၄ မိ 32
32
32
ၦအဒီၪ့လဖၪလၧယီၫဒၫ့အမုထၪ့လခီၫ.
(၅ မိ ၃:ၥ၂-၂၂)
1တၭၦရုဘံၫ့ဖိၪ, ဒဲၦဂၭဖိၪၥံၪအီၪလၧဆၧဖိၪဆၧဎါအ ဒိၩ့အၪအၪလ့ၬလီၫ. ထီးအဝ့ၫၥံၪ ဒၪဘၪခးယၫဇၧၫ, ဒဲခးဂံလအၭတၭ, ယိခွါ, ဆၧအလးနီၪမွဲဆၧဖိၪဆၧ 2ဎါအလးလီၫ.- တၭၦဂၭဖိၪ, ဒဲၦရုဘံၫ့ဖိၪၥံၪဂဲၫချဲၩ့ဆၧ လၧစမိစ့ၭ, ဒဲၦလုဆၧစအံၫလအ့ဇၧၫလဂၩ ဒဲဆၧအီၪ 3ကီၪ့အၦဒိၪလဖၪတၭ, စံၭဝ့ၫဒၪ,- အၭတရီၭ, ဒဲၫဘၫ့, ဒဲယၫဇၧၫ, ဒဲနံမၫ,ဒဲဟ့ၭၡဘၫ့, ဒဲအ့လအ့လၫ,ဒဲၡံဘၫ့, 4ဒဲနံဘိၫ, ဒဲဘံအၫ့,- ခးလၧယဟိဝၩဖ့ၬခွံၬ လၧၦအံၫ စရ့လၭဖိၪအဆၧအီၪကီၪ့အမ့ၬယၫနီၪ, မွဲဆၧဖိၪဆၧ ဎါအခးတၭ, နခ့ၫနၡၩလဖၪယီၩ အီၪလၧဆၧဖိၪဆၧ 5ဎါလီၫ.- တၭအဝ့ၫၥံၪစံၭဝ့ၫဒၪ, ပအ့ၪန့ဘၪဆၧအခိး အတၩ လၧနမ့ၬယၫတၭ, မွဲဆၧဖ့ၪလၫ့ နခ့ၫနၡၩယီၩ လၧခးနီၪလၧဆၧဖီၪ့ထၬအဂးဆံၭ. မွဲအထီးဒုၭခၫ့ဂၬ ပၧၩလၧထံၫယီၫဒၫ့လဂ့ၩ.
6တၭစမိစ့ၭစံၭစဂၭအဖိၪ, ဒဲစရုဘံၫ့အဖိၪလဖၪ, မွဲန ၥံၪအထၧၫ့ဖုဝဲ မိလ့ၩဒုၭဆၧတၭ, နၥံၪမိဆၧၫ့နၩ့ထီး 7ယီၩဆ့ဧၪ.- နၥံၪမၩလၩ့ဆါ ၦအံၫစရ့လၭဖိၪအၥၭ အဂဲးအဘၭ ဘဲၫၥိၭအထီးလ့ၩခၫ့ဂၬ လၧထံၫၥံၪခးၥံၪ 8လၧယဟိဝၩဖ့ၪလၫ့ဝ့ၫနီၪ, မွဲဘၪလဲၪ.- လၧယအၪ့မၧၫ့ နၥံၪအဖါလဖၪ လ့ၩဆၧလၧကၫဒ့ၭဘၫန့အၫ ဘဲၫၥိၭ အမိယိထံၫၥံၪခးၥံၪနီၪ အဝ့ၫၥံၪမၩဝ့ၫ ဘဲၫနီၪလီၫ. 9တၭအဝ့ၫၥံၪလ့ၩဝ့ၫထီၩ့ လၧအ့ၡကီၫလၭ အချိၬတၭ, ဒၪဘၪထံၫၥံၪခးၥံၪနီၪတၭ, မၩလၩ့ဆါၦအံၫစရ့လၭ ဖိၪအၥၭအဂဲးအဘၭ, ဘဲၫၥိၭအထီးလ့ၩနုၬဘၪ ထံၫ ၥံၪခးၥံၪလၧယဟိဝၩ ဖ့ၪလၫ့အဝ့ၫၥံၪနီၪ လဂ့ၩလီၫ. 10ယဟိဝၩအၥၭထၪ့ခဲၩထၪ့ဘၪဝ့ၫ လၧမုလနံၩနီၪတၭ, 11ဆိၪလၩ့အၥၭတၭစံၭဝ့ၫဒၪ,- မွဲမၬၦလၧအစဲၪ့ထၪ့လၧ အံဇံၭအဖၧၩ့လၧအၥၭၡါအနံၪ့ နံၫဆံၫဒဲနံၫဆံၫအဖၫ့ ခိၪနီၪ, မိဒၪဘၪထံၫၥံၪခးၥံၪ လၧယဆိၪလၩ့ယၥၭလၧ အဂဲးလၧစအၫဘြဟၫ့, ဒဲစအံစၭ, ဒဲစယၫကူၭၥံၪနးဂၩ အ့ၬ. အဂဲးဘဲၫယီၩ အဝ့ၫၥံၪဖိၬယခဲၫ့လၧၫ့လၧၫ့ဎွ့ၩဎွ့ၩ 12အ့ၬ.- မိဒၪဘၪဝ့ၫန့ၫၦကံၫ့နစဲၭဖိၪ စယဖၧၫနံၫအဖိၪခွၫ စကၫလ့ၭ, ဒဲစနိၫ့အဖိၪခွၫ စယီရှုၫအ့ၫနီၪလီၫ. အဝ့ၫ ၥံၪဖိၬယဟိဝၩအခဲၫ့ လၧၫ့လၧၫ့ဎွ့ၩဎွ့ၩ အဂဲးလီၫ. 13ယဟိဝၩ အၥၭထၪ့ခဲၩထၪ့ဘၪ အံၫစရ့လၭတၭ, အၪ့ မၧၫ့အဂၭဝံၩ့ဝၩ့ဆၧ လၧၡါမုနၧၫ့ဖၫအနံၪ့လံဆံၫ ထီးၦ လဆိၩလၧအမၩဆၧအၧၩ့ လၧယဟိဝၩအမ့ၬယၫနီၪ 14လူၬဝ့ၫလီၫ.- တၭယိခွါ, နၥံၪဂဲထုၪ့လၧနၥံၪ အဖါလဖၪ အလး, ၦဆၧဒဲၩဘၭဖိၪ အဆၧအၪထၪ့, ဘဲၫၥိၭနၥံၪ မိမၩထၪ့ယဟိဝၩအၥၭထၪ့ဆီၪ့ဘၪ ၦအံၫစရ့လၭဖိၪ 15နီၪလီၫ.- အဂဲးဘဲၫယီၩ နၥံၪအ့ၪကၠၪထဲၩ့နၥံၪအၥၭလၧ ဆၧဖိၬအခဲၫ့တၭ, အဝ့ၫဒၪမိလ့ၩဒၪဒီၭဝ့ၫ လၧၡါမုနၧၫ့ ဖၫအဖၧၩ့တၭ, နၥံၪမိမၩဂၭဂီၩ့ၦခမျၧးယီၩ ထီးအလူၬ လီၫ.
16အဝ့ၫၥံၪၥူၭဘူၭအၥၭ လၧအအီၪတၭ, စံၭဝ့ၫဒၪ,ပမိ မၩၥိၪဒဲဘ့ၪအဖီၩ့လဖၪ လၧပဆၧဖိၪဆၧဎါ အဒိၩ့အ 17ဂး, ဒဲဒိၩ့လဖၪ လၧပဖိၪဒံၩဖိၪၥၪအဂးထီးယီၩ,- အ့ၪ မွဲပဝ့ၫဒၪပနၫ့ဆါဒၪပဝ့ၫ ပမိလ့ၩချဲၫ့ချဲၫ့ အီၪလၧပစူၪ ဝဲၩလၧၦအံၫစရ့လၭဖိၪ အမ့ၬယၫ, ထီးပဒုၭလ့ၩနုၬဝ့ၫ လၧအလးလီၫ. တၭပဖိၪဒံၩဖိၪၥၪလဖၪ မိအီၪလၧဒိၩ့ 18လဖၪအီၪလၧအခိၪဒၧၩ့ လၧၦခးဖိၪအကၠီၩ့လီၫ.- ၦအံၫ စရ့လၭဖိၪ လချႃၭန့ဒံၭဘၪအဆၧ န့ၥၫလဂၩလါလါ 19တၭ,ပမိဂဲၫထဲၩ့ထဲၩ့ လၧပဂံၪ့ပဎၫ့အ့ၬ.- အဂဲးဘဲၫယီၩ ပန့ၥၫဆၧလၧယီၫဒၫ့ဝါလခီၫ လၧပမ့ၬယၫအ့ၬ. အဂဲး ဘဲၫယီၩပန့ၥၫဆၧအီၪလၧယီၫဒၫ့ လၧအယီၩလၧမုထၪ့ လခီၫယီၩလီၫ.
20စမိစ့ၭ စံၭအဝ့ၫၥံၪ, နၥံၪအ့ၪမၩဆၧနီၪလမံၩ့, နၥံၪအ့ၪ လ့ၩဒုၭၥုၭအီၪ လၧနၥံၪအစူၪဝဲၩ လၧယဟိဝၩအမ့ၬ 21ယၫတၭ,- နၥံၪအ့ၪလ့ၩခၫ့ဂၬယီၫဒၫ့ အီၪလၧနၥံၪအစူၪ ဝဲၩလၧယဟိဝၩအမ့ၬယၫ ထီးလၧအနၫ့ထၪ့ခွံၬအဒုၪ 22အဒၩလၧအမ့ၬယၫတၭ,- ဆၧအ့ၪမၩနၧၩ့မၩစၪခးဖိၪ ဒၪဝ့ၫလၧယဟိဝၩအမ့ၬယၫတၭး လၧခဲၫ့ထဲၩ့နီၪနၥံၪ မိဂဲၫထဲၩ့ဘၪတၭ, နၥံၪအဆၧဒဲၩဘၭအီၪလၧယဟိဝၩ 23အမ့ၬယၫ ဒဲလၧအံၫစရ့လၭအမ့ၬယၫအ့ၬ.- အ့ၪမွဲနၥံၪ အ့ၪလမၩဘၪဘဲၫနီၪတၭ, ယိခွါ, နၥံၪမၩမၪဘၪယူၭယ ဟိဝၩယူၭတၭ, ၥ့ၪယၫတၡါနၥံၪဝ့ၫ လၧနၥံၪအဆၧ 24ဒဲၩဘၭမိဒၪန့ဘၪနၥံၪနီၪဆံၭ.- မၩဒိၩ့ၥံၪတဝၫ့ၥံၪလၧ နၥံၪအဖိၪဒံၩဖိၪၥၪအဂး, ဒဲဖီၩ့လဖၪလၧနၥံၪအၥိၪအ ဘ့ၪအဂး ဘဲၫဆၧလၧအထၪ့ဖျ့ၭ လၧနၥံၪအနိၭနီၪဆံၭ.
25ၦဂၭဖိၪဒဲၦရုဘံၫ့ဖိၪ ချဲၩ့ဆၧၫ့ဆၧလၧစမိစ့ၭတၭ,စံၭ ဝ့ၫဒၪ, နခ့ၫနၡၩမိမၩဝ့ၫ ဘဲၫပကဆါမၪလူၬဝ့ၫအၥိၭနီၪ 26လီၫ.- ပဖိၪဒံၩဖိၪၥၪပဖိၪပမၫ, ပၥိၪပဘ့ၪ, ဒဲပဆၧဖိၪ ဆၧဎါအဒိၩ့ထီးအလူၬနီၪ မိအီၪဘၪထီးနီၪ လၧဂံလ 27အၭအဒိၩ့လဖၪအဖၧၩ့လီၫ.- အ့ၪမွဲနခ့ၫနၡၩမိလ့ၩခၫ့ ဂၬဆၧအီၪလၧအစူၪဝဲၩကိၭဂၩဒ့ၭ, လၧယဟိဝၩအမ့ၬ ယၫဘဲၫၥိၭအမိဒုၭၥုၭ ဘဲၫယကဆါစံၭဝ့ၫအၥိၭနီၪလီၫ.
28တၭစမိစ့ၭမၪလူၬၦလုဆၧစအံၫလအ့ဇၧၫ, ဒဲစနိၫ့အ ဖိၪခွၫစယီရှုအ့ၫ, ဒဲၦအံၫစရ့လၭဖိၪအဒီၪ့လဖၪအဖါ 29အခိၪလဖၪလၧအဝ့ၫၥံၪအဂဲးအကၠီၪ့း- တၭစမိစ့ၭစံၭ အဝ့ၫၥံၪ, ၦဂၭဖိၪ, ဒဲၦရုဘံၫ့ဖိၪအ့ၪခၫ့ဂၬ ယီၫဒၫ့လၧန ၥံၪအၥိၭအီၪလၧအစူၪဝဲၩ ဘဲၫၥိၭအမိဒုၭၥုၭ လၧယဟိ ဝၩအမ့ၬယၫကိၭဂၩဒ့ၭတၭ, ဆၧအ့ၪမၩနၧၩ့မၩစၪၦ ခးဖိၪလဖၪ လၧနၥံၪအမ့ၬယၫဂီၩ့တၭ, နၥံၪမိဘၪဖ့ၪ လၫ့အဝ့ၫၥံၪ လၧခးဂံလအၭလၧအဆၧန့ၥၫ အဂးလီၫ.
30အ့ၪမွဲအဝ့ၫၥံၪ အ့ၪလခၫ့ဂၬဘၪဆၧလၧနၥံၪအၥိၭ အီၪလၧအစူၪဝဲၩတၭ, မိဘၪန့ၥၫဆၧလၧနၥံၪ အကျၩ 31လၧခးကၫနအၫ့အဖၧၩ့လီၫ.- ၦဂၭဖိၪ,ဒဲၦရုဘံၫ့ဖိၪလ ဖၪစံၭဆၧၫ့ဆၧတၭ, စံၭဝ့ၫဒၪ, ဘဲၫယဟိဝၩ စံၭနခ့ၫန 32ၡၩအၥိၭနီၪ ပမိမၩဘဲၫနီၪၥိၭလီၫ.- ပမိလ့ၩခၫ့ဂၬဆၧ အီၪလၧပစူၪဝဲၩ လၧယဟိဝၩအမ့ၬယၫ, လၧခးကၫန အၫ့အဖၧၩ့ ဘဲၫၥိၭပန့ဘၪဆၧန့ၥၫ လၧယီၫဒၫ့အယီၩ လခီၫမိကဲၪထၪ့ပဆၧလီၫ.
33တၭစမိစ့ၭဖ့ၪလၫ့ၦဂၭဖိၪ, ဒဲၦရုဘံၫ့ဖိၪ,ဒဲစယိၥၭအ ဖိၪခွၫစမနၭစ့ၫလခီၫဒီၪ့နီၪ လၧၦအၫမိၫဖိၪ အစဎွၩစဲ ဟၫ့အဘၩ့အမုး, ဒဲဘၫၡၫ့အစဎွၩအီၭ အဘၩ့အမုး အထံၫၥံၪခးၥံၪ ဒဲအဒိၩ့လဖၪ လၧအနဲၩ့ထံၭ, ဒိၩ့လဖၪ လၧခးဖၧၩ့ဝၬဖီၩ့ဝ့ၫလီၫ.
34တၭၦဂၭဖိၪလဖၪ မၩကဲၪထၪ့ဒဲၫဘၫ့, ဒဲအၭတရီၭ, 35ဒဲအရိအၧၫ, ဒဲအၭရီၭ, ဒဲၡိဖၫ့, ဒဲယၫဇၧၫ, ဒဲယီၭဘံၫ 36အၫ,- ဒဲဘ့ၭၥနံၫ့မၫ ဒဲဘ့ၭၥဟၫရၫ့, ဒိၩ့လဖၪအီၪလၧ အခိၪဒၧၩ့တၭ, မၩဖီၩ့လဖၪ လၧၥိၪဒဲဘ့ၪအဂးလီၫ.
37ၦရုဘံၫ့ဖိၪလဖၪ မၩကဲၪထၪ့ဟ့ၭၡဘၫ့, ဒဲအ့ၫလအ့ 38လၫ, ဒဲကၧယၭၥ့အံၫ့,- ဒဲနံဘိၫ, ဒဲဘၫအလၭမံအၫ့, (အ ဝ့ၫၥံၪအမံၩ့အၪ့လဲၩအၥၭ) ဒဲၡံတမၫလီၫ. တၭဒိၩ့လၧ အမၩကဲၪထၪ့ဝ့ၫနီၪ ကိၭဝ့ၫအမံၩ့လၧအဂူၫဂၩ လဖၪ နီၪလီၫ.
39စမနၭစ့ၫအဖိၪခွၫစမၫခၧၫအဖိၪလဖၪ လ့ၩဝ့ၫလၧဂံ လအၭတၭ, မၩန့ဝ့ၫဒဲနၫ့ထၪ့ခွံၬ ၦအၫမိၫဖိၪလၧအအီၪ 40လၧအဖၧၩ့လီၫ.- တၭစမိစ့ၭဖ့ၪလၫ့ဂံလအၭ လၧမနၭ စ့ၫအဖိၪခွၫစမၫခၧၫတၭ, အဝ့ၫဒၪအီၪဝ့ၫ လၧအဖၧၩ့ 41လီၫ.- စမနၭစ့ၫအဖိၪခွၫ စယၫအၧၫလ့ၩမၩန့တဝၫ့လ 42ဖၪတၭ, ကိၭအမံၩ့လၧဟၫဝီၭယၫအၧၫလီၫ.- စနိဘၫ လ့ၩမၩန့ကံနၭ, ဒဲအတဝၫ့လဖၪတၭ, ကိၭအမံၩ့လၧနိ ဘၫဘဲၫအမံၩ့ဒၪဝ့ၫ အၥိၭနီၪလီၫ.
Currently Selected:
၄ မိ 32: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
