၃ မိ 16
16
16
ဆၧလုဆၧဖျါဆၧဒဲၩဘၭအမုနံၩ.
1ယဟိဝၩချဲၩ့ဆၧလၧစမိစ့ၭ လၧစအၫရၧၫ့အဖိၪခွၫ နံၫဂၩထီးအလုထၪ့ဆၧလၧယဟိဝၩ အမ့ၬယၫနီၪၥံၫ 2ဝ့ၫအလးခဲၫ့တၭ, ယဟိဝၩစံၭစမိစ့ၭ,- လီၩဘၪနထၧၫ့ ဖုဝဲစအၫရၧၫ့, လၧလးဆံၫ့ဎံၪအဖၧၩ့လၧကလကၫအ မ့ၬယၫ လၧဆၧယၫ့ၥၭအလး အီၪလၧတလၫအဖၫ့ခိၪ အမ့ၬယၫနီၪ, ဘဲၫၥိၭအထီးၥံၫလဂ့ၩတၭ, ထီးလ့ၩနုၬ ကိၭအဆၧၫ့အထီဒ့ၭလဂ့ၩ. အဂဲးဘဲၫယီၩ ယမိအီၪ ဖျီၪထၪ့လၧဆၧအုၪ့အဖၧၩ့ လၧဆၧယၫ့ၥၭအလးအဖၫ့ 3ခိၪနီၪလီၫ.- စအၫရၧၫ့မိဘၪလ့ၩနုၬ လၧအလးဆံၫ့ဎံၪ အဖၧၩ့ဘဲၫယီၩ, လၧချီဖၫအၥၭဘၪ့လဒုၩ လၧဆၧလု ဆၧဒဲၩဘၭအဂး, ဒဲၥိၪဖၫ လၧဆၧလုမ့ၪ အဂးလီၫ. 4မိဘၪၥိၭဆဲၫ့ဘွၩဖျ့ၫလံၬကံၭဆံၫ့ဎံၪ, ဒဲမိဘၪအီၪလၧ အဆၧဖျၪ့ခဲၫ့ဘွၩဖျ့ၫလံၬကံၭ လၧအယၪလီၩ့တၭ, မိ အီၪခဲးထူၬအယးဒံၩ့ လၧခၧၩ့ယးဘွၩဖျ့ၫလံၬကံၭ ဒဲမိ အီၪလၧခိၪခဲးဘွၩဖျ့ၫလံၬကံၭလီၫ. ဆၧလဖၪနီၪမွဲဆၧ အကီၩ့အၥိၭ ဆံၫ့ဎံၪတၭ, ဘၪၥူၫဝၭဆံၫ့အယၪ လၧ 5ထံၫတၭ, ကီၩ့ၥိၭထၪ့ဝ့ၫလီၫ.- တၭဘၪမၩန့ဘ့ၪဖိၪနံၫ ဒုၩလၧၦအံၫစရ့လၭဖိၪ အဆၧအီၪကီၪ့ လၧဆၧလု ဆၧဒဲၩဘၭအဂး, ဒဲၥိၪဖၫလဒုၩ လၧဆၧလုမ့ၪအဂးလီၫ.
6စအၫရၧၫ့ဘၪလုထၪ့အချီဖၫလဒုၩ လၧဆၧလုဆၧ ဒဲၩဘၭအဂး လၧအဂးဒၪဝ့ၫတၭ, မၩဆၧဖီၩ့ဖျ့ၭ လၧ 7အဂးဒၪဝ့ၫ, ဒဲလၧအၡၩဂံၪ့ဖိၪအဂးလီၫ.- အဝ့ၫဒၪဘၪ မၩန့ဘ့ၪနံၫဒုၩတၭ, အီၪက့ၪဝ့ၫလၧယဟိဝၩအမ့ၬယၫ 8ထီးဆၧအီၪကီၪ့အတဲၩဆံၫ့ဎံၪ အတရၫ့နီၪလီၫ.- တၭ စအၫရၧၫ့ဘၪဖၭဆၧ လၧဘ့ၪနံၫဒုၩအဂး, လမံၩ့လၧ 9ယဟိဝၩအဂး, ဒဲလမံၩ့လၧဆၧဂၭဖျ့ၭအဂး,- တၭ စအၫရၧၫ့ဘၪဂဲၫဆိၬဘ့ၪ လၧအဆၧဖၭလၩ့ဘၪဝ့ၫလၧ ယဟိဝၩအဂးလဒုၩတၭ, လုထၪ့ဝ့ၫလၧဆၧလုဆၧဒဲၩ 10ဘၭအဂးလီၫ.- အ့ၪမွဲဘ့ၪလၧဆၧဖၭလၩ့ဘၪဝ့ၫလၧ ဆၧဂၭဖျ့ၭအဂး လဒုၩနီၪမိဘၪ ဆၧအီၪက့ၪမၧၫ့ဝ့ၫ လၧယဟိဝၩအမ့ၬယၫ, ဘဲၫၥိၭအဆၧမိမၩဆၧဖီၩ့ဖျ့ၭ လၧအဝ့ၫတၭ, ဖျါခွံၬဝ့ၫလၧၡါမုနၧၫ့ဖၫ လၧဆၧဂၭဖျ့ၭ အဂးလီၫ.
11စအၫရၧၫ့ဘၪဂဲၫဆိၬ ချီဖၫလၧဆၧလုဆၧဒဲၩဘၭအ ဂးလၧအမွဲ လၧအဂးဒၪဝ့ၫလဒုၩနီၪ, ဘၪမၩဆၧဖီၩ့ဖျ့ၭ လၧအဂးဒၪဝ့ၫ, ဒဲလၧအၡၩဂံၪ့ဖိၪအဂးတၭ, မိဘၪမၩ ၥံၫချီဖၫလဒုၩ လၧဆၧလုဆၧဒဲၩဘၭအဂး လၧအဂးဒၪ 12ဝ့ၫလီၫ.- ဘၪမၩဎွ့ၩဖၧၩ့မ့ၪလၧ မ့ၪအၧၩ့ဖၭလၧအမၩန့ လၧဆၧလုလးအဖၫ့ခိၪ အီၪလၧယဟိဝၩအမ့ၬယၫတၭ အစူၪဎွ့ၩ လၧဆၧနၧၫ့မၧၫ့ဆူၭခဲၩ လၧအထီးဝ့ၫလွံၩ 13ပွံၪတၭ, ဆိၬဝ့ၫလၧကလကၫ လၧယၫလခီၫလီၫ.-တၭ ဘၪအီၪက့ၪဆၧဆူၭခဲၩနၧၫ့မၧၫ့ လၧမ့ၪအဖၫ့ခိၪ လၧ ယဟိဝၩအမ့ၬယၫ, ဘဲၫၥိၭဆၧဆူၭခဲၩနၧၫ့မၧၫ့အခူၪ မိချႃၬဘံၭဆၧယၫ့ၥၭအလး လၧအအီၪလၧဆၧအုၩ့ 14လၩ့အဖၫ့ခိၪ, ဘဲၫၥိၭအထီးၥံၫလဂ့ၩနီၪလီၫ.- ဘၪမၩ န့ချီဖၫလဒုၩအၥွံၪတၭ, ဎွံၪဝ့ၫလၧအစူၪနိၩ့လဘီၩ့လၧ ဆၧယၫ့ၥၭအလးအဖၫ့ခိၪ လၧမုထၪ့လခီၫတၭ, လၧ ဆၧယၫ့ၥၭအလး အမ့ၬယၫနီၪ ဘၪဎွံၪဆၧၥွံၪ လၧအ စူၪနိၩ့လဘီၩ့နွ့ၫဘျၩ့လီၫ.
15ဘၪမၩၥံၫဘ့ၪလၧဆၧလု ဆၧဒဲၩဘၭအဂးလၧအမွဲ လၧၦခမျၧးအဂးတၭ, ဆိၬနုၬအၥွံၪလၧကလကၫလၧ ယၫလခီၫတၭ, မၩအၥွံၪ ဘဲၫအမၩချီဖၫအၥွံၪအၥိၭ နီၪတၭ, ဎွံၪဝ့ၫလၧဆၧယၫ့ၥၭအလးအဖၫ့ခိၪ, ဒဲလၧဆၧ 16ယၫ့ၥၭအလးအမ့ၬယၫလီၫ.- တၭအဝ့ၫဒၪဘၪမၩဆၧ ဖီၩ့ဖျ့ၭလၧဆၧအလးဆံၫ့ဎံၪအဂး, လၧၦအံၫစရ့လၭ ဖိၪအဆၧလဆံၫ့ဘၪအကၠီၩ့, ဒဲလၧအဆၧမၪလၧအ ဆၧဒဲၩဘၭ ထီးအလူၬအကျၩအကၠီၩ့တၭ, မိဘၪမၩ ဘဲၫနီၪၥိၭ လၧဆၧအီၪကီၪ့အတဲၩဆံၫ့ဎံၪအဂး, လၧ အအီၪလၩ့ထးလၧအကျၩ, လၧအဆၧလဆံၫ့ဘၪအ 17ၥၭခံဖၧၩ့လီၫ.- ထီးအဝ့ၫဒၪလ့ၩနုၬဘဲၫၥိၭအမိမၩဆၧ ဖီၩ့ဖျ့ၭလၧဆၧအလးဆံၫ့ဎံၪအဖၧၩ့တၭ ၦၡၩအီၪဘၪ လၧဆၧအီၪကီၪ့အတဲၩဆံၫ့ဎံၪဖၧၩ့ နးဂၩအ့ၬ. ထီးအ မၩဆၧဖီၩ့ဖျ့ၭ လၧအဂးဒၪဝ့ၫ, ဒဲလၧအဂံၪ့ဖိၪအဂး, ဒဲလၧၦအံၫစရ့လၭအဆၧအီၪကီၪ့ ထီးအလူၬအဂးဂီၩ့ 18တၭ, ဂဲၫထဲၩ့ထၪ့ဝ့ၫလီၫ.- ဘၪဂဲၫထၪ့လၧဆၧလုလး လၧအအီၪလၧယဟိဝၩအမ့ၬယၫတၭ, မၩဆၧဖီၩ့ဖျ့ၭ လၧအဂးတၭ, ဘၪမၩန့ချီဖၫအၥွံၪ, ဒဲဘ့ၪအၥွံၪတၭ, အီၪက့ၪဝ့ၫလၧဆၧလုလးအနိၩ့လဖၪ ဝၬဖီၩ့ဝ့ၫလီၫ. 19မွဲအဘၪဎွံၪဆၧၥွံၪ လၧအဖၫ့ခိၪ လၧအစူၪနိၩ့လဘီၩ့ နွ့ၫဘျၩ့တၭ, မၩဆံၫ့ဎံၪထၪ့ဝ့ၫ, ဒဲမၩဆံၫ့ထၪ့ဝ့ၫလၧၦ အံၫစရ့လၭဖိၪ အဆၧလဆံၫ့ဘၪအကၠီၩ့နီၪလီၫ.
ဘ့ၪလၧအဆိၬခွံၬဆၧဒဲၩဘၭ.
20ထီးအမၩဆၧဖီၩ့ဖျ့ၭ လၧအလးဆံၫ့ဎံၪအဂး,ဒဲဆၧ အီၪကီၪ့အတဲၩဆံၫ့ဎံၪအဂး, ဒဲဆၧလုလးအဂး ဂီၩ့ 21တၭ,ဘၪဂဲၫဆိၬဘ့ၪလၧအမၧၫ့လဒုၩလီၫ.- တၭစအၫ ရၧၫ့ဘၪအီၪက့ၪအစူၪနံၫခီၫ လၧဘ့ၪလၧအမၧၫ့ဝ့ၫလ ဒုၩအခိၪတၭ, လီၩဘၪၦအံၫစရ့လၭဖိၪ အဆၧအၧၩ့ ဆၧၥၫ့ထီးအလူၬ, ဒဲအဆၧမၪထီးအလူၬ လၧအဆၧ ဒဲၩဘၭအဖၧၩ့တၭ, အီၪက့ၪဝ့ၫလၧဘ့ၪအခိၪ, တၭဖျါ ခွံၬဝ့ၫလၧၦအကြၨၭလဂၩအစူၪဖၧၩ့ လၧၡါမုနၧၫ့ဖၫ 22လီၫ.- ဘ့ၪလဒုၩမိဆိၬထၪ့ခွံၬ ကယဲအဆၧၥူၭဆၧမၪ လၧခးအီၪယူလဘံၪ့တၭ, မိဘၪဖျါခွံၬဘ့ၪနီၪလၧၡါမု နၧၫ့ဖၫလီၫ.
23တၭစအၫရၧၫ့ ဘၪဂဲၫနုၬ လၧဆၧအီၪကီၪ့ အတဲၩ ဆံၫ့ဎံၪအဖၧၩ့, ဒဲအကီၩ့အၥိၭဘွၩဖျ့ၫလံၬကံၭ လၧအ ကီၩ့ထၪ့ၥိၭထၪ့ထီးအလ့ၩနုၬ လၧဆၧအလးဆံၫ့ဎံၪ နီၪ ဘၪဘဲၪ့လၩ့ခွံၬဝ့ၫ, ဒဲအီၪက့ၪလၩ့ထးဝ့ၫ ထီးနီၪ 24လီၫ.- ဘၪၥူၫဝၭဆံၫ့အယၪလၧထံၫ လၧဆၧအလးဆံၫ့ ဎံၪအဖၧၩ့, ဒဲကီၩ့ထၪ့ၥိၭထၪ့အကီၩ့အၥိၭတၭ, ဂဲၫ ထၪ့လုထၪ့အဆၧလုမ့ၪ, ဒဲၦခမျၧးအဆၧလုမ့ၪတၭ, မၩဆၧဖီၩ့ဖျ့ၭလၧအဂးဒၪဝ့ၫ ဒဲလၧၦခမျၧးအဂးလီၫ. 25ဘၪဆူၭထၪ့ခွံၬဆၧလုဆၧဒဲၩဘၭ အၥိၪနီၪလၧဆၧလု လးအဖၫ့ခိၪလီၫ.
26ၦၡၩလဂၩလၧအကွဲၪဖျါခွံၬ ဘ့ၪဂၭဖျ့ၭနီၪ ဘၪအၪ့ ဆူၫဝၭအကီၩ့အၥိၭ, ဒဲၥူၫဝၭဆံၫ့အယၪ လၧထံၫတၭ, လၧခဲၫ့ထဲၩ့နီၪ မိဂဲၫထဲၩ့နုၬဘၪ လၧၦၥုၪ့တဲၩအလး 27ဖၧၩ့လီၫ.- ချီဖၫလၧဆၧလုဆၧဒဲၩဘၭအဂးလဒုၩ ဒဲ ဘ့ၪ လၧဆၧလုဆၧဒဲၩဘၭ အဂးလဒုၩ, လၧၦဂဲၫဆိၬ အၥွံၪလၧဆၧအလးဆံၫ့ဎံၪ အဖၧၩ့ဘဲၫၥိၭအမိမၩဆၧ ဖီၩ့ဖျ့ၭနီၪ, ၦဘၪဆိၬထၪ့ခွံၬအၥွံၪ လၧၦၥုၪ့တဲၩအလး လၧခီၫ့တၭ, ဆူၭထၪ့ခွံၬအဖံၭဒဲအယၪ, ဒဲအအ့ၪလၧမ့ၪ 28လီၫ.- တၭၦလၧအဆူၭထၪ့ခွံၬလဂၩနီၪ ဘၪအၪ့ဆူၫ ဝၭအကီၩ့အၥိၭ ဒဲၥူၫဝၭဆံၫ့အယၪလၧထံၫလီၫ. လၧ ခဲၫ့ထဲၩ့တၭ မိလ့ၩနုၬဘၪလၧၦၥုၪ့တဲၩအလးဖၧၩ့လီၫ.
ဆၧလုမၩဖီၩ့ဖျ့ၭဆၧဒဲၩဘၭအမုနံၩ.
29အယီၩမွဲဆၧအထူၫအရူၫ အဆိၩအကၠၪလၧနၥံၪအ ဂး, လၧလၩနွ့ၫဘံၪ့လဘံၪ့ လၩထၪ့ဆံၫနံၩ လနံၩနီၪ နၥံၪဘၪဆၪ့လၩ့နၥံၪအၥၭတၭ, ၦလၧနၥံၪအဆၨၩဒၪ နၥံၪဝ့ၫမွဲဂ့ၩ, ၦလခီၫဘၩ့မုးဖိၪ လၧအအီၪလၧနၥံၪအ 30ကျၩမွဲဂ့ၩ, မၩဘၪဆၧနးမံၩ့အ့ၬ.- အဂဲးဘဲၫယီၩဆၧ လၧမုလနံၩနီၪ ဆၧမိမၩဆၧဖီၩ့ဖျ့ၭ လၧနၥံၪမိဆံၫ့အ ဂး, ဘဲၫၥိၭနၥံၪမိဆံၫ့ထၪ့ လၧနၥံၪအဆၧဒဲၩဘၭ ထီး 31အလူၬလၧယဟိဝၩအမ့ၬယၫလီၫ.- မိကဲၪထၪ့မးၥံၫ အနံၩအဆၧအီၪပွံၭ လၧနၥံၪအဂးတၭ, နၥံၪဘၪဆၪ့ လၩ့နၥံၪအၥၭလၧဆၧအထူၫအရူၫ အဆိၩအကၠၪလီၫ. 32တၭၦလုဆၧလဂၩ လၧဆၧဂုၪဝ့ၫ ဒဲအီၪက့ၪဆံၫ့ဎံၪဝ့ၫ ဘဲၫၥိၭအမိမၩၦလုဆၧအဆၧမၩ လၧအဖါအလးလ ဂၩနီၪဘၪမၩဆၧဖီၩ့ဖျ့ၭ, ဒဲကီၩ့ထၪ့ၥိၭထၪ့ဆၧအကီၩ့ 33အၥိၭဖျ့ၫလံၬကံၭ, ဆၧအကီၩ့အၥိၭဆံၫ့ဎံၪလီၫ.- မွဲ အဘၪမၩဆၧဖီၩ့ဖျ့ၭ လၧလးဆံၫ့ဎံၪအဂး, ဒဲဘၪမၩ ဆၧဖီၩ့ဖျ့ၭလၧဆၧအီၪကီၪ့ အတဲၩဆံၫ့ဎံၪအဂး, ဒဲလၧ ဆၧလုလးအဂး, ဒဲဘၪမၩဆၧဖီၩ့ဖျ့ၭ လၧၦလုဆၧလ ဖၪအဂး, လၧဆၧအီၪကီၪ့အၡၩခမျၧးထီးအလူၬအဂး 34လီၫ.- အနီၪမိကဲၪထၪ့ဆၧအထူၫအရူၫ အဆိၩအကၠၪ လၧနၥံၪအဂး, လၧအမိမၩဆၧဖီၩ့ဖျ့ၭ လၧၦအံၫစရ့ လၭဖိၪအဂး, လၧအဆၧဒဲၩဘၭ ထီးအလူၬအဂးလ နံၪ့လဖၧၫ့လနံၪ့လဖၧၫ့လီၫ. တၭအဝ့ၫဒၪမၩဝ့ၫဘဲၫယွၩ မၪလူၬစမိစ့ၭအၥိၭနီၪလီၫ.
Currently Selected:
၃ မိ 16: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
