မဲ 3
3
3
မီၪမဲကၫအီၪက့ၪဆၧမၪ လၧအံၫစရ့လၭအခိၪအနါလဖၪ.
1တၭယစံၭ,စယၫကူၭအခိၪၥံၪဧ့, အံၫစရ့လၭအၡၩ စ့ၩရၫ့ဆၧၥံၪဧ့, ခိၭနၪလါဆံၭ. ၥ့ၪယၫဆၧစ့ၩရၫ့တီၩ 2နီၪကြၨၭအီၪလၧနၥံၪအၥိၭ, မွဲအ့ၬဧၪ.- အ့ၪမွဲနၥံၪဝ့ၫ မွဲၦၥၭဂဲၫ့ဆၧဂ့ၩတၭ, အဲၪဒိၭဆၧအၧၩ့လီၫ. ဘျူၭ လၩ့ခွံၬအဖံၭလၧအလီၩ့ ဒဲၡၫ့ခွံၬအယၪလၧအဎွံၪၥံၪ 3အလီၩ့လီၫ.- ဒဲအၪ့ယၡၩခမျၧးအယၪဒဲဘျူၭလၩ့ခွံၬ အဖံၭလၧအလီၩ့, ဒဲမၩခါအဎွံၪဒဲဖ့ၬလၩ့ဘျ့ၭအဝ့ၫၥံၪ ဘဲၫလၧဖၧၩ့အဂးအၥိၭ, ဒဲဘဲၫဆၧယၪလၧဖၧၩ့ထၭဖၭ 4ဒိၪအၪ့ဎွံဆၧအဖၧၩ့အၥိၭနီၪလီၫ.- ထီးနီၪလဖၧၫ့အဝ့ၫ ၥံၪမိကိၭထၪ့ယဟိဝၩလါနၫ့တၭ, အဝ့ၫဒၪမိစံၭဆၧၫ့ ဝ့ၫအ့ၬ.ဆၧလၧအထီနီၪ အဝ့ၫဒၪမိအီၪက့ၪကဒုၩအ မ့ၬလၧအဝ့ၫၥံၪလၧအမၩဆၧအၧၩ့အကၠီၩ့လီၫ.
5မီၪလဖၪလၧအဒုၭမၩမၪ ယၡၩခမျၧးတၭ,လၧအ အဲၪ့ဆၧလၧအမဲၪ, ဒဲကိၭထၪ့ဆၧဘၪလိၬအိၭလိၬဘီၪၬ အ့ၪမွဲၦလၧအလဒုၭနုၬဘၪဆၧလၧ အဝ့ၫၥံၪအနိၭဖၧၩ့ နီၪ,မိတဲၩ့ဝဲၩဆၧဒုၭၥုၭ လၧအထၫ့ဒၩ အဝ့ၫၥံၪနီၪ, 6အခိးမွဲယဟိဝၩစံၭလၧအဂဲးဘဲၫယီၩလီၫ.- မၩအၥၭ ဘဲၫနီၪတၭ, နၥံၪလဒၪဘၪဆၧလၧယၫလခီၫတၭ, နၥံၪ မိအီၪလၧမုနၩတၭ, အၪ့ဖၩ့ဆၧလအီၪဘၪတၭ, နၥံၪ မိအီၪလၧဆၧခံၭလီၫ. တၭမုမိလ့ၩနုၬလၧမီၪၥံၪအဖၫ့ 7ခိၪ,ဒဲမုဆၫမိခံၭလၩ့ လၧအဖၫ့ခိၪဆ့လီၫ.- ထီးနီၪလ ဖၧၫ့ၦဒၪဆၧ လၧယၫလခီၫအမ့ၬမိမဲ,ဒဲၦအၪ့ဖၩ့ဆၧနီၪ အၥၭဘံၪဘူၪလီၫ. မွဲမၬ,မိမၩဘံၭအခၪလၬဆီၪ့လီၫ. 8အဂဲးဘဲၫယီၩဆၧစံၭဆၧၫ့ လၧယွၩနီၪအီၪအ့ၬ.- လါ နၫ့တၭ,ယဎွ့ၩလၧဆၧအစီၩ့အမၩ့ လၧယဟိဝၩအၥၭ အကၠီၩ့နီၪ, ဒဲဆၧစ့ၩရၫ့ဒဲဆၧဂဲးဆီၪ့ဘၭဆီၪ့, ဘဲၫၥိၭ ယမိဒုၭနဲၪစယၫကူၭလၧအဆၧမၪ, ဒဲအံၫစရ့လၭလၧ အဆၧဒဲၩဘၭလီၫ.
9စယၫကူၭအဂံၪ့အခိၪၥံၪဧ့, ဒဲအံၫစရ့လၭအၡၩစ့ၩ ရၫ့ဆၧၥံၪဧ့,ၦလၧအၥၭလိၪ ဆၧစ့ၩရၫ့တီၩဒဲမၩကဲၪ့ကီၪ့ 10ဆၧတီၩဆၧလီၩ့လီၫ.- ၦလၧအမၩထၪ့ဇံအိၫ့လၧဆၧ 11ၥွံၪဒဲယရုစလံၫ့လၧဆၧမၩအၧၩ့လီၫ.- အခိၪလဖၪစ့ၩ ရၫ့ဆၧလၧလၬဆီၪ့အဂး, ဒဲၦလုဆၧလဖၪၥီၪ့လိၪဆၧ လၧအလံၫ့အလဲၫအဂး, ဒဲအမီၪလဖၪအၪ့ဖၩ့ဆၧလၧ စ့ၩအဂးလီၫ. လါနၫ့တၭ, အဝ့ၫၥံၪဒိၭနဲၩ့အၥၭလၧ ယဟိဝၩတၭ, စံၭဝ့ၫဒၪ, ယဟိဝၩအီၪလၧပကျၩ,မွဲအ့ၬ 12ဧၪ. ဆၧအၧၩ့ဘၪပၧၩၥ့ၪနးမံၩ့အ့ၬ.- မၩအၥၭဘဲၫနီၪ တၭ,ၦမိထဲၫဇံအိၫ့လၧနၥံၪအကၠီၩ့ ဘဲၫဆံၬလလးအ ၥိၭ,ဒဲယရုစလံၫ့မိကဲၪထၪ့ဆၧအပိၩ့လဖၪ, ဒဲဂံၪ့အခိၪ လီၩ့နီၪဘဲၫဆၧစီၩ့ခိၪ လၧမံၩ့လၬကျၩအၥိၭလီၫ.
Currently Selected:
မဲ 3: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
