2 ᑎᒧᑎ 4
4
1ᒋᔾ ᑎᒧᑎ, ᒋᑦ ᐃᑎᓱᒥᑎᓐ ᐅᑎᔅᑯᐤ ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐊ ᑕᑦ, ᐊᓐ ᒐ ᑎᐸᔅᑯᓇᑦ ᑲ ᐱᒪᑎᓯᔨᒋ ᑭᔭ ᑲ ᓂᐱᔨᒋ, ᑭᔭ ᒥᓐ ᒐ ᑎᑯᓯᐧᒃ ᒐ ᒋᓴᐅᒋᒪᐅᑦ, 2ᒐ ᐛᐎᑎᒥᓐ ᒋᓴᒪᓂᑐᐤ ᐅᑦ ᐃᔨᒧᐅᓐ, ᓱᐧᒃ ᐛᐎᑕ ᐊᑎ ᐊᓐᑕ ᐊᑲ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒪᒃ ᐊᓐᑕ ᐊ ᓇᐃᐱᔨᒡ ᒐᒋ ᓂᑐᑕᑭᓄᐅᒡ, ᒋᔅᒐᔨᑕᑯᑕ ᑕᑈᐅᓐ, ᒋᑕᐊᒪᒐ ᐊ ᐅᓂᑐᑕᑭᓄᐅᒡ, ᑭᔭ ᐛᐎᑎᒪᒐ ᑭᔭ ᒧᔅ ᐎ ᓯᐱᔪᐛᓯ ᑭᔭ ᒧᔅ ᒋᔅᑯᑎᒪᒐ᙮ 3ᐛᔅ ᒋᑭ ᐅᑎᒋᐱᔪᐤ ᑕᓐᑕ ᒐ ᐊᑲ ᐅᒋ ᓂᑐᑕᒡ ᐊᐛᓐᒋ ᐊᓂᔭ ᑎᔭᑈᒥᑭᓂᔨᒡ ᒋᔅᑯᑎᒪᒐᐅᓂᔪᐤ᙮ ᐃᔭᐱᒡ ᒋᑭ ᓇᓂᑐᐛᔨᒪᐅᒡ ᐊᐛᔪᐛ ᒐᒋ ᒋᔅᑯᑎᒪᑯᒡ ᐎᔨᐛᐤ ᑕᓐ ᐛ ᐃᓯ ᐸᑕᒡ᙮ 4ᓇᒪ ᒋᑭ ᐅᒋ ᐊᐱᑕᔨᑎᒧᒡ ᒐᒋ ᓂᑐᑕᒡ ᑕᑈᐅᓂᔪᐤ᙮ ᐅᔅᑕ ᒋᑭ ᐃᑕᔨᑎᒥᐃᑯᐅᒡ ᐊ ᒪᓐᑕᐅᑕᑯᓂᔨᒋ ᑎᐸᒋᒧᐅᓇ ᒐᒋ ᓂᑐᑕᒡ᙮ 5ᒥᒄ ᒪᒃ ᓱᐧᒃ ᓂᓇᑭᑐᐛᔨᒥᓱᐤ ᒋᔾ, ᑯᐃᔅᒄ ᒐᒋ ᐃᓯ ᒪᒥᑐᓇᔨᑎᒥᓐ ᑕᓐ ᒥᒄ ᒐ ᐃᔅᐱᔪᐅᓇ᙮ ᓯᐱᔪᐛᓯᔅᑕ ᑕᓐ ᒐ ᐃᓯ ᓂᓇᐧᑲᒋᐃᑯᐎᔨᓐ᙮ ᓱᐧᒃ ᐎᒋᐃᒡ ᑯᑎᑭᒡ ᐊ ᐛᐎᑎᒧᐅᑥᐤ ᒥᔽᒋᒧᐅᓂᔪᐤ᙮ ᑭᔭ ᓇᔅᒡ ᐃᑐᑕ ᒥᓯᐛ ᐊᓂᔭ ᑕᓐ ᑲ ᐎ ᐃᑕᐱᒋᐃᔅᒃ ᒋᓴᒪᓂᑐᐤ᙮
2 Timothy 4.6-8,16-18 (Proper-25 Year C)
6ᓂᔾ ᒪᒃ ᓴᔅ ᐅᑎᒋᐱᔪᐤ ᒐ ᐱᔅᑎᓇᑭᓄᐅᒡ ᓂᐱᒪᑎᓯᐅᓐ ᒋᓴᒪᓂᑐᐤ ᐃᔅ ᐊ ᑕᑦ᙮ ᓴᔅ ᐅᑎᒋᐱᔪᐤ ᒐ ᓂᑭᑎᒪᓐ ᐅ ᐊᔅᒋᔾ᙮ 7ᓴᔅ ᓂ ᒋᔅᑕᓐ ᐊᓐ ᑕᓐ ᓂᐸ ᐃᓯ ᒥᔪ ᒪᓯᑕᓐ, ᓴᔅ ᓂ ᒋᔅᑕᓐ ᑕᓐ ᑲ ᐃᓯ ᑯᒂᒋᔅᑭᑕᐃᒐᔭᓐ ᑭᔭ ᓂᒋ ᑭᓄᐛᔨᑕᓐ ᑕᓐ ᑲ ᐃᓯ ᑕᑈᑎᒪᓐ᙮ 8ᓴᔅ ᐊᔭᔅᑯᔅᑕᐤ ᐊᓐ ᒋᓴᐅᒋᒪᐅᑯᓂᔎᐅᓐ ᐊᓂᔭ ᒐ ᒥᔭᑭᓄᐅᒡ ᐊᓐᒡ ᒐ ᑯᐃᔅᑯᑕᑎᓯᒡ᙮ ᐊᐅᒄ ᒪᒃ ᐅᔭ ᒐ ᐸᒋ ᒥᔨᑦ ᐅᑎᐸᔨᒋᒐᐤ ᐊᓐ ᑯᐃᔅᒄ ᑲ ᐃᓯ ᑎᐸᔅᑯᓂᒐᑦ ᒥᓐ ᐸᒋ ᑎᑯᓯᒐ᙮ ᓇᒪ ᒪᒃ ᒥᒄ ᓂᔾ ᓂᑭ ᐅᒋ ᒥᔨᑯᐅᓐ ᐅ ᐊ ᐃᓯᓇᒂᒡ ᐊᑯᓂᔎᐅᓐ, ᒥᓯᐛ ᐊᓐᒡ ᓴᒋᐃᐛᐅᓂᒡ ᑲ ᐃᓯ ᐱᑯᓴᔨᒧᒡ ᐅᑎᐸᔨᒋᒐᐛ ᒥᓐ ᒐ ᑎᑯᓯᓂᔨᒋ ᑭᔭ ᐎᔨᐛᐤ ᒋᑭ ᒥᔭᑭᓄᐅᒡ᙮
ᐎᔾ ᑎᐱᔨᐛ ᑈᓪ ᑲ ᐃᓯ ᐃᔨᒪᐊᑦ ᑎᒧᑎᔨᒋ
9ᓱᒃ ᑯᒋᑕ ᐎᐱᒡ ᒐᒋ ᐸᒋ ᓂᑐ ᒋᔅᒐᔨᒥᔨᓐ᙮ 10ᑎᒪᔅ ᐎᔾ, ᓴᔅ ᐅᔅᑕ ᐅᔭ ᐊᔅᒋᔪᐤ ᓴᒋᑕᐤ ᑭᔭ ᓂᒋ ᓂᑭᑎᒄ, ᐊᓐᑕ ᑕᓴᓗᓇᐃᑲᒡ ᐊᑯᑕ ᑲ ᐃᑐᑕᑦ᙮ ᑭᕋᓴᓂᔅ ᒪᒃ ᐎᔾ ᐊᓐᑕ ᑲᓚᓯᔭᒡ ᐊᑯᑕ ᑲ ᐃᑐᑕᑦ᙮ ᐊᑯ ᑕᐃᑕᔅ ᐊᓐᑕ ᑕᓪᒪᓯᔭᒡ ᐊᑯᑕ ᐎᔾ ᑲ ᐃᑐᑕᑦ᙮ 11ᒥᒄ ᓗᒃ ᐊᐅᒄ ᐊ ᑕᑦ ᐅᑕ ᐊ ᑕᔭᓐ᙮ ᔭᐃᑕᔾ ᒐ ᐎ ᐸᒋ ᐎᒐᐅᑦ ᒪᕐᒃ ᑎᑯᓯᓂᔨᓇ᙮ ᓂᑐᐛᔨᒪᐤ ᒐᒋ ᐸᒋ ᐎᒋᐃᑦ ᐅᑕ ᐊ ᐊᔭᒥᐊᐤ ᐊᑐᔅᒐᐅᒡ᙮ 12ᑭᔭ ᑕᐃᑭᑲᔅ ᓇᒪ ᑕᐤ ᐅᑕ, ᐊᓐᑕ ᐃᐱᓴᔅ ᐊᑯᑕ ᑲ ᐃᑎᓴᐅᒃ᙮ 13ᑎᑯᓯᓂᔨᓇ ᒐ ᐸᒋ ᓂᔅᑯᐛᓂᒥᓐ ᓂᑦ ᐊᑯᑉ ᐊᓐᑕ ᑐᕈᐊᓯᒡ, ᐊᓐᑕ ᑲᕐᐸᔅ ᐊ ᑕᑦ ᐊᑯᑕ ᑲ ᓂᑭᑎᒪᓐ᙮ ᑭᔭ ᐊᓂᔭᔪᐛ ᒥᓯᓇᐃᑭᓇ ᒐ ᐸᑕᔭᒄ, ᔭᐃᑕᔾ ᐸᑕᒄ ᐊᓂᔭᔪᐛ ᐊᐛᓯᔅᐅᔭᓐ ᒥᓯᓇᐃᑭᓇ᙮
14ᐊᓐ ᓇᐸᐤ ᑲᒋ ᐛᐛᔭᐱᔅᒋᓴᐧᒃ ᐃᓴᑯᔪᐤ, ᐊᓕᒃᓴᓐᑕᕐ ᑲ ᐃᓯᓂᐧᑲᓱᑦ ᓇᔅᒡ ᑕᑈ ᒋ ᑎᑯᓂᔪᐤ ᑕᓐ ᑲ ᐃᓯ ᓂᓇᐧᑲᑕᔨᒧᐃᑦ, ᒥᒄ ᒪᒃ ᒋᑭ ᑎᑯᓂᔪᐤ ᑕᓐ ᒐ ᐃᓯ ᐃᑐᑕᑯᑦ ᐅᑎᐸᔨᒋᒐᐛ ᐅᔭ ᑕᓐ ᑲ ᐃᓯ ᐃᑐᑐᐅᑦ᙮ 15ᒐ ᐎ ᐃᔭᒂᒥᔅᑐᐎᑦ, ᐛᔅ ᓇᔅᒡ ᒋ ᓂᔅᑯᔅᑎᒻ ᑕᓐ ᑲ ᐃᓯ ᐛᐎᑎᒧᐅᒋᒡ ᒥᔽᒋᒧᐅᓂᔪᐤ᙮
2 Timothy 4.6-8,16-18 (Proper-25 Year C)
16ᐃᔅᐱ ᒪᐅᒡ ᓂᔅᑎᒻ ᑲ ᐅᑎᔅᑯᑲᐳᔅᑎᒪᓐ ᐊ ᑎᐸᔅᑯᓂᑯᐅᔭᓐ, ᓇᒪ ᐛᐛᒡ ᐸᐃᒄ ᐊᐛᓐ ᓂ ᐅᒋ ᐎᒋᑲᐳᐅᔅᑕᒄ, ᒥᓯᐛ ᐊᐛᓐᒋ ᓂᒋ ᓂᑭᑎᑯᒡ᙮ ᑭᒪ ᐊᑲ ᒪᑎᑯᔅᑲᑯᒡ ᐅᔭ ᑕᓐ ᑲ ᐃᓯ ᑐᑕᒡ᙮ 17ᒥᒄ ᒪᒃ ᐅᑎᐸᔨᒋᒐᐤ ᓂᒋ ᐎᒋᑲᐳᐅᔅᑕᒄ ᑭᔭ ᐎᔾ ᓂᒋ ᒥᔨᒄ ᓱᐧᑲᑎᓯᐅᓂᔪᐤ᙮ ᒋ ᐃᔅᐱᔪᐤ ᒪᒃ ᐃᔭᐱᒡ ᓇᔅᒡ ᒐᒋ ᐛᐎᑎᒧᒡ ᐅᔭ ᒥᔽᒋᒧᐅᓂᔪᐤ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᐅᒋ ᐸᑕᒡ, ᑭᔭ ᓂᒋ ᐎᐧᑯᒋᐃᑯᐅᓐ ᒐ ᐊᑲ ᒋ ᒧᐅᑦ ᒥᓯᐱᓱᐤ᙮ 18ᐛᔅ ᐅᑎᐸᔨᒋᒐᐤ ᓂᑭ ᐎᐧᑯᒋᐃᒄ ᒥᓯᐛ ᑕᓐ ᒐ ᐃᓯ ᐅᑎᑕᐅᑯᔭᓐ ᒐᒂᓐ ᐊ ᒪᔭᑎᒡ ᑭᔭ ᐎᔾ ᓂᑭ ᐸᓱᐅᒄ ᐊᓐᑕ ᐊᓂᔭ ᐅᒋᒪᐅᓂᔪᐤ ᒋᒋᒋᓯᑯᒡ ᐊ ᑎᑯᓂᔨᒡ᙮ ᐎᔾ ᒋᑭ ᐎ ᒋᔅᑕᔨᑕᑯᐊᑭᓄᐤ ᑲᒋᒡ ᑭᔭ ᑲᒋᒡ᙮ ᐊᒥᓐ᙮
ᒪᔅᑕᔾ ᑲ ᐃᓯ ᐛᒋᔭᒧᐛᑦ ᑈᓪ
19ᓂ ᐛᒋᔭᒪᐅᒡ ᐳᕆᓯᓚ ᑭᔭ ᐊᑯᐎᓚ᙮ ᓂ ᐛᒋᔭᒪᐤ ᑭᔭ ᐅᓂᓯᐳᕋᔅ ᑭᔭ ᒥᓯᐛ ᐊᓐᑕ ᐊᓂᔭ ᐊ ᐸᐃᑯᔅᑲᓇᓯᑦ᙮ 20ᐊᕋᔅᑕᔅ ᐎᔾ ᐊᑯᑕ ᐊᓐᑕ ᑯᕆᓐᑦ ᐊ ᑕᑦ, ᐊᑯ ᑐᕈᐱᒪᔅ ᐊᓐᑕ ᒥᓕᑕᔅ ᐊᑯᑕ ᑲ ᐅᒋᔅᑭᑎᒃ ᐊᒋ ᐊᐧᑯᓯᑦ᙮ 21ᓱᒃ ᑯᒋᑕ ᒐᒋ ᑎᑯᓯᓂᔨᓐ ᐊᔅᒄ ᐊᑲ ᐱᐳᒡ᙮ ᔪᐳᓚᔅ, ᐳᑕᓐᔅ, ᓚᐃᓇᔅ ᑭᔭ ᑲᓗᑎᔭ ᒥᓯᐛ ᒋ ᐛᒋᔭᒥᑯᐛᐅᒡ ᑭᔭ ᐊᓐᒡ ᑯᑎᑭᒡ ᒋᐧᑲᓂᓯᒡ ᒋ ᐛᒋᔭᒥᑯᐛᐅᒡ᙮
22ᐅᑎᐸᔨᒋᒐᐤ ᒋᑭ ᐎᒐᐅᒄ ᒋᑦ ᐊᒐᐧᑯᒡ ᑭᔭ ᒋᑭ ᒋᓴᐛᑐᑕᒄ᙮
Currently Selected:
2 ᑎᒧᑎ 4: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
