ဇံၫ 38
38
38
ဂီၭဘဲၫအမွဲယွၩအစူၪဝဲၩ.
1-2ယဟိဝၩအလူလၩ့ဘၪယၧၩတၭ,စံၭဝ့ၫဒၪ,- ၦၡၩ အဖိၪခွၫဧ့,ဒိၭနမ့ၬထၫ့ဒၩဂီၭ, လၧခးမ့ဂီၭအဖၧၩ့, ရိ ၡၫ,မ့ၡ့ၭ,ဒဲတုဘလၭအၦဒိၪဖၭဒိၪ, ဒဲချဲၩ့ဆၧလၧမီၪ
3အချိၬထၫ့ဒၩအဝ့ၫဆံၭ.- စံၭ,ကဆါယဟိဝၩစံၭဘဲၫ ယီၩ,ယိခွါ,ယထၫ့ဒၩနၧၩ, ရိၡၫ, မ့ၡ့ၭ, ဒဲတုဘလၭ 4အၦဒိၪဖၭဒိၪဂီၭဧ့,- ယမိဘိၭကၠၪကဒၩထဲၩ့နၧၩတၭ, ယမိပုၭနိၪပုၭ လၧနခၪလၬဎွံၪဖၧၩ့တၭ, ယမိမီၩ့ထၪ့ နၧၩဒဲနၥုၭမုထီးအလူၬ, ကၥ့ၪဒဲၦထူၬကၥ့ၪလဖၪလီၫ. အဝ့ၫၥံၪကီၩ့ၥိၭဝ့ၫလၧ ဆၧအကီၩ့အၥိၭအဎံၫအလၩ ထီးအလူၬလီၫ. မွဲဆၧလဒီၪ့ဖၭဒိၪအီၪလၧထၩ့ဖံၭဖိၪ, ဒဲဆၧပဒၩ့ဖၭဒိၪ, အဝ့ၫၥံၪဖီၪ့ထၬနၭၥံၪဖၩ့ၥံၪထီးအ 5လူၬလီၫ.- ၦပၧၡၫဖိၪ, ကုၡၫ,ဒဲလံၭဘၠၫ အီၪဝ့ၫလၧ အၥိၭ,အဝ့ၫၥံၪထီးအလူၬအီၪဝ့ၫ လၧထၩ့ဖံၭဒဲခိၪလူၬ 6လီၫ.- ဂိမၧၫဒဲအၡၩၥုၭမုထီးအလူၬ, တိၫဂၫမၫ အၡၩဂံၪ့ဖိၪလၧမုဖၩလခီၫ, ဒဲအၥုၭမုခမျၧးထီးအလူၬ, 7ၦအၪဆၨၩအီၪဝ့ၫလၧအၥိၭလီၫ.- အီၪတဲၩ့ဝဲၩဆၧ လၧနဂးဒၪနဝ့ၫ,နဝ့ၫဒၪဒဲနၡၩလဒီၪ့ လၧအအီၪကိၩ့အီၪ ကီၪ့လၧနအီၪတၭ, ကဲၪထၪ့နဝ့ၫလၧအခိၪနီၪဆံၭ.
8လၧအၪနံၩအၪၥၫ့ ဖီၩ့ခွံၬတၭ, ဆၧမိအီၪက့ၪနၧၩ လၧအဖၫ့ခိၪလီၫ. လၧတဘျႃၭနံၪ့အလးခဲၫ့နီၪ, နမိဂဲၫ နုၬလၧခးလၧဆၧမၩန့ထဲၩ့ လၧနၭအစူၪဖၧၩ့, လၧဆၧ အၪ့ထုၫ့ကီၪ့လၧၦအၪဆၨၩအကျၩ လၧအံၫစရ့လၭ အခိၪလီၩ့ လၧအအီၪယူယူၭလထံၪဎးလီၫ. မွဲလါနၫ့ တၭ,ဆၧဒုၭဂဲၫထၪ့အဝ့ၫၥံၪ လၧၦဆၨၩလဖၪအကျၩ 9တၭ,မိအီၪဂုးခၧၫ့ထီးအလူၬလီၫ.- နမိထၪ့ဘဲၫလံၩလ ဖုၬအၥိၭတၭ, နမိဂဲၫထၪ့လုၬဘံၭထံၫၥံၪခးၥံၪ ဘဲၫဆၧ အုၪ့အၥိၭ, နဝ့ၫဒၪဒဲနၡၩၥုၭမုခမျၧး ထီးအလူၬတၭ, 10ၦအၪဆၨၩအီၪဝ့ၫလၧနၥိၭလီၫ.- ကဆါယဟိဝၩစံၭ ဘဲၫယီၩ,ဆၧမိမၩအၥၭလၧမုလနံၩ လၧဆၧမိဂဲၫထၪ့ 11လၧနၥၭခံဖၧၩ့တၭ,နမိကိၪ့ထၪ့ဆၧကိၪ့အၧၩ့,- နမိစံၭ, ယမိလ့ၩထၪ့လၧတဝၫ့ လၧအခိၪဒၧၩ့လအီၪဘၪအခး လဘံၪ့, ယမိလ့ၩလၧၦလၧအအီၪဒၪဆၧဘဲၫနီၪတၭ, လၧအအီၪအလးလၧအလၥၭမဲၪဘၪဆၧ, ၦထီးအလူၬ လၧအအီၪလၧခိၪဒၧၩ့လအီၪဘၪ, နိၪဘီၩ့မွဲဂ့ၩ,တရၫ့ 12မွဲဂ့ၩအီၪဆ့အ့ၬ.- ဘဲၫၥိၭယမိအၪ့ဂူၬန့ဆီၪ့ဆၧ, ဒဲ အၪ့ဂူၬန့ဆၧး ဘဲၫၥိၭနမိအီၪက့ၪနစူၪလၧဆၧအီၪယူဝ့ၫ အလးအဖၫ့ခိၪလၧၦအီၪဝ့ၫလၧအဖၧၩ့, ဒဲလၧၦခမျၧး အလီၩ့ လၧဆၧအၪ့ထုၫ့ကီၪ့အဝ့ၫၥံၪ လၧၦဆၨၩအ ကျၩလၧအအီၪဝ့ၫလၧဆၧဖိၪဆၧဎါအဒိၩ့, ဒဲဆၧဖိၪ 13ဆၧလံၩလၧအအီၪလၧဂၪ့ခိၪအၥၭကျၩလီၫ.- ၡံဘၫ, ဒဲဒံဒၫ့,ဒဲတၫၡ့ၭအၡၩဖနံၬဖိၪ, ဒဲဆၬလၥၧၫ့အၥၭဘၪ့ ထီးအလူၬနီၪ,မိစံၭနၧၩ, မွဲနဂဲၫအၪ့ဂူၬန့ဆီၪ့ဆၧနီၪဆ့ ဧၪ.မွဲနဒုၭအီၪကီၪ့နၡၩလဒီၪ့ ဘဲၫၥိၭနမိအၪ့ဂူၬန့ဆၧ ဆ့ဧၪ.ဘဲၫၥိၭနမိဆိၬထၪ့ခွံၬ အကျိၪၥံၪစ့ၩၥံၪဒဲ ဒဲထီၫ့ ၥံၪလွ့ၫၥံၪ,ဘဲၫၥိၭနမိမၩန့ထၪ့ခွံၬ ဆၧဖိၪဆၧဎါအဒိၩ့ ဒဲဆၧဖိၪဆၧလံၩ ဘဲၫၥိၭနမိအၪ့ဂူၬန့ဆီၪ့ဆၧဖၭဒိၪဆ့ ဧၪ.
14မၩအၥၭဘဲၫနီၪတၭ,ၦၡၩအဖိၪခွၫဧ့, ချဲၩ့ဆၧလၧ မီၪအချိၬတၭ,စံၭလၧဂီၭနီၪး ကဆါယဟိဝၩစံၭဘဲၫ ယီၩ,မုလနံၩလၧယၡၩခမျၧးအီၪခၧၫ့နီၪ, မွဲနမိၥ့ၪယၫ 15အ့ၬဧၪ.- နမိဂဲၫလၩ့လၧနလးလၧမုဖၩလခီၫ, နဝ့ၫဒၪ, ဒဲၦအၪဆၨၩအီၪလၧနၥိၭ, အဝ့ၫၥံၪထီးအလူၬထူၬက 16ၥ့ၪ,ဒဲၦလဒီၪ့ဖၭဒိၪ, ဒဲၦၥုၭမုခမျၧးဖၭဒိၪဆ့လီၫ.- နမိ လ့ၩထၫ့ဒၩယၡၩခမျၧးအံၫစရ့လၭ ဘဲၫၥိၭနမိလုၬဘံၭ ထံၫၥံၪခးၥံၪဘဲၫဆၧအုၪ့အၥိၭနီၪလီၫ. ဆၧမိမၩအၥၭ လၧမုနံၩလၧအထုၬလဖၪနီၪ, ယမိဒုၭဂဲၫထၪ့နၧၩထၫ့ ဒၩယထံၫယခး ဘဲၫၥိၭထီးဆၧအီၪက့ၪဆံၫ့ဎံၪယၧၩ လၧနကၠီၩ့ လၧအဝ့ၫၥံၪအမ့ၬယၫတၭ, ၦဆၨၩလဖၪ 17မိၥ့ၪယၫယၧၩလီၫး ဂီၭဧ့,- ကဆါယဟိဝၩ စံၭဘဲၫ ယီၩ,နမွဲၦလဂၩလၧယချဲၩ့ဆၧ လၧအဂဲးလၧယဎီးယ ၡၩအံၫစရ့လၭ အမီၪလဖၪအစူၪဖၧၩ့ လၧအချဲၩ့ဆၧ လၧမီၪအချိၬလၧနံၪ့လဖၪ အမုနံၩလဖၪအကျၩလၧယ မိဒုၭဂဲၫနၧၩထၫ့ဒၩအဝ့ၫၥံၪလီၫ.
ယွၩအဆၧစ့ၩရၫ့ဂီၭ.
18လၧမုလနံၩဎးလၧဂီၭမိဂဲၫထၫ့ဒၩ ခးအံၫစရ့လၭနီၪ, ဆၧမိမၩအၥၭ လၧယၥၭခဲၩထၪ့မိထၪ့ဝ့ၫ, ကဆါယ 19ဟိဝၩစံၭဝ့ၫဒၪ.- အဂဲးဘဲၫယီၩယချဲၩ့ယူၭဆၧလၧယ ၥၭကဲၪ့,ဒဲယၥၭခဲၩထၪ့အမ့ၪနီၪလီၫ. မွဲမၬလၧမုလနံၩ နီၪ,ဆၧဝၭၡိၩ့ၡိၬဖၭဒိၪမိအီၪဝ့ၫ လၧခးအံၫစရ့လၭအ 20ဖၧၩ့လီၫ.- ဒ့ၪၥံၪယၪၥံၪလၧမၫဆမံၭဖၧၩ့, ဒဲထိၪၥံၪလံၪ ၥံၪလၧဆၧဖိၭဖၫ့, ဒဲဆၧဖိၪဆၧဎါလၧမံၩ့လၬကျၩ, ဒဲ ဆၧစွၩလၧအစွၩလၧဂၪ့ခိၪချိၫ့ကိၭမံၩ့ဒ့ၭ, ဒဲကယဲၦၡၩ လၧအအီၪဝ့ၫလၧဂၪ့ခိၪချိၫ့ထီးအလူၬနီၪ, မိဝၭထိၬ လၧယမ့ၬယၫတၭ, ဆၧမိခွံၬလၩ့ခွံၬခိၪလီၩ့ထိၩ့ချိၬ ဒဲ ဆၧလၩ့ဘျဲၩ့မိလၩ့ဎီး, ဒဲဆၧအဒီၪ့ထီးအလူၬ မိလၩ့ 21ဎီးလၧဂၪ့ခိၪအဖၫ့ခိၪလီၫ.- ယမိကိၭန့နၭလဘံၪ့ထၫ့ ဒၩအဝ့ၫလၧယခိၪလီၩ့ ထီးအလူၬအကျၩ,ကဆါယ ဟိဝၩစံၭဝ့ၫဒၪး ၦလဂၩဘၪလဂၩ အနၭမိအီၪလၧအ 22ထၧၫ့ဖုဝဲအလီၩ့ဆုၬဆုၬလီၫ.- ယမိစ့ၩရၫ့ထၫ့ဒုၪဒၩ အဝ့ၫလၧဆၧၥံၫချဲၫ့,ဒဲဆၧၥွံၪး ယမိဒုၭဂဲၫဆၧၩ့လၩ့ဆၧ လၧအလီၩ့လၧမုၥၪဖၭဒိၪ, ဒဲမ့ၪ,ဒဲကး, ဒဲလၧအၡၩ ခမျၧးအလီၩ့, ဒဲလၧၦအၪဆၨၩလၧအအီၪလၧအၥိၭ 23အလီၩ့လီၫ.- ယမိအီၪက့ၪဒိၪယၥၭ ဒဲအီၪက့ၪဆံၫ့ ဎံၪယၥၭ,ယမိဘၪဆၧၥ့ၪယၫယၧၩ လၧၦအၪဆၨၩအ မ့ၬယၫတၭ, အဝ့ၫၥံၪမိၥ့ၪယၫဝ့ၫ လၧယမွဲယဟိဝၩ လီၫ.
Currently Selected:
ဇံၫ 38: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
