1 ᑎᒧᑎ 3
3
ᑕᓐ ᒋᐸ ᐃᑕᔨᑕᑯᓱᐅᒡ ᑲ ᓂᑲᓂᔅᑲᒡ ᐊᔭᒥᐊᐅᒋᐛᐸ
1ᐊᐅᒄ ᐅ ᑕᑈ ᑎᔭᑈᒥᑲᒡ ᐃᔅᒋᔄᐅᓐ, ᐊᐛᓐ ᐊ ᐃᑕᔨᑎᒥᐃᑯᒂ ᒐᒋ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓇᔅᒡ ᒥᔽᓯᔪᐤ ᐅᔭ ᐊᑐᔅᒐᐅᓂᔪᐤ ᑲ ᐃᓯ ᐛᑕᔨᑎᒥᐃᑯᑦ ᒐᒋ ᐃᑐᑕᐧᒃ᙮ 2ᐊᓐ ᒪᒃ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓂᑐᐛᔨᑕᑯᓱᐤ ᒐ ᐊᑲ ᒋ ᑎᑯᓂᔨᒡ ᒐᒂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ, ᑭᔭ ᔭᐃᑕᔾ ᒐᒋ ᐸᐃᑯᐊᑦ ᐎᐛ ᓇᐳᐅᒂ᙮ ᓂᑐᐛᔨᑕᑯᓱᐤ ᐊᔪᐤ ᐸᐧᑲᒡ ᒐᒋ ᐃᓯ ᐱᒪᑎᓯᑦ, ᑭᔭ ᒐᒋ ᒥᔪ ᓂᓇᑭᑐᐛᔨᑎᒥᐃᑯᑦ ᑕᓐ ᐊ ᐃᓯ ᐱᒪᑎᓯᑦ, ᑭᔭ ᐃᔭᒂ ᒋᐸ ᐃᓯ ᐸᒥᐱᔨᑕᐤ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ᙮ ᐊᓐ ᐊᐛᓐ ᑲ ᒥᔽᔨᑕᐧᒃ ᒪᓐᑕᐛ ᐊ ᐱᑎᑲᐊᑦ ᐊᐅᑯᓐ ᒋᐸ ᐃᑕᔨᑕᑯᓱᐤ᙮ ᒋᐸ ᑭᔅᒋᐤ ᑭᔭ ᐊ ᒋᔅᑯᑎᒪᒐᑦ᙮ 3ᐊᑯ ᒪᒃ ᓇᒪᐎᔾ ᑲ ᐎᒋᐸᑦ ᐊᐛᓐ ᒋᐸ ᐅᒋ ᐃᑕᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐅᐛᓴᒪᔨᑕᑯᓱᐤ ᐊᑎ ᐊᑲ ᐛ ᓂᓇᐊᔨᑎᒥᐃᑯᒋ ᒐᒂᔪᐤ, ᒋᐸ ᒋᔭᒪᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐛᒋᐱᔪᐤ ᒐᒋ ᒥᒋᐱᔭᐊᑦ ᐊᐛᔪᐛ, ᑭᔭ ᓇᒪ ᒋᐸ ᐅᒋ ᐃᑕᔨᑎᒥᐃᑯᐤ ᒐᒋ ᒥᔅᑎ ᐛᔪᐅᒡ ᐊᔭᑦ ᓱᓇᔭᔪᐤ᙮ 4ᓂᑐᐛᔨᑕᑯᓱᐤ ᑭᔭ ᐅ ᐊᐛᓐ ᒐᒋ ᒥᔪ ᓂᓇᑭᑐᐛᔨᑕᐧᒃ ᐊᓐᑕ ᐊ ᐸᐃᑯᔅᑲᓇᓯᑦ ᑭᔭ ᒋᐸ ᐃᑐᑐᐛᐤ ᐅᑦ ᐊᐛᓯᒪ ᒐᒋ ᓂᓇᐃᑕᑯᑦ ᐊ ᒋᔅᑕᔨᒥᑯᑦ᙮ 5ᐛᔅ ᐊᐛᓐ ᒐ ᐊᑲ ᒋ ᒥᔪ ᓂᓇᑭᑐᐛᔨᑎᒥᐃᑯᒂ ᐊᓐᑕ ᐊ ᐸᐃᑯᔅᑲᓇᓯᑦ ᑕᓐᑕ ᒐᒋ ᐅᒋ ᒥᔪ ᓂᓇᑭᑐᐛᔨᒪᑦ ᐊᓂᔭ ᒋᓴᒪᓂᑐᐛ ᐅᑦ ᐃᔨᒥᔨᐛ᙮ 6ᑭᔭ ᓇᒪ ᐊᐛᓐ ᐊᓄᒋᒐ ᐊᒋ ᑕᑈᔭᔨᑕᐧᒃ ᒋᐸ ᐅᒋ ᓂᑲᓂᔅᑯᐛᐤ ᒋᓴᒪᓂᑐᐛ ᐅᑦ ᐃᔨᒥᔪᐛ ᐛᔅ ᒋᑭ ᒋ ᐃᓯᓇᑯᓱᐤ ᓇᔅᒡ ᒋᒋᐛ ᒐᒋ ᐃᑕᔨᒥᓱᑦ, ᒋᑭ ᒋ ᐸᒋᓯᓐ ᒪᒃ ᒐᒋ ᐃᓯ ᓂᓱᐅᓇᒋᒪᑭᓄᐅᑦ ᒧᔭᒻ ᒥᒋᒥᓂᑐᐛ ᒐ ᐃᓯ ᓂᓱᐅᓇᒋᒪᑭᓄᔨᒋ᙮ 7ᑭᔭ ᐊᓐ ᐊᐛᓐ ᐅᔭ ᑲ ᐃᑕᐱᑎᓯᑦ ᒋᐸ ᒥᔪ ᑎᐸᑐᑎᒥᔪᐛ ᐅᐱᒪᑎᓯᐅᓐ ᐊᓂᔭᔪᐛ ᐊᐛᔪᐛ ᐊᑲ ᐱᒪᒋᐅᔨᒋ᙮ ᐛᔅ ᒥᔪ ᑎᐸᒋᒪᑭᓄᒐ ᓇᒪ ᒋᑭ ᒋ ᐃᑐᑕᑯᐤ ᒥᒋᒥᓂᑐᐛ ᒐᒋ ᓇᒂᑎᑯᑦ᙮
ᑕᓐ ᒋᐸ ᐃᓯ ᐱᒪᑎᓯᐅᒡ ᐊᓐᒡ ᑲ ᐎᒋᐃᐛᒡ ᐊᔭᒥᐊᐅᒋᐛᐱᔪᐤ ᐊ ᓂᓇᑭᑐᐛᔨᑕᑭᓄᐎᒡ
8ᑭᔭ ᐊᓐᒡ ᑲ ᐎᒋᐃᐛᒡ ᑕᓐ ᐊ ᐃᓯ ᓂᓇᑭᑐᐛᔨᑕᑭᓄᔨᒋ ᐊᔭᒥᐊᐅᒋᐛᐸ ᒋᐸ ᑕᑈᐅᒐᔨᑕᑯᓱᐅᒡ ᑭᔭ ᒧᔅ ᑯᐃᔅᒄ ᒋᐸ ᐃᑎᑕᑯᓂᔪᐤ ᐅᑦ ᐃᔨᒧᐅᓄᐛᐤ᙮ ᓇᒪ ᒋᐸ ᐅᒋ ᐎᒋᐸᐅᒡ ᑭᔭ ᓇᒪ ᒋᐸ ᐅᒋ ᓴᒋᑕᐅᒡ ᓱᓇᔭᔪᐤ᙮ 9ᓱᒃ ᒋᐸ ᐎ ᒥᒪᒋᒥᓂᒧᒡ ᑕᓐ ᐊ ᐃᓯ ᑕᑈᒥᑭᓂᔨᒡ ᐊᓂᔭ ᐊ ᐃᓯ ᑕᑈᑎᒺᐧᒄ ᐊᓂᔭ ᑭᑈ ᑲ ᐃᓯ ᒋᔅᒐᔨᑎᒥᐃᑯᐛᐧᒄ᙮ ᒋᐸ ᒐᔅᑎᓇᑕᔨᒥᓱᐅᒡ ᑯᐃᔅᒄ ᐊ ᐃᓯ ᐱᒪᑎᓯᒡ᙮ 10ᐊᑯᔅ ᒪᒃ ᓂᔅᑎᒻ ᒋᑭ ᐎ ᓇᓂᑐ ᑭᒐᔅᒐᔨᒪᑭᓄᐎᒡ ᐅᒡ ᑕᓐ ᐊᓐ ᐊ ᐃᑕᔨᑕᑯᓯᒡ ᑭᔭ ᓄᑯᓂᔨᒐ ᐊ ᑯᐃᔅᑯᑕᑎᓯᒡ ᐊᑯ ᒐ ᒥᔭᑭᓄᐎᒡ ᒐᒋ ᐎᒋᐃᐛᒡ ᐊ ᓂᓇᑭᑐᐛᔨᑕᑭᓄᔨᒋ ᐊᔭᒥᐊᐅᒋᐛᐸ᙮
11ᐎᐛᐛ ᒋᐸ ᑕᑈᐅᒐᔨᑕᑯᓯᔪᐛ ᑭᔭ ᓇᒪ ᒋᐸ ᐅᒋ ᓂᑎᒥᒄ ᐃᑕᒋᒪᐅᒡ ᐊᐛᔪᐛ ᑭᔭ ᐸᐧᑲᒡ ᒋᐸ ᐃᓯ ᐱᒪᑎᓯᐅᒡ ᑭᔭ ᐃᔭᒂ ᒋᐸ ᐃᑐᑎᒧᒡ ᒥᓯᐛ ᒐᒂᔪᐤ᙮
12ᑭᔭ ᐊᓐ ᑲ ᐎᒋᐃᐛᑦ ᐊᔭᒥᐊᐅᒋᐛᐱᒡ ᒋᐸ ᐸᐃᑯᐊᐤ ᐎᐛ ᓇᐳᐅᒂ ᑭᔭ ᔭᐃᑕᔾ ᒋᐸ ᒥᔪ ᓂᑕᐅᒋᓇᐤ ᐅᑦ ᐊᐛᓯᒪ ᑭᔭ ᒋᐸ ᒥᔪ ᓂᓇᑭᑐᐛᔨᑎᒥᐃᑯᐤ ᐊᓐᑕ ᐊᓂᔭ ᐊ ᐸᐃᑯᔅᑲᓇᓯᑦ᙮ 13ᐛᔅ ᑕᑈ ᒥᔪ ᓂᓇᑭᑐᐛᔨᑕᒂᐛ ᐊᓂᔭᔪᐛ ᐅᑦ ᐊᑐᔅᒐᐅᓄᐛᐛ ᐊᑯᑕ ᐃᔭᒂ ᒐ ᐅᒋ ᐃᑕᔨᒥᑯᒡ ᐊᐛᔪᐛ ᑭᔭ ᐊᑯᑕ ᐊᑐᐎᔅ ᒐ ᐅᒋ ᐛᒋᐱᔨᒡ ᓱᒃ ᐊ ᐊᔨᒧᑕᒡ ᑕᓐ ᐊ ᐃᓯ ᑕᑈᔭᔨᒪᒡ ᒋᓴᔅ ᙭ᑕ᙮
ᐊᓐ ᐊᑲ ᐅᒋ ᒋᔅᒐᔨᑕᑯᑕᑭᓄᐅᒡ ᐊᓐᑕ ᐛᔅᑭᒡ
14ᐅ ᒪᒃ ᒪᒂᒡ ᐊ ᒥᓯᓇᐊᒪᑕᓐ ᑎᒧᑎ, ᓂ ᐱᑯᓴᔨᑕᓐ ᐎᐱᒡ ᒐᒋ ᑎᑯᓯᓂᔭᓐ ᒐᒋ ᐛᐱᒥᑎᑯᒡ᙮ 15ᐊᑲ ᒪᒃ ᐎᐱᒡ ᑎᑯᓯᓂᔭᓇ, ᐅ ᑲ ᒥᓯᓇᐊᒪᑎᑯᒡ ᐊᐅᒄ ᐅ ᒐ ᐎᒋᐃᑯᔭᒄ ᒐᒋ ᒋᔅᒐᔨᑎᒪᒄ ᑕᓐ ᒋᐸ ᐃᑕᔨᑕᑯᓯᓇᓄᐤ ᐊᓐᑕ ᐊ ᐃᓯ ᐸᐃᑯᑕᐅᓯᔭᐧᒄ ᒋᓴᒪᓂᑐᐤ ᐊ ᑕᑦ᙮ ᐛᔅ ᐅ ᐊ ᐃᓯ ᐸᐃᑯᑕᐅᓯᔭᐧᒄ ᐊᐅᒄ ᐅᔭ ᐅᑦ ᐊᔭᒥᐊᐅᒋᐛᑉ ᐊᓐ ᑲ ᐱᒪᑎᓯᑦ ᒋᓴᒪᓂᑐᐤ ᑭᔭ ᐊᑯᑕ ᐛᒋ ᐊᔨᒋᑲᐳᐅᔭᐧᒄ ᑭᔭ ᐊᐅᒄ ᐛᒋ ᐃᔭᐃᑕᔨᑕᑯᓯᔭᐧᒄ ᑕᑈᐅᓂᒡ ᐃᔅ᙮ 16ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮
ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮
ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮
ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮
Currently Selected:
1 ᑎᒧᑎ 3: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
1 ᑎᒧᑎ 3
3
ᑕᓐ ᒋᐸ ᐃᑕᔨᑕᑯᓱᐅᒡ ᑲ ᓂᑲᓂᔅᑲᒡ ᐊᔭᒥᐊᐅᒋᐛᐸ
1ᐊᐅᒄ ᐅ ᑕᑈ ᑎᔭᑈᒥᑲᒡ ᐃᔅᒋᔄᐅᓐ, ᐊᐛᓐ ᐊ ᐃᑕᔨᑎᒥᐃᑯᒂ ᒐᒋ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓇᔅᒡ ᒥᔽᓯᔪᐤ ᐅᔭ ᐊᑐᔅᒐᐅᓂᔪᐤ ᑲ ᐃᓯ ᐛᑕᔨᑎᒥᐃᑯᑦ ᒐᒋ ᐃᑐᑕᐧᒃ᙮ 2ᐊᓐ ᒪᒃ ᐊᐛᓐ ᑲ ᓂᑲᓂᔅᑯᐛᑦ ᐅᒪᒧᐊᔭᒥᐊᐛ ᓂᑐᐛᔨᑕᑯᓱᐤ ᒐ ᐊᑲ ᒋ ᑎᑯᓂᔨᒡ ᒐᒂᔪᐤ ᒐᒋ ᐃᓯ ᐊᑕᒪᔨᑕᑯᓯᑦ, ᑭᔭ ᔭᐃᑕᔾ ᒐᒋ ᐸᐃᑯᐊᑦ ᐎᐛ ᓇᐳᐅᒂ᙮ ᓂᑐᐛᔨᑕᑯᓱᐤ ᐊᔪᐤ ᐸᐧᑲᒡ ᒐᒋ ᐃᓯ ᐱᒪᑎᓯᑦ, ᑭᔭ ᒐᒋ ᒥᔪ ᓂᓇᑭᑐᐛᔨᑎᒥᐃᑯᑦ ᑕᓐ ᐊ ᐃᓯ ᐱᒪᑎᓯᑦ, ᑭᔭ ᐃᔭᒂ ᒋᐸ ᐃᓯ ᐸᒥᐱᔨᑕᐤ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ᙮ ᐊᓐ ᐊᐛᓐ ᑲ ᒥᔽᔨᑕᐧᒃ ᒪᓐᑕᐛ ᐊ ᐱᑎᑲᐊᑦ ᐊᐅᑯᓐ ᒋᐸ ᐃᑕᔨᑕᑯᓱᐤ᙮ ᒋᐸ ᑭᔅᒋᐤ ᑭᔭ ᐊ ᒋᔅᑯᑎᒪᒐᑦ᙮ 3ᐊᑯ ᒪᒃ ᓇᒪᐎᔾ ᑲ ᐎᒋᐸᑦ ᐊᐛᓐ ᒋᐸ ᐅᒋ ᐃᑕᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐅᐛᓴᒪᔨᑕᑯᓱᐤ ᐊᑎ ᐊᑲ ᐛ ᓂᓇᐊᔨᑎᒥᐃᑯᒋ ᒐᒂᔪᐤ, ᒋᐸ ᒋᔭᒪᔨᑕᑯᓱᐤ᙮ ᓇᒪ ᑭᔭ ᒋᐸ ᐅᒋ ᐛᒋᐱᔪᐤ ᒐᒋ ᒥᒋᐱᔭᐊᑦ ᐊᐛᔪᐛ, ᑭᔭ ᓇᒪ ᒋᐸ ᐅᒋ ᐃᑕᔨᑎᒥᐃᑯᐤ ᒐᒋ ᒥᔅᑎ ᐛᔪᐅᒡ ᐊᔭᑦ ᓱᓇᔭᔪᐤ᙮ 4ᓂᑐᐛᔨᑕᑯᓱᐤ ᑭᔭ ᐅ ᐊᐛᓐ ᒐᒋ ᒥᔪ ᓂᓇᑭᑐᐛᔨᑕᐧᒃ ᐊᓐᑕ ᐊ ᐸᐃᑯᔅᑲᓇᓯᑦ ᑭᔭ ᒋᐸ ᐃᑐᑐᐛᐤ ᐅᑦ ᐊᐛᓯᒪ ᒐᒋ ᓂᓇᐃᑕᑯᑦ ᐊ ᒋᔅᑕᔨᒥᑯᑦ᙮ 5ᐛᔅ ᐊᐛᓐ ᒐ ᐊᑲ ᒋ ᒥᔪ ᓂᓇᑭᑐᐛᔨᑎᒥᐃᑯᒂ ᐊᓐᑕ ᐊ ᐸᐃᑯᔅᑲᓇᓯᑦ ᑕᓐᑕ ᒐᒋ ᐅᒋ ᒥᔪ ᓂᓇᑭᑐᐛᔨᒪᑦ ᐊᓂᔭ ᒋᓴᒪᓂᑐᐛ ᐅᑦ ᐃᔨᒥᔨᐛ᙮ 6ᑭᔭ ᓇᒪ ᐊᐛᓐ ᐊᓄᒋᒐ ᐊᒋ ᑕᑈᔭᔨᑕᐧᒃ ᒋᐸ ᐅᒋ ᓂᑲᓂᔅᑯᐛᐤ ᒋᓴᒪᓂᑐᐛ ᐅᑦ ᐃᔨᒥᔪᐛ ᐛᔅ ᒋᑭ ᒋ ᐃᓯᓇᑯᓱᐤ ᓇᔅᒡ ᒋᒋᐛ ᒐᒋ ᐃᑕᔨᒥᓱᑦ, ᒋᑭ ᒋ ᐸᒋᓯᓐ ᒪᒃ ᒐᒋ ᐃᓯ ᓂᓱᐅᓇᒋᒪᑭᓄᐅᑦ ᒧᔭᒻ ᒥᒋᒥᓂᑐᐛ ᒐ ᐃᓯ ᓂᓱᐅᓇᒋᒪᑭᓄᔨᒋ᙮ 7ᑭᔭ ᐊᓐ ᐊᐛᓐ ᐅᔭ ᑲ ᐃᑕᐱᑎᓯᑦ ᒋᐸ ᒥᔪ ᑎᐸᑐᑎᒥᔪᐛ ᐅᐱᒪᑎᓯᐅᓐ ᐊᓂᔭᔪᐛ ᐊᐛᔪᐛ ᐊᑲ ᐱᒪᒋᐅᔨᒋ᙮ ᐛᔅ ᒥᔪ ᑎᐸᒋᒪᑭᓄᒐ ᓇᒪ ᒋᑭ ᒋ ᐃᑐᑕᑯᐤ ᒥᒋᒥᓂᑐᐛ ᒐᒋ ᓇᒂᑎᑯᑦ᙮
ᑕᓐ ᒋᐸ ᐃᓯ ᐱᒪᑎᓯᐅᒡ ᐊᓐᒡ ᑲ ᐎᒋᐃᐛᒡ ᐊᔭᒥᐊᐅᒋᐛᐱᔪᐤ ᐊ ᓂᓇᑭᑐᐛᔨᑕᑭᓄᐎᒡ
8ᑭᔭ ᐊᓐᒡ ᑲ ᐎᒋᐃᐛᒡ ᑕᓐ ᐊ ᐃᓯ ᓂᓇᑭᑐᐛᔨᑕᑭᓄᔨᒋ ᐊᔭᒥᐊᐅᒋᐛᐸ ᒋᐸ ᑕᑈᐅᒐᔨᑕᑯᓱᐅᒡ ᑭᔭ ᒧᔅ ᑯᐃᔅᒄ ᒋᐸ ᐃᑎᑕᑯᓂᔪᐤ ᐅᑦ ᐃᔨᒧᐅᓄᐛᐤ᙮ ᓇᒪ ᒋᐸ ᐅᒋ ᐎᒋᐸᐅᒡ ᑭᔭ ᓇᒪ ᒋᐸ ᐅᒋ ᓴᒋᑕᐅᒡ ᓱᓇᔭᔪᐤ᙮ 9ᓱᒃ ᒋᐸ ᐎ ᒥᒪᒋᒥᓂᒧᒡ ᑕᓐ ᐊ ᐃᓯ ᑕᑈᒥᑭᓂᔨᒡ ᐊᓂᔭ ᐊ ᐃᓯ ᑕᑈᑎᒺᐧᒄ ᐊᓂᔭ ᑭᑈ ᑲ ᐃᓯ ᒋᔅᒐᔨᑎᒥᐃᑯᐛᐧᒄ᙮ ᒋᐸ ᒐᔅᑎᓇᑕᔨᒥᓱᐅᒡ ᑯᐃᔅᒄ ᐊ ᐃᓯ ᐱᒪᑎᓯᒡ᙮ 10ᐊᑯᔅ ᒪᒃ ᓂᔅᑎᒻ ᒋᑭ ᐎ ᓇᓂᑐ ᑭᒐᔅᒐᔨᒪᑭᓄᐎᒡ ᐅᒡ ᑕᓐ ᐊᓐ ᐊ ᐃᑕᔨᑕᑯᓯᒡ ᑭᔭ ᓄᑯᓂᔨᒐ ᐊ ᑯᐃᔅᑯᑕᑎᓯᒡ ᐊᑯ ᒐ ᒥᔭᑭᓄᐎᒡ ᒐᒋ ᐎᒋᐃᐛᒡ ᐊ ᓂᓇᑭᑐᐛᔨᑕᑭᓄᔨᒋ ᐊᔭᒥᐊᐅᒋᐛᐸ᙮
11ᐎᐛᐛ ᒋᐸ ᑕᑈᐅᒐᔨᑕᑯᓯᔪᐛ ᑭᔭ ᓇᒪ ᒋᐸ ᐅᒋ ᓂᑎᒥᒄ ᐃᑕᒋᒪᐅᒡ ᐊᐛᔪᐛ ᑭᔭ ᐸᐧᑲᒡ ᒋᐸ ᐃᓯ ᐱᒪᑎᓯᐅᒡ ᑭᔭ ᐃᔭᒂ ᒋᐸ ᐃᑐᑎᒧᒡ ᒥᓯᐛ ᒐᒂᔪᐤ᙮
12ᑭᔭ ᐊᓐ ᑲ ᐎᒋᐃᐛᑦ ᐊᔭᒥᐊᐅᒋᐛᐱᒡ ᒋᐸ ᐸᐃᑯᐊᐤ ᐎᐛ ᓇᐳᐅᒂ ᑭᔭ ᔭᐃᑕᔾ ᒋᐸ ᒥᔪ ᓂᑕᐅᒋᓇᐤ ᐅᑦ ᐊᐛᓯᒪ ᑭᔭ ᒋᐸ ᒥᔪ ᓂᓇᑭᑐᐛᔨᑎᒥᐃᑯᐤ ᐊᓐᑕ ᐊᓂᔭ ᐊ ᐸᐃᑯᔅᑲᓇᓯᑦ᙮ 13ᐛᔅ ᑕᑈ ᒥᔪ ᓂᓇᑭᑐᐛᔨᑕᒂᐛ ᐊᓂᔭᔪᐛ ᐅᑦ ᐊᑐᔅᒐᐅᓄᐛᐛ ᐊᑯᑕ ᐃᔭᒂ ᒐ ᐅᒋ ᐃᑕᔨᒥᑯᒡ ᐊᐛᔪᐛ ᑭᔭ ᐊᑯᑕ ᐊᑐᐎᔅ ᒐ ᐅᒋ ᐛᒋᐱᔨᒡ ᓱᒃ ᐊ ᐊᔨᒧᑕᒡ ᑕᓐ ᐊ ᐃᓯ ᑕᑈᔭᔨᒪᒡ ᒋᓴᔅ ᙭ᑕ᙮
ᐊᓐ ᐊᑲ ᐅᒋ ᒋᔅᒐᔨᑕᑯᑕᑭᓄᐅᒡ ᐊᓐᑕ ᐛᔅᑭᒡ
14ᐅ ᒪᒃ ᒪᒂᒡ ᐊ ᒥᓯᓇᐊᒪᑕᓐ ᑎᒧᑎ, ᓂ ᐱᑯᓴᔨᑕᓐ ᐎᐱᒡ ᒐᒋ ᑎᑯᓯᓂᔭᓐ ᒐᒋ ᐛᐱᒥᑎᑯᒡ᙮ 15ᐊᑲ ᒪᒃ ᐎᐱᒡ ᑎᑯᓯᓂᔭᓇ, ᐅ ᑲ ᒥᓯᓇᐊᒪᑎᑯᒡ ᐊᐅᒄ ᐅ ᒐ ᐎᒋᐃᑯᔭᒄ ᒐᒋ ᒋᔅᒐᔨᑎᒪᒄ ᑕᓐ ᒋᐸ ᐃᑕᔨᑕᑯᓯᓇᓄᐤ ᐊᓐᑕ ᐊ ᐃᓯ ᐸᐃᑯᑕᐅᓯᔭᐧᒄ ᒋᓴᒪᓂᑐᐤ ᐊ ᑕᑦ᙮ ᐛᔅ ᐅ ᐊ ᐃᓯ ᐸᐃᑯᑕᐅᓯᔭᐧᒄ ᐊᐅᒄ ᐅᔭ ᐅᑦ ᐊᔭᒥᐊᐅᒋᐛᑉ ᐊᓐ ᑲ ᐱᒪᑎᓯᑦ ᒋᓴᒪᓂᑐᐤ ᑭᔭ ᐊᑯᑕ ᐛᒋ ᐊᔨᒋᑲᐳᐅᔭᐧᒄ ᑭᔭ ᐊᐅᒄ ᐛᒋ ᐃᔭᐃᑕᔨᑕᑯᓯᔭᐧᒄ ᑕᑈᐅᓂᒡ ᐃᔅ᙮ 16ᐊᔪᐛᒡ ᑭᑈ ᒋᔅᑕᔨᑕᑯᓐ ᐊᓐ ᑕᓐ ᐊ ᐃᓯ ᒥᔅᑲᑕᔨᑕᒂᒡ ᒋᑕᑈᑎᒧᐅᓄᐤ᙮
ᒋᓴᒪᓂᑐᐤ ᐎᔭᓱᐅᓂᒡ ᐊᒋ ᐃᓯ ᓄᑯᐃᓱᑦ᙮ ᒋ ᒐᔅᑎᓇᑕᔨᑕᑯᐃᑯᐤ ᑲ ᐸᔭᒋᓯᔨᒋ ᐊᒐᒂ ᑕᑈ ᒋᓴᒪᓂᑐᐛ ᐊᒋ ᐸᒋ ᐃᑎᓴᐅᑯᑦ᙮
ᒋ ᐛᐱᒥᑯᐤ ᐊᓐᒋᓇ᙮ ᒋ ᐊᔨᒧᒪᑭᓄᐤ ᐊ ᑭᒐᔅᒋᒧᓇᓄᐎᒡ ᐊᓐᑕ ᓂᓇᐧᑯᐤ ᐊ ᐃᑎᔅᑲᓇᓯᓇᓄᐎᒡ᙮
ᒋ ᑕᑈᔭᔨᒥᑯᐤ ᐊᐛᔪᐛ ᐅᑕ ᐊᔅᒋᒡ᙮ ᐊᑯ ᒪᒃ ᒋᒋᒋᓯᑯᒡ ᑲ ᐃᓯ ᐅᐱᔨᑦ ᒐᒋ ᒋᔅᑕᔨᑕᑯᐊᑭᓄᐅᑦ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada