၅ မိ 20
20
20
ဆၧဘၪဆဲၫ့ဆၧဒုၭဆၧယၩအဂဲး.
1ထီးနအ့ၪလ့ၩထၪ့ဒုၭၥုၭ လၧနဒုၪနဒၩတၭ, နဒၪဘၪ ကၥ့ၪလဖၪ, ဒဲလဲၪ့ၥုၭလဖၪ, ဒဲၦခမျၧးအၪနဲၪ့နၧၩဒံၭ တၭ, ထီးၥၭမဲၪအဝ့ၫၥံၪလဂ့ၩ, အဂဲးဘဲၫယီၩ ယဟိ ဝၩနယွၩအီၪလၧနၥိၭ လၧအဒုၭစဲၪ့ထၪ့ခွံၬနၧၩ လၧ 2ခးအံဇံၭအဖၧၩ့လီၫ.- တၭထီးနလ့ၩဘူၭလၧဆၧဒုၭ ၥုၭတၭ, ဆၧမိမၩအၥၭလၧၦလုဆၧလဂၩ, မိဘၪၥုၭ ဘူၭအၥၭ ဒဲချဲၩ့ဆၧလၧၦခမျၧးလီၫ. တၭအဝ့ၫမိဘၪ 3စံၭအဝ့ၫၥံၪ, အံၫစရ့လၭဧ့, ခိၭနၪဘီၪ,- လၧမုဆၫလ နံၩယီၩ နၥံၪလ့ၩဒုၭၥုၭလၧနၥံၪအဒုၪအဒၩလီၫ. မွဲန ၥံၪအၥၭအဂဲးအဘၭထီးလၩ့ဆါလဂ့ၩ, ၥၭမဲၪဆၧလ ဂ့ၩ, ဝၭထိၬလဂ့ၩ, အၪ့ယိၪဆၧလၧအကၠီၩ့လဂ့ၩ, 4အဂဲးဘဲၫယီၩယဟိဝၩနၥံၪအယွၩ, မွဲၦလၧအလ့ၩဆၧ လၧနၥံၪအၥိၭ ဘဲၫၥိၭအမိဒုၭဆၧထၫ့ဒၩနၥံၪအဒုၪအ ဒၩလၧနဂး, ဘဲၫၥိၭအမိထိးထဲၩ့တၩ့ထဲၩ့နၥံၪလီၫ.
5ၦဒိၪလဖၪမိဘၪချဲၩ့ဆၧလၧၦခမျၧးတၭ, စံၭ, ၦလၧ အၥုၪ့အဂံၪ့ၥၫ့တၭ, လမၩဒံၭဘၪ ဆၧမၩဘိၪ့ ဖလါ ဆၧနီၪ, မွဲၦလဂၩလဲၪး မွဲအဝ့ၫဒၪထဲၩ့ကဒၩထဲၩ့လၧ အဂံၪ့ဘီၪ. မိၥံၫဘၪခိၬလၧဆၧဒုၭၥုၭအဖၧၩ့တၭ, ၦ 6ဂူၫဂၩမိမၩဘိၪ့ဖလါဆၧနီၪလီၫ.- ၦလၧအၥုၪ့စဘံၭ မုအလးတၭ, လအၪ့ဒံၭဘၪအဆၧၥၪနီၪ, မွဲၦလဂၩ လဲၪး မွဲအဝ့ၫဒၪ ထဲၩ့ကဒၩထဲၩ့ လၧအဂံၪ့ဘီၪ. မိၥံၫ ဘၪခိၬလၧဆၧဒုၭၥုၭအဖၧၩ့တၭ, ၦဂူၫဂၩ မိအၪ့အ 7ဆၧၥၪနီၪလီၫ.- ၦလၧအအဲၪတၩ့အမၫတၭ, လအၪ့ မၩန့ဒံၭဘၪနီၪ, မွဲၦလဂၩလဲၪး မွဲအဝ့ၫဒၪထဲၩ့ကဒၩ ထဲၩ့လၧအဂံၪ့ဘီၪ. မိၥံၫဘၪခိၬလၧဆၧဒုၭၥုၭအဖၧၩ့ 8တၭ, ၦဂူၫဂၩမိမၩန့ၦမုၪလီၫ.- တၭၦဒိၪလဖၪနီၪ မိ ဘၪချဲၩ့ဒံၭလၧၦခမျၧးတၭ, ဘၪစံၭ, မွဲၦၥၭမဲၪဆၧဒဲ အၥၭလၩ့ဘဲၩ လဂၩလဲၪး မွဲအဝ့ၫဒၪ ထဲၩ့ကဒၩထဲၩ့ လၧအဂံၪ့ဘီၪ. အထၧၫ့ဖုဝဲအၥၭမိလၩ့ဘဲၩဘၪခိၬဘဲၫ 9အဝ့ၫဒၪအၥၭအၥိၭနီၪလီၫ.- ၦဒိၪလဖၪနီၪ ချဲၩ့ဆၧ လၧၦခမျၧးဂီၩ့တၭ, ဆၧမိမၩအၥၭ လၧအမိဘၪအီၪ က့ၪၥုၭမုအခိၪလဖၪ ဘဲၫၥိၭအမိၥိၫ့ၦခမျၧးၥံၪလီၫ.
