1 ᑎᒧᑎ 2
2
ᐊ ᐊᔭᒥᐊᓄᒡ
1 Timothy 2.1-7 (Proper-20 Year C)
1ᒪᐅᒡ ᒪᒃ ᓂᔅᑎᒻ ᐊ ᐃᓯ ᐱᑯᓴᔨᒧᔭᓐ ᐊᐅᒄ ᐅ ᒧᔅ ᓂᓇᐧᑯᐤ ᒐᒋ ᐃᓯ ᐊᔭᒥᐊᔅᑎᒧᐛᑯᒡ ᒥᓯᐛ ᐊᐛᓐᒋ᙮ ᒐ ᓂᑐᑎᒪᔭᒄ ᒐᒋ ᒥᔭᑭᓄᐅᒡ ᑕᓐ ᐊ ᐃᓯ ᓂᑐᐛᔨᑕᒡ ᑭᔭ ᒧᔅ ᒐᒋ ᓂᓇᔅᑯᒪᒄ ᒋᓴᒪᓂᑐᐤ ᐎᔨᐛᐤ ᐅᒡ᙮ 2ᑭᔭ ᐊᓐᒡ ᑲ ᒋᓴᐅᒋᒪᐅᒡ ᑭᔭ ᐊᓐᒡ ᑲ ᓂᑲᓇᔨᑕᑯᓯᒡ ᒋᐸ ᐊᔭᒥᐊᔅᑎᒧᐛᐛᐅᒡ᙮ ᐅ ᒪᒃ ᓂᓇᐧᑯᐤ ᐊ ᐃᓯ ᐊᔭᒥᐊᔅᑎᒧᐛᑯᒡ ᐊᐛᓐᒋ ᐊᑯᑕ ᒐ ᐅᒋ ᑎᒂᒡ ᒋᔭᒪᔨᑎᒧᐅᓐ ᑭᔭ ᐊᑯᑕ ᒐ ᐅᒋ ᑎᒂᒡ ᐊ ᒥᔪ ᐎᒐᐅᑐᓇᓄᐅᒡ ᑯᐃᔅᑯᑕᑎᓯᐅᓂᒡ ᑭᔭ ᐊᑯᑕ ᒐ ᐅᒋ ᑎᒂᒡ ᐊ ᒋᔅᑕᔨᒥᑐᓇᓄᐅᒡ᙮ 3ᐊᐅᒄ ᐅᔭ ᐊ ᐃᓯ ᒥᔪᓇᐧᒃ ᑭᔭ ᓂᐊᔨᑎᒥᐃᑯᑦ ᒋᓴᒪᓂᑐᐤ ᒋᐱᒪᒋᐃᐛᒥᓄᐤ, 4ᐊᓐ ᑲ ᓂᑐᐛᔨᒪᑦ ᒥᓯᐛ ᐊᐛᔪᐛ ᒐᒋ ᐱᒪᒋᐅᔨᒋ ᑭᔭ ᒐᒋ ᒋᔅᒐᔨᑎᒥᔨᒋ ᑕᑈᐅᓂᔪᐤ᙮ 5ᐛᔅ ᐸᐃᑯᓱᐤ ᒋᓴᒪᓂᑐᐤ ᑭᔭ ᐸᐃᑯᓱᐤ ᐊᓐ ᐊᐛᓐ ᐊ ᓇᑕᒪᒐᑦ ᒐᒋ ᓂᒋᔅᑲᑐᒡ ᒋᓴᒪᓂᑐᐤ ᑭᔭ ᐃᔪᐤ ᐊᐅᒄ ᓇᐸᐤ ᒋᓴᔅ ᙭᙮ 6ᐊᐅᒄ ᒪᒃ ᐅ ᓇᐸᐤ ᑲ ᐱᔅᑎᓇᐧᒃ ᐅᐱᒪᑎᓯᐅᓐ ᒐᒋ ᐅᒋ ᐎᐧᑯᒋᐊᑦ ᒥᓯᐛ ᐊᐛᔪᐛ ᐅᒥᒋᑥᐅᓂᔨᒡ ᐅᒡ᙮ ᐊᑯᑕ ᒪᒃ ᑲ ᐅᑎᒋᐱᔨᒡ ᐊᓐᑕ ᒐ ᒥᔪᐱᔨᒡ ᒋᓴᒪᓂᑐᐤ ᒐᒋ ᓄᑯᑕᑦ ᑕᓐᑕ ᒐᒋ ᐅᒋ ᐱᒪᒋᐊᑦ ᒥᓯᐛ ᐊᐛᔪᐛ᙮ 7ᐛᔅ ᑕᑈ ᓂᒋ ᐅᑎᓂᑯᐅᓐ ᒐᒋ ᐛᐎᑎᒪᓐ ᒥᔽᒋᒧᐅᓐ ᑭᔭ ᐊᑈᔅᑕᓐ ᒐᒋ ᐃᑕᐱᑎᓯᔭᓐ ᑭᔭ ᒐᒋ ᒋᔅᑯᑎᒧᐅᒂᐤ ᐊᓂᔭ ᑕᑈᐅᓂᔪᐤ ᒋᐸ ᐃᓯ ᑕᑈᑎᒧᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ᙮ ᓇᒪ ᒪᒃ ᓂᑎᒥᒄ ᓂᑦ ᐃᔅᒋᔄᓐ ᐅ ᑲ ᐃᔅᒋᔄᔭᓐ᙮
8ᓂ ᐱᑯᓴᔨᒪᐅᒡ ᒥᓯᐛ ᓇᐸᐅᒡ ᑕᓐᑕ ᐊ ᐊᑎ ᐃᑕᐛᒂ ᐃᔅᐱ ᐊ ᐊᔭᒥᐊᔅᑕᐛ ᒐᒋ ᐅᐱᔨᑕᒡ ᐅᑎᒋᐛᐛ ᓇᔅᒡ ᐊ ᐱᔅᑕᔨᒥᓱᒡ ᒋᓴᒪᓂᑐᐛ ᐊ ᑕᔨᒋ᙮ ᒪᒂᒡ ᒪᒃ ᐊ ᐊᔭᒥᐊᒡ ᓇᒪ ᒋᐸ ᐅᒋ ᒋᒋᔅᑲᑯᐅᒡ ᒋᔄᓱᐅᓂᔪᐤ ᑭᔭ ᓇᒪ ᒋᐸ ᐅᒋ ᐃᓯᓇᑯᓂᔪᐤ ᓇᔅᒡ ᐎᐱᒡ ᒐᒋ ᒋᔄᓯᔅᑐᐛᒡ ᐊᐛᔪᐛ᙮
9ᓂ ᐱᑯᓴᔨᒪᐅᒡ ᑭᔭ ᐃᔎᐅᒡ ᐃᔭᒂ ᒐᒋ ᐃᑕᔅᐱᓱᒡ᙮ ᓇᒪ ᒋᐸ ᐅᒋ ᒥᔅᑎ ᐛᐛᑐᐛᐊᒪᓱᐅᒡ ᑭᔭ ᓇᒪ ᐊ ᒥᔅᑎ ᓱᓇᔭᐎᔨᒋ ᒐᒂᔪᐛ ᒋᐸ ᐅᒋ ᑭᒋᔅᑭᒧᒡ᙮ 10ᐅᔅᑕ ᐊᓂᔭ ᐊ ᑯᐃᔅᑯᐱᒪᑎᓯᒡ ᑭᔭ ᐊ ᒥᔪᑐᑎᒧᐛᒡ ᐊᐛᔪᐛ ᒋᐸ ᒋᐧᑲᓇᑯᐃᑯᒡ ᐛᔅ ᐊᐅᑯᓐ ᐊ ᐃᓯ ᓂᑐᐛᔨᑕᑯᓯᒡ ᐃᔎᐅᒡ, ᐊᓐᒡ ᑲ ᐃᔅᒋᔄᒡ ᐊ ᒋᔅᒐᔨᒪᒡ ᒋᓴᒪᓂᑐᐛ᙮
11ᐛᔅ ᐃᔎᐤ ᓂᑐᐛᔨᑕᑯᓱᐤ ᐃᔭᒂ ᒐᒋ ᓇᓂᑐᑕᐧᒃ ᐊᓐᑕ ᒐᒋ ᐅᒋ ᒋᔅᑯᑎᒪᓱᑦ ᑭᔭ ᒥᓯᐛ ᒐᒋ ᐃᓯ ᓂᓇᐃᑕᐧᒃ ᑕᓐ ᑲ ᐃᓯ ᐸᑕᐧᒃ᙮ 12ᓇᒪ ᓂ ᐱᔅᑎᓇᐅᒡ ᐃᔎᐅᒡ ᒐᒋ ᒋᔅᑯᑎᒧᐛᒡ ᓇᐸᐛ ᒪᒃ ᒐᒋ ᐅᒋᒪᐅᑐᑐᐛᒡ᙮ ᓇᓂᑐᐛᔨᒪᐅᒡ ᐃᔭᐱᒡ ᒐᒋ ᓇᓂᑐᑕᒡ᙮ 13ᐛᔅ ᐊᑕᒻ ᓂᔅᑎᒻ ᒋ ᐅᓯᐊᑭᓄᐤ ᐊᑯ ᐃᔭᒄ ᐃᑉ ᑲ ᐅᓯᐊᑭᓄᐅᑦ᙮ 14ᑭᔭ ᓇᒪᐎᔾ ᐊᑕᒻ ᓂᔅᑎᒻ ᐅᒋ ᐎᔭᓯᒪᑭᓄᐤ᙮ ᐊᓐ ᐃᔎᐤ ᐊᐅᒄ ᑲ ᐎᔭᓯᒪᑭᓄᐅᑦ ᑭᔭ ᒂ ᐊᑎ ᒥᒋᑐᑕᐧᒃ ᐊᑲ ᐅᒋ ᓂᓇᐃᑐᐛᑦ ᒋᓴᒪᓂᑐᐛ᙮ 15ᐃᔭᐱᒡ ᒪᒃ ᒋᑭ ᐱᒪᒋᐊᑭᓄᐤ ᐃᔎᐤ ᐊᓂᔭ ᐅᒋ ᐊ ᐛᐱᒪᐅᓱᑦ ᐃᔭᐱᒡ ᒪᒃ ᒧᔅ ᓇᔅᒡ ᐃᓯ ᓂᓇᑭᑐᐛᔨᒥᓱᑦ ᑕᑈᑎᒧᐅᓂᒡ ᑭᔭ ᓴᒋᐃᐛᐅᓂᒡ ᑭᔭ ᐸᔭᒋ ᐱᒪᑎᓯᐅᓂᒡ ᒐᒋ ᐃᓯ ᐱᒧᑕᑦ᙮
Currently Selected:
1 ᑎᒧᑎ 2: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
