2 Bütrüs Tafaꞌda tumma
Tafaꞌda tumma
Bütrüs ya tafïïnï ya arigiri waraga ya unggu co kadu ma kaniisa ka naguuru tanno iini ka tussu aꞌda asa iꞌi takete ka tiididene asala kide no. Iꞌi asaasa kadu ma kaniisa aꞌda kaneene ka fïïnï tiya aꞌdiila ka Masala ka oona ꞌbucca kungngo. Eema nja eene aꞌda kafa tanu ka talaana ma Masala nja Yasu Almasiihi yeene ka ꞌduga kini nja kadu könö na kaneene nja Yasu. Iꞌi adirina tumma eene ma katalaana tanno korokoro na icci ka kaniisa no. Katalaana na korokoro no kaꞌbunu kadu ma kaniisa kataneene ka fïïnï tiya atoroko ya, kiki aꞌda Almasiihi taalo ara tafada. Bütrüs iki aꞌda Almasiihi ara tafada timinꞌda, a Masala tagaꞌda eema ya arüꞌbü adene ꞌbïtïngngö ya, magere eema könö kööye meene kita tatoroko kara titaalo kide kita. Bütrüs uuꞌbu eege ka nanggeedi aꞌda kütü ka tinggiridene ka türü nja tussu eema ma Uugaara tiya aja Yasu.
Currently Selected:
2 Bütrüs Tafaꞌda tumma: Katcha
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.