ᐊᑈᔅᑕᓇᒡ 17
17
ᑈᓪ ᑭᔭ ᓴᓂᔅ ᐊᓐᑕ ᑕᓴᓗᓇᐃᑲᒡ ᑲ ᑕᒡ
1ᐊᑯ ᑈᓪ ᑭᔭ ᓴᓂᔅ ᐊᓐᑕ ᐊᒻᐱᐳᓕᔅ ᑭᔭ ᐊᐳᓗᓂᔭ ᑲ ᐃᓯᓂᐧᑲᑕᔨᒋ ᐅᑕᓇᐛ ᒂ ᐊᑎ ᐃᑐᑕᒡ᙮ ᐊᑯ ᒥᓐ ᐊᓐᑕ ᑕᓴᓗᓇᐃᑲ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒂ ᐃᑐᑕᒡ᙮ ᐊᓐᑕ ᒪᒃ ᑕᓴᓗᓇᐃᑲᒡ ᒋ ᑎᑯᓐ ᒍᐤ ᐊᔭᒥᐊᐅᒋᐛᑉ᙮ 2ᒋ ᐃᑐᑕᐤ ᑈᓪ ᐊᓐᑕ ᐊᓂᔭ ᐊᔭᒥᐊᐅᒋᐛᐱᔪᐤ, ᐛᔅ ᐊᐅᒄ ᐅᔭ ᑲᒋ ᐃᑎᑦ ᒪᓐ᙮ ᓂᔍᐤ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋ ᐛᐎᑎᒧᐛᐤ ᐊᓂᔭ ᐃᔪᐛ ᑕᓐ ᐊ ᐃᓯ ᐊᔨᒧᒪᑭᓄᔨᒋ ᙭ᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ, 3ᐊ ᐃᑎᔅᑕᔨᒡ ᔭᐃᑕᔾ ᐊᒋ ᓂᑐᐛᔨᑕᑯᓯᔨᒋ ᒐᒋ ᓂᓇᐧᑲᒋᐊᑭᓄᔨᒋ ᙭ᑕ, ᑭᔭ ᑲᐤ ᒐᒋ ᐅᓂᔅᑲᔨᒋ ᓂᐳᐅᓂᒡ ᐅᒋ᙮ ᒋ ᐃᑕᐤ ᒪᒃ ᐊᓂᔭ ᐃᔪᐛ, “ᐅ ᒋᓴᔅ ᑲ ᐊᔨᒧᒥᒃ, ᐊᐅᒄ ᐅ ᙭, ᒋᓴᒪᓂᑐᐛ ᑲ ᐸᒋ ᐃᑎᓴᐅᑯᑦ᙮” 4ᐱᔅᒐ ᒪᒃ ᐊᓐᒡ ᑲ ᓂᑐᑐᐛᒡ ᑈᓚ ᑭᔭ ᓴᓂᓴ ᒋ ᓴᐧᑯᒋᒥᑯᐅᒡ, ᐊᑯᑕ ᒪᒃ ᑲ ᐃᓯ ᐎᒋᐃᐛᒡ ᐊ ᑕᔨᒋ᙮ ᒥᒐᑦ ᑯᕆᒃ ᐃᔪᒡ ᑲ ᐊᔭᒥᐊᐛᑎᓯᒡ, ᑭᔭ ᒥᒐᑦ ᐃᔎᐅᒡ ᑲ ᒋᔅᑕᔨᒪᑭᓄᐎᒡ ᒋ ᓴᐧᑯᒋᒪᑭᓄᐎᒡ᙮
5ᒋ ᐅᑕᔨᒥᑯᐅᒡ ᒪᒃ ᒍᐤ ᐃᔪᐛ, ᐃᔅᐱ ᐎᔭᐱᒥᑯᒡ ᒥᒐᑦ ᐊᐛᔪᐛ ᐊ ᐎᒋᐃᑯᒡ᙮ ᒋ ᒪᒧᓇᔪᐛ ᐊᓂᔭᔪᐛ ᐊᐛᔪᐛ ᐊᑲ ᐱᐸᔅᐱᓇ ᑲ ᐃᑎᔨᒋ ᒪᓐ, ᐊᑯ ᑲ ᒪᒧᐎᐛᑯᑕᔨᒡ ᑲ ᒥᒋᐱᔨᑕᔨᒋ ᐊᓐᑕ ᐅᑕᓇᒡ᙮ ᑲ ᐃᑐᑕᔨᒋ ᐊᓐᑕ ᒐᐃᓯᓇ ᐎᒋᔨᒡ, ᐊᒋ ᐃᑕᔨᑕᒡ ᒐ ᒥᔅᑯᐛᒡ ᐊᓂᔭ ᑈᓚ ᑭᔭ ᓴᓂᓴ ᐊᓐᑕ᙮ ᒋ ᐎ ᒪᑯᓇᐅᒡ ᐊᓂᔭ ᑈᓚ ᑭᔭ ᓴᓂᓴ ᐊᒋ ᐎ ᐃᑐᑕᐊᒡ ᐊᓐᑕ ᑲ ᑕᔨᒋ ᐊᓂᔭ ᐃᔪᐛ ᑲ ᒋᔄᐊᒡ᙮ 6ᐃᔅᐱ ᒪᒃ ᐊᑲ ᒪᔅᑯᐛᒡ ᑈᓚ ᑭᔭ ᓴᓂᓴ ᐊᓐᑕ ᒐᐃᓯᓇ ᐊ ᑕᔨᒋ, ᐊᑯ ᐊᓂᔭ ᒐᐃᓯᓇ ᑭᔭ ᑯᑎᑲ ᐎᐧᑲᓂᓯᒪᐛ ᐊᓐᑕ ᑲ ᐃᑐᑕᐊᒡ ᐊᓂᔭ ᑲ ᓂᑲᓂᔅᑭᒥᔨᒋ ᐊᓂᔭ ᐅᑕᓇᔪᐤ ᐊ ᑕᔨᒋ᙮ ᒋ ᑕᑈᐅᒡ ᐊ ᐃᔅᒋᔄᒡ, “ᑈᓪ ᑭᔭ ᓴᓂᔅ ᒧᔅ ᒥᒋᐱᔨᑕᐅᒡ ᐊᓐᑕ ᐊ ᐊᑎ ᐃᑕᒡ, ᑭᔭ ᑕᑯᓯᓂᒡ ᐅᑕ ᒋᑦ ᐃᑕᐅᓇᒡ᙮ 7ᒐᐃᓴᓐ ᒪᒃ ᐊᓐᑕ ᐎᒋᒡ ᒋ ᑭᓄᐛᔨᒪᒐ ᑈᓚ ᑭᔭ ᓴᓂᓴ᙮ ᓇᒪ ᒪᒃ ᓂ ᐅᒋ ᒥᔅᑯᐛᓇᓐᒡ ᐊᑎ ᐊᒋ ᓇᓂᑐᐛᔨᒥᒋᒡ ᐊᓐᑕ᙮ ᐊᑯ ᒪᒃ ᒐᐃᓴᓐ ᐱᔭᓱᐎᒋᑦ ᑭᔭ ᐊᓂᔭᔪᐛ ᐎᒐᐛᑭᓇ᙮ ᒥᓯᐛ ᐊᓏᑎᒧᒡ ᑕᓐ ᐊ ᐃᑎᔅᑕᔨᒡ ᒋᓴᐅᒋᒪᐛ ᓯᓴᕋ ᐅᐎᓱᐛᐅᓂᔪᐤ, ᐊ ᐃᔅᒋᔄᒡ ᐊ ᑕᔨᒋ ᑯᑎᑲ ᒋᓴᐅᒋᒪᐛ ᒋᓴᔅ ᐊ ᐃᓯᓂᐧᑲᓱᔨᒋ,” ᐊᐅᒄ ᐅᔭ ᒋᐸ ᓂᓇᐃᑐᐛᑭᓄᐅᔪᐛ ᐊ ᐃᔅᒋᔄᒡ᙮ 8ᐅᔭ ᒪᒃ ᑲ ᐃᔅᒋᔄᒡ ᒋ ᐃᑐᑐᐛᐅᒡ ᐊᓂᔭᔪᐛ ᐃᔪᐛ, ᑭᔭ ᐊᓂᔭᔪᐛ ᑲ ᓂᑲᓂᔅᑭᒥᔨᒋ ᐊᓂᔭ ᐅᑕᓇᔪᐤ ᒐᒋ ᒥᔅᑎ ᒋᔄᓯᔅᑐᐛᔨᒋ ᒐᐃᓴᓇ ᑭᔭ ᐊᓂᔭ ᑈᓚ ᑭᔭ ᒪᒃ ᓴᓂᓴ᙮ 9ᐊᑯ ᑲ ᐃᑕᑭᓄᐅᑦ ᒐᐃᓴᓐ ᑭᔭ ᐊᓐᒡ ᑯᑎᑭᒡ ᑲ ᑕᑈᑕᒡ ᒐᒋ ᒋᓯᐧᑲᓱᒡ ᑭᔭ ᐃᔭᒄ ᒂ ᐱᔅᑎᓇᑭᓄᐎᒡ᙮
ᑈᓪ ᑭᔭ ᓴᓂᔅ ᐊᓐᑕ ᐸᕆᔭᒡ ᑲ ᐃᑎᓴᐛᑭᓄᐎᒡ
10ᐎᐱᒡ ᒪᒃ ᐊ ᐊᑎ ᑎᐱᔅᑲᔨᒡ, ᐊᓐᒡ ᐎᐧᑲᓂᓯᒪᐅᒡ ᒋ ᐃᑎᓴᐛᐅᒡ ᐊᓂᔭ ᑈᓚ ᑭᔭ ᓴᓂᓴ ᐊᓐᑕ ᐅᑕᓇᔪᐤ ᐸᕆᔭ ᑲ ᐃᓯᓂᐧᑲᑕᔨᒡ᙮ ᐃᔅᐱ ᒪᒃ ᑕᑯᓯᓂᒡ ᐊᓐᑕ ᑎᐛᒡ ᒋ ᐃᑐᑕᐅᒡ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᒡ᙮ 11ᐊᓐᒡ ᒪᒃ ᒍᐤ ᐃᔪᒡ ᐊᓐᑕ ᐸᕆᔭᒡ ᑲ ᑕᒡ ᓇᔅᒡ ᒋ ᒥᔽᔨᑎᒧᒡ ᐎᔨᐛᐤ ᐊ ᓂᑐᑐᐛᒡ ᐊᓂᔭ ᑈᓚ ᑭᔭ ᓴᓂᓴ ᓇᒪ ᐊᓂᔭ ᐃᔪᐛ ᐊᓐᑕ ᑕᓴᓗᓇᐃᑲ ᑲ ᑕᔨᒋ ᑲ ᐃᑎᔨᒋ᙮ ᓇᔅᒡ ᒋ ᓂᑐᑐᐛᐅᒡ ᑭᔭ ᐊᓯᑯᒻ ᒋᓯᑲᐛ ᒋ ᓂᑐ ᒋᔅᒐᔨᑎᒧᒡ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᒋ ᐎ ᓂᑐ ᒋᔅᒐᔨᒪᒡ ᑈᓚ ᑎᔭᑈᔨᒂᓂ ᐊᓂᔭ ᑲ ᐃᔅᒋᔄᔨᒋ᙮ 12ᐊᑯ ᒥᒐᑦ ᒍᐤ ᐃᔪᒡ ᒋ ᐊᑎ ᑕᑈᔭᔨᒪᐅᒡ ᐅᑎᐸᔨᒋᒐᐛ ᒋᓴᓴ, ᑭᔭ ᒥᒐᑦ ᑲ ᒋᔅᑕᔨᑕᑯᓯᒡ ᑯᕆᒃ ᐃᔎᐅᒡ ᑭᔭ ᓇᐸᐅᒡ ᒋ ᑕᑈᔭᔨᒪᐅᒡ ᑭᔭ ᐎᔨᐛᐤ ᒋᓴᓴ᙮
13ᐃᔅᐱ ᒪᒃ ᐱᔭᑕᒡ ᐊᓐᒡ ᒍᐤ ᐃᔪᒡ ᐊᓐᑕ ᑕᓴᓗᓇᐃᑲᒡ ᑲ ᑕᒡ ᑈᓚ ᐊ ᐛᐎᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᐸᕆᔭ ᐅᑕᓇᒡ, ᒋ ᐃᑐᑕᐅᒡ ᐊᓐᑕ, ᒂ ᐃᑐᑐᐛᒡ ᑭᔭ ᐊᓂᔭ ᐃᔪᐛ ᐊᓐᑕ ᒐᒋ ᒋᔄᐃᑯᒡ ᐊᓂᔭ ᑈᓚ ᑭᔭ ᓴᓂᓴ᙮ 14ᐊᑯ ᐊᓐᒡ ᐎᐧᑲᓂᓯᒪᐅᒡ ᑎᐛᒡ ᒂ ᐃᑎᓴᐛᒡ ᑈᓚ ᐊᓐᑕ ᓯᓱᒡ ᐎᓂᐸᑯᒡ᙮ ᓴᓂᔅ ᑭᔭ ᑎᒧᑎ ᐊᑯᑕ ᑲ ᑕᒡ ᐎᔨᐛᐤ ᐊᓐᑕ ᐸᕆᔭᒡ᙮ 15ᐊᑯ ᐊᓐᒡ ᓇᐸᐅᒡ ᑲ ᐃᑕᐅᔭᒡ ᑈᓇ ᐊᓐᑕ ᐊᑕᓐᓯᒡ᙮ ᐊᑯ ᐊᓐᒡ ᓇᐸᐅᒡ ᒥᓐ ᑲᐤ ᐸᕆᔭᒡ ᒂ ᐃᓯ ᒋᐛᐅᒡ, ᐊᒋ ᐃᑎᑯᒡ ᑈᓚ ᒐᒋ ᐃᑕᒡ ᓴᓂᓴ ᑭᔭ ᑎᒧᑎᔨᒋ ᐎᐱᒡ ᒐᒋ ᐸᒋ ᓂᑐᐛᐱᒥᑯᑦ᙮
ᑈᓪ ᐊᓐᑕ ᐊᑕᓐᓯᒡ ᑲ ᑕᑦ
16ᒪᒂᒡ ᒪᒃ ᑈᓪ ᐊ ᐊᓱᐛᐱᒪᑦ ᓴᓂᓴ ᑭᔭ ᑎᒧᑎᔨᒋ ᐊᓐᑕ ᐊᑕᓐᓯᒡ, ᒥᓯᐛ ᐊᓐᑕ ᐊ ᐃᑕᐱᑦ ᒋ ᐛᐱᒪᐤ ᒥᓂᑐᐧᑲᓇ, ᐊᑯ ᓇᔅᒡ ᑲ ᐅᔅᑐᐛᔨᑎᒥᐃᑯᑦ᙮ 17ᐊᐅᒄ ᐛᒋ ᐃᑐᑕᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᒐᒋ ᐎᑎᒧᐛᑦ ᒥᔽᒋᒧᐅᓂᔪᐤ ᐊᓂᔭᔪᐛ ᒍᐤ ᐃᔪᐛ ᑭᔭ ᐊᓂᔭᔪᐛ ᑯᕆᒃ ᑲ ᐃᑎᔅᑲᓇᓯᔨᒋ ᑲ ᐊᔭᒥᐊᐛᑎᓯᔨᒋ ᐃᔪᐛ ᑭᔭ ᐊᓯᑯᒻ ᒋᓯᑲᐛ ᒋ ᐃᑐᑕᐤ ᐊᓐᑕ ᑲᒋ ᐊᑕᐛᓄᐎᒡ ᒐᒋ ᐃᔨᒪᐊᑦ ᐊᓐᑕ ᐃᔪᐛ ᑲ ᑕᔨᒋ᙮ 18ᐸᐃᒂᐤ ᒋ ᓂᒋᐊᐅᒡ ᒋᔅᑯᑎᒪᒐᓱᐛ ᓇᔅᒡ ᐊᒋ ᐃᑈᐧᑲᔨᒋ ᐊᐱᑯᕆᔭᓐ ᑭᔭ ᔅᑐᐃᒃ ᑲ ᐃᓯᓂᐧᑲᑕᑭᓄᔨᒋ᙮ ᐅᒡ ᒪᒃ ᒋᔅᑯᑎᒪᒐᓱᐅᒡ ᒋ ᐊᔭᒥᐊᐅᒡ ᐊᓂᔭ ᑈᓚ ᐊᑯ ᑲ ᒪᔭᔨᒪᒡ ᐊ ᐃᑕᒡ, “ᑕᓐ ᐊ ᐃᔅᒋᔄᑦ ᐅ ᒋᔎᐧᑲᓐ ?” ᐊᑯ ᑯᑎᑭᒡ ᑲ ᐃᔅᒋᔄᒡ, “ᒐᔅᑲ ᐊᔨᒧᒪᐤ ᐊᓂᔭ ᐎᔾ ᐊ ᐊᔭᒥᐊᔅᑐᐛᑦ ᐊᐛᔪᐛ, ᓇᒪ ᒪᒃ ᒋ ᒋᔅᒐᔨᒪᓄᐤ ᒋᔭᓄᐤ ᐊᐛᔪᐛ ᐊᓂᔭ᙮” ᐊᐅᒄ ᐅᔭ ᑲ ᐃᔅᒋᔄᒡ ᐛᔅ ᑈᓚ ᒋ ᐊᔨᒧᒪᔪᐛ ᒋᓴᓴ, ᑲ ᐅᓂᔅᑲᔨᒋ ᓂᐳᐅᓂᒡ ᐅᒡ᙮ 19ᐊᑯ ᒂ ᐃᑐᑕᐊᒡ ᑈᓪ ᐊᓐᑕ ᐊ ᒪᒧᐎᓇᓄᐎᒡ ᐊᕆᐅᐸᑲᔅ ᑲ ᐃᓯᓂᐧᑲᑕᔨᒡ ᐊᑯ ᒂ ᐃᑕᒡ, “ᓂ ᐎ ᒋᔅᒐᔨᑕᓇᓐ ᐅ ᑲ ᐅᔅᑲᒡ ᒋᔅᑯᑎᒪᒐᐅᓐ ᑕᓐ ᐊ ᐃᓯ ᒋᔅᑯᑎᒪᒐᔨᓐ᙮ 20ᐱᔅᒐ ᐊᓂᔭ ᒐᒂᔪᐛ ᑲ ᐊᔨᒧᑎᒥᓐ ᓂ ᒥᔅᑲᓯᑕᓇᓐ ᑭᔭ ᐛ ᒋᔅᒐᔨᑎᒪᒡ ᑕᓐ ᐊᓐ ᐊ ᐃᓯ ᐎᑎᒪᒐᒥᑲᒡ ᐊᓐ ᑲ ᐃᔅᒋᔄᔨᓐ᙮” 21ᐊᓐᒡ ᒥᓯᐛ ᐊᓐᑕ ᐊᑕᓐᓯᒡ ᑲ ᑕᒡ ᑭᔭ ᐊᓐᒡ ᒪᓐᑕᐅᒡ ᐊᓐᑕ ᑲ ᐎᒋᒡ ᓇᔅᒡ ᑕᑈ ᒋ ᒥᔽᔨᑎᒧᒡ ᑭᔭ ᒧᔅ ᒋ ᑕᐅᓂᒪᓱᐅᒡ ᒐᒋ ᓂᑐᑐᐛᒡ ᑭᔭ ᐊ ᐃᔭᔨᒺᐛᐃᑯᒡ ᑕᓐ ᐊ ᐃᓯ ᐃᔭᒄ ᐱᐸᑕᑯᓂᔨᒡ, ᐊᐅᑯᓐ ᑲ ᐃᑕᔨᑕᑯᓯᒡ᙮
Acts 17.22-31 (Easter-6 Year A)
22ᐊᑯ ᑈᓪ ᐊᓐᑕ ᑕᑕᐅᒡ ᑲ ᓂᐳᐅᑦ ᐊᑯ ᒂ ᐃᔅᒋᔄᑦ, “ᒋᔨᐛᐤ ᓇᐸᑐᒄ ᐅᑕ ᐊᑕᓐᓯᒡ ᑲ ᐅᒋᔭᒄ, ᓂ ᐛᐸᑕᓐ ᒥᓯᐛ ᑕᓐ ᐊᓐ ᐊ ᐃᑎᔭᒄ, ᓇᔅᒡ ᐊᔭᒥᐊᐛᑎᓯᔭᒄ᙮ 23ᐊ ᐱᒧᑕᔭᓐ ᐊᓐᑕ ᒋᐅᑕᓇᒧᐛᒡ, ᓂᒋ ᐛᐸᑕᓐ ᐊᓐᑕ ᐊᔭᒥᐊᔭᒄ᙮ ᓂᒋ ᐛᐸᑕᓐ ᓂᓇᐧᑯᐤ ᐊ ᐃᓯᓇᒂᒋ ᐊᓐᑕ ᑲᒋ ᐊᔭᒥᐊᔭᒄ᙮ ᐊᑯ ᒂ ᐛᐸᑎᒪᓐ ᐸᐃᒄ ᐊᓐᑕ ᑲ ᐊᔭᒥᐊᔭᒄ ᐊ ᒥᓯᓇᑕᒡ ᐊᑎᔅᑕᒡ, ‘ᐊᑯᑕ ᐅᑕ ᒐ ᐊᔭᒥᐊᔅᑐᐛᑭᓄᐅᑦ ᒋᓴᒪᓂᑐᐤ ᐊᓐ ᐊᔅᒄ ᐊᑲ ᒋᔅᒐᔨᑕᑯᓯᑦ᙮’ ᐊᑯ ᒪᒃ ᐛ ᐊᔨᒧᑎᒪᑎᑯᒡ ᒋᓴᒪᓂᑐᐤ ᐊᓐ ᐛ ᐊᔭᒥᐊᔅᑐᐛᒄ ᐊᑎ ᒪᒃ ᐊᑲ ᒋᔅᒐᔨᒪᒄ᙮”
24“ᐊᐅᒄ ᐅ ᒋᓴᒪᓂᑐᐤ ᒥᓯᐛ ᑲ ᐅᓯᑕᑦ ᐅᔭ ᐊᔅᒋᔪᐤ ᑭᔭ ᒥᓯᐛ ᒐᒂᔪᐤ ᑕᓐ ᐊ ᐃᓯ ᑎᑯᓂᔨᒡ ᐅᑕ, ᐎᔾ ᐅᒋᒪᐤ ᐅᑕ ᐊᔅᒋᒡ ᑭᔭ ᒋᒋᒋᓯᑯᒡ ᓇᒪ ᒪᒃ ᐎᒍᐤ ᐊᓐᑕ ᐊᔭᒥᐊᐅᒋᐛᐱᒡ ᓇᐸᐛ ᐊᒋ ᐅᓯᑕᔨᒋ᙮ 25ᓇᒪ ᐱᑯᓴᔨᒪᐤ ᓇᐸᐛ ᒐᒋ ᐱᒪᒋᐃᑯᑦ ᒪᒃ ᒐᒋ ᐛᐎᒋᐃᑯᑦ, ᐛᔅ ᐎᔾ ᒥᔨᐛᐤ ᒥᓯᐛ ᐊᓐᑕ ᐛᒋ ᐱᒪᑎᓯᓇᓄᐎᒡ ᑭᔭ ᐎᔾ ᒥᓯᐛ ᒥᔭᐤ ᐊᐛᔪᐛ ᒐᒂᔪᐤ᙮ 26ᐸᐃᒄ ᓇᐸᐛ ᐅᒋ ᐊ ᑕᔨᒋ ᒋ ᐅᒋ ᐅᓯᐊᐤ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᓂᓇᐧᑯᐤ ᒐᒋ ᐃᓯ ᑕᔨᒋ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮ ᓂᑲᓐ ᒪᒃ ᒋ ᐎᔭᔨᑎᒧᐛᐤ ᑕᐃᔅᐱ ᒐ ᑕᔨᒋ ᐊᓐᑕ ᑭᔭ ᑕᓐ ᒐ ᐃᔅᑯᓯᓇᑕᔨᒡ ᐊᔅᒋᔪᐤ ᐊᓐᑕ ᒐ ᑕᔨᒋ᙮ 27ᐊᐅᒄ ᐅᔭ ᐛᒋ ᐅᓯᐊᑦ ᐊᐛᔪᐛ, ᒋ ᐱᑯᓴᔨᑎᒻ ᒐᒋ ᓇᓂᑐᐛᐱᒥᑯᑦ ᑭᔭ ᒧᓯᐃᑯᒐ ᒐᒋ ᒥᔅᑲᑯᑦ᙮ ᑕᑈ ᒪᒃ, ᒥᓯᐛ ᐸᐸᐃᒄ ᐊ ᑎᓯᔭᐧᒄ ᓇᔅᒡ ᑕᑈ ᒋ ᐸᓱᐛᐱᒥᑯᓄᐤ᙮ 28ᒧᔭᒻ ᐊᐛᓐ ᑲ ᐃᔅᒋᔄᒂ, ‘ᒋᓴᒪᓂᑐᐤ ᐅᒋ ᐛᒋ ᐱᒪᑎᓯᔭᐧᒄ, ᑭᔭ ᐛᒋ ᐊᒋᔭᐧᒄ ᑭᔭ ᐛᒋ ᐊᔭᔭᐧᒄ ᔭᔭᐅᓐ᙮’ ᒧᔭᒻ ᐱᔅᒐ ᑎᐱᔨᐛ ᒋᑎᐸᒋᒧᐃᒧᐛᐅᒡ ᑲᒋ ᒥᓯᓇᐃᒐᒡ ᑲ ᐃᔅᒋᔄᒂᓐᒋ, ‘ᑕᑈ ᒥᓯᐛ ᒋ ᐅᑦ ᐊᐛᓯᒥᑕᑯᓄᐤ᙮’ ”
29“ᐊ ᐅᑦ ᐊᐛᓯᒥᑐᑕᑕᒄ ᒪᒃ ᒋᓴᒪᓂᑐᐤ, ᓇᒪ ᒋᐸ ᐅᒋ ᐃᑕᔨᒪᓄᐤ ᒋᓴᒪᓂᑐᐤ ᑕᐱᔅᑯᓐ ᒥᓂᑐᐧᑲᓇ ᒐᒋ ᐃᑕᔨᑕᑯᓯᑦ ᐛᔅ ᓇᐸᐤ ᐅᓯᐊᐤ ᒥᓂᑐᐧᑲᓇ ᓱᓇᔭᐱᔅᑯᒡ ᑭᔭ ᐛᐱᓱᓇᔭᐱᔅᑯᒡ ᒪᒃ ᐊᓯᓂᒡ ᐅᒡ, ᐎᔾ ᐅᑭᔅᒋᐅᓐ ᐊ ᐊᐱᒋᑕᑦ᙮ 30ᐛᔅᑭᒡ ᐃᔪᒡ ᐊᑲ ᐅᒋ ᒋᔅᒐᔨᑕᒡ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᒋ ᐅᓯᐊᐅᒡ ᒥᓂᑐᐧᑲᓇ, ᓇᒪ ᒪᒃ ᓂᔅᑎᒻ ᐅᒋ ᐛᐛᓯᐃᑯᐅᒡ ᒋᓴᒪᓂᑐᐛ᙮ ᐊᓄᒡ ᒪᒃ ᒋᓴᒪᓂᑐᐤ ᐃᑎᓱᒪᐤ ᐃᔪᐛ ᒥᓯᐛ ᐅᑕ ᐊᔅᒋᒡ ᒐᒋ ᒂᔅᑲᑎᓯᔨᒋ᙮ 31ᐛᔅ ᒋᓴᒪᓂᑐᐤ ᒋ ᐎᔭᔨᑎᒻ ᐊᓂᔭ ᐊ ᒋᓯᑲᔨᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑯᐃᔅᒄ ᒐ ᐃᓯ ᑎᐸᔅᑯᓇᑭᓄᔨᒋ᙮ ᒋᓴᒪᓂᑐᐤ ᒪᒃ ᒋ ᐎᔭᔨᒪᐤ ᐸᐃᒄ ᓇᐸᐛ ᒐ ᐃᓯ ᑎᐸᔅᑯᓂᒐᔨᒋ, ᒋ ᐛᐸᑎᔭᐤ ᒪᒃ ᒥᓯᐛ ᐊᐛᔪᐛ ᐊᐅᑯᓐ ᐅᔭ ᓇᐸᐛ ᑲ ᐅᑎᓇᑦ ᒐᒋ ᑎᐸᔅᑯᓂᒐᔨᒋ, ᐊᒋ ᐅᓂᔅᑲᓇᑦ ᓂᐳᐅᓂᒡ ᐅᒡ᙮”
32ᐃᔅᐱ ᒪᒃ ᐱᔭᑐᐛᒡ ᐊᓂᔭ ᑈᓚ ᐊ ᐊᔨᒧᑎᒥᔨᒋ ᐊᓂᔭ ᑲᐤ ᐊ ᐅᓂᔅᑲᓄᐎᒡ ᓂᐳᐅᓂᒡ ᐅᒡ, ᒋ ᒪᔭᔨᒪᐅᒡ ᐊ ᐅᓯᓄᐛᒡ, ᒥᒄ ᒪᒃ ᐱᔅᒐ ᒋ ᐃᑕᐅᒡ, “ᒥᓐ ᒋ ᐎ ᐸᑕᑎᓇᓐ ᐊ ᐊᔨᒧᑎᒥᓐ ᐅ᙮”
33ᐊᑯ ᒪᒃ ᑈᓪ ᒂ ᔅᑐᑕᑦ ᐊᓐᑕ ᐊᓂᔭ ᐊ ᒪᒧᐎᓇᓄᐎᒡ᙮ 34ᐱᔅᒐ ᒪᒃ ᐊᐛᔪᐛ ᒋ ᐎᒐᐅᑯᐤ ᑭᔭ ᒋ ᐊᑎ ᑕᑈᑎᒥᔪᐛ᙮ ᐸᐃᒄ ᐊᓐ ᑎᐅᓂᓯᔭᔅ ᒋ ᐃᓯᓂᐧᑲᓱᐤ ᒋ ᐅᒋᒪᐧᑲᓂᓯᔪᐤ ᐊᓐᑕ ᐊᕆᐅᐸᑲᔅ, ᑭᔭ ᐃᔎᐤ ᑕᒪᕆᔅ ᐊ ᐃᓯᓂᐧᑲᓱᑦ ᑭᔭ ᑯᑎᑭᒡ ᐊᐛᓐᒋ᙮
Currently Selected:
ᐊᑈᔅᑕᓇᒡ 17: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᐊᑈᔅᑕᓇᒡ 17
17
ᑈᓪ ᑭᔭ ᓴᓂᔅ ᐊᓐᑕ ᑕᓴᓗᓇᐃᑲᒡ ᑲ ᑕᒡ
1ᐊᑯ ᑈᓪ ᑭᔭ ᓴᓂᔅ ᐊᓐᑕ ᐊᒻᐱᐳᓕᔅ ᑭᔭ ᐊᐳᓗᓂᔭ ᑲ ᐃᓯᓂᐧᑲᑕᔨᒋ ᐅᑕᓇᐛ ᒂ ᐊᑎ ᐃᑐᑕᒡ᙮ ᐊᑯ ᒥᓐ ᐊᓐᑕ ᑕᓴᓗᓇᐃᑲ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᒂ ᐃᑐᑕᒡ᙮ ᐊᓐᑕ ᒪᒃ ᑕᓴᓗᓇᐃᑲᒡ ᒋ ᑎᑯᓐ ᒍᐤ ᐊᔭᒥᐊᐅᒋᐛᑉ᙮ 2ᒋ ᐃᑐᑕᐤ ᑈᓪ ᐊᓐᑕ ᐊᓂᔭ ᐊᔭᒥᐊᐅᒋᐛᐱᔪᐤ, ᐛᔅ ᐊᐅᒄ ᐅᔭ ᑲᒋ ᐃᑎᑦ ᒪᓐ᙮ ᓂᔍᐤ ᐊ ᒍᐤ ᐊᔭᒥᐊᐅᒋᓯᑲᔨᒡ ᒋ ᐛᐎᑎᒧᐛᐤ ᐊᓂᔭ ᐃᔪᐛ ᑕᓐ ᐊ ᐃᓯ ᐊᔨᒧᒪᑭᓄᔨᒋ ᙭ᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ, 3ᐊ ᐃᑎᔅᑕᔨᒡ ᔭᐃᑕᔾ ᐊᒋ ᓂᑐᐛᔨᑕᑯᓯᔨᒋ ᒐᒋ ᓂᓇᐧᑲᒋᐊᑭᓄᔨᒋ ᙭ᑕ, ᑭᔭ ᑲᐤ ᒐᒋ ᐅᓂᔅᑲᔨᒋ ᓂᐳᐅᓂᒡ ᐅᒋ᙮ ᒋ ᐃᑕᐤ ᒪᒃ ᐊᓂᔭ ᐃᔪᐛ, “ᐅ ᒋᓴᔅ ᑲ ᐊᔨᒧᒥᒃ, ᐊᐅᒄ ᐅ ᙭, ᒋᓴᒪᓂᑐᐛ ᑲ ᐸᒋ ᐃᑎᓴᐅᑯᑦ᙮” 4ᐱᔅᒐ ᒪᒃ ᐊᓐᒡ ᑲ ᓂᑐᑐᐛᒡ ᑈᓚ ᑭᔭ ᓴᓂᓴ ᒋ ᓴᐧᑯᒋᒥᑯᐅᒡ, ᐊᑯᑕ ᒪᒃ ᑲ ᐃᓯ ᐎᒋᐃᐛᒡ ᐊ ᑕᔨᒋ᙮ ᒥᒐᑦ ᑯᕆᒃ ᐃᔪᒡ ᑲ ᐊᔭᒥᐊᐛᑎᓯᒡ, ᑭᔭ ᒥᒐᑦ ᐃᔎᐅᒡ ᑲ ᒋᔅᑕᔨᒪᑭᓄᐎᒡ ᒋ ᓴᐧᑯᒋᒪᑭᓄᐎᒡ᙮
5ᒋ ᐅᑕᔨᒥᑯᐅᒡ ᒪᒃ ᒍᐤ ᐃᔪᐛ, ᐃᔅᐱ ᐎᔭᐱᒥᑯᒡ ᒥᒐᑦ ᐊᐛᔪᐛ ᐊ ᐎᒋᐃᑯᒡ᙮ ᒋ ᒪᒧᓇᔪᐛ ᐊᓂᔭᔪᐛ ᐊᐛᔪᐛ ᐊᑲ ᐱᐸᔅᐱᓇ ᑲ ᐃᑎᔨᒋ ᒪᓐ, ᐊᑯ ᑲ ᒪᒧᐎᐛᑯᑕᔨᒡ ᑲ ᒥᒋᐱᔨᑕᔨᒋ ᐊᓐᑕ ᐅᑕᓇᒡ᙮ ᑲ ᐃᑐᑕᔨᒋ ᐊᓐᑕ ᒐᐃᓯᓇ ᐎᒋᔨᒡ, ᐊᒋ ᐃᑕᔨᑕᒡ ᒐ ᒥᔅᑯᐛᒡ ᐊᓂᔭ ᑈᓚ ᑭᔭ ᓴᓂᓴ ᐊᓐᑕ᙮ ᒋ ᐎ ᒪᑯᓇᐅᒡ ᐊᓂᔭ ᑈᓚ ᑭᔭ ᓴᓂᓴ ᐊᒋ ᐎ ᐃᑐᑕᐊᒡ ᐊᓐᑕ ᑲ ᑕᔨᒋ ᐊᓂᔭ ᐃᔪᐛ ᑲ ᒋᔄᐊᒡ᙮ 6ᐃᔅᐱ ᒪᒃ ᐊᑲ ᒪᔅᑯᐛᒡ ᑈᓚ ᑭᔭ ᓴᓂᓴ ᐊᓐᑕ ᒐᐃᓯᓇ ᐊ ᑕᔨᒋ, ᐊᑯ ᐊᓂᔭ ᒐᐃᓯᓇ ᑭᔭ ᑯᑎᑲ ᐎᐧᑲᓂᓯᒪᐛ ᐊᓐᑕ ᑲ ᐃᑐᑕᐊᒡ ᐊᓂᔭ ᑲ ᓂᑲᓂᔅᑭᒥᔨᒋ ᐊᓂᔭ ᐅᑕᓇᔪᐤ ᐊ ᑕᔨᒋ᙮ ᒋ ᑕᑈᐅᒡ ᐊ ᐃᔅᒋᔄᒡ, “ᑈᓪ ᑭᔭ ᓴᓂᔅ ᒧᔅ ᒥᒋᐱᔨᑕᐅᒡ ᐊᓐᑕ ᐊ ᐊᑎ ᐃᑕᒡ, ᑭᔭ ᑕᑯᓯᓂᒡ ᐅᑕ ᒋᑦ ᐃᑕᐅᓇᒡ᙮ 7ᒐᐃᓴᓐ ᒪᒃ ᐊᓐᑕ ᐎᒋᒡ ᒋ ᑭᓄᐛᔨᒪᒐ ᑈᓚ ᑭᔭ ᓴᓂᓴ᙮ ᓇᒪ ᒪᒃ ᓂ ᐅᒋ ᒥᔅᑯᐛᓇᓐᒡ ᐊᑎ ᐊᒋ ᓇᓂᑐᐛᔨᒥᒋᒡ ᐊᓐᑕ᙮ ᐊᑯ ᒪᒃ ᒐᐃᓴᓐ ᐱᔭᓱᐎᒋᑦ ᑭᔭ ᐊᓂᔭᔪᐛ ᐎᒐᐛᑭᓇ᙮ ᒥᓯᐛ ᐊᓏᑎᒧᒡ ᑕᓐ ᐊ ᐃᑎᔅᑕᔨᒡ ᒋᓴᐅᒋᒪᐛ ᓯᓴᕋ ᐅᐎᓱᐛᐅᓂᔪᐤ, ᐊ ᐃᔅᒋᔄᒡ ᐊ ᑕᔨᒋ ᑯᑎᑲ ᒋᓴᐅᒋᒪᐛ ᒋᓴᔅ ᐊ ᐃᓯᓂᐧᑲᓱᔨᒋ,” ᐊᐅᒄ ᐅᔭ ᒋᐸ ᓂᓇᐃᑐᐛᑭᓄᐅᔪᐛ ᐊ ᐃᔅᒋᔄᒡ᙮ 8ᐅᔭ ᒪᒃ ᑲ ᐃᔅᒋᔄᒡ ᒋ ᐃᑐᑐᐛᐅᒡ ᐊᓂᔭᔪᐛ ᐃᔪᐛ, ᑭᔭ ᐊᓂᔭᔪᐛ ᑲ ᓂᑲᓂᔅᑭᒥᔨᒋ ᐊᓂᔭ ᐅᑕᓇᔪᐤ ᒐᒋ ᒥᔅᑎ ᒋᔄᓯᔅᑐᐛᔨᒋ ᒐᐃᓴᓇ ᑭᔭ ᐊᓂᔭ ᑈᓚ ᑭᔭ ᒪᒃ ᓴᓂᓴ᙮ 9ᐊᑯ ᑲ ᐃᑕᑭᓄᐅᑦ ᒐᐃᓴᓐ ᑭᔭ ᐊᓐᒡ ᑯᑎᑭᒡ ᑲ ᑕᑈᑕᒡ ᒐᒋ ᒋᓯᐧᑲᓱᒡ ᑭᔭ ᐃᔭᒄ ᒂ ᐱᔅᑎᓇᑭᓄᐎᒡ᙮
ᑈᓪ ᑭᔭ ᓴᓂᔅ ᐊᓐᑕ ᐸᕆᔭᒡ ᑲ ᐃᑎᓴᐛᑭᓄᐎᒡ
10ᐎᐱᒡ ᒪᒃ ᐊ ᐊᑎ ᑎᐱᔅᑲᔨᒡ, ᐊᓐᒡ ᐎᐧᑲᓂᓯᒪᐅᒡ ᒋ ᐃᑎᓴᐛᐅᒡ ᐊᓂᔭ ᑈᓚ ᑭᔭ ᓴᓂᓴ ᐊᓐᑕ ᐅᑕᓇᔪᐤ ᐸᕆᔭ ᑲ ᐃᓯᓂᐧᑲᑕᔨᒡ᙮ ᐃᔅᐱ ᒪᒃ ᑕᑯᓯᓂᒡ ᐊᓐᑕ ᑎᐛᒡ ᒋ ᐃᑐᑕᐅᒡ ᒍᐤ ᐃᔪᐛ ᐅᑦ ᐊᔭᒥᐊᐅᒋᐛᐱᒡ᙮ 11ᐊᓐᒡ ᒪᒃ ᒍᐤ ᐃᔪᒡ ᐊᓐᑕ ᐸᕆᔭᒡ ᑲ ᑕᒡ ᓇᔅᒡ ᒋ ᒥᔽᔨᑎᒧᒡ ᐎᔨᐛᐤ ᐊ ᓂᑐᑐᐛᒡ ᐊᓂᔭ ᑈᓚ ᑭᔭ ᓴᓂᓴ ᓇᒪ ᐊᓂᔭ ᐃᔪᐛ ᐊᓐᑕ ᑕᓴᓗᓇᐃᑲ ᑲ ᑕᔨᒋ ᑲ ᐃᑎᔨᒋ᙮ ᓇᔅᒡ ᒋ ᓂᑐᑐᐛᐅᒡ ᑭᔭ ᐊᓯᑯᒻ ᒋᓯᑲᐛ ᒋ ᓂᑐ ᒋᔅᒐᔨᑎᒧᒡ ᑕᓐ ᐊ ᐃᑎᔅᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ, ᐊᒋ ᐎ ᓂᑐ ᒋᔅᒐᔨᒪᒡ ᑈᓚ ᑎᔭᑈᔨᒂᓂ ᐊᓂᔭ ᑲ ᐃᔅᒋᔄᔨᒋ᙮ 12ᐊᑯ ᒥᒐᑦ ᒍᐤ ᐃᔪᒡ ᒋ ᐊᑎ ᑕᑈᔭᔨᒪᐅᒡ ᐅᑎᐸᔨᒋᒐᐛ ᒋᓴᓴ, ᑭᔭ ᒥᒐᑦ ᑲ ᒋᔅᑕᔨᑕᑯᓯᒡ ᑯᕆᒃ ᐃᔎᐅᒡ ᑭᔭ ᓇᐸᐅᒡ ᒋ ᑕᑈᔭᔨᒪᐅᒡ ᑭᔭ ᐎᔨᐛᐤ ᒋᓴᓴ᙮
13ᐃᔅᐱ ᒪᒃ ᐱᔭᑕᒡ ᐊᓐᒡ ᒍᐤ ᐃᔪᒡ ᐊᓐᑕ ᑕᓴᓗᓇᐃᑲᒡ ᑲ ᑕᒡ ᑈᓚ ᐊ ᐛᐎᑎᒥᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊᓐᑕ ᐸᕆᔭ ᐅᑕᓇᒡ, ᒋ ᐃᑐᑕᐅᒡ ᐊᓐᑕ, ᒂ ᐃᑐᑐᐛᒡ ᑭᔭ ᐊᓂᔭ ᐃᔪᐛ ᐊᓐᑕ ᒐᒋ ᒋᔄᐃᑯᒡ ᐊᓂᔭ ᑈᓚ ᑭᔭ ᓴᓂᓴ᙮ 14ᐊᑯ ᐊᓐᒡ ᐎᐧᑲᓂᓯᒪᐅᒡ ᑎᐛᒡ ᒂ ᐃᑎᓴᐛᒡ ᑈᓚ ᐊᓐᑕ ᓯᓱᒡ ᐎᓂᐸᑯᒡ᙮ ᓴᓂᔅ ᑭᔭ ᑎᒧᑎ ᐊᑯᑕ ᑲ ᑕᒡ ᐎᔨᐛᐤ ᐊᓐᑕ ᐸᕆᔭᒡ᙮ 15ᐊᑯ ᐊᓐᒡ ᓇᐸᐅᒡ ᑲ ᐃᑕᐅᔭᒡ ᑈᓇ ᐊᓐᑕ ᐊᑕᓐᓯᒡ᙮ ᐊᑯ ᐊᓐᒡ ᓇᐸᐅᒡ ᒥᓐ ᑲᐤ ᐸᕆᔭᒡ ᒂ ᐃᓯ ᒋᐛᐅᒡ, ᐊᒋ ᐃᑎᑯᒡ ᑈᓚ ᒐᒋ ᐃᑕᒡ ᓴᓂᓴ ᑭᔭ ᑎᒧᑎᔨᒋ ᐎᐱᒡ ᒐᒋ ᐸᒋ ᓂᑐᐛᐱᒥᑯᑦ᙮
ᑈᓪ ᐊᓐᑕ ᐊᑕᓐᓯᒡ ᑲ ᑕᑦ
16ᒪᒂᒡ ᒪᒃ ᑈᓪ ᐊ ᐊᓱᐛᐱᒪᑦ ᓴᓂᓴ ᑭᔭ ᑎᒧᑎᔨᒋ ᐊᓐᑕ ᐊᑕᓐᓯᒡ, ᒥᓯᐛ ᐊᓐᑕ ᐊ ᐃᑕᐱᑦ ᒋ ᐛᐱᒪᐤ ᒥᓂᑐᐧᑲᓇ, ᐊᑯ ᓇᔅᒡ ᑲ ᐅᔅᑐᐛᔨᑎᒥᐃᑯᑦ᙮ 17ᐊᐅᒄ ᐛᒋ ᐃᑐᑕᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ ᒐᒋ ᐎᑎᒧᐛᑦ ᒥᔽᒋᒧᐅᓂᔪᐤ ᐊᓂᔭᔪᐛ ᒍᐤ ᐃᔪᐛ ᑭᔭ ᐊᓂᔭᔪᐛ ᑯᕆᒃ ᑲ ᐃᑎᔅᑲᓇᓯᔨᒋ ᑲ ᐊᔭᒥᐊᐛᑎᓯᔨᒋ ᐃᔪᐛ ᑭᔭ ᐊᓯᑯᒻ ᒋᓯᑲᐛ ᒋ ᐃᑐᑕᐤ ᐊᓐᑕ ᑲᒋ ᐊᑕᐛᓄᐎᒡ ᒐᒋ ᐃᔨᒪᐊᑦ ᐊᓐᑕ ᐃᔪᐛ ᑲ ᑕᔨᒋ᙮ 18ᐸᐃᒂᐤ ᒋ ᓂᒋᐊᐅᒡ ᒋᔅᑯᑎᒪᒐᓱᐛ ᓇᔅᒡ ᐊᒋ ᐃᑈᐧᑲᔨᒋ ᐊᐱᑯᕆᔭᓐ ᑭᔭ ᔅᑐᐃᒃ ᑲ ᐃᓯᓂᐧᑲᑕᑭᓄᔨᒋ᙮ ᐅᒡ ᒪᒃ ᒋᔅᑯᑎᒪᒐᓱᐅᒡ ᒋ ᐊᔭᒥᐊᐅᒡ ᐊᓂᔭ ᑈᓚ ᐊᑯ ᑲ ᒪᔭᔨᒪᒡ ᐊ ᐃᑕᒡ, “ᑕᓐ ᐊ ᐃᔅᒋᔄᑦ ᐅ ᒋᔎᐧᑲᓐ ?” ᐊᑯ ᑯᑎᑭᒡ ᑲ ᐃᔅᒋᔄᒡ, “ᒐᔅᑲ ᐊᔨᒧᒪᐤ ᐊᓂᔭ ᐎᔾ ᐊ ᐊᔭᒥᐊᔅᑐᐛᑦ ᐊᐛᔪᐛ, ᓇᒪ ᒪᒃ ᒋ ᒋᔅᒐᔨᒪᓄᐤ ᒋᔭᓄᐤ ᐊᐛᔪᐛ ᐊᓂᔭ᙮” ᐊᐅᒄ ᐅᔭ ᑲ ᐃᔅᒋᔄᒡ ᐛᔅ ᑈᓚ ᒋ ᐊᔨᒧᒪᔪᐛ ᒋᓴᓴ, ᑲ ᐅᓂᔅᑲᔨᒋ ᓂᐳᐅᓂᒡ ᐅᒡ᙮ 19ᐊᑯ ᒂ ᐃᑐᑕᐊᒡ ᑈᓪ ᐊᓐᑕ ᐊ ᒪᒧᐎᓇᓄᐎᒡ ᐊᕆᐅᐸᑲᔅ ᑲ ᐃᓯᓂᐧᑲᑕᔨᒡ ᐊᑯ ᒂ ᐃᑕᒡ, “ᓂ ᐎ ᒋᔅᒐᔨᑕᓇᓐ ᐅ ᑲ ᐅᔅᑲᒡ ᒋᔅᑯᑎᒪᒐᐅᓐ ᑕᓐ ᐊ ᐃᓯ ᒋᔅᑯᑎᒪᒐᔨᓐ᙮ 20ᐱᔅᒐ ᐊᓂᔭ ᒐᒂᔪᐛ ᑲ ᐊᔨᒧᑎᒥᓐ ᓂ ᒥᔅᑲᓯᑕᓇᓐ ᑭᔭ ᐛ ᒋᔅᒐᔨᑎᒪᒡ ᑕᓐ ᐊᓐ ᐊ ᐃᓯ ᐎᑎᒪᒐᒥᑲᒡ ᐊᓐ ᑲ ᐃᔅᒋᔄᔨᓐ᙮” 21ᐊᓐᒡ ᒥᓯᐛ ᐊᓐᑕ ᐊᑕᓐᓯᒡ ᑲ ᑕᒡ ᑭᔭ ᐊᓐᒡ ᒪᓐᑕᐅᒡ ᐊᓐᑕ ᑲ ᐎᒋᒡ ᓇᔅᒡ ᑕᑈ ᒋ ᒥᔽᔨᑎᒧᒡ ᑭᔭ ᒧᔅ ᒋ ᑕᐅᓂᒪᓱᐅᒡ ᒐᒋ ᓂᑐᑐᐛᒡ ᑭᔭ ᐊ ᐃᔭᔨᒺᐛᐃᑯᒡ ᑕᓐ ᐊ ᐃᓯ ᐃᔭᒄ ᐱᐸᑕᑯᓂᔨᒡ, ᐊᐅᑯᓐ ᑲ ᐃᑕᔨᑕᑯᓯᒡ᙮
Acts 17.22-31 (Easter-6 Year A)
22ᐊᑯ ᑈᓪ ᐊᓐᑕ ᑕᑕᐅᒡ ᑲ ᓂᐳᐅᑦ ᐊᑯ ᒂ ᐃᔅᒋᔄᑦ, “ᒋᔨᐛᐤ ᓇᐸᑐᒄ ᐅᑕ ᐊᑕᓐᓯᒡ ᑲ ᐅᒋᔭᒄ, ᓂ ᐛᐸᑕᓐ ᒥᓯᐛ ᑕᓐ ᐊᓐ ᐊ ᐃᑎᔭᒄ, ᓇᔅᒡ ᐊᔭᒥᐊᐛᑎᓯᔭᒄ᙮ 23ᐊ ᐱᒧᑕᔭᓐ ᐊᓐᑕ ᒋᐅᑕᓇᒧᐛᒡ, ᓂᒋ ᐛᐸᑕᓐ ᐊᓐᑕ ᐊᔭᒥᐊᔭᒄ᙮ ᓂᒋ ᐛᐸᑕᓐ ᓂᓇᐧᑯᐤ ᐊ ᐃᓯᓇᒂᒋ ᐊᓐᑕ ᑲᒋ ᐊᔭᒥᐊᔭᒄ᙮ ᐊᑯ ᒂ ᐛᐸᑎᒪᓐ ᐸᐃᒄ ᐊᓐᑕ ᑲ ᐊᔭᒥᐊᔭᒄ ᐊ ᒥᓯᓇᑕᒡ ᐊᑎᔅᑕᒡ, ‘ᐊᑯᑕ ᐅᑕ ᒐ ᐊᔭᒥᐊᔅᑐᐛᑭᓄᐅᑦ ᒋᓴᒪᓂᑐᐤ ᐊᓐ ᐊᔅᒄ ᐊᑲ ᒋᔅᒐᔨᑕᑯᓯᑦ᙮’ ᐊᑯ ᒪᒃ ᐛ ᐊᔨᒧᑎᒪᑎᑯᒡ ᒋᓴᒪᓂᑐᐤ ᐊᓐ ᐛ ᐊᔭᒥᐊᔅᑐᐛᒄ ᐊᑎ ᒪᒃ ᐊᑲ ᒋᔅᒐᔨᒪᒄ᙮”
24“ᐊᐅᒄ ᐅ ᒋᓴᒪᓂᑐᐤ ᒥᓯᐛ ᑲ ᐅᓯᑕᑦ ᐅᔭ ᐊᔅᒋᔪᐤ ᑭᔭ ᒥᓯᐛ ᒐᒂᔪᐤ ᑕᓐ ᐊ ᐃᓯ ᑎᑯᓂᔨᒡ ᐅᑕ, ᐎᔾ ᐅᒋᒪᐤ ᐅᑕ ᐊᔅᒋᒡ ᑭᔭ ᒋᒋᒋᓯᑯᒡ ᓇᒪ ᒪᒃ ᐎᒍᐤ ᐊᓐᑕ ᐊᔭᒥᐊᐅᒋᐛᐱᒡ ᓇᐸᐛ ᐊᒋ ᐅᓯᑕᔨᒋ᙮ 25ᓇᒪ ᐱᑯᓴᔨᒪᐤ ᓇᐸᐛ ᒐᒋ ᐱᒪᒋᐃᑯᑦ ᒪᒃ ᒐᒋ ᐛᐎᒋᐃᑯᑦ, ᐛᔅ ᐎᔾ ᒥᔨᐛᐤ ᒥᓯᐛ ᐊᓐᑕ ᐛᒋ ᐱᒪᑎᓯᓇᓄᐎᒡ ᑭᔭ ᐎᔾ ᒥᓯᐛ ᒥᔭᐤ ᐊᐛᔪᐛ ᒐᒂᔪᐤ᙮ 26ᐸᐃᒄ ᓇᐸᐛ ᐅᒋ ᐊ ᑕᔨᒋ ᒋ ᐅᒋ ᐅᓯᐊᐤ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᓂᓇᐧᑯᐤ ᒐᒋ ᐃᓯ ᑕᔨᒋ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮ ᓂᑲᓐ ᒪᒃ ᒋ ᐎᔭᔨᑎᒧᐛᐤ ᑕᐃᔅᐱ ᒐ ᑕᔨᒋ ᐊᓐᑕ ᑭᔭ ᑕᓐ ᒐ ᐃᔅᑯᓯᓇᑕᔨᒡ ᐊᔅᒋᔪᐤ ᐊᓐᑕ ᒐ ᑕᔨᒋ᙮ 27ᐊᐅᒄ ᐅᔭ ᐛᒋ ᐅᓯᐊᑦ ᐊᐛᔪᐛ, ᒋ ᐱᑯᓴᔨᑎᒻ ᒐᒋ ᓇᓂᑐᐛᐱᒥᑯᑦ ᑭᔭ ᒧᓯᐃᑯᒐ ᒐᒋ ᒥᔅᑲᑯᑦ᙮ ᑕᑈ ᒪᒃ, ᒥᓯᐛ ᐸᐸᐃᒄ ᐊ ᑎᓯᔭᐧᒄ ᓇᔅᒡ ᑕᑈ ᒋ ᐸᓱᐛᐱᒥᑯᓄᐤ᙮ 28ᒧᔭᒻ ᐊᐛᓐ ᑲ ᐃᔅᒋᔄᒂ, ‘ᒋᓴᒪᓂᑐᐤ ᐅᒋ ᐛᒋ ᐱᒪᑎᓯᔭᐧᒄ, ᑭᔭ ᐛᒋ ᐊᒋᔭᐧᒄ ᑭᔭ ᐛᒋ ᐊᔭᔭᐧᒄ ᔭᔭᐅᓐ᙮’ ᒧᔭᒻ ᐱᔅᒐ ᑎᐱᔨᐛ ᒋᑎᐸᒋᒧᐃᒧᐛᐅᒡ ᑲᒋ ᒥᓯᓇᐃᒐᒡ ᑲ ᐃᔅᒋᔄᒂᓐᒋ, ‘ᑕᑈ ᒥᓯᐛ ᒋ ᐅᑦ ᐊᐛᓯᒥᑕᑯᓄᐤ᙮’ ”
29“ᐊ ᐅᑦ ᐊᐛᓯᒥᑐᑕᑕᒄ ᒪᒃ ᒋᓴᒪᓂᑐᐤ, ᓇᒪ ᒋᐸ ᐅᒋ ᐃᑕᔨᒪᓄᐤ ᒋᓴᒪᓂᑐᐤ ᑕᐱᔅᑯᓐ ᒥᓂᑐᐧᑲᓇ ᒐᒋ ᐃᑕᔨᑕᑯᓯᑦ ᐛᔅ ᓇᐸᐤ ᐅᓯᐊᐤ ᒥᓂᑐᐧᑲᓇ ᓱᓇᔭᐱᔅᑯᒡ ᑭᔭ ᐛᐱᓱᓇᔭᐱᔅᑯᒡ ᒪᒃ ᐊᓯᓂᒡ ᐅᒡ, ᐎᔾ ᐅᑭᔅᒋᐅᓐ ᐊ ᐊᐱᒋᑕᑦ᙮ 30ᐛᔅᑭᒡ ᐃᔪᒡ ᐊᑲ ᐅᒋ ᒋᔅᒐᔨᑕᒡ ᑕᓐ ᐊᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᒋ ᐅᓯᐊᐅᒡ ᒥᓂᑐᐧᑲᓇ, ᓇᒪ ᒪᒃ ᓂᔅᑎᒻ ᐅᒋ ᐛᐛᓯᐃᑯᐅᒡ ᒋᓴᒪᓂᑐᐛ᙮ ᐊᓄᒡ ᒪᒃ ᒋᓴᒪᓂᑐᐤ ᐃᑎᓱᒪᐤ ᐃᔪᐛ ᒥᓯᐛ ᐅᑕ ᐊᔅᒋᒡ ᒐᒋ ᒂᔅᑲᑎᓯᔨᒋ᙮ 31ᐛᔅ ᒋᓴᒪᓂᑐᐤ ᒋ ᐎᔭᔨᑎᒻ ᐊᓂᔭ ᐊ ᒋᓯᑲᔨᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᑯᐃᔅᒄ ᒐ ᐃᓯ ᑎᐸᔅᑯᓇᑭᓄᔨᒋ᙮ ᒋᓴᒪᓂᑐᐤ ᒪᒃ ᒋ ᐎᔭᔨᒪᐤ ᐸᐃᒄ ᓇᐸᐛ ᒐ ᐃᓯ ᑎᐸᔅᑯᓂᒐᔨᒋ, ᒋ ᐛᐸᑎᔭᐤ ᒪᒃ ᒥᓯᐛ ᐊᐛᔪᐛ ᐊᐅᑯᓐ ᐅᔭ ᓇᐸᐛ ᑲ ᐅᑎᓇᑦ ᒐᒋ ᑎᐸᔅᑯᓂᒐᔨᒋ, ᐊᒋ ᐅᓂᔅᑲᓇᑦ ᓂᐳᐅᓂᒡ ᐅᒡ᙮”
32ᐃᔅᐱ ᒪᒃ ᐱᔭᑐᐛᒡ ᐊᓂᔭ ᑈᓚ ᐊ ᐊᔨᒧᑎᒥᔨᒋ ᐊᓂᔭ ᑲᐤ ᐊ ᐅᓂᔅᑲᓄᐎᒡ ᓂᐳᐅᓂᒡ ᐅᒡ, ᒋ ᒪᔭᔨᒪᐅᒡ ᐊ ᐅᓯᓄᐛᒡ, ᒥᒄ ᒪᒃ ᐱᔅᒐ ᒋ ᐃᑕᐅᒡ, “ᒥᓐ ᒋ ᐎ ᐸᑕᑎᓇᓐ ᐊ ᐊᔨᒧᑎᒥᓐ ᐅ᙮”
33ᐊᑯ ᒪᒃ ᑈᓪ ᒂ ᔅᑐᑕᑦ ᐊᓐᑕ ᐊᓂᔭ ᐊ ᒪᒧᐎᓇᓄᐎᒡ᙮ 34ᐱᔅᒐ ᒪᒃ ᐊᐛᔪᐛ ᒋ ᐎᒐᐅᑯᐤ ᑭᔭ ᒋ ᐊᑎ ᑕᑈᑎᒥᔪᐛ᙮ ᐸᐃᒄ ᐊᓐ ᑎᐅᓂᓯᔭᔅ ᒋ ᐃᓯᓂᐧᑲᓱᐤ ᒋ ᐅᒋᒪᐧᑲᓂᓯᔪᐤ ᐊᓐᑕ ᐊᕆᐅᐸᑲᔅ, ᑭᔭ ᐃᔎᐤ ᑕᒪᕆᔅ ᐊ ᐃᓯᓂᐧᑲᓱᑦ ᑭᔭ ᑯᑎᑭᒡ ᐊᐛᓐᒋ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada