2 PETER 2
2
Kamsang Zuoute le Amau’ Thuoh ding Dan
(Jude 4–13)
1Hizongle mite lahah kamsang zuoute a na op bang tehtehin note lahah zong sie zuoute ang om ding a, amate in sietna a piengsah thei ngaisutnate ang dap lutpi ding uhi. Amate a lei pa ahi a pupa nangawn a niel ding vua, amate mama in thakhatin sietna a thuohlaw ding uhi. 2Tua bang hinanle zong mi tampite in amau’ thangtatna lampite ma zui-in tami siete ziehin#2:2 Gk “amate ziehin “ thuman thutah lampi kigensie ding hi. 3A huoiham seng ziehun amate in zuouthu genna tawh note sum suina-in ang nei ding uhi. Amate tungah mawsahna thukhenna in tanglai-a kipan uoikai loin, a kisuhsiet nading uh zong haitu lo hi.
4Azieh pen vantungmite a maw ciengin Pasien in dawm vawt loin hell#2:4 Gk “Tartaros “ sungah khiesuh a, thukhen ni donga kep dingin khuomiel dum thuhpi sungah na khumcip ahile, 5ama in tanglai leitung zong dawm tuon loin Pasien a zatah lo mite tungah tuizin tungsah napi in, dihna thu a tangko Noah le adang mi sagite hunkhie veve ahile,#Pien 6:1–7:24 6Sodom le Gomorrah khuote mawsahin vut le vai a suo dongin haltum a, a maimang#2:6 Adang tang laibute ah “a maimang ding” ci om lo hi. dingin amate tungah mawsahna thukhenin, Pasien’ mi lote tungah a pieng ding thute etsahna suohsah ahile,#2:6 Adang tang laibute ah “Pasien a zatah lo dingte tungah etsahna” ci-in kigiel hi.#Pien 19:24 7ama in thukham palsatin thangtatnate in a lunggimsah midih pa Lot na hunkhie ahile,#Pien 19:1-16 8(azieh pen amate lahah tua midih pa teng a, ama in amau’ gamtat sietnate nisimin mu-in za den ahi ziehin tuate in a dih mama ama’ lungsim a gimsah hi), 9tua ciengin Topa in hahsatna panin midihte hutkhiet ding dan le thukhen ni dongin midih lote gawt kawmin a kep dan ding thei a, 10a deudeu-in cilesa lunggulna lama kipie mite le thuneite a simmawte a gawt dan ding a thei hi.
Amate hangsanin mot lungkhau-in minthanna a neite#2:10 Ahi sihle “vantung mite “; Gk “minthannate “ a gensie ngam giap uhi. 11Amate sangin vantung mite hatzaw-in vanglienzaw nan ule, Topa mai-ah#2:11 Adang tang laibute ah “Topa’ mai-ah” ci om lo hi. amate gensie-in mawsahna thu a tut sih uhi. 12Hinanle tam mite ahile mat ding le tha ding bepa ang suoh ngaisutna nei lo ganhing maimaite tawh a kibang ahi uhi. Amate in a thei lo uh thute a gensie vua, tua ganhingte a kisuhsiet ciengin amate zong kisusie ding a, 13a tatkhielna ziehun dan a thuoh ding uhi. Amate in sun tanglaipi-a thangtat guolnopna pen nopsahna-in a ngaisun uhi. Amate in note tawh pawi a bawl ciengun a thanghuoi#2:13 Adang tang laibute ah “itna pawite” ci-in kigiel hi. guolnopna uh pen note adingin a niehbang le mawsahna ahi ta hi. 14Amau’ mitte in angkawm nopna tawh kidimin mawna bawl ding a cim thei sih uhi. Amate in mawna bawl dingin lungsim kip lo mite zawlin, huoihamna lamah a kicilsa lungtang a nei uhi. Samsiet tate ahi uhi! 15Lampi tang nuasie-in a pielmang ta vua, sil hoi lo gamtatna thaman a deigaw Bosor’#2:15 Adang tang laibute ah “Beor” ci-in kigiel hi. tapa Balaam lampi a zui uhi. 16Hizongle a tawnkhielna ziehin ama na kiphawhsie a, a ham thei lo laa khat, mihing’ aw tawh hamin kamsang pa mottatna a khawlsah hi.#Gam 22:4-35
17Tam bang mite pen a kanggawsa ciatui le huipi in a semmang meiilum bang ahi uhi; amate adingin khuomiel thuhpi a kikoipieh zo ta hi. 18Bangzieh ahei cile a mot ziehun a kiphatsah ham vua, tuaci’n amate in a tahsa thangtat lunggulnate utawh khielna sunga a nungta mite sung panin a suohta cil#2:18 Adang tang laibute ah “tahtah” ci-in kigiel hi. mite a zawl uhi. 19Amate mama zong sietna’ sila hi napi mite tungah suotahna thu a kamciem na lai uhi; bang ding ahei cile mite pen amate a zo na khatpopo’ sila a suoh uhi. 20Azieh pen i Topa le Hundampa Jesu Khris theina tungtawnin leitung’ buanate panin a suotah zaw ciengun tuate sungah awhin a kizawsahkia ngeingei uleh, amau’ pienzie nukhia pen in a pienzie masa pen uh sangin a siehuoizaw a suoh hi. 21Bang ding ahei cile dihna lampi a thei zaw ciengun, amate tungah a kipie a siengtho thupieh panin a kilekia uh sangin tua lampi a na thei ngai mawng lo uh hi leh, amate adingin hoizaw tham ding hi. 22A man paunah in a na gen dung zui-in,
“Ui in a luoh nekia,”
a ci le,
“A kisilsiengsa vohpi buon lahah buolkia,”
ci thu amate tungah a pieng hi.#Pau 26:11
Currently Selected:
2 PETER 2: ZBOTF01
Highlight
Copy
Compare
Share
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
2 PETER 2
2
Kamsang Zuoute le Amau’ Thuoh ding Dan
(Jude 4–13)
1Hizongle mite lahah kamsang zuoute a na op bang tehtehin note lahah zong sie zuoute ang om ding a, amate in sietna a piengsah thei ngaisutnate ang dap lutpi ding uhi. Amate a lei pa ahi a pupa nangawn a niel ding vua, amate mama in thakhatin sietna a thuohlaw ding uhi. 2Tua bang hinanle zong mi tampite in amau’ thangtatna lampite ma zui-in tami siete ziehin#2:2 Gk “amate ziehin “ thuman thutah lampi kigensie ding hi. 3A huoiham seng ziehun amate in zuouthu genna tawh note sum suina-in ang nei ding uhi. Amate tungah mawsahna thukhenna in tanglai-a kipan uoikai loin, a kisuhsiet nading uh zong haitu lo hi.
4Azieh pen vantungmite a maw ciengin Pasien in dawm vawt loin hell#2:4 Gk “Tartaros “ sungah khiesuh a, thukhen ni donga kep dingin khuomiel dum thuhpi sungah na khumcip ahile, 5ama in tanglai leitung zong dawm tuon loin Pasien a zatah lo mite tungah tuizin tungsah napi in, dihna thu a tangko Noah le adang mi sagite hunkhie veve ahile,#Pien 6:1–7:24 6Sodom le Gomorrah khuote mawsahin vut le vai a suo dongin haltum a, a maimang#2:6 Adang tang laibute ah “a maimang ding” ci om lo hi. dingin amate tungah mawsahna thukhenin, Pasien’ mi lote tungah a pieng ding thute etsahna suohsah ahile,#2:6 Adang tang laibute ah “Pasien a zatah lo dingte tungah etsahna” ci-in kigiel hi.#Pien 19:24 7ama in thukham palsatin thangtatnate in a lunggimsah midih pa Lot na hunkhie ahile,#Pien 19:1-16 8(azieh pen amate lahah tua midih pa teng a, ama in amau’ gamtat sietnate nisimin mu-in za den ahi ziehin tuate in a dih mama ama’ lungsim a gimsah hi), 9tua ciengin Topa in hahsatna panin midihte hutkhiet ding dan le thukhen ni dongin midih lote gawt kawmin a kep dan ding thei a, 10a deudeu-in cilesa lunggulna lama kipie mite le thuneite a simmawte a gawt dan ding a thei hi.
