၅ မိ 11
11
11
ယွၩအဆၧဒိၪဆၧထီၫ.
1ဆၧမၩအၥၭဘဲၫနီၪတၭ နဘၪအဲၪယဟိဝၩနယွၩ ဒဲထီးန့အဆၧယိနီၪ, ဒဲအၥနိၫလဖၪ, ဒဲအဆၧစ့ၩရၫ့ လဖၪ, ဒဲအဆၧမၪလူၬနီၪ ကိၭမုနံၩမုနၩဒ့ၭလီၫ.
2ၥ့ၪယၫနၥံၪဝ့ၫ လၧမုဆၫလနံၩယီၩဆံၭ, အဂဲးဘဲၫ ယီၩမွဲယလချဲၩ့ဘၪနၥံၪအဖိၪအလံၩ လၧအလၥ့ၪယၫ ဘၪ, ဒဲလဒၪဘၪယဟိဝၩနၥံၪအယွၩ အၪ့ၥီၪ့ဆၧ, အ 3ဆၧဒိၪဆၧထီၫ, အစူၪဆီၪ့ဒဲအစူၪယၩ့ထၪ့အၥၭ,- ဒဲ အဆၧလၩ့လၭလဖၪ, ဒဲအဆၧမၩလၧ အမၩဝ့ၫလၧ အံဇံၭအၥၭခံဖၧၩ့ လၧအံဇံၭအစဎွၩ ဖၫရိၫ, ဒဲအခး 4ထၧၫ့ဘံၪ့ယၫ,- ဒဲဆၧလၧအမၩအံဇံၭအၥုၭမုခမျၧး, အကၥ့ၪလဖၪ, ဒဲအလဲၪ့ၥုၭလဖၪ, ဒဲလၧအဒုၭလုၬဘံၭ မၫဆမံၭဝီၩ အထံၫလၧအလီၩ့ လၧအဝ့ၫၥံၪလီၩ့ဆီး နၥံၪအဘိၩ့ဘၭတၭး ယဟိဝၩမၩဂၭဂီၩ့ခွံၬ အဝ့ၫၥံၪ 5ထီးမုဆၫလနံၩယီၩ,- ဒဲဆၧလၧအမၩနၥံၪလၧၡါမု 6နၧၫ့ဖၫထီးနၥံၪဂဲၫထီၩ့လၧအလးယီၩတၭ,- ဆၧလၧ အမၩစရုဘံၫ့ အဖိၪခွၫ စအလဲအၭ အဖိၪခွၫ လဖၪ, စဒၫၥၫ့, ဒဲစအဘဲရၫ့ လၧဂၪ့ခိၪအၩ့ထၪ့အနိၭ, ဒဲအၪ့ ယုလၩ့ခွံၬဝ့ၫ, ဒဲအဂံၪ့ဖိၪ, ဒဲအတဲၩလဖၪ, ဒဲကယဲအ ဆၧဖိၪဆၧလံၩအီၪလၧအစူၪဖၧၩ့ ထီးအလူၬ အကျၩ 7နီၪလီၫ.- အ့ၪမွဲနၥံၪဝ့ၫဒၪယီၩ နၥံၪအမ့ၬၥၪဒၪဘၪယူၭ ကယဲယဟိဝၩ မၩဆၧအဒိၪ လၧအမၩဝ့ၫထီးအလူၬ လီၫ.
ဆၧဆိၪဂ့ၩဆိၪဘွၩလဖၪဘၪဆဲၫ့လၧခးစံၭဝဲၩ.
8မၩအၥၭဘဲၫနီၪတၭ နၥံၪဘၪထီးန့ကယဲဆၧမၪ လူၬ လၧယမၪလူၬနၥံၪ လၧမုဆၫလနံၩယီၩ, ဘဲၫၥိၭန ၥံၪအဂဲးအဘၭမိဆီၪ့ထၪ့, ဒဲနၥံၪမိလ့ၩနုၬမၩန့ခးထီး 9နၥံၪလ့ၩနုၬဘဲၫၥိၭနၥံၪမိမၩန့ဝ့ၫး- ဒဲဘဲၫၥိၭနၥံၪမိမၩ အၪထၪ့နၥံၪအမုနံၩလဖၪ လၧထံၫၥံၪခးၥံၪအဖၧၩ့, လၧယဟိဝၩဆိၪလၩ့အၥၭ လၧနၥံၪအဖါလဖၪ လၧ အမိဖ့ၪလၫ့ဝ့ၫလၧ အဝ့ၫၥံၪအချံၫအၥၪ, ခးလဘံၪ့လၧ အယွၩလၩ့ဝ့ၫ လၧဆၧနူထံၫဒဲန့ၫစၩ့လီၫ.
10အဂဲးဘဲၫယီၩ ထံၫၥံၪခးၥံၪ လၧနလ့ၩနုၬဘဲၫၥိၭနမိ မၩန့ဝ့ၫ, လမွဲဘၪဘဲၫခးအံဇံၭလၧနၥံၪစဲၪ့ထၪ့ခွံၬလၧ အဖၧၩ့အၥိၭ, ထီးနဎွံၪနဆၧချံၫတၭ, မၩဘၪစီၪဝ့ၫလၧ 11နခၪ့ဘဲၫနၪ့ၥံၪမံၩ့ၥံၪ အကျိၭအၥိၭနီၪအ့ၬ.- အ့ၪမွဲထံၫ ၥံၪခးၥံၪလၧနလ့ၩနုၬ ဘဲၫၥိၭနမိမၩန့ဝ့ၫလဘံၪ့နီၪ, မွဲ ခးလဘံၪ့အီၪလၧခိၪလီၩ့ထိၩ့ချိၬ, ဒဲခိၪလီၩ့ဆူၭလီၫ. 12မွဲအအီၩထံၫလၧမူၭခိၪ အဆၧဆၧၩ့လၩ့လီၫ.- ထံၫၥံၪ ခးၥံၪလၧယဟိဝၩနယွၩ ယိထဲၩ့ခွါထဲၩ့ဝ့ၫလီၫ. ယဟိ ဝၩနယွၩအမ့ၬၥၪလဖၪ ယိဝ့ၫလထံၪဎးလဘီၩ့ဎးလၧ နံၪ့အခၪ့ထံၭထီၩ့လၧနံၪ့အထုၬနီၪလီၫ.
13တၭဆၧမိမၩအၥၭ လၧနၥံၪအ့ၪခိၭနၪတၡါ ယဆၧ မၪလူၬလၧယမၪလူၬနၥံၪ လၧမုဆၫလနံၩယီၩ, လၧန ၥံၪမိဘၪအဲၪယဟိဝၩ နၥံၪအယွၩ, ဒဲမၩအဆၧလၧန ၥံၪအၥၭထၧၫ့ဖျိၪ့ယၫ, ဒဲလၧနၥံၪအၥၭၡီၩ့ထီးအလူၬ 14တၭ,- ယမိဖ့ၪလၫ့နၥံၪ အထံၫအခးအဆၧဆၧၩ့လၧအ ဆၧၫ့အထီဒၪဝ့ၫ, ဆၧဆၧၩ့လၧအဒုၭမဲၪထၪ့ဆၧ, ဒဲ ဆၧဆၧၩ့လၧအဒုၭၥၪထၪ့ဆၧ, ဘဲၫၥိၭနမိအၪ့ထုၫ့ကီၪ့ 15နဘုၪၥံၪဂူၫၥံၪ, ဒဲစဘံၭၥၪ, ဒဲနၥိၪလီၫ.- တၭယမိဖ့ၪ လၫ့နၪ့ၥံၪမံၩ့ၥံၪ လၧနဆၧပျၩ့ဖၧၩ့ လၧနဆၧဖိၪဆၧဎါ အဂးဘဲၫၥိၭနမိအၪ့ဆၧတၭ ဘျဲၩအၪ့လီၫ.
16ထီးလၩ့နၥံၪအၥၭ ဘဲၫၥိၭနၥံၪအၥၭ ထီးဘၪဆၧ အၪ့လီၫဝ့ၫ, ဒဲနၥံၪကၠၪပဲၩခွံၬနၥံၪအၥၭလဂ့ၩး ဒဲနၥံၪ ထီးမၩယွၩဂူၫဂၩလဖၪအဆၧ, ဒဲဘၩထၪ့ဝ့ၫနီၪလဂ့ၩ, 17အ့ၪမွဲဘဲၫနီၪတၭ ယဟိဝၩ အၥၭမိထၪ့ဘၪနၥံၪတၭ, မိကၭဘံၭထၬမူၭခိၪအတရၫ့ ဘဲၫၥိၭဆၧထီးဂဲၫဆၧၩ့ လၩ့ဘၪလဂ့ၩး ထံၫၥံၪခးၥံၪ ထီးၥၪထၪ့ အဆၧၥၪလ ဂ့ၩး တၭနၥံၪမိဂၭဂီၩ့ဘၪခိၬချဲၫ့ချံၭ လၧထံၫၥံၪခးၥံၪ အဂ့ၩအဖၧၩ့ လၧယဟိဝၩဖ့ၪလၫ့နၥံၪလီၫ.
18အခိးမွဲနၥံၪ ဘၪအီၪက့ၪကီၪ့ ယဆၧချဲၩ့ယီၩလၧ နၥံၪအၥၭဖၧၩ့, ဒဲနၥံၪအၥၭၡီၩ့အဖၧၩ့ ဒဲခဲးနၥံၪအစူၪ လၧအဝ့ၫၥံၪ ဘဲၫၥိၭအမိကဲၪထၪ့ ဘဲၫကွ့ၭနဲၪ့ဆၧအ 19ၥိၭ, လၧနၥံၪအမ့ၬၥၪအဘိၩ့ဆၧၩ့နီၪလီၫ.- တၭနၥံၪ ဘၪၥီၪ့လိၪဝ့ၫ လၧနၥံၪအဖိၪအလံၩ, ထီးနဆၧၫ့နၩ့လၧ နဂံၪ့ဖၧၩ့, ဒဲထီးနလ့ၩဆၧလၧဖၧၩ့ၥၭ, ဒဲထီးနမံၫနၩ့, ဒဲထီးနဂဲထုၪ့တၭ, နမိဘၪချဲၩ့ဆၧလၧ အဂဲးအကၠီၪ့နီၪ 20လီၫ.- တၭနမိဘၪကွ့ၭအဝ့ၫၥံၪ လၧနဂံၪ့အတရၫ့ထုၪ့ 21အလီၩ့, ဒဲလၧနတရၫ့အလီၩ့,- ဘဲၫၥိၭနၥံၪအမုနံၩလ ဖၪ, ဒဲနၥံၪအဖိၪအလံၩအမုနံၩလဖၪ လၧထံၫၥံၪခးၥံၪ အဖၧၩ့လၧယဟိဝၩ ဆိၪလၩ့အၥၭ လၧနၥံၪအဖါလ ဖၪလၧအမိဖ့ၪလၫ့ဝ့ၫနီၪ မိအၪထၪ့, ဘဲၫမူၭခိၪအမုနံၩ လဖၪလၧဂၪ့ခိၪအဖၫ့ခိၪအၥိၭနီၪလီၫ.
22အဂဲးဘဲၫယီၩ နၥံၪအ့ၪထီးန့တၡါ ဆၧမၪလူၬယီၩ ထီးအလူၬ လၧနၥံၪမိမၩဝ့ၫ, လၧနၥံၪမိဘၪအဲၪယဟိ ဝၩနၥံၪအယွၩ, လၧနၥံၪ မိဘၪဖိၬအဖၧၩ့ၥၭ ထီးအ 23လူၬ, ဒဲဖီၪ့ထၬအဝ့ၫဒၪတၭး- ထီးနီၪလဖၧၫ့ယဟိဝၩ မိနၫ့ထၪ့ခွံၬ ၦအဆၨၩထီးအလူၬနီၪ လၧနၥံၪအမ့ၬ ယၫတၭ, နၥံၪမိမၩန့ၦဆၨၩလဖၪ ဒိၪနဲၪ့ဆီၪ့နဲၪ့နၥံၪ 24အနၫ့ဆါဒၪနၥံၪဝ့ၫလီၫ.- ကယဲဆၧအလးလၧနၥံၪအ ခၪ့ယၫၥၭယဲးလၩ့နီၪ မိကဲၪထၪ့နၥံၪအဆၧလီၫ. လၧ ၡါမုနၧၫ့ဖၫ, ဒဲလ့ၭဘနၧၫ့, လၧထံၫမိၡါ, ထံၫမိၡါယုၫ ဖ့တံၫ, ဒဲဖိးလၧမၫဆမံၭလၧအထုၬနီၪ, နၥံၪအခးအ 25နဲၩ့ထံၭလဖၪမိအီၪဘၪလီၫ.- ၦၡၩဆၧၫ့ထုၪ့ဘၪလၧ နၥံၪအမ့ၬယၫ ၥ့ၪနးဂၩအ့ၬး ယဟိဝၩနၥံၪအယွၩမိ အီၪက့ၪဆၧၥၭမဲၪနၥံၪ, ဒဲမိအီၪက့ၪနၥံၪလၧဆၧၥၭမဲၪ အလးလၧကယဲခးအလး လၧနၥံၪမိယဲးဝ့ၫ လစီၪ့လါ လါနီၪ, ဘဲၫအစံၭနၥံၪအၥိၭနီၪလီၫ.
26ယိခွါ, လၧမုဆၫလနံၩယီၩ, ယအီၪက့ၪဆၧဆိၪဂ့ၩ, ဒဲဆၧဆိၪအၧၩ့ လၧနၥံၪအမ့ၬယၫလီၫ.
27နၥံၪအ့ၪခိၭနၪ ယဟိဝၩနၥံၪအယွၩ အဆၧမၪလူၬ လဖၪလၧယမၪလူၬနၥံၪ လၧမုဆၫလနံၩယီၩတၭး မွဲ 28ဆၧဆိၪဂ့ၩလီၫ.- နၥံၪအ့ၪလခိၭနၪဘၪယဟိဝၩနၥံၪ အယွၩအဆၧမၪလူၬလဖၪတၭ, အ့ၪကၠၪခွံၬ လၧဖၧၩ့ ၥၭလၧယမၪလူၬနၥံၪ လၧမုဆၫလနံၩယီၩ, ဘဲၫၥိၭနၥံၪ မိလ့ၩဖိၬယွၩအဂူၫဂၩလဖၪ လၧနၥံၪလၥ့ၪယၫဘၪဝ့ၫ အခဲၫ့တၭ, မွဲဆၧဆိၪအၧၩ့လီၫ.
29ထီးယဟိဝၩနယွၩ အ့ၪဒုၭလ့ၩနုၬနၧၩ လၧထံၫၥံၪခး ၥံၪအဖၧၩ့ လၧနလ့ၩမၩန့ဝ့ၫတၭ, ဆၧမိမၩအၥၭလၧ နမိဘၪအီၪက့ၪဆၧဆိၪဂ့ၩ လၧခိၪလီၩ့ဂ့ၫရဇံၫ့အလီၩ့ ဒဲဆၧဆိၪအၧၩ့ လၧခိၪလီၩ့အံဘလၭ အလီၩ့နီၪလီၫ. 30အဝ့ၫၥံၪ အီၪလၧထံၫယီၫဒၫ့ဝါလခီၫအဖၧၩ့ၥၭ ထီးမု လၩ့နုၬလၧၦကၫနအၫ့ဖိၪ အခးဖၧၩ့, လၧအအီၪလၧ ဆၧပျၩ့ဖၧၩ့, လၧဂံလဂၫလၭအမ့ၬယၫ ထီးမိရံၫအၥံၪ့ 31ထိၭဖၫနီၪ, လမွဲဘၪဧၪ.- အဂဲးဘဲၫယီၩနၥံၪမိခၫ့ဂၬ ယီၫဒၫ့, ဘဲၫၥိၭနၥံၪ မိလ့ၩနုၬမၩန့ ခးလၧယဟိဝၩ နၥံၪအယွၩဖ့ၪလၫ့နၥံၪတၭ, နၥံၪမိမၩန့ဝ့ၫ, ဒဲအီၪလၧ 32အဖၧၩ့လီၫ.- တၭနၥံၪဘၪထီးလၩ့နၥံၪအၥၭ ဘဲၫၥိၭ နၥံၪမိထီးန့ၥနိၫလဖၪ, ဒဲဆၧစ့ၩရၫ့လဖၪ လၧယအီၪ က့ၪလၧနၥံၪအမ့ၬယၫ လၧမုလနံၩယီၩလီၫ.
Currently Selected:
၅ မိ 11: pwokyn2
Highlight
Copy
Compare
Share
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
