2 ᑯᕆᓐᑎᔭᓇ 12
12
ᑕᓐ ᑲ ᐃᓯ ᐛᐸᑎᔭᑭᓄᐅᑦ ᑈᓪ
1ᐊᑎ ᐊᑲ ᓇᔅᒡ ᓴᓯᑲᓐ ᐃᑕᐱᑎᒡ ᓂᑭ ᐊᔨᒧᒥᓱᓐ᙮ ᓂᔅᑎᒻ ᑕᓐ ᑲ ᐃᓯ ᐛᐸᑎᔨᑦ ᑭᔭ ᑕᓐ ᑲ ᐃᓯ ᒋᔅᒐᔨᑎᒥᐃᑦ ᐅᑎᐸᔨᒋᒐᐤ ᓂᑭ ᐊᔨᒧᑎᒺᓐ᙮
2 Corinthians 12.2-10 (Proper-9 Year B)
2ᓂ ᒋᔅᒐᔨᒪᐤ ᐸᐃᒄ ᓇᐸᐤ ᑲ ᑕᑈᔭᔨᒪᑦ ᒋᓴᓴ ᓇᐅᓴᑉ ᐱᐳᓇ ᐅᑕᒡ ᓇᔅᒡ ᐊᒋ ᐅᐱᔅᑲᐊᑭᓄᐅᑦ ᒋᒋᒋᓯᑯᒡ ᐃᔅ᙮ ᓇᒪ ᓂ ᒋᔅᒐᔨᑕᓐ ᒥᒄ ᐅᑦ ᐊᒐᒂ ᑲ ᐅᐱᔅᑲᔨᒂᓂ ᒪᒃ ᒋᒡ ᒥᔪᐤ ᑲ ᐃᓯ ᐅᐱᔅᑲᒂ, ᒋᓴᒪᓂᑐᐤ ᒥᒄ ᒋᔅᒐᔨᑎᒻ᙮ 3ᓂᒋ ᒋᔅᒐᔨᑕᓐ ᐊᓐᑕ ᐸᕋᑕᐃᔅ ᑲ ᐃᓯᓂᐧᑲᑕᔨᒡ ᐊᒋ ᐃᓯ ᐅᐱᔅᑲᑦ᙮ ᒧᔭᒻ ᒪᒃ ᑲ ᐃᔅᒋᔄᔭᓐ ᒥᒄ ᒋᓴᒪᓂᑐᐤ ᒋᔅᒐᔨᑎᒻ ᒋᒡ ᒥᔪᐤ ᑲ ᐃᓯ ᐅᐱᔅᑲᒂ ᒪᒃ ᒥᒄ ᐅᑦ ᐊᒐᒂ ᑲ ᐅᐱᔅᑲᔨᒂᓂ᙮ 4ᐊᑯᑕ ᑲ ᐸᑕᐧᒃ ᐃᔅᒋᔄᐅᓇ ᐊᑲ ᑭᔅᒋᐅᐱᔨᒡ ᒧᒡ ᒐᒋ ᐎᑕᑭᓄᐅᒋ ᑭᔭ ᐊᑲ ᐱᔅᑎᓂᑭᓄᐅᒋ ᒐᒋ ᐎᑕᑭᓄᐅᒋ᙮ 5ᓂᐸ ᒋ ᓂᓇᐸᐛᒋᒪᐤ ᐅ ᓇᐸᐤ᙮ ᓂᔾ ᒪᒃ ᐎ ᓇᒪ ᓂᑭ ᐅᒋ ᓂᓇᐸᐅᒧᓐ᙮ ᒥᒄ ᑕᓐ ᐊᔅᐱᔅ ᐃᔨᔨᒥᓯᔭᓐ ᐊᐅᑯᓐ ᐊᓐ ᒐ ᐊᔨᒧᑎᒪᓐ᙮ 6ᐊᑎ ᓂᓇᐸᐅᒧᔭᓐ ᓇᒪ ᓂᐸ ᐅᒋ ᒋᔎ ᐃᔨᒥᓐ ᐛᔅ ᓂᐸ ᑕᑈᓐ᙮ ᐊᓄᒡ ᒪᒃ ᓂᑭ ᓂᑲᐎᓐ ᒐᒋ ᓂᓇᐸᐅᒧᔭᓐ᙮ ᓇᒪ ᓂᑐᐛᔨᑕᓐ ᐃᐛᒃ ᒐᒋ ᐃᑕᔨᒥᑦ ᐊᐛᓐ ᐊᔅᐱᔅ ᓂᔅᑐᓇᐧᒃ ᓂᐱᒪᑎᓯᐅᓂᒡ ᒪᒃ ᐊ ᐃᓯ ᐸᑐᐅᑦ ᐊ ᐃᓯ ᐃᔨᒧᐅᒡ᙮
ᑲ ᑎᑭᓄᔨᒋ ᒐᒂᔪᐤ ᑈᓪ ᐎᔭᒡ ᐊ ᐅᔅᑐᔅᑲᑯᑦ
