MIPUM SIALNAK 7
7
Hotu Tei Piakmi
1Moses in Topa i umnak Puanbuk a sak celh ni-in, Puanbuk le a nate, biaklandawh le a nate cu sathau thihin, Topa i lakah apnak bawl hi. 2Mahnung ten Israel hinnam sung pen amu hinnam tek puitute, mipum sialnak a, dehvo cu 3Topa i lakah apnak bawl hi. A humkhuh neimi khuileng pa luk le khuicang sawm le pa nih, puitu pa nihin khuileng pa khat le puitu pa khatin khuicang pa khat ten na pia haw hi. Laksawng a piak celh haw ten 4Topa in Moses lakah, 5“Puanbuk ca nadehnak tukin hi laksawng hi sangin hi; mahten dehvo a neih haw ten bangin Levi mitei lakah pia,” ti hi. 6Topa i tihnak bangin Moses in khuileng le khuicang cu Levi mitei lakah pia hi. 7Khuileng pa nih le khuicang pa li cu Gershon hin tei lakah pia in, 8khuileng pa li le khuicang liat cu Merari hin tei lakah pia hi. A nadeh haw hempoh cu Aaron capa Ithamar i ho in dek haw tuk hi. 9Mahnaven Moses in Kohath hin tei lakah khuileng hihen, khuicang hihen, pia ma hi; itahim titale amuh cu na thiangtho dehvo la tu hi haw in, a ko tuah zawngtu hi haw tuk hi.
10Biaklandawh cu sathau thih haw a, Pathian nelah apnak a bawl ni-in hotu ten laksawng pia haw hi. A laksawng haw cu biaklandawhah a hunpih haw ten, 11Topa in Moses lakah, “Hilh inna, biaklandawh apnak tukin piakmi a laksawng haw cu ni khatah hotu pa khat, nisialin ni sawm le ni nih sung pia haw tuk,” ti hi.
12-83Mah hangin, a laksawng haw cu a nuailam bangin a sasangin pia haw hi.
Ni khatnakah Judah hin, Amminadab i capa Ahiezer in pia hi.
Ni nihnakah Issakhar hin, Zuar i capa Nethanel in pia hi.
Ni thumnakin Zebulun hin, Helon i capa Elib in pia hi.
Ni linakin Reuben hin, Shedeur i capa Elizur in pia hi.
Ni nga ni-in Simeon hin, Zurishaddai i capa Shelumiel in pia hi.
Ni luknakin Gad hin, Deuel i capa Eliasaf in pia hi.
Ni salihnakin Efraim hin, Ammihud i capa Elishama in pia hi.
Ni liatnakin Manasseh hin, Pedahzur i capa Gamaliel in pia hi.
Ni kuahnakin Benjamin hin Gideo i capa Abidan in pia hi.
Ni sawmnakin Dan hin, Ammishaddai i capa Ahiezer in pia hi.
Ni sawm le ni khatnakin Asher hin, Okhran Pagiel in pia hi.
Ni sawm le ni nihnakah Naftali Enan i capa Ahira in pia hi.
Hi hotu pa khat tek tei a piak haw mi laksawng cu a zahve ten hi; upa i tekmi cuaikhainak tuah cuai khat le tikal sawm thum ngit a, namtui a dimin ummi sui pakan pa khat; halkang tuucangno pa khat, sualhah biakpiaknak tukin keel pa khat, lemnak biakpiaknak tukin khuicang pa nih, khuicangno pa nga, keel pa nga le kum khat kim tuu pa nga ten pia haw hi.
84-88Biaklandawh apnak tuk hotu sawm le pa nih tei a piak haw mi cu a nuailam bangin hi;
Ngun kuang sawm le pa nih le ngun maihum sawm le pa nih, a venghawngin cuai sawm nih le cuai li ngit hi.
Sui pakan sawm le pa nih hi a, cuai khat le tikal sawm nih ngit hi, a venghawngin namtui dim khawng hi.
Halkang biakpiaknak tukin khuicang sawm le pa nih, tuucang sawm le pa nih, kum khat kim tuucang sawm le pa nih, le mahmi tuah piak kop tukmi an tuah biakpiaknak,
Sualhah biakpiaknak tukin keel sawm le pa nih,
Pawlkom biakpiaknak tukin khuicang sawm nih le pa li, tuucang sawm luk, keel sawm luk le kum khat kim tuucangno sawm luk hi.
89Moses cu Topa tuah otpihdunnak tukin Puanbuk sungah a tumsial ten Thutiam Kuang hum a um Cherubim pa nih tei laklawh pen Topa i aw cu za hi.
Currently Selected:
MIPUM SIALNAK 7: NBF1
Highlight
Copy
Compare
Share
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.
MIPUM SIALNAK 7
7
Hotu Tei Piakmi
1Moses in Topa i umnak Puanbuk a sak celh ni-in, Puanbuk le a nate, biaklandawh le a nate cu sathau thihin, Topa i lakah apnak bawl hi. 2Mahnung ten Israel hinnam sung pen amu hinnam tek puitute, mipum sialnak a, dehvo cu 3Topa i lakah apnak bawl hi. A humkhuh neimi khuileng pa luk le khuicang sawm le pa nih, puitu pa nihin khuileng pa khat le puitu pa khatin khuicang pa khat ten na pia haw hi. Laksawng a piak celh haw ten 4Topa in Moses lakah, 5“Puanbuk ca nadehnak tukin hi laksawng hi sangin hi; mahten dehvo a neih haw ten bangin Levi mitei lakah pia,” ti hi. 6Topa i tihnak bangin Moses in khuileng le khuicang cu Levi mitei lakah pia hi. 7Khuileng pa nih le khuicang pa li cu Gershon hin tei lakah pia in, 8khuileng pa li le khuicang liat cu Merari hin tei lakah pia hi. A nadeh haw hempoh cu Aaron capa Ithamar i ho in dek haw tuk hi. 9Mahnaven Moses in Kohath hin tei lakah khuileng hihen, khuicang hihen, pia ma hi; itahim titale amuh cu na thiangtho dehvo la tu hi haw in, a ko tuah zawngtu hi haw tuk hi.
10Biaklandawh cu sathau thih haw a, Pathian nelah apnak a bawl ni-in hotu ten laksawng pia haw hi. A laksawng haw cu biaklandawhah a hunpih haw ten, 11Topa in Moses lakah, “Hilh inna, biaklandawh apnak tukin piakmi a laksawng haw cu ni khatah hotu pa khat, nisialin ni sawm le ni nih sung pia haw tuk,” ti hi.
12-83Mah hangin, a laksawng haw cu a nuailam bangin a sasangin pia haw hi.
Ni khatnakah Judah hin, Amminadab i capa Ahiezer in pia hi.
Ni nihnakah Issakhar hin, Zuar i capa Nethanel in pia hi.
Ni thumnakin Zebulun hin, Helon i capa Elib in pia hi.
Ni linakin Reuben hin, Shedeur i capa Elizur in pia hi.
Ni nga ni-in Simeon hin, Zurishaddai i capa Shelumiel in pia hi.
Ni luknakin Gad hin, Deuel i capa Eliasaf in pia hi.
Ni salihnakin Efraim hin, Ammihud i capa Elishama in pia hi.
Ni liatnakin Manasseh hin, Pedahzur i capa Gamaliel in pia hi.
Ni kuahnakin Benjamin hin Gideo i capa Abidan in pia hi.
Ni sawmnakin Dan hin, Ammishaddai i capa Ahiezer in pia hi.
Ni sawm le ni khatnakin Asher hin, Okhran Pagiel in pia hi.
Ni sawm le ni nihnakah Naftali Enan i capa Ahira in pia hi.
Hi hotu pa khat tek tei a piak haw mi laksawng cu a zahve ten hi; upa i tekmi cuaikhainak tuah cuai khat le tikal sawm thum ngit a, namtui a dimin ummi sui pakan pa khat; halkang tuucangno pa khat, sualhah biakpiaknak tukin keel pa khat, lemnak biakpiaknak tukin khuicang pa nih, khuicangno pa nga, keel pa nga le kum khat kim tuu pa nga ten pia haw hi.
84-88Biaklandawh apnak tuk hotu sawm le pa nih tei a piak haw mi cu a nuailam bangin hi;
Ngun kuang sawm le pa nih le ngun maihum sawm le pa nih, a venghawngin cuai sawm nih le cuai li ngit hi.
Sui pakan sawm le pa nih hi a, cuai khat le tikal sawm nih ngit hi, a venghawngin namtui dim khawng hi.
Halkang biakpiaknak tukin khuicang sawm le pa nih, tuucang sawm le pa nih, kum khat kim tuucang sawm le pa nih, le mahmi tuah piak kop tukmi an tuah biakpiaknak,
Sualhah biakpiaknak tukin keel sawm le pa nih,
Pawlkom biakpiaknak tukin khuicang sawm nih le pa li, tuucang sawm luk, keel sawm luk le kum khat kim tuucangno sawm luk hi.
89Moses cu Topa tuah otpihdunnak tukin Puanbuk sungah a tumsial ten Thutiam Kuang hum a um Cherubim pa nih tei laklawh pen Topa i aw cu za hi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Ngawm Bible © Bible Society of Myanmar, 2014.