၅ မိ 16
16
16
ဘိၪ့လ့ၩဖၬ.
(၂ မိ ၥ၂:ၥ-၂ဝ)
1ထီးန့လၩအၫဘံၭတၭ, မၩဘိၪ့လ့ၩဖၬလၧယဟိ ဝၩနယွၩအဂးဆံၭ, အဂဲးဘဲၫယီၩ လၧလၩအၫဘံၭအ ထးဖၧၩ့နီၪ ယဟိဝၩနယွၩ ဒုၭစဲၪ့ထၪ့ခွံၬနၧၩ လၧအံ 2ဇံၭလၧမုနၩ လခီၫနီၪလီၫ.- တၭလၧၥိၪ လၧဘ့ၪမွဲ ဂ့ၩ, ချီမွဲဂ့ၩ, နမိဘၪလုထၪ့ဆၧလ့ၩဖၬလၧယဟိဝၩန ယွၩအဂး, ထီးအလးလၧယဟိဝၩမိရွံန့လၧအမိအီၪ 3က့ၪအမံၩ့နီၪလီၫ.- တၭနအၪ့ဎုၬဘၪလၧကိၪအီၪလၧ မံၪနီၪအ့ၬး နမိဘၪအၪ့ကိၪလအီၪဘၪ လၧမံၪနွ့ၫနံၩ, ကိၪဘၪဆဲၫ့လၧဆၧၡၪ့ဆၧနၭး အဂဲးဘဲၫယီၩ မွဲနစဲၪ့ ထၪ့ခွံၬလၧအံဇံၭချဲၫ့ချဲၫ့, ဘဲၫၥိၭနမိနၪ့ထၪ့ထဲၩ့မုလ နံၩလၧနစဲၪ့ထၪ့ခွံၬ လၧခးအံဇံၭအဖၧၩ့ လဆိၩဒၪနၧၩ 4ကိၭမုနံၩကိၭမုနၩဒ့ၭလီၫ.- တၭလၧမုနွ့ၫနံၩအထး ဖၧၩ့ကိၪအီၪလၧမံၪနီၪ ထီးအီၪဘၪလၧနစူၪဖၧၩ့လဂ့ၩ. တၭဆၧယၪ လၧနလုထၪ့ဝ့ၫ လၧအခၪ့ထံၭလနံၩနီၪ, 5အီၪလၩ့ထးဘၪၥၫ့နၩချီၩ့ ထီးဆၧဖၩ့ထၪ့အ့ၬ.- နလု ထၪ့ဆၧလ့ၩဖၬလၧနတရၫ့အဖၧၩ့ လၧယဟိဝၩနယွၩ 6ဖ့ၪလၫ့နၧၩနီၪနးစီၪ့အ့ၬ.- အ့ၪမွဲလၧအလးထီးယဟိ ဝၩနယွၩမိရွံန့ဝ့ၫလၧအမိအီၪက့ၪအမံၩ့အဂး, ထီးနီၪ နမိဘၪလုထၪ့ဆၧလ့ၩဖၬ လၧမုဂၪလၩ့ လၧမုလၩ့နုၬ, အဆၧၫ့အထီလၧအစဲၪ့ထၪ့ခွံၬ လၧအံဇံၭအဖၧၩ့လီၫ. 7ထီးနီၪလဖၧၫ့နဘၪအၪ့ကၪအၪ့တၭ, အၪ့ဝ့ၫထီးအလး ဖၧၩ့လၧယဟိဝၩနယွၩမိရွံန့ဝ့ၫတၭ, နဘၪကၠၪနၥၭလၧ မုဆဲၪ့ထၪ့တၭ, ထဲၩ့ထဲၩ့လၧနတဲၩလဖၪအဖၧၩ့လီၫ. 8ဎူၫနံၩနအၪ့ဘၪကိၪလအီၪဘၪ လၧမံၪတၭ နွ့ၫနံၩလ နံၩဆၧအီၪကီၪ့လၧယဟိဝၩနယွၩအဂးနီၪ မိအီၪတၭး နမိမၩဘၪဆၧနးမံၩ့အ့ၬ.
ဘိၪ့ကူၭဆၧ.
(၂ မိ ၃၄:၂၂, ၃ မိ ၂၃:ၥ၅-၂ၥ)
9နဘၪဝံထၪ့နၬထၪ့ နွ့ၫနွ့ၫလၧနဂးလီၫ. လၧနဒုၭနုၬ ၥၫ့ထၭဂ့ၬလၧနဘုၪကျၩနီၪ နမိဘၪဝံထၪ့နၬထၪ့နွ့ၫနွ့ၫ 10နီၪလီၫ.- တၭနဘၪမၩဆၧမၩဘိၪ့နွ့ၫလဖၪလၧဆၧမၩ ဘိၪ့ဒၪဝ့ၫ လၧနစူၪဖၧၩ့ လၧနမိဘၪဖ့ၪလၫ့ ဆၧလၧယ ဟိဝၩနယွၩဘဲၫယဟိဝၩ နယွၩဆိၪဂ့ၩယူၭနၧၩအၥိၭ 11နီၪလီၫ.- တၭနမိၥၭထိၬ လၧယဟိဝၩနယွၩအမ့ၬ ယၫ, နဝ့ၫဒၪ, ဒဲနဖိၪခွၫ,ဒဲနဖိၪမုၪ, ဒဲနဎီးခွၫ,ဒဲနဎီးမုၪ, ဒဲၦလံဝဲၫဖိၪ လၧအအီၪလၧနတရၫ့အဖၧၩ့, ဒဲၦလခီၫ ဘၩ့မုးဖိၪ, ဒဲၦဖိၪဎွ့ၪ,ဒဲၦမုၪမဲၫ, လၧအအီၪလၧနၥံၪအ ကျၩထီးအလး လၧယဟိဝၩနယွၩ ရွံန့ဝဲၩဝ့ၫလၧအမိ 12အီၪက့ၪအမံၩ့အဂးလီၫ.- တၭနဘၪနၪ့ထၪ့ထဲၩ့လၧန မွဲၦဎီးဖိၪလၧအံဇံၭအဖၧၩ့တၭ, နဘၪထီးန့, ဒဲမၩဆၧ ၥနိၫလဖၪယီၩလီၫ.
ဘိၪ့တဲၩ.
(၃ မိ ၂၃:၃၃-၄၃)
13တၭနအီၪက့ၪကီၪ့နဘုၪ, ဒဲစဘံၭထံၫ အလးခဲၫ့နီၪ, 14နမိဘၪမၩဆၧဘိၪ့တဲၩနွ့ၫနံၩလီၫ.- နမိၥၭထိၬ လၧန ဘိၪ့ဖၧၩ့, နဝ့ၫဒၪ, ဒဲနဖိၪခွၫ, ဒဲနဖိၪမုၪ, ဒဲနဎီးခွၫ, ဒဲနဎီး မုၪ, ဒဲၦလံဝဲၫဖိၪ, ၦမွံၩဖိၪ, ဒဲၦဖိၪဎွ့ၪ, ဒဲၦမုၪမဲၫ, လၧအ 15အီၪလၧနတရၫ့အဖၧၩ့လီၫ.- နွ့ၫနံၩနီၪ နဘၪမၩဘိၪ့ လၧယဟိဝၩနယွၩအဂး, ထီးအလးလၧယဟိဝၩမိရွံ န့ဝ့ၫလီၫ. အဂဲးဘဲၫယီၩ ယဟိဝၩနယွၩမိဆိၪဂ့ၩနၧၩ လၧနဆၧအၪထၪ့ထီးအလူၬ, ဒဲကယဲဆၧလၧနမၩဆၧ လၧနစူၪလီၫ. မၩအၥၭဘဲၫနီၪတၭ, နမိၥၭထိၬတၡါ လီၫ.
16လနံၪ့အထးဖၧၩ့နီၪကယဲနဖိၪအခွၫၥံၪ မိဘၪအီၪဖျီၪ ထၪ့ၥၧၫ့ဘျၩ့လၧယဟိဝၩနယွၩအမ့ၬယၫ, ထီးအလး လၧအမိရွံန့ဝ့ၫ, လၧဘိၪ့ကိၪလအီၪဘၪလၧမံၪအဖၧၩ့, ဒဲလၧဘိၪ့နွ့ၫလဖၪအဖၧၩ့, ဒဲလၧဘိၪ့တဲၩလဖၪအဖၧၩ့ လီၫ. တၭမွဲအထီးအီၪဖျီၪဘၪလၧယဟိဝၩအမ့ၬယၫ 17ပျီၩပျီၩလဂ့ၩ.- လဂၩလဂၩလၥ့ၪထီးဒၪအၥ့ၪဆုၬ ဆုၬနီၪဘၪဖ့ၪလၫ့ ဘဲၫယဟိဝၩနယွၩအဆၧဆိၪဂ့ၩ လၧအဖ့ၪလၫ့နၧၩအၥိၭနီၪလီၫ.
ဆၧပၧၩ့ၥိၫ့ဆၧတီၩတီၩလီၩ့လီၩ့အဂဲး.
18တၭနဘၪအီၪက့ၪၦစ့ၩရၫ့ခွး ဒဲၦကွ့ၭလံၬလၧကယဲ နတရၫ့အဖၧၩ့လၧယဟိဝၩနယွၩဖ့ၪလၫ့နၧၩ လၧနၡၩ အဒီၪ့ထီးအလူၬအကျၩလီၫ. တၭအဝ့ၫၥံၪနီၪမိစ့ၩရၫ့ 19နၡၩခမျၧးလၧဆၧစ့ၩရၫ့တီၩလီၫ.- ထီးဘိၭကၠၪပဲၩ ဘၪဆၧစ့ၩရၫ့လဂ့ၩး နထီးယိမ့ၬဘၪၦၡၩလဂ့ၩတၭ, နထီးဒိၭန့ဘၪလၬဆီၪ့လဂ့ၩ. အဂဲးဘဲၫယီၩလၬဆီၪ့ နီၪမၩခံၭၦကိၪ့ဆၧၥ့ၪအမ့ၬ ဒဲဒုၭကဲၪ့ၦတီၩၦလီၩ့အ 20ဆၧချဲၩ့နီၪလီၫ.- နဘၪဖိၬဆၧတီၩတီၩလီၩ့လီၩ့အခဲၫ့ ဘဲၫၥိၭနမိမၧၫ့ ဒဲန့ၥၫထံၫၥံၪခးၥံၪလၧယဟိဝၩနယွၩဖ့ၪ လၫ့နၧၩလီၫ.
21ထီးၥုၪ့လၩ့ အၡ့ရိၫဘူၭလၧယဟိဝၩ နယွၩအဆၧ 22လုလး, လၧနမိမၩလၧနဂးနးမံၩ့လဂ့ၩ.- တၭထီးဘိၭ ဆၧၫ့ထုၪ့နဆၧဂၩ့ဆၧဖၪ့ လၧယဟိဝၩနယွၩမ့ၬလဲၩဝ့ၫ နီၪလဂ့ၩ.
Currently Selected:
၅ မိ 16: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
