ᐊᒃᓱᑕᔅ 20
20
ᐸᐃᑯᔪᐤ ᐃᑎᓱᐛᐅᓇ
Exodus 20.1-4, 7-10, 12-20 (Proper-22 Year A)
Exodus 20.1-17 (Lent-3 Year B)
1ᒋᓴᒪᓂᑐᐤ ᐎᔾ ᒋ ᐸᒋ ᐸᑕᑯᓂᒐᐤ ᐅᔭᔪᐛ ᐃᔨᒧᐅᓇ, ᐊᑯ ᐃᔭᑦ:
2“ᓂᔾ ᐊᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᒻ, ᑲ ᐅᒋ ᐸᒋ ᐎᐎᑕᐃᔅᒃ ᐃᒋᑉᑦ ᐊᔅᒋᒡ, ᐊ ᐛᐧᑲᑎᑯ-ᐊᔅᒋᒡ ᐅᒡ᙮
3ᐊᑲᐎᔾ ᒋᑭ ᐅᒋᓴᒪᓂᑐᒥᓐ ᑯᑎᑭᒡ ᒥᓂᑐᐅᒡ ᓂᔾ ᒥᒄ᙮
4ᐊᑲᐎᔾ ᐛᐛᒡ ᐸᐃᒄ ᒥᓂᑐᐧᑲᓐ ᒋᑭ ᐅᒋ ᐅᓯᑥᓱᓐ᙮ ᐊᑲᐎᔾ ᑭᔭ ᒐᒂᓐ ᐊᓂᔅᐱᑕᒧᒥᑲᒡ ᒋᒋᒋᓯᑯᒡ ᐃᔅᐱᒥᒡ ᐊ ᑎᒂᒡ ᑭᔭ ᐊᔅᒋᒡ ᑕᐱᓯᔅ ᑭᔭ ᓂᐱᒡ ᑕᒥᐸᑯᒡ᙮ 5ᐊᑲᐎᔾ ᒋᑭ ᐅᒋᒋᐧᑯᓂᐱᔅᑐᐛᐛᐅᒡ, ᐛᔅ ᓂᔾ ᑎᐸᔨᒋᒐᓱᐤ ᒋᒋᓴᒪᓂᑐᒻ ᓄᒋᐃᐛᐤ ᒋᓴᒪᓂᑐᐅᓐ; ᓂᑦ ᐊᔨᒥᐊᐅᒡ ᒪᒃ ᐊᐛᓯᒡ ᐅᑕᐎᐛᐛ ᐅᒥᒋᑥᐅᓂᔪᐛ ᐅᒡ ᐱᐃᒻ ᓂᔅᑐ ᑭᔭ ᓇᐤ ᒐ ᐊᑎ ᐊᓂᔅᒐ ᐱᒪᑎᓯᒡ ᐊᓐᒡ ᐎᔭᐧᑲᓯᒡ; 6ᓂ ᒋᓴᐛᑐᑐᐛᐅᒡ ᒪᒃ ᒥᒐᑥᐤ ᒐᓯᐱᔪᐤ ᒥᑕᑐᒥᑎᓄᐤ ᒐ ᐊᓂᔅᒐ ᐱᒪᑎᓯᒡ ᐊᓐᒡ ᓯᐊᒋᐃᒡ, ᑭᔭ ᓂᔭᑭᑐᐛᔨᑕᒡ ᐊᑎᓱᐛᐅᒡ᙮
Exodus 20.1-4, 7-10, 12-20 (Proper-22 Year A)
7ᐊᑲᐎᔾ ᓂᑐᐎᔾ ᒋᑭ ᐃᓯ ᐎᔭᐤ ᑎᐸᔨᒋᒐᓱᐤ ᒋᒋᓴᒪᓂᑐᒻ ᐛᔅ ᑎᐸᔨᒋᒐᓱᐤ ᓇᒪᐎᔾ ᒋᑭ ᒥᔪᑥᐛᔨᒪᐤ ᐊᓂᔭᔪᐛ ᓂᑐᐎᔾ ᐊᓯ ᐎᔨᑯᑦ᙮
8ᒧᔅ ᒋᔅᒋᔾ ᒐ ᐸᔭᒋ ᓇᑭᑐᐛᔨᑎᒥᓐ ᐊᔽᓯᐅᒋᓯᑲᒡ᙮ 9ᐊᓱᑕᒡ ᑕᑐᐤ ᒋᓯᑲᐛ ᒋᑭ ᐊᐱᑎᓯᓐ ᒋᑭ ᑐᑕᓐ ᑭᔭ ᒥᓯᐛ ᐊ ᑎᒂᒡ ᒐᒂᓐ ᒐ ᐃᑐᑎᒥᓐ᙮ 10ᒥᒄ ᓂᔄᐅᑕᒡ ᐊ ᒋᓯᑲᒡ ᐎᔾ ᐊᔪᐅᒄ ᐅᑦ ᐊᔽᓯᐅᒋᓯᑲᒻ ᑎᐸᔨᒋᒐᓱᐤ ᒋᒋᓴᒪᓂᑐᒻ᙮ ᐊᓐ ᒐᓯᑲᒡ ᐊᑲᐎᔾ ᐎᔭᔅᑦ ᒋᑭ ᐃᑕᐱᑎᓯᓐ, ᒋᔾ ᑭᔭ ᒋᑯᔅ ᑭᔭ ᒋᑕᓂᔅ, ᑭᔭ ᒋ ᓇᐸᐤ-ᐊᑐᔅᒐᔭᑭᓐ, ᑭᔭ ᒋᑦ ᐊᑐᔅᒐᔭᑭᓂᔎᒻ, ᑭᔭ ᒋᑦ ᐊᐛᓯᓯᒥᒡ, ᑭᔭ ᐊᓐ ᒪᓐᑕᐤ ᒋᑦ ᐃᑕᐅᓂᒡ ᐊᑕᑦ᙮ 11ᐛᔅ ᐊᓱᑕᒡ ᑕᑐᐤ ᒋᓯᑲᐛ ᒋ ᐃᔅᐱᔅ ᐅᓯᑕᑕᑯᐱᓐ ᑎᐸᔨᒋᒐᓱᐤ ᒋᒋᒋᓯᑯᔪᐤ ᑭᔭ ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᐊ ᑎᑯᓂᔨᒡ, ᒋ ᐊᔽᓯᑕᑯᐱᓐ ᒪᒃ ᓂᔄᐅᑕᒡ ᐊ ᒋᓯᑲᔨᒡ; ᐊᔪᐅᒄ ᐛᒋ ᒥᔪ ᐃᑐᑎᒥᑯᐱᓇ ᑎᐸᔨᒋᒐᓱᐤ ᐊᓂᔭᔪᐤ ᓂᔄᐅᑕᒡ ᐊ ᒋᓯᑲᔨᒡ, ᑭᔭ ᐛᒋ ᐸᔭᒋ ᒋᓯᑲᒐᑕᒧᑯᐱᓇ᙮
Exodus 20.1-4, 7-10, 12-20 (Proper-22 Year A)
12ᒋᔅᑕᔨᒻ ᒍᑕᐎᔾ ᑭᔭ ᒋᑲᐎᔾ, ᐊᑯ ᒪᒃ ᓇᐅᔅ ᒐᒋ ᑕᔨᓐ ᐊᓐᑕ ᑲ ᐅᑦ ᐊᔅᒋᒥᑲᔅᒃ ᑎᐸᔨᒋᒐᓱᐤ ᒋᒋᓴᒪᓂᑐᒻ᙮
13ᐊᑲᐎᔾ ᒋᑭ ᓂᐸᐃᔨᐛᓐ᙮
14ᐊᑲᐎᔾ ᒋᑭ ᐱᓯᒂᑎᓯᓐ᙮
15ᐊᑲᐎᔾ ᒋᑭ ᑭᒐᒧᑎᓐ᙮
16ᐊᑲᐎᔾ ᒋᑭ ᑭᒋᔭᐛᑕᒋᒪᐤ ᒋᒡ ᐃᔪᐤ᙮
17ᐊᑲᐎᔾ ᒋᑭ ᒧᔅᑕᓂᒧᐛᐤ ᒋᒡ ᐃᔪᐤ ᐎᒡ, ᐊᑲᐎᔾ ᒋᑭ ᒧᔅᑕᓂᒧᐛᐤ ᒋᒡ ᐃᔪᐤ ᐎᐛ, ᐊᑲᐎᔾ ᑭᔭ ᐅᑦ ᐊᑐᔅᒐᔭᑭᓂᒪ, ᑭᔭ ᐅᑦ ᐊᑐᔅᒐᔭᑭᓂᔎᒪ, ᑭᔭ ᐅᓇᐸᒥᔅᑐᓯᒪ ᑭᔭ ᑲᓂᐧᑲᑎᓯᔨᒋ ᐅᑲᐸᐃᑭᔎᒪ ᑭᔭ ᒥᒄ ᒐᒂᔪᐤ ᑕᐱᔨᐛᐅᓯᑦ᙮”
18ᐃᔅᐱ ᐱᔭᑐᐛᒡ ᐃᔪᒡ ᓂᒥᔅᒍᐛ ᑭᔭ ᐱᔭᑕᒡ ᐊ ᒋᔄᐛᒥᑭᓂᔨᒡ ᐳᑕᒋᑭᓂᔪᐤ ᑭᔭ ᐎᔭᐸᑕᒡ ᐊᐱᒋᑐᐛᔨᒡ ᐱᔅᑯᑎᓇᔪᐤ, ᒋ ᓇᓇᒥᐱᐅᒡ ᐊ ᑯᔅᑕᒋᒡ ᑭᔭ ᐛᔪᐤ ᒋ ᓂᐳᐅᐎᒡ᙮ 19ᐊᑯ ᐃᔪᒡ ᐃᑕᐅᒡ ᒧᓱᓴ, “ᒋᔾ ᐃᔨᒥᐃᓇᓐ ᑭᔭ ᓂᑭ ᓂᑐᑕᓇᓐ; ᒥᒄ ᐊᑲ ᓇᐃᒻ ᒐᒋ ᐃᔨᒥᔨᒥᑦ ᒋᓴᒪᓂᑐᐤ, ᓂᑭ ᓂᐳᐛᓇᓐ ᐃᔨᒥᔨᒥᒐ᙮”
20ᐊᑯ ᒧᓱᔅ ᐊᑕᑦ ᐃᔪᐛ, “ᐊᑲ ᑯᔅᑕᒋᒄ, ᐛᔅ ᒋᓴᒪᓂᑐᐤ ᔅᒋ ᐸᒋ ᓂᑐᐛᐱᒥᑯᐛᐤ ᒐᒋ ᑯᒂᒋᐃᑕᒄ ᑭᔭ ᐃᑐᑕᑕᒄ ᒐᒋ ᓇᓂᑎᒻ ᓂᓇᐃᑐᐛᒄ, ᐊᑯ ᒪᒃ ᒐ ᐊᑲ ᒥᒋᑐᑎᒪᒄ᙮”
21ᐊᑯ ᐃᔪᒡ ᐛᔪᐃᔅ ᒋ ᓂᐳᐅᐎᒡ ᐊᓐᑕ ᐊ ᑕᔨᒋ ᒋᓴᒪᓂᑐᐛ, ᒪᒂᒡ ᒧᓱᔅ ᐊᑐᑕᑦ ᒥᒋᒪ ᐊ ᑕᔨᒋ ᒋᓴᒪᓂᑐᐛ᙮
ᒥᓂᑐᐧᑲᓐᒡ ᑭᔭ ᐱᔅᑎᓂᒐᐅᓇᐱᔎ᙮
22ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ ᒐᒋ ᐃᑕᔨᒋ ᐃᔅᕋᐃᓪ ᐃᔪᐛ: ᒋᔨᐛᐤ ᓇᔅᒡ ᒋ ᐛᐸᑕᓇᐛᐤ ᒋᔅᒋᓯᑯᐛᒡ, ᑲ ᐃᔨᒥᑎᑯᒡ ᒋᒋᒋᓯᑯᒡ ᐅᒡ᙮ 23ᒐ ᐊᑲ ᐅᓯᐊᑯᒡ ᒥᓂᑐᐧᑲᓐᒡ ᐊ ᓱᓇᔭᐱᔅᑯᐅᒡ ᑭᔭ ᒪᒃ ᐊ ᐎᓴᐅᓱᓇᐱᔅᑯᐅᒡ ᒐᒋ ᐊᔭᒥᐊᔅᑐᐛᑯᒡ ᒥᔅᑯᒡ ᓂᔾ᙮
24ᒐ ᐛᓯᑕᔭᒄ ᐱᔅᑎᓂᒐᐅᓇᐱᔅᒄ ᐊᔅᒋᒡ ᐅᒡ ᑭᔭ ᒐ ᐱᔅᑎᓇᑯᒡ ᐊᓐᑕ ᒪᔭᑕᓂᓯᒡ, ᑲ ᐅᑦ ᐊᔅᑭᓂᓯᒡ ᑭᔭ ᒥᔅᑐᓯᒡ ᒥᑐᔅᑕᐊᒪᒐᐅᓇ ᒥᓯᐛ ᒐᒋ ᐃᔎᓱᒡ ᑭᔭ ᒧᔭᒻ ᒋᔭᒪᔨᑎᒧᐅ ᐱᔅᑎᓂᒐᐅᓇ᙮ ᑕᓐᑕ ᒥᒄ ᒐ ᐎᔭᔨᑎᒪᓐ ᒐᒋ ᐊᔭᒥᐊᔅᑕᑯᐅᔭᓐ, ᓂᑭ ᑎᑯᓯᓐ ᒐᒋ ᓱᐛᑕᑯᐎᑎᑯᒡ᙮ 25ᒐᒄ ᐛᓯᑕᔭᒂ ᐱᔅᑎᓂᒐᐅᓇᐱᔅᒄ ᐊᓯᓂᔭ ᐅᒡ, ᒐ ᐊᑲ ᒪᑎᓯᒪᒄ ᐊᓯᓂᔭ ᒐᒋ ᒥᔪᓇᑯᑕᔭᒄ ᐛᔅ ᓇᒪ ᒋᑭ ᒥᔽᐤ ᒐᒋ ᐸᔭᒋ-ᐊᐱᒋᑕᑭᓄᐅᒡ᙮ 26ᒐ ᐊᑲ ᐃᓯᓇᑯᑕᔭᒄ ᒐᒋ ᑕᑕᐧᑯᔅᑲᓇᓄᐅᒡ, ᐃᑐᑎᒪᒂ ᐅ ᒋᑭ ᓄᑯᓯᓇᐛᐤ ᐊ ᒧᓴᓯᔭᒄ ᐃᔅᐱ ᓴᑭᒋᐛᔭᒂ᙮
Currently Selected:
ᐊᒃᓱᑕᔅ 20: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada