ဟိၫ 11

ယွၩအဆၧအဲၪလၧအၡၩလၧအပိၩ့ထၪ့အဝ့ၫအဂး.

1လၧအံၫစရ့လၭမွဲဖိၪၥၪနီၪယအဲၪဝ့ၫတၭ, ယကိၭန့ 2ယဖိၪခွၫ လၧအံဇံၭ အဖၧၩ့လီၫ.- ဆၧကိၭအဝ့ၫၥံၪ တၭ,အဝ့ၫၥံၪစဲၪ့ထၪ့ခွံၬလၧအအီၪလီၫ. အဝ့ၫၥံၪလု ထၪ့ဆၧလၧဘၫအလၭလဖၪ, ဒဲဆူၭခဲၩဆၧနၧၫ့မၧၫ့ 3လၧဆၧဂၩ့စိၭဖျၩအၥၭအဂးလီၫ.- ယမၩန့အံဖြံၫ့အ စူၪတၭ, ယဒုၭဂၭဖၬလိၪအဝ့ၫလီၫ. လါနၫ့တၭ,အဝ့ၫ 4ၥံၪၥ့ၪယၫဝ့ၫလၧယမၩဘျၪထဲၩ့ဝ့ၫအ့ၬ.- ယမီၩ့အဝ့ၫ ၥံၪလၧၦၡၩအဖျံၩ, လၧဆၧအဲၪအဖျံၩလီၫ. ယမၩ ယၥၭဘဲၫၦလၧအဆိၬထၪ့ခွံၬ နိၪယိၭဘီၩ့ လၧအခိၬ လီၩ့အၥိၭနီၪ, ယအီၪက့ၪလၩ့ဆၧအၪ့လၧအဂးယဒုၭ အၪ့အဝ့ၫၥံၪလီၫ.

5အဝ့ၫၥံၪထဲၩ့ထဲၩ့ဘၪ လၧခးအံဇံၭအဖၧၩ့အ့ၬ.အစံ ရအၫမိကဲၪထၪ့အစဎွၩနီၪး အဂဲးဘဲၫယီၩ ကၠၪလီၩ့ 6ထဲၩ့အၥၭအ့ၬ.- နၭၥံၪဖၩ့ၥံၪမိအီၪ လၧအဒိၩ့လဖၪ တၭ,မွဲမၬ,မိမၩလူၬအထိၬလဖၪတၭ, အၪ့ခွံၬဝ့ၫလၧ 7အကိၪ့ဆၧအကၠီၩ့လီၫ.- အဂဲးဘဲၫယီၩယၡၩခမျၧးအ ၥၭအီၪဝဲၩလၧအမိကၠၪခွံၬအၥၭ လၧယအီၪလီၫ. ဆၧ ကိၭအဝ့ၫၥံၪလၧၦထီၫထုၬလဂၩအအီၪ လါနၫ့တၭ, 8အဝ့ၫၥံၪအီၪက့ၪထၪ့ထီၫအဝ့ၫနးဂၩအ့ၬ.- အံဖြံၫ့ဧ့, ယမိဖ့ၪလၫ့ခွံၬနၧၩဘဲၫၥ့ၪလဲၪး အံၫစရ့လၭဧ့, ယမိဒုၭ ဖီၩ့ဖျ့ၭနၧၩဘဲၫၥ့ၪလဲၪး ယမိအီၪက့ၪနၧၩဘဲၫအၭဒမၫ အၥိၭဘဲၫၥ့ၪလဲၪ, ယမိအီၪက့ၪလၩ့နၧၩ ဘဲၫဇံၫဘိအံၫ့ အၥိၭဘဲၫၥ့ၪလဲၪ. ယၥၭမၩကဒံၩကဒၩအၥၭ လၧယ ဖၧၩ့,ယယၫ့ၥုၪ့ယၫ့ၥၭဆၧ, ယၥုၪ့အီၪယၥၭအီၪဆၧ 9အီၪထၪ့လစီၪ့ဎးလီၫ.- ယမိမၩယၥၭထၪ့အဆၧၥၭ ခဲၩထၪ့အ့ၬ. ယမၩဂၭဂီၩ့လၧၩ့အံဖြံၫ့ဆ့အ့ၬ. အဂဲး ဘဲၫယီၩယမွဲယွၩတၭ, မွဲၦၡၩအ့ၬ. မွဲဆၧဆံၫ့ဎံၪ လဂၩ လၧနကျၩလီၫး ယဂဲၫလၧယၥၭထၪ့ အဖၧၩ့ 10အ့ၬ.- ထီးယဟိဝၩယုၩ့ဆၧဘဲၫဆၬလၥၧၫ့အၥိၭတၭ, အဝ့ၫၥံၪမိလ့ၩဖိၬအခဲၫ့လီၫ. ထီးအဝ့ၫဒၪအ့ၪယုၩ့ဆၧ တၭ,ဖိၪၥၪလဖၪနီၪ ၥၭမဲၪဆၧတၭ, မိဂဲၫလၧမုနုၬ 11လခီၫလီၫ.- အဝ့ၫၥံၪမိဂဲၫဝ့ၫဘဲၫ ထိၪဖိၪလၧအံဇံၭအ ၥိၭ,ဒဲဘဲၫထိၪလွံလၧခးအစံရအၫအဖၧၩ့အၥိၭနီၪ, ယမိ ဒုၭအီၪအဝ့ၫၥံၪ လၧအဂံၪ့လဖၪအဖၧၩ့, ယဟိဝၩစံၭ ဝ့ၫဒၪ.

ခးအံၫစရ့လၭဒဲခးယုဒၫလဖၪ ဘၪဆၧအီၪက့ၪဆၧမၪလၧအလီၩ့.

12အံဖြံၫ့ဝၩ့ထၬယၧၩဝၬဝၬ လၧဆၧဘျံၭဆၧဘျၪ, ဒဲအံၫစရ့လၭအဂံၪ့ဖိၪနီၪ လၧဆၧအၪ့လီၫဝ့ၫလီၫ. ဆၧ လၧယုဒၫနီၪဂုးခၧၫ့လၧယဟိဝၩအ့ၬ. တီၩလၧဆၧဆံၫ့ ဎံၪလဂၩနီၪဆ့အ့ၬ.

Currently Selected:

ဟိၫ 11: pwokyn2

Highlight

Copy

Compare