၄ မိ 23
23
23
1တၭစဘၫလၫ့စံၭစဘၫလၭ, မၩထၪ့န့ယၧၩလၧဆၧ လုလးနွ့ၫဖျိၪ့တၭတဲၩ့ဝဲၩန့ယၧၩ လၧချီဖၫနွ့ၫဒုၩ, ဒဲၥိၪ 2ဖၫနွ့ၫဒုၩထီးယီၩဆံၭ.- စဘၫလၭမၩဝ့ၫဘဲၫစဘၫလၫ့ ချဲၩ့ဆၧအၥိၭနီၪတၭ, စဘၫလၭဒဲစဘၫလၫ့လုထၪ့ချီ ဖၫလဒုၩ, ဒဲၥိၪဖၫလဒုၩလၧဆၧလုလး လဖျိၪ့ဘၪလ 3ဖျိၪ့အဖၫ့ခိၪလီၫ.- တၭစဘၫလၫ့စံၭစဘၫလၭ, ဆၧၫ့ ထုၪ့လၧနဆၧလုမ့ၪအနဲၩ့ထံၭတၭ, ယမိလ့ၩဆၧလီၫ. ဘၪလဘၪယဟိဝၩ မိဂဲၫဒၪလိၬလၧယၧၩတၭ, ဆၧလၧ အဒုၭနဲၪယၧၩနီၪ ယမိလီၩဘၪနၧၩလီၫ. တၭအဝ့ၫ 4လ့ၩထၪ့ဝ့ၫလၧဆၧစီၩ့ခိၪလီၫ.- ယွၩဒၪလိၬလၧစဘၫ လၫ့တၭ, အဝ့ၫဒၪစံၭဝ့ၫ, ယတဲၩ့ဝဲၩယူၭဆၧလုလးနွ့ၫ ဖျိၪ့တၭ, ယလုထၪ့ယူၭချီဖၫလဒုၩ, ဒဲၥိၪဖၫလဒုၩလၧ ဆၧလုလးလဖျိၪ့ဘၪလဖျိၪ့ အဖၫ့ခိၪဆုၬဆုၬယူၭ.
5ယဟိဝၩအီၪက့ၪဆၧချဲၩ့လထံၪ လၧဘၫလၫ့အနိၭ တၭ, စံၭဝ့ၫဒၪ, ထဲၩ့ထဲၩ့လၧစဘၫလၭ အအီၪဆံၭး 6တၭနမိဘၪချဲၩ့ဆၧဘဲၫယီၩ,- မွဲအထဲၩ့ထဲၩ့ဝ့ၫလၧအ အီၪတၭ, ယိခွါ, အဝ့ၫနီၪဆၧၫ့ထုၪ့ လၧအဆၧလုမ့ၪအ နဲၩ့ထံၭ, အဝ့ၫဒၪနီၪ, ဒဲမိအၭအၦဒိၪထီးအလူၬလီၫ.အ 7ဝ့ၫဒၪထုၭထၪ့အဆၧချဲၩ့ဒီၩ့တၭ, စံၭဝ့ၫဒၪ,- လၧအၫ ရမၫ့နီၪမိအၭအစဎွၩဘၫလၭ ကိၭန့ယၧၩလၧခိၪလီၩ့လၧမုထၪ့လခီၫ, စံၭ, ဂဲၫဘီၪ, ဆိၪအၧၩ့ယၫကူၭလၧယဂး ဒဲဂဲၫချဲၩ့ၥၭမဲၪအံၫစရ့လၭဆံၭ.
8ၦၡၩလၧယွၩလဆိၪအၧၩ့ဘၪနီၪ, မွဲယမိဆိၪအၧၩ့ ဘဲၫၥ့ၪလဲၪၬ တၭၦၡၩလၧယဟိဝၩ လချဲၩ့ၥၭမဲၪဘၪ 9နီၪ,ယမိချဲၩ့ၥၭမဲၪဘဲၫၥ့ၪလဲၪၬ အဂဲးဘဲၫယီၩ လၧခိၪ လီၩ့ခိၪယဒၪဘၪအဝ့ၫနီၪ, ဒဲလၧဆၧစီၩ့ခိၪယယိဝ့ၫ, ယိခွါ, ၦခမျၧးမိအီၪဝ့ၫလၩ့မဲၩဒၪဆၧ, တၭဆၧဝံထၪ့နၬထၪ့အဝ့ၫၥံၪ လၧၦဆၨၩလဖၪအကျၩ 10အ့ၬ.- မွဲပလၫဝံထၪ့နၬထၪ့ယၫကူၭအမုၬ မိၥ့ၪလဂၩ လဲၪၬ ဒဲအံၫစရ့လၭလံပိၩ့လပိၩ့ အဆၧဝံထၪ့နၬထၪ့ နီၪလဲၪၬ မွဲယၥံၫလါ ဘဲၫၦတီၩၦလီၩ့ၥံၫဝ့ၫ အၥိၭနီၪ ဆံၭ. တၭယမုနံၩထုၬနီၪ, မွဲအမၩလါအၥၭဘဲၫအဝ့ၫဒၪအ ၥိၭဆံၭ.
11တၭစဘၫလၭစံၭစဘၫလၫ့, နမၩယၧၩဘဲၫၥ့ၪလဲၪး ယမၩန့နၧၩ ဘဲၫၥိၭနမိဆိၪအၧၩ့ ယဒုၪယဒၩတၭ, ယိ 12ခွါ, နဆိၪဂ့ၩဝ့ၫတၡါလီၫ.- အဝ့ၫဒၪချဲၩ့ဆၧၫ့တၭ, စံၭ ဝ့ၫ, ဆၧလၧယဟိဝၩအီၪက့ၪလၧယနိၭနီၪ ယဘၪထီး လၩ့ယၥၭတၭ, ချဲၩ့ဆၧနီၪ, မွဲအ့ၬဧၪ.
စဘၫလၫ့ချဲၩ့ဆၧလၧမီၪအချိၬ နံၫဘျၩ့လဘျၩ့
13တၭစဘၫလၭစံၭဝ့ၫဂဲၫလါလၧယၥိၭ လၧဆၧအလး လစီၪ့ဒၪထီးနမိဒၪဘၪနဝ့ၫဆံၭ. နမိဒၪဘၪန့ၫအဆၧ အထုၬတၭ, နမိဒၪဘၪနဝ့ၫထီးအလူၬအ့ၬ. တၭဆိၪအၧၩ့ 14အဝ့ၫၥံၪလၧယဂးထီးနီၪဆံၭ.- တၭမွဲအဂဲၫဆိၬဝ့ၫလၧ ဆၧပျၩ့ဇိဖံၫ့အဖၧၩ့, လၧပံစဂၫအဒၩ့ခိၪတၭ, မၩထၪ့ဆၧ လုလးနွ့ၫဖျိၪ့တၭ, လုထၪ့ချီဖၫလဒုၩ, ဒဲၥိၪဖၫလဒုၩလၧ 15ဆၧလုလးလဖျိၪ့ဘၪလဖျိၪ့အဖၫ့ခိၪလီၫ.- တၭအဝ့ၫစံၭ စဘၫလၭ, ဆၧၫ့ထုၪ့ထီးယီၩ လၧနဆၧလုမ့ၪအနဲၩ့ထံၭ ဆံၭ. တၭယဝ့ၫဒၪယီၩ ယမိလ့ၩထၪ့ဒၪလိၬဆၧ ထီး 16နီၪလီၫ.- ယဟိဝၩဂဲၫထၪ့ဒၪလိၬ လၧစဘၫလၫ့တၭ,အီၪ က့ၪဆၧချဲၩ့လထံၪ လၧအနိၭတၭ စံၭဝ့ၫ, ထဲၩ့ဒီၭလၧ 17စဘၫလၭအအီၪတၭ စံၭဝ့ၫဘဲၫယီၩ,- ထီးအဂဲၫထဲၩ့ ဝ့ၫလၧအအီၪတၭ, ယိခွါ အဝ့ၫဒၪဆၧၫ့ထုၪ့လၧဆၧလု မ့ၪအနဲၩ့ထံၭ ဒဲမိအၭအၦဒိၪလဖၪ အီၪလၧအၥိၭလီၫ. တၭစဘၫလၭ စံၭဝ့ၫ, ယဟိဝၩ ချဲၩ့ဆၧဘဲၫၥ့ၪလဲၪ. 18တၭအဝ့ၫဒၪထုၭထၪ့ အဆၧချဲၩ့ဒီၩ့တၭ, စံၭဝ့ၫဒၪ, ဂဲထုၪ့စဘၫလၭဧ့, တၭခိၭနၪဘီၪ, 19ခိၭနၪယလူ, စဇံၭဖီၫအဖိၪခွၫဧ့, ယွၩမွဲၦၡၩလၧအချဲၩ့ဘျံၭချဲၩ့ဘျၪဆၧအ့ၬး တၭမွဲၦၡၩဖိၪလၧအမိနၪ့ထၪ့နီၫ့ယါလၩ့ထဲၩ့အၥၭဆ့ အ့ၬ. အ့ၪစံၭဆၧလမံၩ့နီၪ, မွဲအမၩဘၪအ့ၬဧၪ. အ့ၪချဲၩ့ဆၧတၭ, မွဲအမၩဂုးမၩခၧၫ့အ့ၬဧၪ. 20ယိခွါယဒိၭန့ဆၧလၧယဘၪဆိၪဂ့ၩဆၧတၭ, အဝ့ၫဒၪ ဆိၪဂ့ၩဝ့ၫနီၪ, တၭယမၩကဒၩထဲၩ့ၥ့ၪအ့ၬ. 21မွဲအဒၪဘၪဆၧအၧၩ့လၧယၫကူၭအဖၧၩ့အ့ၬ, ဒဲဒၪအဆၧမၩအၧၩ့လၧအံၫစရ့လၭအဖၧၩ့အ့ၬး ယဟိဝၩအီၪလၧအၥိၭလီၫ. တၭဆၧကိၭၡၭၥၭထိၬဘၪဆဲၫ့ လၧစဎွၩအီၪ လၧအဝ့ၫ ၥံၪအကျၩ, 22ယွၩဒုၭစဲၪ့ထၪ့ခွံၬဝ့ၫလၧအံဇံၭအဖၧၩ့, မွဲအအီၪလၧအဂဲးဆီၪ့ဘၭဆီၪ့ ဘဲၫဆၧဒိၪအၥိၭလီၫ.
23မွဲမၬဆၧလီးဆၧဘွဲၩ လၧအမိထၫ့ဒၩဘၪယၫကူၭ လအီၪဘၪ, ဒဲဆၧအူၪဆၧပီၩ လၧအမိဘၪအံၫစရ့လၭ လအီၪဘၪနီၪး ဘဲၫအယီၩအၥိၭ, ၦၡၩမိစံၭလၧယၫ ကူၭအဂဲး, ဒဲလၧအံၫစရ့လၭအဂဲးနီၪး မွဲယွၩမၩယူၭ လၧဆၧနီၪလမံၩ့လဲၪၬ
24ယိခွါ, ၦခမျၧးမိဂဲထုၪ့ဘဲၫဆၬလၥၧၫ့ဖၭဒိၪအၥိၭ တၭ,ဘဲၫဆၬလၥၧၫ့ၥၭဘၪ့အၥိၭနီၪ မိဂဲထုၪ့ထၪ့လီၫ. ဘိၩ့အလချႃၭအၪ့ဒံၭဘၪ ဆၧအၪ့ဂူၬန့လချႃၭအီၩဒံၭ ဘၪဆၧမၩၥံၫအၥွံၪနီၪ, မံၫနၩ့ဘၪအ့ၬ.
25တၭစဘၫလၭ စံၭစဘၫလၫ့, ဆိၪအၧၩ့ဝ့ၫဧီၪ, ဆိၪ အၧၩ့လဂ့ၩ, ဆိၪဂ့ၩဝ့ၫဧီၪ, ဆိၪဂ့ၩလဂ့ၩ.
26စဘၫလၫ့ချဲၩ့ဆၧၫ့ဆၧတၭ, စံၭစဘၫလၭ, ဆၧလၧ ယဟိဝၩချဲၩ့ဆၧထီးအလူၬ ယဘၪမၩနီၪ, ယလီၩဘၪ နၧၩမွဲအ့ၬဧၪ.
စဘၫလၫ့ချဲၩ့ဆၧလၧမီၪအချိၬ ၥၧၫ့ဘျၩ့လဘျၩ့.
27တၭစဘၫလၭစံၭစဘၫလၫ့, ဂဲၫလါဘီၪ, ယမိၥိၫ့ ထၪ့နၧၩ လၧအလးအဂူၫဂၩလစီၪ့, ဘၪလဘၪမိဘၪ ယွၩအၥၭလၧနမိဆိၪအၧၩ့ ဘၪအဝ့ၫၥံၪထီးနီၪလၧယ ဂးလီၫ.
28တၭစဘၫလၭလ့ၩၥိၫ့ထၪ့ စဘၫလၫ့လၧပံအီၫအဒၩ့ 29ခိၪလၧအဆဲၫဎၩ့ လၧယ့ၭၡမၧၫ့နီၪလီၫ.- တၭစဘၫ လၫ့စံၭစဘၫလၭ, မၩထၪ့န့ယၧၩ ဆၧလုလးနွ့ၫဖျိၪ့ တၭ, တဲၩ့ဝဲၩန့ယၧၩချီဖၫနွ့ၫဒုၩ, ဒဲၥိၪဖၫနွ့ၫဒုၩ ထီး ယီၩဆံၭ.
30စဘၫလၭမၩဝ့ၫဘဲၫစဘၫလၫ့ စံၭဝ့ၫအၥိၭနီၪတၭ, လုထၪ့ချီဖၫလဒုၩ, ဒဲၥိၪဖၫလဒုၩ. လၧဆၧလုလးလ ဖျိၪ့ဘၪလဖျိၪ့ အဖၫ့ခိၪဆုၬဆုၬလီၫ.
Currently Selected:
၄ မိ 23: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
