ဂၪ့ဆၧ 3
3
3
ဆၧစ့ၩရၫ့ဆၧနီၫ့ယါလၩ့ထဲၩ့ၥၭဒဲဆၧယိလါ.
1ယဝ့ၫဒၪယီၩ ယမွဲၦၡၩလဂၩလၧအဒၪဆၧၡၪ့ဆၧ 2နၭလၧအၥၭခဲၩထၪ့လၧနိၪထးအကၠီၩ့လီၫ.- အဝ့ၫၥိၫ့ ယၧၩဒဲဒုၭလ့ၩယၧၩ လၧဆၧခံၭအဖၧၩ့ထီးဆၧဖၩ့လ 3အီၪဘၪး- မွဲတၡါအထၫ့ဒၩယၧၩအစူၪယၩ့ထၪ့အၥၭ ထၫ့ဒၩယၧၩၥံၫ့နံၩချီၩ့လီၫ.
4အဝ့ၫမၩအုၪမၩကျၪယဖံၭယယၪ, ဒဲမၩခါယဎွံၪ 5ယနၧၩ့လီၫ.- အဝ့ၫမၩထၪ့ဆၧထၫ့ဒုၪဒၩယၧၩ, ဒဲဒုၭ လၩ့ပွံၭယၧၩလၧဆၧခၪ ဒဲဆၧလၩ့ပွံၭလၩ့ထၩ့လီၫ. 6အဝ့ၫအီၪက့ၪလၩ့ယၧၩ လၧဆၧအလးခံၭလဖၪဘဲၫၦ ၥံၫဝ့ၫလၧဖျိၩ့အၥိၭနီၪလီၫ.
7အဝ့ၫမၩဖီၩ့ထၬယၧၩတၭ, ယစဲၪ့ထၪ့ၥ့ၪအ့ၬ. မၩ 8ဎၧၫ့ထၪ့ယၥွ့ၫထၭလီၫ.- ထီးယကိၭထၪ့ဒဲအၪ့ယၫ ဆၧနီၪအဝ့ၫအီၪက့ၪကဒုၩအၥၭ လၧယဆၧဘၩဆိၪ 9ဖၪလီၫ.- အဝ့ၫကၭဘံၭထၬယဖၧၩ့ၥၭလၧလိးဎိၭအ ၥၭ,မၩကဲၪ့ယဖၧၩ့ၥၭလဖၪလီၫ.
10အဝ့ၫအီၪဝ့ၫလၧယၧၩ ဘဲၫဖုၫထၫ့အီၪခိၭၥူၪဝ့ၫအၥိၭ နီၪ ဘဲၫဆၬလၥၧၫ့အီၪလၧအလးအီၪၥူၪအၥိၭနီၪလီၫ. 11အဝ့ၫဘိၭကၠၪခွံၬယဖၧၩ့ၥၭလဖၪတၭ, အဲၪ့ၡၫ့ခွံၬယၧၩ 12တၭ,မၩယူယၧၩလီၫ.- အဝ့ၫဆၪ့ထၪ့အချံၪတၭ, အီၪ က့ၪယၧၩ ဘဲၫဆၧမၩနဲၪ့လၧအမိခၭဝ့ၫ လၧဖျါအဂး အၥိၭလီၫ.
13အဝ့ၫဒုၭလ့ၩနုၬ အလၧၫ့ဖီၩ့အဖျါလဖၪလၧယယး 14ဒံၩ့အဖၧၩ့လီၫ.- ယမွဲယူၭယၡၩခမျၧးထီးအလူၬအ ဆၧဒုၪဒွ့ၪအလး အၥံၫကျံၩဆၧအလးၥံၫ့နံၩချီၩ့လီၫ. 15မၩဎွ့ၩယၧၩလၧဆၧအခၪတၭ, ဒုၭအီၪယၧၩလၧရီး ခၥီၫလီၫ.
16မၩခါယမဲၪလၧလိးဖိၪတၭ, ဝ့ၬဘံၭထၬယၧၩလၧဖံၫ့ 17ချၪလီၫ.- နဒုၭအီၪယဲၩ့ယၥၭလၧဆၧဘၪလိၬအိၭလိၬ, 18ယၥၭနၪ့ဆၧဘီၪဆၧယီၫလီၫ.- တၭယစံၭယဆၧဒိၭ နဲၩ့ယၥၭအလး, ဒဲယဆၧယိလါလၧယဟိဝၩနီၪလၩ့ မါယူၭ.
19နၪ့ထၪ့ထဲၩ့,ယဆၧၡၪ့ဆၧနၭ, ဒဲဆၧအၧၩ့လၧအဘၪ 20ယၧၩ,ရီးခၥီၫဒဲဆၧၥၪခၪနီၪဆံၭ,- နၪ့ထၪ့ထဲၩ့တၭ, နၪ့ထၪ့ထဲၩ့ဆံၭ အဂဲးဘဲၫယီၩ ယၥၭဆၪ့လၩ့အၥၭ 21လၧယဖၧၩ့လီၫ.- ယအီၪက့ၪဆၧယီၩလၧယၥၭခံဖၧၩ့ မၩအၥၭဘဲၫနီၪတၭ, ယယိလါဆၧလီၫ.
22လၧယဟိဝၩအခိးအတၩအကၠီၩ့း မွဲလၧအယၫ့ၥၭ ဆၧနီၪလလူၬဘၪအကၠီၩ့တၭ, ပလထီၩ့ဘၪလၧဆၧ 23ဂၭဂီၩ့နီၪလီၫ.- အခိးအတၩအၥၫ့အီၪဝ့ၫကိၭဂီၩဒ့ၭ, 24နမၩတီၩနလူလၩ့ထံးလၩ့ဆ့ၭလီၫ.- ယၥၭစံၭဝ့ၫ, ယ ဟိဝၩမွဲယဂး, မၩအၥၭဘဲၫနီၪတၭ,ယယိလါဆၧလၧ အဝ့ၫလီၫ.
25ၦလၧအယိလါယဟိဝၩအဖၧၩ့ၥၭ, ၦလၧအၥၭအၪ့ ဎၬယဟိဝၩလဖၪနီၪ, ယဟိဝၩမွဲဆၧဂ့ၩလၧအဝ့ၫၥံၪ 26အဂးလီၫ.- ၦယိလါဆၧ,ဒဲအီၪခိၭယဟိဝၩအဆၧထိး ထဲၩ့တၩ့ထဲၩ့အဖၧၩ့ၥၭလၧအၥၭဆၧၩ့နီၪ, မွဲဆၧအဂ့ၩ 27လီၫ.- ၦၡၩယိၭနိၪယိၭဘီၩ့လၧအၥၭဘၪ့အဘိၩ့ဘၭ နီၪမွဲဆၧအဂ့ၩလီၫ.
28အဝ့ၫဆၧၫ့နၩ့လဂၩဎးတၭ,အီၪလၩ့မါပံၭ, အဂဲး ဘဲၫယီၩယဟိဝၩ အီၪက့ၪလၩ့ဝ့ၫ လၧအလီၩ့လီၫ. 29အဝ့ၫအီၪက့ၪအနိၭ လၧဂၪ့ခိၪမုၬအကျၩး ဘၪလဘၪ 30ဆၧယိလါမိအီၪလီၫ.- အဝ့ၫဖ့ၪလၫ့အနိၭဖၩထံၭလၧ ၦလၧအထးအဝ့ၫ, ဎွ့ၩဝ့ၫလၧဆၧဒုၪဒွ့ၪလီၫ. ယဟိဝၩခွံၬၡိၭခွံၬဆၧလၩ့ဆိၩလၩ့ကၠၪအ့ၬ. 31-32အဝ့ၫ မၩၡၪ့မၩနၭဆၧလါနၫ့တၭ, မိယၫ့ၥုၪ့ၥၭယၫ့ဆၧဘဲၫ 33အခိးဒိၪအတၩအၪအီၪဝ့ၫအၥိၭနီၪလီၫ.- ယဟိဝၩအ ၥၭအီၪလၧအမိမၩၡၪ့မၩနၭၦၡၩအ့ၬ.
34ဆၧယဲးလၩ့ လၧအခၪ့ဖၫ့လၬ ၦထီၫ့ဖိၪထီးအလူၬ 35လၧခးဖၧၩ့နီၪ,- ဘိၭကၠၪခွံၬၦအဆၧစ့ၩရၫ့လၧဆၧထီၫ 36ထုၬအမ့ၬယၫနီၪ,- ဆၧမၩၦအခွးလတီၩဘၪနီၪဘၪ ယွၩအၥၭအ့ၬ.
37ထီးကဆါလမၪလူၬဘၪဆၧတၭ, မွဲပလၫချဲၩ့ဆၧ 38လၧအမိကဲၪထၪ့နီၪလဂၩလဲၪ.- ဆၧအၧၩ့,ဒဲဆၧဂ့ၩ 39ထၪ့ဖျ့ၭလၧဆၧထီၫထုၬလဂၩအနိၭမွဲအ့ၬဧၪ.- ၦလၧ အမၧၫ့ဝ့ၫ, ၦၡၩလၧအဘၪထိးဆၧစ့ၩရၫ့ လၧအဆၧ မၪအဆၧဒဲၩဘၭအကၠီၩ့နီၪ, ၥူၭဝံၪၥူၭလၩဆၧမွဲဘၪ လဲၪ.
40မွဲပအၪ့ဎၬၡီၩ့, ဒဲမၩခွါၡီၩ့ပဖၧၩ့ၥၭတၭ,ထဲၩ့ထဲၩ့ 41ၡီၩ့လၧယွၩအအီၪဆံၭ.- မွဲပယူၬထၪ့ၡီၩ့ပၥၭ,ဒဲပစူၪ 42လၧယဟိဝၩအအီၪ လၧမူၭခိၪနီၪဆံၭ.- ပမၩမၪဘၪ ယူၭပပိၩ့ထၪ့ယူၭ, နဖျါခွံၬဆၧအ့ၬ.
43နချႃၬဘံၭပၧၩ လၧဆၧၥၭထၪ့, ဒဲမၩခိမၩဝီၩပၧၩ 44လီၫ.နမၩၥံၫဆၧတၭ,နလီၫ့ကီၩ့ဆၧအ့ၬ.- နအီၪက ဒုၩထၬနၥၭလၧဆၧအုၪ့ ဘဲၫၥိၭပဆၧဘၩဆိၪဖၪထီး 45နုၬဖျီၫ့လဂ့ၩလီၫ.- နအီၪက့ၪပၧၩဘဲၫဆၧအ့ၪ, ဒဲဆၧ လမွဲဘၪဆၧနးမံၩ့အၥိၭနီၪ လၧၦခမျၧးအကျၩလီၫ.
46ပဒုၪပဒၩထီးအလူၬ အၩ့ထၪ့အနိၭလၧပလီၩ့လီၫ. 47ဆၧၥၭမဲၪဒဲဖျံၩခွၩ့လၩ့ဘၪလၧပလီၩ့, ဆၧဂၭဂီၩ့ဒဲ 48ဆၧအီၪယူဝ့ၫလီၫ.- ထံၫချိၬယွၩလၩ့လၧယမ့ၬၥၪလၧ ယၡၩခမျၧးအဖိၪမုၪ ဂၭဂီၩ့ဝ့ၫအကၠီၩ့လီၫ.
49ယမ့ၬထံၫလၩ့ လထံၪဎးလဘီၩ့ဎးလထုၬဘၪ, 50လၧယဟိဝၩလချႃၭယိလၩ့ဝ့ၫ, ဒဲဒၪလၩ့ဆၧလၧမူၭ 51ခိၪအဘိၩ့ဘၭလီၫ.- ယမ့ၬၥၪမၩခိယၥၭလၧယဒိၩ့အ ဖိၪမုၪထီးအလူၬအကၠီၩ့လီၫ.
52ဆၧအဂဲးလအီၪဘၪတၭ, ယဒုၪယဒၩလီၩ့ဆီး ယၧၩချႃၭချႃၭ လချႃၭချႃၭ ဘဲၫထိၪလဘံၪ့ အၥိၭနီၪ 53လီၫ.- အဝ့ၫၥံၪဖ့ၬထ့ၬခွံၬ ယၥၭမၧၫ့ လၧဆၧဖၧၩ့ခံၭ 54တၭး အီၪက့ၪလိးလဖျိၪ့လၧယဖၫ့ခိၪလီၫ.- ထံၫယွၩဝ့ၫ လၧယခိၪဎွံၪအဖၫ့ခိၪ, ယစံၭ, ယဘၪဆၧဖ့ၬထ့ၬခွံၬ ယူၭယၧၩလူၬလီၫ.
55ယကိၭထၪ့နမံၩ့လၧဆၧဖၧၩ့ခံၭယိၬအဖၧၩ့, ယဟိ 56ဝၩဧ့, နနါဂၧၫ့ယလူလီၫ.- ထီးအီၪက့ၪကဒုၩနနါလၧ 57ယဘၩဆိၪဖၪဆၧလဖၪ ဒဲယအၪ့ယၫဆၧလဂ့ၩ.- မု လနံၩလၧယကိၭထၪ့နၧၩနီၪ, နၥုၭဘူၭနၥၭ,နစံၭ, ထီး ၥၭမဲၪလဂ့ၩ.
58ယၥၭၡီၩ့အမူၭလဖၪနီၪ, နချဲၩ့န့ဘၪယူၭ,ကဆါဧ့, နဎွ့ၩန့ထဲၩ့ယၥၭမၧၫ့လီၫ. ယဟိဝၩဧ့,ဆၧအၧၩ့လၧ 59အဘၪယၧၩနီၪ,နဒၪဘၪယူၭ.- စ့ၩရၫ့ယမူၭယီၩဆံၭ.
60နဒၪယူၭယဆၧမၩဆၧၫ့ဆၧအၧၩ့ထီးအလူၬ, အဆၧကိၪ့ထၪ့ထၫ့ဒၩယၧၩထီးအလူၬယူၭ.
61ယဟိဝၩဧ့, အဆၧဒုၪဒွ့ၪ,ဒဲအဆၧကိၪ့ထၪ့ထၫ့ဒၩ 62ယၧၩထီးအလူၬနီၪ,- ၦလၧအဂဲထုၪ့ထၫ့ဒၩယၧၩ,ဒဲ အဆၧကိၪ့ထၪ့ဖၭလၩ့ထၫ့ဒၩယၧၩ ၥံၫ့နံၩချီၩ့နီၪ, နနါ 63ဂၧၫ့ယူၭ.- နဒၪဘၪယူၭအဝ့ၫၥံၪအဆၧၫ့နၩ့ဒဲအဆၧၫ့ ထုၪ့နီၪးယမွဲအဝ့ၫၥံၪအၥံၫကျံၩဆၧလီၫ.
64ဖ့ၪထဲၩ့အဝ့ၫၥံၪ လၧဆၧမၩဆၧၫ့း ဘဲၫအစူၪမၩဆၧ 65အၥိၭနီၪဆံၭး- ယဟိဝၩဧ့, ဖ့ၪလၫ့အဝ့ၫၥံၪလၧဆၧၥုၪ့ 66အုၭၥၭအုၭ, မွဲနဆိၪအၧၩ့ဘၪအဝ့ၫၥံၪနီၪဆံၭ.- လီၩ့ ဆီးအဝ့ၫၥံၪ, မၩဂၭဂီၩ့ခွံၬဝ့ၫ လၧဆၧၥၭထၪ့လၧယ ဟိဝၩအမူၭခိၪအဖၫ့လၬနီၪဆံၭ.
Currently Selected:
ဂၪ့ဆၧ 3: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
