ဇံၫ 16
16
16
ဝံးယရုစလံၫ့လၧလတီၩလလီၩ့ဘၪဝ့ၫ.
1ယဟိဝၩအလူလၩ့ဘၪဒီၭယၧၩတၭ, စံၭဝ့ၫဒၪ, 2ၦၡၩအဖိၪခွၫဧ့, ဒုၭၥ့ၪယၫယရုစလံၫ့လၧအဆၧၥၭ 3လိၪလဖၪ,- တၭစံၭ,ကဆါယဟိဝၩစံၭ,ယရုစလံၫ့ဘဲၫ ယီၩ, နအီၪအလးလၧအခၪ့ထံၭး ဒဲနအီၪဖျဲၪအလးနီၪ, မွဲခးကၫနအၫ့လီၫ. နဖါမွဲၦအၫမိၫဖိၪ,ဒဲနမိမွဲၦဟံၥၭ 4ဖိၪလီၫ.- ဆၧလၧနအီၪဖျဲၪအမုနံၩနီၪ ဆၧလကူၭထ့ၬ ဘၪနဒ့ၩလၧမုလနံၩလၧနအီၪဖျဲၪနီၪ, ဆၧၥူၫဝၭဆံၫ့ နၧၩလၧထံၫလၧနဆံၫ့ထၪ့အ့ၬ. ဆၧလဎွံၪဘၪနၧၩလၧ ထံၫလၪတၭ, ဆၧဘီၪ့ထၪ့နၧၩလၧဆၧယၬဘီၪ့ဆၧနီၪ 5ဆ့အ့ၬ.- ဆၧအမ့ၬၥၪလလီၫ့ကီၩ့ဘၪနၧၩ, ထီးအမိ ယၫ့ၥၭနၧၩ, ဘဲၫၥိၭအမိမၩဆၧလမံၩ့မံၩ့နီၪလၧနဂး အ့ၪမွဲလၧမုလနံၩ လၧနအီၪဖျဲၪနီၪ ဆၧခွံၬၡိၭခွံၬနၧၩ လၧဆၧပျၩ့ဖၧၩ့ ထီးနၥၭလိၪလၩ့ နနၫ့ဆါဒၪနဝ့ၫလီၫ.
6ထီးယလ့ၩဖီၩ့ခွံၬနၧၩတၭ, ယဒၪဘၪနၧၩလၧနဘၪ ဆၧစံၪစၪ လၧနၥွံၪဒၪနဝ့ၫအဖၧၩ့တၭ,လၧနအီၪလၧန ၥွံၪဒၪနဝ့ၫအဖၧၩ့နီၪ,ယစံၭနၧၩ,မၧၫ့ဆံၭ. မွဲမၬ,ယစံၭ 7နၧၩလၧနအီၪလၧနၥွံၪဖၧၩ့နီၪ,မၧၫ့ဆံၭ.- ယဒုၭအၪ ထၪ့ယူၭနၧၩအထီၫ့ၥံၪ ဘဲၫဆၧအမဲၪထၪ့လၧမံၩ့လၬ ကျၩအၥိၭနီၪတၭး နဒိၪထၪ့ ဒဲနဂၩ့ထီၫထၪ့တၭ, န ကဲၪထၪ့ဝ့ၫ ၦအီၪလၧအဎံၫအလၩလၩ့မဲၩဒၪဆၧလီၫ. နနူဒိၭထၪ့ဒဲနခိၪၥူၫထီၫထၪ့တၭ, အ့ၪမွဲနအီၪဘိၪ့နီၪ, 8နကီၩ့နၥိၭအီၪအ့ၬ.