၅ မိ 14
14
14
ဆၧၥုၪ့အုၭၥၭအုၭလမံၩ့လၧ အဘၪဆၧပဒၩ့ထၬဝ့ၫ.
1နၥံၪမွဲယဟိဝၩ နၥံၪအယွၩအဖိၪအလံၩလီၫ. ထီး ဂ့ၬလၩ့နၥံၪအနၫ့ဆါလဂ့ၩ, ထီးမၩချၩဆၧလၧနၥံၪအ 2မ့ၬၥၪအဘိၩ့ဆၧၩ့လၧၦၥံၫအကၠီၩ့လဂ့ၩ.- အဂဲးဘဲၫ ယီၩနမွဲၦဆံၫ့ဎံၪလဆၨၩ လၧယဟိဝၩနၥံၪအယွၩအ ဂးတၭ, ယဟိဝၩရွံန့နၥံၪ, ဘဲၫၥိၭနၥံၪမိကဲၪထၪ့ၦလ ဆၨၩလၧအလူဒိၪဎွ့ၩဒိၪလၧအဂး, လၧၦကိၭဆၨၩဒ့ၭ လၧဂၪ့ခိၪချိၫ့အဖၫ့ခိၪလီၫ.
ဆၧဖိၪဆၧဎါလၧအဆံၫ့ဒဲလဆံၫ့ဘၪ.
(၃ မိ ၥၥ:ၥ-၄၇)
3-4ထီ:အၪ့ဆၧဘၪၥၭလိၪန:မံၩ့လဂ့ၩ. အယီၩမွဲဆၧ 5ဖိၪဆၧဎါ လၧနၥံၪမိအၪ့ဘၪ, ချီ, ဒဲၥိၪဒဲဘ့ၪ.- စဎဲၩ, ဒဲခံၫဘၩ့, ဒဲစဎဲၩယၭဎမိၫဒဲဘ့ၪမံၩ့, ဒဲစဖၭဒၡိၫ, 6ဒဲစဖၭၥအိမံၩ, ဒဲစဖၭစမ့ၫ,- ဒဲကယဲဆၧလၧအခၪ့ ဒဲအခၪ့မံၪထ့ဖၭနံၫခီၫ, ဒဲအအဲၪ့ယဲၩအဆၪလၧဆၧဖိၪ ဆၧဎါလမံၩ့လါလါအကျၩနီၪ, နၥံၪမိအၪ့ဘၪဝ့ၫလီၫ. 7မွဲလါနၫ့အယီၩ မွဲဆၧလၧအအဲၪ့ယဲၩ အဆၪအကျၩ, ဒဲဆၧလၧအခၪ့မံၪထ့ဖၭအကျၩလၧနၥံၪလအၪ့ဘၪဘၪဝ့ၫ, ကလအူၭ, ဒဲယူၪ, ဒဲၡၩဖၭလီၫ. အဂဲးဘဲၫယီၩ, အဲၪ့ ယဲၩအဆၪလါနၫ့တၭ, အခၪ့မံၪထ့ဖၭအ့ၬ, မွဲဆၧလ 8ဆံၫ့ဘၪ လၧနၥံၪအဂးလီၫ.- ဒဲထိၭဆ့, အဂဲးဘဲၫယီၩ အခၪ့မံၪထ့ဖၭလါနၫ့တၭ, အဲၪ့ယဲၩအဆၪအ့ၬ. မွဲဆၧ လဆံၫ့ဘၪလၧနၥံၪအဂးလီၫ. ထီးအၪ့အယၪလဂ့ၩ, ဒဲထီးထိၭဘၪအစွၪလဂ့ၩ.
9အယီၩမွဲဆၧလၧနၥံၪမိအၪ့ဘၪ လၧအအီၪလၧထံၫ ကျၩထီးအလူၬအကျၩနီၪ, ကယဲဆၧလၧအအီၪလၧအ ဒံၭဒဲအဘံၪ့လဖၪနီၪ, နၥံၪမိအၪ့ဘၪ,- 10တၭဆၧလၧအ လအီၪဘၪလၧအဒံၭ ဒဲအဘံၪ့လဖၪနီၪ ထီးအၪ့ဝ့ၫလ ဂ့ၩ, မွဲလဆံၫ့ဘၪလၧနၥံၪအဂးလီၫ.
11တၭကယဲထိၪၥံၪလၧအဆံၫ့ထီးအလူၬနီၪ နၥံၪမိအၪ့ 12ဘၪလီၫ.- အ့ၪမွဲလၧနၥံၪလအၪ့ဘၪဝ့ၫနီၪ မွဲအယီၩ, 13လံၬကျီၫ့ကျီၫ့, လံၬထိၪၡၭ, လံၬထိၪၡၭမၫဆမံၭ,- ဒဲ 14လံၬယၪအုၪ, ဒဲလၫ့ကထၭ, ဘဲၫအဆၨၩအၥိၭ,- ဒဲက 15ယဲကျၭဘဲၫအဆၨၩအၥိၭ,- ဒဲထိၪကလအူၭဒဲထိၪနၪ, 16ထိၪလဲၫဘွၩ, လံၬၥံၫ့ဘဲၫအဆၨၩအၥိၭ,- ထိၪပဂူၪဘဲၫ 17အဆၨၩအၥိၭ, ထိၪဝီၩဖံၭ, ထိၪယၩ့ဖီၩ့,- စၭကဝၭ, လၫ့ 18ကထၭဘွၩ, ဒဲယီၩ့,- ထိၪထၩမံၩ့, ထၧးကလါဘဲၫအ 19ဆၨၩအၥိၭ, ဒဲထိၪဆၫ့ဖၫ, ဒဲဖျၪၥံၪလဖၪနီၪလီၫ.- တၭ ကယဲဆၧလၧအစွၩ ဒဲယူၩဝ့ၫထီးအလူၬနီၪ, မွဲလဆံၫ့ ဘၪလၧနၥံၪအဂးလီၫ. ၦၡၩအၪ့ဘၪဝ့ၫအ့ၬ.
20ကယဲထိၪၥံၪလံၪၥံၪ လၧအဆံၫ့ထီးအလူၬနီၪနၥံၪ မိအၪ့ဘၪလီၫ.
21ဆၧလၧအၥံၫဒၪအဆၧနီၪ နၥံၪထီးအၪ့ဝ့ၫနးမံၩ့လ ဂ့ၩ. နမိဖ့ၪလၫ့ဘၪဝ့ၫလၧ ၦလခီၫဘၩ့မုးဖိၪလၧအအီၪ လၧနတရၫ့အဖၧၩ့, ဘဲၫၥိၭအမိအၪ့ဘၪတၭ, အ့ၪလမွဲ ဘၪနီၪ နအၪ့ဆၫခွံၬဘၪဝ့ၫ လၧၦလခီၫဘၩ့မုးဖိၪလီၫ. အဂဲးဘဲၫယီၩ နမွဲၦဆံၫ့ဎံၪလဆၨၩလၧယဟိဝၩနယွၩ အဂးလီၫ. အၪ့ဎွံထၪ့ဘ့ၪဖိၪ လၧအမိအနူထံၫအဖၧၩ့ လဂ့ၩ.
ဆၧဆံၫပိၩ့လပိၩ့အၥနိၫ.
22ဆၧချံၫဆၧၥၪ လၧနဂၪ့ခိၪအလး ဒုၭအီၪထၪ့ဝ့ၫလ နံၪ့ဘၪလနံၪ့နီၪး နဘၪအၪ့နၩ့ဖၭဆံၫပိၩ့လပိၩ့လၩ့ထံး 23လၩ့ဆ့ၭလီၫ.- ထီးဒၪအလးလၧယဟိဝၩနယွၩရွံန့ဝ့ၫ ဘဲၫအမိအီၪက့ၪအမံၩ့နီၪတၭ, နဘုၪဒဲနစဘံၭထံၫ, ဒဲန ၥိၪ, ဒဲနချီ, ဒဲနၥိၪနဘ့ၪအဖိၪဝဲၡါၥံၪ, နဘၪအၪ့ဝ့ၫဆံၫ ပိၩ့လပိၩ့ထီးအလးနီၪ လၧယဟိဝၩနယွၩအမ့ၬယၫ, ဘဲၫၥိၭနမိမၩလိၪဆၧၥၭမဲၪ ယဟိဝၩနယွၩကိၭမုနံၩ ကိၭမုနၩဒ့ၭလီၫ.
24ဖၧၩ့ၥၭအ့ၪယဲၩ့လါကဲၪကၩ လၧနဂးထီးနလ့ၩဆိၬ ဆၧနီၪလၥ့ၪဘၪ, ဆၧအလးထီးယဟိဝၩ နယွၩရွံန့ ဝဲၩအမံၩ့နီၪအ့ၪယဲၩ့လါကဲၪကၩ လၧနၧၩတၭ, ထီးယ 25ဟိဝၩနယွၩဆိၪဂ့ၩနၧၩတၭ,- နမိဘၪအၪ့လဲၩဆၧနီၪ လၧစ့ၩအဂးတၭ, နဘၪဘီၪ့ထၪ့စ့ၩနီၪ လၧနစူၪဖၧၩ့ တၭ,လ့ၩလၧအလးလၧယဟိဝၩနယွၩ မိရွံန့ဝ့ၫလီၫ. 26တၭနမိဖ့ၪလၫ့ဘၪစ့ၩနီၪ လၧထီးဒၪဆၧလၧနဆိၫ့န့ဘၪ ဝ့ၫလမံၩ့မံၩ့အဂး, လၧချီအဂးမွဲဂ့ၩ, လၧၥိၪလၧဘ့ၪ အဂးမွဲဂ့ၩ, လၧစဘံၭထံၫအၥၫ့မွဲဂ့ၩ, စဘံၭထံၫအလး လံၩမွဲဂ့ၩ, ထီးဒၪနၥၭဆိၫ့န့ဘၪ ဆၧလမံၩ့မံၩ့တၭ, န ဘၪအၪ့ဆၧထီးနီၪ လၧယဟိဝၩနယွၩအမ့ၬယၫတၭ, 27နမိၥၭထိၬ နဝ့ၫဒၪ, ဒဲနၡၩဂံၪ့ဖိၪ,- ဒဲၦလံဝဲၫဖိၪလၧ အအီၪလၧနတရၫ့အဖၧၩ့လီၫ. နလ့ၩဒၪခွံၬ ဘၪအဝ့ၫ အ့ၬး အဂဲးဘဲၫယီၩ မွဲအလးဒဲအဆၧန့ၥၫအီၪလၧနၥိၭ လီၫ.
28လၧၥၧၫ့နံၪ့အထုၬနီၪ နဘၪဂဲၫဆိၬနဆၧအၪထၪ့ဆံၫ ပိၩ့လပိၩ့ထီးအလူၬလနံၪ့ဎးနီၪတၭ, နဘၪအီၪက့ၪကီၪ့ 29ဝ့ၫလၧနတရၫ့အဖၧၩ့,- ဒဲၦလံဝဲၫဖိၪ, (အဂဲးဘဲၫယီၩ မွဲအလးဒဲအဆၧန့ၥၫအီၪလၧနၥိၭအ့ၬ), ဒဲၦလခီၫဘၩ့ မုးဖိၪ, ဒဲၦဖိၪဎွ့ၪ, ဒဲၦမုၪမဲၫလၧအအီၪလၧနတရၫ့အ ဖၧၩ့နီၪမိဂဲၫဘၪတၭ, မိအၪ့ဘၪဆၧတၭဘျဲၩအၪ့, ဘဲၫ ၥိၭယဟိဝၩနယွၩမိဆိၪဂ့ၩနၧၩ လၧကယဲနဆၧမၩအ ဖၧၩ့လၧနစူၪမၩဝ့ၫလီၫ.
Currently Selected:
၅ မိ 14: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