10ထီးနလ့ၩဘူၭ လၧဒိၩ့လဖျိၪ့ လၧနမိဒုၭဆၧထၫ့ဒၩ ဝ့ၫတၭ, နမိဘၪကိၭထၪ့ဆၧဘၪလိၬအိၭလိၬလၧအဂး 11လီၫ.- တၭဆၧမိမၩအၥၭ ထီးအ့ၪစံၭဆၧၫ့နၧၩ လၧ ဆၧဘၪလိၬအိၭလိၬလခီၫ, ဒဲဝဲထၪ့ဆၧလၧနဂးနီၪ, ထီးနီၪလဖၧၫ့ ဆၧမိမၩအၥၭ လၧၦခမျၧးလၧဆၧဒၪန့ လၧအဖၧၩ့ထီးအလူၬနီၪ မိကဲၪထၪ့ၦဖ့ၪအခီၫ့လၧနၧၩ 12တၭမိဘၪမၩနဆၧလီၫ.- တၭအ့ၪလမၩဘၪဆၧဘၪ လိၬအိၭလိၬလၧနၧၩ, ဒဲအ့ၪဒုၭၥုၭထၫ့ဒၩနၧၩတၭ, နမိ 13ဘၪဝၩ့ထၬဝ့ၫလီၫ.- ထီးယဟိဝၩနယွၩ အ့ၪဖ့ၪလၫ့ ဝ့ၫလၧနစူၪဖၧၩ့တၭ, နမိဘၪဖ့ၬၥံၫခွံၬၦခွၫလၧနၭအနါ 14ကိၭအဂၩဒ့ၭလီၫ.- အ့ၪမွဲၦမုၪၦမၧၩ့ ဖိၪဒံၩဖိၪၥၪ, ဒဲ ဆၧဖိၪဆၧဎါအဒိၩ့, ဒဲကယဲဆၧအီၪလၧဒိၩ့ဖၧၩ့, အ ဆၧဖိၪဆၧလံၩထီးအလူၬနီၪ, နမိဘၪမၩန့လၧနဂးဒၪ နဝ့ၫ, တၭနမိအၪ့ဘၪနဒုၪနဒၩ အဆၧဖိၪဆၧလံၩလၧ ယဟိဝၩနယွၩ ဖ့ၪလၫ့နၧၩလီၫ.
15တၭနမိဘၪမၩ ကယဲဒိၩ့ လၧအအီၪယဲၩ့ယဲၩ့လ့ၬ လၧနၧၩလၧအလမွဲဘၪ ၦဆၨၩလဖၪယီၩ အဒိၩ့ဘဲၫ 16နီၪအၥိၭလီၫ.- အ့ၪမွဲလၧဒိၩ့လၧၦဆၨၩလဖၪလၧယ ဟိဝၩနယွၩဖ့ၪလၫ့နၧၩ လၧဆၧန့ၥၫအဂးနီၪ နဒုၭမၧၫ့ 17ဘၪဆၧလၧအၥၪထၪ့နးမံၩ့အ့ၬ,- နဘၪမၩဂၭဂီၩ့ဝ့ၫ ဆံၫ့ဆၫ့ပျၩ့း ၦဟံၥၭဖိၪ, ဒဲၦအၫမိၫဖိၪ, ၦကၫနအၫ့ဖိၪ, ဒဲၦပံရ့ၭဖိၪ, ၦဟံဝဲၫဖိၪ, ဒဲၦယ့ဘုၫဖိၪ, ဘဲၫယဟိဝၩ 18နယွၩမၪလူၬနၧၩအၥိၭနီၪ,- ဘဲၫၥိၭအဝ့ၫၥံၪ ထီးၥီၪ့ လိၪနၥံၪ လၧနၥံၪမိမၩထွ့ၫအဆၧ ဘၪၥၭလိၪ ထီးအ လူၬအခဲၫ့ လၧအဝ့ၫၥံၪ မၩအယွၩလဖၪ, ဘဲၫၥိၭနၥံၪ ထီးမၩမၪဘၪယဟိဝၩ နၥံၪအယွၩလဂ့ၩ.
19ထီးနဒုၭဆၧ ဝၩ့ထၬဒိၩ့လဖျိၪ့ ဘဲၫၥိၭနမိမၩန့ဝ့ၫ တၭ,မၩထံၬထၬဝ့ၫ အၪနံၩအၪၥၫ့တၭ, နခူၬအၥံၪ့လဖၪ လၧကွၩ ဒဲနမၩဂၭဂီၩ့ဘၪဝ့ၫအ့ၬ. အဂဲးဘဲၫယီၩ နမိ အၪ့ဘၪအၥူၪအၥၪး တၭနခူၬလၩ့ခွံၬဘၪဝ့ၫအ့ၬ, (အ ဂဲးဘဲၫယီၩၥံၪ့လၧမံၩ့လၬကျၩမွဲၦၡၩအဆၧ), ဘဲၫၥိၭ နမိလ့ၩနုၬလၧဆၧလၧနမ့ၬယၫ လၧနမၩဝၩ့ထၬဆၧ 20နီၪလီၫ.- နမိမၩဂၭဂီၩ့ဒဲခူၬလၩ့ခွံၬဘၪ န့ၫၥံၪ့လၧနၥ့ၪ ယၫလၧအလမွဲဘၪၥံၪ့ လၧဆၧအၪ့ဘၪဝ့ၫအဂးတၭ, နမိမၩဘၪဆၧမၩထံၬထၬ ဆၧလၧဒိၩ့အနဲၩ့လၧအဒုၭ ဆၧထၫ့ဒုၪဒၩနၧၩထီးအစၪဝ့ၫလီၫ.
Currently Selected:
၅ မိ 20: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
