မဲအၫ 47
47
47
ယွၩအဆၧပရၧၫ့ဘၪဆဲၫ့ခးၦဖလံၡၫ.
1ယဟိဝၩအလူလၧအလၩ့ဘၪ မီၪစယ့ၫရမဲအၫလၧ အထၫ့ဒၩၦဖလံၡၫဖိၪၥံၪ, လၧဖၫရိၫလချႃၭကျီၪ့ဒံၭ 2ဘၪဂၫဇၫနီၪလီၫ.- ယဟိဝၩစံၭဘဲၫယီၩး ထံၫလဖၪ မိဂဲၫထၪ့ဝ့ၫလၧမုဖၩလခီၫနီၪ, ဒဲမိကဲၪထၪ့ဝ့ၫဘဲၫထံၫ လုၬဘံၭဆၧအၥိၭတၭ, မိမၩလၩ့ဘံၭခးနီၪ, ဒဲကယဲ ဆၧအီၪလၧအဖၧၩ့ ထီးအလူၬတၭ, ဒိၩ့ ဒဲၦၡၩအီၪ လၧအဖၧၩ့နီၪး ထီးနီၪလဖၧၫ့ ၦၡၩၥံၪမိကိၭၡၭထၪ့ဒဲ ကယဲထံၫဖိၪခးဖိၪၥံၪ မိအိၩ့ယိၩ့ဝ့ၫထီးအလူၬလီၫ. 3လၧအကၥ့ၪဆီၪ့လဖၪဆ့ၪခၪ့အၥီၫနီၪ, ဒဲလၧလဲၪ့ၥုၭ ၥံၪလ့ၩဆၧဆီၪ့နီၪ, လၧလဲၪ့ပၪၥံၪအၥီၫ အကၠီၩ့တၭ, ဖါၥံၪနီၪမိယိကဒၩထဲၩ့လၧအဝ့ၫၥံၪ အဖိၪအလံၩအ့ၬး 4မွဲလၧအစူၪဆါအကၠီၩ့လီၫ.- မုနံၩလၧဆၧမိမၩဂၭဂီၩ့ ၦဖလံၡၫဖိၪထီးအလူၬနီၪဘၪဝ့ၫအကၠီၩ့တၭ, လၧအမိ ဒၪ့ထ့ၬခွံၬ တဲအၫဒဲဇဲဒၧၫ့ ကယဲၦမၩဆၧၩ့ၥံၪအီၪလၩ့ ထးဆုၬဆုၬး အဂဲးဘဲၫယီၩယဟိဝၩမိမၩဂၭဂီၩ့ၦဖလံ 5ၡၫဖိၪၥံၪ,ခးကၭဖတၧၫလကဲၩ့နီၪး- ဂၫဇၫအီၪချၩခိၪ, အၭၡကံလၫ့ ဘၪဆၧဒၪ့ထ့ၬခွံၬ, ဒဲၦအီၪလၧအဝ့ၫၥံၪ အခိၪလီၩ့ဆူၭဖၧၩ့နီၪး နမိဂ့ၬလၩ့နၥၭဆံၭယံၬလဲၪး 6နဝ့ၫဒၪယဟိဝၩအနၭဧ့, နလအီၪပွံၭဒံၭဘၪတၭ, မွဲ ဆၧမိအီၪဒံၭဆံၭယံၬလဲၪး ဖျၪ့နုၬထဲၩ့နၥၭ လၧနကၠိၭ 7ဖၧၩ့နီၪတၭ, အီၪပွံၭအီၪလၩ့မါပံၭဆံၭ.- မွဲအအီၪ ပွံၭမိၥ့ၪဘဲၫၥ့ၪလဲၪ. အဂဲးဘဲၫယီၩ ယဟိဝၩအၪ့မၧၫ့ ဝ့ၫထၫ့ဒၩအၭၡကံလၫ့ ဒဲထၫ့ဒၩမၫဆမံၭနဲၩ့နီၪ, မွဲအ အီၪက့ၪဝ့ၫအလးထီးနီၪလီၫ.
Currently Selected:
မဲအၫ 47: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
