ဇံၫ 21
21
21
ယွၩအနၭ.
1-2ယဟိဝၩအလူလၩ့ဘၪယၧၩတၭ,စံၭဝ့ၫဒၪ, ၦၡၩ အဖိၪခွၫဧ့, ဒိၭနမ့ၬလၧယရုစလံၫ့တၭ, ဒုၭလၩ့ဆၩ့ နဆၧချဲၩ့လၧဆၧအလးဆံၫ့ဎံၪလဖၪအအီၪ, ဒဲချဲၩ့ဆၧ 3လၧမီၪအချိၬထၫ့ဒၩအံၫစရ့လၭအခး,- တၭစံၭခးအံၫ စရ့လၭယဟိဝၩစံၭဘဲၫယီၩ,ယိခွါ, ယထၫ့ဒၩနၧၩ တၭ,ယမိထုၭထၪ့ခွံၬယနၭလၧအကၠိၭဖၧၩ့, ယမိဒၪ့ 4ထ့ၬခွံၬၦအတီၩဒဲၦလတီၩဘၪလၧနကျၩလီၫ.- မွဲယမိ ဒၪ့ထ့ၬခွံၬၦအတီၩ, ဒဲၦလတီၩဘၪလၧနကျၩတၭ,ယ နၭမိဂဲၫထၪ့လၧအကၠိၭဖၧၩ့ ထၫ့ဒၩဆၧဖံၭဆၧယၪထီး 5အလူၬလၧမုခံၫ့ဖိးလၧမုဖၩလီၫ.- တၭဆၧဖံၭဆၧယၪ ထီးအလူၬမိၥ့ၪယၫဆၧလၧယၧၩ, ယဟိဝၩယီၩ, ယ ထုၭထၪ့ခွံၬယူၭယနၭ လၧအကၠိၭဖၧၩ့တၭ, မိဖျၪ့နုၬ 6လၧၩ့အၥၭအ့ၬ.- တၭနဝ့ၫဒၪယီၩ, ၦၡၩအဖိၪခွၫဧ့, ဂၪ့အုၩဂၪ့ထိၬဆံၭ, ဂၪ့အုၩဂၪ့ထိၬနၭနၭလ့ၬ,ဒဲနယး 7ဒံၩ့ခါလၧအဝ့ၫၥံၪအမ့ၬယၫဆံၭ.- ထီးၦစံၭနၧၩ,နဂၪ့ အုၩဂၪ့ထိၬမွဲဘၪလဲၪနီၪတၭ, ဆၧမၩအၥၭလၧနမိဘၪ စံၭ,ဆၧလၧဆၧပရၧၫ့အကၠီၩ့နီၪ လၧအဂဲၫဝ့ၫအကၠီၩ့ လီၫ.တၭၦၡၩအၥၭ မိဖံၪထၪ့ကိၭဂၩဒ့ၭ,ဒဲၦအစူၪမိ လၩ့ဆါထီးအလူၬ, ဒဲၦအၥၭမိလၩ့ဘဲၩကိၭဂၩဒ့ၭ,ဒဲ ၦအခၪ့လုးခိၪမိကဲၪထၪ့ဘဲၫထံၫအၥိၭ ထီးအလူၬလီၫ. ယိခွါ,ဆၧဂဲၫဝ့ၫတၭ, မိမၩအၥၭ, ကဆါယဟိဝၩစံၭ ဝ့ၫဒၪ.
8ယဟိဝၩအလူလၩ့ဘၪဒီၭယၧၩတၭ, စံၭဝ့ၫဒၪ, 9ၦၡၩအဖိၪခွၫဧ့, ချဲၩ့ဆၧလၧမီၪအချိၬတၭ, စံၭ, ယဟိ ဝၩစံၭဘဲၫယီၩ,စံၭ,နၭလဘံၪ့, နၭလဘံၪ့ကျဲၩ့ယူၭအ 10ၥၭ,ဒဲကျဲၩ့ဖျ့ၫယူၭအၥၭယူၭ.- ကျဲၩ့ယူၭအၥၭဘဲၫၥိၭ အမိမၩၥံၫဆၧနၭနၭလ့ၬတၭ, ကျဲၩ့ဖျ့ၫယူၭအၥၭဘဲၫ ၥိၭအမိယုၩ့ယဲလီၫ. အ့ၪလမွဲဘၪဘဲၫနီၪတၭ ပမိၥၭ ထိၬဆ့ဧၪ. ယဖိၪခွၫအနိၪထိၭဘီၩ့ မၩကြၩ့ထမးနိၪ 11ထိၭကိၭဘီၩ့ဒ့ၭလီၫ.- ဖ့ၪလၫ့ဝ့ၫဘဲၫၥိၭပမိကျဲၩ့ဖျ့ၫ လၧၦမိမၩဆၧလၧအဝ့ၫလီၫ. နၭလဘံၪ့နီၪကျဲၩ့ယူၭ အၥၭ,ဒဲကျဲၩ့ဖျ့ၫယူၭအၥၭ ဘဲၫၥိၭအမိဖ့ၪလၫ့အဝ့ၫ 12လၧၦမၩၥံၫဆၧအစူၪဖၧၩ့လီၫ.- ၦၡၩအဖိၪခွၫဧ့,ကိၭ ထၪ့ဒဲအိၩ့ယိၩ့ထၪ့ဆံၭ. အဂဲးဘဲၫယီၩ မိဘၪယၡၩ ခမျၧးအလီၩ့, မိဘၪအံၫစရ့လၭအၦဒိၪဖၭဒိၪထီးအ လူၬအလီၩ့လီၫ. ဆၧဖ့ၪလၫ့ခွံၬအဝ့ၫၥံၪ လၧနၭၥံၪဖၩ့ ၥံၪအီၪဝ့ၫလၧယၡၩခမျၧးလီၫ. မၩအၥၭဘဲၫနီၪတၭ, 13ဒိၪလၩ့နကံၪဒူၪဆံၭ.- အဂဲးဘဲၫယီၩ ဆၧမၩခွါယူၭ ဆၧယူၭ,နိၪထိၭလၧအမၩကြၩ့ထမးလဘီၩ့နီၪအ့ၪလ အီၪလၧၩ့ဘၪတၭ, မွဲဘဲၫၥ့ၪလဲၪ,ကဆါယဟိဝၩစံၭဝ့ၫ 14ဒၪ.- နဝ့ၫဒၪၦၡၩအဖိၪခွၫဧ့,ချဲၩ့ဆၧလၧမီၪအချိၬတၭ, ဒဲၩနစူၪဆံၭ. အဂဲးဘဲၫယီၩနၭၥံၪဖၩ့ၥံၪဂဲၫဝ့ၫနံၫဘျၩ့ ၥၧၫ့ဘျၩ့လီၫ. နၭလဘံၪ့လၧအမၩၥံၫဆၧ, နၭလဘံၪ့ လၧအမၩၥံၫဆၧအၪအၪလ့ၬ လၧအအီၪဝၬဖီၩ့ဝ့ၫကိၭ 15ခီၫဒ့ၭလီၫ.- ယအီၪက့ၪနၭ လၧအမၩၥၭမဲၪဆၧလၧ အတရၫ့ထီးအလူၬအလီၩ့, ဘဲၫၥိၭအၥၭမိလၩ့ဘဲၩ ဒဲ အဆၧလၩ့ဎီးအလးမိအၪထၪ့လီၫ. ယအီၪက့ၪနၭအ မၩၥၭမဲၪဆၧဆဲၫဎၩ့ ဒဲအတရၫ့ထီးအလူၬလီၫ. အၩ လါၬ ဆၧမိဒုၭယုၩ့ယဲဝ့ၫဘဲၫၥ့ၪလဲၪ. ကျဲၩ့ဖျ့ၫအၥၭလၧ 16မၩၥံၫဆၧအဂးလီၫ.- အီၪလစီၪ့ဎးကျီၪ့ဆၧလၧနစူၪ ထွ့ၪလခီၫဆံၭ. တဲၩ့ဝဲၩနၥၭကျီၪ့ဆၧလၧနစူၪစ့ၪထီး 17နဒိၭနမ့ၬနီၪဆံၭ,- ယဝ့ၫဒၪယီၩယမိဒဲၩဆ့ယစူၪတၭ, ယၥၭခဲၩထၪ့မိထုၬလီၫ. ယၧၩယဟိဝၩယီၩ ယချဲၩ့ ဆၧလီၫ.
ခးဘၭဘလၧၫ့အစဎွၩအနၭ.
18ယဟိဝၩအလူလၩ့ဘၪဒီၭယၧၩတၭ, စံၭဝ့ၫဒၪ, 19ၦၡၩအဖိၪခွၫဧ့, ဘဲၫၥိၭဘၭဘလၧၫ့အစဎွၩအနၭလ ဘံၪ့မိဂဲၫဝ့ၫတၭး အီၪက့ၪဖၧၩ့ၥၭနံၫဘီၩ့နီၪ လၧနဂး ဆံၭ.နံၫဘီၩ့လူၬနီၪ မိဘၪဂဲၫထၪ့လၧခးလဘံၪ့ဎးအ ဖၧၩ့လီၫ. ရွံန့ဆၧအလးလစီၪ့တၭ, ရွံန့ဝ့ၫနီၪလၧဖၧၩ့ 20ၥၭလ့ၩလၧဒိၩ့ဖၧၩ့လဘီၩ့ အခၪ့ထံၭနီၪဆံၭ.- အီၪ က့ၪဖၧၩ့ၥၭလဘီၩ့ဘဲၫၥိၭနၭလဘံၪ့နီၪ မိဂဲၫလၧၦအၫ မၧၫ့ဖိၪလၧရၭဘၭအဖၧၩ့, ဒဲလၧယုဒၫဖိးလၧယရုစလံၫ့ 21ဒိၩ့လဖျိၪ့အီၪလၧအခိၪဒၧၩ့နီၪဆံၭ.- အဂဲးဘဲၫယီၩ ဘၭဘလၧၫ့အစဎွၩ ဆၧၫ့ထုၪ့ဝ့ၫ ထီးဖၧၩ့ၥၭထဲၩ့ဖၭ လၧဖၧၩ့ၥၭနံၫဘီၩ့အခၪ့ထံၭ, ဘဲၫၥိၭအမိအၪ့ဖၩ့ဆၧ လီၫ.မၩဆၧအူၪဆၧပီၩတၭ, အဝ့ၫမၩယုၩ့ယဲအဖျါ လဖၪ,အဝ့ၫအၪ့စၪ့ဆၧလၧဆၧဂၩ့လဖၪတၭ, ယိဝ့ၫလၧ 22ဆၧအၥုၪ့လီၫ.- မိမၩန့ဆၧအူၪဆၧပီၩလၧယရုစလံၫ့ အဂး,လၧအစူၪထွ့ၪနီၪ, ဘဲၫၥိၭ, ၦမိအီၪက့ၪလၩ့စဲၭ ဘုၪ့ဖိးဆၧ, ဘဲၫၥိၭၦမိအၩ့ထၪ့အနိၭ, ဒဲကိၭၡၭထၪ့ ဘဲၫၥိၭပမိထုၭထၪ့အလူ, ဘဲၫၥိၭပမိအီၪက့ၪစဲၭဘုၪ့ ဖိးဆၧအီၪဆဲၫဎၩ့လၧတရၫ့လဖၪနီၪ, ဒဲဘဲၫၥိၭပမိမၩ 23ထိၬနီၪလီၫ.- ၦလဖၪနီၪဆိၪလၩ့အၥၭ လၧအဝ့ၫအ ကၠီၩ့တၭ, အဝ့ၫနီၪမိမၩအၥၭဘဲၫ ဆၧအၪ့ဖၩ့အၪ့လီၫ ဆၧလၧအဝ့ၫၥံၪအမ့ၬယၫအၥိၭလီၫ. မွဲလါနၫ့တၭ,မိ ဒုၭနၪ့ထၪ့ထဲၩ့အဝ့ၫၥံၪအဆၧဒဲၩဘၭ, ဘဲၫၥိၭအမိဘၪ 24ဆၧမၩန့ဝ့ၫလီၫ.- မၩအၥၭဘဲၫနီၪတၭ,ကဆါယဟိ ဝၩစံၭဘဲၫယီၩ, မွဲနၥံၪအဆၧမၪအီၪဖျီၪထၪ့တၭ, နၥံၪ ဒုၭနၪ့ထၪ့ထဲၩ့နၥံၪအဆၧဒဲၩဘၭလီၫ. နၥံၪအဆၧဒဲၩ ဘၭအီၪဖျီၪဝ့ၫလၧနၥံၪမၩဆၧ ထီးအလူၬအကျၩလီၫ. ယစံၭမွဲနၥံၪနၪ့ထၪ့ထဲၩ့ယူၭနၥံၪအၥၭယူၭတၭ, ဆၧ မိမၩန့နၥံၪလၧဆၧအစူၪလီၫ.
25နဝ့ၫဒၪယီၩ အံၫစရ့လၭအၦဒိၪဖၭဒိၪ အအၧၩ့လ တီၩလလီၩ့ဘၪ, လၧအမုနံၩလနံၩဘၪယူၭ ထီးအ 26ဆၧၫ့အထီလၧဆၧဒဲၩဘၭမိလူၬဝ့ၫ, လဂၩဧ့,- ကဆါ ယဟိဝၩစံၭဘဲၫယီၩ, ဘဲၪ့လၩ့ခွံၬဖျံၩပၪပဲၪတၭ, ထုၭ လၩ့ထဲၩ့ၥရဖူၩဆံၭ. မွဲလၧၩ့နဆၧအ့ၬ. ယအီၪက့ၪ ထၪ့ထီၫၦလၧအဆၪ့လၩ့အၥၭတၭ, ယဆၪ့လၩ့ၦလၧ 27အအီၪက့ၪထၪ့ထီၫအၥၭလီၫ.- ယမိချႃၬလၩ့, ချႃၬလၩ့, ချႃၬလၩ့ဝ့ၫလီၫ. ဆၧလမိအီၪလၧၩ့ဘၪထီးၦလဂၩလၧ အမွဲအဆၧတီၩမိဂဲၫထီၩ့တၭ, ယမိဖ့ၪလၫ့ လၧအဝ့ၫ နီၪလီၫ.
နၭဒဲၦအၫမၧၫ့ဖိၪၥံၪ.
28နဝ့ၫဒၪၦၡၩအဖိၪခွၫဧ့, ချဲၩ့ဆၧလၧမီၪအချိၬတၭ, စံၭ,ကဆါယဟိဝၩစံၭ ၦအၫမၧၫ့ဖိၪအဂဲး, ဒဲလၧအ ဆၧဒုၪဒွ့ၪအဂဲးဘဲၫယီၩ, နစံၭနဝ့ၫ, နၭၥံၪဖၩ့ၥံၪထုၭ ထၪ့ခွံၬယူၭအၥၭယူၭ, ကျဲၩ့ဖျ့ၫယူၭအၥၭယုၩ့ယဲဖၩ့ ထၪ့လၧဆၧမၩၥံၫဆၧအဂး လၧဆၧမၪလူၬဆၧအဂး 29လီၫ.- အဝ့ၫၥံၪဒၪဆၧပျီၩပျီၩလၧနဂး, ဒဲချဲၩ့ဘျံၭချဲၩ့ ဘျၪလၧမီၪအချိၬလၧနဂး, ဘဲၫၥိၭအမိဒုၭလၩ့ဘၪနၧၩ လၧၦလတီၩလလီၩ့ဘၪအခိၬ လၧအဘၪဆၧမၩၥံၫ ဝ့ၫ,ၦလၧအမုလနံၩဘၪ ထီးအဆၧၫ့အထီလၧဆၧဒဲၩ 30ဘၭမၩလူၬဆၧလီၫ.- ဖျၪ့နုၬထဲၩ့နၭလၧအကၠိၭဖၧၩ့ ဆံၭ.ယမိစ့ၩရၫ့နၧၩ ထီးအလးလၧဆၧတဲၩ့လၩ့နၧၩ 31လၧအဖၧၩ့,လၧနအီၪဖျဲၪအခးဖၧၩ့လီၫ.- ယမိဂါလၩ့ ယၥၭထၪ့ဆီၪ့လၧနဖၫ့ခိၪ, ယမိအူၪဘၪနၧၩလၧယ ၥၭခဲၩထၪ့အမ့ၪတၭ, ယမိဖ့ၪလၫ့ခွံၬနၧၩလၧၦဘၪဆဲၫ့ လၧဆၧဖိၪဆၧဎါအစူၪဖၧၩ့ လၧအမၩဂၭဂီၩ့ဆၧၥ့ၪ 32လီၫ.- နမိကဲၪထၪ့ၥံၪ့မုလၧမ့ၪအဂး,နၥွံၪမိအီၪလၧခး အၥၭကျၩလီၫ. ၦၡၩမိနၪ့ထၪ့ထဲၩ့လၧၩ့နၧၩအ့ၬ. အ ဂဲးဘဲၫယီၩဆၧလၧယၧၩယဟိဝၩယီၩ ယချဲၩ့ဆၧလီၫ.
Currently Selected:
ဇံၫ 21: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