- ထီးယလ့ၩဖီၩ့ခွံၬနၧၩနီၪ ယဒၪ ဘၪနၧၩတၭ, ယိခွါ,နဆၧၫ့နထီမွဲဆၧအဲၪအဆၧၫ့အ ထီလီၫ. ယဒၩလၩ့ယဖၬဘဲၩ့လၧနလီၩ့ ဒဲချႃၬဘံၭန ဆၧအီၪဘိၪ့တၭ, ယဆိၪလၩ့ယၥၭလၧနၧၩ, ဒဲယအုၩ့ လၩ့ဆၧလၧနၧၩတၭ, နကဲၪထၪ့ယဆၧ, ကဆါယဟိ 9ဝၩစံၭဝ့ၫဒၪ.- ထီးနီၪလဖၧၫ့ ယၥူၫဝၭနၧၩ လၧထံၫး မွဲမၬ,ယၥူၫဝၭဆံၫ့ခွံၬနၥွံၪလၧနလီၩ့ဆံၫ့တၭ, ယဂုၪ 10နၧၩလၧၥိၪလီၫ.- ယဒုၭကီၩ့ၥိၭနၧၩ လၧဆၧကီၩ့ဆၧ ၥိၭဆၭကံၪအၥၭ ဒဲဖျၪ့နခၪ့လၧခၪ့ဖံၭဆၧဖံၭ, ဒဲယခဲး ထူၬနယးဒံၩ့ လၧဆၧဘွၩဖျ့ၪလံၬကံၭ ယဒုၭလုၬဘံၭ 11နၧၩလၧထိလီၫ.- ယအီၪက့ၪကယၧၩ့နၧၩ လၧဆၧက ယၧၩ့ကယီၫတၭ, ယဒုၭၥိၭနစူၪလၧထဲၩ့ဎွံၪ, ဒဲယဒုၭ 12လံၬနခိၬလၧၥွ့ၫ,- ဒဲယဒုၭထူထၪ့နၧၩလၧနၫခွၩ့,ဒဲယ ဒုၭဒံၭထၪ့နၧၩလၧနါဒံၭ, ဒဲယဒုၭချႃၬနၧၩလၧၥရဖူၩအ 13ဎံၫအလၩလီၫ.- နဘၪယူၭဆၧအီၪက့ၪကယၧၩ့ကယီၫ နၧၩ လၧထီၫ့ၥံၪလွ့ၫၥံၪကျိၪၥံၪစ့ၩၥံၪတၭ, နကီၩ့နၥိၭ မွဲဆၧဘွၩဖျ့ၫလံၬကံၭဒဲထိ, ဒဲဆၧဆၭကံၪအၥၭလီၫ. နအၪ့ကိၪအမုၬ, ဒဲန့ၫစၩ့,ဒဲၥိၪ,နဎံၫနလၩဂ့ၩမၬလီၫ. တၭနဘီၪထၪ့ယီၫထၪ့ ထီးနကဲၪထၪ့နးဎွၩမုၪလီၫ. 14နမံၩ့ဂၧၫ့ထၪ့ၥၩလၩ့လၧနဎံၫနလၩအကၠီၩ့ လၧၦဆၨၩ လဖၪအကျၩလီၫ. အဂဲးဘဲၫယီၩမွဲအလၧၫ့အဎွ့ၩလၧ ဆၧအဂ့ၩအဘၪလၧယအီၪက့ၪ လၧနလီၩ့အကၠီၩ့နီၪ, ကဆါယဟိဝၩစံၭဝ့ၫဒၪ.
15မွဲလါနၫ့တၭ, နဒိၭနဲၩ့နၥၭလၧနဎံၫနလၩအဖၧၩ့, ဒဲနမၩဒီၩ့ၦမဲၩဎွဲၩမုၪ လၧနမံၩ့ဂၧၫ့ထၪ့ၥၩလၩ့အကၠီၩ့, ဒဲနမၩဆၧလဲးဆၧဘျၪအၪမၬ, လၧကယဲၦလၧအလဲး 16လီၩ့လၧနအီၪလီၫ. အနီၪမွဲအဆၧလီၫ.- နမၩန့ဆၧ လၧနကီၩ့နၥိၭအကျၩတၭ, နမၩဆၧအလးထၪ့ထီၫ ကယၧၩ့ကယီၫဒဲဆၧကံၪကဲၩ့တၭ, နကဲၪၦမဲၩဎွဲၩမုၪ လၧအဖၫ့ခိၪလီၫ. ဆၧဘဲၫနီၪၥိၭလဂဲၫဘၪနးဆိၭတၭ, 17မိမၩလၧၩ့အၥၭဆ့အ့ၬ.- နမၩန့နကယၧၩ့ကယီၫ အဎံၫအလၩလၧယထီၫ့ၥံၪလွ့ၫၥံၪ ဒဲယကျိၪၥံၪစ့ၩၥံၪ အကျၩ,လၧယဖ့ၪလၫ့ယူၭနၧၩတၭ, နတဲၩ့ၦခွၫအဂၩ့ လၧအဝ့ၫလၧနဂးတၭ,နမၩဆၧလဲးဆၧဘျၪလၧအဝ့ၫ 18ၥံၪ,- နမၩန့နကီၩ့နၥိၭဆၭကံၪအၥၭတၭ,မၩဘံၭအ ဝ့ၫၥံၪတၭ,နအီၪက့ၪယၥိၪၥံၪချၫၥံၪ, ဒဲယဆၧဆူၭခဲၩ 19နၧၫ့မၧၫ့လၧအမ့ၬယၫလီၫ.- ယဆၧအၪ့လၧယဖ့ၪလၫ့ နၧၩ,ကိၪမုၬဒဲၥိၪ, ဒဲန့ၫစၩ့လၧယလုအၪ့နၧၩနီၪ, နအီၪ က့ၪလၩ့လၧအဝ့ၫၥံၪအမ့ၬယၫ လၧဆၧနၧၫ့မၧၫ့မုၬအ ဂးလီၫ. တၭဆၧမၩအၥၭဘဲၫနီၪ ကဆါယဟိဝၩစံၭ 20ဝ့ၫဒၪ.- လၧနီၪအမ့ၬယၫနမၩန့နဖိၪမုၪၥံၪဒဲနဖိၪခွၫၥံၪ လၧနအီၪဖျဲၪန့လၧယဂးတၭ,လုထၪ့ဆၧဂၩ့နီၪလၧအ ဝ့ၫၥံၪလၧဆၧမိအၪ့ခွံၬအဝ့ၫၥံၪအဂဲးလီၫ. နမၩဆၧလဲး 21ဆၧဘျၪနီၪအ့ၪလအၪဘၪတၭ,- မွဲနမၩၥံၫယဖိၪလဖၪ တၭ,ဖ့ၪလၫ့ခွံၬအဝ့ၫၥံၪဘဲၫၥိၭအမိခၫ့ဂၬမ့ၪလၧဆၧ 22ဂၩ့အဂးနီၪဆ့ဧၪ.- လၧနဆၧဘၪၥၭလိၪထီးအလူၬအ ဖၧၩ့,ဒဲလၧနမၩဆၧလဲးဆၧဘျၪ ထီးအလူၬအဖၧၩ့နီၪ, နလနၪ့ထၪ့ထဲၩ့ဘၪ လၧနဖိၪၥၪဒံၭအမုနံၩလဖၪ,ထီး နအီၪဘိၪ့ဒဲနကီၩ့နၥိၭလအီၪဘၪတၭ, နဘၪဆၧစံၪစၪ ယူၭလၧနၥွံၪဖၧၩ့လီၫ.
ဝံးယရုစလံၫ့အီၪမၧၫ့ဘဲၫမဲၩဎွဲၩမုၪအၥိၭ.
23နဘၪအၡၪ့,နဘၪအၡၪ့လီၫ. ကဆါယဟိဝၩစံၭ 24ဝ့ၫဒၪ,လၧနဆၧအၧၩ့ထီးအလူၬအလးခဲၫ့နီၪ,- ဆၧမၩ အၥၭလၧနမၩဆၧခိၪၥိၭထၪ့အၥၭလၧနဂး, ဒဲမၩဆၧ အလးထၪ့ထီၫ လၧဖၧၩ့ၥၭမုကိၭဘီၩ့ဒ့ၭအဖၧၩ့လၧန 25ဂးလီၫ.- နမၩနလးထၪ့ထီၫလၧကယဲဖၧၩ့ၥၭအခၪ့ထံၭ, ဒဲဒုၭၥၭလိၪနဎံၫနလၩတၭ, နထၩ့ထါနခၪ့လၧကယဲ ၦလၧအလဲးလီၩ့လၧနၧၩလဂၩလါလါအဂး, ဒဲမၩ 26အၪထၪ့နဆၧလဲးဆၧဘျၪလဖၪလီၫ.- နမၩမၪမုၪမၩ မၪခွၫလၧၦအံဇံၭဖိၪၥံၪ ၦအီၪဝ့ၫလၧနနဲၩ့ထံၭ, အဖံၭ အယၪဖၭဒိၪးဒဲနမၩအၪထၪ့နဆၧလဲးဆၧဘျၪၥံၪ လၧ 27နမိထိၪဂဲၩယၥၭထၪ့အဂဲးလီၫ.- မၩအၥၭဘဲၫနီၪတၭ, ယိခွါ,ယယၩ့ထၪ့ယူၭယစူၪထၫ့ဒၩနၧၩ, ဒဲမၩၡၩလၩ့ နဆၧအၪ့ဆၧအီၩး ဒဲဖ့ၪလၫ့ခွံၬနၧၩထီးဒၪၦအၥၭလၧ အၥၭဂဲၫ့နၧၩ, ၦဖလံၡၫဖိၪမုၪလၧအမ့ၬမဲ လၧနဆၧ လဲးဆၧဘျၪအဖၧၩ့ၥၭအကၠီၩ့လီၫ.
28နမၩဒီၩ့အ့ၭကံၫမုၪ လၧၦအစံရအၫဖိၪအၥိၭနီၪ, လၧနမၩဘျဲၩလၥ့ၪဘၪအကၠီၩ့လီၫ. မွဲမၬ,နမၩဒီၩ့မဲၩ 29ဎွဲၩမုၪလၧအဝ့ၫၥံၪလါနၫ့တၭ, နမၩဘျဲၩၥ့ၪအ့ၬ.- န မၩအၪထၪ့ နဆၧလဲးဆၧဘျၪ လၧခးကၫနအၫ့ဖိးလၧ 30ခၫလဒံအၫလါနၫ့တၭ, နမၩဘျဲၩၥ့ၪအ့ၬ.- နမၩဆၧခိၪ ၥိၭထၪ့အၥၭ လၧဖၧၩ့ၥၭကိၭဘီၩ့ဒ့ၭအခၪ့ထံၭတၭ, မၩဆၧအလးထၪ့ထီၫ လၧဖၧၩ့ၥၭမု ကိၭဘီၩ့ဒ့ၭအ ဖၧၩ့,နမၩဆၧထီးအလူၬနီၪ လၧၦအ့ၭကံၫမုၪလၧအ အီၪက့ၪဒူၩအၥၭတၭ, နၥၭလဲးၥၭဘျၪဘဲၫၥ့ၪလဲၪၬ က 31ဆါယဟိဝၩစံၭဝ့ၫ,- နမီၪ့ဎီၩ့လၧမဲၩဎွဲၩမုၪအ့ၬ. အဂဲး 32ဘဲၫယီၩနထိးဆၧအလံၩ့အလဲၫအ့ၬ.- မွဲဘဲၫၦအမၫ လၧအအဲၪဘိၩ့အဝၩအၥိၭနီၪ လၧအမၩန့ၦဂူၫဂၩလၧ 33အဝၩအလးလီၫ.- ၦခွၫဖ့ၪဆၧအလံၩ့အလဲၫ လၧၦ အ့ၭကံၫမုၪထီးအလူၬလီၫ. အ့ၪမွဲနဝ့ၫဒၪယီၩ နဖ့ၪက ယဲၦလၧအအဲၪနၧၩ လၧအလံၩ့အလဲၪတၭ, နအၪ့မၧၫ့ လံၩ့အဝ့ၫလၧစ့ၩ ဘဲၫၥိၭအမိဂဲၫ လၧကိၭခီၫဒ့ၭလၧန 34အီၪလၧနမၩဆၧလဲးဆၧဘျၪအဂးလီၫ.- တၭလၧနမၩ ဆၧလဲးဆၧဘျၪအဖၧၩ့နီၪ, နလၩ့မဲၩနဲၪ့ဒံၭၦမုၪအဂူၫ ဂၩလီၫ.ၦဖိၬနခဲၫ့ဘဲၫၥိၭ အမိမၩဆၧလဲးဆၧဘျၪနး ဂၩအ့ၬ.နဖ့ၪလၫ့ဆၧအလံၩ့အလဲၫတၭ, ဆၧလဖ့ၪ လၫ့ဘၪနလံၩ့နလဲၫ မၩအၥၭဘဲၫနီၪတၭ, နလၩ့မဲၩ ဒၪဆၧလီၫ.
ယွၩအဆၧစ့ၩရၫ့လၧဝံးယရုစလံၫ့အဖၫ့ခိၪ.
35မၩအၥၭဘဲၫနီၪတၭ, ၦမဲၩဎွဲၩမုၪဧ့,ခိၭနၪယဟိဝၩ 36အလူဆံၭ.- ကဆါယဟိဝၩစံၭဘဲၫယီၩ, မွဲနဆၧစံၪစၪ ဂါလၩ့အၥၭတၭ, နဆၧအီၪဘိၪ့အီၪဖျီၪလၧနမၩဆၧ လဲးဆၧဘျၪလၧ ၦလၧအအဲၪနၧၩလဖၪအၥိၭ, ဒဲလၧန ဆၧဂၩ့ၥံၪအဆၧၥၭလိၪအဖၧၩ့, ဒဲလၧနဖိၪလဖၪအၥွံၪ 37လၧနဖ့ၪလၫ့အဝ့ၫၥံၪအကၠီၩ့တၭ,- ယိခွါ, မၩအၥၭ ဘဲၫနီၪတၭ, ယမိဒုၭအီၪကီၪ့ ၦလၧအအဲၪနၧၩထီးအ လူၬ,ၦလၧအဘၪအၥၭလၧနၧၩ, ကယဲၦလၧနအဲၪဝ့ၫ အီၪလၧကယဲၦလၧနၥၭဂဲၫ့ဝ့ၫတၭ, ယမိဒုၭအီၪကိၩ့ အီၪကီၪ့ဝၬဖီၩ့ထၫ့ဒၩနၧၩတၭ, ယမိနဲၪဖျီၪထၪ့နဆၧ အီၪဘိၪ့လၧအဝ့ၫၥံၪအမ့ၬယၫ, ဘဲၫၥိၭအမိဒၪဘၪန အီၪဘိၪ့ထီးအလူၬလီၫ.
38ယမိစ့ၩရၫ့နၧၩဘဲၫၦမုၪလၧအအဲၪဘိၩ့အဝၩ,ဒဲဂါ လၩ့အၥွံၪလဖၪ ဘၪဆၧစ့ၩရၫ့ဝ့ၫအၥိၭနီၪတၭ, ယမိ ဖ့ၪလၫ့နၧၩ လၧဆၧၥွံၪ လၧယၥၭခဲၩထၪ့ဒဲယၥၭကဲၪ့ 39လီၫ.- ယမိဖ့ၪလၫ့ခွံၬနၧၩလၧအဝ့ၫၥံၪအစူၪဖၧၩ့,ဒဲမိ မၩလၩ့ဎီးခွံၬနဆၧခိၪၥိၭထၪ့အၥၭ, ဒဲမိမၩဂၭဂီၩ့ခွံၬ နလးထၪ့ထီၫလဖၪ, ဒဲမိဘဲၪ့လၩ့ခွံၬနကီၩ့နၥိၭ,ဒဲမိမၩ န့ထၪ့ခွံၬနကယၧၩ့ကယီၫ လၧအဎံၫအလၩ,ဒဲမိအီၪ 40က့ၪလၩ့နၧၩအီၪဘိၪ့တၭ, နကီၩ့နၥိၭအီၪအ့ၬ.- အဝ့ၫ ၥံၪမိဂဲၫထၪ့လၧၦလဒီၪ့ဒဲထၫ့ဒၩနၧၩ, မိခွံၬနၧၩလၧလိး 41ဒဲဆ့ၭဖျီၫ့နၧၩလၧနၭလီၫ.- မိဆူၭထၪ့ခွံၬ နဂံၪ့လဖၪ လၧမ့ၪဒဲမၩဆၧစ့ၩရၫ့လဖၪလၧနၧၩ လၧၦမုၪအၪဂၩ အမ့ၬယၫတၭ, ယမိမၩပထုၬနၧၩ လၧနမၩဒီၩ့ၦမဲၩ ဎွဲၩမုၪတၭ,နမိဖ့ၪဘၪလၧၩ့ ဆၧအလံၩ့အလဲၫအ့ၬ. 42ယမိဒုၭအီၪပွံၭယၥၭခဲၩထၪ့လၧနလီၩ့, ဒဲယၥၭကဲၪ့ မိစဲၪ့ဒၪနၧၩတၭ,ယမိအီၪလၩ့မါပံၭတၭ, ယၥၭထၪ့ 43လၧၩ့အ့ၬ.- မွဲနလနၪ့ထၪ့ဘၪနဖိၪၥၪဒံၭအမုနံၩလဖၪ နီၪ,အ့ၪမွဲနထိၪဂဲၩယၥၭထၪ့ လၧဆၧထီးအလူၬအ ကၠီၩ့နီၪတၭးယိခွါ, မၩအၥၭဘဲၫနီၪတၭ,ယမိဖ့ၪထဲၩ့ နဖၧၩ့ၥၭလၧနခိၪဎွံၪအဖၫ့ခိၪနီၪ, ကဆါယဟိဝၩစံၭ ဝ့ၫဒၪ.တၭနမိမၩဘၪဆၧလဲးဆၧဘျၪယီၩ လၧနဆၧ ၥၭလိၪထီးအလူၬအဖၫ့ခိၪနီၪအ့ၬ.
ဘဲၫမိအၥိၭ, ဖိၪမုၪမွဲဘဲၫနီၪၥိၭဆ့.
44ယိခွါ,ကယဲၦလၧအချဲၩ့ဒီၩ့လၩ့ဆၧနီၪ, မိချဲၩ့ ဆၧလၧနဂဲးတၭ,စံၭ, ဘဲၫမိအၥိၭနီၪ,ဖိၪမုၪမွဲဘဲၫ 45နီၪအၥိၭဆ့လီၫ.- နဝ့ၫဒၪယီၩနမွဲနမိအဖိၪမုၪ လၧအ ၥၭလိၪအဝၩဒဲအဖိၪအလံၩတၭ, နမွဲထၧၫ့ဖုဝဲမုၪလ ဖၪအထၧၫ့ဖုဝဲမုၪ လၧအဝ့ၫၥံၪၥၭလိၪ အဝၩၥံၪ, ဒဲအဖိၪအလံၩလီၫ. နမိမွဲၦဟံၥၭဖိၪ, ဒဲနဖါမွဲ 46ၦအၫမိၫဖိၪလီၫ.- တၭနဝဲမုၪနီၪမွဲစမ့ရအၫအီၪဝ့ၫ လၧအဖိၪမုၪၥံၪ လၧအအီၪဝ့ၫလၧနစူၪစ့ၪလခီၫ, ဒဲန ဖုမုၪလၧအအီၪလၧနစူၪထွ့ၪလခီၫနီၪ, မွဲစီဒၧၫ့အီၪဝ့ၫ 47လၧအဖိၪမုၪၥံၪနီၪလီၫ.- မွဲလါနၫ့တၭ,နဖိၬဘၪအဝ့ၫ ၥံၪအဖၧၩ့ၥၭအ့ၬ. တၭနမၩဘၪဘဲၫအဆၧၥၭလိၪအ ၥိၭနီၪဆ့အ့ၬ. အနီၪနအီၪက့ၪလၧဆၧအဆံၭလၨၪ တၭ,နအၧၩ့နဲၪ့ အဝ့ၫၥံၪ လၧနဖၧၩ့ၥၭဖၧၩ့ဒံၭလီၫ. 48ယမၧၫ့ယဝ့ၫ ကဆါယဟိဝၩစံၭဝ့ၫဒၪ, နဖုမုၪ စီဒၧၫ့အဝ့ၫဒၪမွဲဂ့ၩ, အဖိၪမုၪမွဲဂ့ၩ, မၩဆၧဘဲၫနမၩ 49နဝ့ၫဒဲနဖိၪမုၪၥံၪအၥိၭနီၪအ့ၬ.- ယိခွါ, နဖုမုၪ စီဒၧၫ့အဆၧဒဲၩဘၭမွဲအယီၩ,အီၪက့ၪအၥၭထၪ့ထီၫ, အၪ့ဆၧဘျဲၩအၪ့တၭ, အီၪကၠႃၪ့အၥၭအၪအၪလ့ၬနီၪ အီၪဝ့ၫလၧအဖၧၩ့, အဝ့ၫဒၪဒဲအဖိၪမုၪၥံၪတၭ, မၩဆီၪ့ 50ထၪ့ၦၡၪ့ဖိၪယၬဖိၪ,ဒဲၦဘၪၡၪ့ဘၪနၭအစူၪအ့ၬ.- တၭ အဝ့ၫၥံၪအီၪက့ၪဖိၫလိၫအၥၭတၭ, မၩဆၧဘၪၥၭ လိၪလၧယမ့ၬယၫလီၫ. ထီးယဒၪဆၧတၭ,ယခွံၬၡိၭ 51အဝ့ၫၥံၪလီၫ.- မၩမၪဆၧဘဲၫနမၩမၪဆၧအၥိၭနီၪ, စမ့ရအၫမၩဖိၭဖၫ့ဝါအ့ၬ. မွဲနမၩအၪထၪ့နဆၧၥၭ လိၪနီၪအၪနဲၪ့ဒံၭအဝ့ၫၥံၪတၭ, နအီၪက့ၪတီၩနထၧၫ့ ဖုဝဲမုၪၥံၪလၧကယဲ နဆၧဘၪၥၭလိၪလဖၪအဖၧၩ့ 52လၧနမၩနဝ့ၫလီၫ.- နဝ့ၫဒၪယီၩ, အီၪဒၪဆ့လၧနမ့ၬ မဲဒၪနဝ့ၫလၧနစ့ၩရၫ့ နထၧၫ့ဖုဝဲမုၪဆံၭ. အဂဲးဘဲၫ ယီၩအဝ့ၫၥံၪနီၪတီၩနဲၪ့ဒံၭနၧၩ, လၧနဆၧ ဒဲၩဘၭလၧ နမၩဆၧၥၭလိၪနၭနဲၪ့ဒံၭ အဝ့ၫၥံၪအကၠီၩ့လီၫ. မွဲမၬ, အီၪက့ၪမဲနမ့ၬဒဲအီၪဒၪဆၧ, ဒဲမ့ၬမဲဆံၭ.
ဝံးစီဒၧၫ့ဒဲဝံးစမ့ရအၫမိဘၪဆၧအီၪက့ၪထဲၩ့ ဘဲၫအခၪ့ထံၭအိၩအၥိၭ.
53ထီးယအ့ၪဒုၭဂဲၫထဲၩ့အၡၩလ့ၩကဲၪဎီး, စီဒၧၫ့ဒဲ အဖိၪမုၪလဖၪလၧအလ့ၩကဲၪဎီး, ဒဲစမ့ရအၫဒဲအဖိၪမုၪ ၥံၪလၧအလ့ၩကဲၪဎီးနီၪ, ထီးနီၪလဖၧၫ့ယမိဒုၭဂဲၫထဲၩ့ 54နၧၩလၧနလ့ၩကဲၪဎီးလၧအကျၩ,- ဘဲၫၥိၭနမိအီၪဒၪ ဆၧလၧနမ့ၬမဲဒၪနဝ့ၫ,ဒဲနမိအီၪက့ၪမဲနမ့ၬ လၧကယဲ ဆၧလၧနမၩဆၧအကၠီၩ့, လၧနမၩမုၬထၪ့ထဲၩ့အဝ့ၫၥံၪ 55အကၠီၩ့လီၫ.- နထၧၫ့ဖုဝဲမုၪစီဒၧၫ့ဒဲအဖိၪမုၪၥံၪအ့ၪထဲၩ့ ထဲၩ့ဝ့ၫလၧအလး လၧအအီၪဝ့ၫအခၪ့ထံၭ,ဒဲစမ့ရအၫ ဒဲအဖိၪမုၪၥံၪ မိထဲၩ့ထဲၩ့ဝ့ၫလၧအလးလၧအခၪ့ထံၭ, ဒဲနဝ့ၫဒၪဆ့ ဒဲနဖိၪမုၪၥံၪမိထဲၩ့ထဲၩ့လၧနၥံၪအလးလၧ 56အခၪ့ထံၭလီၫ.- လါနၫ့တၭ, လၧနအီၪက့ၪထၪ့ထီၫ နၥၭအမုနံၩ လၧနဆၧဒဲၩဘၭလချႃၭအီၪဖျီၪဒံၭဘၪနီၪ 57နဎွံၩ့ဘၪနထၧၫ့ဖုဝဲမုၪစီဒၧၫ့အမံၩ့လၧနနိၭအ့ၬ.- ဘဲၫန ဘၪဆၧဒုၪဒွ့ၪလၧၦစံရအၫအဖိၪမုၪၥံၪ လၧကယဲၦအီၪ ဝၬဖီၩ့အဝ့ၫ, ဒဲလၧၦဖလံၡၫဖိၪအဖိၪမုၪၥံၪ လၧအမၩ 58ကြၩ့ထမးနၧၩ ကိၭစီၪ့ဒ့ၭအၥိၭနီၪလီၫ.- နထိးဘၪ ယူၭနဆၧၥၭလဲးၥၭဘျၪ, ဒဲနဆၧဘၪၥၭလိၪလဖၪနီၪ, ကဆါယဟိဝၩစံၭဝ့ၫဒၪ.
ဆၧအုၩ့လၩ့လမံၩ့လၧအဂုးခၧၫ့လၩ့ဆိၩလၩ့ကၠၪ.
59အဂဲးဘဲၫယီၩ ကဆါယဟိဝၩစံၭဘဲၫယီၩ, ယ မိမၩနၧၩ ဘဲၫနမၩဆၧအၥိၭ, နလဒူၩလယၪ့ဘၪဆၧ ဆိၪလၩ့အၥၭနီၪတၭ, နမၩဂၭဂီၩ့ဆၧအုၩ့လၩ့ လၧန 60မၩဝ့ၫနီၪလီၫ.- မွဲလါနၫ့တၭ, ယမိနၪ့ထၪ့ထဲၩ့ ယ ဆၧအုၩ့လၩ့လၧနၧၩ လၧနၥၭဘၪ့ဒံၭအမုနံၩလဖၪ နီၪတၭ,ယမိဒုၭအီၪဂုးအီၪခၧၫ့နၧၩ လၧဆၧအုၩ့လၩ့ 61အဆိၩအကၠၪလီၫ.- ထီးနအ့ၪထိးဆၧၫ့နထၧၫ့ဖုဝဲ မုၪလဖၪ, နဝဲမုၪဒဲနဖုမုၪတၭ, ယမိဖ့ၪလၫ့အဝ့ၫၥံၪ ဘဲၫၥိၭအမိကဲၪထၪ့ နဖိၪမုၪလါနၫ့တၭ,လမွဲဘၪလၧ နဆၧအုၩ့လၩ့အဖၧၩ့နီၪ, နမိနၪ့ထၪ့ထဲၩ့နဖၧၩ့ၥၭလ 62ဖၪတၭ,နမ့ၬမိမဲလီၫ.- ယမိဒုၭအီၪဂုးအီၪခၧၫ့ယဆၧ အုၩ့လၩ့လၧနၧၩတၭ, နမိၥ့ၪယၫလၧယမွဲယဟိဝၩ 63လီၫ.- ဘဲၫၥိၭထီးယအ့ၪဖျါခွံၬကယဲဆၧလၧနမၩတၭ, နမိနၪ့ထၪ့ထဲၩ့ဆၧ, ဒဲဆၧထီၫမံၫထီၫမၪ,ဒဲလၧနမ့ၬမဲ အကၠီၩ့နီၪ, ထီးအၩ့ထၪ့လၧၩ့နနိၭလဂ့ၩ, ကဆါယ ဟိဝၩစံၭဝ့ၫဒၪ.
Currently Selected:
ဇံၫ 16: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
