2 CORINTH 4
4
Leibeel Sunga Gougil
1Tua ahi ziehin kote in Pasien’ ei hepina tawh tami nasepna ka nei ziehun ka lungkie vawt sih uhi. 2Kote in a simtham le a zumhuoi nate ka tawpsan uhi; misol bawlnate zang loin Pasien’ thu zong ka deikai sih uhi; ahi vangin thuman thutah a langtangin ka pholah vua, Pasien’ mitmu-ah mi zosie’ kitheina lungsim tawh kituoh dingin ka gamta zaw uhi. 3Ka lungdamna thu hilte uh a kikhu leh a mangthaite tung beha kikhu ahi bo hi. 4Amate in Pasien’ lim ahi Khris’ minthanna zieha ang tang lungdamna khuovah a mu thei lo nadingun tami leitung pasien in a um lo mite’ lungsim mit a tawsah hi. 5Bangzieh ahei cile koma’ thu a gen ka hi sih vua, Jesu Khris in Topa hi, ci thu le tua Jesu ziehin note’ sila ka hina uh ang gen ka hizaw uhi. 6Azieh pen, “Khuomiel lahah khuovah tang heh,” a ci Pasien in kote tungah Jesu Khris’ maitanga a tang Pasien’ minthanna theitheina khuovah ei pieh nadingin ama in kote’ lungsim sungah khuovah ang tangsah hi.#Pien 1:3
7Ahi vangin a lien mama tami vanglietna pen ko kung pana ang pei hi loin Pasien-a’ ahi hi, ci thu a kicien thei nadingin kote in leibeel sungah tami gougil ka nei uhi. 8Gimna tuomtuom ka thuoh vua, hinanle netcipin ka om sih uhi; lungmangin ka om vua, hinanle lungdongin ka om sih uhi; 9bawlsietna ka thuoh vua, hinanle taisanin ka om sih uhi; ei kisatpua a, hinanle ei kisusie lo hi; 10ka pumpi sung vuah Jesu’ hinna a kimu thei nadingin ka pumpi tung vuah Jesu’ sina ka puo zing uhi. 11Bangzieh ahei cile a si thei ka pum tung vuah Khris’ hinna a kimu thei nadingin ka hin sungun Jesu ziehin sina a thuoh dinga a kipiekhie zing ka hi uhi. 12Tuaci’n sina in kote sungah nasem a, ahi vangin hinna in note sungah na sem hi.
13Hizongle, “Keima in ka um a, tuaci’n ka genkhie hi,” ci-a kigiel Lai Siengtho dung zui-in upna hlagau kibang ka nei ziehun kote in zong umin ka gen uhi.#Late 116:10 14Bang ding ahei cile Topa Jesu a thosah pa in kote zong Jesu tawh ei thosah kia-in, note tawh ama opna-ah ei tun ding hi, ci ka thei uhi. 15Hi hi, sil bangkim note khuolna ahi a, Pasien’ minthan nadingin mi tam semsemte tunga a tung tua hepina in lungdamkona a khansah thei nading ahi hi.
Upna Tawh Nungta
16Tuaci’n kote ka hi uleh ka lung uh a kie tuon sih hi. Ka pulam pienzie un muot lam ding a manaw vangin, ka sunglam pienzie uh a nini-in thasuo semsem hi. 17Bangzieh ahei cile a gentah lo bano khat sung ka thuoh uh tami gentheina in kote adingin tezawh lo a lien mama kumtawn minthanna ei bawlkhol pieh ahi hi. 18Azieh pen kote in a kimu thei nate mitsuon loin a kimu thei lo nate a mitsuon ka hi uhi; bangzieh ahei cile a kimu thei nate bakhat sung beh om ahi bo a, a kimu thei lo nate ahile kumtawnin a om hi.
Currently Selected:
2 CORINTH 4: ZBOTF01
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.
2 CORINTH 4
4
Leibeel Sunga Gougil
1Tua ahi ziehin kote in Pasien’ ei hepina tawh tami nasepna ka nei ziehun ka lungkie vawt sih uhi. 2Kote in a simtham le a zumhuoi nate ka tawpsan uhi; misol bawlnate zang loin Pasien’ thu zong ka deikai sih uhi; ahi vangin thuman thutah a langtangin ka pholah vua, Pasien’ mitmu-ah mi zosie’ kitheina lungsim tawh kituoh dingin ka gamta zaw uhi. 3Ka lungdamna thu hilte uh a kikhu leh a mangthaite tung beha kikhu ahi bo hi. 4Amate in Pasien’ lim ahi Khris’ minthanna zieha ang tang lungdamna khuovah a mu thei lo nadingun tami leitung pasien in a um lo mite’ lungsim mit a tawsah hi. 5Bangzieh ahei cile koma’ thu a gen ka hi sih vua, Jesu Khris in Topa hi, ci thu le tua Jesu ziehin note’ sila ka hina uh ang gen ka hizaw uhi. 6Azieh pen, “Khuomiel lahah khuovah tang heh,” a ci Pasien in kote tungah Jesu Khris’ maitanga a tang Pasien’ minthanna theitheina khuovah ei pieh nadingin ama in kote’ lungsim sungah khuovah ang tangsah hi.#Pien 1:3
7Ahi vangin a lien mama tami vanglietna pen ko kung pana ang pei hi loin Pasien-a’ ahi hi, ci thu a kicien thei nadingin kote in leibeel sungah tami gougil ka nei uhi. 8Gimna tuomtuom ka thuoh vua, hinanle netcipin ka om sih uhi; lungmangin ka om vua, hinanle lungdongin ka om sih uhi; 9bawlsietna ka thuoh vua, hinanle taisanin ka om sih uhi; ei kisatpua a, hinanle ei kisusie lo hi; 10ka pumpi sung vuah Jesu’ hinna a kimu thei nadingin ka pumpi tung vuah Jesu’ sina ka puo zing uhi. 11Bangzieh ahei cile a si thei ka pum tung vuah Khris’ hinna a kimu thei nadingin ka hin sungun Jesu ziehin sina a thuoh dinga a kipiekhie zing ka hi uhi. 12Tuaci’n sina in kote sungah nasem a, ahi vangin hinna in note sungah na sem hi.
13Hizongle, “Keima in ka um a, tuaci’n ka genkhie hi,” ci-a kigiel Lai Siengtho dung zui-in upna hlagau kibang ka nei ziehun kote in zong umin ka gen uhi.#Late 116:10 14Bang ding ahei cile Topa Jesu a thosah pa in kote zong Jesu tawh ei thosah kia-in, note tawh ama opna-ah ei tun ding hi, ci ka thei uhi. 15Hi hi, sil bangkim note khuolna ahi a, Pasien’ minthan nadingin mi tam semsemte tunga a tung tua hepina in lungdamkona a khansah thei nading ahi hi.
Upna Tawh Nungta
16Tuaci’n kote ka hi uleh ka lung uh a kie tuon sih hi. Ka pulam pienzie un muot lam ding a manaw vangin, ka sunglam pienzie uh a nini-in thasuo semsem hi. 17Bangzieh ahei cile a gentah lo bano khat sung ka thuoh uh tami gentheina in kote adingin tezawh lo a lien mama kumtawn minthanna ei bawlkhol pieh ahi hi. 18Azieh pen kote in a kimu thei nate mitsuon loin a kimu thei lo nate a mitsuon ka hi uhi; bangzieh ahei cile a kimu thei nate bakhat sung beh om ahi bo a, a kimu thei lo nate ahile kumtawnin a om hi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.