ယိၫ 3
3
3
ယွၩကစ့ၩရၫ့ၦအဆၨၩလဖၪ.
1အဂဲးဘဲၫယီၩ, ယိခွါ, ဆၧလၧမုနံၩလဖၪ, ဒဲဆၧလၧ အထီနီၪထီးယဒုၭဂဲၫထဲၩ့ထဲၩ့ဒီၭယုဒၫ, ဒဲယရုစလံၫ့ 2လၧအလ့ၩကဲၪဎီးတၭ,- ယမိဒုၭအီၪကိၩ့အီၪကီၪ့ၦ ကိၭဆၨၩဒ့ၭတၭ, ယမိဒုၭဂဲၫလၩ့အဝ့ၫၥံၪလၧခိၪလီၩ့ ဆူၭယဟီၡဖၭတၭ, ယမိစ့ၩရၫ့အဝ့ၫၥံၪထီးနီၪ လၧယ ၡၩခမျၧး, ယဆၧန့ၥၫအံၫစရ့လၭအကၠီၩ့, လၧအဝ့ၫ ၥံၪမၩလၩ့ပြံၩလၩ့ပၩဝ့ၫ လၧၦဆၨၩလဖၪအကျၩ, 3ဒဲအၪ့နၩ့ဖၭယထံၫယခးလီၫ.- အဝ့ၫၥံၪဖၭဝ့ၫလၧယ ၡၩခမျၧးအဂး, ဒဲဖ့ၪလၫ့ဝ့ၫ လၧအဖိၪၥၪအခွၫလဂၩ လၧမဲၩဎွဲၩမုၪလဂၩအဂး, ဒဲအၪ့ဆၫခွံၬ ဖိၪၥၪအမုၪ လဂၩလၧစဘံၭထံၫအဂး ဘဲၫၥိၭအမိအီၩဆၧလီၫ. 4တဲအၫ,ဒဲဇဲဒၧၫ့,ဒဲဖလံၡၫအခးနဲၩ့ထံၭ ထီးအလူၬၥံၪ ဧ့,မွဲနၥံၪကဲၪလၧယဂးဘဲၫၥ့ၪလဲၪ, နၥံၪမၩဆၧၫ့ဆၧ လၧယၧၩဆ့ဧၪ. နၥံၪအ့ၪမၩဆၧၫ့ဆၧလၧယၧၩတၭ, ယမိဖ့ၪထဲၩ့နၥံၪ အဆၧမၩဆၧၫ့ လၧနၥံၪအနၫ့ဆါဒၪ နၥံၪဝ့ၫအခိၪဎွံၪလီၩ့ချဲၫ့ချဲၫ့တၭ, လအီၪထီဘၪလီၫ. 5မွဲနၥံၪဆိၬထၪ့ခွံၬယစ့ၩ ဒဲယထီၫ့ဒဲဆိၬထၪ့ယဆၧဂ့ၩ 6ဒဲဆၧဘၪယၥၭ, လၧနၥံၪအဆၧဂၩ့အနီးဖၧၩ့,- နၥံၪ အၪ့ဆၫခွံၬၦယုဒၫဖိၪ ဒဲၦယရုစလံၫ့ဖိၪလၧၦယၫဝၫ့ဖိၪ အစူၪဖၧၩ့, ဘဲၫၥိၭအမိအီၪယဲၩ့ လၧအခးဒၪဝ့ၫအနဲၩ့ 7ထံၭတၭး- ယိခွါ, ယမိထိၪဂဲထုၪ့အဝ့ၫၥံၪ လၧအလး ထီးနၥံၪအၪ့ဆၫခွံၬဝ့ၫတၭ, ယမိဖ့ၪထဲၩ့နၥံၪမၩဆၧၫ့ ဆၧလၧနၥံၪအနၫ့ဆါဒၪ နၥံၪဝ့ၫအခိၪဎွံၪအလီၩ့လီၫ. 8တၭယမိအၪ့ဆၫခွံၬ နၥံၪအဖိၪခွၫၥံၪ, ဒဲနၥံၪအဖိၪမုၪ ၥံၪလၧၦယုဒၫဖိၪအစူၪဖၧၩ့တၭ, အဝ့ၫၥံၪနီၪမိအၪ့ ဆၫခွံၬၦမုၪၥံၪနီၪ လၧၦစဘံအၫ့ဖိၪၦလဆၨၩအီၪဝ့ၫ လၧအယဲၩ့လီၫ. အဂဲးဘဲၫယီၩ ယဟိဝၩချဲၩ့ယူၭဆၧယူၭ.
9မၩဂၧၫ့ထၪ့ၥၩလၩ့ဆၧယီၩ လၧၦဆၨၩလဖၪအ ကျၩး တဲၩ့ဝဲၩဆၧဒုၭၥုၭ, ထိၪဂဲၩၦအဆီၪ့,ဒုၭဂဲၫဘူၭ 10ၦၥုၭဖိၪထီးအလူၬ, ဒုၭဂဲၫထၪ့အဝ့ၫၥံၪဆံၭ.- နဲၫ့ထဲၩ့ နၥံၪအထဲၫအနါလၧနၭၥံၪ, ဒဲနၥံၪအဎ့ၬဖ့ၬၥံၪ့လၧဖၩ့ ဆံၭ.မွဲၦအဂဲးဆါဘၭဆါစံၭ, ယမွဲၦအဂဲးဆီၪ့ဆံၭ. 11ၦဆၨၩအီၪဝၬဖီၩ့ထီးအလူၬၥံၪဧ့, မၩချဲၫ့ချဲၫ့တၭ, ဂဲၫ ဘီၪ,အီၪကိၩ့အီၪကီၪ့ဆံၭ. ယဟိဝၩဧ့,ဒုၭဂဲၫလၩ့ 12နၡၩအဆီၪ့လဖၪထီးနီၪဆံၭ.- မွဲၦဆၨၩလဖၪနၪ့ထၪ့ အၥၭတၭ,ဂဲၫထဲၩ့လၧခိၪလီၩ့ဆူၭ ယဟီၡဖၭအဖၧၩ့ ဆံၭ.အဂဲးဘဲၫယီၩ ယမိဆၧၫ့နၩ့စ့ၩရၫ့ၦဆၨၩအီၪဝၬ ဖီၩ့ထီးအလူၬထီးနီၪလီၫ.
13ဒုၭနုၬထၭဂ့ၭဆံၭ. အဂဲးဘဲၫယီၩဘုၪဝီၩယူၭ, ဂဲၫ, လ့ၩလၩ့ဘီၪ, အဂဲးဘဲၫယီၩ ဆၧဘံၭ စဘံၭၥၪအလး ဎွ့ၩယူၭ. အစဘံၭထံၫဎွ့ၩလၨၪအဆၧဖၧၩ့လီၫ. အဂဲး 14ဘဲၫယီၩအဆၧဒဲၩဘၭဒိၪမၬလီၫ.- ၦခမျၧး, ၦခမျၧး 15အီၪဝ့ၫလၧဆၧစ့ၩရၫ့အခိၪလီၩ့ဆူၭဖၧၩ့လီၫ.- အဂဲး ဘဲၫယီၩယဟိဝၩအမုလနံၩ အီၪဘူၭထၪ့ယူၭလၧဆၧ စ့ၩရၫ့အခိၪလီၩ့ဆူၭဖၧၩ့ယူၭ.- မုဒဲလၩမိခံၭလၩ့ဝ့ၫ တၭ,ၡၪလဖၪဖၩ့လၧၩ့အ့ၬ.
ယွၩကဆိၪဂ့ၩထဲၩ့အၡၩခမျၧးလဖၪ.
16ယဟိဝၩမိကိၭၡၭထၪ့ လၧဇံအိၫ့အလီၩ့, ဒဲမၩ ၥီၫထၪ့အလူ လၧယရုစလံၫ့အဖၧၩ့တၭ, မူၭခိၪဒဲ ဂၪ့ခိၪမိဝၭဝ့ၫလီၫ. လါနၫ့တၭ, ယဟိဝၩမွဲဆၧအီၪဖ လ့ၬအလး လၧအၡၩခမျၧးအဂး, ဒဲထိၬၥံၪထၬၥံၪ 17လၧၦအံၫစရ့လၭဖိၪအဂးလီၫ.- နၥံၪမိၥ့ၪယၫလၧ ယၧၩ,ယဟိဝၩယီၩ, ယမွဲနၥံၪအယွၩလၧအအီၪလၧ ယခိၪလီၩ့ဆံၫ့ဎံၪ ဇံအိၫ့အလီၩ့လီၫ. ထီးနီၪလဖၧၫ့ ယရုစလံၫ့မိဆံၫ့ဎံၪဝ့ၫတၭ, ၦလခီၫဘၩ့မုး မိခၫ့ဂၬ လၧၩ့အဝ့ၫအ့ၬ.
18လၧမုလနံၩနီၪ ဆၧမိမၩအၥၭလၧခိၪလီၩ့ထိၩ့ချိၬ မိလၩ့ဆၩ့လၧစဘံၭထံၫအၥၫ့, ဒဲဆၧနူထံၫမိယွၩလၩ့ လၧဆၧစီၩ့ခိၪၥံၪ, ဒဲယုဒၫအထံၫချိၬထီးအလူၬထံၫမိ ယွၩလၩ့ဝ့ၫ, ဒဲထံၫထၪ့ဖျိၭမိထၪ့ဖျိၭ လၧယဟိဝၩအ ဂံၪ့ဖၧၩ့တၭ, မိယွၩလၩ့လၧခိၪလီၩ့ဆူၭၡံၭတံၫ့လီၫ. 19အံဇံၭမိအီၪယူဝ့ၫ, ဒဲအံဒၧၫ့မိကဲၪထၪ့ၡါမုနၧၫ့ဖၫအီၪ ယူဝ့ၫလၧအမၩန့ဆီၪ့ ၦယုဒၫဖိၪအကၠီၩ့, လၧအဂါ လၩ့ဆၧၥွံၪ လၧဆၧဒဲၩဘၭလအီၪဘၪ လၧအခးဖၧၩ့ 20အကၠီၩ့လီၫ.- အ့ၪမွဲယုဒၫနီၪၦမိအီၪလၧအဖၧၩ့လၩ့ ဆိၩလၩ့ကၠၪ ဒဲလၧယရုစလံၫ့နီၪ လဆိၩဘၪလဆိၩ 21ထီၩ့လၧလဆိၩဘၪလဆိၩလီၫ.- အဝ့ၫၥံၪအၥွံၪလၧ ယလအီၪက့ၪဘၪလါနၫ့ ဘဲၫအဆၧဒဲၩဘၭလအီၪဘၪ အၥိၭနီၪ, ယမိအီၪက့ၪဘဲၫဆၧဒဲၩဘၭ လအီၪဘၪအ ၥိၭတၭ, ယဟိဝၩမိအီၪဝ့ၫ လၧဇံအိၫ့အဖၧၩ့လီၫ.
Currently Selected:
ယိၫ 3: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
