၄ မိ 12
12
12
နးမံရအၫ့ဘၪဆၧစ့ၩရၫ့ဝ့ၫ.
1တၭနမံရအၫ့ ဒဲစအၫရၧၫ့ချဲၩ့ထၫ့ဒုၪဒၩစမိစ့ၭလၧ ၦကုၡၫမုၪလၧအန့မၫ လၧအဝ့ၫအဂဲးအကၠီၪ့လီၫ. အ ဂဲးဘဲၫယီၩ အဝ့ၫဒၪန့ဘၪအမၫ လၧကုၡၫမုၪလဂၩနီၪ 2လီၫ.- တၭအဝ့ၫၥံၪစံၭဝ့ၫ, ယဟိဝၩချဲၩ့ဆၧန့ၫလၧစမိ စ့ၭလဂၩဎးဧၪ, မွဲအချဲၩ့ဆၧလၧပၧၩဆ့မွဲအ့ၬဧၪ. တၭ 3ယဟိဝၩနါဂၧၫ့ဝ့ၫဒၪလီၫ.- (တၭစမိစ့ၭလဂၩနီၪအၥၭ ဆၧၩ့နဲၪ့ကယဲၦၡၩ လၧဂၪ့ခိၪချိၫ့ ထီးအလူၬလီၫ.) 4တၭယဟိဝၩစံၭစမိစ့ၭချဲၫ့ချံၭ, ဒဲစအၫရၧၫ့ဒဲနးမံရအၫ့ နီၪ, ဂဲၫထၪ့ခွံၬနၥံၪဝ့ၫၥၧၫ့ဂၩ လၧဆၧအီၪကီၪ့အတဲၩ ဆံၫ့ဎံၪဆံၭ. တၭအဝ့ၫၥံၪၥၧၫ့ဂၩနီၪ ဂဲၫထၪ့လၧခီၫ့ 5လီၫ.- ယဟိဝၩဂဲၫလၩ့ လၧဆၧအုၪ့အထုၪ့ဖၧၩ့တၭ, ဆၧၫ့ထုၪ့လၧတဲၩဆံၫ့ဎံၪအတရၫ့တၭ, ကိၭန့စအၫရၧၫ့ ဒဲနးမံရအၫ့တၭ, အဝ့ၫၥံၪလ့ၩထၪ့ဝ့ၫနံၫဂၩလူၬလီၫ. 6အဝ့ၫဒၪစံၭ, ခိၭနၪယလူဆံၭ. မီၪအ့ၪအီၪလၧနၥံၪအ ကျၩလဂၩတၭ, ယၧၩယဟိဝၩယီၩ ယမိဒုၭၥ့ၪယၫဝ့ၫ လၧယနၫ့ဆါဒၪယဝ့ၫအဂဲးအကၠီၪ့ လၧဆၧဒၪဆၧလၧ ယၫလခီၫ, ဒဲယမိချဲၩ့ဆၧလၧအဝ့ၫဒၪ လၧဆၧမံၫမးအ 7ဖၧၩ့လီၫ.- ယခ့ၫယၡၩစမိစ့ၭမွဲဘဲၫနီၪၥိၭအ့ၬး မွဲၦလၧ 8အလူတီၩ လၧယဂံၪ့ဖၧၩ့ထၧၫ့ဖျိၪ့ယၫလီၫ.- ယမိချဲၩ့ ဆၧလၧအဝ့ၫနိၭခီၫနိၭ, လၧဆၧအီၪဖျီၪ, လၧဆၧချဲၩ့ ဒီၩ့မွဲအ့ၬ. တၭဆၧလၩ့ဂၬ ယဟိဝၩအခံးအဂၩ့နီၪမိ ဒၪဘၪဝ့ၫလီၫ. မၩအၥၭဘဲၫနီၪတၭ, နၥံၪချဲၩ့ထၫ့ဒုၪ ဒၩယခ့ၫယၡၩ စမိစ့ၭနီၪ, မွဲဘၪနီၪနၥံၪလၥၭမဲၪဘၪ 9လဲၪ.- တၭယဟိဝၩအၥၭထၪ့ခဲၩထၪ့ဘၪဝ့ၫတၭ, စဲၪ့ 10ထၪ့ခွံၬဝ့ၫဒၪလီၫ.- ဆၧအုၪ့နီၪစဲၪ့ထၪ့ခွံၬလၧတဲၩဆံၫ့ ဎံၪအဖၫ့ခိၪတၭ, ယိခွါ, နးမံရအၫ့ဘၪဆၧခံၫထူၬဆၫ အၧၩ့ဘွၩဘဲၫမူၭခိၪဖီၫအၥိၭနီၪလီၫ. စအၫရၧၫ့ယိနး မံရအၫ့တၭ, ယိခွါ, ဘၪဆၧခံၫထူၬ ဆၫအၧၩ့လီၫ. 11တၭစအၫရၧၫ့စံၭစမိစ့ၭ, အၩလါၬ ယကဆါဧ့,ဆၧ လၧပမၩဘဲၫၦဂီၩ့ဖိၪအၥိၭတၭ, ပမၩမၪဆၧနီၪ, မွဲန 12ထီးအီၪက့ၪလါဆၧဒဲၩဘၭလၧပလီၩ့လဂ့ၩ,- မွဲအဝ့ၫ ဒၪထီးမၩလါအၥၭဘဲၫၦၥံၫ လၧအဂဲၫထၪ့လၧအမိအ ဒၧၩ့လးဖၧၩ့နီၪ အယၪမိဘၪ ဆၧအၪ့ခွံၬဝ့ၫ လခီၫအ 13ၥိၭနီၪလဂ့ၩ.- စမိစ့ၭကိၭထၪ့လၧယဟိဝၩတၭ, စံၭ 14ဝ့ၫဒၪ,ယွၩဧ့, မၩဘျၪထဲၩ့လါအဝ့ၫဒၪဆံၭ,- ယဟိဝၩ စံၭစမိစ့ၭ, မွဲန့ၫအဖါအ့ၪထိၪဖျံၭအမ့ၬတၭ, အမ့ၬမိမဲ နွ့ၫနံၩမွဲအ့ၬဧၪ. မွဲအဘၪဆၧအီၪက့ၪလၩ့ဖၭဝ့ၫ လၧ ၦၥုၪ့တဲၩအလး လၧခီၫ့နွ့ၫနံၩဆံၭ. လၧခဲၫ့ထဲၩ့တၭ, မိဘၪဆၧထိးဆၧၫ့ထဲၩ့ဒီၭလီၫ.
15တၭနးမံရအၫ့ဘၪဆၧဒုၭအီၪလၩ့ဖၭဝ့ၫ လၧၦၥုၪ့ တဲၩအလး လၧခီၫ့နွ့ၫနံၩလီၫ. တၭဆၧလချႃၭထိး ဆၧၫ့ထဲၩ့ဒံၭဘၪနးမံရအၫ့နီၪ, ၦခမျၧးလ့ၩဆၧအ့ၬ. 16လၧခဲၫ့ထဲၩ့တၭ ၦခမျၧးစဲၪ့ထၪ့ဝ့ၫ လၧဟၫဇရီၭတၭၥုၪ့ အတဲၩလၧၡါမုနၧၫ့ဖၫပၫရၫ့လီၫ.
Currently Selected:
၄ မိ 12: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