7ᓇᔅᒡ ᑕᑈ ᒋ ᒥᔅᑲᑕᔨᑕᑯᓂᔪᐤ ᑕᓐ ᑲ ᐃᓯ ᐛᐸᑎᔨᑦ ᐅᑎᐸᔨᒋᒐᐤ᙮ ᐊᑲ ᒪᒃ ᒐᒋ ᒋᔅᑕᔨᒧᔭᓐ ᑕᓐ ᑲ ᐃᓯ ᒪᒥᔅᑲᒡ ᐛᐸᑎᔨᑦ ᐅᑎᐸᔨᒋᒐᐤ ᓂᒋ ᐸᒋ ᒥᔨᒄ ᒐᒂᔪᐤ ᐊ ᐅᔅᑐᔅᑲᑯᐅᒡ ᓂᔭᒡ ᒧᔭᒻ ᑲ ᑲᐛᒡ ᓂᐱᓯᔭᑎᒄ ᐊ ᐃᓯ ᑲᐅᔅᑲᑯᑦ ᐊᐛᓐ ᐎᔭᒡ᙮ ᒥᒋᒥᓂᑐᐤ ᒋ ᐱᔅᑎᓇᑭᓄᐤ ᒐᒋ ᐸᒋ ᒥᑯᔅᑲᑎᔅᑯᐅᑦ ᐊᑲ ᒥᔅᑎ ᒐᒋ ᐃᑕᔨᒥᓱᔭᓐ᙮ 8ᓂᔍᐤ ᒪᒃ ᓂᒋ ᓂᑐᑎᒧᐛᐤ ᐅᑎᐸᔨᒋᒐᐤ ᒐᒋ ᐃᒐᓇᐧᒃ ᐅᔭ ᒐᒂᔪᐤ᙮ 9ᐊᑯ ᒂ ᐸᒋ ᐃᓯᑦ, “ᓂᒋᓴᐛᑎᓯᐅᓐ ᒥᒄ ᒋ ᓂᑐᐛᔨᑕᓐ ᐛᔅ ᐊᓐᑕ ᒪᒂᒡ ᐊᑲ ᓴᐱᓯᔨᓐ ᐊᑯᑕ ᒪᐅᒡ ᐊ ᓱᒐᔨᑕᒂᒡ ᓂᓱᐧᑲᑎᓯᐅᓐ᙮” ᐊᐅᒄ ᐅᔭ ᑲ ᐃᓯᑦ᙮ ᐊᑯ ᒪᒃ ᒧᔅ ᐸᒋ ᒥᔨᒐ ᙭ ᐅᔭ ᓱᐧᑲᑎᓯᐅᓂᔪᐤ, ᑭᑈ ᒐ ᒥᔽᔨᑎᒪᓐ ᐊ ᐎᑎᒪᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ᙮ 10ᐊᐅᑯᓐ ᑭᔭ ᐛᒋ ᐃᔭᐱᒡ ᓯᒋᔭᓯᔭᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ ᐅᑕ ᓂᔭᒡ ᐊ ᓇᓴᐅᒄ ᙭, ᑭᔭ ᑕᓐ ᐊ ᐃᓯ ᒪᔭᔨᒥᑯᐅᔭᓐ, ᑕᓐ ᐊᔅᐱᔅ ᐊᔨᒥᐅᔭᓐ ᒪᓐ, ᑕᓐ ᐊᔅᐱᔅ ᓂᓇᐧᑲᒋᐃᑯᐅᔭᓐ, ᑭᔭ ᑕᓐ ᐊ ᐃᓯ ᓂᓇᐧᑲᑕᔨᒧᔭᓐ᙮ ᐃᔭᐱᒡ ᓂ ᓯᒋᔭᓯᓐ ᐅ ᐊ ᐃᓯ ᐊᔨᒥᐅᔭᓐ ᐛᔅ ᐊᑯᑕ ᐛᒋ ᒋᔅᒐᔨᑎᒧᒡ ᙭ ᐅᓱᐧᑲᑎᓯᐅᓐ᙮ ᐊᓐᑕ ᐊᑲ ᓴᐱᓯᔭᓐ ᐊᑯᑕ ᐛᒋ ᓱᒐᔨᑕᑯᓯᔭᓐ᙮
ᑕᓐ ᑲ ᐃᓯ ᓴᒋᐊᑦ ᑈᓪ ᐊᓂᔭᔪᐛ ᐃᔪᐛ ᑯᕆᓐᑦ ᑲ ᑕᔨᒋ
11ᓇᒪ ᓂ ᒥᔽᔨᑕᓐ ᐊ ᓂᓇᐸᐅᒧᔭᓐ ᐊ ᐃᑎᑕᑯᓯᔭᓐ ᐛᔅ ᒧᔭᒻ ᐊ ᒋᔎ ᐃᔨᒥᔭᓐ ᐊᑯᓐ ᐊ ᐃᑕᔨᑎᒪᓐ᙮ ᒋᔨᐛᐤ ᑲ ᐃᑐᑐᐅᔭᒄ ᐅ ᐛᒋ ᐃᓯ ᐃᔨᒥᔭᓐ᙮ ᒋᔨᐛᐤ ᐛᔅ ᒋᐸ ᒥᔪ ᐊᔨᒧᒥᓇᐛᐤ᙮ ᐛᔅ ᑕᐸ ᓄᑕᔭᔅ ᓂᑦ ᐃᑕᔨᑕᑯᓯᓐ ᑕᓐ ᐊ ᐃᑕᔨᑕᑯᓯᒡ ᐊᓐᒡ ᐊᑈᔅᑕᓇᒡ ᑲ ᐃᓯᓂᐧᑲᑕᑯᒡ ᐊᑎ ᒪᒃ ᐊᑲ ᓇᔅᒡ ᒐᒂᓐ ᐃᓯᓇᑯᓯᔭᓐ᙮ 12ᔅᒋ ᐛᐸᑕᓇᐛᐤ ᑕᓐ ᐊ ᐃᑕᔨᑕᑯᓯᑦ ᒋᒋᐛ ᐊᑈᔅᑕᓐ ᑲ ᐛᐱᒥᔭᒄ ᒪᒥᔅᑲᒡ ᐛᐸᑎᔨᐛᐅᓇ ᐊ ᐛᐸᑎᔨᐛᔭᓐ ᑭᔭ ᐊ ᐃᑐᑎᒪᓐ ᐊ ᒪᒥᔅᑲᑕᔨᑕᒂᒋ ᒐᒂᔪᐛ ᑭᔭ ᐊᒋ ᓯᐱᔪᐛᓯᔭᓐ ᐊᓐᑕ ᐊ ᑕᔭᒄ ᑲ ᑕᔭᓐ᙮ 13ᑕᓐ ᑲ ᐃᓯ ᐊᑲ ᒧᔭᒻ ᐃᑐᑕᑎᑯᒡ ᒋᔨᐛᐤ ᑕᓐ ᐊ ᐃᑐᑐᐅᒂᐤ ᑯᑎᑭᒡ ᒪᒧᐤ ᑲ ᐊᔭᒥᐊᐛᑎᓯᒡ᙮ ᐊᓐ ᐊ ᐊᑲ ᐅᒋ ᐊᔨᒧᑎᒪᑎᑯᒡ ᒐᒋ ᐛᐎᒋᐃᔭᒄ᙮ ᐛᐸᔨᑎᒧᒄ ᑲ ᐅᓂᑐᑕᑎᑯᒐ ᐊᑲ ᐅᒋ ᓂᑐᑎᒪᑎᑯᒡ ᒐᒋ ᐛᐎᒋᐃᔭᒄ᙮
14ᓂᑦ ᐊᔭᔅᑯᐎᔨᓐ ᒥᓐ ᒐᒋ ᒧᐱᔅᑕᑎᑯᒡ᙮ ᐊᐅᒄ ᐅ ᓂᔍᐤ ᒐ ᒧᐱᔅᑕᑎᑯᒡ᙮ ᓇᒪ ᒪᒃ ᐎ ᓱᓇᔭᐤ ᒋ ᐎ ᐊᔨᒧᑎᒪᑎᓇᐛᐤ᙮ ᒋᔨᐛᐤ ᐊᐅᒄ ᐅᔅᑕ ᐊ ᐃᑕᔨᒥᑎᑯᒡ᙮ ᑕᐸ ᐎᔨᐛᐤ ᐊᐛᓯᒡ ᒋᐸ ᐅᒋ ᒪᐅᒋᑎᒧᐛᐅᒡ ᒐᒂᔪᐤ ᐅᓂᒋᐃᑯᐛᐛ᙮ ᐅᓂᒋᐃᑯᒪᐅᒡ ᒋᐸ ᒪᐅᒋᑎᒧᐛᐅᒡ ᐅᑦ ᐊᐛᓯᒧᐛᐛ ᒐᒂᔪᐤ᙮ 15ᒥᒄ ᒪᒃ ᐊ ᐃᑎᔭᓐ ᒋ ᐎ ᐎᒋᐃᑎᓇᐛᐤ᙮ ᑭᔭ ᓇᔅᒡ ᓂᑭ ᐃᑕᔨᒥᓱᓐ ᒐᒋ ᐎᒋᐃᑎᑯᒡ᙮ ᓇᒪᐎᔾ ᐊ ᒋᑭ ᐅᒋ ᐃᔅᐱᔅ ᓴᒋᐃᓇᐛᐤ ᐊᑐᐎᔅ ᓴᒋᐃᑎᑯᒐ ?
16ᐊᐅᑯᓐ ᒪᒃ ᐊ ᐃᓯᓇᒂᒡ᙮ ᑕᐸ ᒋ ᐅᒋ ᓂᑐᑎᒪᑎᓇᐛᐤ ᓱᓇᔭᐤ ᒐᒋ ᐛᐎᒋᐃᔭᒄ ᑕᓐ ᐊ ᐃᓯ ᓂᑐᐛᔨᑎᒪᓐ ᒐᒂᓐ᙮ ᐱᔅᒐ ᒪᒃ ᐊᐛᓐᒋ ᐃᔅᒋᔄᐅᒡ ᐊᑲ ᑯᐃᔅᒄ ᐅᒋ ᐃᔨᒥᐃᑎᑯᒡ᙮ ᐃᔅᒋᔄᐅᒡ ᐊᒋ ᐎᔭᓯᒥᑎᑯᒡ᙮ 17ᓱᓇᔭᐤ ᐊ ᒪᒃ ᓂᒋ ᐅᑎᓇᓐ ᐊᓐᑕ ᐊ ᑕᔭᒄ ᓂᐎᒐᐛᑭᓂᒡ ᑲ ᐃᑎᓴᐊᒪᑎᑯᒡ ? ᓇᒪ ᓇᔅᒡ᙮ 18ᑕᐃᑕᔅ ᓂᒋ ᓯᒋᒪᐤ ᒐᒋ ᒧᐱᔅᑕᑕᒄ᙮ ᒥᓐ ᑯᑎᑲ ᒋᐧᑲᓂᓯᓄᐛ ᓂᒋ ᐃᑎᓴᐛᔪᐛ ᒐᒋ ᐎᒐᐅᑯᑦ᙮ ᓱᓇᔭᔪᐤ ᐊ ᒪᒃ ᒋ ᐅᑎᓯᐤ ᑕᐃᑕᔅ ᒋᔨᐛᐤ ᐊ ᑕᐛᒄ ᐅᒋ ᐊᓂᔭ ᑲ ᒧᐱᔅᑕᑕᒄ ? ᐸᐃᒄ ᒪᔅᑭᓄᐤ ᓂᐱᒧᑕᓇᓐ ᑭᔭ ᐸᐃᑯᓄᒡ ᓂᑦ ᐃᓯ ᒪᒥᑐᓇᔨᑕᓇᓐ᙮ ᓇᒪᐎᔾ ᐊ ᐊᑯᓐ ᐊ ᐃᑕᔨᒥᔭᒡ ?
19ᑭᔭ ᐊ ᐃᑕᔨᒧᐛᐛᒐ ᐅ ᑲ ᒥᓯᓇᐃᒐᔭᒡ ᒧᔭᒻ ᑲ ᐎ ᓇᑕᒪᓱᒡ ᐊᐛᓐᒋ ? ᓇᒪ᙮ ᒥᒄ ᐊ ᐃᓯ ᓂᑐᐛᔨᒥᔨᒥᑦ ᙭ ᒐᒋ ᐃᓯ ᐃᔨᒧᐅᒋᒡ ᒋᓴᒪᓂᑐᐛ ᐃᔅ ᐊ ᑕᔨᒋ ᐊᑯᓐ ᐊ ᐃᓯ ᐃᔨᒥᔭᒡ᙮ ᑕᓐ ᒥᒄ ᐊ ᐃᑐᐛᐛᒐ ᒥᒄ ᐛᔅ ᐊᓐ ᒋ ᐎ ᐎᒋᐃᑎᓇᓐ᙮ 20ᓂᑯᔅᐱᓇᔨᑕᓐ ᐅᑎᑎᑎᑯᒐ ᐃᔭᒡ ᒐ ᐃᑕᔨᑕᑯᓯᔭᒄ ᑕᓐ ᑲ ᐃᓯ ᐱᑯᓴᔨᒧᔭᓐ ᒐ ᐃᑕᔨᑕᑯᓯᔭᒄ᙮ ᒂᔄᓐ ᑭᔭ ᒋᔨᐛᐤ ᐃᔭᒡ ᒋᑭ ᐃᑕᔨᒥᓇᐛᐤ ᑕᓐ ᑲ ᐃᓯ ᐱᑯᓴᔨᒧᔭᒄ ᒐ ᐃᑕᔨᑕᑯᓯᔭᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐊᔅᑕᒥᑐᔭᒄ ᒐᒋ ᐅᑕᔨᒥᑐᔭᒄ ᒋᔄᓱᐅᓐ ᒐᒋ ᑎᒂᒡ ᒪᒃ ᒥᒋᐱᔨᑐᐅᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐱᐳᑯᓄᒧᐛᔭᒄ ᒐᒋ ᒪᒪᔭᔨᒪᑯᒡ ᑯᑎᑭᒡ ᐊᐛᓐᒋ ᒪᒃ ᒋᒋᐛ ᒐᒋ ᐃᑕᔨᒥᓱᔭᒄ ᑭᔭ ᒐᒋ ᒥᒥᑯᔅᑲᒋᐊᑯᒡ ᑯᑎᑭᒡ ᐊᐛᓐᒋ᙮ 21ᓂᑯᔅᐱᓇᔨᑕᓐ ᒥᓐ ᒧᐱᔅᑕᑎᑯᒐ ᒋᓴᒪᓂᑐᐤ ᒐ ᐃᑐᑕᐧᒃ ᒐᒋ ᓴᒂᔨᒥᑎᑯᒡ ᐛᐱᒥᑎᑯᒐ᙮ ᓇᔅᒡ ᑕᑈ ᓂᑭ ᒥᓯᒪᔨᑎᒥᐃᑯᒡ ᐊᓐᒡ ᑲ ᒥᒋᑐᑕᒡ ᐊᓐᑕ ᐅᑕᒡ ᐊᑲ ᒪᒃ ᐅᒋ ᒥᑕᒋᔨᐛᔨᑕᒡ ᑭᔭ ᐊᑲ ᐅᒋ ᓂᑭᑕᒡ ᑕᓐ ᑲ ᐃᓯ ᒥᒋᑐᑕᒡ, ᐊᓐᒡ ᐊᑲ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᑲ ᒥᑕᒋᔨᐛᔨᑕᒡ ᑕᓐ ᑲ ᐃᔅᐱᔅ ᐊᑲ ᐅᒋ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ᐃᔅᐱᔅ ᒋ ᐎᓂᓱᐤ ᐱᒪᑎᓯᒡ ᑭᔭ ᑲ ᐃᔅᐱᔅ ᒋ ᐃᑐᑕᒡ ᐎᓂᓱᐅᓂᔪᐤ᙮
Currently Selected:
2 ᑯᕆᓐᑎᔭᓇ 12: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
2 ᑯᕆᓐᑎᔭᓇ 12
12
ᑕᓐ ᑲ ᐃᓯ ᐛᐸᑎᔭᑭᓄᐅᑦ ᑈᓪ
1ᐊᑎ ᐊᑲ ᓇᔅᒡ ᓴᓯᑲᓐ ᐃᑕᐱᑎᒡ ᓂᑭ ᐊᔨᒧᒥᓱᓐ᙮ ᓂᔅᑎᒻ ᑕᓐ ᑲ ᐃᓯ ᐛᐸᑎᔨᑦ ᑭᔭ ᑕᓐ ᑲ ᐃᓯ ᒋᔅᒐᔨᑎᒥᐃᑦ ᐅᑎᐸᔨᒋᒐᐤ ᓂᑭ ᐊᔨᒧᑎᒺᓐ᙮
2 Corinthians 12.2-10 (Proper-9 Year B)
2ᓂ ᒋᔅᒐᔨᒪᐤ ᐸᐃᒄ ᓇᐸᐤ ᑲ ᑕᑈᔭᔨᒪᑦ ᒋᓴᓴ ᓇᐅᓴᑉ ᐱᐳᓇ ᐅᑕᒡ ᓇᔅᒡ ᐊᒋ ᐅᐱᔅᑲᐊᑭᓄᐅᑦ ᒋᒋᒋᓯᑯᒡ ᐃᔅ᙮ ᓇᒪ ᓂ ᒋᔅᒐᔨᑕᓐ ᒥᒄ ᐅᑦ ᐊᒐᒂ ᑲ ᐅᐱᔅᑲᔨᒂᓂ ᒪᒃ ᒋᒡ ᒥᔪᐤ ᑲ ᐃᓯ ᐅᐱᔅᑲᒂ, ᒋᓴᒪᓂᑐᐤ ᒥᒄ ᒋᔅᒐᔨᑎᒻ᙮ 3ᓂᒋ ᒋᔅᒐᔨᑕᓐ ᐊᓐᑕ ᐸᕋᑕᐃᔅ ᑲ ᐃᓯᓂᐧᑲᑕᔨᒡ ᐊᒋ ᐃᓯ ᐅᐱᔅᑲᑦ᙮ ᒧᔭᒻ ᒪᒃ ᑲ ᐃᔅᒋᔄᔭᓐ ᒥᒄ ᒋᓴᒪᓂᑐᐤ ᒋᔅᒐᔨᑎᒻ ᒋᒡ ᒥᔪᐤ ᑲ ᐃᓯ ᐅᐱᔅᑲᒂ ᒪᒃ ᒥᒄ ᐅᑦ ᐊᒐᒂ ᑲ ᐅᐱᔅᑲᔨᒂᓂ᙮ 4ᐊᑯᑕ ᑲ ᐸᑕᐧᒃ ᐃᔅᒋᔄᐅᓇ ᐊᑲ ᑭᔅᒋᐅᐱᔨᒡ ᒧᒡ ᒐᒋ ᐎᑕᑭᓄᐅᒋ ᑭᔭ ᐊᑲ ᐱᔅᑎᓂᑭᓄᐅᒋ ᒐᒋ ᐎᑕᑭᓄᐅᒋ᙮ 5ᓂᐸ ᒋ ᓂᓇᐸᐛᒋᒪᐤ ᐅ ᓇᐸᐤ᙮ ᓂᔾ ᒪᒃ ᐎ ᓇᒪ ᓂᑭ ᐅᒋ ᓂᓇᐸᐅᒧᓐ᙮ ᒥᒄ ᑕᓐ ᐊᔅᐱᔅ ᐃᔨᔨᒥᓯᔭᓐ ᐊᐅᑯᓐ ᐊᓐ ᒐ ᐊᔨᒧᑎᒪᓐ᙮ 6ᐊᑎ ᓂᓇᐸᐅᒧᔭᓐ ᓇᒪ ᓂᐸ ᐅᒋ ᒋᔎ ᐃᔨᒥᓐ ᐛᔅ ᓂᐸ ᑕᑈᓐ᙮ ᐊᓄᒡ ᒪᒃ ᓂᑭ ᓂᑲᐎᓐ ᒐᒋ ᓂᓇᐸᐅᒧᔭᓐ᙮ ᓇᒪ ᓂᑐᐛᔨᑕᓐ ᐃᐛᒃ ᒐᒋ ᐃᑕᔨᒥᑦ ᐊᐛᓐ ᐊᔅᐱᔅ ᓂᔅᑐᓇᐧᒃ ᓂᐱᒪᑎᓯᐅᓂᒡ ᒪᒃ ᐊ ᐃᓯ ᐸᑐᐅᑦ ᐊ ᐃᓯ ᐃᔨᒧᐅᒡ᙮
ᑲ ᑎᑭᓄᔨᒋ ᒐᒂᔪᐤ ᑈᓪ ᐎᔭᒡ ᐊ ᐅᔅᑐᔅᑲᑯᑦ
7ᓇᔅᒡ ᑕᑈ ᒋ ᒥᔅᑲᑕᔨᑕᑯᓂᔪᐤ ᑕᓐ ᑲ ᐃᓯ ᐛᐸᑎᔨᑦ ᐅᑎᐸᔨᒋᒐᐤ᙮ ᐊᑲ ᒪᒃ ᒐᒋ ᒋᔅᑕᔨᒧᔭᓐ ᑕᓐ ᑲ ᐃᓯ ᒪᒥᔅᑲᒡ ᐛᐸᑎᔨᑦ ᐅᑎᐸᔨᒋᒐᐤ ᓂᒋ ᐸᒋ ᒥᔨᒄ ᒐᒂᔪᐤ ᐊ ᐅᔅᑐᔅᑲᑯᐅᒡ ᓂᔭᒡ ᒧᔭᒻ ᑲ ᑲᐛᒡ ᓂᐱᓯᔭᑎᒄ ᐊ ᐃᓯ ᑲᐅᔅᑲᑯᑦ ᐊᐛᓐ ᐎᔭᒡ᙮ ᒥᒋᒥᓂᑐᐤ ᒋ ᐱᔅᑎᓇᑭᓄᐤ ᒐᒋ ᐸᒋ ᒥᑯᔅᑲᑎᔅᑯᐅᑦ ᐊᑲ ᒥᔅᑎ ᒐᒋ ᐃᑕᔨᒥᓱᔭᓐ᙮ 8ᓂᔍᐤ ᒪᒃ ᓂᒋ ᓂᑐᑎᒧᐛᐤ ᐅᑎᐸᔨᒋᒐᐤ ᒐᒋ ᐃᒐᓇᐧᒃ ᐅᔭ ᒐᒂᔪᐤ᙮ 9ᐊᑯ ᒂ ᐸᒋ ᐃᓯᑦ, “ᓂᒋᓴᐛᑎᓯᐅᓐ ᒥᒄ ᒋ ᓂᑐᐛᔨᑕᓐ ᐛᔅ ᐊᓐᑕ ᒪᒂᒡ ᐊᑲ ᓴᐱᓯᔨᓐ ᐊᑯᑕ ᒪᐅᒡ ᐊ ᓱᒐᔨᑕᒂᒡ ᓂᓱᐧᑲᑎᓯᐅᓐ᙮” ᐊᐅᒄ ᐅᔭ ᑲ ᐃᓯᑦ᙮ ᐊᑯ ᒪᒃ ᒧᔅ ᐸᒋ ᒥᔨᒐ ᙭ ᐅᔭ ᓱᐧᑲᑎᓯᐅᓂᔪᐤ, ᑭᑈ ᒐ ᒥᔽᔨᑎᒪᓐ ᐊ ᐎᑎᒪᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ᙮ 10ᐊᐅᑯᓐ ᑭᔭ ᐛᒋ ᐃᔭᐱᒡ ᓯᒋᔭᓯᔭᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ ᐅᑕ ᓂᔭᒡ ᐊ ᓇᓴᐅᒄ ᙭, ᑭᔭ ᑕᓐ ᐊ ᐃᓯ ᒪᔭᔨᒥᑯᐅᔭᓐ, ᑕᓐ ᐊᔅᐱᔅ ᐊᔨᒥᐅᔭᓐ ᒪᓐ, ᑕᓐ ᐊᔅᐱᔅ ᓂᓇᐧᑲᒋᐃᑯᐅᔭᓐ, ᑭᔭ ᑕᓐ ᐊ ᐃᓯ ᓂᓇᐧᑲᑕᔨᒧᔭᓐ᙮ ᐃᔭᐱᒡ ᓂ ᓯᒋᔭᓯᓐ ᐅ ᐊ ᐃᓯ ᐊᔨᒥᐅᔭᓐ ᐛᔅ ᐊᑯᑕ ᐛᒋ ᒋᔅᒐᔨᑎᒧᒡ ᙭ ᐅᓱᐧᑲᑎᓯᐅᓐ᙮ ᐊᓐᑕ ᐊᑲ ᓴᐱᓯᔭᓐ ᐊᑯᑕ ᐛᒋ ᓱᒐᔨᑕᑯᓯᔭᓐ᙮
ᑕᓐ ᑲ ᐃᓯ ᓴᒋᐊᑦ ᑈᓪ ᐊᓂᔭᔪᐛ ᐃᔪᐛ ᑯᕆᓐᑦ ᑲ ᑕᔨᒋ
11ᓇᒪ ᓂ ᒥᔽᔨᑕᓐ ᐊ ᓂᓇᐸᐅᒧᔭᓐ ᐊ ᐃᑎᑕᑯᓯᔭᓐ ᐛᔅ ᒧᔭᒻ ᐊ ᒋᔎ ᐃᔨᒥᔭᓐ ᐊᑯᓐ ᐊ ᐃᑕᔨᑎᒪᓐ᙮ ᒋᔨᐛᐤ ᑲ ᐃᑐᑐᐅᔭᒄ ᐅ ᐛᒋ ᐃᓯ ᐃᔨᒥᔭᓐ᙮ ᒋᔨᐛᐤ ᐛᔅ ᒋᐸ ᒥᔪ ᐊᔨᒧᒥᓇᐛᐤ᙮ ᐛᔅ ᑕᐸ ᓄᑕᔭᔅ ᓂᑦ ᐃᑕᔨᑕᑯᓯᓐ ᑕᓐ ᐊ ᐃᑕᔨᑕᑯᓯᒡ ᐊᓐᒡ ᐊᑈᔅᑕᓇᒡ ᑲ ᐃᓯᓂᐧᑲᑕᑯᒡ ᐊᑎ ᒪᒃ ᐊᑲ ᓇᔅᒡ ᒐᒂᓐ ᐃᓯᓇᑯᓯᔭᓐ᙮ 12ᔅᒋ ᐛᐸᑕᓇᐛᐤ ᑕᓐ ᐊ ᐃᑕᔨᑕᑯᓯᑦ ᒋᒋᐛ ᐊᑈᔅᑕᓐ ᑲ ᐛᐱᒥᔭᒄ ᒪᒥᔅᑲᒡ ᐛᐸᑎᔨᐛᐅᓇ ᐊ ᐛᐸᑎᔨᐛᔭᓐ ᑭᔭ ᐊ ᐃᑐᑎᒪᓐ ᐊ ᒪᒥᔅᑲᑕᔨᑕᒂᒋ ᒐᒂᔪᐛ ᑭᔭ ᐊᒋ ᓯᐱᔪᐛᓯᔭᓐ ᐊᓐᑕ ᐊ ᑕᔭᒄ ᑲ ᑕᔭᓐ᙮ 13ᑕᓐ ᑲ ᐃᓯ ᐊᑲ ᒧᔭᒻ ᐃᑐᑕᑎᑯᒡ ᒋᔨᐛᐤ ᑕᓐ ᐊ ᐃᑐᑐᐅᒂᐤ ᑯᑎᑭᒡ ᒪᒧᐤ ᑲ ᐊᔭᒥᐊᐛᑎᓯᒡ᙮ ᐊᓐ ᐊ ᐊᑲ ᐅᒋ ᐊᔨᒧᑎᒪᑎᑯᒡ ᒐᒋ ᐛᐎᒋᐃᔭᒄ᙮ ᐛᐸᔨᑎᒧᒄ ᑲ ᐅᓂᑐᑕᑎᑯᒐ ᐊᑲ ᐅᒋ ᓂᑐᑎᒪᑎᑯᒡ ᒐᒋ ᐛᐎᒋᐃᔭᒄ᙮
14ᓂᑦ ᐊᔭᔅᑯᐎᔨᓐ ᒥᓐ ᒐᒋ ᒧᐱᔅᑕᑎᑯᒡ᙮ ᐊᐅᒄ ᐅ ᓂᔍᐤ ᒐ ᒧᐱᔅᑕᑎᑯᒡ᙮ ᓇᒪ ᒪᒃ ᐎ ᓱᓇᔭᐤ ᒋ ᐎ ᐊᔨᒧᑎᒪᑎᓇᐛᐤ᙮ ᒋᔨᐛᐤ ᐊᐅᒄ ᐅᔅᑕ ᐊ ᐃᑕᔨᒥᑎᑯᒡ᙮ ᑕᐸ ᐎᔨᐛᐤ ᐊᐛᓯᒡ ᒋᐸ ᐅᒋ ᒪᐅᒋᑎᒧᐛᐅᒡ ᒐᒂᔪᐤ ᐅᓂᒋᐃᑯᐛᐛ᙮ ᐅᓂᒋᐃᑯᒪᐅᒡ ᒋᐸ ᒪᐅᒋᑎᒧᐛᐅᒡ ᐅᑦ ᐊᐛᓯᒧᐛᐛ ᒐᒂᔪᐤ᙮ 15ᒥᒄ ᒪᒃ ᐊ ᐃᑎᔭᓐ ᒋ ᐎ ᐎᒋᐃᑎᓇᐛᐤ᙮ ᑭᔭ ᓇᔅᒡ ᓂᑭ ᐃᑕᔨᒥᓱᓐ ᒐᒋ ᐎᒋᐃᑎᑯᒡ᙮ ᓇᒪᐎᔾ ᐊ ᒋᑭ ᐅᒋ ᐃᔅᐱᔅ ᓴᒋᐃᓇᐛᐤ ᐊᑐᐎᔅ ᓴᒋᐃᑎᑯᒐ ?
16ᐊᐅᑯᓐ ᒪᒃ ᐊ ᐃᓯᓇᒂᒡ᙮ ᑕᐸ ᒋ ᐅᒋ ᓂᑐᑎᒪᑎᓇᐛᐤ ᓱᓇᔭᐤ ᒐᒋ ᐛᐎᒋᐃᔭᒄ ᑕᓐ ᐊ ᐃᓯ ᓂᑐᐛᔨᑎᒪᓐ ᒐᒂᓐ᙮ ᐱᔅᒐ ᒪᒃ ᐊᐛᓐᒋ ᐃᔅᒋᔄᐅᒡ ᐊᑲ ᑯᐃᔅᒄ ᐅᒋ ᐃᔨᒥᐃᑎᑯᒡ᙮ ᐃᔅᒋᔄᐅᒡ ᐊᒋ ᐎᔭᓯᒥᑎᑯᒡ᙮ 17ᓱᓇᔭᐤ ᐊ ᒪᒃ ᓂᒋ ᐅᑎᓇᓐ ᐊᓐᑕ ᐊ ᑕᔭᒄ ᓂᐎᒐᐛᑭᓂᒡ ᑲ ᐃᑎᓴᐊᒪᑎᑯᒡ ? ᓇᒪ ᓇᔅᒡ᙮ 18ᑕᐃᑕᔅ ᓂᒋ ᓯᒋᒪᐤ ᒐᒋ ᒧᐱᔅᑕᑕᒄ᙮ ᒥᓐ ᑯᑎᑲ ᒋᐧᑲᓂᓯᓄᐛ ᓂᒋ ᐃᑎᓴᐛᔪᐛ ᒐᒋ ᐎᒐᐅᑯᑦ᙮ ᓱᓇᔭᔪᐤ ᐊ ᒪᒃ ᒋ ᐅᑎᓯᐤ ᑕᐃᑕᔅ ᒋᔨᐛᐤ ᐊ ᑕᐛᒄ ᐅᒋ ᐊᓂᔭ ᑲ ᒧᐱᔅᑕᑕᒄ ? ᐸᐃᒄ ᒪᔅᑭᓄᐤ ᓂᐱᒧᑕᓇᓐ ᑭᔭ ᐸᐃᑯᓄᒡ ᓂᑦ ᐃᓯ ᒪᒥᑐᓇᔨᑕᓇᓐ᙮ ᓇᒪᐎᔾ ᐊ ᐊᑯᓐ ᐊ ᐃᑕᔨᒥᔭᒡ ?
19ᑭᔭ ᐊ ᐃᑕᔨᒧᐛᐛᒐ ᐅ ᑲ ᒥᓯᓇᐃᒐᔭᒡ ᒧᔭᒻ ᑲ ᐎ ᓇᑕᒪᓱᒡ ᐊᐛᓐᒋ ? ᓇᒪ᙮ ᒥᒄ ᐊ ᐃᓯ ᓂᑐᐛᔨᒥᔨᒥᑦ ᙭ ᒐᒋ ᐃᓯ ᐃᔨᒧᐅᒋᒡ ᒋᓴᒪᓂᑐᐛ ᐃᔅ ᐊ ᑕᔨᒋ ᐊᑯᓐ ᐊ ᐃᓯ ᐃᔨᒥᔭᒡ᙮ ᑕᓐ ᒥᒄ ᐊ ᐃᑐᐛᐛᒐ ᒥᒄ ᐛᔅ ᐊᓐ ᒋ ᐎ ᐎᒋᐃᑎᓇᓐ᙮ 20ᓂᑯᔅᐱᓇᔨᑕᓐ ᐅᑎᑎᑎᑯᒐ ᐃᔭᒡ ᒐ ᐃᑕᔨᑕᑯᓯᔭᒄ ᑕᓐ ᑲ ᐃᓯ ᐱᑯᓴᔨᒧᔭᓐ ᒐ ᐃᑕᔨᑕᑯᓯᔭᒄ᙮ ᒂᔄᓐ ᑭᔭ ᒋᔨᐛᐤ ᐃᔭᒡ ᒋᑭ ᐃᑕᔨᒥᓇᐛᐤ ᑕᓐ ᑲ ᐃᓯ ᐱᑯᓴᔨᒧᔭᒄ ᒐ ᐃᑕᔨᑕᑯᓯᔭᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐊᔅᑕᒥᑐᔭᒄ ᒐᒋ ᐅᑕᔨᒥᑐᔭᒄ ᒋᔄᓱᐅᓐ ᒐᒋ ᑎᒂᒡ ᒪᒃ ᒥᒋᐱᔨᑐᐅᓐ᙮ ᓂᑯᔅᐱᓇᔨᑕᓐ ᒥᒐᑦ ᐊᓐᑕ ᐊ ᑎᓯᔭᒄ ᒐᒋ ᐱᐳᑯᓄᒧᐛᔭᒄ ᒐᒋ ᒪᒪᔭᔨᒪᑯᒡ ᑯᑎᑭᒡ ᐊᐛᓐᒋ ᒪᒃ ᒋᒋᐛ ᒐᒋ ᐃᑕᔨᒥᓱᔭᒄ ᑭᔭ ᒐᒋ ᒥᒥᑯᔅᑲᒋᐊᑯᒡ ᑯᑎᑭᒡ ᐊᐛᓐᒋ᙮ 21ᓂᑯᔅᐱᓇᔨᑕᓐ ᒥᓐ ᒧᐱᔅᑕᑎᑯᒐ ᒋᓴᒪᓂᑐᐤ ᒐ ᐃᑐᑕᐧᒃ ᒐᒋ ᓴᒂᔨᒥᑎᑯᒡ ᐛᐱᒥᑎᑯᒐ᙮ ᓇᔅᒡ ᑕᑈ ᓂᑭ ᒥᓯᒪᔨᑎᒥᐃᑯᒡ ᐊᓐᒡ ᑲ ᒥᒋᑐᑕᒡ ᐊᓐᑕ ᐅᑕᒡ ᐊᑲ ᒪᒃ ᐅᒋ ᒥᑕᒋᔨᐛᔨᑕᒡ ᑭᔭ ᐊᑲ ᐅᒋ ᓂᑭᑕᒡ ᑕᓐ ᑲ ᐃᓯ ᒥᒋᑐᑕᒡ, ᐊᓐᒡ ᐊᑲ ᐅᑎᔅᑯᐤ ᒋᓴᒪᓂᑐᐛ ᐊ ᑕᔨᒋ ᑲ ᒥᑕᒋᔨᐛᔨᑕᒡ ᑕᓐ ᑲ ᐃᔅᐱᔅ ᐊᑲ ᐅᒋ ᐸᔭᒋ ᐱᒪᑎᓯᒡ ᑭᔭ ᑕᓐ ᑲ ᐃᔅᐱᔅ ᒋ ᐎᓂᓱᐤ ᐱᒪᑎᓯᒡ ᑭᔭ ᑲ ᐃᔅᐱᔅ ᒋ ᐃᑐᑕᒡ ᐎᓂᓱᐅᓂᔪᐤ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada