ROME-TE 13
13
Thuneite’ Thumanna
1Mi zosie in uhna a nei mite’ thu mang uheh; azieh pen Pasien kung pan ci simlo thuneina a om thei sih a, uhna thuneite zong Pasien’ koi mite ahi bo hi. 2Tua ahi ziehin uhna thunei mipa a langdo poma Pasien’ koisa mipa a langdo ahi a, tua bang a langdo mite in thukhenna a thuoh ding uhi. 3Bangzieh ahei cile gam-uhte pen a gamtat hoi lo mite adingin a giinhuoi hi beh a, a gamtat hoi mite adingin a giinhuoi ahi sih hi. Thunei mipa giing loin na om nuom vuoi mah? Na op nuom uleh a hoi lamin gamta un, tua hile ama’ patahna na nga ding uhi; 4bangzieh ahei cile ama pen na hoi nading vua Pasien’ nasempa ahi hi. Ahi vangin na gamtat siet uleh ama na giin ding uh ahi hi, azieh pen thunei pa#13:4 Gk “tua” in a mawhna-in namsau a tawi sih hi! Ama ahile a gamtatsie mite tungah lungthahna dan a pie ding Pasien’ nasem ahi hi. 5Tua ahi ziehin ama’ lungthahna na zauna zieh beh utawh hi loin, no le no kitheina lungsim tawh zong a thu man ding ahi hi. 6Azieh pen thuneite ahile tam bang thute a buoipi Pasien’ nasemte ahi ziehun, tami thute zieh ma-in zong note in phiengsie na pieh uh ahi hi. 7A nga ding vua kilawm bangin mi zosie tungah pie un, sieh nga dinga kilawmte sieh pie un, phiengsie nga dinga kilawmte phiengsie pie un, zatah dinga kilawmte zatah unlen, patawi dinga a kilawmte patawi un.#Mat 22:21; Mrk 12:17; Luk 20:25
Khatlekhat’ Ki-Itna
8Khatlekhat ki-it ding ci simlo khatlekhat lei na kibasah sih un; bangzieh ahei cile midang a it pa in thukham’ deina a zui sieng ahi ta hi. 9“Ang kawm sin; tuol that sin; gu sin; mi neisa deigaw sin; a kici thupiehte le thupieh dang a om popo, “Nangma na ki-it bangin na vengpa it in,” a kici thupieh in a huom sieng hi.#Pei 20:13-15, 17; Siem 19:18; Thkna 5:17-19, 21 10Itna in a vengpa’ sietna ding a bawl sih hi; tua ahi ziehin itna i ci pen thukham zosie zui bukimna ahi hi.
Naw Thumna
11Tam thu banah tuhun pen bang hun hi a, note adingin kimutna panin bangci khahlaw ding ci zong na thei uhi. Bangzieh ahei cile i upcil lai sangin eite adingin tu-in hutdamna ang nai zaw hi; 12zan hun tawpin sun hun ang nai ta hi. Tua ahile eite in khuomiel nasepnate pai-in khuovah galhiemte tawh kivon vai. 13Sun huna om bangin eite zong kilawm tahin gamta-in, guol nopna le zukhamna, huana lanna, thangtatna, kihauna le kihazatnate bawl sih vai. 14Tuale mahin note in Topa Jesu Khris puon bangin sil unlen, tahsa lungkim nading bangma bawl sih un.
Currently Selected:
ROME-TE 13: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
ROME-TE 13
13
Thuneite’ Thumanna
1Mi zosie in uhna a nei mite’ thu mang uheh; azieh pen Pasien kung pan ci simlo thuneina a om thei sih a, uhna thuneite zong Pasien’ koi mite ahi bo hi. 2Tua ahi ziehin uhna thunei mipa a langdo poma Pasien’ koisa mipa a langdo ahi a, tua bang a langdo mite in thukhenna a thuoh ding uhi. 3Bangzieh ahei cile gam-uhte pen a gamtat hoi lo mite adingin a giinhuoi hi beh a, a gamtat hoi mite adingin a giinhuoi ahi sih hi. Thunei mipa giing loin na om nuom vuoi mah? Na op nuom uleh a hoi lamin gamta un, tua hile ama’ patahna na nga ding uhi; 4bangzieh ahei cile ama pen na hoi nading vua Pasien’ nasempa ahi hi. Ahi vangin na gamtat siet uleh ama na giin ding uh ahi hi, azieh pen thunei pa#13:4 Gk “tua” in a mawhna-in namsau a tawi sih hi! Ama ahile a gamtatsie mite tungah lungthahna dan a pie ding Pasien’ nasem ahi hi. 5Tua ahi ziehin ama’ lungthahna na zauna zieh beh utawh hi loin, no le no kitheina lungsim tawh zong a thu man ding ahi hi. 6Azieh pen thuneite ahile tam bang thute a buoipi Pasien’ nasemte ahi ziehun, tami thute zieh ma-in zong note in phiengsie na pieh uh ahi hi. 7A nga ding vua kilawm bangin mi zosie tungah pie un, sieh nga dinga kilawmte sieh pie un, phiengsie nga dinga kilawmte phiengsie pie un, zatah dinga kilawmte zatah unlen, patawi dinga a kilawmte patawi un.#Mat 22:21; Mrk 12:17; Luk 20:25
Khatlekhat’ Ki-Itna
8Khatlekhat ki-it ding ci simlo khatlekhat lei na kibasah sih un; bangzieh ahei cile midang a it pa in thukham’ deina a zui sieng ahi ta hi. 9“Ang kawm sin; tuol that sin; gu sin; mi neisa deigaw sin; a kici thupiehte le thupieh dang a om popo, “Nangma na ki-it bangin na vengpa it in,” a kici thupieh in a huom sieng hi.#Pei 20:13-15, 17; Siem 19:18; Thkna 5:17-19, 21 10Itna in a vengpa’ sietna ding a bawl sih hi; tua ahi ziehin itna i ci pen thukham zosie zui bukimna ahi hi.
Naw Thumna
11Tam thu banah tuhun pen bang hun hi a, note adingin kimutna panin bangci khahlaw ding ci zong na thei uhi. Bangzieh ahei cile i upcil lai sangin eite adingin tu-in hutdamna ang nai zaw hi; 12zan hun tawpin sun hun ang nai ta hi. Tua ahile eite in khuomiel nasepnate pai-in khuovah galhiemte tawh kivon vai. 13Sun huna om bangin eite zong kilawm tahin gamta-in, guol nopna le zukhamna, huana lanna, thangtatna, kihauna le kihazatnate bawl sih vai. 14Tuale mahin note in Topa Jesu Khris puon bangin sil unlen, tahsa lungkim nading bangma bawl sih un.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.