၅ မိ 22
22
22
1နအ့ၪဒၪဘၪနထၧၫ့ဖုဝဲအချီမွဲဂ့ၩ အၥိၪအဘ့ၪမွဲဂ့ၩ, ဂၭဖျိၭတၭ, အီၪက့ၪနၥၭဘဲၫနလဒၪဘၪအၥိၭလဂ့ၩး နဘၪဒုၭထဲၩ့ထဲၩ့ဝ့ၫ လၧနထၧၫ့ဖုဝဲအအီၪတၡါလီၫ. 2နထၧၫ့ဖုဝဲအ့ၪလအီၪဘူၭဘၪလၧနၧၩမွဲဂ့ၩ, နအ့ၪလ ၥ့ၪယၫဘၪဝ့ၫမွဲဂ့ၩ, နမိဘၪဆိၬဝ့ၫ လၧနဂံၪ့ဒၪနဝ့ၫ တၭ, ဘၪအီၪဝ့ၫလၧနစူၪဖၧၩ့ထီးနထၧၫ့ဖုဝဲအၪ့ဎၬဝ့ၫ 3တၭ, နမိဘၪဖ့ၪလၫ့ထဲၩ့ဒီၭဝ့ၫလၧအဝ့ၫဒၪလီၫ.- နမိ ဘၪမၩလၧအကၥ့ၪယီၩ့ ဘဲၫနီၪအၥိၭတၭ, နမိဘၪမၩ လၧအကီၩ့အၥိၭဘဲၫနီၪအၥိၭတၭ, နမိဘၪမၩကယဲန ထၧၫ့ဖုဝဲအဆၧလမံၩ့လါလါလၧအလၩ့မါ, ဒဲနဒၪန့ ဘၪဝ့ၫထီးအလူၬနီၪ ဘဲၫနီၪအၥိၭလီၫ. ထီးအီၪက့ၪၥူၪ 4နၥၭလဂ့ၩ.- နထၧၫ့ဖုဝဲအကၥ့ၪယီၩ့မွဲဂ့ၩ, အချီမွဲ ဂ့ၩ, နအ့ၪဒၪဘၪအလၩ့ထံၩဖါ လၧဖၧၩ့ၥၭနီၪ, ထီး အီၪက့ၪၥူၪနၥၭလဂ့ၩ. နဘၪမၩဆၧၩ့ဝ့ၫတၡါဘဲၫနမိ ဘိၭဂဲထုၪ့ဝ့ၫအၥိၭလီၫ.
5ၦမုၪကီၩ့ဘၪၥိၭဘၪဆၧလၧ အဘၪဆဲၫ့လၧၦခွၫအ့ၬ, ၦခွၫၥိၭဘၪ ၦမုၪအဆဲၫ့အ့ၬ. အဂဲးဘဲၫယီၩ ကယဲၦ လၧအမၩဆၧဘဲၫနီၪလဖၪ မွဲဆၧဘၪၥၭလိၪလၧယဟိ 6ဝၩနယွၩအမ့ၬယၫလီၫ.- နအ့ၪဒၪဘၪထိၪၥွံၫအီၪလၧ ၥံၪ့ခံၫလၧဖၧၩ့ၥၭမွဲဂ့ၩ, လၧဂၪ့ခိၪအလီၩ့မွဲဂ့ၩ, ထိၪ ဖိၪအီၪမွဲဂ့ၩ ထိၪဒံၪအီၪမွဲဂ့ၩတၭ, အမိၡါဂုၪဝ့ၫလၧ ထိၪဖိၪအဖၫ့ခိၪမွဲဂ့ၩ လၧထိၪဒံၪအဖၫ့ခိၪမွဲဂ့ၩ, နမၩန့ 7ဘၪအမိၡါဒဲအဖိၪအ့ၬ,- နမိဘၪဖျါခွံၬအမိၡါတၡါ တၭမၩန့အဖိၪလၧနဂး, ဘဲၫၥိၭဆၧမိဂ့ၩထၪ့လၧနဂး, 8ဒဲဘဲၫၥိၭနမိဒုၭအၪထၪ့နမုနံၩလဖၪလီၫ.- ထီးနမၩဂံၪ့ ၥၫ့လဖျိၪ့တၭ, နဘၪမၩဆၧခိၪဒၧၩ့ဝၬဖီၩ့ နဂံၪ့ခိၪနီၪ, ဘဲၫၥိၭၦအ့ၪလၩ့ထ့ၬတၭ, နထီးဘၪဆၧၥွံၪလၧနဂံၪ့ 9အကၠီၩ့လဂ့ၩလီၫ.- နဎွံၪဘၪနစဘံၭမုအလးလၧဆၧ ချံၫအၪမံၩ့အ့ၬ. ဆၧချံၫလၧနဎွံၪလၩ့ဝ့ၫအၥၪ, ဒဲစဘံၭ အလးလၧအဆၧၥၪ မိကဲၪထၪ့ဘၪခိၬ ဆၧလဆံၫ့ဘၪ 10လီၫ.- နထဲၫဎုၬဘၪချီ ဒဲကၥ့ၪယီၩ့ လစီၪ့ဎးအ့ၬ. 11နကီၩ့နၥိၭဘၪဆၧအကီၫ့အၥိၭ မၩဝ့ၫလၧလူၪအၪမံၩ့, လၧၥၭကလၭဒဲၥီၫကဘၩ့မၩလစီၪ့ဎးအ့ၬ.
