Roma 12
12
Thikkoik ithie iaMiccie
1Pangkingon, mperenon nthiak itha Kapik kongotheron ngngin itti onon thethet Kapik kakon ammakka aꞌrupu wothokiot ngüccük cik ipupure iapirie Kapik noka, kathar engki ika anon aꞌrane Kapik ngaꞌrama ngngin. 2Nokorronno othakka ammakka ul wonocapu enci anaruk noprttakoik nthoportto thokwarttikot cik thon, annina akka annenekke ana ina lon ila Kapik kongothe, ana thoporot thung ithapiriek noka ana thella lon lokithak.
3Ana nthoporot thoKapik itha kwethin, mpiꞌret non appik itti nokorronno occot kït nokakon itti nthoporot cannan, anon thakannoka thoporot anaruk nokwarttikot cik papenang anokkat lon ammakka thoccokot tholon nocïkït thoKapik itha Kapik kethet non. 4Ana ammakka pul ponu ka kulukku ana ka konu nyaun ana unu ana tacok ana kinyce ana kït ana ca anaruk ka ken konu ngre kurekkurek, 5ana ittina iaMiccie oron ithoppot thakkot ka kulukku ana oron thiꞌrikikkarothe tan appik kurekkurek. 6Oron thonu lon kurekkurek ammakka Kapik kikketheron nuthuk nthoporot thung. Amma Kapik kethung thuꞌre itti ngkwerene ul lon loKapik aere nthoccokot lon nocïkït ammakka Kapik kethung. 7Amma thoreko ngre akworeko ana amma thongkene akwongkene, 8ana amma thomereket ul llon iloporot, akwomereket ana amma thaꞌrintinthet ul aꞌrupu iella aꞌrupu cik akwethet nycïkït coporot ana amma thoka ili akwoka okkwi ipakkot lon nthiak ana nthongat nocïkït ana amma okene thiak akwokene nthongarot.
Thongarot
9Thongarot thonu itti thaka ïcarïcat. Nꞌra lon ilokithak annoccokot kït nolon iloporot. 10Nothiarne cik appik karkko nyukul nyoththan pulukku ana othiarneik. 11Nokorronno ipo ngore iire, anaruk norekine Ili ngka kon appik. 12Nopira noka nothoꞌrïkot cik thon, ana occokot mïkït ilon ilokithak ana aꞌra ngaꞌrama appinappin nthoccokot lon nocïkït. 13Nittarot ul iupupure woKapik naꞌrupu iakin ipitto ana okkinthet lon loporot.
14Nipittot Kapik akethïe ul iakkiet non thiak ana okorronno attatta kin. 15Nopira noka nnul iaik wapira noka ana oo nnul iaik woo. 16Nikkoik tothun thoporot. Nokorronno ipot ka thoura anaruk noccïkarot ana annikkoik nnul appik iaꞌrthan ana iakannoka iaꞌrthan.
17Nokorronno okke lon ilokithak llon ilokithak. Noꞌrumoik annokkot lon iloporot tokït koul appik. 18Amma kathar kaik ammakka akatha ngka kang annoka ikuꞌri nnul appik. 19Pangkingon, nokorronno okketta anaruk nokirrninthet Kapik lon len akka lokurrakot iatham itti, “Kapik kiꞌret itti thokke thaun akka akke ana oun akka akkiet ul thiak iokkiethe pangken thiak.”#Thethinia 32.35 20Okorronno oka menik,
“Amma pul ipanon thonu thoꞌrak paat, ethet thuꞌrit apoꞌrko
amma pica pokkwothok, aethok ngꞌri akwïkko.
Akka amma akkot ittina ngkwaik pathiek cik.”#Thokkwie lon kuru ncik 25.21–22
21kirrnni okorronno lon ilokithak itti lalkothung anaruk alkothe llon iloporot.
Currently Selected:
Roma 12: Lumun
Highlight
Share
Copy
Want to have your highlights saved across all your devices? Sign up or sign in
´© (Active), Wycliffe Bible Translators, Inc. All rights reserved
Roma 12
12
Thikkoik ithie iaMiccie
1Pangkingon, mperenon nthiak itha Kapik kongotheron ngngin itti onon thethet Kapik kakon ammakka aꞌrupu wothokiot ngüccük cik ipupure iapirie Kapik noka, kathar engki ika anon aꞌrane Kapik ngaꞌrama ngngin. 2Nokorronno othakka ammakka ul wonocapu enci anaruk noprttakoik nthoportto thokwarttikot cik thon, annina akka annenekke ana ina lon ila Kapik kongothe, ana thoporot thung ithapiriek noka ana thella lon lokithak.
3Ana nthoporot thoKapik itha kwethin, mpiꞌret non appik itti nokorronno occot kït nokakon itti nthoporot cannan, anon thakannoka thoporot anaruk nokwarttikot cik papenang anokkat lon ammakka thoccokot tholon nocïkït thoKapik itha Kapik kethet non. 4Ana ammakka pul ponu ka kulukku ana ka konu nyaun ana unu ana tacok ana kinyce ana kït ana ca anaruk ka ken konu ngre kurekkurek, 5ana ittina iaMiccie oron ithoppot thakkot ka kulukku ana oron thiꞌrikikkarothe tan appik kurekkurek. 6Oron thonu lon kurekkurek ammakka Kapik kikketheron nuthuk nthoporot thung. Amma Kapik kethung thuꞌre itti ngkwerene ul lon loKapik aere nthoccokot lon nocïkït ammakka Kapik kethung. 7Amma thoreko ngre akworeko ana amma thongkene akwongkene, 8ana amma thomereket ul llon iloporot, akwomereket ana amma thaꞌrintinthet ul aꞌrupu iella aꞌrupu cik akwethet nycïkït coporot ana amma thoka ili akwoka okkwi ipakkot lon nthiak ana nthongat nocïkït ana amma okene thiak akwokene nthongarot.
Thongarot
9Thongarot thonu itti thaka ïcarïcat. Nꞌra lon ilokithak annoccokot kït nolon iloporot. 10Nothiarne cik appik karkko nyukul nyoththan pulukku ana othiarneik. 11Nokorronno ipo ngore iire, anaruk norekine Ili ngka kon appik. 12Nopira noka nothoꞌrïkot cik thon, ana occokot mïkït ilon ilokithak ana aꞌra ngaꞌrama appinappin nthoccokot lon nocïkït. 13Nittarot ul iupupure woKapik naꞌrupu iakin ipitto ana okkinthet lon loporot.
14Nipittot Kapik akethïe ul iakkiet non thiak ana okorronno attatta kin. 15Nopira noka nnul iaik wapira noka ana oo nnul iaik woo. 16Nikkoik tothun thoporot. Nokorronno ipot ka thoura anaruk noccïkarot ana annikkoik nnul appik iaꞌrthan ana iakannoka iaꞌrthan.
17Nokorronno okke lon ilokithak llon ilokithak. Noꞌrumoik annokkot lon iloporot tokït koul appik. 18Amma kathar kaik ammakka akatha ngka kang annoka ikuꞌri nnul appik. 19Pangkingon, nokorronno okketta anaruk nokirrninthet Kapik lon len akka lokurrakot iatham itti, “Kapik kiꞌret itti thokke thaun akka akke ana oun akka akkiet ul thiak iokkiethe pangken thiak.”#Thethinia 32.35 20Okorronno oka menik,
“Amma pul ipanon thonu thoꞌrak paat, ethet thuꞌrit apoꞌrko
amma pica pokkwothok, aethok ngꞌri akwïkko.
Akka amma akkot ittina ngkwaik pathiek cik.”#Thokkwie lon kuru ncik 25.21–22
21kirrnni okorronno lon ilokithak itti lalkothung anaruk alkothe llon iloporot.
Currently Selected:
:
Highlight
Share
Copy
Want to have your highlights saved across all your devices? Sign up or sign in
´© (Active), Wycliffe Bible Translators, Inc. All rights reserved