸᐊᑭᓄᐤ᙮ 13ᒥᒄ ᐊᐛᓐ ᐊᑲ ᐅᔅᑦ ᐃᑐᑐᐛᑦ ᐊ ᓂᐸᐊᑦ ᑯᑎᑲ ᓇᐸᐛ, ᒋᑭ ᒋ ᒋᑎᓯᒧᐤ ᐊᓐᑕ ᐃᑕᐅᓂᒡ ᐃᔅ, ᓂᔾ ᑎᐸᔨᒋᒐᓱᐤ, ᒐ ᐎᔭᔨᑎᒪᑕᓐ᙮ 14ᒥᒄ ᐃᑕᔨᑕᒐ ᐊᐛᓐ ᒐᒋ ᓂᐸᐊᑦ ᐊᐛᔪᐛ ᑭᔭ ᓂᐸᐊᒐ ᒪᒃ, ᒋᑭ ᐎ ᓂᐸᐊᑭᓄᐤ᙮
15ᒋᑭ ᐎ ᓂᐸᐊᑭᓄᐤ ᐃᔭᐱᒡ ᐊᐛᓐ ᐅᑕᒪᐛᒐ ᐅᑕᐎᔭ ᑭᔭ ᒪᒃ ᐅᑲᐎᔭ᙮
16ᐊᐛᓐ ᐊ ᒋᒧᑎᑦ ᑯᑎᑲ ᐊᐛᔪᐛ ᐊ ᐎ ᑕᐛᒐᑦ ᑭᔭ ᒪᒃ ᒐᒋ ᑭᓄᐛᔨᒪᑦ ᒧᔭᒻ ᐊᐱᒋᐊᑭᓇ, ᒋᑭ ᐎ ᓂᐸᐊᑭᓄᐤ᙮
17ᐊᐛᓐ ᑲ ᒪᔭᔨᒪᑦ ᐅᑕᐎᔭ ᑭᔭ ᒪᒃ ᐅᑲᐎᔭ ᒋᑭ ᐎ ᓂᐸᐊᑭᓄᐤ᙮
18ᒪᓯᐧᑲᑐᑥᐛ ᓂᓱ ᐊᐛᓐᒋ, ᐊᑯ ᐸᐃᒄ ᐅᑕᒪᐛᒐ ᐊᓯᓂᔪᐤ ᑭᔭ ᒪᒃ ᐅᑎᒋ ᑭᔭ ᐊᑲ ᓂᐱᔨᒐᓂ ᐊᓂᔭ ᐊᐛᔪᐛ ᑲ ᐅᑕᒪᐛᑦ ᒥᒄ ᐅᓂᐸᐅᓂᔨᒡ ᑕᔨᒐᓂ᙮ 19ᑭᔭ ᓇᓇᒐ ᒋ ᐱᒧᑕᔨᒐᓂ ᓯᔅᑲᐅᓂᔪᐤ ᐊᐱᒋᑕᔨᒋ, ᐊᑯ ᐊᓐ ᓇᐸᐤ ᑲ ᐅᑕᒪᐃᒐᑦ ᓇᒪ ᒋᑭ ᐊᓏᔨᒪᑭᓄᐤ᙮ ᒥᒄ ᒋᑭ ᐎ ᒋᓯᐧᑯᐛᐤ ᐊᓂᔭ ᓇᐸᐛ ᑲ ᐅᑕᒪᐛᑦ ᑲ ᐅᓂᑕᔨᒋ ᓱᓇᔭᔪᐤ ᐊᑲ ᐅᒋ ᐅᓯᑎᒪᓱᐎᒋ ᑭᔭ ᒋᑭ ᐎ ᒋᓯᐧᑲᓱᐛᐤ ᐊ ᐃᓯ ᓂᑐᐧᑲᑭᓄᐎᒋ ᐸᑐᔅ ᒥᔪᐱᒪᑎᓯᔨᒐᓂ᙮
20ᐊᑯ ᐅᑕᒪᐛᒐ ᒥᔅᑎᑯᔪᐤ ᐊᐛᓐ ᐅᑦ ᐊᐱᒋᐊᑭᓇ ᑭᔭ ᒪᒃ ᐅᑦ ᐊᐱᒋᐊᑭᓂᔎᒪ, ᐳᓂᐱᒪᑎᓯᐅᐎᒐᓂ ᐊᓂᔭ ᑲ ᐅᑕᒪᐛᑦ ᒋᑭ ᐊᓏᔨᒪᑭᓄᐤ᙮ 21ᒥᒄ ᐊᔅᒄ ᐃᔪᐎᒐᓂ ᐸᐃᑯᒋᓯᑲᐛ ᑭᔭ ᒪᒃ ᓂᓱᒋᓯᑲᐛ ᐃᔅᐱᔅ ᑭᔭ ᒐᒃ ᓂᐱᔨᒐᓂ, ᓇᒪ ᒋᑭ ᐊᓏᔨᒪᑭᓄᐤ ᐊᓐ ᐅᒋᒪᐤ, ᐛᔅ ᓴᔅ ᐊᓂᔭ ᐅᓇᐊᐤ ᑲ ᑎᐸᔨᒪᑦ᙮
22ᒪᓯᐧᑲᑐᑥᐛ ᓂᓱ ᐊᐛᓐᒋ ᑭᔭ ᐅᓯᒂᑥᐛ ᐊ ᐊᓱᐛᐱᒪᐅᓯᔪᐎᒋ ᐃᔎᐛ, ᐅᓂᑥᓱᐎᒐᓂ ᑭᔭ ᒥᒄ ᐊᑲ ᓇᔅᒡ ᐅᓯᒂᑭᓄᒐ ᐊᓐ ᐃᔎᐤ᙮ ᐊᓐ ᐊᐛᓐ ᑲ ᐅᓯᒂᐊᑦ ᒋᑭ ᐎ ᒋᓯᐧᑯᐛᐅᐤ ᐊᓂᔭ ᐅᓇᐸᒥᔪᐛ ᒥᒄ ᐊᓯ ᓂᑐᐛᑎᒪᑯᑦ, ᑭᔭ ᒋᑭ ᐎ ᑕᑈᑎᒥᔪᐛ ᑎᐸᔅᑭᓂᒐᓱᐛ᙮ 23ᒥᒄ ᓇᔅᒡ ᒥᔅᑎ ᐅᓯᒂᑭᓄᐅᒐ ᐊᓐ ᐃᔎᐤ, ᑕᐱᔅᑯᓐ ᒋᑭ ᐃᓯ ᐎᔭᔅᑐᑐᐛᑭᓄᐤ ᐊᓐ ᑲ ᐅᓯᒂᐊᑦ᙮ ᓂᐱᔨᒐᓂ ᑭᔭ ᐎᔾ ᒋᑭ ᓂᐸᐊᑭᓄᐤ᙮ 24ᐅᓯᒂᐊᒐ ᐅᔅᒋᓱᑯᐎᒡ ᑭᔭ ᒪᒃ ᐎᐱᑎᔨᒡ ᑭᔭ ᒪᒃ ᐅᓯᑎᔨᒡ᙮ ᐸᐃᑯᑕᐤ ᑭᔭ ᐎᔾ ᒋᑭ ᐃᓯ ᐅᓯᒂᐊᑭᓄᐤ᙮ 25ᐃᔎᓱᐎᒐᓂ ᑭᔭ ᐎᔾ ᒋᑭ ᐃᔎᓱᐛᑭᓄᐤ, ᐅᑐᒋᓯᓂᒐᓂ ᑭᔭ ᐎᔾ ᒋᑭ ᐅᑐᑲᐛᑭᓄᐤ᙮
26ᐅᑕᒪᐛᒐ ᐊᐛᓐ ᐅᑦ ᐊᐱᒋᐊᑭᓇ ᑭᔭ ᒪᒃ ᐅᑦ ᐊᐱᒋᐊᑭᓂᔎᒪ ᐅᔅᒋᓯᑯᐎᒡ ᑭᔭ ᐅᓂᑕᔨᒐᓂ ᐅᔅᒋᓯᑯᔪᐤ, ᒋᑭ ᐎ ᐱᔅᑎᓇᐤ ᐊᓂᔭ ᐅᑦ ᐊᐱᒋᐊᑭᓇ ᑭᔭ ᒪᒃ ᐅᑦ ᐊᐱᒋᐊᑭᓂᔎᒪ ᐊᒋ ᐅᓂᑕᔨᒋ ᐅᔅᒋᓯᑯᔪᐤ᙮ 27ᐃᔭᐱᒡ ᐎᐱᑎᔪᐤ ᐅᓂᑕᔨᒐᓂ ᐅᑦ ᐊᐱᒋᐊᑭᓇ ᐊᓂᔭ ᑲ ᐅᑕᒪᐛᑦ ᒋᑭ ᐎ ᐱᔅᑎᓇᐤ ᐊᓂᔭ ᐊᐱᒋᐊᑭᓇ᙮
28ᐊᑯ ᓇᐸᒥᔅᑐᔅ ᐅᓯᑯᐊᒐ ᓇᐸᐛ ᑭᔭ ᒪᒃ ᐃᔎᐛ ᑭᔭ ᓂᐱᔨᒐᓂ, ᒋᑭ ᐎ ᓂᐸᐊᑭᓄᐤ ᐊ ᐸᐱᐳᒧᓯᓇᑕᐊᑭᓄᐊᑦ ᐊᓯᓂᔭ ᑭᔭ ᓇᒪ ᒋᑭ ᐎ ᒧᐛᑭᓄᐤ᙮ ᒥᒄ ᓇᒪ ᒋᑭ ᐎ ᐊᓏᔨᒪᑭᓄᐤ ᐊᓐ ᑕᐸᔨᒪᑦ᙮ 29ᒥᒄ ᒥᒐᑥᐤ ᒋ ᐅᓯᒂᒐ ᐊᐛᔪᐛ ᐊᓐ ᓇᐸ ᒥᔅᑐᔅ ᑭᔭ ᐊᒋ ᐃᔭᒂᒪᑭᓄᐎᒋ ᑕᐸᔨᒥᑯᑦ, ᒥᒄ ᐊᓐ ᑕᐸᔨᒪᑦ ᐊᑲ ᐅᒋ ᒋᐸᐛᑦ ᐊᓐᑕ ᒪᓂᔅᑲᑎᑯᒡ ᐊᑯ ᓂᐸᐊᒐ ᐊᐛᔪᐛ, ᐊᑯ ᒋᑭ ᐎ ᓂᐸᐊᑭᓄᐤ ᐊᓐ ᓇᐸ ᒥᔅᑐᔅ ᐊ ᐸᐱᐳᒧᓯᓇᑕᐛᑭᓄᐅᑦ ᐊᓯᓂᔭ ᑭᔭ ᐊᓐ ᐃᔭᐱᒡ ᑕᐸᔨᒪᑦ ᒋᑭ ᐎ ᓂᐸᐊᑭᓄᐤ᙮ 30ᒥᒄ ᑕᑈᑐᐛᑭᓄᒐ ᒐᒋ ᒋᓯᐧᑲᓱᑦ ᒐ ᐊᑲ ᓂᐸᐊᑭᓄᐅᑦ, ᒥᓯᐛ ᐊᓂᔭ ᐊ ᐃᓯ ᓂᑐᐛᑎᒧᐛᑭᓄᐅᑦ ᒋᑭ ᐎ ᒋᓯᐧᑲᓱᐤ᙮ 31ᐃᔭᐱᒡ ᐸᐃᑯᑕᐤ ᐅ ᐃᑎᓱᐛᐅᓐ ᒋᑭ ᐱᒥᐱᔪᐤ ᓂᐸᐃᑯᒐ ᓇᐸᔅ ᑭᔭ ᒪᒃ ᐃᔎᔅ ᓇᐸᒥᔅᑐᓴ᙮ 32ᐊᑯ ᐊᐱᒋᐊᑭᓐ ᑭᔭ ᒪᒃ ᐊᐱᒋᐊᑭᓂᔎᐤ ᓂᐸᐃᑯᒐ ᐊᓂᔭ ᓇᐸ ᒥᔅᑐᓴ, ᐊᓐ ᑕᐸᔨᒪᑦ ᓇᐸ ᒥᔅᑐᓴ, ᒋᑭ ᐎ ᒋᓯᐧᑯᐛᐤ ᐊᓂᔭ ᑕᐸᔨᒪᔨᒋ ᐊᐱᒋᐊᑭᓇ ᑭᔭ ᒪᒃ ᐊᐱᒋᐊᑭᓂᔎᐛ ᓂᔅᑐᐎᔪᐤ ᓱᓇᔭᐱᔎ ᑭᔭ ᒋᑭ ᐎ ᓂᐸᐊᑭᓄᐤ ᓇᐸ ᒥᔅᑐᔅ ᐊ ᐸᐱᐳᒧᓯᓇᑕᐛᑭᓄᐅᑦ ᐊᓯᓂᔭ᙮
33ᑭᓄᐛᔨᑕᒐ ᐊᐛᓐ ᒧᓇᐃᐸᓂᔪᐤ ᑭᔭ ᐊᑲ ᐅᒋ ᒋᐸᐊᐧᒃ, ᑭᔭ ᐱᑎᓱᐛᐱᐃᒐᓂ ᓇᐸ ᒥᔅᑐᓴ ᑭᔭ ᒪᒃ ᑲᓂᐧᑲᑎᓯᔨᒋ ᑲᐸᐃᑭᔎᐛ ᑭᔭ ᓂᐱᔨᒐᓂ᙮ 34ᐊᓐ ᐊᐛᓐ ᑕᐸᔨᑕᐧᒃ ᐊᓂᔭ ᒧᓇᐃᐸᓂᔪᐤ ᒋᑭ ᐎ ᒋᓯᐧᑯᐛᐤ ᐊᓂᔭ ᑕᐸᔨᒪᔨᒋ ᒥᔅᑐᓴ ᑭᔭ ᒪᒃ ᐊᓂᔭ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮ ᒥᒄ ᒋᑭ ᑎᐸᔨᒪᐤ ᐊᓂᔭ ᑲ ᓂᐱᔨᒋ ᐊᐛᓯᓴ᙮
35ᐊᑯ ᐊᐛᓐ ᐅᓇᐸᒥᔅᑐᓯᒪ ᓂᐸᐃᒐᓂ ᑯᑎᑲ ᐊᐛᔪᐛ ᐅᓇᐸᒥᔅᑐᓯᒥᔪᐛ, ᐊᓐᒡ ᑕᐸᔨᒪᒡ ᐊᓂᔭ ᓇᐸ ᒥᔅᑐᓴ ᒋᑭ ᐎ ᑕᐛᒐᐅᒡ ᐊᓂᔭ ᓇᐸᒥᔅᑐᓴ ᐊᔅᒄ ᐊᐃᔪᐎᒋ ᐊᑯ ᒐ ᑕᑕᐅᓂᒪᑐᒡ ᐊᓂᔭ ᓱᓇᔭᔪᐤ ᑲ ᑲᔅᑎᓇᒡ ᑭᔭ ᐊᓂᔭ ᐎᔭᓯᔪᐤ ᐃᔭᐱᒡ ᒋᑭ ᐎ ᑕᑕᐅᓂᒪᑐᐅᒡ᙮ 36ᒥᒄ ᒋᔅᒐᔨᒪᑥᐛ ᐃᔪᒡ ᓇᐸ ᒥᔅᑐᓴ ᒥᒐᑥᐤ ᐊᒋ ᐅᓯᑯᐛᔨᒋ ᑯᑎᑲ ᐊᐛᓯᓴ ᑭᔭ ᐊᓐ ᑕᐸᔨᒪᑦ ᐊ ᐊᑲ ᐅᒋ ᒋᐸᐛᑦ ᒪᓂᔅᑲᑎᑯᒡ᙮ ᐊᑯ ᑕᐸᔨᒪᑦ ᐊᓂᔭ ᓇᐸ ᒥᔅᑐᓴ ᒋᑭ ᐎ ᒥᔭᐤ ᐅᓇᐸᒥᔅᑐᓯᒪ ᐊᓂᔭ ᑲ ᓂᐸᐊᑭᓄᐎᒋ ᐅᓇᐸᒥᔅᑐᓯᒥᔪᐛ ᒥᒄ ᒋᑭ ᒋ ᐅᑎᓇᐤ ᐊᓂᔭ ᑲ ᓂᐱᔨᒋ ᐊᐛᓯᓴ᙮
Currently Selected:
ᐊᒃᓱᑕᔅ 21: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᐊᒃᓱᑕᔅ 21
21
1ᑎᐸᔨᒋᒐᓱᐤ ᒂ ᒥᔭᑦ ᒧᓱᓴ ᐅᔭ ᐎᓱᐛᐅᓇ ᒐᒋ ᓇᓴᒥᔨᒋ ᐃᔅᕋᐃᓪ ᐃᔪᐛ᙮
ᐃᑉᕈᐤ ᐊᐱᒋᐊᑭᓐᒡ
2ᐃᔭᐛᒐ ᐊᐛᓐ ᐃᑉᕈᐤ ᐊᐱᒋᐊᑭᓇ, ᒋᑭ ᐎ ᐊᑐᔅᑲᑯᐤ ᐃᔅᐱᔅ ᐊᓱᑕᒡ ᑕᑐᐤ ᐱᐳᓇ, ᒥᒄ ᓂᔄᐅᑕᒡ ᐱᐳᓂᔪᐤ ᒋᑭ ᐎ ᐱᔅᑎᓇᐤ ᐊᑲ ᒋᓯᐧᑲᑯᑦ᙮ 3ᐊᑯ ᐸᐃᑯᓯᒐ ᓇᐸᐤ ᑲ ᐊᔭᐛᑭᓄᐅᑦ, ᐊ ᐸᐃᑯᓯᑦ ᒋᑭ ᐎ ᐱᔅᑎᓇᑭᓄᐤ᙮ ᒥᒄ ᑲ ᓂᐳᐅᒂ ᒪᒂᒡ ᑲ ᐃᔭᐛᑭᓄᐅᑦ, ᐎᔾ ᑭᔭ ᐎᐛ ᒋᑭ ᐎ ᐱᔅᑎᓇᑭᓄᐎᒡ᙮ 4ᐊᑯ ᒋᔾ ᒥᔨᑕ ᐃᔎᐛ ᒐ ᐎᐅᑦ, ᑭᔭ ᐅᑦ ᐊᐛᓯᒥᑕᐛ, ᒥᒄ ᐊᓐ ᓇᐸᐤ ᒋᑭ ᐎ ᒥᔭᑭᓄᐤ ᒐᒋ ᒋᔅᑐᑕᑦ; ᐎᐛ ᑭᔭ ᐅᑦ ᐊᐛᓯᒧᐛᐛ ᑎᐸᔨᒪᔪᐛ ᐊᓂᔭ ᐅᒋᒪᒪ᙮
5ᒥᒄ ᐊᑲ ᐎ ᓂᑭᑕᒐ ᐎᐛ ᑭᔭ ᐅᑦ ᐊᐛᓯᒪ, ᒋᑭ ᐎ ᐃᔅᒋᔄᐤ, “ᓂᓴᒋᐊᐤ ᓄᒋᒪᒻ, ᓂᐅ, ᑭᔭ ᓂᑦ ᐊᐛᓯᒥᒡ᙮ ᓇᒪ ᓂ ᐎ ᐱᔅᑎᓂᑯᓯᓐ᙮” 6ᒋᑭ ᐎ ᓂᐳᐤ ᐊᓐᑕ ᔅᑐᐧᑭᓇ ᐊ ᑕᔨᒋ ᑭᔭ ᒪᒃ ᐅᐱᒪ ᔅᑐᐧᑭᓂᒡ ᐊᓐᑕ ᐊᔭᒥᐊᐅᐱᒍᐎᔭᓂᒋᐛᐱᒡ ᒪᒂᒡ ᐅᒋᒪᒪ ᐊᐳᑭᓇᒥᔨᒋ ᐊᓂᔭ ᐸᐃᒄ ᐎᑐᑭᔾ᙮ ᐊᑯ ᒐ ᑎᐸᔨᒥᑯᑦ ᐅᒋᒪᒪ ᒐ ᐃᔅᐱᔅ ᐱᒪᑎᓯᑦ᙮
