एफिसी 6
6
ज़ा बाबुराए याय़ेन
1जे ल़ुज़ा बाँज़ार, प्रभुए उमींर जेतावए जेबाबु जेआमाराए यापाँल लिच्यो। निताव दान्या जेलाई ओचाहित ल्यो लिज़्या। 2धर्मसास्त्रलाव दस पाँल इताव सर्सिउ लिज़्या,
“बाबु आमाए ओमान नैद्याव ज़ परिए।”#प्रस २०:१२
नो पाँत तोबो घ्योःव असिक ब जोरैसिउ लिज़्या। 3नो असिक आव ज़,
“निताव जेदोकिन चाव जिउँनी रैद कुधु बाँचिन्या जेले।”#ब्य ५:१६
4जे याबाबुराए फरी जेज़ारालाई गनका गन दाद यायुँ केःद ताराएच्यो। बुरू परमेस्वरए ओपाँ सिऊद म·लैव ताके।
बाँदार स़ोनो साहुराए याय़ेन
5जे बाँदा लिज़्यावर, आव मानुवाताव जेसाहुराए यापाँ भैंःद, ‘ख्रीसए उजूँनी ज़ ङादोज़्या’ लिद छे·द यामान नैद्याद साचो युँस दोच्यो। 6नो जेय़ेन मिँरालाई खुसी जैन्याए जूँनी वाज़ माःक, बुरू ‘ङा ख्रीसए ओनोकोर ज़’ लिद परमेस्वरए है उलिज़्याव मितावनी जाँगरस दाव ताके। 7मिँराए यासेवा जेदोक, ‘आव ङादोज़्याव मिँराए जूँनी माःक, प्रभुए उजूँनी ङादोज़्या’ लिद रेंद ज़ दाव ताके। 8चाव य़ेन दान्यात, बाँदा जेलिदी ब, माबाँदा जेलिदी ब, ‘किताव य़ेन गेदोज़्या, हिताव ज़ प्रभुए ल्योनी गेदैरिज़्या’ लिद सम्जिउ ताके।
9जे साहुराए ब हितावनी ज़ सम्जिउ ताके। जेबाँदाराए ङ़ैत जेरिस चोद अखत्यासो जैसिन्या माःक। जेबाँदारास प़ाइँए जेर्गे स्वर्गत लिज़्या। नोए मिँ रँःद मादोव, य़ेन रँःद दोज़्याव।#ब्य १०:१७
सैतानस लरैं दान्या हत्यार
10जेस प़ाइँरानी छींनीकाव ङापाँ आव ज़ — प्रभुए ल्योनिकाव जेदैव ओसक्तीनी थ॰रिद ल्यो ताके। 11सैतानए जेलाई झुकैव ओपैंज़्याव उबुद्धीलाई वैंद्याद ओङ़ाक थाँसिन्याए जूँनी परमेस्वरए ओयासिज़्याव हत्यारर भिरिसिउ ताके। 12गे दान्या लरैं मिँरास माःक, चुम चुमोलावराए याघेप्पार, यासक्ती ल्योर, दै देवता झ़्या मोंर, स़ोनो नमताव माचाव पुरूसरास लिज़्या। 13है जैद माचाव बेला उहुक नितावराए ल्योनी जोगोइसिन्याए जूँनी परमेस्वरए ओहत्यारर भिरिसिद नोरालाई थन थन अदैद छींङ पै थ॰रिद ल्यो ताके। 14किताव लरैंदा बाज़्याव मिँए वाँःफोर पो·सिद झाःसिद बाज़्या, हिताव ज़ जे ब परमेस्वरए साचो ओपाँर रैद झाःसिद ल्यो ताके। नो मिँए फरी ओछातीलाई जोगोइन्याए जूँनी झँए पाता जासिज़्या। हिताव ज़ जे ब परमेस्वरए ओपाँत माधलिन्याए जूँनी परमेस्वरए ओपाँर सतस दाव ताके।#यसै ११:५; ५९:१७ 15किताव नो मिँ उखँत पोला जासिद बाज़्या, हिताव ज़ जे ब युँ होलाँ दाव परमेस्वरए चाव ओथा प़ाइँदा सथैन्याए जूँनी झाःसिद बाव ताके।#यसै ५२:७ 16फरी किताव लरैं दाज़्याव मिँए ओधालए ला म़ुइलाई सोतोइज़्याव, हिताव ज़ जे ब परमेस्वरलाई जेयुँ उहुप्किन सैतानए ल्योनिकाव हुज़्याव पाँर सोतोइधुन्या जेले। 17फरी किताव नो मिँए ओङ़ै जोगोइन्याए जूँनी झँए तुपी जासिद बाज़्या, हिताव ज़ जे ब ‘परमेस्वरए जोगोइद अजम्बरी जुनील ज़ सकेस्नावा’ लिद जेयुँ सुहुप्द ल्यो ताके। फरी किताव नो मिँ तरवालीस बाज़्या, हिताव ज़ जे ब छैंव पुरूसए ओयासिज़्याव तरवाली रैव ताके। नो तरवाली परमेस्वरए ओपाँ ज़।#यसै ५९:१७
18एकम्न्या ज़ परमेस्वरए उपुरूसनी पोंखारिच्यो। प़ाइँनी सैंसिद जेर्च्या मासैःद परमेस्वरए छैंव उमींराए जूँनी पोंखारिउ ज़ नैव ताके। 19स़ोनो ङाजूँनी ब, ‘परमेस्वरए चाव ओथाए ओसै माछे·द ज़ सथैव ओदैवक’ लिद पोंखारिद्याव ताके। 20नो चाव ओथा सथैन्याए जूँनी ओसाची ङातावए झ्यालखानाल ङापरिके। है जैद कितावनी पाँव परिन्या, हितावनी ज़ आल ब घ्योःव युँस ङापाँधुक लिद पोंखारिद्याव ताके।
तुपैन्या पाँर
21ङा आल कितावस ङालिज़्याव, नो भरी प्रभुए ओय़ेन सतस दाज़्याव गेयुँलाव गेभाइ तुखिकसए ल्योनी थैन्या जेले। 22होए उजूँनी ज़ नो मिँलाई जेल्योदा ङापरींज़्या। आङाव गेपाँ भरी नोए ओल्योनी थैद जेयुँर होलाँ तान्या ले।
23जे परमेस्वरए ओपाँत बाज़्याव भरिरालाई परमेस्वर गेबाबु स़ोनो गेप्रभु येसु ख्रीसनी निल्योनी जेयुँ होलाँ जैद ओयाचिरक, जेयुँ हुप्द जे जेल खैवर ब ओजैचिरक। 24गेप्रभु येसु ख्रीसए ल्योदा साचोस यायुँ थू जैद नैज़्यावराए ल्योदा ब परमेस्वरए उयुँ ओगराँक।
Currently Selected:
एफिसी 6: NKham
Highlight
Copy
Compare
Share
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.
एफिसी 6
6
ज़ा बाबुराए याय़ेन
1जे ल़ुज़ा बाँज़ार, प्रभुए उमींर जेतावए जेबाबु जेआमाराए यापाँल लिच्यो। निताव दान्या जेलाई ओचाहित ल्यो लिज़्या। 2धर्मसास्त्रलाव दस पाँल इताव सर्सिउ लिज़्या,
“बाबु आमाए ओमान नैद्याव ज़ परिए।”#प्रस २०:१२
नो पाँत तोबो घ्योःव असिक ब जोरैसिउ लिज़्या। 3नो असिक आव ज़,
“निताव जेदोकिन चाव जिउँनी रैद कुधु बाँचिन्या जेले।”#ब्य ५:१६
4जे याबाबुराए फरी जेज़ारालाई गनका गन दाद यायुँ केःद ताराएच्यो। बुरू परमेस्वरए ओपाँ सिऊद म·लैव ताके।
बाँदार स़ोनो साहुराए याय़ेन
5जे बाँदा लिज़्यावर, आव मानुवाताव जेसाहुराए यापाँ भैंःद, ‘ख्रीसए उजूँनी ज़ ङादोज़्या’ लिद छे·द यामान नैद्याद साचो युँस दोच्यो। 6नो जेय़ेन मिँरालाई खुसी जैन्याए जूँनी वाज़ माःक, बुरू ‘ङा ख्रीसए ओनोकोर ज़’ लिद परमेस्वरए है उलिज़्याव मितावनी जाँगरस दाव ताके। 7मिँराए यासेवा जेदोक, ‘आव ङादोज़्याव मिँराए जूँनी माःक, प्रभुए उजूँनी ङादोज़्या’ लिद रेंद ज़ दाव ताके। 8चाव य़ेन दान्यात, बाँदा जेलिदी ब, माबाँदा जेलिदी ब, ‘किताव य़ेन गेदोज़्या, हिताव ज़ प्रभुए ल्योनी गेदैरिज़्या’ लिद सम्जिउ ताके।
9जे साहुराए ब हितावनी ज़ सम्जिउ ताके। जेबाँदाराए ङ़ैत जेरिस चोद अखत्यासो जैसिन्या माःक। जेबाँदारास प़ाइँए जेर्गे स्वर्गत लिज़्या। नोए मिँ रँःद मादोव, य़ेन रँःद दोज़्याव।#ब्य १०:१७
सैतानस लरैं दान्या हत्यार
10जेस प़ाइँरानी छींनीकाव ङापाँ आव ज़ — प्रभुए ल्योनिकाव जेदैव ओसक्तीनी थ॰रिद ल्यो ताके। 11सैतानए जेलाई झुकैव ओपैंज़्याव उबुद्धीलाई वैंद्याद ओङ़ाक थाँसिन्याए जूँनी परमेस्वरए ओयासिज़्याव हत्यारर भिरिसिउ ताके। 12गे दान्या लरैं मिँरास माःक, चुम चुमोलावराए याघेप्पार, यासक्ती ल्योर, दै देवता झ़्या मोंर, स़ोनो नमताव माचाव पुरूसरास लिज़्या। 13है जैद माचाव बेला उहुक नितावराए ल्योनी जोगोइसिन्याए जूँनी परमेस्वरए ओहत्यारर भिरिसिद नोरालाई थन थन अदैद छींङ पै थ॰रिद ल्यो ताके। 14किताव लरैंदा बाज़्याव मिँए वाँःफोर पो·सिद झाःसिद बाज़्या, हिताव ज़ जे ब परमेस्वरए साचो ओपाँर रैद झाःसिद ल्यो ताके। नो मिँए फरी ओछातीलाई जोगोइन्याए जूँनी झँए पाता जासिज़्या। हिताव ज़ जे ब परमेस्वरए ओपाँत माधलिन्याए जूँनी परमेस्वरए ओपाँर सतस दाव ताके।#यसै ११:५; ५९:१७ 15किताव नो मिँ उखँत पोला जासिद बाज़्या, हिताव ज़ जे ब युँ होलाँ दाव परमेस्वरए चाव ओथा प़ाइँदा सथैन्याए जूँनी झाःसिद बाव ताके।#यसै ५२:७ 16फरी किताव लरैं दाज़्याव मिँए ओधालए ला म़ुइलाई सोतोइज़्याव, हिताव ज़ जे ब परमेस्वरलाई जेयुँ उहुप्किन सैतानए ल्योनिकाव हुज़्याव पाँर सोतोइधुन्या जेले। 17फरी किताव नो मिँए ओङ़ै जोगोइन्याए जूँनी झँए तुपी जासिद बाज़्या, हिताव ज़ जे ब ‘परमेस्वरए जोगोइद अजम्बरी जुनील ज़ सकेस्नावा’ लिद जेयुँ सुहुप्द ल्यो ताके। फरी किताव नो मिँ तरवालीस बाज़्या, हिताव ज़ जे ब छैंव पुरूसए ओयासिज़्याव तरवाली रैव ताके। नो तरवाली परमेस्वरए ओपाँ ज़।#यसै ५९:१७
18एकम्न्या ज़ परमेस्वरए उपुरूसनी पोंखारिच्यो। प़ाइँनी सैंसिद जेर्च्या मासैःद परमेस्वरए छैंव उमींराए जूँनी पोंखारिउ ज़ नैव ताके। 19स़ोनो ङाजूँनी ब, ‘परमेस्वरए चाव ओथाए ओसै माछे·द ज़ सथैव ओदैवक’ लिद पोंखारिद्याव ताके। 20नो चाव ओथा सथैन्याए जूँनी ओसाची ङातावए झ्यालखानाल ङापरिके। है जैद कितावनी पाँव परिन्या, हितावनी ज़ आल ब घ्योःव युँस ङापाँधुक लिद पोंखारिद्याव ताके।
तुपैन्या पाँर
21ङा आल कितावस ङालिज़्याव, नो भरी प्रभुए ओय़ेन सतस दाज़्याव गेयुँलाव गेभाइ तुखिकसए ल्योनी थैन्या जेले। 22होए उजूँनी ज़ नो मिँलाई जेल्योदा ङापरींज़्या। आङाव गेपाँ भरी नोए ओल्योनी थैद जेयुँर होलाँ तान्या ले।
23जे परमेस्वरए ओपाँत बाज़्याव भरिरालाई परमेस्वर गेबाबु स़ोनो गेप्रभु येसु ख्रीसनी निल्योनी जेयुँ होलाँ जैद ओयाचिरक, जेयुँ हुप्द जे जेल खैवर ब ओजैचिरक। 24गेप्रभु येसु ख्रीसए ल्योदा साचोस यायुँ थू जैद नैज़्यावराए ल्योदा ब परमेस्वरए उयुँ ओगराँक।
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2015, Wycliffe Bible Translators, Inc. All rights reserved.