12နဖၬဘဲၩ့ လၧနလုၬနီၪ နဘၪမၩအနွံၫ လံခီၫလီၫ.
ၥနိၫလဖၪဘၪဆဲၫ့လၧမုၪခွၫ အဆၧမံၫဎုၬအီၪဎုၬ.
13ၦအ့ၪမၩန့အမၫ, ဒဲလ့ၩနုၬလၧအအီၪတၭ, မ့ၬလဲၩဝ့ၫ 14နီၪ,- ဒဲအီၪက့ၪဆၧမၪလၧအမၫအလီၩ့ လၧအဆၧချဲၩ့ တၭ, ဒုၭအီၪထၪ့အမံၩ့အၧၩ့တၭ, စံၭ, ယမၩန့ၦမုၪ ယီၩ, ထီးယလ့ၩနုၬလၧအအီၪတၭ, ယဒၪန့လၧအမွဲ 15ၦမုၪနၩ့တၡါအ့ၬ.- တၭၦမုၪနီၪအမိအဖါမိဘၪမၩန့ဒဲ ဂဲၫဆိၬဆၧဘၪဆဲၫ့ လၧအမွဲၦမုၪနၩ့နီၪ လၧၦၥုၪ့က့ၭ 16ၥၭၡါအအီၪလၧဒိၩ့အတရၫ့အဖၧၩ့နီၪ,- တၭၦမုၪနီၪ အဖါမိဘၪစံၭၦၥုၪ့က့ၭၥၭၡါလဖၪ, ယဖ့ၪလၫ့ ယဖိၪ မုၪလၧၦလဂၩယီၩ အမၫတၭ, အဝ့ၫဒၪ မ့ၬလဲၩဝ့ၫ 17လီၫ.- တၭယိခွါ, အီၪက့ၪဆၧမၪ လၧအမၫအလီၩ့ လၧအဆၧချဲၩ့တၭစံၭဝ့ၫ, ယဒၪန့ဘၪနဖိၪမုၪလၧအမွဲ ၦမုၪနၩ့တၡါအ့ၬ. မွဲလါနၫ့တၭဆၧလဖၪယီၩ မွဲဆၧ ဘၪဆဲၫ့လၧယဖိၪမုၪ အမုၪနၩ့တၡါလီၫ. တၭမွဲအဝ့ၫ ၥံၪမိဘၪဒၩလၩ့ ဆၧကဲၩ့ယၬလဘံၪ့နီၪ လၧဒိၩ့အၥုၪ့ 18က့ၭၥၭၡါအမ့ၬယၫလီၫ.- တၭဒိၩ့နီၪ အၦၥုၪ့က့ၭၥၭ 19ၡါလဖၪ မိဘၪမၩန့ၦခွၫတၭ, အၪ့ၥီၪ့ဝ့ၫလီၫ.- တၭ မိဘၪဒုၭလိၭဝ့ၫလၧစ့ၩၡက့လၭလယၩ, ဒဲဖ့ၪလၫ့ဝ့ၫ လၧၦမုၪအဖါလီၫ. အဂဲးဘဲၫယီၩ မွဲအဒုၭအီၪထၪ့ၦ မုၪနၩ့တၡါ လၧအံၫစရ့လၭအကျၩလဂၩအမံၩ့အၧၩ့ လီၫ. မွဲအမိဘၪကဲၪအမၫတၭ, လဆိၩဒၪအၥၭနီၪခွံၬ 20ၡိၭဘၪဝ့ၫအ့ၬ.- အ့ၪမွဲဆၧလမံၩ့နီၪအ့ၪမွဲအတီၩ, ဆၧ ဘၪဆဲၫ့လၧအမုၪနၩ့တၡါနီၪ, အ့ၪလအီၪဘၪ လၧၦ 21မုၪအဂး,- ထီးနီၪလဖၧၫ့ အဝ့ၫၥံၪမိဘၪဂဲၫဆိၬၦမုၪ လၧအဖါအဂံၪ့အတရၫ့တၭ, ၦဒိၩ့ဖိၪနီၪ မိဘၪခွံၬဝ့ၫ လၧလိးထီးအၥံၫလီၫ. အဂဲးဘဲၫယီၩမွဲအမၩဆၧအၧၩ့ လၧအံၫစရ့လၭအကျၩ လၧအမၩဆၧလဲးဆၧဘျၪ လၧအဖါအဂံၪ့ဖၧၩ့လီၫ. တၭနမိဘၪအီၪက့ၪခွံၬဆၧ အၧၩ့လၧနၥံၪအကျၩဘဲၫနီၪလီၫ.
22ၦအ့ၪဒၪန့ၦလဂၩဂၩမံၫဎုၬ လၧၦမုၪလၧအအီၪလၧ အဝၩတၭ, မိဘၪဆၧမၩၥံၫဝ့ၫနံၫဂၩလူၬလီၫ. ၦခွၫ လၧအမံၫဎုၬလၧၦမုၪ, ဒဲၦမုၪနီၪလီၫ. နမိဘၪအီၪက့ၪ ခွံၬဆၧအၧၩ့လၧအံၫစရ့လၭအဖၧၩ့လီၫ.
23ၦမုၪလဂၩလၧအမွဲၦမုၪနၩ့ အ့ၪဘၪအဲၪတၩ့လိၬအ ၥၭလၧအဝၩတၭ, ၦအ့ၪဒၪန့ဝ့ၫလၧဒိၩ့ဖၧၩ့, ဒဲမံၫဎုၬဝ့ၫ 24တၭ,- နၥံၪမိဘၪဂဲၫဆိၬအဝ့ၫၥံၪနံၫဂၩလူၬလၧဒိၩ့အ တရၫ့တၭ, နၥံၪမိဘၪခွံၬဝ့ၫလၧလိးထီးအၥံၫလီၫ. မွဲ လၧၦမုၪလဂၩနီၪ အီၪဝ့ၫလၧဒိၩ့ဖၧၩ့တၭ, လကိၭၡၭ ထၪ့ဘၪအကၠီၩ့, ဒဲၦခွၫလၧအဆၪ့လၩ့ ၦလၧအနဲၩ့ ထံၭအမၫအကၠီၩ့လီၫ. တၭနၥံၪမိဘၪမၩလၩ့မါဆၧ အၧၩ့လၧနၥံၪအကျၩဘဲၫနီၪလီၫ.
25အ့ၪမွဲၦအ့ၪဒၪန့ၫၦမုၪ လၧအဘၪဆၧအဲၪတၩ့လဂၩ လၧမံၩ့လၬကျၩတၭအ့ၪဖိၭဆီၪ့န့ဝ့ၫတၭ, မံၫဎုၬဝ့ၫနီၪ မိဘၪၥံၫန့ၫၦခွၫလၧအမံၫဎုၬ လၧၦမုၪလဂၩနီၪလီၫ. 26အ့ၪမွဲၦမုၪလဂၩနီၪ နမၩဘၪဝ့ၫလၧဆၧနးမံၩ့အ့ၬ. ဆၧ ဒဲၩဘၭဘၪဆဲၫ့လၧဆၧၥံၫအီၪလၧ ၦမုၪနီၪအလီၩ့အ့ၬ. အဂဲးဘဲၫယီၩ မၩအၥၭဘဲၫၦဂဲထုၪ့ထၫ့ဒၩဘၪ ၦလၧ အနဲၩ့ထံၭတၭ, မၩၥံၫဝ့ၫအၥိၭနီၪ, ဆၧလမံၩ့ယီၩမွဲ 27ဘဲၫနီၪအၥိၭလီၫ.- အဂဲးဘဲၫယီၩၦဒၪၦမုၪလၧမံၩ့လၬ ကျၩ, ၦမုၪလၧအဘၪဆၧအဲၪတၩ့ဝ့ၫလဂၩနီၪကိၭၡၭ ထၪ့တၭ, ၦလၧအမိမၩဖီၩ့ဖျ့ၭဝ့ၫအီၪနးဂၩအ့ၬ.
28ၦအ့ၪဒၪန့ ၦမုၪလၧအမွဲၦမုၪနၩ့ လၧအလဘၪဆၧ 29အဲၪတၩ့ဘၪတၭ, ဖိၭဆီၪ့န့ဒဲမံၫဎုၬဝ့ၫတၭ,- ၦလၧအ မံၫဎုၬၦမုၪနီၪ မိဘၪဖ့ၪလၫ့ၦမုၪနီၪ အဖါအစ့ၩယဲဆံၫ, ဒဲၦမုၪနီၪ မိဘၪကဲၪထၪ့အမၫလီၫ. မွဲလၧအဆၪ့လၩ့ ဝ့ၫအကၠီၩ့တၭ, လဆိၩဒၪအၥၭနီၪခွံၬၡိၭဘၪဝ့ၫအ့ၬ.
30ၦအၪ့မၩန့ဘၪအဖါအမၫအ့ၬး တၭဝဲထၪ့ဘၪအဖါ အဆဲၫ့ခၪ့ထံၭဆ့အ့ၬ.
Currently Selected:
၅ မိ 22: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