7ᓇᐸᐤ ᐊᑕᐛᒐᑦ ᐅᑕᓂᓴ ᒧᔭᒻ ᐊᐱᒋᐊᑭᓇ, ᓇᒪ ᒋᑭ ᒋ ᐱᔅᑎᓇᑭᓄᐤ ᐃᔎᐤ ᒧᔭᒻ ᐊ ᐃᓯ ᐱᔅᑎᓇᑭᓄᐎᒋ ᓇᐸᐤ ᐊᐱᒋᐊᑭᓇ᙮ 8ᐊᑯ ᐊᑲ ᓇᐊᔨᑎᒪᐊᒐ ᐅᒋᒪᒪ ᐊᓂᔭ ᑲ ᐃᔭᐅᑯᑦ ᒐᒋ ᐎᒋᒥᑯᑦ᙮ ᐊᑯ ᑲᐤ ᒐ ᑕᒪᑦ ᐅᑕᐎᒪᐛ, ᓇᒪ ᒋᑭ ᒋ ᑕᒪᐤ ᒪᓐᑕᐛ ᐊᓂᔭ ᐃᔎᓴ; ᐛᔅ ᐅᔭ ᐃᔨᑎᑦ ᐅᒋᒪᐤ ᒋᐸ ᐱᑯᓂᒻ ᓂᔅᑯᒧᐅᓂᔪᐤ ᑲ ᑐᑕᒡ ᐎᔾ ᑭᔭ ᐅᑕᐎᒪᐛ᙮ 9ᐅᑎᓇᒐ ᐊᓂᔭ ᐃᔎᓴ ᒐᒋ ᓂᐳᐅᐎᒋ ᐅᑯᓴ, ᒧᔭᒻ ᑎᐱᔨᐛ ᐅᑕᓂᓴ ᒋᑭ ᐎ ᐃᓯ ᐅᑎᓇᐤ᙮ 10ᐊᑯ ᐊᓐ ᓇᐸᐤ ᓂᐳᐅᒐ ᑯᑎᑲ ᐃᔎᐛ, ᐊᔅᒄ ᐃᔭᐱᒡ ᒋᑭ ᐎ ᐱᑲᔅᒐᐊᐤ ᐊᓂᔭ ᐃᔎᐛ ᑲ ᐃᔭᐛᑦ ᑭᔭ ᐊᔅᒃ ᒧᔭᒻ ᐎᐛ ᒋᑭ ᐎ ᐃᑐᑐᐛᐤ ᐊᓂᔭ ᐅᔅᑭᒡ ᑲ ᓂᐳᐅᑦ᙮ 11ᐊᑯ ᐊᑲ ᑐᑕᒐ ᐅᔭ ᒐᒂᔪᐛ, ᒋᑭ ᐎ ᐱᔅᑎᓇᐤ ᐃᔎᐛ ᐊᑲ ᒋᓯᐧᑯᐛᑭᓄᐅᑦ᙮
ᐊᐛᓐ ᐊ ᐅᓯᑯᔨᐛᑦ
12ᐊᐛᓐ ᐅᑕᒪᐛᒐ ᑯᑎᒂ ᓇᐸᐛ ᑭᔭ ᓂᐸᐊᒐ, ᑭᔭ ᐎᔾ ᒋᑭ ᐎ ᓂᐸᐊᑭᓄᐤ᙮ 13ᒥᒄ ᐊᐛᓐ ᐊᑲ ᐅᔅᑦ ᐃᑐᑐᐛᑦ ᐊ ᓂᐸᐊᑦ ᑯᑎᑲ ᓇᐸᐛ, ᒋᑭ ᒋ ᒋᑎᓯᒧᐤ ᐊᓐᑕ ᐃᑕᐅᓂᒡ ᐃᔅ, ᓂᔾ ᑎᐸᔨᒋᒐᓱᐤ, ᒐ ᐎᔭᔨᑎᒪᑕᓐ᙮ 14ᒥᒄ ᐃᑕᔨᑕᒐ ᐊᐛᓐ ᒐᒋ ᓂᐸᐊᑦ ᐊᐛᔪᐛ ᑭᔭ ᓂᐸᐊᒐ ᒪᒃ, ᒋᑭ ᐎ ᓂᐸᐊᑭᓄᐤ᙮
15ᒋᑭ ᐎ ᓂᐸᐊᑭᓄᐤ ᐃᔭᐱᒡ ᐊᐛᓐ ᐅᑕᒪᐛᒐ ᐅᑕᐎᔭ ᑭᔭ ᒪᒃ ᐅᑲᐎᔭ᙮
16ᐊᐛᓐ ᐊ ᒋᒧᑎᑦ ᑯᑎᑲ ᐊᐛᔪᐛ ᐊ ᐎ ᑕᐛᒐᑦ ᑭᔭ ᒪᒃ ᒐᒋ ᑭᓄᐛᔨᒪᑦ ᒧᔭᒻ ᐊᐱᒋᐊᑭᓇ, ᒋᑭ ᐎ ᓂᐸᐊᑭᓄᐤ᙮
17ᐊᐛᓐ ᑲ ᒪᔭᔨᒪᑦ ᐅᑕᐎᔭ ᑭᔭ ᒪᒃ ᐅᑲᐎᔭ ᒋᑭ ᐎ ᓂᐸᐊᑭᓄᐤ᙮
18ᒪᓯᐧᑲᑐᑥᐛ ᓂᓱ ᐊᐛᓐᒋ, ᐊᑯ ᐸᐃᒄ ᐅᑕᒪᐛᒐ ᐊᓯᓂᔪᐤ ᑭᔭ ᒪᒃ ᐅᑎᒋ ᑭᔭ ᐊᑲ ᓂᐱᔨᒐᓂ ᐊᓂᔭ ᐊᐛᔪᐛ ᑲ ᐅᑕᒪᐛᑦ ᒥᒄ ᐅᓂᐸᐅᓂᔨᒡ ᑕᔨᒐᓂ᙮ 19ᑭᔭ ᓇᓇᒐ ᒋ ᐱᒧᑕᔨᒐᓂ ᓯᔅᑲᐅᓂᔪᐤ ᐊᐱᒋᑕᔨᒋ, ᐊᑯ ᐊᓐ ᓇᐸᐤ ᑲ ᐅᑕᒪᐃᒐᑦ ᓇᒪ ᒋᑭ ᐊᓏᔨᒪᑭᓄᐤ᙮ ᒥᒄ ᒋᑭ ᐎ ᒋᓯᐧᑯᐛᐤ ᐊᓂᔭ ᓇᐸᐛ ᑲ ᐅᑕᒪᐛᑦ ᑲ ᐅᓂᑕᔨᒋ ᓱᓇᔭᔪᐤ ᐊᑲ ᐅᒋ ᐅᓯᑎᒪᓱᐎᒋ ᑭᔭ ᒋᑭ ᐎ ᒋᓯᐧᑲᓱᐛᐤ ᐊ ᐃᓯ ᓂᑐᐧᑲᑭᓄᐎᒋ ᐸᑐᔅ ᒥᔪᐱᒪᑎᓯᔨᒐᓂ᙮
20ᐊᑯ ᐅᑕᒪᐛᒐ ᒥᔅᑎᑯᔪᐤ ᐊᐛᓐ ᐅᑦ ᐊᐱᒋᐊᑭᓇ ᑭᔭ ᒪᒃ ᐅᑦ ᐊᐱᒋᐊᑭᓂᔎᒪ, ᐳᓂᐱᒪᑎᓯᐅᐎᒐᓂ ᐊᓂᔭ ᑲ ᐅᑕᒪᐛᑦ ᒋᑭ ᐊᓏᔨᒪᑭᓄᐤ᙮ 21ᒥᒄ ᐊᔅᒄ ᐃᔪᐎᒐᓂ ᐸᐃᑯᒋᓯᑲᐛ ᑭᔭ ᒪᒃ ᓂᓱᒋᓯᑲᐛ ᐃᔅᐱᔅ ᑭᔭ ᒐᒃ ᓂᐱᔨᒐᓂ, ᓇᒪ ᒋᑭ ᐊᓏᔨᒪᑭᓄᐤ ᐊᓐ ᐅᒋᒪᐤ, ᐛᔅ ᓴᔅ ᐊᓂᔭ ᐅᓇᐊᐤ ᑲ ᑎᐸᔨᒪᑦ᙮
22ᒪᓯᐧᑲᑐᑥᐛ ᓂᓱ ᐊᐛᓐᒋ ᑭᔭ ᐅᓯᒂᑥᐛ ᐊ ᐊᓱᐛᐱᒪᐅᓯᔪᐎᒋ ᐃᔎᐛ, ᐅᓂᑥᓱᐎᒐᓂ ᑭᔭ ᒥᒄ ᐊᑲ ᓇᔅᒡ ᐅᓯᒂᑭᓄᒐ ᐊᓐ ᐃᔎᐤ᙮ ᐊᓐ ᐊᐛᓐ ᑲ ᐅᓯᒂᐊᑦ ᒋᑭ ᐎ ᒋᓯᐧᑯᐛᐅᐤ ᐊᓂᔭ ᐅᓇᐸᒥᔪᐛ ᒥᒄ ᐊᓯ ᓂᑐᐛᑎᒪᑯᑦ, ᑭᔭ ᒋᑭ ᐎ ᑕᑈᑎᒥᔪᐛ ᑎᐸᔅᑭᓂᒐᓱᐛ᙮ 23ᒥᒄ ᓇᔅᒡ ᒥᔅᑎ ᐅᓯᒂᑭᓄᐅᒐ ᐊᓐ ᐃᔎᐤ, ᑕᐱᔅᑯᓐ ᒋᑭ ᐃᓯ ᐎᔭᔅᑐᑐᐛᑭᓄᐤ ᐊᓐ ᑲ ᐅᓯᒂᐊᑦ᙮ ᓂᐱᔨᒐᓂ ᑭᔭ ᐎᔾ ᒋᑭ ᓂᐸᐊᑭᓄᐤ᙮ 