ၥ မိ 1
PWOKYN2

ၥ မိ 1

1
1
ဆၧတဲၩ့လၩ့အၡါ.
1လၧအခၪ့ထံၭနီၪ ယွၩမၩကဲၪထၪ့မူၭခိၪ ဒဲဂၪ့ခိၪ 2လီၫ.- တၭဂၪ့ခိၪနီၪ အီၪဝ့ၫလ့ၩတ့ၩ ဒဲပျီၩပျီၩလီၫ. ဆၧ ခံၭအီၪလၧဆၧယိၬ အဖၫ့ခိၪတၭ, ယွၩအၥၭဂုၪဝ့ၫလၧ 3ထံၫအဖၫ့ခိၪလီၫ.- တၭယွၩစံၭဝ့ၫဒၪ, မွဲဆၧဖၩ့အီၪထၪ့ 4ဆံၭ, တၭဆၧဖၩ့အီၪဝ့ၫလီၫ.- တၭယွၩဒၪဘၪဆၧဖၩ့ နီၪမွဲဆၧအဂ့ၩလီၫ. တၭယွၩအၪ့နၩ့ဖၭ ဆၧဖၩ့အဆၧၫ့ 5ဒဲဆၧခံၭအဆၧၫ့လီၫ.- တၭဆၧအဖၩ့နီၪ ယွၩကိၭဝ့ၫ လၧမုဆၫတၭ, ဆၧအခံၭနီၪ ယွၩကိၭဝ့ၫ လၧမုနၩလီၫ. မုဂၪအီၪ, ဒဲမုဂီၩအီၪတၭ, မုလနံၩလီၫ.
6ယွၩစံၭဝ့ၫဒၪ, လၧထံၫအၥၭကျၩနီၪ, မွဲမူၭဖိၭဖၫ့ကဲၪ 7ထၪ့တၭ, အၪ့နၩ့ဖၭထံၫ ဒဲထံၫအဆၧၫ့နီၪဆံၭ.- တၭ ယွၩမၩကဲၪထၪ့မူၭဖိၭဖၫ့နီၪ, ဒဲအၪ့နၩ့ဖၭထံၫလၧမူၭ ဖိၭဖၫ့အဖၫ့လၬ ဒဲထံၫလၧမူၭဖိၭဖၫ့အဖၫ့ခိၪ အဆၧၫ့ 8နီၪလီၫ. တၭဆၧမၩအၥၭဘဲၫနီၪလီၫ.- တၭမူၭဖိၭဖၫ့ နီၪ ယွၩကိၭဝ့ၫလၧမူၭခိၪလီၫ. မုဂၪအီၪ, ဒဲမုဂီၩအီၪ တၭ, မုနံၫနံၩလနံၩလီၫ.
9တၭယွၩစံၭဝ့ၫဒၪ, ထံၫလၧမူၭခိၪအဖၫ့လၬယီၩ,မွဲ အအီၪကီၪ့ လၧအလးလစီၪ့ဎးတၭ, ခီၫ့ၥူၫခိၪအီၪဖျီၪ 10ထၪ့ဆံၭ. တၭဆၧမၩအၥၭဘဲၫနီၪလီၫ.- ခီၫ့ၥူၫခိၪနီၪ ယွၩကိၭဝ့ၫ လၧဂၪ့ခိၪတၭ, ထံၫအီၪကီၪ့အလးနီၪ,ကိၭ ဝ့ၫလၧမၫဆမံၭတၭ, ယွၩဒၪဘၪဝ့ၫ လၧအဂ့ၩလီၫ. 11တၭယွၩစံၭဝ့ၫဒၪ, မွဲဂၪ့ခိၪဒုၭမဲၪထၪ့ နၪ့ၥံၪမံၩ့ၥံၪ, ဘုၪ ၥံၪဂူၫၥံၪၥၪဝ့ၫလၧဘုၪၥၪ, ၥံၪ့ၥံၪဝၪၥံၪၥၪဝ့ၫလၧအၥၪ ဒၪဝ့ၫအၥိၭ လၧအချံၫအီၪ လၧအလီၩ့ လၧဂၪ့ခိၪချိၫ့ 12ယီၩဆံၭ, တၭဆၧမၩအၥၭဘဲၫနီၪလီၫ.- တၭဂၪ့ခိၪ ဒုၭမဲၪထၪ့နၪ့ၥံၪမံၩ့ၥံၪ, ဘုၪၥံၪဂူၫၥံၪ ၥၪဝ့ၫလၧဘုၪၥၪဒဲ ၥံၪ့ၥံၪဝၪၥံၪၥၪဝ့ၫ လၧအၥၪဒၪဝ့ၫအၥိၭ, လၧအချံၫအီၪ လၧအလီၩ့လၧဂၪ့ခိၪချိၫ့လီၫ. တၭယွၩဒၪဘၪဝ့ၫ လၧ 13အဂ့ၩလီၫ.- မုဂၪအီၪ, ဒဲမုဂီၩအီၪတၭ, မုၥၧၫ့နံၩလနံၩ လီၫ.
14တၭယွၩစံၭဝ့ၫဒၪ, ဘဲၫၥိၭအမိအၪ့နၩ့ဖၭမုဆၫ ဒဲမု နၩအဆၧၩ့နီၪ, မွဲဆၧဖၩ့အဖျိၪ့လဖၪ ကဲၪထၪ့ လၧမူၭ ဖိၭဖၫ့နီၪဆံၭ. တၭမွဲအအီၪ လၧဆၧမၩနဲၪ့အဂး, လၧ ဆၧအမုအလၩအဂး, ဒဲလၧမုနံၩအဂး, ဒဲလၧအနံၪ့အ 15လၩအဂးဆံၭ. တၭဘဲၫၥိၭအမိဖၩ့ထၪ့ လၧဂၪ့ခိၪချိၫ့ နီၪ, မွဲအအီၪဝ့ၫလၧမူၭဖိၭဖၫ့ လၧဆၧဖၩ့ၥံၪအဂးနီၪ 16ဆံၭ, တၭဆၧမၩအၥၭဘဲၫနီၪလီၫ.- တၭယွၩမၩကဲၪ ထၪ့ဆၧအဖၩ့ဖၭဒိၪ နံၫဖျိၪ့လီၫ. အဒိၪလဖျိၪ့ဘဲၫၥိၭ 17အမိပၧၩ့မုဆၫတၭ.- အဆံၭလဖျိၪ့ဘဲၫၥိၭအမိပၧၩ့မု 18နၩတၭ, ဒဲအမၩကဲၪထၪ့ၡၪၥံၪဆ့လီၫ.- ဘဲၫၥိၭအမိ ဖၩ့ထၪ့လၧဂၪ့ခိၪချိၫ့တၭ, ဘဲၫၥိၭအမိပၧၩ့မုဆၫဒဲမုနၩ, ဒဲအၪ့နၩ့ဖၭဆၧအဖၩ့ ဒဲဆၧအခံၭအဆၧၩ့တၭ, ယွၩ အီၪက့ၪဝ့ၫ လၧမူၭဖိၭဖၫ့နီၪလီၫ. တၭယွၩဒၪဘၪဝ့ၫ 19လၧအဂ့ၩလီၫ.- မုဂၪအီၪ, ဒဲမုဂီၩအီၪတၭ, မုလံနံၩ လနံၩလီၫ.
20တၭယွၩစံၭဝ့ၫဒၪ, မွဲထံၫဒုၭအီၪထၪ့ဆၧအီၪ လၧအ ၥၭမၧၫ့အၪအၪလ့ၬ, ဒဲထိၪၥံၪလံၪၥံၪ ယူၩထၪ့ လၧဂၪ့ 21ခိၪအဖၫ့ခိၪလၧမူၭခိၪ အဆၧဖိၭဖၫ့နီၪဆံၭ.- တၭယွၩ မၩကဲၪထၪ့ယၪဖၭဒိၪ ဒဲကယဲဆၧအၥၭမၧၫ့ လၧအဂဲၩ ဝ့ၫလၧထံၫဒုၭအီၪထၪ့ဝ့ၫ အၪအၪလ့ၬ, ဘဲၫအဆၨၩဒၪ ဝ့ၫအၥိၭနီၪ, ဒဲထိၪၥံၪကိၭမံၩ့ဒ့ၭ ဘဲၫအဆၨၩဒၪဝ့ၫအ 22ၥိၭနီၪလီၫ. တၭယွၩဒၪဘၪဝ့ၫလၧအဂ့ၩလီၫ.- တၭ ယွၩဆိၪဂ့ၩအဝ့ၫၥံၪ, စံၭဝ့ၫဒၪ, ဖၭထၪ့အၪအၪလ့ၬ တၭ, မၩဎွ့ၩထၪ့မၫဆမံၭအဖၧၩ့နီၪဆံၭ. ထိၪၥံၪလံၪ 23ၥံၪနီၪ, မွဲအအၪထၪ့လၧဂၪ့ခိၪချိၫ့ဆံၭ.- မုဂၪအီၪ, ဒဲမု ဂီၩအီၪတၭ, မုယဲနံၩလနံၩလီၫ.
24တၭယွၩစံၭဝ့ၫဒၪ, မွဲဂၪ့ခိၪ ဒုၭဖၭထၪ့န့ဆၧ အၥၭ မၧၫ့, ဘဲၫအဆၨၩဒၪဝ့ၫအၥိၭ, ဆၧဖိၪဆၧဎါအဒိၩ့, ဒဲ ဆၧအစွၩၥ့ၪ, ဒဲဆၧဖိၪဆၧဎါအမံၩ့ ဘဲၫအဆၨၩဒၪဝ့ၫ 25အၥိၭနီၪဆံၭ, တၭဆၧမၩအၥၭဘဲၫနီၪလီၫ.- တၭယွၩ မၩကဲၪထၪ့ဂၪ့ခိၪ အဆၧဖိၪဆၧဎါအမံၩ့ ဘဲၫအဆၨၩ ဒၪဝ့ၫအၥိၭ, ဒဲဆၧဖိၪဆၧဎါအဒိၩ့ ဘဲၫအဆၨၩဒၪဝ့ၫ အၥိၭ, ဒဲကယဲဆၧအစွၩလၧဂၪ့ခိၪချိၫ့ ဘဲၫအဆၨၩဒၪ ဝ့ၫအၥိၭနီၪလီၫ, တၭယွၩဒၪဘၪဝ့ၫလၧအဂ့ၩလီၫ.
26ယွၩစံၭဝ့ၫဒၪ, ပမိမၩကဲၪထၪ့ ၦၡၩဘဲၫပဂၩ့ဒၪပဝ့ၫ အၥိၭ ဘဲၫပနၫ့ဆါဒၪပဝ့ၫအၥိၭတၭ, အဝ့ၫၥံၪ မိပၧၩ့ ဒ့ၪၥံၪယၪၥံၪ လၧမၫဆမံၭဖၧၩ့, ဒဲထိၪၥံၪလံၪၥံၪ လၧ ဆၧဖိၭဖၫ့, ဒဲဆၧဖိၪဆၧဎါ, ဒဲဂၪ့ခိၪထၧၫ့ဖျိၪ့ယၫ, ဒဲက 27ယဲဆၧအစွၩအဂဲၩ လၧအစွၩလၧဂၪ့ခိၪချိၫ့ဆံၭ.- တၭ ယွၩမၩကဲၪထၪ့ ၦၡၩအခွၫ ဘဲၫအဂၩ့ဒၪဝ့ၫအၥိၭနီၪ, တၭမၩကဲၪထၪ့ဝ့ၫ လၧယွၩအဂၩ့လီၫ. ၦမုၪဒဲၦခွၫနီၪ 28မၩကဲၪထၪ့အဝ့ၫၥံၪလီၫ.- ယွၩဆိၪဂ့ၩအဝ့ၫၥံၪ, ဒဲစံၭ အဝ့ၫၥံၪ, အၪထၪ့ဂီထၪ့နၥံၪဝ့ၫ အၪအၪလ့ၬ ဒဲမၩဎွ့ၩ ထၪ့ဂၪ့ခိၪချိၫ့ယီၩ, ဒဲမၩနၧၩ့မၩစၪ ဂၪ့ခိၪဒဲပၧၩ့ဒ့ၪၥံၪ ယၪၥံၪလၧမၫဆမံၭဖၧၩ့, ဒဲထိၪၥံၪလံၪၥံၪ လၧဆၧဖိၭ ဖၫ့, ဒဲကယဲဆၧအၥၭမၧၫ့ လၧအဂဲၩလၧဂၪ့ခိၪချိၫ့ကိၭ အမံၩ့ဒ့ၭဆံၭ.
29ယွၩစံၭဝ့ၫဒၪ, ယိခွါ, ယဖ့ၪလၫ့ယူၭနၥံၪ လၧဘုၪၥံၪ ဂူၫၥံၪကိၭအမံၩ့ဒ့ၭ အီၪလၧအချံၫအၥၪ လၧဂၪ့ခိၪထၧၫ့ ဖျိၪ့ယၫ, ဒဲၥံၪ့ၥံၪဝၪၥံၪကိၭအမံၩ့ဒ့ၭ လၧအမိၥၪထၪ့ အဆၧၥၪဒၪဝ့ၫလဖၪနီၪ အီၪလၧအချံၫၥံၪလီၫ. တၭ 30ဆၧလဖၪနီၪ မိကဲၪထၪ့နၥံၪအဆၧအၪ့လီၫ.- တၭက ယဲဆၧဖိၪဆၧဎါ လၧဂၪ့ခိၪချိၫ့, ဒဲကယဲထိၪၥံၪလံၪၥံၪ လၧဆၧဖိၭဖၫ့, ဒဲကယဲဆၧလၧအစွၩ လၧဂၪ့ခိၪချိၫ့ လၧအအီၪ လၧအၥၭမၧၫ့လဖၪနီၪ, ယဖ့ၪလၫ့ယူၭလၧ နၪ့ၥံၪမံၩ့ၥံၪကိၭအမံၩ့ဒ့ၭ လၧအဆၧအၪ့ အဂးနီၪ, တၭဆၧမၩအၥၭ ဘဲၫနီၪလီၫ.
31ယွၩယိဆၧလၧအမၩကဲၪထၪ့ဝ့ၫ လမံၩ့လါလါ ကိၭအမံၩ့နီၪတၭ, ဒၪဘၪဝ့ၫလၧအဂ့ၩမၬလီၫ. မုဂၪအီၪ, ဒဲမုဂီၩအီၪတၭ, မုဎူၫနံၩလနံၩလီၫ.

Pwo Kayin Bible © Bible Society of Myanmar, 1883.

Learn More About Pwo Kayin Bible