ᐊᒃᓱᑕᔅ 16
16
ᒪᓇ ᑭᔭ ᐱᔭᓱᐛ
1ᒥᓯᐛ ᐃᔅᕋᐃᓪ ᐃᔪᒡ ᒋ ᓂᑭᑎᒧᒡ ᐃᓕᒻ ᑭᔭ ᒂ ᐃᑐᑕᒡ ᐊᓐᑕ ᐸᐧᑯᑎᔅᑭᒥᑲᒡ ᓯᓐ ᑲ ᐃᓯᓂᐧᑲᑕᔨᒡ᙮ ᑕᑕᐅᒡ ᐊᓐᑕ ᐃᓕᒻ ᑭᔭ ᓴᐃᓇᐃ ᐱᔅᑯᑎᓇᔪᐤ᙮ ᐱᑕᑕᒡ ᑕᑐᓴᑉ ᒋᓯᑯᔪᐤ ᐊᓂᔭ ᓂᓱ ᐱᓯᒺ ᐃᔅᐱ ᑲᒋ ᓂᑭᑕᒡ ᐃᒋᑉᑦ ᐊᔅᒋᔪᐤ᙮
Exodus 16.2-15 (Proper-20 Year A, Proper-13 Year B)
2ᐊᓐᑕ ᒪᒃ ᐸᐧᑯᑎᔅᑭᒥᑲᒡ, ᒋ ᐊᓏᔨᒪᐅᒡ ᐃᔪᒡ ᒧᓱᓴ ᑭᔭ ᐊᕋᓇ᙮ 3ᐊ ᐃᑕᒡ, “ᑭᒪ ᒋ ᓂᐸᐃᒥᑎᑕᒂ ᑎᐸᔨᒋᒐᓱᐤ ᐊᓐᑕ ᐃᒋᑉᑎᒡ ! ᐃᔅᐱ ᐊᓐᑕ ᑲ ᐎᒋᔭᒡ, ᐊᔪᐛᒡ ᓂᒋ ᐛᔅᑲᐱᔅᑕᓇᓐ ᐊᔅᒋᒂ ᐊ ᓴᑭᔅᒋᓇᒡ ᐎᔭᔅ ᑭᔭ ᓂᒋ ᒥᒋᓇᓐ ᒥᒋᒻ ᒥᒄ ᐊᔅᐱᔅ ᓂᑐᐛᔨᑎᒪᒡ, ᒥᒄ ᔅᒋ ᐸᓱᐅᓇᓐ ᐅᑕ ᐸᐧᑯᑎᔅᑭᒥᑲᒡ ᒐᒋ ᒥᓯᐛ ᑯᐧᑭᑕᐊᔭᒡ᙮”
4ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᒋᑭ ᐃᑎᓴᐊᒪᑎᓇᐛᐤ ᐸᒂᓯᑭᓐ ᒋᓯᑯᒡ ᐅᒡ, ᐊᓯᑯᒻ ᒋᓯᑲᐛ ᒋᑭ ᐎ ᓇᒋ ᒪᒧᓴᒋᓇᐅᒡ ᐃᔪᒡ ᐊᓂᔭ ᐸᒂᓯᑭᓇ ᒐ ᐃᔅᐱ ᐃᔅᐱᔨᒡ ᐊᓂᔭ ᒋᓯᑯᔪᐤ᙮ ᐊᑯᑕ ᒐ ᐅᒋ ᑯᒂᒋᐃᒂᐤ ᑭᔭ ᒐᔅᒐᔨᒥᒂᐤ ᒐ ᓇᓴᐊᒥᒂᓂᒋ ᓂᑦ ᐃᑎᓱᐛᐅᓇ᙮
5ᐊᓱᑕᒡ ᒋᓯᑯᔪᐤ ᒪᒃ, ᓂᔄᐤ ᐊᓐᑕ ᒋᑭ ᐃᔅᐱᔅ ᒪᒧᓴᒋᓂᒧᒡ ᒥᒋᒥᔪᐤ ᑲ ᐃᔅᐱᔅ ᒪᒧᓴᒋᓇᒡ ᑭᔭ ᒋᑭ ᐊᔭᔅᑯ ᐃᑐᑎᒧᒡ᙮”
6ᐊᑯ ᒧᓱᔅ ᑭᔭ ᐊᕋᓐ ᐊᔨᑕᒡ ᒥᓯᐛ ᐃᔅᕋᐃᓪ ᐃᔪᐛ, “ᐅᑕᑯᓯᔨᒐ ᒋᑭ ᒋᔅᒐᔨᑕᓇᐛᐤ ᐎᔾ ᐊᓐ ᑎᐸᔨᒋᒐᓱᐤ ᑲ ᐸᒋ ᐎᐎᑕᐃᑕᒄ ᐃᒋᑉᑎᒡ ᐅᒡ᙮ 7ᒐᒋᓴᐸᔭᒐ ᒋᑭ ᐛᐸᑎᒺᓇᐛᐤ ᑎᐸᔨᒋᒐᓱᐤ ᐅᒋᔅᑕᔨᑕᑯᓱᐅᓐ, ᐛᔅ ᒋ ᐸᑎᒻ ᑲ ᐊᓏᔨᒐᔭᒄ᙮ ᐊᐛᓐ ᐅ ᓂᔭᓐ, ᒐᒋ ᐊᓏᔨᒥᔭᒡ ?” 8ᒧᓱᔅ ᐃᔭᐱᒡ ᒋ ᐃᔅᒋᔄᐤ, “ᐎᔾ ᐊᓐ ᑎᐸᔨᒋᒐᓱᐤ ᒐ ᒥᔨᑕᒄ ᐎᔭᓯᔪᐤ ᒐ ᒥᒍᐛᒄ ᐛᑕᑯᓯᔨᒋ ᑭᔭ ᒪᒃ ᐊᔅᐱᔅ ᓂᑐᐛᔨᑎᒺᒄ ᒥᒋᒥᔪᐤ ᒋᔭᒋᓴᐸᔭᔨᒋ, ᐛᔅ ᒋ ᐸᑎᒻ ᑕᓐ ᑲ ᐃᔅᐱᔅ ᐊᓏᔨᒐᔭᒄ, ᐎᔾ ᐊᓐ ᑕᑈ ᑎᐸᔨᒋᒐᓱᐤ ᔅᒋ ᐊᓏᔨᒪᐛᐤ, ᓇᒪᔭᐤ ᓂᔭᓐ᙮”
9ᐊᑯ ᒧᓱᔅ ᐊᑕᑦ ᐊᕋᓇ, “ᒐ ᐃᑎᑥᐤ ᒥᓯᐛ ᐃᔅᕋᐃᓪ ᐃᔪᒡ, ‘ᐸᑐᑕᒄ ᒐ ᐅᑎᔅᑯᑲᐳᔅᑐᐛᒄ ᑎᐸᔨᒋᒐᓱᐤ, ᐛᔅ ᒋ ᐸᑎᒻ ᑲ ᐊᓏᔨᒐᔭᒄ᙮’ ”
10ᒪᒂᒡ ᐊᕋᓐ ᑲ ᐃᔨᒪᐊᑦ ᒥᓯᐛ ᐃᔅᕋᐃᓪ ᐃᔪᐛ, ᐸᐧᑯᑎᔅᑭᒥᑲᒡ ᒋ ᐃᑕᐳᐅᒡ ᐃᔪᒡ, ᐊᑯᑕ ᒪᒃ ᑲ ᓄᑯᓂᔨᒡ ᑎᐸᔨᒋᒐᓱᐤ ᐅᒋᔅᑕᔨᑕᑯᓱᐅᓐ ᐊᓐᑕ ᑭᔅᑯᐅᓂᒡ᙮
11ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, 12“ᓂᒋ ᐸᑎᒺᓐ ᐊᓏᔨᒐᒡ ᐃᔅᕋᐃᓪ ᐃᔪᒡ᙮ ᒐ ᐃᑎᑥᐤ, ‘ᐎᔭᔅ ᒋᑭ ᒥᒋᓇᐛᐤ ᐊᓯᑯᒻ ᐅᑕᑯᓯᔪᐛ ᑭᔭ ᒋᑭ ᐃᔅᐱᔨᑯᓇᐛᐤ ᐸᒂᓯᑭᓐ ᒋᔭᒋᓴᐸᔭᒋ᙮ ᐊᑯ ᒐᔅᒐᔨᒥᔭᒄ ᓂᔾ ᐊᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ᙮’ ”
13ᐊᓂᔭ ᒪᒃ ᐛᑕᑯᓯᔨᒡ, ᐱᔭᓱᐛ ᒋ ᐸᐱᔪᐛ ᑭᔭ ᒥᓯᐛ ᐊᓐᑕ ᒋ ᑥᐅᔪᐛ ᐊᓐᑕ ᑲ ᐎᒋᒡ, ᑭᔭ ᒋᔭᒋᓴᐸᔭᒡ ᒋ ᐊᑯᔅᒋᐸᔭᐤ ᒥᓯᐛ ᐛᔅᑲ ᐊᓐᑕ ᐛᒋᓇᓄᐅᒡ᙮ 14ᐃᔅᐱ ᐊᑲ ᓄᒂᒡ ᑲ ᐊᑯᔅᒋᐸᔭᒡ, ᐊ ᐱᐅᐱᔨᒡ ᒐᒂᓐ ᒧᔭᒻ ᐊ ᓂᐱᐛᐱᑕᒡ ᐊ ᐃᓯᓇᒂᒡ ᒋ ᓄᑯᓐ ᐊᓐᑕ ᒧᔅᑎᔅᑭᒥᒡ ᐸᐧᑯᑎᔅᑭᒥᑲᒡ᙮ 15ᐃᔅᐱ ᐃᔅᕋᐃᓪ ᐃᔪᒡ ᐎᔭᐸᑕᒡ ᐅᔭ, ᐊᑯ ᑲ ᐃᑎᑐᒡ, “ᒐᒂᓐ ᐊᓐ ?” ᐛᔅ ᓇᒪ ᐅᒋ ᒋᔅᒐᔨᑎᒧᒡ ᒐᒂᔪᐤ ᐊᓂᔭ᙮
ᐊᑯ ᒧᓱᔅ ᐊᑕᑦ, “ᐊᐅᑯᔪᐛ ᐊᓂᔭ ᐸᒂᓯᑭᓇ ᑲ ᒥᔨᑕᒄ ᑎᐸᔨᒋᒐᓱᐤ ᒐᒋ ᒧᐅᒪᑯᐤ᙮”
16ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᑲ ᐃᑎᓱᐛᑦ: ᑕᑐᐎᒡ ᐸᐃᒄ ᐊᐛᓐ ᒋᑭ ᐎ ᐅᑎᓂᒪᓱᐤ ᐊᔅᐱᔅ ᓄᑕᐱᔨᑦ ᐎᔾ᙮
17ᐃᔅᕋᐃᓪ ᐃᔪᒡ ᒋ ᐃᑐᑎᒧᒡ ᑲ ᐃᑎᓱᒪᑭᓄᐅᒡ᙮ ᐱᔅᒐ ᒋ ᒥᔅᑎ ᐅᑎᓇᓱᐅᒡ ᑭᔭ ᐱᔅᒐ ᐱᔅᓯᔅ ᒋ ᐅᑎᓇᓱᐅᒡ᙮ 18ᒥᒄ ᑲᒋ ᑎᐸᐸᑲᐊᒡ ᐊᓂᔭ ᑲ ᒪᐅᑎᒪᓱᒡ, ᐸᐃᒄ ᐊᐛᓐ ᒧᔭᒻ ᒋ ᐃᔅᐱᔅ ᒪᐅᒋᑎᒪᓱᐤ ᐊ ᐃᓯ ᓄᑕᐱᔨᑦ, ᓇᒪ ᒐᒂᓐ ᐅᒋ ᐃᔅᑯᐱᔪᐤ᙮ 19ᐊᑯ ᒧᓱᔅ ᒂ ᐃᑕᑦ, “ᒐ ᐊᑲ ᑭᓄᐛᔨᑎᒪᒃ ᒐᒂᓐ ᐸᐃᑯᑎᐱᔅᑲᐛ᙮” 20ᐱᔅᒐ ᐊᐛᓐᒋ ᓇᒪ ᐅᒋ ᓂᑐᑐᐛᐅᒡ ᒧᓱᓴ ᑭᔭ ᐊᕋᓇ, ᒋ ᐃᔅᑯᓇᐅᒡ ᐸᒂᓯᑭᓇ, ᒋ ᒥᓐᑐᓱᐅᔪᐤ ᑭᔭ ᒋ ᒥᒋᒪᑯᓂᔪᐤ ᐊᓂᔭ ᒥᒋᒥᔪᐤ᙮ ᐊᑯ ᒧᓱᔅ ᒋᒋᐛ ᒋ ᒋᔄᐃᑯᐤ ᐃᔅᕋᐃᓪ ᐃᔪᐛ᙮ 21ᐊᓯᑯᒻ ᒋᔭᒋᓴᐸᔭᒋ ᒥᓯᐛ ᐊᐛᓐ ᒋ ᒪᐅᒋᑎᒪᓱᐤ ᐊ ᐃᔅᐱᔅ ᓄᑕᐱᔨᑦ ᐊᑯ ᐊ ᒋᓱᐎᔨᒋ ᐱᓯᒺ ᒋ ᐊᐸᓱᔪᐛ ᐸᒂᓯᑭᓇ᙮
22ᐊᓱᑕᒡ ᒋᓯᑯᔪᐤ ᑲᒋ ᒋᒋᐱᔨᒡ ᐊ ᒪᐅᒋᑎᒪᓱᒡ, ᒥᓯᐛ ᐊᐛᓐ ᓂᔄᐤ ᒋ ᐃᔅᐱᔅ ᒪᒧᓴᒋᓇᐤ ᐸᒂᓯᑭᓇ᙮ ᒥᓯᐛ ᐅᒋᒪᐅᒡ ᒋ ᐎᑎᒧᐛᐅᒡ ᒧᓱᓴ᙮ 23ᒧᓱᔅ ᒂ ᐃᑕᑦ “ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᑲ ᐃᑎᓱᒥᑕᒄ: ᐛᐸᒐ, ᐊᐅᒄ ᐊᓐ ᒋᓱᒄ ᒐ ᐎ ᐊᔅᑕᔭᔅᑯᓯᔭᒄ ᐛᔅ ᐊᐅᒃ ᐊᓐ ᒋᓯᒄ ᐊ ᒋᔅᑕᔨᒪᑭᓄᐅᑦ ᑎᐸᔨᒋᒐᓱᐤ᙮ ᒐ ᐱᒥᓄᐛᔭᒄ ᑭᔭ ᒐ ᐅᓯᒪᒄ ᒐᒂᓐ ᐛ ᐅᓯᒪᒄ᙮ ᑭᔭ ᐃᔅᑯᐱᔭᒂ ᒥᒋᒻ ᒐ ᑭᓄᐛᔨᑎᒪᒄ ᐃᔅᐱᔅ ᒐᒋᓴᐸᔭᒐ᙮”
24ᐊᑯ ᒂ ᑐᑕᒡ ᐊᓂᔭ ᒧᓱᓴ ᐊᑎᓱᒥᑯᒡ᙮ ᐊᓂᔭ ᐊᔅᑯᐱᔨᒡ, ᒋ ᑭᓄᐛᔨᑎᒧᒡ ᐃᔅᐱᔅ ᒋᔭᒋᓴᐸᔨᒡ ᑭᔭ ᓇᒪ ᒋ ᐅᒋ ᐎᒐᑭᓂᔪᐤ ᑭᔭ ᒐᒋ ᒥᓐᑐᓱᐎᒡ᙮ 25ᒧᓱᔅ ᒂ ᐃᑕᑦ “ᒥᒋᒄ ᐊᓄᒡ ᐊᓐ ᒥᒋᒻ ᑲ ᐃᔅᑯᔅᑎᒪᒄ, ᐛᔅ ᐊᓄᒡ ᐅ ᐊᔽᓯᐅᒋᓯᒄ ᒋᑭ ᒪᒥᒋᒪᓄᐤ ᑎᐸᔨᒋᒐᓱᐤ, ᑭᔭ ᓇᒪ ᒋᑭ ᒥᔅᑲᓇᐛᐤ ᒥᒋᒻ ᐎᐎᑎᒥᒡ᙮ 26ᐊᓯᑯᒻ ᒥᓇᔅᑕᑭᓇ, ᒋᑭ ᐎ ᒪᒧᓴᒋᓇᐛᐤ ᐸᒂᓯᑭᓐ᙮ ᒥᒄ ᐊ ᓂᔄᐅᑕᒡ ᐊ ᒋᓯᑲᒡ ᐊᓐ ᒋᓯᒄ ᐊ ᒪᒥᒋᒪᑭᓄᐅᑦ ᑎᐸᔨᒋᒐᓱᐤ, ᓇᒪ ᒋᑭ ᒥᔅᑲᓇᐛᐤ ᒥᒋᒻ ᐎᐎᑎᒥᒡ᙮”
27ᒥᒄ ᑲᒋ ᐅᑎᒋᐱᔨᒡ ᐊᓂᔭ ᓂᔄᐅᑕᒡ ᒋᓯᑯᔪᐤ, ᐱᔅᒐ ᐃᔪᒡ ᒋ ᐎᐎᔪᐅᒡ ᒐᒋ ᒪᒧᓴᒋᓇᒡ ᐱᔅᒐ ᒥᒋᒥᔪᐤ᙮ ᓇᒪ ᐅᒋ ᑎᑯᓂᔪᐤ ᒥᒋᒥᔪᐤ ᒐᒋ ᒪᒧᓴᒋᓇᒡ᙮ 28ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᑕᓐ ᒐ ᐃᔅᐱᔅ ᐊᑲ ᓂᑐᑎᒪᒄ ᓂᑦ ᐃᑎᓱᐛᐅᓇ ?” 29ᐎ ᒋᔅᒋᑎᒧᒃ ᓂᔾ ᐅ ᑎᐸᔨᒋᒐᓱᐤ ᑲ ᒥᔨᑎᑯᒡ ᐅ ᒋᓯᒄ ᒐᒋ ᐊᔅᑕᔭᔅᑯᓯᔭᒃ᙮ ᐊᐅᑯᓐ ᐛᒋ ᒥᔨᑎᑯᒡ ᐊᓱᑕᒡ ᒋᓯᒄ ᓂᔄᐤ ᒐᒋ ᐃᔅᐱᔅ ᐅᑎᓂᒪᒄ ᒥᒋᒻ ᓂᓱ ᒋᓯᑲᐛ ᒐ ᐃᔅᐱᔭᒄ᙮ ᒥᓯᐛ ᐊᐛᓐ ᐎᒋᒡ ᒋᑭ ᐎ ᐃᑕᐤ ᒐ ᐊᑲ ᔅᑐᑕᑦ ᑭᔭ ᒪᒃ ᒐᒋ ᐎᐎᑦ᙮ 30ᐊᑯ ᐃᔅᕋᐃᓪ ᐃᔪᒡ ᒂ ᐊᔅᑕᔭᔅᑯᓯᒡ ᓂᔄᐅᑕᒡ ᒋᓯᑯᔪᐤ᙮
31ᐃᔅᕋᐃᓪ ᐃᔪᒡ “ᒪᓇ” ᒋ ᐃᓯᓂᐧᑲᑕᐅᒡ ᐊᓂᔭ ᐸᒂᓯᑭᓇ᙮ ᒧᔭᒻ ᐊ ᐛᐸᓯᒋ ᓂᑕᐅᒋᑕᑭᓇ ᒋ ᐃᓯᓇᑯᓂᔪᐛ, ᑭᔭ ᒧᔭᒻ ᑲᓯᐛᓯᐛᐳᐎᔾ ᐃᔭᑲᐅᑐᐛ ᒋ ᐃᔅᐳᑯᓯᔪᐛ᙮ 32ᒧᓱᔅ ᒂ ᐎᑎᒧᐛᑦ ᐃᔪᐛ ᒐᒂᔪᐤ ᑲ ᐃᔅᒋᔄᔨᒋ ᑎᐸᔨᒋᒐᓱᐛ, “ᒐ ᑭᓄᐛᔨᒪᒄ ᐱᔅᒐ ᒪᓇ ᒐᒋ ᐛᐱᒪᒡ ᒋᑦ ᐊᓂᔅᒐ ᐊᓂᔅᑯᑕᐸᓄᐛᐅᒡ, ᒐᒋ ᐛᐱᒪᒡ ᐸᒂᓯᑭᓇ ᑲ ᒥᔨᑐᑯᒡ ᐊᓐᑕ ᐸᐧᑯᑎᔅᑭᒥᑲᒡ ᐃᔅᐱ ᐃᒋᑉᑎᒡ ᐅᒡ ᑲ ᐅᑐᑕᔭᒄ᙮”
33ᒧᓱᔅ ᒂ ᐃᑕᑦ ᐊᕋᓇ, “ᐅᑎᓇ ᐸᐃᒄ ᐊᔅᒋᐧᒄ ᑭᔭ ᒐ ᐱᑕᐅᑦ ᐊᓐᑕ ᒪᓇ ᐳᔅᑯᔭᑭᓐ᙮ ᐊᑯ ᒐ ᐊᔅᑕᔨᓐ ᐊᓐᑕ ᐅᑎᔅᑯᐤ ᑎᐸᔨᒋᒐᓱᐤ ᐊᑕᑦ ᒐᒋ ᑭᓄᐛᔨᑕᑭᓄᐅᒡ᙮” 34ᐊᕋᓐ ᒂ ᐃᑐᑕᐧᒄ ᑎᐸᔨᒋᒐᓱᐛ ᑲ ᐃᑎᓱᒪᔨᒋ ᒧᓱᓴ᙮ 35ᐃᔅᕋᐃᓪ ᐃᔪᒡ ᓇᐎᔪᐛᐱᐳᓇ ᒋ ᐃᔅᐱᔅ ᒧᐛᐅᒡ ᐊᓂᔭ ᒪᓇ, ᐊᒺᔭ ᐅᑎᑕᒡ ᑲᐃᓇᓐ ᐊᔅᒋᔪᐤ᙮ 36ᐱᑕᑕᒡ ᑕᑐᔭᑭᓐ ᒋ ᐃᔅᐱᓴᒐ ᐊ ᑎᐸᐸᑲᐃᑭᓄᐅᒡ ᐸᐃᒄ ᐊᔅᒋᐧᒄ᙮
Currently Selected:
ᐊᒃᓱᑕᔅ 16: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᐊᒃᓱᑕᔅ 16
16
ᒪᓇ ᑭᔭ ᐱᔭᓱᐛ
1ᒥᓯᐛ ᐃᔅᕋᐃᓪ ᐃᔪᒡ ᒋ ᓂᑭᑎᒧᒡ ᐃᓕᒻ ᑭᔭ ᒂ ᐃᑐᑕᒡ ᐊᓐᑕ ᐸᐧᑯᑎᔅᑭᒥᑲᒡ ᓯᓐ ᑲ ᐃᓯᓂᐧᑲᑕᔨᒡ᙮ ᑕᑕᐅᒡ ᐊᓐᑕ ᐃᓕᒻ ᑭᔭ ᓴᐃᓇᐃ ᐱᔅᑯᑎᓇᔪᐤ᙮ ᐱᑕᑕᒡ ᑕᑐᓴᑉ ᒋᓯᑯᔪᐤ ᐊᓂᔭ ᓂᓱ ᐱᓯᒺ ᐃᔅᐱ ᑲᒋ ᓂᑭᑕᒡ ᐃᒋᑉᑦ ᐊᔅᒋᔪᐤ᙮
Exodus 16.2-15 (Proper-20 Year A, Proper-13 Year B)
2ᐊᓐᑕ ᒪᒃ ᐸᐧᑯᑎᔅᑭᒥᑲᒡ, ᒋ ᐊᓏᔨᒪᐅᒡ ᐃᔪᒡ ᒧᓱᓴ ᑭᔭ ᐊᕋᓇ᙮ 3ᐊ ᐃᑕᒡ, “ᑭᒪ ᒋ ᓂᐸᐃᒥᑎᑕᒂ ᑎᐸᔨᒋᒐᓱᐤ ᐊᓐᑕ ᐃᒋᑉᑎᒡ ! ᐃᔅᐱ ᐊᓐᑕ ᑲ ᐎᒋᔭᒡ, ᐊᔪᐛᒡ ᓂᒋ ᐛᔅᑲᐱᔅᑕᓇᓐ ᐊᔅᒋᒂ ᐊ ᓴᑭᔅᒋᓇᒡ ᐎᔭᔅ ᑭᔭ ᓂᒋ ᒥᒋᓇᓐ ᒥᒋᒻ ᒥᒄ ᐊᔅᐱᔅ ᓂᑐᐛᔨᑎᒪᒡ, ᒥᒄ ᔅᒋ ᐸᓱᐅᓇᓐ ᐅᑕ ᐸᐧᑯᑎᔅᑭᒥᑲᒡ ᒐᒋ ᒥᓯᐛ ᑯᐧᑭᑕᐊᔭᒡ᙮”
4ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, “ᒋᑭ ᐃᑎᓴᐊᒪᑎᓇᐛᐤ ᐸᒂᓯᑭᓐ ᒋᓯᑯᒡ ᐅᒡ, ᐊᓯᑯᒻ ᒋᓯᑲᐛ ᒋᑭ ᐎ ᓇᒋ ᒪᒧᓴᒋᓇᐅᒡ ᐃᔪᒡ ᐊᓂᔭ ᐸᒂᓯᑭᓇ ᒐ ᐃᔅᐱ ᐃᔅᐱᔨᒡ ᐊᓂᔭ ᒋᓯᑯᔪᐤ᙮ ᐊᑯᑕ ᒐ ᐅᒋ ᑯᒂᒋᐃᒂᐤ ᑭᔭ ᒐᔅᒐᔨᒥᒂᐤ ᒐ ᓇᓴᐊᒥᒂᓂᒋ ᓂᑦ ᐃᑎᓱᐛᐅᓇ᙮
5ᐊᓱᑕᒡ ᒋᓯᑯᔪᐤ ᒪᒃ, ᓂᔄᐤ ᐊᓐᑕ ᒋᑭ ᐃᔅᐱᔅ ᒪᒧᓴᒋᓂᒧᒡ ᒥᒋᒥᔪᐤ ᑲ ᐃᔅᐱᔅ ᒪᒧᓴᒋᓇᒡ ᑭᔭ ᒋᑭ ᐊᔭᔅᑯ ᐃᑐᑎᒧᒡ᙮”
6ᐊᑯ ᒧᓱᔅ ᑭᔭ ᐊᕋᓐ ᐊᔨᑕᒡ ᒥᓯᐛ ᐃᔅᕋᐃᓪ ᐃᔪᐛ, “ᐅᑕᑯᓯᔨᒐ ᒋᑭ ᒋᔅᒐᔨᑕᓇᐛᐤ ᐎᔾ ᐊᓐ ᑎᐸᔨᒋᒐᓱᐤ ᑲ ᐸᒋ ᐎᐎᑕᐃᑕᒄ ᐃᒋᑉᑎᒡ ᐅᒡ᙮ 7ᒐᒋᓴᐸᔭᒐ ᒋᑭ ᐛᐸᑎᒺᓇᐛᐤ ᑎᐸᔨᒋᒐᓱᐤ ᐅᒋᔅᑕᔨᑕᑯᓱᐅᓐ, ᐛᔅ ᒋ ᐸᑎᒻ ᑲ ᐊᓏᔨᒐᔭᒄ᙮ ᐊᐛᓐ ᐅ ᓂᔭᓐ, ᒐᒋ ᐊᓏᔨᒥᔭᒡ ?” 8ᒧᓱᔅ ᐃᔭᐱᒡ ᒋ ᐃᔅᒋᔄᐤ, “ᐎᔾ ᐊᓐ ᑎᐸᔨᒋᒐᓱᐤ ᒐ ᒥᔨᑕᒄ ᐎᔭᓯᔪᐤ ᒐ ᒥᒍᐛᒄ ᐛᑕᑯᓯᔨᒋ ᑭᔭ ᒪᒃ ᐊᔅᐱᔅ ᓂᑐᐛᔨᑎᒺᒄ ᒥᒋᒥᔪᐤ ᒋᔭᒋᓴᐸᔭᔨᒋ, ᐛᔅ ᒋ ᐸᑎᒻ ᑕᓐ ᑲ ᐃᔅᐱᔅ ᐊᓏᔨᒐᔭᒄ, ᐎᔾ ᐊᓐ ᑕᑈ ᑎᐸᔨᒋᒐᓱᐤ ᔅᒋ ᐊᓏᔨᒪᐛᐤ, ᓇᒪᔭᐤ ᓂᔭᓐ᙮”
9ᐊᑯ ᒧᓱᔅ ᐊᑕᑦ ᐊᕋᓇ, “ᒐ ᐃᑎᑥᐤ ᒥᓯᐛ ᐃᔅᕋᐃᓪ ᐃᔪᒡ, ‘ᐸᑐᑕᒄ ᒐ ᐅᑎᔅᑯᑲᐳᔅᑐᐛᒄ ᑎᐸᔨᒋᒐᓱᐤ, ᐛᔅ ᒋ ᐸᑎᒻ ᑲ ᐊᓏᔨᒐᔭᒄ᙮’ ”
10ᒪᒂᒡ ᐊᕋᓐ ᑲ ᐃᔨᒪᐊᑦ ᒥᓯᐛ ᐃᔅᕋᐃᓪ ᐃᔪᐛ, ᐸᐧᑯᑎᔅᑭᒥᑲᒡ ᒋ ᐃᑕᐳᐅᒡ ᐃᔪᒡ, ᐊᑯᑕ ᒪᒃ ᑲ ᓄᑯᓂᔨᒡ ᑎᐸᔨᒋᒐᓱᐤ ᐅᒋᔅᑕᔨᑕᑯᓱᐅᓐ ᐊᓐᑕ ᑭᔅᑯᐅᓂᒡ᙮
11ᐊᑯ ᑎᐸᔨᒋᒐᓱᐤ ᐊᑕᑦ ᒧᓱᓴ, 12“ᓂᒋ ᐸᑎᒺᓐ ᐊᓏᔨᒐᒡ ᐃᔅᕋᐃᓪ ᐃᔪᒡ᙮ ᒐ ᐃᑎᑥᐤ, ‘ᐎᔭᔅ ᒋᑭ ᒥᒋᓇᐛᐤ ᐊᓯᑯᒻ ᐅᑕᑯᓯᔪᐛ ᑭᔭ ᒋᑭ ᐃᔅᐱᔨᑯᓇᐛᐤ ᐸᒂᓯᑭᓐ ᒋᔭᒋᓴᐸᔭᒋ᙮ ᐊᑯ ᒐᔅᒐᔨᒥᔭᒄ ᓂᔾ ᐊᐅᒄ ᑎᐸᔨᒋᒐᓱᐤ ᒋᒋᓴᒪᓂᑐᒧᐛᐤ᙮’ ”
13ᐊᓂᔭ ᒪᒃ ᐛᑕᑯᓯᔨᒡ, ᐱᔭᓱᐛ ᒋ ᐸᐱᔪᐛ ᑭᔭ ᒥᓯᐛ ᐊᓐᑕ ᒋ ᑥᐅᔪᐛ ᐊᓐᑕ ᑲ ᐎᒋᒡ, ᑭᔭ ᒋᔭᒋᓴᐸᔭᒡ ᒋ ᐊᑯᔅᒋᐸᔭᐤ ᒥᓯᐛ ᐛᔅᑲ ᐊᓐᑕ ᐛᒋᓇᓄᐅᒡ᙮ 14ᐃᔅᐱ ᐊᑲ ᓄᒂᒡ ᑲ ᐊᑯᔅᒋᐸᔭᒡ, ᐊ ᐱᐅᐱᔨᒡ ᒐᒂᓐ ᒧᔭᒻ ᐊ ᓂᐱᐛᐱᑕᒡ ᐊ ᐃᓯᓇᒂᒡ ᒋ ᓄᑯᓐ ᐊᓐᑕ ᒧᔅᑎᔅᑭᒥᒡ ᐸᐧᑯᑎᔅᑭᒥᑲᒡ᙮ 15ᐃᔅᐱ ᐃᔅᕋᐃᓪ ᐃᔪᒡ ᐎᔭᐸᑕᒡ ᐅᔭ, ᐊᑯ ᑲ ᐃᑎᑐᒡ, “ᒐᒂᓐ ᐊᓐ ?” ᐛᔅ ᓇᒪ ᐅᒋ ᒋᔅᒐᔨᑎᒧᒡ ᒐᒂᔪᐤ ᐊᓂᔭ᙮
ᐊᑯ ᒧᓱᔅ ᐊᑕᑦ, “ᐊᐅᑯᔪᐛ ᐊᓂᔭ ᐸᒂᓯᑭᓇ ᑲ ᒥᔨᑕᒄ ᑎᐸᔨᒋᒐᓱᐤ ᒐᒋ ᒧᐅᒪᑯᐤ᙮”
16ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᑲ ᐃᑎᓱᐛᑦ: ᑕᑐᐎᒡ ᐸᐃᒄ ᐊᐛᓐ ᒋᑭ ᐎ ᐅᑎᓂᒪᓱᐤ ᐊᔅᐱᔅ ᓄᑕᐱᔨᑦ ᐎᔾ᙮