24ᐅᓯᒂᐊᒐ ᐅᔅᒋᓱᑯᐎᒡ ᑭᔭ ᒪᒃ ᐎᐱᑎᔨᒡ ᑭᔭ ᒪᒃ ᐅᓯᑎᔨᒡ᙮ ᐸᐃᑯᑕᐤ ᑭᔭ ᐎᔾ ᒋᑭ ᐃᓯ ᐅᓯᒂᐊᑭᓄᐤ᙮ 25ᐃᔎᓱᐎᒐᓂ ᑭᔭ ᐎᔾ ᒋᑭ ᐃᔎᓱᐛᑭᓄᐤ, ᐅᑐᒋᓯᓂᒐᓂ ᑭᔭ ᐎᔾ ᒋᑭ ᐅᑐᑲᐛᑭᓄᐤ᙮
26ᐅᑕᒪᐛᒐ ᐊᐛᓐ ᐅᑦ ᐊᐱᒋᐊᑭᓇ ᑭᔭ ᒪᒃ ᐅᑦ ᐊᐱᒋᐊᑭᓂᔎᒪ ᐅᔅᒋᓯᑯᐎᒡ ᑭᔭ ᐅᓂᑕᔨᒐᓂ ᐅᔅᒋᓯᑯᔪᐤ, ᒋᑭ ᐎ ᐱᔅᑎᓇᐤ ᐊᓂᔭ ᐅᑦ ᐊᐱᒋᐊᑭᓇ ᑭᔭ ᒪᒃ ᐅᑦ ᐊᐱᒋᐊᑭᓂᔎᒪ ᐊᒋ ᐅᓂᑕᔨᒋ ᐅᔅᒋᓯᑯᔪᐤ᙮ 27ᐃᔭᐱᒡ ᐎᐱᑎᔪᐤ ᐅᓂᑕᔨᒐᓂ ᐅᑦ ᐊᐱᒋᐊᑭᓇ ᐊᓂᔭ ᑲ ᐅᑕᒪᐛᑦ ᒋᑭ ᐎ ᐱᔅᑎᓇᐤ ᐊᓂᔭ ᐊᐱᒋᐊᑭᓇ᙮
28ᐊᑯ ᓇᐸᒥᔅᑐᔅ ᐅᓯᑯᐊᒐ ᓇᐸᐛ ᑭᔭ ᒪᒃ ᐃᔎᐛ ᑭᔭ ᓂᐱᔨᒐᓂ, ᒋᑭ ᐎ ᓂᐸᐊᑭᓄᐤ ᐊ ᐸᐱᐳᒧᓯᓇᑕᐊᑭᓄᐊᑦ ᐊᓯᓂᔭ ᑭᔭ ᓇᒪ ᒋᑭ ᐎ ᒧᐛᑭᓄᐤ᙮ ᒥᒄ ᓇᒪ ᒋᑭ ᐎ ᐊᓏᔨᒪᑭᓄᐤ ᐊᓐ ᑕᐸᔨᒪᑦ᙮ 29ᒥᒄ ᒥᒐᑥᐤ ᒋ ᐅᓯᒂᒐ ᐊᐛᔪᐛ ᐊᓐ ᓇᐸ ᒥᔅᑐᔅ ᑭᔭ ᐊᒋ ᐃᔭᒂᒪᑭᓄᐎᒋ ᑕᐸᔨᒥᑯᑦ, ᒥᒄ ᐊᓐ ᑕᐸᔨᒪᑦ ᐊᑲ ᐅᒋ ᒋᐸᐛᑦ ᐊᓐᑕ ᒪᓂᔅᑲᑎᑯᒡ ᐊᑯ ᓂᐸᐊᒐ ᐊᐛᔪᐛ, ᐊᑯ ᒋᑭ ᐎ ᓂᐸᐊᑭᓄᐤ ᐊᓐ ᓇᐸ ᒥᔅᑐᔅ ᐊ ᐸᐱᐳᒧᓯᓇᑕᐛᑭᓄᐅᑦ ᐊᓯᓂᔭ ᑭᔭ ᐊᓐ ᐃᔭᐱᒡ ᑕᐸᔨᒪᑦ ᒋᑭ ᐎ ᓂᐸᐊᑭᓄᐤ᙮ 30ᒥᒄ ᑕᑈᑐᐛᑭᓄᒐ ᒐᒋ ᒋᓯᐧᑲᓱᑦ ᒐ ᐊᑲ ᓂᐸᐊᑭᓄᐅᑦ, ᒥᓯᐛ ᐊᓂᔭ ᐊ ᐃᓯ ᓂᑐᐛᑎᒧᐛᑭᓄᐅᑦ ᒋᑭ ᐎ ᒋᓯᐧᑲᓱᐤ᙮ 31ᐃᔭᐱᒡ ᐸᐃᑯᑕᐤ ᐅ ᐃᑎᓱᐛᐅᓐ ᒋᑭ ᐱᒥᐱᔪᐤ ᓂᐸᐃᑯᒐ ᓇᐸᔅ ᑭᔭ ᒪᒃ ᐃᔎᔅ ᓇᐸᒥᔅᑐᓴ᙮ 32ᐊᑯ ᐊᐱᒋᐊᑭᓐ ᑭᔭ ᒪᒃ ᐊᐱᒋᐊᑭᓂᔎᐤ ᓂᐸᐃᑯᒐ ᐊᓂᔭ ᓇᐸ ᒥᔅᑐᓴ, ᐊᓐ ᑕᐸᔨᒪᑦ ᓇᐸ ᒥᔅᑐᓴ, ᒋᑭ ᐎ ᒋᓯᐧᑯᐛᐤ ᐊᓂᔭ ᑕᐸᔨᒪᔨᒋ ᐊᐱᒋᐊᑭᓇ ᑭᔭ ᒪᒃ ᐊᐱᒋᐊᑭᓂᔎᐛ ᓂᔅᑐᐎᔪᐤ ᓱᓇᔭᐱᔎ ᑭᔭ ᒋᑭ ᐎ ᓂᐸᐊᑭᓄᐤ ᓇᐸ ᒥᔅᑐᔅ ᐊ ᐸᐱᐳᒧᓯᓇᑕᐛᑭᓄᐅᑦ ᐊᓯᓂᔭ᙮
33ᑭᓄᐛᔨᑕᒐ ᐊᐛᓐ ᒧᓇᐃᐸᓂᔪᐤ ᑭᔭ ᐊᑲ ᐅᒋ ᒋᐸᐊᐧᒃ, ᑭᔭ ᐱᑎᓱᐛᐱᐃᒐᓂ ᓇᐸ ᒥᔅᑐᓴ ᑭᔭ ᒪᒃ ᑲᓂᐧᑲᑎᓯᔨᒋ ᑲᐸᐃᑭᔎᐛ ᑭᔭ ᓂᐱᔨᒐᓂ᙮ 34ᐊᓐ ᐊᐛᓐ ᑕᐸᔨᑕᐧᒃ ᐊᓂᔭ ᒧᓇᐃᐸᓂᔪᐤ ᒋᑭ ᐎ ᒋᓯᐧᑯᐛᐤ ᐊᓂᔭ ᑕᐸᔨᒪᔨᒋ ᒥᔅᑐᓴ ᑭᔭ ᒪᒃ ᐊᓂᔭ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮ ᒥᒄ ᒋᑭ ᑎᐸᔨᒪᐤ ᐊᓂᔭ ᑲ ᓂᐱᔨᒋ ᐊᐛᓯᓴ᙮
35ᐊᑯ ᐊᐛᓐ ᐅᓇᐸᒥᔅᑐᓯᒪ ᓂᐸᐃᒐᓂ ᑯᑎᑲ ᐊᐛᔪᐛ ᐅᓇᐸᒥᔅᑐᓯᒥᔪᐛ, ᐊᓐᒡ ᑕᐸᔨᒪᒡ ᐊᓂᔭ ᓇᐸ ᒥᔅᑐᓴ ᒋᑭ ᐎ ᑕᐛᒐᐅᒡ ᐊᓂᔭ ᓇᐸᒥᔅᑐᓴ ᐊᔅᒄ ᐊᐃᔪᐎᒋ ᐊᑯ ᒐ ᑕᑕᐅᓂᒪᑐᒡ ᐊᓂᔭ ᓱᓇᔭᔪᐤ ᑲ ᑲᔅᑎᓇᒡ ᑭᔭ ᐊᓂᔭ ᐎᔭᓯᔪᐤ ᐃᔭᐱᒡ ᒋᑭ ᐎ ᑕᑕᐅᓂᒪᑐᐅᒡ᙮ 36ᒥᒄ ᒋᔅᒐᔨᒪᑥᐛ ᐃᔪᒡ ᓇᐸ ᒥᔅᑐᓴ ᒥᒐᑥᐤ ᐊᒋ ᐅᓯᑯᐛᔨᒋ ᑯᑎᑲ ᐊᐛᓯᓴ ᑭᔭ ᐊᓐ ᑕᐸᔨᒪᑦ ᐊ ᐊᑲ ᐅᒋ ᒋᐸᐛᑦ ᒪᓂᔅᑲᑎᑯᒡ᙮ ᐊᑯ ᑕᐸᔨᒪᑦ ᐊᓂᔭ ᓇᐸ ᒥᔅᑐᓴ ᒋᑭ ᐎ ᒥᔭᐤ ᐅᓇᐸᒥᔅᑐᓯᒪ ᐊᓂᔭ ᑲ ᓂᐸᐊᑭᓄᐎᒋ ᐅᓇᐸᒥᔅᑐᓯᒥᔪᐛ ᒥᒄ ᒋᑭ ᒋ ᐅᑎᓇᐤ ᐊᓂᔭ ᑲ ᓂᐱᔨᒋ ᐊᐛᓯᓴ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada