ᐊᑈᔅᑕᓇᒡ 12
12
ᑕᓐᑕ ᑲ ᐅᒋ ᐎᐧᑯᒋᐅᑦ ᐱᑕᕐ ᐊᓐᑕ ᑲᒪᑯᓄᐛᓯᐅᒋᐛᐱᒡ ᑲ ᑕᑦ
1ᐊᑯᑕ ᒪᒃ ᐊᓐᑕ ᓴᓯᑲᓐ ᒋᓴᐅᒋᒪᐤ ᐊᕈᑦ ᑲ ᒋᒋ ᓂᓇᐧᑲᒋᐊᑦ ᐱᔅᒐ ᐊᓂᔭ ᐅᒪᒧᐊᔭᒥᐊᐤ᙮ 2ᒠᓐ ᐎᐧᑲᓂᓱᐛᐛ ᒋᒥᓴ ᐊᐅᑯᓐ ᐊᓂᔭ ᓂᔅᑎᒻ ᑲ ᐃᑎᓱᐛᑕᑦ ᒐ ᓂᐸᐊᑭᓄᔨᒋ, ᓂᑐᐱᔪᐅ-ᒧᐧᑯᒪᓂᔪᐤ ᐊ ᐊᐱᑎᓂᔨᒡ᙮ 3ᐃᔅᐱ ᐎᔭᐸᑕᐧᒃ ᐊ ᒥᔽᔨᑎᒥᔨᒋ ᒍᐤ ᐃᔪᐛ ᐅᔭ ᑲ ᐃᑎᑦ, ᐊᑯ ᒂ ᐃᔅᒋᔄᑦ ᐱᑕᕋ ᑭᔭ ᒐᒋ ᒪᑯᓇᑭᓄᔨᒋ᙮ ᐊᐅᒄ ᒪᒃ ᐅᔭ ᒪᒂᒡ ᐊ ᒋᓯᑲᔨᒡ ᐊᓐᒡ ᒍᐤ ᐃᔪᒡ ᑲ ᒥᑯᓴᒡ, ᐊᓐ ᒥᑯᓴᓐ ᑲᒋ ᒧᐛᑭᓄᐅᑦ ᐸᒂᓯᑭᓐ ᐊᑲ ᐅᐱᓯᑭᓂᐧᑲᑐᐛᑭᓄᐅᑦ᙮ 4ᐊᑯ ᐱᑕᕐ ᒂ ᒪᑯᓇᑭᓄᐅᑦ ᑲ ᒋᐸᐛᑭᓄᐅᑦ᙮ ᒪᒧᐤ ᐊᓱᑕᒡ ᑕᑐᓴᑉ ᒋ ᑎᓯᔪᐤ ᐊᓯᒪᑭᓂᓴ ᐊ ᓂᓇᑭᑐᐛᔨᒥᑯᑦ ᐊ ᒪᒥᔅᑯᑎᔅᑲᑐᔨᒋ᙮ ᓇᐤ ᒋ ᑎᓯᔪᐛ ᐸᐃᒂᐤ ᐊ ᓂᓇᑭᑐᐛᔨᒥᑯᑦ᙮ ᐊᕈᑦ ᒪᒃ ᒋ ᐃᑕᔨᑎᒻ ᒐᒋ ᓂᔅᑐᓇᑦ ᐊᓂᔭᔪᐛ ᐃᔪᐛ ᒋ ᒥᑯᓴᔨᒐ᙮ ᐊᑯᑕ ᑲ ᐃᑕᔨᑕᐧᒃ ᒐᒋ ᑎᐸᔅᑯᓇᑦ ᐱᑕᕋ ᐊᓐᑕ ᐊᓂᔭ ᒪᒂᒡ᙮
5ᒪᒂᒡ ᒪᒃ ᐱᑕᕐ ᑲ ᑕᑦ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐊᓂᔭ ᐅᒪᒧᐊᔭᒥᐊᐤ ᓱᒃ ᒋ ᐊᔭᒥᐊᔅᑎᒪᑯᐤ᙮
6ᐊᓂᔭ ᒪᒃ ᒪᔅᑕᔾ ᑕᐱᔅᑲᔨᒡ ᒐ ᑕᑦ ᐱᑕᕐ ᐊᓐᑕ ᑲᒪᑯᓄᐛᓯᐅᒋᐛᐱᒡ ᑎᔅᑐᐎᒡ ᓂᓱ ᐊᓯᒪᑭᓂᓴ ᐊ ᑕᔨᒋ ᒋ ᓂᐸᐤ᙮ ᐊᓂᔭ ᒪᒃ ᐛᐸᓂᔨᒐ ᐊᑯ ᒋᐸ ᑎᐸᔅᑯᓇᑭᓄᐤ᙮ ᓂᔄᐸᒡ ᒪᒃ ᐃᓴᒂᔭᐱᔭ ᒋ ᒪᑯᐱᑕᑭᓄᐤ᙮ ᑭᔭ ᒋ ᑕᔪᐛ ᐊᓯᒪᑭᓂᓴ ᐊ ᑭᓄᔅᑯᐛᑐᐛᔨᒋ᙮ 7ᒐᒃ ᓯᔅᒋᑯᒡ ᑲ ᐅᒋ ᐛᔅᑕᔨᒡ ᐊᓐᑕ ᐱᑕᕐ ᑲ ᒋᐸᐛᑭᓄᐅᑦ, ᐊᐅᑯᔪᐛ ᐅᑎᐸᔨᒋᒐᐤ ᐅᑦ ᐊᓐᒋᓂᒥᔪᐛ ᐛᒋ ᓂᐳᔨᒋ ᐊᓐᑕ ᐊ ᑕᑦ᙮ ᑲ ᔭᔭᒋᐱᑎᑯᑦ ᐊ ᐎ ᑯᔅᑯᓂᑯᑦ ᐊᑯ ᒂ ᐃᑎᑯᑦ, “ᒋᐱ ᐅᓂᔾ !” ᑎᐛᒡ ᒪᒃ ᒋ ᐊᔭᐱᐧᑯᐸᔪᐛ ᐊᓂᔭ ᐃᓴᒂᔭᐱᔭ ᑲ ᒪᑯᐱᑕᑭᓄᐅᑦ ᐱᑕᕐ ᐅᐧᑯᓂᑎᒋᒡ᙮
8ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᐛᑕᔅᐱᓱᐤ, ᑭᔭ ᒪᑯᐱᑕ ᒋᒥᔅᒋᓇ᙮” ᐊᐅᑯᓐ ᑲ ᐃᑎᑦ ᐱᑕᕐ᙮ ᐊᑯ ᒥᓐ ᒂ ᐃᑎᑯᑦ, “ᐳᔅᑎᑯᐸ, ᒐ ᐸᒋ ᐎᒐᐎᔨᓐ᙮” 9ᐱᑕᕐ ᒪᒃ ᒋ ᓇᓴᐛᐤ ᐊᓂᔭ ᐊᓐᒋᓇ ᐊ ᐊᑎ ᐎᐎᔨᒋ᙮ ᓇᒪ ᒪᒃ ᐅᒋ ᒋᔅᒐᔨᑎᒻ ᑕᑈ ᐊ ᐃᔅᐱᒂ ᐅᔭ ᒪᒃ ᒥᒄ ᐊ ᐃᓯᓂᒧᒂ᙮ 10ᓂᔅᑎᒻ ᒪᒃ ᐊᓂᔭ ᐊᓯᒪᑭᓂᓴ ᐊᓐᑕ ᑲ ᑕᔨᒋ ᒋ ᐊᑎ ᐎᒪᔅᑯᐛᐅᒡ, ᒥᓐ ᐊᓂᔭ ᑯᑎᑲ, ᐊᑯ ᒐᒃ ᒂ ᐅᑎᑕᒡ ᐊᓂᔭ ᐃᓴᒄ ᔅᑐᐧᑭᓇ ᐊᓐᑕ ᐊ ᐅᒋ ᐱᒐᓄᐎᒡ ᐊᓂᔭ ᐅᑕᓇᔪᐤ᙮ ᓴᒐᐃ ᒪᒃ ᒋ ᔪᑕᐱᔪᐤ ᐊᓐ ᐃᓴᒄ ᔅᑐᐧᑭᓐ, ᐊᑯ ᒂ ᐊᑎ ᐎᐎᒡ᙮ ᐃᔅᐱ ᒪᒃ ᐊ ᐊᑎ ᐱᒧᑕᒡ ᐊᓐᑕ ᒪᔅᑭᓇᒡ, ᓯᔅᒋᑯᒡ ᒋ ᓂᑭᑎᑯᐤ ᐊᓂᔭ ᐊᓐᒋᓇ᙮
11ᐃᔅᐱ ᒪᒃ ᐱᑕᕐ ᒥᔭᒥᑐᓇᔨᑕᐧᒃ ᐅᔭ ᑲ ᐃᔅᐱᔨᑦ, ᐊᑯ ᒂ ᐃᔅᒋᔄᑦ, “ᓂ ᒐᔅᑎᓇᐅᓐ ᐅᑎᐸᔨᒋᒐᐤ ᐊᒋ ᐸᒋ ᐃᑎᓴᐛᑦ ᐅᑦ ᐊᓐᒋᓇᒪ ᒐ ᐸᒋ ᐎᐧᑯᒋᐃᔨᒋ, ᒐ ᐊᑲ ᒋ ᓴᓯᑲᓐ ᐸᒋ ᐃᑐᑐᐅᑦ ᐊᕈᑦ ᑭᔭ ᐊᓐᒡ ᒍᐤ ᐃᔪᒡ ᒐ ᐊᑲ ᒋ ᐃᑐᑐᐅᒡ ᑕᓐ ᑲ ᐎ ᐃᑐᑐᐅᒡ᙮”
12ᐃᔅᐱ ᒪᒃ ᒐᔅᒐᔨᑕᐧᒃ ᐱᑕᕐ ᑕᓐ ᑲ ᐃᔅᐱᔨᑦ, ᒋ ᐃᑐᑕᐤ ᐊᓐᑕ ᒪᕆᔨᒋ ᐊ ᑕᔨᒋ, ᒠᓐ-ᒪᕐᑲ ᐅᑲᐎᔪᐛ᙮ ᒪᒂᒡ ᒪᒃ ᒥᒐᑦ ᐊᐛᔪᐛ ᒋ ᒪᒧᐎᔪᐛ ᐊᓐᑕ ᐊ ᐊᔭᒥᐊᔨᒋ᙮ 13ᐊᑯ ᐱᑕᕐ ᒂ ᑎᑥᐛᐃᒐᑦ ᐊᓂᔭ ᔅᑐᐧᑭᓇ, ᐊᑯ ᐊᓐ ᑯᐸᓇᔎᐤ ᕈᑕ ᑲ ᓂᑐ ᒋᔅᒐᔨᒪᑦ ᐊᐛᔪᐛ ᐊᓂᔭ ᑲ ᐎ ᐸᒋ ᐱᒐᔨᒋ᙮ 14ᐃᔅᐱ ᓇᔅᑐᑐᐛᑦ ᐱᑕᕋ ᐊ ᐃᔨᒥᔨᒋ, ᑲᐤ ᒋ ᒋᐛᐸᑕᐤ ᐊᑲ ᐛᐛᒡ ᔪᑕᓇᑦ ᐊᓂᔭ ᔅᑐᐧᑭᓇ ᒐᒋ ᐱᒐᔨᒋ ᐊ ᐃᔅᐱᔅ ᒥᔽᔨᑕᐧᒃ᙮ ᐊᑯ ᒂ ᐎᑕᐧᒃ ᐱᑕᕋ ᐊ ᑎᑯᓯᓂᔨᒋ᙮
15ᒋ ᐃᑕᑭᓄᐤ ᒪᒃ, “ᐛᔅᑭᒪᔨᑕ ᒪ !” ᒥᒄ ᒪᒃ ᓇᔅᒡ ᒋ ᐎ ᑕᑈᐤ ᐊ ᐃᔅᒋᔄᑦ, ᑕᑈ ᐛᔅ ᐊᓐ ᐱᑕᕐ ᐊᓐ ᑲ ᐸᒋ ᓂᐳᐅᑦ᙮ ᐊᑯ ᒂ ᐃᑕᒡ, “ᒐᔅᑎᓇᔅ ᐅᑦ ᐊᓐᒋᓇᒪ ᐊᓂᔭᔪᐛ᙮”
16ᐃᔭᐱᒡ ᒪᒃ ᒋ ᑎᑥᐛᐃᒐᐤ ᐱᑕᕐ ᒋᐱᔎᒡ᙮ ᒐᒃ ᒪᒃ ᒂ ᔪᑕᓂᒧᐛᑭᓄᐅᑦ, ᐃᔅᐱ ᒪᒃ ᐎᔭᐱᒪᒡ, ᓇᔅᒡ ᑕᑈ ᒋ ᑯᔅᑯᐱᔪᒡ᙮ 17ᒋ ᐛᔅᑕᒧᐛᐤ ᐊᓂᔭᔪᐛ ᐃᔪᐛ ᒐᒋ ᐳᓂᔨᒋ ᐊ ᐃᔨᒥᔨᒋ᙮ ᐊᑯ ᒂ ᐎᑎᒧᐛᑦ ᑕᓐᑕ ᑲ ᐅᒋ ᐎᐧᑯᒋᐃᑯᑦ ᐅᑎᐸᔨᒋᒐᐛ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒡ᙮ ᐊᑯ ᒂ ᐃᑕᑦ, “ᐎᑎᒧᐛᐧᑯᒡ ᒋᒥᔅ ᑭᔭ ᐊᓐᒡ ᑯᑎᑭᒡ ᒋᐧᑲᓂᓯᓄᐅᒡ ᑕᓐ ᑲ ᐃᔅᐱᔭᓐ᙮” ᐊᑯ ᑲ ᐎᐎᑦ, ᐃᔭᒡ ᒋ ᐃᑐᑕᐤ᙮
18ᒥᓐ ᒪᒃ ᐎᔭᐱᓂᔨᒡ, ᓇᔅᒡ ᑕᑈ ᒋ ᑯᔅᑯᐱᔪᒡ ᑭᔭ ᒋ ᓴᒋᓱᐅᒡ ᐊᓐᒡ ᐊᓯᒪᑭᓂᓯᒡ ᐊᑲ ᒥᔅᑯᐛᒡ ᐊᓂᔭ ᐱᑕᕋ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮ 19ᐊᕈᑦ ᒪᒃ ᒋ ᐃᑎᓱᐛᐤ ᒐᒋ ᓇᓂᑐᐛᐱᒪᑭᓄᔨᒋ ᐱᑕᕋ, ᓇᒪ ᒪᒃ ᐅᒋ ᒥᔅᑯᐛᑭᓄᐅᔪᐛ᙮ ᐊᑯ ᐊᓐᒡ ᐊᓯᒪᑭᓂᓯᒡ ᑲ ᓂᓇᑭᑐᐛᔨᒪᒡ ᐱᑕᕋ ᒋ ᑯᒂᒋᒪᑭᓄᐅᒡ ᒐᒋ ᐎᑕᒡ ᑕᓐ ᐊᓐ ᑲ ᐃᔅᐱᔨᒡ, ᐊᑯ ᐊᕈᑦ ᑲ ᐃᑎᓱᐛᑕᑦ ᒐᒋ ᓂᐸᐊᑭᓄᔨᒋ ᐊᓂᔭ ᐊᓯᒪᑭᓂᓴ᙮ ᐃᔅᐱ ᒪᒃ ᐅᔭ ᑲ ᐃᑐᑐᐛᑭᓄᔨᒋ, ᐊᕈᑦ ᒋ ᓂᑭᑎᒻ ᒍᑎᔭ ᐊᔅᒋᔪᐤ, ᐊᑯ ᐊᓐᑕ ᓯᓴᕆᔭᒡ ᒂ ᐃᑐᑕᑦ᙮ ᐊᑯᑕ ᐊᓐᑕ ᑲ ᐎᒋᑦ᙮
ᐊᕈᑦ ᑲ ᓂᐱᑦ
