1 ᑯᕆᓐᑎᔭᓇ 14
14
ᑕᓐ ᒋᐸ ᐃᑕᐱᑎᓇ ᐊᒐᐧᒄ ᒥᔨᐛᐅᓇ
1ᓴᒋᐃᐛᐅᓂᒡ ᒪᐅᒡ ᒋᐸ ᐃᓯ ᐊᒋᔅᑕᓱᓇᐛᐤ ᒐᒋ ᐃᓯ ᐱᒪᑎᓯᔭᒄ᙮ ᓱᒃ ᐱᑯᓴᔨᑎᒧᒄ ᐊᒐᐧᒄ ᒥᔨᐛᐅᓇ ᒐᒋ ᐊᔭᔭᒄ᙮ ᐊᓐ ᒪᒃ ᒥᔨᐛᐅᓐ ᒪᐅᒡ ᒋᐸ ᓂᑐᐛᔨᑕᓇᐛᐤ ᐊᐅᒄ ᒐᒋ ᒋᔅᒋᐛᐃᒐᔭᒄ᙮ 2ᐛᔅ ᐊᓐ ᐊᐛᓐ ᑲ ᒂᔅᒋᐃᔨᒥᑦ ᒋᓴᒪᓂᑐᐛ ᒥᒄ ᐃᔨᒪᐊᐤ, ᐛᔅ ᑕᐸ ᓂᔅᑐᑕᑯᐤ ᑯᑎᑲ ᐊᐛᔪᐛ ᑕᓐ ᐊ ᐃᓯ ᐃᔨᒥᑦ᙮ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᐅᒋ ᐊᔨᒧᑎᒻ ᒐᒂᔪᐛ ᐊᑲ ᐊᐛᔪᐛ ᒋᔅᒐᔨᑎᒥᔨᒋ᙮ 3ᐊᑯ ᐊᓐ ᐊᐛᓐ ᑲ ᒋᔅᒋᐛᐃᒐᑦ ᐎᒋᐊᐤ ᑯᑎᑲ ᐊᐛᔪᐛ, ᐅᐱᓇᐤ ᑭᔭ ᒥᔽᔨᒧᐊᐤ᙮ 4ᐊᓐ ᐊᐛᓐ ᑲ ᒂᔅᒋᐃᔨᒥᑦ ᐎᔾ ᒥᒄ ᐎᒋᐃᑯᐤ ᐊᓂᔭ᙮ ᐊᑯ ᐊᓐ ᐊᐛᓐ ᑲ ᒋᔅᒋᐛᐃᒐᑦ ᒥᓯᐛ ᐊᓂᔭᔪᐛ ᐅᒪᒧᐊᔭᒥᐊᐛ ᐊᓐᑕ ᐊ ᑕᔨᒋ ᐎᒋᐊᐤ᙮ 5ᒥᓯᐛ ᑭᑈ ᒋ ᓂᑐᐛᔨᒥᑎᓇᐛᐤ ᒐᒋ ᒂᔅᒋᐃᔨᒥᔭᒄ᙮ ᒥᒄ ᒪᒃ ᐃᐛᒃ ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒋᐛᐃᒐᔭᒄ᙮ ᐊᐅᒄ ᐅ ᐃᐛᒃ ᐊ ᐃᑕᔨᑕᒂᒡ ᒐᒋ ᐃᓯ ᐃᔨᒥᔭᒄ ᐃᔅᐱᔅ ᐎᔾ ᒐᒋ ᒂᔅᒋᐃᔨᒥᔭᒄ᙮ ᐛᔅ ᒥᒄ ᐸᑐᔅ ᐱᔭᑭᔅᒋᑕᑯᑕᑭᓄᔨᒐ ᐊᓂᔭ ᐊ ᒂᔅᒋᐃᔨᒥᑦ ᐊᐛᓐ ᐊᑯ ᐃᔭᒄ ᒐ ᐎᒋᐃᑯᒡ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ᙮
6ᓂᐧᑲᓂᓯᑐᒄ, ᐸᒋ ᓂᑐᐛᐱᒥᑎᑯᒡ ᒪ ᐊ ᒂᔅᒋᐃᔨᒥᔭᓐ, ᒋᐸ ᐎᒋᐃᑯᓇᐛᐤ ᐊ ᐊᓐ ᐃᓯ ᐃᔨᒥᐃᑎᑯᒡ ? ᓇᒪᐎᔾ ᑭᑈ᙮ ᐊᑯ ᒪᒃ ᐊ ᓂᔅᑐᑐᐅᔭᒄ ᐃᓯ ᐃᔨᒥᔭᓐ, ᐛᐎᑎᒪᑎᑯᒡ ᑕᓐ ᑲ ᐃᓯ ᐛᐸᑎᔨᑦ ᒋᓴᒪᓂᑐᐤ, ᑭᔭ ᒪᒃ ᑕᓐ ᑲ ᐃᓯ ᒋᔅᒐᔨᑎᒥᐃᑦ, ᑭᔭ ᒪᒃ ᒋᔅᒋᐛᐃᒐᔭᓐ, ᑭᔭ ᒪᒃ ᒋᔅᑯᑎᒪᑎᑯᒡ ᐊᐅᒄ ᐅ ᐃᔭᒄ ᒋᐸ ᐎᒋᐃᑯᓇᐛᐤ᙮
7ᐊᑎ ᐊᓂᔭ ᒐᒂᔪᐛ ᒪᑐᐛᒐᑦ ᐊᐛᓐ ᐊ ᐸᑕᑯᑕᑦ ᒧᔭᒻ ᐳᑕᒋᑭᓐ ᑭᔭ ᒪᒃ ᒋᔍᐛᐱᒋᑭᓂᔪᐤ ᒧᔭᒻ ᐊᑲ ᑯᐃᔅᒄ ᐃᓯ ᒪᑐᐛᒐ ᐊᓐ ᐊᐛᓐ ᑲ ᐸᑕᑯᑕᑦ ᐳᑕᒋᑭᓂᔪᐤ ᑭᔭ ᒪᒃ ᒋᔍᐛᐱᒋᑭᓂᔪᐤ ᓇᒪ ᐊᐛᔪᐛ ᒋᑭ ᐅᒋ ᓂᔅᑐᑎᒥᔪᐛ ᒐᒄ ᓂᑭᒧᐅᓂᔪᐤ ᐊᓂᔭ ᑲ ᒪᑐᐛᑦ᙮ 8ᒧᔭᒻ ᑭᔭ ᐊᓯᒪᑭᓂᔅ ᐳᑕᒋᑭᓂᔪᐤ ᐊ ᐳᑕᑕᐧᒃ ᑲᒋ ᐅᒋ ᐎᑎᒧᐛᑦ ᐎᒋ ᐊᓯᒪᑭᓂᓴ ᒐᒋ ᐊᔭᔅᑯᐎᔨᒋ ᒐᒋ ᒪᓯᒐᔨᒋ ᒧᔭᒻ ᐊᑲ ᐊᓐ ᐃᔅᒋᔄᒥᑲᑕᒐ ᑕᓐ ᒋᐸ ᐃᔅᒋᔄᒥᑲᑕᐤ ᐊ ᐳᑕᑕᐧᒃ ᐊᓂᔭ ᐳᑕᒋᑭᓂᔪᐤ ᓇᒪ ᒋᑭ ᐅᒋ ᐊᔭᔅᑯᐎᔪᐛ ᐎᒋ ᐊᓯᒪᑭᓂᓴ ᒐᒋ ᒪᓯᒐᔨᒋ᙮ 9ᐊᐅᑯᓐ ᒪᒃ ᒧᔭᒻ ᑭᔭ ᒋᔨᐛᐤ᙮ ᒧᔭᒻ ᐊ ᒂᔅᒋᐃᔨᒥᔭᒄ ᑕᓐᑕ ᒐᒋ ᐅᒋ ᒋᔅᒐᔨᑕᐧᒃ ᐊᐛᓐ ᑕᓐ ᐊ ᐃᔅᒋᔄᔭᒄ᙮ ᒧᔭᒻ ᒥᒄ ᐊ ᐃᔨᒥᐃᓱᔭᒄ ᒋᑭ ᐃᓯᓇᑯᓯᓇᐛᐤ᙮ 10ᒥᔅᑎ ᓂᓇᐧᑯᐤ ᐃᑎᑕᑯᓇ ᐃᔨᒧᐅᓇ ᐅᑕ ᐊᔅᒋᒡ᙮ ᓇᒪ ᒪᒃ ᐛᒋ ᐸᐃᒄ ᐃᓯᓇᑯᓇ ᒐ ᐊᑲ ᒋ ᑎᒂᒡ ᑕᓐ ᐊᓐ ᐊ ᐃᔅᒋᔄᒥᑲᒋ᙮ 11ᒧᔭᒻ ᒪᒃ ᐊᑲ ᓂᔅᑐᑐᐅᑲ ᐊᐛᓐ ᐊ ᐸᒋ ᐃᔨᒥᐃᑦ, ᑕᐱᔅᑯᓐ ᓂᑭ ᒪᓐᑕᐅᐛᔨᒥᑐᓇᓐ ᐊᑲ ᓂᔅᑐᑕᑐᔭᒡ᙮ 12ᐊᓐ ᓇᔅᒡ ᐊ ᓂᑐᐛᔨᑎᒪᒄ ᐊᓂᔭᔪᐛ ᒥᔨᐛᐅᓇ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᐛᑦ ᐊᓂᔭᔪᐛ ᒪᐅᒡ ᒐ ᐎᒋᐃᑯᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᐅᑯᓂ ᐊᓂᔭᔪᐛ ᒪᐅᒡ ᓂᑐᐛᔨᑎᒪᒄ᙮
13ᐊᐅᒄ ᒪᒃ ᐅ ᐅᒋ ᐊᓐ ᐊᐛᓐ ᑲ ᒂᔅᒋᐃᔨᒥᑦ ᒋᐸ ᐊᔭᒥᐊᐤ ᒐᒋ ᒥᔨᑯᑦ ᒋᓴᒪᓂᑐᐛ ᒐᒋ ᐱᔭᑭᔅᒡ ᐎᑎᒧᐛᑕᐧᒃ ᑕᓐ ᐊ ᐃᔅᒋᔄᑦ᙮ 14ᐛᔅ ᐊ ᒂᔅᒋᐃᔨᒥᔭᓐ ᐊ ᐊᔭᒥᐊᔭᓐ, ᓂᑦ ᐊᒐᐧᑯᒡ ᓂ ᐅᒋ ᐊᔭᒥᐊᓐ ᒥᒄ ᒪᒃ ᓇᒪ ᓂᔅᑐᑕᓱᓐ ᑕᓐ ᐊ ᐃᔅᒋᔄᔭᓐ᙮ 15ᒪᐅ ᓂᐸ ᐃᑎᓐ᙮ ᐊ ᐊᔭᒥᐊᔭᓐ ᓂᐸ ᒂᔅᒋᐃᔨᒥᓐ ᑭᔭ ᐊ ᓂᔅᑐᑕᓱᔭᓐ ᓂᐸ ᐃᓯ ᐊᔭᒥᐊᓐ᙮ ᓂᐸ ᒂᔅᒋᐃᔨᒥᓐ ᑭᔭ ᐊ ᓂᑭᒧᔭᓐ ᑭᔭ ᓂᐸ ᓂᑭᒧᓐ ᐊ ᓂᔅᑐᑕᓱᔭᓐ᙮ 16ᐊ ᒪᒥᒋᒥᑦ ᒋᓴᒪᓂᑐᐤ ᐊ ᒂᔅᒋᔨᒥᔨᓐ, ᑯᑎᒃ ᐊᐛᓐ ᐊᑲ ᐊᔅᒄ ᐅᒋ ᒥᔭᑭᓄᐅᑦ ᐊᒐᐧᑯᐤ ᒥᔨᐛᐅᓇ ᓇᒪ ᒋᑭ ᒋ ᐎᒋᐃᒄ ᐊ ᒪᒥᒋᒥᑎ ᒋᓴᒪᓂᑐᐛ ᐛᔅ ᓇᒪ ᒋᑭ ᐅᒋ ᓂᔅᑐᑕᒄ᙮ 17ᑕᑈ ᑭᑈ ᒋᑭ ᒋ ᒥᔪᑕᑯᓯᓐ ᐊ ᓂᓇᔅᑯᒥᑦ ᒋᓴᒪᓂᑐᐤ ᒥᒄ ᒪᒃ ᓇᒪ ᐎᒋᐃᑯᐅᒡ ᑯᑎᑭᒡ ᐊᐛᓐᒋ ᐊᓂᔭ ᐊ ᒂᔅᒋᐃᔨᒧᐅᑦ᙮
18ᓂᓇᔅᑯᒪᐤ ᒋᓴᒪᓂᑐᐤ ᓂᔾ ᐊᑐᐎᔅ ᒥᒐᑥᐤ ᐊ ᒂᔅᒋᐃᔨᒥᔭᓐ ᐃᔅᐱᔅ ᒥᓯᐛ ᒋᔨᐛᐤ ᐊ ᑎᓯᔭᒄ᙮ 19ᒥᒄ ᒪᒃ ᐃᔅᐱᔅ ᐊ ᑕᔭᓐ ᐊᓐᑕ ᐊ ᐊᔭᒥᐊᒡ ᒪᒧᐤ ᑲ ᐊᔭᒥᐊᐛᑎᓯᒡ ᐃᐛᒃ ᓂᐸ ᒥᔽᔨᑕᓐ ᐊᑎ ᒥᒄ ᐊᐱᓯᔅ ᐃᔨᒥᔭᓐ ᒥᓯᐛ ᒐᒋ ᓂᔅᑐᑐᐅᒡ ᐊᓐᒡ ᑲ ᐃᔨᒥᐃᒂᐤ ᐃᔅᐱᔅ ᐎ ᒐᒋ ᒥᔅᑎ ᒂᔅᒋᐃᔨᒥᔭᓐ ᐊᑲ ᓂᔅᑐᑕᐅᒡ᙮
20ᓂᐧᑲᓂᓯᑐᒄ, ᐊᑲᐎᔾ ᐊᐛᓯᐤ ᒪᒥᑐᓇᔨᑎᒧᒄ᙮ ᒧᔭᒻ ᐅᔅᒋᐛᓴᒡ ᐊ ᐃᑕᔨᑕᑯᓯᒡ ᐊᑲ ᒋᔅᒐᔨᑕᒡ ᐊ ᐃᑕᔨᑕᑯᓂᔨᒡ ᒥᒋᑐᑎᒧᐅᓂᔪᐤ ᐊᐅᑯᓐ ᒧᔭᒻ ᑭᔭ ᒋᔨᐛᐤ ᒋᐸ ᐃᑕᔨᑕᑯᓯᓇᐛᐤ᙮ ᒧᔭᒻ ᐊᐛᓐ ᓴᔅ ᐊᒋ ᐃᓯ ᓂᑕᐅᒋᑦ ᐊᐅᑯᓐ ᒋᐸ ᐃᓯ ᒪᒥᑐᓇᔨᑕᓇᐛᐤ᙮ 21ᐃᑎᔅᑕᐤ ᐎᓱᐛᐅᓂᒡ,
“ᓂᑭ ᐃᔨᒥᐊᐅᒡ ᐅᒡ ᐃᔪᒡ ᒪᓐᑕᐛ ᐃᔭᒡ ᐊ ᐃᑎᔅᑲᓇᓯᔨᒋ ᑭᔭ ᐃᔭᒡ ᐊ ᐃᓯ ᐃᔨᒥᔨᒋ ᐅᒡ; ᒥᒄ ᒪᒃ ᓇᒪ ᐃᔭᐱᒡ ᓂᑭ ᐅᒋ ᓂᑐᑕᑯᒡ,”
ᐃᔅᒋᔄᐤ ᐅᑎᐸᔨᒋᒐᐤ᙮
22ᐊᐛᓐ ᐊ ᒂᔅᒋᐃᔨᒥᑦ ᐊᑯᑕ ᐛᒋ ᐛᐸᑎᔭᑭᓄᐎᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᓴ ᑕᓐ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᓱᒐᔨᑕᑯᓱᐅᓂᔪᐤ᙮ ᐊᓐ ᒪᒃ ᐊᐛᓐ ᑲ ᒋᔅᒋᐛᐃᒐᑦ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐊᐅᑯᓂ ᐊᓂᔭ ᐊ ᐃᔨᒪᐊᑦ ᓇᒪ ᐎ ᐊᓂᔭ ᐊᑲ ᑕᑈᑎᒥᔨᒋ ᐃᔨᒥᐊᐤ᙮ 23ᒪᒧᐎᒡ ᒪ ᒥᓯᐛ ᒪᒧᐤ ᑲ ᐊᔭᒥᐊᐛᑎᓯᒡ ᒥᓯᐛ ᒪᒃ ᓂᓇᐧᑯᐤ ᐃᓯ ᐃᔨᒥᒡ ᐊᓂᔭ ᐊ ᐊᔭᒥᐊᒡ, ᐱᒐᔨᒋ ᒪᒃ ᐊᐛᔪᐛ ᐊᑲ ᐊᓐᑕ ᐃᓯ ᐊᔭᒥᐊᔨᒋ ᒪᒃ ᐊᑲ ᑕᑈᑎᒥᔨᒋ, ᓇᒪᐎᔾ ᐊ ᒋᑭ ᐅᒋ ᐃᔅᒋᔄᔪᐛ ᐊ ᒋᔎᔨᒋ ᐅᔭ ᐊ ᐃᑎᔨᒋ᙮ 24ᑕᒐ ᒋᐧᑲᓂᓯᓄᐤ ᐊ ᒋᔅᒋᐛᐃᒐᑦ ᑕᔨᒐ ᒪᒃ ᐊᓐᑕ ᐊᐛᔪᐛ ᐊᑲ ᑕᑈᑎᒥᔨᒋ, ᐊᓂᔭ ᐊ ᐃᓯ ᐸᑕᐧᒃ ᐊᓐ ᐊᑲ ᑕᑈᑕᐧᒃ ᐊᑯᑕ ᒐ ᐅᒋ ᒐ ᒋᔅᒐᔨᑕᐧᒃ ᐊ ᒥᒐᑎᓯᑦ ᑭᔭ ᐊᑯᑕ ᒐ ᐅᒋ ᒧᓯᑕᑦ ᐊ ᑎᐸᔅᑯᓇᑭᓄᐅᑦ ᐊᓂᔭ ᐊ ᐃᓯ ᐱᒪᑎᓯᑦ᙮ 25ᒋᑭ ᓂᔅᑐᑎᒻ ᑕᑈ ᐊ ᒋᔅᒐᔨᑎᒥᔨᒋ ᒋᓴᒪᓂᑐᐛ ᑕᓐ ᐊ ᐃᑕᔨᑕᐧᒃ᙮ ᐊᑯ ᒪᒃ ᒐ ᐅᒋᒋᐧᑯᓂᐱᔪᐅᑦ ᐊ ᐊᔭᒥᐊᔅᑐᐛᑦ ᒋᓴᒪᓂᑐᐛ ᐊ ᐃᔅᒋᔄᑦ, “ᒐᔅᑎᓇᔅ ᑕᐤ ᒋᓴᒪᓂᑐᐤ ᐅᑕ ᒥᓯᑕ ᐊ ᑕᔭᐧᒄ᙮”
ᒥᓐ ᒋᔅᑯᑎᒪᒐᐅᓐ ᐊᒐᐧᒄ ᒥᔨᐛᐅᓇ ᐊ ᐊᔨᒧᑕᒋ
26ᓂᐧᑲᓂᓯᑐᒄ, ᒪᐅ ᒋᐸ ᐃᑎᓇᐛᐤ᙮ ᐊ ᓇᒋ ᐊᔭᒥᐊᔭᒄ, ᐱᔅᒐ ᐊᐛᓐᒋ ᒋᑭ ᓂᑭᒧᐅᒡ, ᐱᔅᒐ ᐊᐛᓐᒋ ᒋᑭ ᒋᔅᑯᑎᒪᒐᐅᒡ, ᐊᑯ ᐱᔅᒐ ᒋᑭ ᐎᑎᒧᒡ ᑕᓐ ᑲ ᐃᓯ ᐛᐸᑎᔨᑯᒡ ᒋᓴᒪᓂᑐᐛ᙮ ᐱᔅᒐ ᒋᑭ ᒂᔅᒋᐃᔨᒧᐅᒡ, ᐊᑯ ᑯᑎᑭᒡ ᒐ ᐸᔭᑭᔅᒡ ᐎᑎᒪᒐᒡ ᐊ ᒂᔅᒋᐃᔨᒥᓇᓄᐎᒡ᙮ ᒥᒄ ᒪᒃ ᑕᓐ ᒥᒄ ᒐ ᐃᑎᓇᓄᒂ ᐊᓐᑕ ᐊ ᐊᔭᒥᐊᓄᐅᒡ ᔭᐃᑕᔾ ᒐᒋ ᐎᒋᐃᑯᒡ ᐊᓐᒡ ᑲ ᑕᑈᑕᒡ ᐊᓐᑕ ᐊ ᑕᒡ ᐊᐅᑯᓐ ᒋᐸ ᐃᑐᑕᑭᓄᐤ᙮ 27ᐊᐛᓐᒋ ᐊ ᐎ ᒂᔅᒋᐃᔨᒥᒡ, ᓇᒪ ᒪᐅᓱᐧᒃ ᒋᐸ ᐅᒋ ᐊᔨᒧᒡ᙮ ᐊᑯ ᒪᒃ ᒋᐸ ᑕᐤ ᐊᐛᓐ ᐊ ᐱᔭᑭᔅᒡ ᐎᑎᒧᐛᑕᐧᒃ ᑕᓐ ᐊ ᐃᓇᓄᐎᒡ᙮ ᑭᔭ ᓇᒪ ᐊᑐᐎᔅ ᓂᓱ ᒪᒃ ᓂᔅᑐ ᒋᐸ ᐅᒋ ᐃᔨᒧᒡ ᐸᐃᒂᐤ ᐊ ᒂᔅᒋᐃᔨᒥᐊᓄᐎᒡ᙮ ᐸᐸᐃᒄ ᒋᐸ ᐃᔨᒧᐅᒡ᙮ ᓇᒪ ᒪᐅᓱᐧᒃ ᒋᐸ ᐅᒋ ᐃᔨᒧᐅᒡ᙮ 28ᐊᑯ ᒪᒃ ᐊᑲ ᑕᔨᒐ ᐊᐛᔪᐛ ᒐ ᐱᔭᑭᔅᒡ ᐎᑎᒥᔨᒋ ᐊᐛᓐ ᐊ ᒂᔅᒋᐃᔨᒥᑦ ᐊᑯᔅ ᓇᒪ ᒋᐸ ᐅᒋ ᒋᔅᑐᐤ ᒪᒂᒡ ᐊᓂᔭ ᐊ ᐃᔨᒪᐊᓄᐎᒡ᙮ ᐊᑯᔅ ᒥᒄ ᐸᐧᑲᒡ ᒋᑭ ᒂᔅᒋᐃᔨᒧᐤ ᑭᔭ ᐊ ᐃᔨᒪᐊᑦ ᒋᓴᒪᓂᑐᐛ᙮
29ᑭᔭ ᒥᒄ ᓂᓱ ᑭᔭ ᒪᒃ ᓂᔅᑐ ᐊᐛᓐᒋ ᒋᐸ ᒋᔅᒋᐛᐃᒐᐅᒡ ᐊᓐᑕ ᐊ ᐃᔨᒪᐊᓄᐎᒡ᙮ ᐊᑯ ᐊᓐᒡ ᑯᑎᑭᒡ ᐃᔭᒂ ᒋᐸ ᓂᑐᑎᒧᒡ ᑭᔭ ᐃᔭᒂ ᒋᐸ ᓇᓂᑐ ᒋᔅᒐᔨᑎᒧᒡ ᑎᔭᑈᒥᑭᓂᒂ ᑕᓐ ᐊ ᐃᓇᓄᐎᒡ᙮ 30ᑯᑎᒃ ᒪᒃ ᐊᐛᓐ ᐃᑎᑯᒐ ᒋᓴᒪᓂᑐᐛ ᒐᒋ ᒋᔅᒋᐛᐃᒐᑦ, ᐊᓐ ᐊᐛᓐ ᓂᔅᑎᒻ ᑲ ᐃᔨᒥᑦ ᒋᐸ ᐸᓯᑯᐤ ᐊ ᐃᔨᒥᑦ᙮ 31ᒥᓯᐛ ᐊ ᑎᓯᔭᒄ ᒪᒥᔅᑯᒡ ᒋᑭ ᒋ ᒋᔅᒋᐛᐃᒐᓇᐛᐤ᙮ ᐊᑯ ᒪᒃ ᒥᓯᐛ ᐊ ᑎᓯᔭᒄ ᒐ ᓂᔅᑐᑎᒪᒄ ᑭᔭ ᒐ ᐎᒋᐃᑯᔭᒄ᙮ 32ᐊᐛᓐ ᑲ ᒋᔅᒋᐛᐃᒐᑦ ᒋᐸ ᒋᔅᒐᔨᑎᒻ ᑕᐃᔅᐱ ᒐ ᐃᔨᒥᑦ ᑭᔭ ᑕᐃᔅᐱ ᒋᐸ ᐳᓂᐤ ᐊ ᐃᔨᒥᑦ᙮ 33ᐛᔅ ᑕᐸ ᒋ ᓂᑐᐛᔨᒥᑯᓄᐤ ᒋᓴᒪᓂᑐᐤ ᒐ ᐊᑲ ᒋ ᒋᐧᑲᐛᒋᐱᔨᑕᔭᐧᒄ ᒐᒂᓐ ᐊᓐᑕ ᐊ ᐊᔭᒥᐊᓄᒡ᙮
ᓂᑐᐛᔨᑎᒻ ᒥᓯᐛ ᒐᒂᔪᐤ ᒐᒋ ᒥᔪᐱᔨᒡ ᑭᔭ ᒪᒃ ᒐᒋ ᒋᔭᒪᔨᑕᑯᓂᔨᒡ ᐊᓐᑕ᙮ 34ᒪᐅ ᒪᒃ ᒋᐸ ᐃᑕᔨᑕᑯᓇ ᐊᔭᒥᐊᐅᒋᐛᐸ ᒥᓯᐛ ᐊᓐᑕ ᓇᔅᑐᐎᒡ ᑲ ᑕᑈᑕᒡ᙮ ᐃᔎᐅᒡ ᓇᒪ ᒋᐸ ᐅᒋ ᐃᔨᒧᐅᒡ ᐊ ᐊᔭᒥᐊᓄᐎᒡ᙮ ᐛᔅ ᒋ ᒋᑕᐊᒧᐛᑭᓄᐎᒡ ᒐᒋ ᐃᔨᒥᒡ, ᒐᒋ ᐱᔅᑕᔨᒥᑐᓱᔅᑐᐛᒡ ᐅᓇᐸᒧᐛᐛ ᒧᔭᒻ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᐎᓱᐛᐅᓂᔪᐤ᙮ 35ᐊ ᑎᑯᓂᔨᒂ ᒪᒃ ᒐᒂᔪᐤ ᐊᑐᐎᔅ ᐊ ᐎ ᒋᔅᒐᔨᑕᒡ ᑕᓐ ᑲ ᐃᓯ ᐊᔨᒧᑕᑭᓄᔨᒋ ᐅᓇᐸᒧᐛᐛ ᒋᐸ ᑯᒂᒋᒪᐅᒡ ᐃᔅᐱ ᓇᑕ ᐎᒋᐛᐛᒡ ᑕᑥᐛ᙮ ᐛᔅ ᓇᒪ ᓇᔅᒡ ᒧᔭᒻ ᐃᓯᓇᑯᓂᔪᐤ ᐃᔎᐤ ᒐᒋ ᐃᔨᒥᑦ ᐊᓐᑕ ᐊ ᐊᔭᒥᐊᓄᐎᒡ᙮ 36ᒋᑦ ᐃᑕᔨᑕᓇᐛᐤ ᐊ ᒋᔨᐛᐤ ᐊ ᑕᔭᒄ ᐊᒋ ᐅᒋᐱᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ, ᒪᒃ ᒥᒄ ᒋᔨᐛᐤ ᐊᒋ ᐅᑎᑕᐅᑯᔭᒄ ?
37ᐸᐃᒄ ᒪᒃ ᐊᐛᓐ ᐊᓐᑕ ᐊ ᑎᓯᔭᒄ ᐊ ᐃᑕᔨᑎᒧᒂ ᐊ ᐅᒋᔅᒋᐛᐃᒐᓱᐅᑦ ᒪᒃ ᐊ ᐃᑕᔨᑎᒧᒂ ᐊᒐᐧᒄ ᒥᔨᐛᐅᓂᔪᐤ ᐊ ᐊᔭᑦ, ᒋᐸ ᒋᔅᒐᔨᑎᒻ ᐅᔭ ᑲ ᐃᓯ ᒥᓯᓇᐊᒪᑎᑯᒡ ᐅᑎᐸᔨᒋᒐᐛ ᐅᔭ ᐊ ᐃᑎᓱᐛᔨᒋ᙮ 38ᐊᑯ ᒪᒃ ᐊᐛᓐ ᐊᑲ ᒋᔅᒐᔨᑕᒐ ᐅᔭ, ᐊᑯᑕ ᐊ ᓄᑯᓂᔨᒡ ᐊᑲ ᐅᒋᔅᒋᐛᐃᒐᓱᐅᑦ ᐊᑎ ᐊᒋ ᐃᔅᒋᔄᑦ ᐊ ᐅᒋᔅᒋᐛᐃᒐᓱᐅᑦ᙮
39ᐊᑯ ᒪᒃ ᓂᐧᑲᓂᓯᑐᒄ, ᓱᒃ ᒋᐸ ᐃᑕᔨᑕᓇᐛᐤ ᒐᒋ ᒋᔅᒋᐛᐃᒐᔭᒄ᙮ ᐊᑲᐎᔾ ᑭᔭ ᒋᑭ ᐅᒋ ᒋᐱᒋᐊᐛᐅᒡ ᐊᓐᒡ ᑲ ᒂᔅᒋᐃᔨᒥᒡ᙮ 40ᒥᓯᐛ ᒐᒂᓐ ᐊ ᐃᑐᑕᑭᓄᐅᒡ ᑯᐃᔅᒄ ᒋᐸ ᐃᑐᑕᑭᓄᐤ ᑭᔭ ᒋᐸ ᐊᑎ ᓂᐃᔅᑲᑐᒥᑭᓇ ᒥᓯᐛ ᑕᓐ ᐊ ᐊᑎ ᐃᑎᓇᓄᐅᒡ᙮
Currently Selected:
1 ᑯᕆᓐᑎᔭᓇ 14: ᓇᔅᑲᐱ
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada
1 ᑯᕆᓐᑎᔭᓇ 14
14
ᑕᓐ ᒋᐸ ᐃᑕᐱᑎᓇ ᐊᒐᐧᒄ ᒥᔨᐛᐅᓇ
1ᓴᒋᐃᐛᐅᓂᒡ ᒪᐅᒡ ᒋᐸ ᐃᓯ ᐊᒋᔅᑕᓱᓇᐛᐤ ᒐᒋ ᐃᓯ ᐱᒪᑎᓯᔭᒄ᙮ ᓱᒃ ᐱᑯᓴᔨᑎᒧᒄ ᐊᒐᐧᒄ ᒥᔨᐛᐅᓇ ᒐᒋ ᐊᔭᔭᒄ᙮ ᐊᓐ ᒪᒃ ᒥᔨᐛᐅᓐ ᒪᐅᒡ ᒋᐸ ᓂᑐᐛᔨᑕᓇᐛᐤ ᐊᐅᒄ ᒐᒋ ᒋᔅᒋᐛᐃᒐᔭᒄ᙮ 2ᐛᔅ ᐊᓐ ᐊᐛᓐ ᑲ ᒂᔅᒋᐃᔨᒥᑦ ᒋᓴᒪᓂᑐᐛ ᒥᒄ ᐃᔨᒪᐊᐤ, ᐛᔅ ᑕᐸ ᓂᔅᑐᑕᑯᐤ ᑯᑎᑲ ᐊᐛᔪᐛ ᑕᓐ ᐊ ᐃᓯ ᐃᔨᒥᑦ᙮ ᒋᓴᒪᓂᑐᐛ ᐅᑦ ᐊᒐᐧᑯᔪᐛ ᐅᒋ ᐊᔨᒧᑎᒻ ᒐᒂᔪᐛ ᐊᑲ ᐊᐛᔪᐛ ᒋᔅᒐᔨᑎᒥᔨᒋ᙮ 3ᐊᑯ ᐊᓐ ᐊᐛᓐ ᑲ ᒋᔅᒋᐛᐃᒐᑦ ᐎᒋᐊᐤ ᑯᑎᑲ ᐊᐛᔪᐛ, ᐅᐱᓇᐤ ᑭᔭ ᒥᔽᔨᒧᐊᐤ᙮ 4ᐊᓐ ᐊᐛᓐ ᑲ ᒂᔅᒋᐃᔨᒥᑦ ᐎᔾ ᒥᒄ ᐎᒋᐃᑯᐤ ᐊᓂᔭ᙮ ᐊᑯ ᐊᓐ ᐊᐛᓐ ᑲ ᒋᔅᒋᐛᐃᒐᑦ ᒥᓯᐛ ᐊᓂᔭᔪᐛ ᐅᒪᒧᐊᔭᒥᐊᐛ ᐊᓐᑕ ᐊ ᑕᔨᒋ ᐎᒋᐊᐤ᙮ 5ᒥᓯᐛ ᑭᑈ ᒋ ᓂᑐᐛᔨᒥᑎᓇᐛᐤ ᒐᒋ ᒂᔅᒋᐃᔨᒥᔭᒄ᙮ ᒥᒄ ᒪᒃ ᐃᐛᒃ ᒋ ᓂᑐᐛᔨᒥᑎᓇᐛᐤ ᒐᒋ ᒋᔅᒋᐛᐃᒐᔭᒄ᙮ ᐊᐅᒄ ᐅ ᐃᐛᒃ ᐊ ᐃᑕᔨᑕᒂᒡ ᒐᒋ ᐃᓯ ᐃᔨᒥᔭᒄ ᐃᔅᐱᔅ ᐎᔾ ᒐᒋ ᒂᔅᒋᐃᔨᒥᔭᒄ᙮ ᐛᔅ ᒥᒄ ᐸᑐᔅ ᐱᔭᑭᔅᒋᑕᑯᑕᑭᓄᔨᒐ ᐊᓂᔭ ᐊ ᒂᔅᒋᐃᔨᒥᑦ ᐊᐛᓐ ᐊᑯ ᐃᔭᒄ ᒐ ᐎᒋᐃᑯᒡ ᒥᓯᐛ ᐊᓐᒡ ᒪᒧᐤ ᑲ ᐊᔭᒥᐊᐛᑎᓯᒡ᙮
6ᓂᐧᑲᓂᓯᑐᒄ, ᐸᒋ ᓂᑐᐛᐱᒥᑎᑯᒡ ᒪ ᐊ ᒂᔅᒋᐃᔨᒥᔭᓐ, ᒋᐸ ᐎᒋᐃᑯᓇᐛᐤ ᐊ ᐊᓐ ᐃᓯ ᐃᔨᒥᐃᑎᑯᒡ ? ᓇᒪᐎᔾ ᑭᑈ᙮ ᐊᑯ ᒪᒃ ᐊ ᓂᔅᑐᑐᐅᔭᒄ ᐃᓯ ᐃᔨᒥᔭᓐ, ᐛᐎᑎᒪᑎᑯᒡ ᑕᓐ ᑲ ᐃᓯ ᐛᐸᑎᔨᑦ ᒋᓴᒪᓂᑐᐤ, ᑭᔭ ᒪᒃ ᑕᓐ ᑲ ᐃᓯ ᒋᔅᒐᔨᑎᒥᐃᑦ, ᑭᔭ ᒪᒃ ᒋᔅᒋᐛᐃᒐᔭᓐ, ᑭᔭ ᒪᒃ ᒋᔅᑯᑎᒪᑎᑯᒡ ᐊᐅᒄ ᐅ ᐃᔭᒄ ᒋᐸ ᐎᒋᐃᑯᓇᐛᐤ᙮
7ᐊᑎ ᐊᓂᔭ ᒐᒂᔪᐛ ᒪᑐᐛᒐᑦ ᐊᐛᓐ ᐊ ᐸᑕᑯᑕᑦ ᒧᔭᒻ ᐳᑕᒋᑭᓐ ᑭᔭ ᒪᒃ ᒋᔍᐛᐱᒋᑭᓂᔪᐤ ᒧᔭᒻ ᐊᑲ ᑯᐃᔅᒄ ᐃᓯ ᒪᑐᐛᒐ ᐊᓐ ᐊᐛᓐ ᑲ ᐸᑕᑯᑕᑦ ᐳᑕᒋᑭᓂᔪᐤ ᑭᔭ ᒪᒃ ᒋᔍᐛᐱᒋᑭᓂᔪᐤ ᓇᒪ ᐊᐛᔪᐛ ᒋᑭ ᐅᒋ ᓂᔅᑐᑎᒥᔪᐛ ᒐᒄ ᓂᑭᒧᐅᓂᔪᐤ ᐊᓂᔭ ᑲ ᒪᑐᐛᑦ᙮ 8ᒧᔭᒻ ᑭᔭ ᐊᓯᒪᑭᓂᔅ ᐳᑕᒋᑭᓂᔪᐤ ᐊ ᐳᑕᑕᐧᒃ ᑲᒋ ᐅᒋ ᐎᑎᒧᐛᑦ ᐎᒋ ᐊᓯᒪᑭᓂᓴ ᒐᒋ ᐊᔭᔅᑯᐎᔨᒋ ᒐᒋ ᒪᓯᒐᔨᒋ ᒧᔭᒻ ᐊᑲ ᐊᓐ ᐃᔅᒋᔄᒥᑲᑕᒐ ᑕᓐ ᒋᐸ ᐃᔅᒋᔄᒥᑲᑕᐤ ᐊ ᐳᑕᑕᐧᒃ ᐊᓂᔭ ᐳᑕᒋᑭᓂᔪᐤ ᓇᒪ ᒋᑭ ᐅᒋ ᐊᔭᔅᑯᐎᔪᐛ ᐎᒋ ᐊᓯᒪᑭᓂᓴ ᒐᒋ ᒪᓯᒐᔨᒋ᙮ 9ᐊᐅᑯᓐ ᒪᒃ ᒧᔭᒻ ᑭᔭ ᒋᔨᐛᐤ᙮ ᒧᔭᒻ ᐊ ᒂᔅᒋᐃᔨᒥᔭᒄ ᑕᓐᑕ ᒐᒋ ᐅᒋ ᒋᔅᒐᔨᑕᐧᒃ ᐊᐛᓐ ᑕᓐ ᐊ ᐃᔅᒋᔄᔭᒄ᙮ ᒧᔭᒻ ᒥᒄ ᐊ ᐃᔨᒥᐃᓱᔭᒄ ᒋᑭ ᐃᓯᓇᑯᓯᓇᐛᐤ᙮ 10ᒥᔅᑎ ᓂᓇᐧᑯᐤ ᐃᑎᑕᑯᓇ ᐃᔨᒧᐅᓇ ᐅᑕ ᐊᔅᒋᒡ᙮ ᓇᒪ ᒪᒃ ᐛᒋ ᐸᐃᒄ ᐃᓯᓇᑯᓇ ᒐ ᐊᑲ ᒋ ᑎᒂᒡ ᑕᓐ ᐊᓐ ᐊ ᐃᔅᒋᔄᒥᑲᒋ᙮ 11ᒧᔭᒻ ᒪᒃ ᐊᑲ ᓂᔅᑐᑐᐅᑲ ᐊᐛᓐ ᐊ ᐸᒋ ᐃᔨᒥᐃᑦ, ᑕᐱᔅᑯᓐ ᓂᑭ ᒪᓐᑕᐅᐛᔨᒥᑐᓇᓐ ᐊᑲ ᓂᔅᑐᑕᑐᔭᒡ᙮ 12ᐊᓐ ᓇᔅᒡ ᐊ ᓂᑐᐛᔨᑎᒪᒄ ᐊᓂᔭᔪᐛ ᒥᔨᐛᐅᓇ ᑲ ᐸᔭᒋᓯᑦ ᐊᒐᐧᒄ ᑲ ᒥᔨᐛᑦ ᐊᓂᔭᔪᐛ ᒪᐅᒡ ᒐ ᐎᒋᐃᑯᒡ ᒪᒧᐤ ᑲ ᐊᔭᒥᐊᐛᑎᓯᒡ ᐊᐅᑯᓂ ᐊᓂᔭᔪᐛ ᒪᐅᒡ ᓂᑐᐛᔨᑎᒪᒄ᙮
13ᐊᐅᒄ ᒪᒃ ᐅ ᐅᒋ ᐊᓐ ᐊᐛᓐ ᑲ ᒂᔅᒋᐃᔨᒥᑦ ᒋᐸ ᐊᔭᒥᐊᐤ ᒐᒋ ᒥᔨᑯᑦ ᒋᓴᒪᓂᑐᐛ ᒐᒋ ᐱᔭᑭᔅᒡ ᐎᑎᒧᐛᑕᐧᒃ ᑕᓐ ᐊ ᐃᔅᒋᔄᑦ᙮ 14ᐛᔅ ᐊ ᒂᔅᒋᐃᔨᒥᔭᓐ ᐊ ᐊᔭᒥᐊᔭᓐ, ᓂᑦ ᐊᒐᐧᑯᒡ ᓂ ᐅᒋ ᐊᔭᒥᐊᓐ ᒥᒄ ᒪᒃ ᓇᒪ ᓂᔅᑐᑕᓱᓐ ᑕᓐ ᐊ ᐃᔅᒋᔄᔭᓐ᙮ 15ᒪᐅ ᓂᐸ ᐃᑎᓐ᙮ ᐊ ᐊᔭᒥᐊᔭᓐ ᓂᐸ ᒂᔅᒋᐃᔨᒥᓐ ᑭᔭ ᐊ ᓂᔅᑐᑕᓱᔭᓐ ᓂᐸ ᐃᓯ ᐊᔭᒥᐊᓐ᙮ ᓂᐸ ᒂᔅᒋᐃᔨᒥᓐ ᑭᔭ ᐊ ᓂᑭᒧᔭᓐ ᑭᔭ ᓂᐸ ᓂᑭᒧᓐ ᐊ ᓂᔅᑐᑕᓱᔭᓐ᙮ 16ᐊ ᒪᒥᒋᒥᑦ ᒋᓴᒪᓂᑐᐤ ᐊ ᒂᔅᒋᔨᒥᔨᓐ, ᑯᑎᒃ ᐊᐛᓐ ᐊᑲ ᐊᔅᒄ ᐅᒋ ᒥᔭᑭᓄᐅᑦ ᐊᒐᐧᑯᐤ ᒥᔨᐛᐅᓇ ᓇᒪ ᒋᑭ ᒋ ᐎᒋᐃᒄ ᐊ ᒪᒥᒋᒥᑎ ᒋᓴᒪᓂᑐᐛ ᐛᔅ ᓇᒪ ᒋᑭ ᐅᒋ ᓂᔅᑐᑕᒄ᙮ 17ᑕᑈ ᑭᑈ ᒋᑭ ᒋ ᒥᔪᑕᑯᓯᓐ ᐊ ᓂᓇᔅᑯᒥᑦ ᒋᓴᒪᓂᑐᐤ ᒥᒄ ᒪᒃ ᓇᒪ ᐎᒋᐃᑯᐅᒡ ᑯᑎᑭᒡ ᐊᐛᓐᒋ ᐊᓂᔭ ᐊ ᒂᔅᒋᐃᔨᒧᐅᑦ᙮
18ᓂᓇᔅᑯᒪᐤ ᒋᓴᒪᓂᑐᐤ ᓂᔾ ᐊᑐᐎᔅ ᒥᒐᑥᐤ ᐊ ᒂᔅᒋᐃᔨᒥᔭᓐ ᐃᔅᐱᔅ ᒥᓯᐛ ᒋᔨᐛᐤ ᐊ ᑎᓯᔭᒄ᙮ 19ᒥᒄ ᒪᒃ ᐃᔅᐱᔅ ᐊ ᑕᔭᓐ ᐊᓐᑕ ᐊ ᐊᔭᒥᐊᒡ ᒪᒧᐤ ᑲ ᐊᔭᒥᐊᐛᑎᓯᒡ ᐃᐛᒃ ᓂᐸ ᒥᔽᔨᑕᓐ ᐊᑎ ᒥᒄ ᐊᐱᓯᔅ ᐃᔨᒥᔭᓐ ᒥᓯᐛ ᒐᒋ ᓂᔅᑐᑐᐅᒡ ᐊᓐᒡ ᑲ ᐃᔨᒥᐃᒂᐤ ᐃᔅᐱᔅ ᐎ ᒐᒋ ᒥᔅᑎ ᒂᔅᒋᐃᔨᒥᔭᓐ ᐊᑲ ᓂᔅᑐᑕᐅᒡ᙮
20ᓂᐧᑲᓂᓯᑐᒄ, ᐊᑲᐎᔾ ᐊᐛᓯᐤ ᒪᒥᑐᓇᔨᑎᒧᒄ᙮ ᒧᔭᒻ ᐅᔅᒋᐛᓴᒡ ᐊ ᐃᑕᔨᑕᑯᓯᒡ ᐊᑲ ᒋᔅᒐᔨᑕᒡ ᐊ ᐃᑕᔨᑕᑯᓂᔨᒡ ᒥᒋᑐᑎᒧᐅᓂᔪᐤ ᐊᐅᑯᓐ ᒧᔭᒻ ᑭᔭ ᒋᔨᐛᐤ ᒋᐸ ᐃᑕᔨᑕᑯᓯᓇᐛᐤ᙮ ᒧᔭᒻ ᐊᐛᓐ ᓴᔅ ᐊᒋ ᐃᓯ ᓂᑕᐅᒋᑦ ᐊᐅᑯᓐ ᒋᐸ ᐃᓯ ᒪᒥᑐᓇᔨᑕᓇᐛᐤ᙮ 21ᐃᑎᔅᑕᐤ ᐎᓱᐛᐅᓂᒡ,
“ᓂᑭ ᐃᔨᒥᐊᐅᒡ ᐅᒡ ᐃᔪᒡ ᒪᓐᑕᐛ ᐃᔭᒡ ᐊ ᐃᑎᔅᑲᓇᓯᔨᒋ ᑭᔭ ᐃᔭᒡ ᐊ ᐃᓯ ᐃᔨᒥᔨᒋ ᐅᒡ; ᒥᒄ ᒪᒃ ᓇᒪ ᐃᔭᐱᒡ ᓂᑭ ᐅᒋ ᓂᑐᑕᑯᒡ,”
ᐃᔅᒋᔄᐤ ᐅᑎᐸᔨᒋᒐᐤ᙮
22ᐊᐛᓐ ᐊ ᒂᔅᒋᐃᔨᒥᑦ ᐊᑯᑕ ᐛᒋ ᐛᐸᑎᔭᑭᓄᐎᒡ ᐊᓐᒡ ᐊᑲ ᑕᑈᔭᔨᒪᒡ ᒋᓴᓴ ᑕᓐ ᐊ ᐃᑕᔨᑕᑯᓂᔨᒡ ᒋᓴᒪᓂᑐᐛ ᐅᓱᒐᔨᑕᑯᓱᐅᓂᔪᐤ᙮ ᐊᓐ ᒪᒃ ᐊᐛᓐ ᑲ ᒋᔅᒋᐛᐃᒐᑦ ᐊᓂᔭᔪᐛ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᓴ ᐊᐅᑯᓂ ᐊᓂᔭ ᐊ ᐃᔨᒪᐊᑦ ᓇᒪ ᐎ ᐊᓂᔭ ᐊᑲ ᑕᑈᑎᒥᔨᒋ ᐃᔨᒥᐊᐤ᙮ 23ᒪᒧᐎᒡ ᒪ ᒥᓯᐛ ᒪᒧᐤ ᑲ ᐊᔭᒥᐊᐛᑎᓯᒡ ᒥᓯᐛ ᒪᒃ ᓂᓇᐧᑯᐤ ᐃᓯ ᐃᔨᒥᒡ ᐊᓂᔭ ᐊ ᐊᔭᒥᐊᒡ, ᐱᒐᔨᒋ ᒪᒃ ᐊᐛᔪᐛ ᐊᑲ ᐊᓐᑕ ᐃᓯ ᐊᔭᒥᐊᔨᒋ ᒪᒃ ᐊᑲ ᑕᑈᑎᒥᔨᒋ, ᓇᒪᐎᔾ ᐊ ᒋᑭ ᐅᒋ ᐃᔅᒋᔄᔪᐛ ᐊ ᒋᔎᔨᒋ ᐅᔭ ᐊ ᐃᑎᔨᒋ᙮ 24ᑕᒐ ᒋᐧᑲᓂᓯᓄᐤ ᐊ ᒋᔅᒋᐛᐃᒐᑦ ᑕᔨᒐ ᒪᒃ ᐊᓐᑕ ᐊᐛᔪᐛ ᐊᑲ ᑕᑈᑎᒥᔨᒋ, ᐊᓂᔭ ᐊ ᐃᓯ ᐸᑕᐧᒃ ᐊᓐ ᐊᑲ ᑕᑈᑕᐧᒃ ᐊᑯᑕ ᒐ ᐅᒋ ᒐ ᒋᔅᒐᔨᑕᐧᒃ ᐊ ᒥᒐᑎᓯᑦ ᑭᔭ ᐊᑯᑕ ᒐ ᐅᒋ ᒧᓯᑕᑦ ᐊ ᑎᐸᔅᑯᓇᑭᓄᐅᑦ ᐊᓂᔭ ᐊ ᐃᓯ ᐱᒪᑎᓯᑦ᙮ 25ᒋᑭ ᓂᔅᑐᑎᒻ ᑕᑈ ᐊ ᒋᔅᒐᔨᑎᒥᔨᒋ ᒋᓴᒪᓂᑐᐛ ᑕᓐ ᐊ ᐃᑕᔨᑕᐧᒃ᙮ ᐊᑯ ᒪᒃ ᒐ ᐅᒋᒋᐧᑯᓂᐱᔪᐅᑦ ᐊ ᐊᔭᒥᐊᔅᑐᐛᑦ ᒋᓴᒪᓂᑐᐛ ᐊ ᐃᔅᒋᔄᑦ, “ᒐᔅᑎᓇᔅ ᑕᐤ ᒋᓴᒪᓂᑐᐤ ᐅᑕ ᒥᓯᑕ ᐊ ᑕᔭᐧᒄ᙮”
ᒥᓐ ᒋᔅᑯᑎᒪᒐᐅᓐ ᐊᒐᐧᒄ ᒥᔨᐛᐅᓇ ᐊ ᐊᔨᒧᑕᒋ
26ᓂᐧᑲᓂᓯᑐᒄ, ᒪᐅ ᒋᐸ ᐃᑎᓇᐛᐤ᙮ ᐊ ᓇᒋ ᐊᔭᒥᐊᔭᒄ, ᐱᔅᒐ ᐊᐛᓐᒋ ᒋᑭ ᓂᑭᒧᐅᒡ, ᐱᔅᒐ ᐊᐛᓐᒋ ᒋᑭ ᒋᔅᑯᑎᒪᒐᐅᒡ, ᐊᑯ ᐱᔅᒐ ᒋᑭ ᐎᑎᒧᒡ ᑕᓐ ᑲ ᐃᓯ ᐛᐸᑎᔨᑯᒡ ᒋᓴᒪᓂᑐᐛ᙮ ᐱᔅᒐ ᒋᑭ ᒂᔅᒋᐃᔨᒧᐅᒡ, ᐊᑯ ᑯᑎᑭᒡ ᒐ ᐸᔭᑭᔅᒡ ᐎᑎᒪᒐᒡ ᐊ ᒂᔅᒋᐃᔨᒥᓇᓄᐎᒡ᙮ ᒥᒄ ᒪᒃ ᑕᓐ ᒥᒄ ᒐ ᐃᑎᓇᓄᒂ ᐊᓐᑕ ᐊ ᐊᔭᒥᐊᓄᐅᒡ ᔭᐃᑕᔾ ᒐᒋ ᐎᒋᐃᑯᒡ ᐊᓐᒡ ᑲ ᑕᑈᑕᒡ ᐊᓐᑕ ᐊ ᑕᒡ ᐊᐅᑯᓐ ᒋᐸ ᐃᑐᑕᑭᓄᐤ᙮ 27ᐊᐛᓐᒋ ᐊ ᐎ ᒂᔅᒋᐃᔨᒥᒡ, ᓇᒪ ᒪᐅᓱᐧᒃ ᒋᐸ ᐅᒋ ᐊᔨᒧᒡ᙮ ᐊᑯ ᒪᒃ ᒋᐸ ᑕᐤ ᐊᐛᓐ ᐊ ᐱᔭᑭᔅᒡ ᐎᑎᒧᐛᑕᐧᒃ ᑕᓐ ᐊ ᐃᓇᓄᐎᒡ᙮ ᑭᔭ ᓇᒪ ᐊᑐᐎᔅ ᓂᓱ ᒪᒃ ᓂᔅᑐ ᒋᐸ ᐅᒋ ᐃᔨᒧᒡ ᐸᐃᒂᐤ ᐊ ᒂᔅᒋᐃᔨᒥᐊᓄᐎᒡ᙮ ᐸᐸᐃᒄ ᒋᐸ ᐃᔨᒧᐅᒡ᙮ ᓇᒪ ᒪᐅᓱᐧᒃ ᒋᐸ ᐅᒋ ᐃᔨᒧᐅᒡ᙮ 28ᐊᑯ ᒪᒃ ᐊᑲ ᑕᔨᒐ ᐊᐛᔪᐛ ᒐ ᐱᔭᑭᔅᒡ ᐎᑎᒥᔨᒋ ᐊᐛᓐ ᐊ ᒂᔅᒋᐃᔨᒥᑦ ᐊᑯᔅ ᓇᒪ ᒋᐸ ᐅᒋ ᒋᔅᑐᐤ ᒪᒂᒡ ᐊᓂᔭ ᐊ ᐃᔨᒪᐊᓄᐎᒡ᙮ ᐊᑯᔅ ᒥᒄ ᐸᐧᑲᒡ ᒋᑭ ᒂᔅᒋᐃᔨᒧᐤ ᑭᔭ ᐊ ᐃᔨᒪᐊᑦ ᒋᓴᒪᓂᑐᐛ᙮
29ᑭᔭ ᒥᒄ ᓂᓱ ᑭᔭ ᒪᒃ ᓂᔅᑐ ᐊᐛᓐᒋ ᒋᐸ ᒋᔅᒋᐛᐃᒐᐅᒡ ᐊᓐᑕ ᐊ ᐃᔨᒪᐊᓄᐎᒡ᙮ ᐊᑯ ᐊᓐᒡ ᑯᑎᑭᒡ ᐃᔭᒂ ᒋᐸ ᓂᑐᑎᒧᒡ ᑭᔭ ᐃᔭᒂ ᒋᐸ ᓇᓂᑐ ᒋᔅᒐᔨᑎᒧᒡ ᑎᔭᑈᒥᑭᓂᒂ ᑕᓐ ᐊ ᐃᓇᓄᐎᒡ᙮ 30ᑯᑎᒃ ᒪᒃ ᐊᐛᓐ ᐃᑎᑯᒐ ᒋᓴᒪᓂᑐᐛ ᒐᒋ ᒋᔅᒋᐛᐃᒐᑦ, ᐊᓐ ᐊᐛᓐ ᓂᔅᑎᒻ ᑲ ᐃᔨᒥᑦ ᒋᐸ ᐸᓯᑯᐤ ᐊ ᐃᔨᒥᑦ᙮ 31ᒥᓯᐛ ᐊ ᑎᓯᔭᒄ ᒪᒥᔅᑯᒡ ᒋᑭ ᒋ ᒋᔅᒋᐛᐃᒐᓇᐛᐤ᙮ ᐊᑯ ᒪᒃ ᒥᓯᐛ ᐊ ᑎᓯᔭᒄ ᒐ ᓂᔅᑐᑎᒪᒄ ᑭᔭ ᒐ ᐎᒋᐃᑯᔭᒄ᙮ 32ᐊᐛᓐ ᑲ ᒋᔅᒋᐛᐃᒐᑦ ᒋᐸ ᒋᔅᒐᔨᑎᒻ ᑕᐃᔅᐱ ᒐ ᐃᔨᒥᑦ ᑭᔭ ᑕᐃᔅᐱ ᒋᐸ ᐳᓂᐤ ᐊ ᐃᔨᒥᑦ᙮ 33ᐛᔅ ᑕᐸ ᒋ ᓂᑐᐛᔨᒥᑯᓄᐤ ᒋᓴᒪᓂᑐᐤ ᒐ ᐊᑲ ᒋ ᒋᐧᑲᐛᒋᐱᔨᑕᔭᐧᒄ ᒐᒂᓐ ᐊᓐᑕ ᐊ ᐊᔭᒥᐊᓄᒡ᙮
ᓂᑐᐛᔨᑎᒻ ᒥᓯᐛ ᒐᒂᔪᐤ ᒐᒋ ᒥᔪᐱᔨᒡ ᑭᔭ ᒪᒃ ᒐᒋ ᒋᔭᒪᔨᑕᑯᓂᔨᒡ ᐊᓐᑕ᙮ 34ᒪᐅ ᒪᒃ ᒋᐸ ᐃᑕᔨᑕᑯᓇ ᐊᔭᒥᐊᐅᒋᐛᐸ ᒥᓯᐛ ᐊᓐᑕ ᓇᔅᑐᐎᒡ ᑲ ᑕᑈᑕᒡ᙮ ᐃᔎᐅᒡ ᓇᒪ ᒋᐸ ᐅᒋ ᐃᔨᒧᐅᒡ ᐊ ᐊᔭᒥᐊᓄᐎᒡ᙮ ᐛᔅ ᒋ ᒋᑕᐊᒧᐛᑭᓄᐎᒡ ᒐᒋ ᐃᔨᒥᒡ, ᒐᒋ ᐱᔅᑕᔨᒥᑐᓱᔅᑐᐛᒡ ᐅᓇᐸᒧᐛᐛ ᒧᔭᒻ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᐎᓱᐛᐅᓂᔪᐤ᙮ 35ᐊ ᑎᑯᓂᔨᒂ ᒪᒃ ᒐᒂᔪᐤ ᐊᑐᐎᔅ ᐊ ᐎ ᒋᔅᒐᔨᑕᒡ ᑕᓐ ᑲ ᐃᓯ ᐊᔨᒧᑕᑭᓄᔨᒋ ᐅᓇᐸᒧᐛᐛ ᒋᐸ ᑯᒂᒋᒪᐅᒡ ᐃᔅᐱ ᓇᑕ ᐎᒋᐛᐛᒡ ᑕᑥᐛ᙮ ᐛᔅ ᓇᒪ ᓇᔅᒡ ᒧᔭᒻ ᐃᓯᓇᑯᓂᔪᐤ ᐃᔎᐤ ᒐᒋ ᐃᔨᒥᑦ ᐊᓐᑕ ᐊ ᐊᔭᒥᐊᓄᐎᒡ᙮ 36ᒋᑦ ᐃᑕᔨᑕᓇᐛᐤ ᐊ ᒋᔨᐛᐤ ᐊ ᑕᔭᒄ ᐊᒋ ᐅᒋᐱᔨᒡ ᒋᓴᒪᓂᑐᐤ ᐅᑦ ᐃᔨᒧᐅᓐ, ᒪᒃ ᒥᒄ ᒋᔨᐛᐤ ᐊᒋ ᐅᑎᑕᐅᑯᔭᒄ ?
37ᐸᐃᒄ ᒪᒃ ᐊᐛᓐ ᐊᓐᑕ ᐊ ᑎᓯᔭᒄ ᐊ ᐃᑕᔨᑎᒧᒂ ᐊ ᐅᒋᔅᒋᐛᐃᒐᓱᐅᑦ ᒪᒃ ᐊ ᐃᑕᔨᑎᒧᒂ ᐊᒐᐧᒄ ᒥᔨᐛᐅᓂᔪᐤ ᐊ ᐊᔭᑦ, ᒋᐸ ᒋᔅᒐᔨᑎᒻ ᐅᔭ ᑲ ᐃᓯ ᒥᓯᓇᐊᒪᑎᑯᒡ ᐅᑎᐸᔨᒋᒐᐛ ᐅᔭ ᐊ ᐃᑎᓱᐛᔨᒋ᙮ 38ᐊᑯ ᒪᒃ ᐊᐛᓐ ᐊᑲ ᒋᔅᒐᔨᑕᒐ ᐅᔭ, ᐊᑯᑕ ᐊ ᓄᑯᓂᔨᒡ ᐊᑲ ᐅᒋᔅᒋᐛᐃᒐᓱᐅᑦ ᐊᑎ ᐊᒋ ᐃᔅᒋᔄᑦ ᐊ ᐅᒋᔅᒋᐛᐃᒐᓱᐅᑦ᙮
39ᐊᑯ ᒪᒃ ᓂᐧᑲᓂᓯᑐᒄ, ᓱᒃ ᒋᐸ ᐃᑕᔨᑕᓇᐛᐤ ᒐᒋ ᒋᔅᒋᐛᐃᒐᔭᒄ᙮ ᐊᑲᐎᔾ ᑭᔭ ᒋᑭ ᐅᒋ ᒋᐱᒋᐊᐛᐅᒡ ᐊᓐᒡ ᑲ ᒂᔅᒋᐃᔨᒥᒡ᙮ 40ᒥᓯᐛ ᒐᒂᓐ ᐊ ᐃᑐᑕᑭᓄᐅᒡ ᑯᐃᔅᒄ ᒋᐸ ᐃᑐᑕᑭᓄᐤ ᑭᔭ ᒋᐸ ᐊᑎ ᓂᐃᔅᑲᑐᒥᑭᓇ ᒥᓯᐛ ᑕᓐ ᐊ ᐊᑎ ᐃᑎᓇᓄᐅᒡ᙮
Currently Selected:
:
Highlight
Share
Copy
Want to have your highlights saved across all your devices? Sign up or sign in
ᓇᔅᑲᐱ ᑲᒪᐅᑕᐱᒡ ᓱᓇᔭᐤ ᑎᐱᔨᐛᐅᓯᔪᐅᒡ ᐊ ᐅᓯᑕᑭᓄᐎᒡ ᐅᔭ ᓇᔅᑲᐱ ᒥᓯᓇᐃᑭᓂᔪᐤ
The Naskapi text is copyright © Naskapi Development Corporation
Naskapi Development Corporation
Kawawachikamach, Québec G0G 2Z0 Canada
New Testament published by the Canadian Bible Society (CBS) © 2007
Canadian Bible Society
10 Carnforth Road, Toronto Ontario M4A 2S4 Canada