၃ မိ 26
26
26
ဆၧဆိၪဂ့ၩလဖၪလၧ ဆၧခိၭနၪဆၧအကၠီၩ့.
(၅ မိ ၇:ၥ၂-၂၄, ၂၈:ၥ-ၥ၄)
1ဆၧဂၩ့ဆၧဖၪ့မွဲဂ့ၩ, ဆၧဂၩ့စိၭဖျၩအၥၭမွဲဂ့ၩ, ထီး တဲၩ့လၧနၥံၪအဂးလဂ့ၩတၭ, ထီးဘီၩ့ထၪ့ဆၧအထုၪ့ လဂ့ၩ. ထီးအီၪက့ၪလိး အီၪလၧဆၧဂၩ့လဖၪလၧအ လီၩ့လၧနၥံၪအခးဖၧၩ့, ဘဲၫၥိၭနၥံၪမိဘၩဝ့ၫနီၪလဂ့ၩ, အဂဲးဘဲၫယီၩ ယမွဲယဟိဝၩနၥံၪအယွၩလီၫ.
2နၥံၪဘၪထီးန့ယမးၥံၫအနံၩလဖၪ, ဒဲယူၭယၪ့ယလး 3ဆံၫ့ဎံၪလီၫ. ယဝ့ၫဒၪယီၩယမွဲယဟိဝၩလီၫ.- နၥံၪ အ့ၪလ့ၩဆၧလၧယၥနိၫလဖၪအဖၧၩ့, ဒဲထီးန့ယဆၧ 4မၪလူၬၥံၪ, ဒဲမၩအဝ့ၫၥံၪတၭ,- ယမိဖ့ၪလၫ့နၥံၪလၧဆၧ ဆၧၩ့လၧအဆၧၫ့အထီဒၪဝ့ၫ, ဒဲဂၪ့ခိၪမိဖ့ၪလၫ့အဆၧ အၪထၪ့, ဒဲၥံၪ့ၥံၪဝၪၥံၪ့လၧမံၩ့လၬကျၩနီၪ အဆၧၥၪ, 5တၭနၥံၪပျၧၩ့ဘုၪနီၪ မိချႃၭန့ဆၧအၪ့ထုၫ့ကီၪ့စဘံၭၥၪ, ဒဲဆၧအၪ့ထုၫ့ကီၪ့စဘံၭၥၪနီၪ မိချႃၭန့ဆၧဎွံၪဆၧအ ဆၧၫ့အထီ, ဒဲနၥံၪမိဘျဲၩအၪ့ဆၧ, ဒဲအီၪလၧနၥံၪအခး 6ဖၧၩ့ဂုးဂုးခၧၫ့ခၧၫ့လီၫ.- ယမိအီၪက့ၪလၩ့ ဆၧဘၪလိၬ အိၭလိၬလၧထံၫၥံၪခးၥံၪအဖၧၩ့တၭ, နၥံၪမိမံၫနၩ့တၭ ၦမိမၩၥၭမဲၪၥၭဖျဲၩ့နၥံၪနးဂၩအ့ၬ. တၭယမိဒုၭစဲၪ့ထၪ့ ခွံၬဆၧဖိၪဆၧဎါအအၧၩ့ လၧနၥံၪအခးဖၧၩ့တၭ, နၭ 7ၥံၪဖၩ့ၥံၪမိလ့ၩဖျီၫ့ဘၪနၥံၪအခးအ့ၬ.- နၥံၪမိလီၩ့နၫ့ ထၪ့ခွံၬနၥံၪအဒုၪအဒၩတၭ, အဝ့ၫၥံၪမိလၩ့ထံၩဖါလၧ 8နမ့ၬယၫလၧနၥံၪအဖၩ့ၥံၪနၭၥံၪအကၠီၩ့လီၫ.- တၭယဲ ဂၩလၧနၥံၪအကျၩ မိလီၩ့နၫ့ထၪ့ခွံၬ ၦလယၩတၭ, ၦ လယၩလၧနၥံၪအကျၩမိလီၩ့နၫ့ထၪ့ခွံၬ ၦလလၬတၭ, နၥံၪအဒုၪအဒၩ မိလၩ့ထံၩဖါလၧနၥံၪအမ့ၬယၫ လၧ 9နၭၥံၪဖၩ့ၥံၪအကၠီၩ့လီၫ.- အဂဲးဘဲၫယီၩ ယမိကၠၪခွံၬယ မ့ၬလၧနၥံၪအအီၪတၭ, ယမိဒုၭၥၪထၪ့နၥံၪ, ဒဲမၩအၪ ထၪ့နၥံၪ, ဒဲဒုၭအီၪဂုးအီၪခၧၫ့ယဆၧအုၩ့လၩ့ၡီၩ့လၩ့ 10လၧနၥံၪလီၫ.- တၭနၥံၪမိအၪ့ဆၧလးလံၩ, ဒဲဂဲၫဆိၬဆၧ 11လးလံၩလၧဆၧအၥၫ့အကၠီၩ့လီၫ.- ယမိအီၪက့ၪတဲၩ 12ဆံၫ့ဎံၪလၧနၥံၪအကျၩတၭ, ယၥၭလိၪနၥံၪအ့ၬ.- တၭ ယမိလ့ၩဆၧလၧနၥံၪအကျၩ, ယမိကဲၪထၪ့နၥံၪအယွၩ 13တၭ, နၥံၪမိကဲၪထၪ့ယၡၩခမျၧးလီၫ.- ယဝ့ၫဒၪယီၩ, ယမွဲယဟိဝၩနၥံၪအယွၩ လၧအဒုၭစဲၪ့ထၪ့ခွံၬနၥံၪလၧ ခးအံဇံၭ ဘဲၫၥိၭနၥံၪ ထီးမွဲလၧၩ့ အဎီးအၡၩလဂ့ၩ တၭ, ယမၩခါယူၭနၥံၪအနိၪယိၭဘီၩ့ယူၭ, ဒဲဒုၭလ့ၩ ဆၧၫ့ထုၪ့ယူၭနၥံၪယူၭ.
ဆၧစ့ၩရၫ့ဆၧလၧ ၦလခိၭနၪဘၪဆၧအကၠီၩ့.
14အ့ၪမွဲနၥံၪအ့ၪလခိၭနၪဘၪယလူ, ဒဲလထီးန့ဘၪယ 15ဆၧမၪလူၬထီးအလူၬနီၪတၭ,- နၥံၪအ့ၪမၩကြၩ့ထမး ယၥနိၫလဖၪ, ဒဲနၥံၪၥၭလိၪယဆၧစ့ၩရၫ့ထီးနၥံၪလထီး န့ဘၪကယဲယဆၧမၪလူၬလဖၪ, ထီးနၥံၪလၨၪခၫ့ဖၬယ 16ဆၧအုၩ့လၩ့တၭ,- မွဲမၬ, ယမိမၩနၥံၪလၧဆၧယီၩ, ယမိဒုၭဘၪနၥံၪလၧဆၧၥၭမဲၩၥၭဖျဲၩ့, ဒဲဆၧဎွ့လၩ့, ဒဲ ဆၧဆူၪဂိၬခိလၧအမိမၩလူၬခွံၬနၥံၪအမ့ၬၥၪၥံၪ, ဒဲဒုၭ အီၪထၪ့ဆၧၥုၪ့အုၭၥၭအုၭတၭ, နၥံၪမိဎွံၪဆၧချံၫပျီၩ ပျီၩ, အဂဲးဘဲၫယီၩ နၥံၪအဒုၪအဒၩမိအၪ့ခွံၬဝ့ၫလီၫ. 17ယမိအီၪက့ၪထၫ့ဒၩယမ့ၬ လၧနၥံၪအလီၩ့တၭ, နၥံၪ မိဘၪဆၧမၩၥံၫနၥံၪ လၧနၥံၪအဒုၪအဒၩအမ့ၬယၫလီၫ. ၦလၧအၥၭဂဲၫ့နၥံၪမိပၧၩ့နၥံၪလီၫ. ထီးၦၡၩလလီၩ့ဆီး ဘၪနၥံၪနးဂၩလါနၫ့တၭ, နၥံၪမိစဲၪ့ဖျိၭလီၫ.
18လၧဆၧနီၪလဖၪအကၠီၩ့ နၥံၪအ့ၪလခိၭနၪဘၪယလူ တၭ,ယမိအၪ့ၥီၪ့ဒံၭနၥံၪ လၧနၥံၪအဆၧဒဲၩဘၭအကၠီၩ့ 19နွ့ၫဘျၩ့ဒံၭလီၫ.- တၭယမိမၩခါလၩ့ခွံၬနၥံၪအစီၩ့အ မၩ့အဆၧထၪ့ထီၫ, ဒဲအီၪက့ၪနၥံၪအမူၭခိၪဘဲၫထၭအ 20ၥိၭ,နၥံၪအဂၪ့ခိၪဘဲၫထီးဝီၩအၥိၭနီၪလီၫ.- တၭနၥံၪ မိလူၬဂဲးလူၬဘၭပျီၩပျီၩလီၫ. အဂဲးဘဲၫယီၩ ဂၪ့ခိၪဖ့ၪ ဘၪအဆၧအၪထၪ့အ့ၬ. ဒဲၥံၪ့ၥံၪဝၪၥံၪလၧဂၪ့ခိၪနီၪမိ ၥၪထၪ့အဆၧၥၪဆ့အ့ၬ.
21နၥံၪအ့ၪလ့ၩဆၧထၫ့ဒုၪဒၩယၧၩ, ဒဲလခိၭနၪဘၪယ လူတၭ, ယမိဒုၭဂဲၫထၪ့ဒံၭ ဆၧနၭဆၧၡၪ့နွ့ၫဘျၩ့ဒံၭ လၧနၥံၪအလီၩ့ ဘဲၫနၥံၪအဆၧဒဲၩဘၭအီၪဝ့ၫအၥိၭနီၪ 22လီၫ.- ယမိအၪ့မၧၫ့လၩ့ဆၧဖိၪဆၧဎါအမံၩ့ လၧနၥံၪ အကျၩ လၧအမိမၩန့ဆီၪ့နၥံၪအဖိၪအလံၩ, ဒဲမၩဂၭ ဂီၩ့နၥံၪအဆၧဖိၪဆၧဎါအဒိၩ့, ဒဲမၩလၩ့ၡၩနၥံၪတၭ, နၥံၪအဖၧၩ့ၥုၪ့ဖၧၩ့ၥၭမိအီၪယူဝ့ၫလီၫ.
23နၥံၪအ့ၪလကၠၪလီၩ့ထဲၩ့ဘၪနၥံၪအၥၭ လၧဆၧနီၪ လဖၪအကၠီၩ့, ဒဲလ့ၩဆၧထၫ့ဒုၪဒၩယၧၩတၭ, ယမိ 24လ့ၩဆၧထၫ့ဒုၪဒၩနၥံၪ,- ဒဲအၪ့ၥီၪ့ဒံၭနၥံၪလၧနၥံၪအ 25ဆၧဒဲၩဘၭအကၠီၩ့နွ့ၫဘျၩ့ဒံၭလီၫ.- တၭယမိဒုၭလ့ၩ နုၬနၭလၧနၥံၪအကျၩ, လၧအမိမၩအၧၩ့ဆၧၫ့ဆၧလၧ ယဆၧအုၩ့လၩ့အကၠီၩ့လီၫ. ထီးနၥံၪအီၪကိၩ့အီၪကီၪ့ လၧနၥံၪအဒိၩ့လဖၪအဖၧၩ့တၭ, ယမိအၪ့မၧၫ့လၩ့ဆၧ ၥံၫချဲၫ့လၧနၥံၪအကျၩလီၫ. တၭဆၧမိဖ့ၪလၫ့ခွံၬနၥံၪ 26လၧနၥံၪအဒုၪအဒၩအစူၪဖၧၩ့လီၫ.- ထီးယမၩခါနၥံၪ အကိၪအနိၪထိၭဘီၩ့တၭ, ၦမုၪဆံၫဂၩမိအၪ့ဎူကိၪလၧ ဖံၫ့ချၪဖၧၩ့ လဖၧၫ့ဎးတၭ, ၦမိဖ့ၪလၫ့နၥံၪအကိၪလၧ အခံၫ့ဝ့ၫတၭ, နၥံၪမိအၪ့ဘၪတၭ, ဘျဲၩအၪ့အ့ၬ.
27တၭလၧဆၧထီးအလူၬအကၠီၩ့နီၪ နၥံၪအ့ၪလခိၭနၪ 28ဒံၭဘၪယလူ, အ့ၪမွဲလ့ၩဆၧထၫ့ဒုၪဒၩယၧၩတၭး- ယ မိလ့ၩထၫ့ဒုၪဒၩနၥံၪဆ့, လၧဆၧၥၭထၪ့ဆီၪ့တၭ, ယ မိအၪ့ၥီၪ့နၥံၪ, ယဝ့ၫဒၪလဂၩယမိအၪ့ၥီၪ့နၥံၪလၧနၥံၪ 29အဆၧဒဲၩဘၭအကၠီၩ့နွ့ၫဘျၩ့လီၫ.- တၭနၥံၪအဖိၪခွၫ လဖၪအယၪ, ဒဲနၥံၪအဖိၪမုၪလဖၪအယၪနီၪနၥံၪမိအၪ့ 30ဝ့ၫလီၫ.- တၭယမိမၩဂၭဂီၩ့နၥံၪအလးထၪ့ထီၫ,ဒဲယ မိခူၬလၩ့ခွံၬနၥံၪအဆၧဂၩ့လဖၪ, ဒဲယမိခွံၬၡိၭခွံၬနၥံၪ 31အစွၪလၧနၥံၪအဆၧဂၩ့မိၡါအဖၫ့ခိၪ, ဒဲယမိၥၭလိၪန ၥံၪလီၫ. တၭယမိမၩအီၪယူနၥံၪအဒိၩ့လဖၪ, ဒဲမၩဂၭ ဂီၩ့နၥံၪအလးဆံၫ့ဎံၪတၭ, ယမိနၧၫ့နၥံၪ အဆၧနၧၫ့ 32မၧၫ့မုၬနီၪဆ့အ့ၬ.- ယမိမၩအီၪယူထံၫၥံၪခးၥံၪတၭ, နၥံၪအဒုၪအဒၩလၧအအီၪ လၧအဖၧၩ့နီၪမိအီၪက့ၪအ 33ၥၭထီၫမံၫထီၫမၪလီၫ.- ယမိဎွံၪနၥံၪလၧၦဆၨၩဂူၫဂၩ အကျၩတၭ, ယမိထုၭထၪ့နၭလဘံၪ့ လၧနၥံၪအလးခဲၫ့ တၭ, နၥံၪအခးမိအီၪယူ, ဒဲနၥံၪအဒိၩ့လဖၪ မိဂၭဂီၩ့ 34လီၫ.- ထီးနီၪလဖၧၫ့ထံၫၥံၪခးၥံၪ မိမုၬလၩဝ့ၫလၧအမး ၥံၫအနံၩလဖၪ, လၧကယဲမုနံၩ လၧအအီၪယူဒဲနၥံၪမိ အီၪလၧနၥံၪအဒုၪအဒၩအခးဖၧၩ့လီၫ. ထီးနီၪလဖၧၫ့ ထံၫၥံၪခးၥံၪ, မိအီၪပွံၭ, ဒဲမုၬလၩလၧအမးၥံၫအနံၩ 35လဖၪအဖၧၩ့လီၫ.- လၧခးအီၪယူအဘိၩ့ဘၭနီၪမိအီၪ ပွံၭဝ့ၫ,လၧအလအီၪပွံၭဘၪ လၧနၥံၪမးၥံၫအနံၩလၧ နၥံၪအီၪလၧအဖၧၩ့ အဘိၩ့ဘၭနီၪအကၠီၩ့လီၫ.
36ၦလၧအအီၪလၩ့ထးလၧနၥံၪအကျၩနီၪ ယမိဒုၭလၩ့ ဘဲၩအၥၭလၧအဒုၪအဒၩအခးဖၧၩ့တၭ, ၥံၪ့လၪဝၭအ ၥီၫမိလီၩ့နၫ့ထၪ့ခွံၬဝ့ၫတၭ, အဝ့ၫၥံၪမိစဲၪ့ဖျိၭဘဲၫလၧ အစဲၪ့ဖီၩ့နၭလဘံၪ့အၥိၭတၭ, ထီးၦလလီၩ့ဆီးဘၪနး 37ဂၩလါနၫ့နီၪ, အဝ့ၫၥံၪမိလၩ့ထံၩဖါဝ့ၫဒၪလီၫ.- ထီးၦ လလီၩ့ဆီးဘၪနးဂၩလါနၫ့တၭ, အဝ့ၫၥံၪမိလၩ့ထံၩဖါ လိၬအၥၭလဂၩလၧလဂၩအဖၫ့ခိၪ, ဘဲၫအအီၪလၧနၭ ၥံၪဖၩ့ၥံၪအမ့ၬယၫအၥိၭနီၪလီၫ. တၭနၥံၪမိဆၧၫ့ထုၪ့ 38လၧနၥံၪအဒုၪအဒၩအမ့ၬယၫ လကဲၪဘၪလီၫ.- နၥံၪ မိထီၩ့လၧဆၧဂၭဂီၩ့ဂၭစၪ လၧၦဆၨၩဂူၫဂၩလဖၪအ ကျၩတၭ, နၥံၪအဒုၪအဒၩအခးနီၪ မိအၪ့ခွံၬနၥံၪလီၫ. 39တၭၦလၧအအီၪလၩ့ထး လၧနၥံၪအကျၩလဖၪမိဎွ့လၩ့ ခွံၬလၧအဆၧဒဲၩဘၭအဖၧၩ့, လၧနၥံၪအဒုၪအဒၩအခး ဖၧၩ့, ဒဲလၧအဖါလဖၪ အဆၧဒဲၩဘၭအဖၧၩ့ဆ့, မိဎွ့ 40လၩ့ခွံၬဝ့ၫလၧအဝ့ၫလီၫ.- အဝ့ၫၥံၪအ့ၪလီၩလၩ့အဆၧ ဒဲၩဘၭ, ဒဲအဖါလဖၪအဆၧဒဲၩဘၭ, ဒဲအဆၧမၪလၧအ 41မၩမၪယၧၩ, ဒဲလၧအလ့ၩထၫ့ဒုၪဒၩယၧၩ,- ဒဲယဝ့ၫဒၪ ဆ့ယလ့ၩထၫ့ဒုၪဒၩအဝ့ၫၥံၪ ဒဲဒုၭလ့ၩဝ့ၫ လၧအဒုၪအ ဒၩအခးဖၧၩ့တၭး ထီးနီၪလဖၧၫ့ အၥၭ လၧအလဒိၭ ဘၪဆၧကူၭတရံၭ အ့ၪဆၪ့လၩ့အၥၭတၭ, ထိးဆၧၫ့ 42အဆၧစ့ၩရၫ့လၧအလၩ့ဘၪဝ့ၫနီၪ,- ထီးနီၪလဖၧၫ့ယ မိနၪ့ထၪ့ထဲၩ့ယဆၧအုၩ့လၩ့ လၧစယၫကူၭ ဒဲယဆၧ အုၩ့လၩ့လၧစအံစၭဆ့, ဒဲယဆၧအုၩ့လၩ့ လၧစအၫ ဘြဟၫ့ဆ့တၭ, ယမိနၪ့ထၪ့ထဲၩ့ဝ့ၫ, ဒဲယမိနၪ့ထၪ့ထဲၩ့ ထံၫၥံၪခးၥံၪဆ့လီၫ.
43ထံၫၥံၪခးၥံၪမိဂၭဖျ့ၭခွံၬ လၧအဝ့ၫၥံၪအစူၪဖၧၩ့ဒဲမိ မုၬလၩဆၧလၧအမးၥံၫအနံၩလဖၪအဖၧၩ့, လၧအအီၪ ယူဝ့ၫထီးအဝ့ၫၥံၪလအီၪဘၪနီၪတၭ, အဝ့ၫၥံၪဘၪထိး ဆၧၫ့ဆၧစ့ၩရၫ့လီၫ. အဂဲးဘဲၫယီၩ အဝ့ၫၥံၪဒၪလ့ၬမၩ ကြၩ့ထမး ယဆၧစ့ၩရၫ့လဖၪ, ဒဲအီၪက့ၪၥၭလိၪယ 44ၥနိၫလဖၪလီၫ.- မွဲလါနၫ့ထီးအအီၪ လၧအဒုၪအဒၩ အခးဖၧၩ့တၭ, ယခွံၬၡိၭခွံၬယဝ့ၫအ့ၬး ဒဲယမိၥၭလိၪ ဝ့ၫထီးယမိမၩဂၭဂီၩ့ဝ့ၫထီးအလူၬ, ဒဲမၩဂၭဂီၩ့ယဆၧ အုၩ့လၩ့လၧအဝ့ၫၥံၪအ့ၬ. အဂဲးဘဲၫယီၩ ယမွဲယဟိ 45ဝၩအဝ့ၫၥံၪအယွၩလီၫ.- တၭလၧအဝ့ၫၥံၪအဂးနီၪယမိ နၪ့ထၪ့ထဲၩ့အဆၨၩအထံၭ အဆၧအုၩ့လၩ့လၧယဒုၭ စဲၪ့ထၪ့ခွံၬလၧခးအံဇံၭအဖၧၩ့ လၧၦဆၨၩလဖၪအမ့ၬ ယၫဘဲၫၥိၭယမိကဲၪထၪ့အဝ့ၫၥံၪအယွၩလီၫ. ယဝ့ၫဒၪ ယီၩယမွဲယဟိဝၩလီၫ.
46အနီၪမွဲဆၧအထူၫအရူၫဒဲဆၧစ့ၩရၫ့, ဒဲဆၧၥနိၫလ ဖၪလၧယဟိဝၩအီၪက့ၪလၩ့ လၧအနၫ့ဆါဒၪဝ့ၫ,ဒဲၦ အံၫစရ့လၭဖိၪအဘိၩ့ဆၧၩ့ လၧစမိစ့ၭအစူၪဖၧၩ့လၧ ခိၪလီၩ့စဲနၫအလီၩ့လီၫ.
Currently Selected:
၃ မိ 26: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