Amate hangsanin mot lungkhau-in minthanna a neite#2:10 Ahi sihle “vantung mite “; Gk “minthannate “ a gensie ngam giap uhi. 11Amate sangin vantung mite hatzaw-in vanglienzaw nan ule, Topa mai-ah#2:11 Adang tang laibute ah “Topa’ mai-ah” ci om lo hi. amate gensie-in mawsahna thu a tut sih uhi. 12Hinanle tam mite ahile mat ding le tha ding bepa ang suoh ngaisutna nei lo ganhing maimaite tawh a kibang ahi uhi. Amate in a thei lo uh thute a gensie vua, tua ganhingte a kisuhsiet ciengin amate zong kisusie ding a, 13a tatkhielna ziehun dan a thuoh ding uhi. Amate in sun tanglaipi-a thangtat guolnopna pen nopsahna-in a ngaisun uhi. Amate in note tawh pawi a bawl ciengun a thanghuoi#2:13 Adang tang laibute ah “itna pawite” ci-in kigiel hi. guolnopna uh pen note adingin a niehbang le mawsahna ahi ta hi. 14Amau’ mitte in angkawm nopna tawh kidimin mawna bawl ding a cim thei sih uhi. Amate in mawna bawl dingin lungsim kip lo mite zawlin, huoihamna lamah a kicilsa lungtang a nei uhi. Samsiet tate ahi uhi! 15Lampi tang nuasie-in a pielmang ta vua, sil hoi lo gamtatna thaman a deigaw Bosor’#2:15 Adang tang laibute ah “Beor” ci-in kigiel hi. tapa Balaam lampi a zui uhi. 16Hizongle a tawnkhielna ziehin ama na kiphawhsie a, a ham thei lo laa khat, mihing’ aw tawh hamin kamsang pa mottatna a khawlsah hi.#Gam 22:4-35
17Tam bang mite pen a kanggawsa ciatui le huipi in a semmang meiilum bang ahi uhi; amate adingin khuomiel thuhpi a kikoipieh zo ta hi. 18Bangzieh ahei cile a mot ziehun a kiphatsah ham vua, tuaci’n amate in a tahsa thangtat lunggulnate utawh khielna sunga a nungta mite sung panin a suohta cil#2:18 Adang tang laibute ah “tahtah” ci-in kigiel hi. mite a zawl uhi. 19Amate mama zong sietna’ sila hi napi mite tungah suotahna thu a kamciem na lai uhi; bang ding ahei cile mite pen amate a zo na khatpopo’ sila a suoh uhi. 20Azieh pen i Topa le Hundampa Jesu Khris theina tungtawnin leitung’ buanate panin a suotah zaw ciengun tuate sungah awhin a kizawsahkia ngeingei uleh, amau’ pienzie nukhia pen in a pienzie masa pen uh sangin a siehuoizaw a suoh hi. 21Bang ding ahei cile dihna lampi a thei zaw ciengun, amate tungah a kipie a siengtho thupieh panin a kilekia uh sangin tua lampi a na thei ngai mawng lo uh hi leh, amate adingin hoizaw tham ding hi. 22A man paunah in a na gen dung zui-in,
“Ui in a luoh nekia,”
a ci le,
“A kisilsiengsa vohpi buon lahah buolkia,”
ci thu amate tungah a pieng hi.#Pau 26:11
Zo Bible © Bible Society of Myanmar, 2018.