20ᐊᕈᑦ ᒪᒃ ᓇᔅᒡ ᒋ ᒋᔄᐃᑯᐤ ᐊᓂᔭ ᐃᔪᐛ ᐊᓐᑕ ᑕᐃᕋᒡ ᑭᔭ ᓴᐃᑐᓂᒡ ᑲ ᑕᔨᒋ᙮ ᒪᒂᒡ ᒪᒃ ᐊᓐᑕ ᓯᓴᕆᔭᒡ ᑲ ᑕᑦ ᒋ ᑎᑯᓯᓂᔪᐛ ᐃᔪᐛ ᐊᓐᑕ ᑕᐃᕋ ᑭᔭ ᓴᐃᑐᓐ ᐊ ᐅᒋᔨᒋ ᐊᒋ ᐸᒋ ᐃᑎᓴᐛᑭᓄᔨᒂᓂ ᒐᒋ ᒥᔪᐱᔨᑕᔨᒋ ᑕᓐ ᑲ ᐃᓯ ᒥᒋᐱᔨᒡ ᐊᕈᑦ ᑭᔭ ᐊᓐᒡ ᐃᔪᒡ᙮ ᐛᔅ ᐊᑯᑕ ᐊᓐᑕ ᑲᒋ ᐅᑎᓇᒡ ᐅᒥᒋᒧᐛᐤ ᐊᓐᒡ ᐃᔪᒡ ᐊᓐᑕ ᐊᓂᔭ ᐊᔅᒋᔪᐤ ᐊᕈᑕ ᑲ ᒋᓴᐅᒋᒪᐅᑐᑎᒥᔨᒋ᙮ ᐎᔾ ᒪᒃ ᐊᕈᑦ ᒋ ᐱᔅᑎᓱᐛᑎᒻ ᐊᓂᔭ ᒥᒋᒥᔪᐤ᙮ ᒋ ᑕᔪᐛ ᒪᒃ ᒋᓴᐅᒋᒪᐤ ᐊᕈᑦ ᐅᑦ ᐊᐱᒋᐊᑭᓇ ᐱᓚᔅᑕᔅ ᐊ ᐃᓯᓂᐧᑲᓱᔨᒋ, ᐊ ᓂᓇᑭᑐᐛᔨᑎᒺᑦ ᐊᕈᑕ ᐎᒋᔪᐤ ᐊ ᐃᑕᐱᑎᓯᑦ᙮ ᐊᐅᒄ ᒪᒃ ᐊᓂᔭ ᑲ ᓴᐧᑯᒋᒪᒡ ᒐᒋ ᐎᒋᐃᑯᒡ, ᑭᔭ ᐃᔭᒄ ᑲ ᓂᑐᐛᐱᒪᒡ ᐊᕈᑕ ᐛᔅ ᓇᒪ ᐅᒋ ᓂᑐᐛᔨᒪᐅᒡ ᒐᒋ ᒋᔄᓯᔅᑕᑯᒡ᙮
21ᐊᑯ ᐊᕈᑦ ᒂ ᐎᔭᔨᑕᐧᒃ ᐊᓂᔭ ᐊ ᒋᓯᑲᔨᒡ ᒐ ᓂᑐᑐᐛᑦ ᐊᓂᔭᔪᐛ ᐃᔪᐛ᙮ ᐊᓂᔭ ᒪᒃ ᑲ ᒋᓯᑲᔨᒡ ᒋ ᒋᓴᐅᒋᒪᐛᔅᐱᓱᐤ, ᐊᑯ ᒂ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᐃᔪᐛ᙮ 22ᐊᓐᒡ ᒪᒃ ᐃᔪᒡ ᑲ ᐸᑐᐛᒡ ᒋ ᑕᑈᐅᒡ ᐊ ᐃᔅᒋᔄᒡ, “ᓇᒪᔭᐤ ᓇᐸᐤ ᑲ ᐃᔨᒥᑦ, ᒧᔭᒻ ᐊᐛᓐ ᐊ ᒋᓴᒪᓂᑐᐅᑦ ᐊᐅᑯᓐ ᐊ ᐃᑎᑕᑯᓯᑦ᙮” 23ᑎᐛᒡ ᒪᒃ ᐅᑎᐸᔨᒋᒐᐛ ᐅᑦ ᐊᓐᒋᓂᒥᔪᐛ ᒋ ᑐᑕᑯᐤ ᐊᕈᑦ ᒐᒋ ᒥᔅᑎ ᐊᐧᑯᓯᑦ, ᐊᑯ ᒥᓐᑐᓴ ᑲ ᐊᑎ ᒧᑯᑦ ᓇᔅᒡ ᐊᒋ ᐊᑎ ᓂᐸᐃᑯᑦ, ᐛᔅ ᑕᐸ ᐅᒋ ᐎ ᒋᔅᑕᔨᑕᑯᐊᐤ ᒋᓴᒪᓂᑐᐛ᙮
24ᐊᔭᔅᒃ ᒪᒃ ᒥᓯᑕ ᒋ ᐛᐎᑕᑭᓄᐅᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᔭᔅᒃ ᒋ ᐊᑎ ᒥᒐᑐᐅᒡ ᐊᓐᒡ ᑲ ᑕᑈᑕᒡ᙮
25ᐸᕐᓇᐸᔅ ᑭᔭ ᓴᓪ ᒋ ᒋᔅᑕᐅᒡ ᑕᓐ ᑲ ᐎ ᐃᑎᒡ ᐊᓐᑕ ᒋᕈᓯᓕᒥᒡ, ᑭᔭ ᒂ ᒋᐛᒡ ᐊᓐᑕ ᐊᓐᑎᔭᑭᒡ᙮ ᒠᓐ-ᒪᕐᑲ ᒪᒃ ᒋ ᔅᑐᑕᐊᐅᒡ᙮
Currently Selected:
ᐊᑈᔅᑕᓇᒡ 12: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
ᐊᑈᔅᑕᓇᒡ 12
12
ᑕᓐᑕ ᑲ ᐅᒋ ᐎᐧᑯᒋᐅᑦ ᐱᑕᕐ ᐊᓐᑕ ᑲᒪᑯᓄᐛᓯᐅᒋᐛᐱᒡ ᑲ ᑕᑦ
1ᐊᑯᑕ ᒪᒃ ᐊᓐᑕ ᓴᓯᑲᓐ ᒋᓴᐅᒋᒪᐤ ᐊᕈᑦ ᑲ ᒋᒋ ᓂᓇᐧᑲᒋᐊᑦ ᐱᔅᒐ ᐊᓂᔭ ᐅᒪᒧᐊᔭᒥᐊᐤ᙮ 2ᒠᓐ ᐎᐧᑲᓂᓱᐛᐛ ᒋᒥᓴ ᐊᐅᑯᓐ ᐊᓂᔭ ᓂᔅᑎᒻ ᑲ ᐃᑎᓱᐛᑕᑦ ᒐ ᓂᐸᐊᑭᓄᔨᒋ, ᓂᑐᐱᔪᐅ-ᒧᐧᑯᒪᓂᔪᐤ ᐊ ᐊᐱᑎᓂᔨᒡ᙮ 3ᐃᔅᐱ ᐎᔭᐸᑕᐧᒃ ᐊ ᒥᔽᔨᑎᒥᔨᒋ ᒍᐤ ᐃᔪᐛ ᐅᔭ ᑲ ᐃᑎᑦ, ᐊᑯ ᒂ ᐃᔅᒋᔄᑦ ᐱᑕᕋ ᑭᔭ ᒐᒋ ᒪᑯᓇᑭᓄᔨᒋ᙮ ᐊᐅᒄ ᒪᒃ ᐅᔭ ᒪᒂᒡ ᐊ ᒋᓯᑲᔨᒡ ᐊᓐᒡ ᒍᐤ ᐃᔪᒡ ᑲ ᒥᑯᓴᒡ, ᐊᓐ ᒥᑯᓴᓐ ᑲᒋ ᒧᐛᑭᓄᐅᑦ ᐸᒂᓯᑭᓐ ᐊᑲ ᐅᐱᓯᑭᓂᐧᑲᑐᐛᑭᓄᐅᑦ᙮ 4ᐊᑯ ᐱᑕᕐ ᒂ ᒪᑯᓇᑭᓄᐅᑦ ᑲ ᒋᐸᐛᑭᓄᐅᑦ᙮ ᒪᒧᐤ ᐊᓱᑕᒡ ᑕᑐᓴᑉ ᒋ ᑎᓯᔪᐤ ᐊᓯᒪᑭᓂᓴ ᐊ ᓂᓇᑭᑐᐛᔨᒥᑯᑦ ᐊ ᒪᒥᔅᑯᑎᔅᑲᑐᔨᒋ᙮ ᓇᐤ ᒋ ᑎᓯᔪᐛ ᐸᐃᒂᐤ ᐊ ᓂᓇᑭᑐᐛᔨᒥᑯᑦ᙮ ᐊᕈᑦ ᒪᒃ ᒋ ᐃᑕᔨᑎᒻ ᒐᒋ ᓂᔅᑐᓇᑦ ᐊᓂᔭᔪᐛ ᐃᔪᐛ ᒋ ᒥᑯᓴᔨᒐ᙮ ᐊᑯᑕ ᑲ ᐃᑕᔨᑕᐧᒃ ᒐᒋ ᑎᐸᔅᑯᓇᑦ ᐱᑕᕋ ᐊᓐᑕ ᐊᓂᔭ ᒪᒂᒡ᙮
5ᒪᒂᒡ ᒪᒃ ᐱᑕᕐ ᑲ ᑕᑦ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐊᓂᔭ ᐅᒪᒧᐊᔭᒥᐊᐤ ᓱᒃ ᒋ ᐊᔭᒥᐊᔅᑎᒪᑯᐤ᙮
6ᐊᓂᔭ ᒪᒃ ᒪᔅᑕᔾ ᑕᐱᔅᑲᔨᒡ ᒐ ᑕᑦ ᐱᑕᕐ ᐊᓐᑕ ᑲᒪᑯᓄᐛᓯᐅᒋᐛᐱᒡ ᑎᔅᑐᐎᒡ ᓂᓱ ᐊᓯᒪᑭᓂᓴ ᐊ ᑕᔨᒋ ᒋ ᓂᐸᐤ᙮ ᐊᓂᔭ ᒪᒃ ᐛᐸᓂᔨᒐ ᐊᑯ ᒋᐸ ᑎᐸᔅᑯᓇᑭᓄᐤ᙮ ᓂᔄᐸᒡ ᒪᒃ ᐃᓴᒂᔭᐱᔭ ᒋ ᒪᑯᐱᑕᑭᓄᐤ᙮ ᑭᔭ ᒋ ᑕᔪᐛ ᐊᓯᒪᑭᓂᓴ ᐊ ᑭᓄᔅᑯᐛᑐᐛᔨᒋ᙮ 7ᒐᒃ ᓯᔅᒋᑯᒡ ᑲ ᐅᒋ ᐛᔅᑕᔨᒡ ᐊᓐᑕ ᐱᑕᕐ ᑲ ᒋᐸᐛᑭᓄᐅᑦ, ᐊᐅᑯᔪᐛ ᐅᑎᐸᔨᒋᒐᐤ ᐅᑦ ᐊᓐᒋᓂᒥᔪᐛ ᐛᒋ ᓂᐳᔨᒋ ᐊᓐᑕ ᐊ ᑕᑦ᙮ ᑲ ᔭᔭᒋᐱᑎᑯᑦ ᐊ ᐎ ᑯᔅᑯᓂᑯᑦ ᐊᑯ ᒂ ᐃᑎᑯᑦ, “ᒋᐱ ᐅᓂᔾ !” ᑎᐛᒡ ᒪᒃ ᒋ ᐊᔭᐱᐧᑯᐸᔪᐛ ᐊᓂᔭ ᐃᓴᒂᔭᐱᔭ ᑲ ᒪᑯᐱᑕᑭᓄᐅᑦ ᐱᑕᕐ ᐅᐧᑯᓂᑎᒋᒡ᙮
8ᐊᑯ ᒂ ᐃᑎᑯᑦ ᐊᓂᔭ ᐊᓐᒋᓇ, “ᐛᑕᔅᐱᓱᐤ, ᑭᔭ ᒪᑯᐱᑕ ᒋᒥᔅᒋᓇ᙮” ᐊᐅᑯᓐ ᑲ ᐃᑎᑦ ᐱᑕᕐ᙮ ᐊᑯ ᒥᓐ ᒂ ᐃᑎᑯᑦ, “ᐳᔅᑎᑯᐸ, ᒐ ᐸᒋ ᐎᒐᐎᔨᓐ᙮” 9ᐱᑕᕐ ᒪᒃ ᒋ ᓇᓴᐛᐤ ᐊᓂᔭ ᐊᓐᒋᓇ ᐊ ᐊᑎ ᐎᐎᔨᒋ᙮ ᓇᒪ ᒪᒃ ᐅᒋ ᒋᔅᒐᔨᑎᒻ ᑕᑈ ᐊ ᐃᔅᐱᒂ ᐅᔭ ᒪᒃ ᒥᒄ ᐊ ᐃᓯᓂᒧᒂ᙮ 10ᓂᔅᑎᒻ ᒪᒃ ᐊᓂᔭ ᐊᓯᒪᑭᓂᓴ ᐊᓐᑕ ᑲ ᑕᔨᒋ ᒋ ᐊᑎ ᐎᒪᔅᑯᐛᐅᒡ, ᒥᓐ ᐊᓂᔭ ᑯᑎᑲ, ᐊᑯ ᒐᒃ ᒂ ᐅᑎᑕᒡ ᐊᓂᔭ ᐃᓴᒄ ᔅᑐᐧᑭᓇ ᐊᓐᑕ ᐊ ᐅᒋ ᐱᒐᓄᐎᒡ ᐊᓂᔭ ᐅᑕᓇᔪᐤ᙮ ᓴᒐᐃ ᒪᒃ ᒋ ᔪᑕᐱᔪᐤ ᐊᓐ ᐃᓴᒄ ᔅᑐᐧᑭᓐ, ᐊᑯ ᒂ ᐊᑎ ᐎᐎᒡ᙮ ᐃᔅᐱ ᒪᒃ ᐊ ᐊᑎ ᐱᒧᑕᒡ ᐊᓐᑕ ᒪᔅᑭᓇᒡ, ᓯᔅᒋᑯᒡ ᒋ ᓂᑭᑎᑯᐤ ᐊᓂᔭ ᐊᓐᒋᓇ᙮
11ᐃᔅᐱ ᒪᒃ ᐱᑕᕐ ᒥᔭᒥᑐᓇᔨᑕᐧᒃ ᐅᔭ ᑲ ᐃᔅᐱᔨᑦ, ᐊᑯ ᒂ ᐃᔅᒋᔄᑦ, “ᓂ ᒐᔅᑎᓇᐅᓐ ᐅᑎᐸᔨᒋᒐᐤ ᐊᒋ ᐸᒋ ᐃᑎᓴᐛᑦ ᐅᑦ ᐊᓐᒋᓇᒪ ᒐ ᐸᒋ ᐎᐧᑯᒋᐃᔨᒋ, ᒐ ᐊᑲ ᒋ ᓴᓯᑲᓐ ᐸᒋ ᐃᑐᑐᐅᑦ ᐊᕈᑦ ᑭᔭ ᐊᓐᒡ ᒍᐤ ᐃᔪᒡ ᒐ ᐊᑲ ᒋ ᐃᑐᑐᐅᒡ ᑕᓐ ᑲ ᐎ ᐃᑐᑐᐅᒡ᙮”
12ᐃᔅᐱ ᒪᒃ ᒐᔅᒐᔨᑕᐧᒃ ᐱᑕᕐ ᑕᓐ ᑲ ᐃᔅᐱᔨᑦ, ᒋ ᐃᑐᑕᐤ ᐊᓐᑕ ᒪᕆᔨᒋ ᐊ ᑕᔨᒋ, ᒠᓐ-ᒪᕐᑲ ᐅᑲᐎᔪᐛ᙮ ᒪᒂᒡ ᒪᒃ ᒥᒐᑦ ᐊᐛᔪᐛ ᒋ ᒪᒧᐎᔪᐛ ᐊᓐᑕ ᐊ ᐊᔭᒥᐊᔨᒋ᙮ 13ᐊᑯ ᐱᑕᕐ ᒂ ᑎᑥᐛᐃᒐᑦ ᐊᓂᔭ ᔅᑐᐧᑭᓇ, ᐊᑯ ᐊᓐ ᑯᐸᓇᔎᐤ ᕈᑕ ᑲ ᓂᑐ ᒋᔅᒐᔨᒪᑦ ᐊᐛᔪᐛ ᐊᓂᔭ ᑲ ᐎ ᐸᒋ ᐱᒐᔨᒋ᙮ 14ᐃᔅᐱ ᓇᔅᑐᑐᐛᑦ ᐱᑕᕋ ᐊ ᐃᔨᒥᔨᒋ, ᑲᐤ ᒋ ᒋᐛᐸᑕᐤ ᐊᑲ ᐛᐛᒡ ᔪᑕᓇᑦ ᐊᓂᔭ ᔅᑐᐧᑭᓇ ᒐᒋ ᐱᒐᔨᒋ ᐊ ᐃᔅᐱᔅ ᒥᔽᔨᑕᐧᒃ᙮ ᐊᑯ ᒂ ᐎᑕᐧᒃ ᐱᑕᕋ ᐊ ᑎᑯᓯᓂᔨᒋ᙮
15ᒋ ᐃᑕᑭᓄᐤ ᒪᒃ, “ᐛᔅᑭᒪᔨᑕ ᒪ !” ᒥᒄ ᒪᒃ ᓇᔅᒡ ᒋ ᐎ ᑕᑈᐤ ᐊ ᐃᔅᒋᔄᑦ, ᑕᑈ ᐛᔅ ᐊᓐ ᐱᑕᕐ ᐊᓐ ᑲ ᐸᒋ ᓂᐳᐅᑦ᙮ ᐊᑯ ᒂ ᐃᑕᒡ, “ᒐᔅᑎᓇᔅ ᐅᑦ ᐊᓐᒋᓇᒪ ᐊᓂᔭᔪᐛ᙮”
16ᐃᔭᐱᒡ ᒪᒃ ᒋ ᑎᑥᐛᐃᒐᐤ ᐱᑕᕐ ᒋᐱᔎᒡ᙮ ᒐᒃ ᒪᒃ ᒂ ᔪᑕᓂᒧᐛᑭᓄᐅᑦ, ᐃᔅᐱ ᒪᒃ ᐎᔭᐱᒪᒡ, ᓇᔅᒡ ᑕᑈ ᒋ ᑯᔅᑯᐱᔪᒡ᙮ 17ᒋ ᐛᔅᑕᒧᐛᐤ ᐊᓂᔭᔪᐛ ᐃᔪᐛ ᒐᒋ ᐳᓂᔨᒋ ᐊ ᐃᔨᒥᔨᒋ᙮ ᐊᑯ ᒂ ᐎᑎᒧᐛᑦ ᑕᓐᑕ ᑲ ᐅᒋ ᐎᐧᑯᒋᐃᑯᑦ ᐅᑎᐸᔨᒋᒐᐛ ᐊᓐᑕ ᑲᒪᑯᓄᐛᓯᐅᒋᐛᐱᒡ ᐅᒡ᙮ ᐊᑯ ᒂ ᐃᑕᑦ, “ᐎᑎᒧᐛᐧᑯᒡ ᒋᒥᔅ ᑭᔭ ᐊᓐᒡ ᑯᑎᑭᒡ ᒋᐧᑲᓂᓯᓄᐅᒡ ᑕᓐ ᑲ ᐃᔅᐱᔭᓐ᙮” ᐊᑯ ᑲ ᐎᐎᑦ, ᐃᔭᒡ ᒋ ᐃᑐᑕᐤ᙮
18ᒥᓐ ᒪᒃ ᐎᔭᐱᓂᔨᒡ, ᓇᔅᒡ ᑕᑈ ᒋ ᑯᔅᑯᐱᔪᒡ ᑭᔭ ᒋ ᓴᒋᓱᐅᒡ ᐊᓐᒡ ᐊᓯᒪᑭᓂᓯᒡ ᐊᑲ ᒥᔅᑯᐛᒡ ᐊᓂᔭ ᐱᑕᕋ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮ 19ᐊᕈᑦ ᒪᒃ ᒋ ᐃᑎᓱᐛᐤ ᒐᒋ ᓇᓂᑐᐛᐱᒪᑭᓄᔨᒋ ᐱᑕᕋ, ᓇᒪ ᒪᒃ ᐅᒋ ᒥᔅᑯᐛᑭᓄᐅᔪᐛ᙮ ᐊᑯ ᐊᓐᒡ ᐊᓯᒪᑭᓂᓯᒡ ᑲ ᓂᓇᑭᑐᐛᔨᒪᒡ ᐱᑕᕋ ᒋ ᑯᒂᒋᒪᑭᓄᐅᒡ ᒐᒋ ᐎᑕᒡ ᑕᓐ ᐊᓐ ᑲ ᐃᔅᐱᔨᒡ, ᐊᑯ ᐊᕈᑦ ᑲ ᐃᑎᓱᐛᑕᑦ ᒐᒋ ᓂᐸᐊᑭᓄᔨᒋ ᐊᓂᔭ ᐊᓯᒪᑭᓂᓴ᙮ ᐃᔅᐱ ᒪᒃ ᐅᔭ ᑲ ᐃᑐᑐᐛᑭᓄᔨᒋ, ᐊᕈᑦ ᒋ ᓂᑭᑎᒻ ᒍᑎᔭ ᐊᔅᒋᔪᐤ, ᐊᑯ ᐊᓐᑕ ᓯᓴᕆᔭᒡ ᒂ ᐃᑐᑕᑦ᙮ ᐊᑯᑕ ᐊᓐᑕ ᑲ ᐎᒋᑦ᙮
ᐊᕈᑦ ᑲ ᓂᐱᑦ
20ᐊᕈᑦ ᒪᒃ ᓇᔅᒡ ᒋ ᒋᔄᐃᑯᐤ ᐊᓂᔭ ᐃᔪᐛ ᐊᓐᑕ ᑕᐃᕋᒡ ᑭᔭ ᓴᐃᑐᓂᒡ ᑲ ᑕᔨᒋ᙮ ᒪᒂᒡ ᒪᒃ ᐊᓐᑕ ᓯᓴᕆᔭᒡ ᑲ ᑕᑦ ᒋ ᑎᑯᓯᓂᔪᐛ ᐃᔪᐛ ᐊᓐᑕ ᑕᐃᕋ ᑭᔭ ᓴᐃᑐᓐ ᐊ ᐅᒋᔨᒋ ᐊᒋ ᐸᒋ ᐃᑎᓴᐛᑭᓄᔨᒂᓂ ᒐᒋ ᒥᔪᐱᔨᑕᔨᒋ ᑕᓐ ᑲ ᐃᓯ ᒥᒋᐱᔨᒡ ᐊᕈᑦ ᑭᔭ ᐊᓐᒡ ᐃᔪᒡ᙮ ᐛᔅ ᐊᑯᑕ ᐊᓐᑕ ᑲᒋ ᐅᑎᓇᒡ ᐅᒥᒋᒧᐛᐤ ᐊᓐᒡ ᐃᔪᒡ ᐊᓐᑕ ᐊᓂᔭ ᐊᔅᒋᔪᐤ ᐊᕈᑕ ᑲ ᒋᓴᐅᒋᒪᐅᑐᑎᒥᔨᒋ᙮ ᐎᔾ ᒪᒃ ᐊᕈᑦ ᒋ ᐱᔅᑎᓱᐛᑎᒻ ᐊᓂᔭ ᒥᒋᒥᔪᐤ᙮ ᒋ ᑕᔪᐛ ᒪᒃ ᒋᓴᐅᒋᒪᐤ ᐊᕈᑦ ᐅᑦ ᐊᐱᒋᐊᑭᓇ ᐱᓚᔅᑕᔅ ᐊ ᐃᓯᓂᐧᑲᓱᔨᒋ, ᐊ ᓂᓇᑭᑐᐛᔨᑎᒺᑦ ᐊᕈᑕ ᐎᒋᔪᐤ ᐊ ᐃᑕᐱᑎᓯᑦ᙮ ᐊᐅᒄ ᒪᒃ ᐊᓂᔭ ᑲ ᓴᐧᑯᒋᒪᒡ ᒐᒋ ᐎᒋᐃᑯᒡ, ᑭᔭ ᐃᔭᒄ ᑲ ᓂᑐᐛᐱᒪᒡ ᐊᕈᑕ ᐛᔅ ᓇᒪ ᐅᒋ ᓂᑐᐛᔨᒪᐅᒡ ᒐᒋ ᒋᔄᓯᔅᑕᑯᒡ᙮
21ᐊᑯ ᐊᕈᑦ ᒂ ᐎᔭᔨᑕᐧᒃ ᐊᓂᔭ ᐊ ᒋᓯᑲᔨᒡ ᒐ ᓂᑐᑐᐛᑦ ᐊᓂᔭᔪᐛ ᐃᔪᐛ᙮ ᐊᓂᔭ ᒪᒃ ᑲ ᒋᓯᑲᔨᒡ ᒋ ᒋᓴᐅᒋᒪᐛᔅᐱᓱᐤ, ᐊᑯ ᒂ ᐊᐱᑦ ᐊᓐᑕ ᒋᓴᐅᒋᒪᐤ ᑕᑎᐳᐛᑭᓂᒡ ᐊᑯ ᒂ ᐃᔨᒪᐊᑦ ᐊᓂᔭᔪᐛ ᐃᔪᐛ᙮ 22ᐊᓐᒡ ᒪᒃ ᐃᔪᒡ ᑲ ᐸᑐᐛᒡ ᒋ ᑕᑈᐅᒡ ᐊ ᐃᔅᒋᔄᒡ, “ᓇᒪᔭᐤ ᓇᐸᐤ ᑲ ᐃᔨᒥᑦ, ᒧᔭᒻ ᐊᐛᓐ ᐊ ᒋᓴᒪᓂᑐᐅᑦ ᐊᐅᑯᓐ ᐊ ᐃᑎᑕᑯᓯᑦ᙮” 23ᑎᐛᒡ ᒪᒃ ᐅᑎᐸᔨᒋᒐᐛ ᐅᑦ ᐊᓐᒋᓂᒥᔪᐛ ᒋ ᑐᑕᑯᐤ ᐊᕈᑦ ᒐᒋ ᒥᔅᑎ ᐊᐧᑯᓯᑦ, ᐊᑯ ᒥᓐᑐᓴ ᑲ ᐊᑎ ᒧᑯᑦ ᓇᔅᒡ ᐊᒋ ᐊᑎ ᓂᐸᐃᑯᑦ, ᐛᔅ ᑕᐸ ᐅᒋ ᐎ ᒋᔅᑕᔨᑕᑯᐊᐤ ᒋᓴᒪᓂᑐᐛ᙮
24ᐊᔭᔅᒃ ᒪᒃ ᒥᓯᑕ ᒋ ᐛᐎᑕᑭᓄᐅᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ ᑭᔭ ᐊᔭᔅᒃ ᒋ ᐊᑎ ᒥᒐᑐᐅᒡ ᐊᓐᒡ ᑲ ᑕᑈᑕᒡ᙮
25ᐸᕐᓇᐸᔅ ᑭᔭ ᓴᓪ ᒋ ᒋᔅᑕᐅᒡ ᑕᓐ ᑲ ᐎ ᐃᑎᒡ ᐊᓐᑕ ᒋᕈᓯᓕᒥᒡ, ᑭᔭ ᒂ ᒋᐛᒡ ᐊᓐᑕ ᐊᓐᑎᔭᑭᒡ᙮ ᒠᓐ-ᒪᕐᑲ ᒪᒃ ᒋ ᔅᑐᑕᐊᐅᒡ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada