हिब्रू 5
5
येसु कानुननिकाव पुजारी स्यासो
1प्रधान पुजारीर ब परमेस्वरए ओङ़ाक मिँराए खार्नी त्याला य़ेन दान्यात खतैसिउर ताज़्यार। नोराए मिँराए यादोव पापए जूँनी पुजार दाद्याद परमेस्वरस यारासखैज़्यार। 2मिँनिकाव पुजारीराए मिँराए यादैज़्याव दुखर या ब यादैवए, छुत बिरैज़्याव मिँलाई परमेस्वरस सखैन्या खोरोनी माःक, चावनी ज़ दोज़्यार। 3है जैद नो पुजारीराए छुत मिँराए जूँनी परमेस्वरस सखैन्या पुजा यादोक या याजूँनी ब दाव ज़ परिके।#लेबी ९:७
4फरी नोर यानी प्रधान पुजारी याजैसिउ ते माःक। किताव हारूनए उस॰कताव पुजारी य़ेन परमेस्वरनी ओदैव, हिताव ज़ पुजारी य़ेन दैव भरिए परमेस्वरनी ज़ दैहुकेर।#प्रस २८:१ 5हिताव ज़ ख्रीस ब प्रधान पुजारी ओलनी सघ्योःसिद ओताव ते माःक। नोलाई,
“नँ ङाज़ा ज़,
आछिम ज़ नँलाई ङाजर्मैनिके,”#भज २:७
है दाज़्याव परमेस्वरए ज़ जैक्यो। 6फरी होए उजूँनी तोथोल अइ लिद ब सर्सिउ लिज़्या,
“नँ मल्कीसेदेकए ओदैव मिताव पुजारी य़ेन नदैरिज़्या।
नँ खर्क ज़ माखेम्न्या पुजारी नतारिज़्या।”#भज ११०:४
7येसु ख्रीस मानुवात उलिज़्याव बेलाक ओललाई सिउनी जागैधुज़्याव परमेस्वरलाई उयुँर स्यासे सतेद धो थाइव ताद घरे घरे पोंखारिक्यो। उजिउ भरी परमेस्वरए उयुँलाव मिताव भरी सयो·द ओयोए परमेस्वरए ओपाँ भरी थैदिक्यो। 8येसु परमेस्वरए ओज़ा ओतादी ब ओल ब उसहिउ दुखरानी ज़ परमेस्वरए उयुँलाव मिताव य़ेनर माबिरैद ज़ दान्या सिऊसिके। 9हो भरिल प़ाइँनी उथ॰रिउए परमेस्वरए गे ओपाँत बाज़्याव भरिरालाई अजम्बरी जुनी दैन्या ओज़ा येसुनी ज़ जैद्यासिक्यो। 10मल्कीसेदेकए ओदोज़्याव मिताव य़ेन दान्याए जूँनी परमेस्वरए नोलाई प्रधान पुजारी ब जैद्यासिक्यो।
आःपै थालनलाव पाँत जेलिज़्या
11नोए उजूँनी जेलाई है दान्या पाँर कुधु ज़ लिज़्या। खाली जे चावस थैन्या युँ जेमादोवए नो भरी जेलाई धो पलासो ताज़्या। 12आः झरी जे ते छुतरालाई पैन्याकावर ताव परिन्या। कै जैद जेलाई झन आःपै परमेस्वरए ओपाँताव ओथालन पैन्या मिँर ओचाहिज़्याव? जे आःपै नुइँ ओन्या भाउज़ा स्यासोर ज़ जेलिज़्या। जे ज़्याव ज़्यान्या स्यासोर खर्क तान्या? 13नुइँए ओङाज़्याव मिँ ते धर्मलाव पाँ चावस माथ·रैधुज़्याव भाउज़ा स्यासो ज़ लिज़्या। 14त़नो ज़्याव ते परमेस्वरए ओपाँत ओगहक ल्योलाई ज़। नोए ओक्याँत परिउ भरित परमेस्वरए ओपाँदा उयुँ थू जैद पाखो ओतावए ओल दान्या मादान्या य़ेन छुतैज़्याव।
Currently Selected:
हिब्रू 5: NKham
Highlight
Copy
Compare
Share
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
