၂ မိ 40

ဆၧအီၪက့ၪလၩ့ယွၩအီၪအတဲၩဆံၫ့ဎံၪ အဆၧဖိၪဆၧလံၩဒဲအီၪက့ၪဆံၫ့ဎံၪဝ့ၫ.

1-2ယဟိဝၩချဲၩ့ဆၧလၧစမိစ့ၭတၭ, စံၭဝ့ၫဒၪ, လၩ အခၪ့ထံၭ လၩထၪ့လနံၩနီၪ, နဘၪဆၪ့ထၪ့ဆၧအီၪ 3ကီၪ့အတဲၩအတဲၩဆံၫ့ဎံၪနီၪဆံၭ.- တၭနဘၪအီၪက့ၪ ဆၧအုၩ့လၩ့အတလၫလၧအဖၧၩ့, ဒဲမၩကဒုၩထၬတ 4လၫနီၪလၧကလကၫလီၫ.- နဘၪဂဲၫဆိၬနုၬစပွဲ, ဒဲဆၧ လၧဆၧဘၪတဲၩ့ဝဲၩအၥၭ လၧအဂးလဖၪနီၪ အီၪက့ၪ ဎၩ့လၧအလီၩ့တၭ, နဘၪဂဲၫဆိၬနုၬမ့ၪဒိၩ့မိၡါ, ဒဲစီၩ့ 5ထၪ့အမ့ၪဒိၩ့လဖၪ,- တၭနဘၪအီၪက့ၪဆၧလုအလး ထီၫ့လၧဆူၭခဲၩဆၧနၧၫ့မၧၫ့အဂး လၧဆၧအုၩ့လၩ့အ တလၫအမ့ၬယၫ ဒဲအီၪက့ၪဆၧလၩ့ဆဲၩ လၧတဲၩဆံၫ့ 6ဎံၪအတရၫ့အဂးလီၫ.- တၭနဘၪအီၪက့ၪဆၧလုလး ဆူၭခဲၩမ့ၪ လၧဆၧအီၪကီၪ့အတဲၩ အတရၫ့အမ့ၬယၫ 7လီၫ.- နဘၪအီၪက့ၪအံၪ့ဒိၫ့လၧဆၧအီၪကီၪ့အတဲၩဒဲ ဆၧလုလးအဘိၩ့ဆၧၩ့တၭ, နဘၪအီၪက့ၪထံၫလၧအ 8ဖၧၩ့လီၫ.- နဘၪၥုၪ့ထၪ့ဝၩ့ဝၬဖီၩ့ဝ့ၫတၭ, ဘျၭထၪ့က 9လကၫလၧဝၩ့အတရၫ့နီၪဆံၭ.- နဘၪမၩန့ၥိၪဂုၪဆၧ တၭ,ဂုၪတဲၩဆံၫ့ဎံၪနီၪ, ဒဲကယဲဆၧလၧအအီၪလၧအ ဖၧၩ့, ဒဲမၩဆံၫ့ဎံၪဝ့ၫ ဒဲအဆၧဖိၪဆၧလံၩထီးအလူၬ 10တၭ,မွဲအမိကဲၪထၪ့ဆၧဆံၫ့ဎံၪဆံၭ.- နဘၪဂုၪဆၧလု လးဆူၭခဲၩမ့ၪ, ဒဲအဆၧဖိၪ ဆၧလံၩထီးအလူၬ, ဒဲမၩ ဆံၫ့ဎံၪအဆၧလုလးဆံၭ,- မွဲအမိကဲၪထၪ့အဆၧလု 11လးဆံၫ့ဎံၪထုၬလီၫ.- နဘၪဂုၪအံၪ့ဒိၫ့ဒဲအခၪ့တၭ,မၩ 12ဆံၫ့ဎံၪဝ့ၫဆံၭ.- တၭနဘၪဒုၭဂဲၫစအၫရၧၫ့ဒဲအဖိၪခွၫ လဖၪလၧဆၧအီၪကီၪ့အတဲၩဆံၫ့ဎံၪ အတရၫ့တၭ,ၥူၫ 13ဝၭဆံၫ့ဝ့ၫလၧထံၫဆံၭ. တၭနဘၪဒုၭၥိၭထၪ့စအၫရၧၫ့ လၧဆၧအကီၩ့အၥိၭဆံၫ့ဎံၪ, ဒဲဂုၪဝ့ၫ, ဒဲမၩဆံၫ့ဎံၪဝ့ၫ, ဘဲၫၥိၭ အမိမၩယဆၧလၧၦလုဆၧ အဆၧမၩဆံၭ. 14နဘၪဒုၭဂဲၫထၪ့အဖိၪခွၫလဖၪတၭ ဒုၭၥိၭဝ့ၫလၧဆဲၫ့ 15လဖၪဆံၭ.- တၭနဘၪဂုၪအဝ့ၫၥံၪဘဲၫနဂုၪအဖါအၥိၭနီၪ, ဘဲၫၥိၭအမိမၩယဆၧလၧၦလုဆၧအဆၧမၩဆံၭ. အဂဲးဘဲၫယီၩ အဝ့ၫၥံၪအဂုၪဆၧနီၪမိဘၪကဲၪထၪ့ ၦလုဆၧအဆၧမၩအဆိၩအကၠၪ, ထီၩ့လၧအဆၨၩအဆၬ အဆိၩဆိၩအကၠၪကၠၪလီၫ.

16စမိစ့ၭ မၩဝ့ၫဘဲၫနီၪအၥိၭလီၫ. ဘဲၫကယဲဆၧလၧ ယဟိဝၩမၪလူၬဝ့ၫအၥိၭ မွဲအမၩဝ့ၫဘဲၫနီၪၥိၭလီၫ. 17တၭဆၧမၩအၥၭလၧနံၫနံၪ့လနံၪ့ လၧလၩခၪ့ထံၭ လၩထၪ့လနံၩနီၪ တဲၩဆံၫ့ဎံၪ ဘၪဆၧဆၪ့ထၪ့ဝ့ၫလီၫ. 18စမိစ့ၭဆၪ့ထၪ့တဲၩဆံၫ့ဎံၪတၭ, မၩခၧၫ့အခၪ့ဖျၪ့တၭ, အီၪက့ၪဆၧၫ့ထုၪ့အၥံၪ့ပၪတၭ, ဒုၭနုၬအနိၪဘီၩ့ၥံၪ 19တၭ, ဘီၩ့ထၪ့အထုၪ့လီၫ.- ပၠၪထၪ့တဲၩလၧတဲၩဆံၫ့ဎံၪအဖၫ့ခိၪတၭ, အီၪက့ၪဆၧချႃၬဘံၭတဲၩ လၧအဖၫ့ 20ခိၪ,ဘဲၫယဟိဝၩမၪလူၬ စမိစ့ၭအၥိၭနီၪလီၫ.- မၩန့ဝ့ၫတၭ ဒုၭနုၬဆၧအုၩ့လၩ့လၧတလၫဖၧၩ့တၭ, အီၪက့ၪနိၪယိၭဘီၩ့ လၧတလၫနီၪ, ဒဲအီၪက့ၪ ဆၧယၫ့ၥၭအ 21လးလၧတလၫအဖၫ့ခိၪလီၫ.- အဝ့ၫဒၪဂဲၫဆိၬတလၫ လၧတဲၩဆံၫ့ဎံၪအဖၧၩ့တၭး ဘျၭထၪ့ကလကၫတၭ, မၩကဒုၩခွံၬ ဆၧအုၩ့လၩ့အတလၫ, ဘဲၫယဟိဝၩမၪ လူၬစမိစ့ၭအၥိၭနီၪလီၫ.

22တၭအဝ့ၫဒၪအီၪက့ၪစပွဲ လၧဆၧအီၪကီၪ့အတဲၩဖၧၩ့ လၧတဲၩဆံၫ့ဎံၪအပၪလၧမုဖၩလခီၫ လၧကလကၫဘျၭ 23ထၪ့အၥၭလၧခီၫ့လခီၫလီၫ.- တၭအီၪက့ၪဎၩ့ကိၪလၧ အဖၫ့ခိၪ လၧယဟိဝၩအမ့ၬယၫ, ဘဲၫယဟိဝၩမၪလူၬ စမိစ့ၭအၥိၭနီၪလီၫ. 24တၭအီၪက့ၪမ့ၪဒိၩ့မိၡါ လၧဆၧအီၪကီၪ့အတဲၩဖၧၩ့, ဆဲဎၩ့လၧစပွဲလၧတဲၩဆံၫ့ဎံၪအနဲၩ့ဖၩ လၧမုခံၫ့လခီၫ 25လီၫ.- တၭစီၩ့ထၪ့မ့ၪဒိၩ့လၧယဟိဝၩအမ့ၬယၫ, ဘဲၫ ယဟိဝၩမၪလူၬ စမိစ့ၭအၥိၭနီၪလီၫ.

26တၭမွဲအအီၪက့ၪဆၧလုလးထီၫ့ လၧတဲၩဆံၫ့ဎံၪအ 27ဖၧၩ့ လၧကလကၫအမ့ၬယၫလီၫ.- ဒဲဆူၭခဲၩဆၧနၧၫ့ မၧၫ့လၧအဖၫ့ခိၪ, ဘဲၫယဟိဝၩမၪလူၬစမိစ့ၭအၥိၭနီၪ လီၫ.

28ဒဲဘျၭထၪ့ဆၧလၩ့ဆဲၩ လၧတဲၩဆံၫ့ဎံၪအတရၫ့နီၪ 29လီၫ.- တၭအီၪက့ၪဆၧလုလးဆူၭခဲၩမ့ၪ လၧတဲၩဆံၫ့ဎံၪ,ဆၧအီၪကီၪ့အတဲၩအတရၫ့အနဲၩ့တၭ, လုထၪ့ဆၧလုမ့ၪ ဒဲဆၧမၩဘိၪ့လၧအဖၫ့ခိၪ, ဘဲၫယဟိဝၩမၪလူၬ စမိစ့ၭအၥိၭနီၪလီၫ.

30ဒဲအအီၪက့ၪအံၪ့ဒိၫ့ လၧဆၧအီၪကီၪ့အတဲၩဒဲဆၧလုလးအဘိၩ့ဆၧၩ့တၭ အီၪက့ၪထံၫလၧအဖၧၩ့, ဘဲၫၥိၭ 31ၦၡၩမိၥူၫဝၭဆံၫ့ဆၧလီၫ.- တၭစအၫရၧၫ့ဒဲအဖိၪခွၫလ 32ဖၪၥူၫဝၭဆံၫ့အစူၪဒဲအခၪ့ထီးနီၪလီၫ.- ထီးအလ့ၩနုၬ လၧဆၧအီၪကီၪ့အတဲၩဖၧၩ့တၭ, ထီးအလ့ၩဘူၭလၧ ဆၧလုလးတၭ, အဝ့ၫၥံၪနီၪ, ၥူၫဝၭဆံၫ့ဆၧဘဲၫယဟိ 33ဝၩမၪလူၬစမိစ့ၭအၥိၭနီၪလီၫ.- မၩကဲၪထၪ့ဝၩ့အီၪဝၬ ဖီၩ့တဲၩဆံၫ့ဎံၪ ဒဲဆၧလုအလးတၭ, ဘျၭထၪ့တရၫ့အ ဆၧလၩ့ဆဲၩလီၫ. တၭစမိစ့ၭမၩဂီၩ့အဆၧမၩလီၫ.

ဆၧအုၪ့ချႃၬဘံၭဆၧအီၪကီၪ့အတဲၩဆံၫ့ဎံၪ.

(၄ မိ ၉:ၥ၅-၂၃)

34တၭဆၧအုၪ့ချႃၬဘံၭဆၧအီၪကီၪ့အတဲၩတၭ, ယ ဟိဝၩအလၩအဖၩ့ ဎွ့ၩထၪ့တဲၩဆံၫ့ဎံၪအဖၧၩ့လီၫ. 35တၭစမိစ့ၭလ့ၩနုၬလၧဆၧအီၪကီၪ့အတဲၩဖၧၩ့ၥ့ၪအ့ၬ. အဂဲးဘဲၫယီၩ ဆၧအုၪ့အီၪဝ့ၫလၧအဖၫ့ခိၪတၭ, ယဟိ 36ဝၩအလၩအဖၩ့ဎွ့ၩထၪ့တဲၩဆံၫ့ဎံၪနီၪလီၫ.- တၭထီး ဆၧမၩန့ထၪ့ခွံၬဆၧအုၪ့ လၧတဲၩဆံၫ့ဎံၪအဖၫ့ခိၪတၭ, ၦအံၫစရ့လၭဖိၪ လ့ၩဆၧလၧအဖၧၩ့ၥၭလဖၪ ထီးအ 37လူၬလီၫ.- တၭဆၧအုၪ့နီၪအ့ၪလဘၪဆၧမၩန့ထၪ့ဝ့ၫ တၭ,အဝ့ၫၥံၪလလ့ၩဘၪထီးမုနံၩ လၧဆၧမၩန့ထၪ့ဝ့ၫ 38လီၫ.- အဂဲးဘဲၫယီၩ ယဟိဝၩအဆၧအုၪ့အီၪဝ့ၫလၧ တဲၩဆံၫ့ဎံၪအဖၫ့ခိၪ လၧမုဆၫလခီၫ, ဒဲမ့ၪအီၪဝ့ၫလၧ အဖၫ့ခိၪ လၧမုနၩလခီၫလၧၦအံၫစရ့လၭအဂံၪ့ဖိၪ ထီး အလူၬအမ့ၬယၫ ထီးဒၪအဝ့ၫၥံၪလ့ၩဆၧလစီၪ့လါလါ ကိၭစီၪ့ဒ့ၭလီၫ.

Currently Selected:

၂ မိ 40: pwokyn2

Highlight

Copy