17ᐃᔅᕋᐃᓪ ᐃᔪᒡ ᒋ ᐃᑐᑎᒧᒡ ᑲ ᐃᑎᓱᒪᑭᓄᐅᒡ᙮ ᐱᔅᒐ ᒋ ᒥᔅᑎ ᐅᑎᓇᓱᐅᒡ ᑭᔭ ᐱᔅᒐ ᐱᔅᓯᔅ ᒋ ᐅᑎᓇᓱᐅᒡ᙮ 18ᒥᒄ ᑲᒋ ᑎᐸᐸᑲᐊᒡ ᐊᓂᔭ ᑲ ᒪᐅᑎᒪᓱᒡ, ᐸᐃᒄ ᐊᐛᓐ ᒧᔭᒻ ᒋ ᐃᔅᐱᔅ ᒪᐅᒋᑎᒪᓱᐤ ᐊ ᐃᓯ ᓄᑕᐱᔨᑦ, ᓇᒪ ᒐᒂᓐ ᐅᒋ ᐃᔅᑯᐱᔪᐤ᙮ 19ᐊᑯ ᒧᓱᔅ ᒂ ᐃᑕᑦ, “ᒐ ᐊᑲ ᑭᓄᐛᔨᑎᒪᒃ ᒐᒂᓐ ᐸᐃᑯᑎᐱᔅᑲᐛ᙮” 20ᐱᔅᒐ ᐊᐛᓐᒋ ᓇᒪ ᐅᒋ ᓂᑐᑐᐛᐅᒡ ᒧᓱᓴ ᑭᔭ ᐊᕋᓇ, ᒋ ᐃᔅᑯᓇᐅᒡ ᐸᒂᓯᑭᓇ, ᒋ ᒥᓐᑐᓱᐅᔪᐤ ᑭᔭ ᒋ ᒥᒋᒪᑯᓂᔪᐤ ᐊᓂᔭ ᒥᒋᒥᔪᐤ᙮ ᐊᑯ ᒧᓱᔅ ᒋᒋᐛ ᒋ ᒋᔄᐃᑯᐤ ᐃᔅᕋᐃᓪ ᐃᔪᐛ᙮ 21ᐊᓯᑯᒻ ᒋᔭᒋᓴᐸᔭᒋ ᒥᓯᐛ ᐊᐛᓐ ᒋ ᒪᐅᒋᑎᒪᓱᐤ ᐊ ᐃᔅᐱᔅ ᓄᑕᐱᔨᑦ ᐊᑯ ᐊ ᒋᓱᐎᔨᒋ ᐱᓯᒺ ᒋ ᐊᐸᓱᔪᐛ ᐸᒂᓯᑭᓇ᙮
22ᐊᓱᑕᒡ ᒋᓯᑯᔪᐤ ᑲᒋ ᒋᒋᐱᔨᒡ ᐊ ᒪᐅᒋᑎᒪᓱᒡ, ᒥᓯᐛ ᐊᐛᓐ ᓂᔄᐤ ᒋ ᐃᔅᐱᔅ ᒪᒧᓴᒋᓇᐤ ᐸᒂᓯᑭᓇ᙮ ᒥᓯᐛ ᐅᒋᒪᐅᒡ ᒋ ᐎᑎᒧᐛᐅᒡ ᒧᓱᓴ᙮ 23ᒧᓱᔅ ᒂ ᐃᑕᑦ “ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᑲ ᐃᑎᓱᒥᑕᒄ: ᐛᐸᒐ, ᐊᐅᒄ ᐊᓐ ᒋᓱᒄ ᒐ ᐎ ᐊᔅᑕᔭᔅᑯᓯᔭᒄ ᐛᔅ ᐊᐅᒃ ᐊᓐ ᒋᓯᒄ ᐊ ᒋᔅᑕᔨᒪᑭᓄᐅᑦ ᑎᐸᔨᒋᒐᓱᐤ᙮ ᒐ ᐱᒥᓄᐛᔭᒄ ᑭᔭ ᒐ ᐅᓯᒪᒄ ᒐᒂᓐ ᐛ ᐅᓯᒪᒄ᙮ ᑭᔭ ᐃᔅᑯᐱᔭᒂ ᒥᒋᒻ ᒐ ᑭᓄᐛᔨᑎᒪᒄ ᐃᔅᐱᔅ ᒐᒋᓴᐸᔭᒐ᙮”
24ᐊᑯ ᒂ ᑐᑕᒡ ᐊᓂᔭ ᒧᓱᓴ ᐊᑎᓱᒥᑯᒡ᙮ ᐊᓂᔭ ᐊᔅᑯᐱᔨᒡ, ᒋ ᑭᓄᐛᔨᑎᒧᒡ ᐃᔅᐱᔅ ᒋᔭᒋᓴᐸᔨᒡ ᑭᔭ ᓇᒪ ᒋ ᐅᒋ ᐎᒐᑭᓂᔪᐤ ᑭᔭ ᒐᒋ ᒥᓐᑐᓱᐎᒡ᙮ 25ᒧᓱᔅ ᒂ ᐃᑕᑦ “ᒥᒋᒄ ᐊᓄᒡ ᐊᓐ ᒥᒋᒻ ᑲ ᐃᔅᑯᔅᑎᒪᒄ, ᐛᔅ ᐊᓄᒡ ᐅ ᐊᔽᓯᐅᒋᓯᒄ ᒋᑭ ᒪᒥᒋᒪᓄᐤ ᑎᐸᔨᒋᒐᓱᐤ, ᑭᔭ ᓇᒪ ᒋᑭ ᒥᔅᑲᓇᐛᐤ ᒥᒋᒻ ᐎᐎᑎᒥᒡ᙮ 26ᐊᓯᑯᒻ ᒥᓇᔅᑕᑭᓇ, ᒋᑭ ᐎ ᒪᒧᓴᒋᓇᐛᐤ ᐸᒂᓯᑭᓐ᙮ ᒥᒄ ᐊ ᓂᔄᐅᑕᒡ ᐊ ᒋᓯᑲᒡ ᐊᓐ ᒋᓯᒄ ᐊ ᒪᒥᒋᒪᑭᓄᐅᑦ ᑎᐸᔨᒋᒐᓱᐤ, ᓇᒪ ᒋᑭ ᒥᔅᑲᓇᐛᐤ ᒥᒋᒻ ᐎᐎᑎᒥᒡ᙮”
27ᒥᒄ ᑲᒋ ᐅᑎᒋᐱᔨᒡ ᐊᓂᔭ ᓂᔄᐅᑕᒡ ᒋᓯᑯᔪᐤ, ᐱᔅᒐ ᐃᔪᒡ ᒋ ᐎᐎᔪᐅᒡ ᒐᒋ ᒪᒧᓴᒋᓇᒡ ᐱᔅᒐ ᒥᒋᒥᔪᐤ᙮ ᓇᒪ ᐅᒋ ᑎᑯᓂᔪᐤ ᒥᒋᒥᔪᐤ ᒐᒋ ᒪᒧᓴᒋᓇᒡ᙮ 28ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᑕᓐ ᒐ ᐃᔅᐱᔅ ᐊᑲ ᓂᑐᑎᒪᒄ ᓂᑦ ᐃᑎᓱᐛᐅᓇ ?” 29ᐎ ᒋᔅᒋᑎᒧᒃ ᓂᔾ ᐅ ᑎᐸᔨᒋᒐᓱᐤ ᑲ ᒥᔨᑎᑯᒡ ᐅ ᒋᓯᒄ ᒐᒋ ᐊᔅᑕᔭᔅᑯᓯᔭᒃ᙮ ᐊᐅᑯᓐ ᐛᒋ ᒥᔨᑎᑯᒡ ᐊᓱᑕᒡ ᒋᓯᒄ ᓂᔄᐤ ᒐᒋ ᐃᔅᐱᔅ ᐅᑎᓂᒪᒄ ᒥᒋᒻ ᓂᓱ ᒋᓯᑲᐛ ᒐ ᐃᔅᐱᔭᒄ᙮ ᒥᓯᐛ ᐊᐛᓐ ᐎᒋᒡ ᒋᑭ ᐎ ᐃᑕᐤ ᒐ ᐊᑲ ᔅᑐᑕᑦ ᑭᔭ ᒪᒃ ᒐᒋ ᐎᐎᑦ᙮ 30ᐊᑯ ᐃᔅᕋᐃᓪ ᐃᔪᒡ ᒂ ᐊᔅᑕᔭᔅᑯᓯᒡ ᓂᔄᐅᑕᒡ ᒋᓯᑯᔪᐤ᙮
31ᐃᔅᕋᐃᓪ ᐃᔪᒡ “ᒪᓇ” ᒋ ᐃᓯᓂᐧᑲᑕᐅᒡ ᐊᓂᔭ ᐸᒂᓯᑭᓇ᙮ ᒧᔭᒻ ᐊ ᐛᐸᓯᒋ ᓂᑕᐅᒋᑕᑭᓇ ᒋ ᐃᓯᓇᑯᓂᔪᐛ, ᑭᔭ ᒧᔭᒻ ᑲᓯᐛᓯᐛᐳᐎᔾ ᐃᔭᑲᐅᑐᐛ ᒋ ᐃᔅᐳᑯᓯᔪᐛ᙮ 32ᒧᓱᔅ ᒂ ᐎᑎᒧᐛᑦ ᐃᔪᐛ ᒐᒂᔪᐤ ᑲ ᐃᔅᒋᔄᔨᒋ ᑎᐸᔨᒋᒐᓱᐛ, “ᒐ ᑭᓄᐛᔨᒪᒄ ᐱᔅᒐ ᒪᓇ ᒐᒋ ᐛᐱᒪᒡ ᒋᑦ ᐊᓂᔅᒐ ᐊᓂᔅᑯᑕᐸᓄᐛᐅᒡ, ᒐᒋ ᐛᐱᒪᒡ ᐸᒂᓯᑭᓇ ᑲ ᒥᔨᑐᑯᒡ ᐊᓐᑕ ᐸᐧᑯᑎᔅᑭᒥᑲᒡ ᐃᔅᐱ ᐃᒋᑉᑎᒡ ᐅᒡ ᑲ ᐅᑐᑕᔭᒄ᙮”
33ᒧᓱᔅ ᒂ ᐃᑕᑦ ᐊᕋᓇ, “ᐅᑎᓇ ᐸᐃᒄ ᐊᔅᒋᐧᒄ ᑭᔭ ᒐ ᐱᑕᐅᑦ ᐊᓐᑕ ᒪᓇ ᐳᔅᑯᔭᑭᓐ᙮ ᐊᑯ ᒐ ᐊᔅᑕᔨᓐ ᐊᓐᑕ ᐅᑎᔅᑯᐤ ᑎᐸᔨᒋᒐᓱᐤ ᐊᑕᑦ ᒐᒋ ᑭᓄᐛᔨᑕᑭᓄᐅᒡ᙮” 34ᐊᕋᓐ ᒂ ᐃᑐᑕᐧᒄ ᑎᐸᔨᒋᒐᓱᐛ ᑲ ᐃᑎᓱᒪᔨᒋ ᒧᓱᓴ᙮ 35ᐃᔅᕋᐃᓪ ᐃᔪᒡ ᓇᐎᔪᐛᐱᐳᓇ ᒋ ᐃᔅᐱᔅ ᒧᐛᐅᒡ ᐊᓂᔭ ᒪᓇ, ᐊᒺᔭ ᐅᑎᑕᒡ ᑲᐃᓇᓐ ᐊᔅᒋᔪᐤ᙮ 36ᐱᑕᑕᒡ ᑕᑐᔭᑭᓐ ᒋ ᐃᔅᐱᓴᒐ ᐊ ᑎᐸᐸᑲᐃᑭᓄᐅᒡ ᐸᐃᒄ ᐊᔅᒋᐧᒄ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada