ဇံၫ 41
41
41
1လၧခဲၫ့ထဲၩ့အဆၧဆိၬထၪ့ယၧၩ လၧနီးဖၧၩ့တၭ, ထိၪဆၧအထုၪ့လီၫ. အဒၪ့ဎၩ့မွဲဎူၫဖျါ လၧအယီၩလ ခီၫ,ဒဲအဒၪ့ဎၩ့ဎူၫဖျါလၧအနီၪလခီၫလီၫ. အဝ့ၫနီၪမွဲ 2ဂံၪ့အဒၪ့ဎၩ့လီၫ.- တရၫ့နီၪ, အဒၪ့ဎၩ့မွဲဆံၫဖျါတၭ, တရၫ့အနဲၩ့ထံၭ,မွဲယဲဖျါလၧအယီၩလခီၫ,ဒဲယဲဖျါလၧ အနီၪလခီၫလီၫ. တၭမွဲအထိၪအဖၭထီၫအဖျါလံဆံၫ 3ဒဲအဒၪ့ဎၩ့အဖျါနံၫဆံၫလီၫ.- ထီးနီၪလဖၧၫ့လ့ၩနုၬ လၧယၫတၭ,ထိၪတရၫ့ထုၪ့လဖၪနံၫဖျါ, ဒဲတရၫ့နီၪဎူၫ 4ဖျါ,ဒဲတရၫ့အဒၪ့ဎၩ့နွ့ၫဖျါလီၫ.- တၭထိၪဆၧအလး လၧအဖၭထီၫအဖျါနံၫဆံၫ, ဒဲအဒၪ့ဎၩ့အဖျါနံၫဆံၫ လၧနီးနီၪအမ့ၬယၫတၭ,စံၭယၧၩ, အယီၩမွဲဆၧအလး ဆံၫ့ဎံၪထုၬလီၫ.
ဆၧၥုၪ့ထၪ့ဒူၭဖိၪလဖၪလၧဆၧလုဂံၪ့အဆၧဒီၪ့နဲၩ့.
5ထီးနီၪလဖၧၫ့ထိၪဂံၪ့အဒီၪ့လၧဎူၫဖျါ, ဒဲဒူၭဖိၪလၧ အနဲၩ့ဖၩလဒူၭလဒူၭနီၪလံဖျါဆုၬဆုၬ ဝၬဖီၩ့ဂံၪ့လခီၫ 6ဘၪလခီၫလီၫ.- ဒူၭဖိၪၥံၪလၧအနဲၩ့ဖၩအဖၧၩ့နီၪအီၪဝ့ၫ လဒူၭဒဲလဒူၭၥၧၫ့ဆံၫဆီၩ့ဆီ ထၪ့ၥၧၫ့ဆၫ့လဆၫ့ဘၪလ ဆၫ့လီၫ.တၭနုၬဝ့ၫလၧဆၧဒီၪ့ဘၪဆဲၫ့ လၧဒူၭဖိၪလဖၪ လၧဆၧအနဲၩ့ဖၩဝၬဖီၩ့ဝ့ၫအဖၧၩ့ ဘၪဆဲၫ့လၧအဝ့ၫ 7ၥံၪလီၫ. လါနၫ့တၭနုၬဘၪလၧဂံၪ့အဒီၪ့အ့ၬ.- ဒူၭဖိၪ လဖၪလၧဆၧအနဲၩ့ဖၩဖၧၩ့နီၪလဲထၪ့တၭ, ဝံၬအၥၭ ထၪ့ဝ့ၫလီၫ. အဂဲးဘဲၫယီၩဂံၪ့အဆၧဝံၬဝ့ၫနီၪ ထၪ့ဝၬ ဖီၩ့ဂံၪ့လီၫ. မၩအၥၭဘဲၫနီၪတၭ, ဂံၪ့လဲလၧထၭလခီၫ တၭ,ၦထၪ့ဝ့ၫလၧဒူၭ လၧလၬလခီၫလဆၫ့ဖိးလၧဒူၭ လၧထၭလခီၫလဆၫ့ လၧဒူၭအဘိၩ့ဆၧၩ့လဆၫ့အၥၭ 8ခံဖၧၩ့လီၫ.- ယဒၪဘၪဆ့ဂံၪ့အဆီၩ့ဆီထၪ့ဝၬဖီၩ့ဝ့ၫ လီၫ.ဒူၭလဖၪ လၧအနဲၩ့ဖၩဖၧၩ့အခၪ့ထံၭနီၪ မွဲနိၪထိၪ 9လဆိၩထၧၫ့ဘီၩ့ယၫဎူၫဖျါလီၫ.- ဒူၭလၧဆၧအနဲၩ့ဖၩ ဖၧၩ့အဒီၪ့လဒီၪ့လၧခီၫ့လခီၫ မွဲယဲဖျါ,အလးအီၪလၩ့ ထးနီၪမွဲဒူၭဖိၪလဖၪ လၧဂံၪ့အနဲၩ့ဖၩဖၧၩ့အလးလီၫ. 10လၧဒူၭအဘိၩ့ဆၧၩ့အဖျါနံၫဆံၫ အီၪဝၬဖီၩ့ဂံၪ့ကိၭခီၫ 11ဒ့ၭလီၫ.- ဒူၭဖိၪၥံၪလၧဆၧအနဲၩ့ဖၩဖၧၩ့ အတရၫ့ဖိး ထၪ့ဝ့ၫလၧဆၧအလးလၧအအီၪ လၩ့ထးတရၫ့လဖၧၩ့ နီၪဖိးဝ့ၫလၧမုဖၩလခီၫ, ဒဲတရၫ့လဖၧၩ့ဒၪဖိးဝ့ၫလၧမု ခံၫ့လခီၫလီၫ. တၭဆၧအလးအီၪလၩ့ထးနီၪ လဲဝ့ၫ ယဲဖျါဝၬဖီၩ့ဝ့ၫလီၫ.
ဆၧၥုၪ့ထၪ့လၧမုနုၬလခီၫ.
12တၭဂံၪ့လၧဆၧလၩ့ဖၭအလးအမ့ၬယၫအနဲၩ့ထံၭ, လၧမုနုၬလခီၫနီၪ, အဒၪ့ဎၩ့မွဲအဖျါနွ့ၫဆံၫး ဒဲဂံၪ့အ ဒီၪ့နီၪအတၪ့ မွဲယဲဖျါဝၬဖီၩ့ဝ့ၫဒဲအဖၭထီၫမွဲအဖျါခွံၫ ဆံၫလီၫ.
ဆၧလုဂံၪ့အဆၧထိၪလဖၪ.
13အဆၧထိၪဂံၪ့အဖၭထီၫ အဖျါလယၩ, ဒဲဆၧ အလးလၩ့ဖၭလစီၪ့တၭ, ဒူၭနီၪဒဲအဒီၪ့လဖၪအဖၭ 14ထီၫမွဲအဖျါလယၩလီၫ.- ဂံၪ့အမ့ၬယၫအဒၪ့ဎၩ့နီၪ, ဒဲဆၧအလးလၩ့ဖၭလစီၪ့ လၧမုထၪ့လခီၫနီၪ မွဲအ 15ဖျါလယၩ လီၫ.- အဆၧထိၪဒူၭလဒူၭနီၪအဖၭထီၫ လၧ ဆၧအလးလၩ့ဖၭလစီၪ့အမ့ၬယၫ,ဒဲလၧအချိၫ့နီၪ, ဒဲ ဆၧအလးထၪ့ထီၫလဖၪ လၧအယီၩလခီၫ,ဒဲလၧအနီၪ လခီၫ,မွဲအဖျါလယၩ,ဒဲနီးလၧအဖၧၩ့လခီၫလဖျိၪ့, ဒဲဆၧအဝၩ့အဆၧထိၬချိၫ့လဖၪ,
ဆၧၥုၪ့ထၪ့ဆၧလုဂံၪ့အဂဲးအလၧၫ့အဎွ့ၩ.
16တရၫ့အထုၪ့လဖၪ ဒဲတရၫ့လံၩအအံၪ့, ဒဲ ဆၧအလးထၪ့ထီၫလဖၪ ဝၬဖီၩ့ဝ့ၫၥၧၫ့ဆၫ့အီၪဆဲၫဎၩ့ လၧတရၫ့တၭ, ဒီၪ့ထၬဝ့ၫလၧၥံၪ့ဝၬဖီၩ့ဝ့ၫ လၧဂၪ့ခိၪ ထၪ့ဘၭလၧတရၫ့လံၩတၭ, တရၫ့လံၩ အီၪဘံၭဝ့ၫ 17လီၫ.- အီၪဝ့ၫလၧဆၧအလးလၧတရၫ့အဖၫ့ခိၪဒဲလၧ ဂံၪ့လၧအဖၧၩ့လခီၫလဖျိၪ့ ဒဲလၧခီၫ့ဒဲလၧဆၧဒီၪ့အနဲၩ့ ထံၭဝၬဖီၩ့ဝ့ၫလၧအဖၧၩ့လခီၫလဖျိၪ့, ဒဲလၧခီၫ့ဘဲၫဆၧ 18ထိၪဝ့ၫအၥိၭနီၪလီၫ.- ဆၧတဲၩ့ခ့ၫရူၬၥံၪလၧၥံၪ့စီၩ့မလီၫ့ အကျၩနီၪ,ၥံၪ့စီၩ့မလီၫ့အထုၪ့အီၪဝ့ၫလၧခ့ၫရူၬနံၫဒုၩ 19အဘိၩ့ဆၧၩ့,- ခ့ၫရူၬလဒုၩအီၪလၧ အမ့ၬနံၫခီၫတၭ, ၦၡၩအမ့ၬ အီၪတီၩ လၧၥံၪ့စီၩ့မလီၫ့လခီၫတၭ, ဆၬ လၥၧၫ့အမ့ၬအီၪတီၩ လၧၥံၪ့စီၩ့မလီၫ့အလခီၫဒၪလီၫ. ဆၧမၩအၥၭ လၧဂံၪ့ထၧၫ့ဖျိၪ့ယၫဝၬဖီၩ့ဝ့ၫ ဘဲၫနီၪၥိၭ 20လီၫ.- လၧဂၪ့ခိၪဖိးလၧတရၫ့အဖၫ့ခိၪနီၪ ခ့ၫရူၬလဖၪ, ဒဲၥံၪ့စီၩ့မလီၫ့လဖၪ တဲၩ့အၥၭဒဲလၧနီးအဒီၪ့အလီၩ့ဆ့ လီၫ.
လၧဆၧမၩဝ့ၫလၧၥံၪ့.
21နီးနီၪအတရၫ့အထုၪ့လဖၪအီၪ လၧအနိၪ့လံနိၪ့ တၭ,အီၪဝ့ၫလၧလးဆံၫ့ဎံၪအမ့ၬယၫလီၫ. အလထုၪ့ 22နီၪဖျီၪဝ့ၫဘဲၫအလထုၪ့ဒၪအၥိၭနီၪလီၫ.- ဆၧလုအလး ၥံၪ့နီၪ အဆီၩ့ဆီထၪ့မွဲၥၧၫ့ဖျါ, ဒဲအဖၭထီၫနံၫဖျါတၭ, အနိၫ့လဖၪ ဒဲအဖၭထီၫနီၪ ဒဲအဒီၪ့လဖၪနီၪမွဲၥံၪ့လီၫ. တၭအဝ့ၫဒၪစံၭယၧၩ,အယီၩမွဲစပွဲလၧ အအီၪဝ့ၫလၧ ယဟိဝၩအမ့ၬယၫလီၫ.
တရၫ့လဖၪ.
23နီးနီၪဒဲဆၧအလးဆံၫ့ဎံၪအီၪဝ့ၫ လၧတရၫ့နံၫဘံၪ့ 24လီၫ.- တရၫ့လဘံၪ့အီၪလၧအလၪ နံၫဘံၪ့း အလၪ နံၫဘံၪ့လၧအကၠၪအၥၭလီၫ. တရၫ့လဘံၪ့အီၪလၧအ လၪနံၫဘံၪ့, အတရၫ့အဂူၫဂၩလဘံၪ့အီၪလၧအလၪ 25နံၫဘံၪ့လီၫ.- ခ့ၫရူၬလဖၪဒဲၥံၪ့စီၩ့မလီၫ့လဖၪဘၪဆၧ တဲၩ့ဝ့ၫလၧအလီၩ့ လၧနီးအတရၫ့အလီၩ့ဒၪလ့ၬ,ဘဲၫ ဆၧလၧအအီၪ လၧဆၧဒီၪ့အလီၩ့ အၥိၭနီၪလီၫ. တၭ ၥံၪ့ပၪတၪ့ဝ့ၫနီၪအီၪလၧထိၬချိၫ့အမ့ၬယၫ လၧခီၫ့လီၫ. 26ၥံၪ့စီၩ့မလီၫ့ဒဲတရၫ့လံၩအအံၪ့ အီၪဝ့ၫလၧအယီၩ လခီၫဒဲလၧအနီၪလခီၫ, အီၪလၧထိၬချိၫ့အနဲၩ့ဖၩအ လီၩ့,ဒဲလၧဂံၪ့အဒူၭဖိၪလၧအနဲၩ့ဖၩအလီၩ့, ဒဲလၧၥံၪ့ပၪ တၪ့လဖၪအလီၩ့နီၪလီၫ.
Currently Selected:
ဇံၫ 41: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
